თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: საგანგებო მდგომარეობა და ახალი რეალობა. „საქართველოში პოლიტიკური სპექტრი უკიდურესად პოლარიზებულია, ქვეყანა მუდმივი დაძაბულობებისა და პოლიტიკური ლეგიტიმაციის კრიზისის პირობებში იმყოფება. ამას ემატება წინასაარჩევნო გარემო და დაგეგმილი კონსტიტუციური ცვლილებებიც. მსგავსი ვითარება კი აჩენს რისკებს, რომ საგანგებო მდგომარეობა ხელისუფლების ხელში ასევე შეიძლება იყოს ვიწროპარტიული ინტერესების გატარების შესაძლებლობა“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. სამართლიანი არევნებისა და დემოკრატიის საერთაშორისო საზოგადოება (ISFED) აქვეყნებს ბლოგპოსტს: კრემლის 10 დეზინფორმაცია COVID-19-ის შესახებ საქართველოში. „კორონავირუსის ფონზე გააქტიურებული დისკრედიტაციისა და დეზინფორმაციის კოორდინირებული კამპანია მიუთითებს, რომ 2020 წლის საპარლამენტო არჩევნებისთვის ბოროტი აქტორები, როგორც ქვეყნის შიგნით, ასევე მის გარეთ, მძლავრ საინფორმაციო ქსელებს ხლართავდნენ. ამ ქსელების აქტიურად გამოყენება სავარაუდოდ საარჩევნო მიზენებისთვის იგეგმებოდა, თუმცა ამ ეტაპზე მათი გამოყენების ხელსაყრელი მომენტი COVID-19-თ გამოწვეული კრიზისი აღმოჩნდა“. სრულად... წყარო: isfed.ge

თბილისი. გაეცანით, ევროკავშირის ელჩის, კარლ ჰარცელის მიმართვას, თუ როგორ აფასებს იგი კოვიდ-19-ის წინააღმდეგ, საქართველოს ეფექტურ ძალისხმევას და მოუწოდებს ყველას გაუფრთხილდნენ ერთმანეთს. „ეხლა მე სახლიდან გესაუბრებით. დღეს ნამდვილად უპრეცედენტო პერიოდია როგორც საქართველოსთვის, ისე მთელი მსოფლიოსათვის. კორონა ვირუსით გამოწვეულმა პანდემიამ სამყარო თავდაყირა დააყენა. მინდა გამოვიყენო ეს შესაძლებლობა და აღფრთოვანება გამოვხატო სამედიცინო სფეროს მუშაკების, ექიმების, ექთნების, სამართალდამცველების, მესაზღვრეებისა და ყველა იმ ადამიანის მიმართ, რომელიც ამ დღეებში დაუღალავად შრომობს მოქალაქეთა უსაფრთხოებისათვის. ეს კრიზისი არამხოლოდ ადამიანების ჯანმრთელობას შეეხება, არამედ უდიდესი გამოწვევაა ეკონომიკისთვის. ჩემთვის დიდი პატივია, ვიმუშავო სხვა საერთაშორისო პარტნიორებთან ერთად – საქართველოს მთავრობის ხელმძღვანელობით – საჭიროებებისა და სამომავლო გზების გამოსავლენად. ევროკავშირი საქართველოს გვერდითაა. ევროკავშირი საქართველოს ყველაზე მსხვილი დონორი და ყველაზე ძლიერი პარტნიორია და ეს მომავალშიც გაგრძელდება...“ სრულად... წყარო: საქართველოში ევროკავშირის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, საქართველოში საგანგებო მდგომარეობის ვადის განმავლობაში ელექტრონული საქმისწარმოების, ადმინისტრაციული წარმოებისა და საჯარო ინფორმაციის გაცემის განსხვავებული წესები იმოქმედებს. სრულად... წყარო: idfi.ge

თბილისი. „ადამიანის უფლებების სწავლებისა და მონიტორინგის ცენტრი“ (EMC) ეხმიანება 2020 წლის 20 მარტს სინოდის მიერ მიღებულ დადგენილებას, რომელიც Covid 19 ვირუსის ეპიდემიასთან დაკავშირებით ეკლესიაში ღვთისმსახურების წესის უცვლელად დატოვების საკითხს უკავშირდება. ორგანიზაცია მიიჩნევს, რომ სინოდის ეს გადაწყვეტილება ეწინააღმდეგება მწვავე სოციალურ ინტერესებს და საჯარო წესრიგს. „საგანგებო მდგომარეობის შემოღების შესახებ მთავრობის დღევანდელი გადაწყვეტილება სავარაუდოდ საპატრიარქოს გუშინდელ გადაწყვეტილებაზე პოლიტიკური რეაქცია იყო. EMC მიიჩნევს, რომ სინოდის გადაწყვეტილება ვირუსის გავრცელების მასშტაბს და რისკებს სათანადოდ არ იაზრებს და უგულბელეყოფს ადამიანის სიცოცხლის, ჯანმრთელობის და უსართხოების დაცვის მაღალ საჯარო ინტერესებს, რაც ორგანიზაციის მხრიდან სოციალური პასუხისმგებლობის პრობლემას აჩვენებს და საჯარო წესრიგის დაცვის იდეასთან მოდის ღია წინააღმდეგობაში“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ჰელფინგ ჰენდი (Helping Hand) მადლობას უხდის მოქალაქეებს, რომლებიც უანგაროდ ეხმარებიან საქართველოში მოწყვლად ჯგუფებს, სოციალურად დაუცველ თუ სხვადასხვა საჭიროების მქონე ადამიანებს. „კორონა ვირუსის (COVID – 19) გავრცელების პრევენციისა და მართვის უზრუნველოყოფის პროცესში საზოგადოებამ კვლავ გამოიჩინა/იჩენს მაღალ სამოქალაქო პასუხისმგებლობას, უამრავი ადამიანი ჩაერთო მოხალისეობრივ საქმიანობაში. ამ ადამიანებს უნდა ვიცნობდეთ და მადლობა გადავუხადოთ“, ნათქვამია ორგანიზაციის გვერდზე სოციალურ ქსელში.  სრულად...  წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: რა უნდა ვიცოდეთ სამსახურიდან გათავისუფლების შემთხვევაში. „იმ შემთხვევაში თუ დაცულია ყველა ზემოთ ჩამოთვლილი წინაპირობა და მაინც არსებობს საქართველოს შრომის კოდექსის 37-ე მუხლის პირველი პუნქტის „ა“ ქვეპუნქტით თქვენი გათავისუფლების საფუძველი, დამსაქმებელი ვალდებულია:  1. 30 კალენდარული დღით ადრე წინასწარი წერილობითი შეტყობინების გამოგზავნით გაცნობოთ მოსალოდნელი გათავისუფლების თაობაზე და გადაგიხადოთ 1 თვის კომპენსაცია.  2. გაგაფრთხილოთ გათავისუფლების თაობაზე არანაკლებ 3 კალენდარული დღით ადრე წინასწარი წერილობითი შეტყობინების გამოგზავნით და გადაგიხადოთ კომპენსაცია  არანაკლებ 2 თვის შრომის ანაზღაურების ოდენობით. აღნიშნულის გათვალისწინებით თუ მიიჩნევთ რომ თქვენი უფლებები შეილახა, გაგათავისუფლეს სამსახურიდან უკანონოდ ან არ მოგეცათ შესაბამისი კომპენსაცია, უფლებამოსილი ხართ მიმართოთ სასამართლოს კანონით განსაზღვრული წესით“. სრულად... წყარო: gyla.ge

თბილისი. კორონა ვირუსთან დაკავშირებით შექმნილი მდგომარეობიდან გამომდინარე, ბანკები მომხმარებლებს სასესხო ვალდებულებებზე სამთვიან საშეღავათო პერიოდს სთავაზობენ. „თუ თქვენც მათ რიგებში ხართ, ვისაც ახალმა ინიციატივამ ბევრი კითხვა გაუჩინა და გიჭირთ გადაწყვეტილების მიღება, დაგვიკავშირდით ჩვენი ფეისბუქ გვერდის საშუალებით და მიიღეთ ინდივიდუალური კონსულტაცია ჩვენი ორგანიზაციის საბანკო პროდუქტების ექსპერტისგან“, ნათქვამია საზოგადოება და ბანკების გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვრივალობა საქართველო აქვეყნებს ბლოგპოსტს: რა უნდა ვიცოდეთ საგანგებო მდგომარეობის გამოცხადებაზე. „აუცილებლობის შემთხვევაში, დეკრეტით შესაძლოა, მოქალაქეებს შეუზღუდონ თავისუფალი გადაადგილების უფლება, აუკრძალონ თავიანთი საცხოვრებელი ადგილის ან სხვა ადგილსამყოფლის დატოვება სათანადო ნებართვის გარეშე. ასევე, შესაძლოა შემოიღონ კომენდანტის საათი, რა დროსაც მოქალაქეებს აკრძალული აქვთ ოფიციალურად გაცემული საშვებისა და მათი პირადობის დამადასტურებელი დოკუმენტების გარეშე იყვნენ ქუჩებში ან საზოგადოებრივი თავშეყრის სხვა ადგილებში, გამოვიდნენ თავიანთი ბინის ფარგლებს გარეთ“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. „ახალგაზრდა ადვოკატები“ სამართლებრივ შეფასებას აქვეყნებს: არის თუ არა საქართველოში შექმნილი ფორს-მაჟორი. „ფორს-მაჟორთან დაკავშირებულ პრობლემატიკას წარმოადგენს საქართველოს სამოქალაქო კოდექსში ტერმინის განმარტების არარსებობა. ფორს-მაჟორის ცნების განსაზღვრა, მთლიანად მხარეთა ნების ავტონომიაზეა მინდობილი. კიდევ ერთი პრობლემატური საკითხია ფარდობითობა, რაც ფორს-მაჟორს ახასიათებს. ერთი და იგივე გარემოება, ერთ შემთხვევაში, შეიძლება ფორს-მაჟორად იქნეს მიჩნეული, ხოლო მეორე შემთხვევაში - ჩვეულებრივ მოვლენად იქნეს განხილული. პრობლემატურია, აგრეთვე, ხელშეკრულების ბუნდოვანი დათქმები. ფორს-მაჟორი, იმ სამართლებრივ ინსტიტუტთა რიცხვს მიეკუთვნება, რომელთან დაკავშირებით, ხელშეკრულებაში არსებული დათქმა ზუსტი და ამავდროულად მოქნილი უნდა იყოს, რათა კონტრაჰენტებმა სასურველისგან საპირისპირო შედეგები არ მიიღონ. არა მარტო ფორს-მაჟორის დათქმის ხელშეკრულებაში ასახვისგან თავის შეკავება, არამედ დებულების არასწორი ფორმულირებაც მხარეებს ხშირად აყენებს პრობლემების წინაშე“. სრულად... წყარო: www.barristers.ge

თბილისი. კორონა ვირუსის გავრცელების პრევენციის მიზნით, ევროპის ფონდი მომდევნო ერთი კვირა მუშაობის დისტანციურ რეჟიმზე გადადის.  ფონდის თანამშრომლები ელექტრონულად გააგრძელებენ კომუნიკაციას, გრანტის მიმღებებთან, პარტნიორებთან თუ სხვა დაინტერესებულ პირებთან.  სრულად...  წყარო: http://www.epfound.ge

თბილისი. კორონავირუსის გავრცელების პრევენციისთვის, საქართველოს სახალხო დამცველის ოფისში სადეზინფექციო სამუშაოები ტარდება. ამის გამო, დღეს, 9 მარტს აპარატი მოქალაქეთა მიღებას ვერ შეძლებს.  სრულად...  წყარო: http://ombudsman.ge

თბილისი. კორონავირუსულ ინფექციასთან დაკავშირებული უსაფრთხოების ზომების გათვალისწინებით, ევროპის ფონდი, 6 მარტის საკონსულტაციო შეხვედრას ფონდის ოფისში აუქმებს.  კონსულტაციას ფონდი Facebook ლაივის მეშვეობით გაუწევს ყველა დაინტერესებულ პირს 15:00 საათიდან 17:00 საათამდე და დაინტერესებულ პირებს სთხოვს, მიადევნონ თვალყური ფონდის Facebook გვერდს შემდეგ ბმულზე: https://www.facebook.com/epfound.ge/  სრულად...  წყარო: http://www.epfound.ge

თბილისი. კორონავირუსის გავრცელების პრევენციისთვის, ღია საზოგადოების ფონდი სამუშაო რეჟიმს ცვლის.  „კორონავირუსული ინფექციის (COVID-19) გავრცელების საფრთხის თავიდან აცილების მიზნით და დაავადებათა კონტროლის ეროვნული ცენტრის რეკომენდაციის საფუძველზე, ღია საზოგადოების ფონდის ოფისი 5 მარტიდან 23 მარტამდე არასტანდარტული რეჟიმით იმუშავებს“, - ნათქვამია ორგანიზაციის მიერ გავრცელებულ განცხადებაში.  სრულად...  წყარო: ორგანიზაციის ვებგვერდი

თბილისი. 25 თებერვალს, ინფორმაციის თავისუფლების განვითარების ინსტიტუტის (IDFI) ორგანიზებითა და საზოგადოება „მემორიალთან“ თანამშრომლობით, საქართველოს პარლამენტში საბჭოთა ოკუპაციის 99 წლისთავთან დაკავშირებით გამოფენა გაიხსნა. „გამოფენაზე წარმოდგენილია სხვადასხვა საარქივო მასალა და ისტორია, რომელიც აღწერს 1921 წელს საქართველოში ბოლშევიკური, წითელი არმიის შემოსვლას, საბჭოთა ტერორს და კონკრეტული ადამიანების პირად ტრაგედიებს”. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის (საია) ინფორმაციით, ფინანსთა მინისტრი, ივანე მაჭავარიანი, კონსტიტუციას რეგულარულად არღვევს, რაც მისი იმპიჩმენტის საფუძველია. „24 თებერვლის დარგობრივი ეკონომიკისა და ეკონომიკური პოლიტიკის კომიტეტის სხდომაზე ფრაქციამ „დამოუკიდებელი დეპუტატები“ დაიბარა საქართველოს ფინანსთა მინისტრი ივანე მაჭავარიანი. ის სხდომაზე არ გამოცხადდა. კონსტიტუციის მიხედვით „მთავრობის წევრი [...] მოთხოვნის შემთხვევაში − ვალდებულია დაესწროს [...] კომიტეტის [...] სხდომებს, პასუხი გასცეს სხდომებზე დასმულ შეკითხვებს და წარმოადგინოს გაწეული საქმიანობის ანგარიში.“ სრულად... წყარო: gyla.ge

თბილისი. საია, პარასკეობით, 4-საათიან სამუშაო გრაფიკზე გადადის; ასევე, შუადღის შესვენებას 8-საათიან სამუშაო დღეში ჩათვლის. „საია ზრუნავს საკუთარი თანამშრომლების შრომითი პირობების გაუმჯობესებაზე და მიიჩნევს, რომ ეს გუნდის პროდუქტიულობასა და მოტივაციას გაზრდის, რათა კიდევ უფრო უკეთ შევძლოთ თქვენი უფლებების დაცვა“, - ნათქვამია ორგანიზაციის გვერდზე გაკეთებულ განცხადებაში. სრულად...  წყარო: გვერდი სოციალურ ქსელში

2020 წლის 21 თებერვალს ადამიანის უფლებათა ეროვნული ინსტიტუტების ევროპულმა ქსელმა (ENNHRI) და მისმა პარტნიორმა ორგანიზაციებმა საქართველოს სახალხო დამცველის მხარდამჭერი განცხადება გაავრცელეს. განცხადებაში საერთაშორისო ორგანიზაციები სახელმწიფოს მიერ საქართველოს სახალხო დამცველის ციხეში ვიზიტის კონფიდენციალობის დარღვევისა და მის თანმდევ თავდასხმის ფაქტებს ეხმაურებიან და მოუწოდებენ საქართველოს სახელმწიფოს სწრაფად და სრულყოფილად გამოიძიოს ეს შემთხვევები.  სრულად...  წყარო: http://ombudsman.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ერთობლივ განცხადებას, რომლითაც ორგანიზაციები შუქრუთსა და ითხვისში არსებულ კრიზისს ეხმიანებიან. „ჭიათურის მუნიციპალიტეტის სოფელ შუქრუთში შპს „ჯორჯიან მანგანეზთან” ადგილობრივების დაპირისპირება კვლავ განახლდა. 23 თებერვალს მაღაროს ბლოკირება დაიწყო სოფელ ითხვისშიც, სადაც ადგილობრივები, შუქრუთელების მსგავსად, თავისი საცხოვრებელი სახლების, დამხმარე ნაგებობებისა და სასოფლო-სამეურენო მიწების დაზიანებას მაღაროს ფუნქციონირებას უკავშირებენ და ჯორჯიან მანგანეზისგან მიყენებული ზიანის ანაზღაურებას ითხოვენ. შექმნილ ვითარებაში, მნიშვნელოვანია, სახელმწიფომ გაიაზროს შუქრუთსა და ითხვისში არსებული კრიზისული ვითარება, იტვირთოს აქტიური როლი და აღმოფხვრას ის სოციალური და ეკოლოგიური კატასტროფა, რომლის წინაშეც ადგილობრივი მოსახლეობა დაუცველი რჩება“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: ცვლილებები მდგრადი განვითარების მიზნების უწყებათაშორისო საბჭოს საქმიანობის რეგულირებაში. „23 იანვარს, საქართველოს პრემიერ-მინისტრის ბრძანებით დამტკიცდა მდგრადი განვითარების მიზნების უწყებათაშორისო საბჭოს დებულება. დებულებაში ახლებურად არის ჩამოყალიბებული საბჭოს დაკომპლექტებისა და საქმიანობის რიგი საკითხები. მათ შორის გათვალისწინებულია ის შენიშვნები და რეკომენდაციები, რომლებზეც IDFI გასულ წლებში მიუთითებდა. მიუხედავად აღნიშნულისა, კვლავაც რჩება გამოწვევები ისეთი მიმართულებებით, როგორიც არის საბჭოს სამუშაო ჯგუფთა დაკომპლექტება, საბჭოსა და სამუშაო ჯგუფთა საქმიანობის გამჭვირვალობა, მდგრადი განვითარების მიზნების ნაციონალიზაციის პროცესში ბიზნეს სექტორის ჩართულობა და საზოგადოებრივი ცნობიერების ამაღლება მდგრადი განვითარების მიზნებზე“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: ხელისუფლება საპატრიარქოსთვის უძრავი ქონების გადაცემას აგრძელებს. „მთავრობა, ლეგიტიმური საჯარო მიზნის გარეშე, აგრძელებს საპატრიარქოსთვის ფინანსური და მატერიალური რესურსების გადაცემის პრაქტიკას. სახელმწიფო ქონების ეროვნული სააგენტოსგან მიღებული ინფორმაციის თანახმად, 2019 წელს ხელისუფლებამ საქართველოს მართლმადიდებელ ეკლესიას 100 670 კვადრატული მეტრი მიწის ნაკვეთი გადასცა. აღსანიშნავია, რომ საპატრიარქოს ყველაზე მეტი მიწის ნაკვეთი გადაეცა ხელვაჩაურის მუნიციპალიტეტში, სადაც მოსახლეობის 56% პროცენტი მუსლიმია“, ნათქვამია ორგანიზაციის ვებგვერდზე. სრულად... წყარო: emc.org.ge

სსო-ებს და გადასახადის გადამხდელად რეგისტრირებულ ფიზიკურ პირებს, მიმდინარე თვის ბოლომდე, ევალებათ გადამხდელის საინფორმაციო ბარათის შევსება rs.ge-ზე.  საინფორმაციო ბარათის შეუვსებლობის შემთხვევაში, გათვალისწინებულია სანქციები.  გთხოვთ, ეწვიოთ rs.ge -ს და გაეცნოთ შეტყობინებას საიტზე.  https://www.rs.ge//