თბილისი. საქართველოს ჟურნალისტური ეთიკის ქარტია გმობს 8 ივლისის პრესკონფერენციაზე მომხდარს და მიიჩნევს, რომ დაუშვებელია ჟურნალისტისთვის პროფესიულ საქმიანობაში ხელის შეშლა. ქარტია მოუწოდებს როგორც საჯარო მოხელეებს, ისე არასამთავრობო ორგანიზაციებსა და კერძო პირებს, თავი შეიკავონ ჟურნალისტების შეურაცხყოფისგან, მაქსიმალურად უზრუნველყონ მედიისთვის მუშაობის კანონიერი უფლება. ამასთან, პრესკონფერენციებისა და შეხვედრების ორგანიზატორებმა მაქსიმალურად უნდა შეუწყონ ხელი ჟურნალისტებს მათი პროფესიული საქმიანობის განხორციელებაში. სრულად წყარო: qartia.org.ge

თბილისი. 9 ივლისს გაიმართა ოფიციალური შეხვედრა საქართველოს მცირე და საშუალო საწარმოთა ასოციაციის (GSMEA) საგადასახადო კომიტეტის წევრებსა და ფინანსთა სამინისტროს საგადასახადო პოლიტიკის დეპარტამენტის უფროს მამუკა ბარათაშვილს შორის. შეხვედრას ასევე ესწრებოდნენ შემოსავლების სამსახურის წარმომადგენლები. შეხვედრაზე მოხდა საზოგადოებრივი კვების ობიექტებისთვის სასაქონლო მატერიალური ფასეულობების ჩამოწერის გამარტივებული მოდელის განხილვა, რომელიც GSMEA საგადასახადო კომიტეტის მიერ იქნა შემუშავებული. წყარო: gsmea.ge

შიდა ქართლი. გაეროს ქალთა ორგანიზაციის ინიციატივით გორის მუნიციპალიტეტის სხოდამათა დარბაზში საქართველოს რეგიონული განვითარებისა და ინფრასტრუქტურის მინისტრმა რეგიონის მოსახლეობისთვის დამახასიათებელი პრობლემები მოისმინა. შეხვედრას ის პირები ესწრებოდნენ, რომლებიც ამა თუ იმ პრობლემურ საკითხს კარგად იცნობენ და ზოგიერთ მათგანს თავადაც აწუხებს. დევნილ და საზღვრისპირა სოფლებში მცხოვრებ ადამიანებთან ერთად დამსწრე საზოგადოებას შეხვედრის  ინიციატორები, ადგილობრივი ხელისუფლების სამოქალაქო საზოგადოების წარმომადგენლები და ქალთა უფლებების დამცველები ორგანიზაციები შადგენდნენ.  როგორც შეხვედრიდან გახდა ცნობილი, ინფრასტრუქტურულ საკითხებთან დაკავშირებით პრობლემები განსაკუთრებით დევნილებსა და კონფლიქტის ზონაში მაცხოვრებლებს აწუხებთ. დამსწრე საზოგადოებამ ყურადღება გაამახვილა ასევე ამ კონტექსტში  ქალების საჭიროებებსა და მათ პრობლემებზე. წყარო:ginsc.net

10 ივლისს, 19:00 საათზე, საქართველოს ახალგაზრდა იურისტთა ასოციაცია სოფლის მეურნეობის სამინისტროს საქმესთან დაკავშირებით პრესკონფერენციას გამართავს. მისამართი: თბილისი, ჯ. კახიძის 15, საიას ოფისი 

თბილისი. ინფორმაციის თავისუფლების განვითარების ინსტიტუტმა –„ სასამართლო განაჩენები ციხეში წამების ფაქტებზე" – გამოაქვეყნა. 1 ივლისს განცხადებით მიმართა თბილისის საქალაქო სასამართლოს და მოითხოვა 2012 წლის 1 ოქტომბრიდან განცხადების მიღების მომენტამდე თბილისის საქალაქო  სასამართლოს მიერ სისხლის სამართლის კოდექსის 1441 (წამება) და 1443 (დამამცირებელი ან არაადამიანური მოპყრობა) მუხლებით განხილული საქმეების ოდენობა და მიღებული გადაწყვეტილებების (განაჩენის) ასლები. „მოწოდებული ინფორმაციის თანახმად, 2012 წლის 1 ოქტომბრიდან დღემდე, თბილისის საქალაქო სასამართლოს მიერ სისხლის სამართლის კოდექსის 1441 და 1443  მუხლებით განხილული იქნა სულ ორი სისხლის სამართლის საქმე. თბილისის საქალაქო სასამართლომ განხილული საქმეების შესახებ მიღებული ორი გადაწყვეტილებიდან მოგვაწოდა მხოლოდ ერთი გადაწყვეტილება, პერსონალური მონაცემების გარეშე – დაშტრიხული სახით. სასამართლოს მიერ მეორე გადაწყვეტილების მოწოდებაზე უარის თქმის საფუძველს წარმოადგენდა სისხლის სამართლის საქმის განხილვა დახურულ სხდომაზე, რის გამოც თბილისის საქალაქო სასამართლომ  უარი თქვა მოეწოდებინა დახურულ სასამართლო სხდომაზე დადგენილი განაჩენის ასლი პროცესის მონაწილე პირთა უფლებების დაცვისა და სახელმწიფო, პროფესიულ, პირად ან კომერციულ საიდუმლოებას მიკუთვნებული ინფორმაციის გახმაურების თავიდან აცილების მიზნით", ნათქვამია ორგანმიზაციის ვებ–გვერდზე. სრულად წყარო: opendatablog.wordpress.com

თბილისი. 13 ივლისს, საქართველოს ახალგაზრდული პარლამენტის ჯანმრთელობის დაცვისა და სოციალურ საკითხთა კომიტეტის ორგანიზებით ეწყობა საჯარი დისკუსია ნარკოტიკული საშუალების დეზომორფინის - იგივე "კრაკადილის" შესახებ. დისკუსიაში მონაწილეობას მიიღებენ ექსპერტები, ნარკოლოგები და სხვა კომპეტენტური პირები. მონაწილეებს შეეძლებათ მათთვის საინტერესო კითხვების დასმა და მათზე პასუხების მიღება. დისკუსიის განმავლობაში ასევე წარმოდგენილი იქნება საქართველოს ახალგაზრდული პარლამენტის ჯანმრთელობის დაცვისა და სოციალურ საკითხთა კომიტეტის ჩატარებული კვლევა. მოცემული საჯარო დისკუსიის მიზანია საზოგადოების ინფორმირება (წარმოდგენილი იქნება სხვადასხვა სახის ვიზუალური მასალა) დეზომორფინის („კრაკადილი") და იმ საფრთხეების შესახებ, რაც დღეს რეალურად არსებობს ჩვენს ქვეყანაში. დისკუსიაზე დასწრება ნებისმიერ მსურველს შეუძლია. სრულად

თბილისი. საერთაშორისო გამჭვირვალობა – საქართველო აგრძელებს 2007-2012 წლებში სახელმწიფო ქონების პირდაპირი მიყიდვის წესით სიმბოლურ ფასად გასხვისების შემთხვევების შესწავლას. ორგანიზაციამ ბლოგპოსტი – „ვის გადაეცა სიმბოლურ ერთ ლარად ქონება ბათუმში, აჭარაში ქონების გასხვისება 1 ლარად (ნაწილი მეორე), ერთ ლარად გაცემული ქონება - პრობლემატური ტენდენციები)" - გამოაქვეყნა .  სრულად  წყარო: transparency.ge

თბილისი. „იდენტობა" მომავალი სასწავლო წლიდან სტუდენტებისთვის ახალ პროექტს ამზადებს. პროექტი – „ლგბტ მგრძნობელობის ამაღლება სტუდენტებში" 20 000 აშშ დოლარით ამერიკის შეერთებული შტატების საელჩოს დემოკრატიის კომისიის მცირე გრანტების პროგრამის ფარგლებში დაფინანსდა. პროექტის მიზანია იმ სტუდენტებში, რომელთა პროფესიაც მოიცავს ლგბტ ადამიანებთან ურთიერთობას, ლგბტ საკითხებში ცოდნის დონისა და მგრძნობელობის ამაღლება. პროექტი ითვალისწინებს ხუთი პროფესიის სტუდენტებთან (ფსიქოლოგია, სამართალი, სოციალური სამუშაო, სამედიცინო, ჟურნალისტიკა) ინტენსიურ, სპეციფიკურად პროფესიულ ტრეინინგ მუშაობას.  გათვალისწინებულია ინტენსიური ლიდერთა სკოლა – 5-დღიანი ტრენინგები. პროექტი გულისხმობს სტუდენტებთან საჯარო შეხვედრებსა და ლექციებს, სადაც განხილული იქნება მათი პროფესიული საქმიანობისთვის აუცილებლად საჭირო გენდერისა და სექსუალობის საფუძვლები. წლის ბოლოს, ჩატარდება აკადემიური კონფერენცია ლგბტ საკითხებში, სადაც მონაწილეობას მიიღებს 15-დან 20 სტუდენტი. ისინი შექმნიან აკადემიურ ნაშრომებს იმ სფეროებში, რომელშიც ტრეინინგები გაიარეს. პროექტი დაიწყება სექტემბერში და დასრულდება მაისში. სრულად  წყარო: identoba.com

თბილისი. 10 ივლისს გამოვიდა ეკონომიკური პოლიტიკის კვლევის ცენტრის საჯარო პოლიტიკის მიმოხილვის მორიგი დოკუმენტი – „ფისკალური პოლიტიკის როლი ეკონომიკურ ზრდაში (სახელმწიფო ბიუჯეტის 6 თვის შესრულების მაჩვენებლები)". დოკუმენტი პასუხს სცემს კითხვებს: რამდენად აისახა ქვეყანაში არსებული სიტუაცია ეკონომიკის განვითარებასა და 2013 წლის ბიუჯეტის შესრულებაზე? რა გამოწვევების წინაშე დგას მთავრობა?  „2013 წლის 6 თვის მონაცემებით, სავარაუდოა, რომ სახელმწიფო ბიუჯეტს გადასახადების მუხლში 265 მლნ ლარზე მეტი დააკლდა და, აღნიშნული ტენდენციის გაგრძელების პირობებში, წლის დარჩენილ პერიოდში სახელმწიფო ბიუჯეტისათვის დაკლებული თანხა კიდევ უფრო გაიზრდება", ნათქვამია დოკუმენტში.  დოკუმენტი  წყარო: eprc.ge

თბილისი. ორგანიზაცია „მარიანის" ორგანიზებით 12 ივლისს თბილისის სახელმწიფო უნივერსიტეტში პოლონელი კულტუროლოგი, სოციოლოგი და ეთნოლოგი პროფესორი როიჩეკ ვურსტა ლექციას ჩაატარებს. თემა: „თანამედროვე კვლევის მეთოდოლოგია, მონაცემების შეგროვება და კონფიდენციალური ინფორმაციის შენახვა". ლექცია ასევე მოიცავს შეზღუდული შესაძლებლობის მქონე ადამიანების საჭიროებების კვლევის მეთოდოლოგიას.  ლექცია განკუთვნილია თემით დაინტერესებული მსმენელთათვის, დასწრება თავისუფალია. პროფესორი საქართველოში მოწვეულია პოლონურ ფონდ ''არი არის'' მიერ პოლონეთის საგარეო საქმეთა სამინისტროს დაფინანსებით. სრულად  წყარო:ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა გურჯაანისა და დედოფლისწყაროს მუნიციპალიტეტების გამგეობებიდან მიღებული ინფორმაცია გამოაქვეყნა. ვებგვერდზე განთავსდა დოკუმენტები ორგანიზაციის ბალანსის, პრემიების, სახელმწიფო შესყიდვების, საჯარო ინფორმაციის გაცემის ანგარიშების, ავტოპარკის, განთავისუფლებული თანამშრომლების შესახებ. ინფორმაცია გურჯაანის მუნიციპალიტეტის გამგეობიდან  ინფორმაცია დედოფლისწტაროს მუნიციპალიტეტის გამგეობიდან  წყარო: opendata.ge

კახეთი.  9 ივლისს, „სიდას" მიერ ორგანიზებული მედიატურის ფარგლებში ჟურნალისტებმა პირველი დღე კახეთში გაატარეს. მონაწილეებს საშუალება მიეცათ უშუალოდ გაცნობოდნენ რეგიონულ პრობლემატიკას და გამოეკითხათ რესპოდენტები. მედიატური 9–11 და 16–18 ივლისს გაიმართება, ტურის ორგანიზება ხდება „სამოქალაქო საზოგადოების რეგიონული ქსელის" წევრი არასამთავრობო ორგანიზაციების უშუალო მონაწილეობითა და დახმარებით. 20-მდე შერჩეული ჟურნალისტი პირველ კვირას მოინახულებს აღმოსავლეთ საქართველოს რეგიონებს.  წყარო:ორგანიზაციის გვერდი სოციალურ ქსელში

გურია. საზოგადოება „ბილიკის" ორგანიზებით „კავკასიის ქსელი ბავშვებისთვის" –ფარგლებში 1-7 ივლისს დაბა ურეკში საერთაშორისო მედია-ბანაკი მოეწყო. ბანაკში ახალგაზრდებს საქართველოდან, სომხეთიდან, აზერბაიჯანიდან და რუსეთის ფედერაციიდან სხვადასხვა პროფესიულ ტრენინგებთან და სამუშაო შეხვედრებთან ერთად არტ-თერაპიის, ეფექტური კომუნიკაციის და ტოლერანტობის ტრენინგები ჩაუტარდათ. ერთმანეთის კულტურის და ტრადიციების უკეთ გაცნობის მიზნით მოეწყო ქვეყნების პრეზენტაცია, შეიმუშავეს „კავკასიის ქსელი ბავშვებისთვის" ლოგო, ბანაკის ბოლო დღეს კი ბათუმში ფლეშმობი გაიმართა, რომელში 60 მოზარდი მონაწილეობდა საქართველოდან, სომხეთიდან, აზერბაიჯანიდან, ჩეჩნეთიდან, ჩრდილო ოსეთიდან, ინგუშეთიდან და სტავროპოლიდან.  წყარო:ორგანზიაციის გვერდი სოციალურ ქსელში

10 ივლისს, 13:00 საათზე, სამართლიანი არჩევნები გამართავს საარჩევნო საკანონმდებლო ცვლილებების პაკეტის შესახებ შეხვედრას. მისამართი: ბათუმი, ფარნვაზ მეფის 62-64, დემოკრატიული ჩართულობის ცენტრი

10 ივლისს, 11:00 საათზე სახალხო დამცველთან არსებული ტოლერანტობის საბჭო მართავს დისკუსიას თემაზე: „უმცირესობების უფლებები". მისამართი: ბათუმი, მაზნიაშვილის ქუჩა 9, საქართველოს სახალხო დამცველის ბათუმის ოფისი

თბილისი. 8 ივლისს სასტუმრო „რედისონში" ფონდ „ღია საზოგადოება – საქართველოს ორგანიზებით" იუსტიციის სამინისტრომ სამოქალაქო საზოგადოების წარმომადგენლებისთვის ანტიდისკრიმინაციული კანონის პროექტის პრეზენტაცია გამართა. კანონპროექტის მიზანია უკვე არსებული უფლებებით სარგებლობისას დისკრიმინაციის აღმოფხვრა და კანონის წინაშე ყველას თანასწორობის უზრუნველყოფა.   კანონპროექტი ითვალისწინებს დისკრიმინაციის პრევენციასაც, კერძოდ, დისკრიმინაციული ნორმების გაუქმებას და დისკრიმინაციის ფორმებისა და მათგან დაცვის საშუალებების შესახებ ცნობიერების ამაღლებას. ანტიდისკრიმინაციული კანონპროექტის თანახმად, პარლამენტი ირჩევს თანასწორობის დაცვის ინსპექტორს. მისი პასუხისმგებლობა იქნება კონკრეტული განცხადებებისა და მიმართვის შესწავლა, ასევე, საკანონმდებლო წინადადებების შემუშავება, დისკრიმინაციის კუთხით ქვეყანაში არსებული ვითარების მონიტორინგი, საზოგადოებრივი ცნობიერების ამაღლებაზე ზრუნვა და სხვა. წყარო: osgf.ge

თბილისი. რა არის ღია მმართველობა და რა სარგებელი მოაქვს მას მთავრობისა და მოქალაქეებისთვის? საერთაშორისო გამჭვირვალობა – საქართველო წარმოგიდგენთ ვიდეოს, რომელიც აჩვენებს, თუ როგორ შეიძლება ღია მმართველობის განხორციელება პრაქტიკაში ადგილობრივ დონეზე სოფლის მოსახლეობისა და მუნიციპალიტეტის მონაწილეობით. ვიდეორგოლი შეიქმნა პროექტის „ღია მმართველობის პარტნიორობისკენ აღმოსავლეთ პარტნიორობის ქვეყნებსა და რუსეთში" ფარგლებში, რომელიც ხორციელდება „საერთაშორისო გამჭვირვალობა – საქართველოს" მიერ „საერთაშორისო გამჭვირვალობა – უკრაინასთან" თანამშრომლობით და ბრიტანეთის საგარეო საქმეთა სამინისტროს ფინანსური მხარდაჭერით. წყარო:ორგანიზაციის გვერდი სოციალურ ქსელში

დაიწყო რეგისტრაცია ევროპული კომისიის მიერ ორგანიზებული ვებინარზე რომლის მიზანია დაეხმაროს არასამთავრობო ორგანიზაციებს სწორად ჩამოაყალიბონ და გააკეთონ განაცხადი ევროპულ კომისიაში დაფინანსების/გრანტების მისაღებად. ვებინარი 11 ივლისს საქართველოს დროით 17:30 წუთზე დაიწყება. ვებინარი წყარო: fundsforngos.org

აჭარა. 9 ივლისს, ბათუმის დემოკრატიული ჩართულობის ცენტრის ორგანიზებით გაიმართა საჯარო შეხვედრა კირნათის ჰესის მშენებლობისა და მისი გარემოზე ზემოქმედების რისკების შესახებ. შეხვედრაზე მომხსენებლები იყვნენ - აჭარა ენერჯი 2007-ის საზოგადოებასთან ურთიერთბის სამსახურის უფროსი სოფო ვარშალომიძე, აჭარის გარემოს დაცვისა და ბუნებრივი რესურსების სამმართველოს ხელმძღვანელი ვახო წულაძე და არასამთავრო ორგანიზაცია „მწვანე ალტერნატივას" წარმომადგენელი დავით ჭიპაშვილი. აჭარ ენერჯი 2007 გეგმავს მდინარე ჭოროხის ბოლო 21 კმ. მონაკვეთზე, ხელვაჩაურის მუნიციპალიტეტის ტერიტორიაზე კალაპოტური ტიპის ჰიდროელექტროსადგურების კასკადის პროექტის განხორციელებას. აღნიშნულ ტერიტორიაზე მშენებლობა უკვე მიმდინარეობს, თუმცა საზოგადოებას და საზოგადოებრივი ორგანიზაციების წამრომადგენლებს აღნიშნულთან დაკვშირებით განსხვავებული აზრი აქვთ. შეხვედრაზე განხილულეს ჰესების მშენებლობის პროცესები და მასთან დაკავშირებული გარემოს დაბინძურების საკითხები სახელმწიფოსა და ინვესტორებს შორის დადებული ხელშეკრულების პირობები და პროექტის შედეგად სახელმწიფოს მიერ მიღბული ფინანსური სარგებელი. დისკუსიაში მონაწილეობდნენ სტუდენტები, მოქალაქეები, ადგილობრივი მთავრობის, თვითმმართველობის, უმაღლესი საბჭოს, საზოგადოებრივი ორგანიზაციებისა და მედიის წარმომადგენლები.

თბილისი. „ჰელფინგ ჰენდმა" მშვიდობის კოპრუსის მოხალისეების დახმარებით „მოხალისეთა ეფექტური მართვისა და მობილიზაციის მეთოდების სახელმძღვანელოზე" მუშაობა დაასრულა. უახლოეს მომავალში სახელმძღვანელო ქართულ ენაზე გამოიცემა და ის შესაძლებლობას მისცემს, როგორც ჰელფინგ ჰენდის, ასევე საქართველოში არსებულ სხვა არასამთავრობო ორგანიზაციებს გამოიყენონ გამოცდილება და უფრო ეფექტური გახადონ თავიანთ ორგანიზაციებში მოხალისეობის განვითარება. პროექტი ხორციელდება ევრაზიის თანამშრომლობის ფონდის მხარდაჭერით. წყარო:ორგანიზაციის გვერდი სოციალურ ქსელში

თბილისი. 7 და 8 ივლისს, CISV საქართველოს ოფისში საერთაშორისო ტრენერებმა, ტობიას ჰოფმანმა და ნიკოლ ოფერგელდმა, ქართველი ახალგაზრდა ლიდერებისთვის ტრენინგი ჩაატარეს. ღონისძიებაში მონაწილეობა CISV საქართველოს, EMT-სა და სიქას ახალგაზრდებმა მიიღეს. გერმანიისა და ნორვეგიის წარმომადგენლებმა ქართველ მონაწილეებს ტრენინგი ბანაკის დაგეგმვასა და ლიდერობის უნარ-ჩვევებში ჩაუტარეს, მონაწილეებმა თეორიულ ცოდნასთან ერთად აქტივობების დაგეგმვის პრაქტიკული გამოცდილებაც მიიღეს. ღონისძიების მიზანი იყო ქართველი ლიდერების მომზადება ახალგაზრდული შეხვედრისთვის, რომელიც 8-15 ივლისს, ბაკურიანში ჩატარდება. CISV საქართველოს ისტორიაში ეს პირველი ბანაკია, რომელიც საქართველოს ორგანიზებითა და CISV ნორვეგიის ფინანსური მხარდაჭერით ხორციელდება.

თბილისი. პროექტის  – ტრანსსასაზღვრო დეგრადაციის შემცირება მტკვარ-არაქსის აუზის ფარლგებში, კონფერენცია გაიმართა. შეხვედრის მთავარი თემა იყო – გენდერული მეინსტრიმინგი წყლის მართვის რესურსებში. შეხვედრას სამხრეთ კავკასიის ქვეყნების წარმომადგენლები ესწრებოდნენ. გამოცდილების ერთმანეთისათვის გაზიარება, გენდერული მეინსტრიმინგის განვითარება სამხრეთ კავკასიაში, გენდერი, ჯანდაცვასა და განათლებაში, როგორც გენერული მეინსტრიმინგის ნაწილი - ეს იმ თემათა მცირე ჩამონათვალია, რომელიც კონფერენციაზე განიხილეს. შეხვედრას საქართველოდან, აზერბაიჯანსა და სომხეთიდან, ექვს-ექვსი მონაწილე ესწრებოდა. კოფნერენციის დამსწრეები შეთანხმდნენ, რომ წყლის რესურსების მართვის მენეჯმენტში, გენდერული მეინსტრიმინგის განსავითარებლად, მეტი მუშაობაა საჭირო. წყარო: GINSC