13 ივლისს, 17:00 საათზე საკონსტიტუციო კომისიის წევრები  ბათუმში მოქმედ საზოგადოებრივ ორგანიზაციების წარმომადგენლებსა და ადგილობრივ მოსახლეობას შეხვდებიან. თემა: საკონსტიტუციო ცვლილებების სამი პროექტი. მისამართი: ბათუმი, რუსთაველის 28, სასტუმრო „შერატონის" საკონფერენციო დარბაზი საკონსტიტუციო ცვლილებების პროექტები

თბილისი. ინფორმაციის თავისუფლების განვითარების ინსტიტუტმა სტატია – „დისციპლინური პასუხისმგებლობა საჯარო სამსახურში" გამოაქვეყნა. სტატიის მიზანია საჯარო მოსამსახურეთა დისციპლინური პასუხისმგებლობის რეგულირების შედარებით-სამართლებრივი ანალიზი საქართველოს კანონმდებლობისა და საერთაშორისო პრაქტიკის საფუძველზე. სტატიაში განხილულია საჯარო მოსამსახურეთა დისციპლინური პასუხისმგებლობის მარეგულირებელი ნორმები გერმანიის, ლიტვის, სლოვაკეთის, ხორვატიისა, კანადისა და საქართველოს მაგალითზე. სრულად წყარო: idfi.ge

იმერეთი. 12 ივლისს, სამოქალაქო საზოგადოების ინსტიტუტმა არასამთავრობო ორგანიზაციებთან მორიგი სამუშაო შეხვედრა ქუთაისში გამართა. არასამთავრობო ორგანიზაციების ფინანსურ მდგრადობაზე ორგანიზაციის ექსპერტებმა იმერეთის რეგიონში მოქმედ არასამთავრობო ორგანიზაციების თხუთმეტ წარმომადგენელთან ისაუბრეს. სამუშაო შეხვედრები, რომელთა მიზანია ხელი შეუწყოს არასამთავრობო ორგანიზაციებს თანხების სხვადასხვა გზით მოძიებაში, სამი სესიისგან შედგება: ფილანტროპია და მოხალისეობა, გრანტები და სახელმწიფო დაფინანსება, სოციალური მეწარმეობა. სამოქალაქო საზოგადოების ინსტიტუტმა არასამთავრობო ორგანიზაციების წარმომადგენლებთან სამუშაო შეხვედრები გორში, ახალციხესა და თელავში გამართა.

13 ივლისს, 13:00 საათზე საქართველოს ახალგაზრდული პარლამენტის ჯანმრთელობის დაცვისა და სოციალურ საკითხთა კომიტეტის ორგანიზებით ეწყობა საჯარი დისკუსია ნარკოტიკული საშუალების დეზომორფინის - იგივე „კრაკადილის" შესახებ. მისამართი: თბილისი, ჭავჭავაძის 32, ილიას უნივერსიტეტის A კორპუსი, 101 აუდიტორია

13 ივლისს, 12:00–15:00 საათზე საქართველოს წითელი ჯვრის ორგანიზებით გაიმართება საქველმოქმედო აქცია. მისამართი: თბილისი, მთაწმინდის პარკი

გურია. 11 ივლისს ოზურგეთში, ახალგაზრდა პედაგოგთა კავშირის ოფისში, ცენტრალური წყალმომარაგების სისტემით მოწოდებული სასმელი წყლის ხარისხის შესახებ მომზადებული სიუჟეტის პრეზენტაცია გაიმართა. სიუჟეტის ჩვენების შემდეგ, ლიდერთა სკოლის მოსწავლეებმა წარმოადგინეს დებატი რეზოლუციაზე - „სახელმწიფომ სასმელი წყლის პრობლემა პრიორიტეტად უნდა წარმოადგინოს". წყარო ორგანიზაციის გვერდი სოციალურ ქსელში

თბილისი. საქართველოს კარიტატის სასწავლო ცენტრის ბაზაზე ტრენინგები ჩატარდა. ჩაფიძის სახელობის გადაუდებელი კარდიოლოგიის ცენტრის თანამშრომლებს  4 დღიანი ტრენინგი თემაზე ავადმყოფის მოვლის თავისებურებაზე გაიარეს.  წყარო:ორგანიზაციის გვერდი სოციალურ ქსელში

თბილისი. აშშ–ს ეროვნულ დემოკრატიულმა ინსტიტუტმა (NDI) წლის 12 ივლისს საზოგადოებრივი აზრის კვლევის შედეგები გამოაქვეყნა. კვლევა 2013 წლის ივნისში აშშ–ს ეროვნულ დემოკრატიული ინსტიტუტის დაკვეთით კავკასიის კვლევითი რესურსების ცენტრმა ჩაატარა. იგი მოიცავს ქვეყანაში მიმდინარე პოლიტიკურ მოვლენებზე საზოგადოების განწყობას. სრულად წყარო: civil.ge

თბილისი.არასამთავრობო ორგანიზაცია „რადარამი" უახლოეს მომავალში გამართავს ახალი თარგმანის  – „იშრომე ბევრი, იყავი კარგი" – პრეზენტაციას. იგი ეხება მასწავლებლებსა და განათლების პოლიტიკას. წყარო: ორგანიზაციის გვერდი სოციალურ ქსელში

შიდა ქართლი.11 ივლისს „სიდას" ინიციატივით, გაიმართა არასამთავრობო ორგანიზაციების პლათფორმის შეხვედრა. შეხვედრაში მონაწილეობას იღებდნენ იმ სამთავრობო და არასამთავრობო სექტორის წარმომადგენელი ორგანიზაციები, რომლებიც ახორციელებენ პროექტებს, როგორც სრულწლოვანი, ისე არასრულწლოვანი კანონთან კონფლიქტში მყოფი პირებისა და ყოფილი მსჯავრდებულებისათვის. წყარო:ორგანიზაციის გვერდი სოციალურ ქსელში

თბილისი. 17 ივლისს „აფხაზეთის ხმის" ეთერში ახალი გადაცემა „უსაფრთხო მოძრაობა" გავა. გადაცემა მთლიანად მიეძღვნება საგზაო უსაფრთხოების საკითხს. „უსაფრთხო მოძრაობა" მომზადდება ფონდის „პარტნიორობა საგზაო უსაფრთხოებისთვის" და რადიო „აფხაზეთის ხმის" თანამშრომლობით. გადაცემის „უსაფრთხო მოძრაობის" თემები შეირჩევა საგზაო უსაფრთხოების სფეროში განვითარებული აქტუალური მოვლენების მიხედვით. გადაცემის მსვლელობისას წარმოდგენილი იქნება სტატისტიკური ანალიზი და საინტერესო ცნობები. გადაცემას ეყოლება სტუმრები, ასევე პირდაპირ ეთერში გავა სატელეფონო ზარები, წამყვანები გაეცნობიან გადაცემის ოფიციალურ Facebook-ის გვერდზე მოწერილ კითხვებსა და მოსაზრებებს. გადაცემის „უსაფრთხო მოძრაობის" მიზანია მოხდეს საზოგადოებაში ცნოებიერების ამაღლება საგზაო უსაფრთხოების კუთხით. გადაცემა „უსაფრთხო მოძრაობა" რადიო „აფხაზეთის ხმის" FM 98.9-ის პირდაპირ ეთერში ოთხშაბათს გავა. ასევე მომზადება სატელევიზიო ვერსიაც. წყარო: cenn

იმერეთი. ქუთაისის განათლების განვითარების და დასაქმების ცენტრმა ბავშვთა უფლებების კონვენციის მეორე, მეექვსე და მეშვიდე მუხლებზე ვიდეო–რგოლები გაავრცელა. რგოლი შექმნილია იმერეთის სასკოლო სამოქალაქო კლუბების ინიციატივით, ქუთაისის განათლების განვითარების და დასაქმების ცენტრის მხარდაჭერით სამოქალაქო განათლებისა და პედაგოგთა გადამზადების პროგრამის ფარგლებში. პროგრამას ახორციელებს ამერიკული ორგანიზაცია PH International ამერიკის შეერთებული შტატების საერთაშორისო განვითარების სააგენტოს USAID დაფინანსებით. მეორე მუხლი  მეექვსე მუხლი  მეშვიდე მუხლი  წყარო:ორგანიზაციის გვერდი სოციალურ ქსელში

იმერეთი. 11 ივლისს საქართველოს ახალგაზრდული პარლამენტის გარემოს დაცვისა და ბუნებრივი რესურსების კომიტეტის ორგანიზებით ჩატარდა საჯარო შეხვედრა – „ჰესების მშენებლობა - ეკონომიკური სარგებელი თუ ეკოლოგიური საფრთხე". დისკუსია მიზანად ისახავდა გამოეკვეთა ჰესების მშენებლობასთან დაკავშირებული ეკოლოგიური საფრთხეები და ამავდროულად მისი ეკონომიკური სარგებელი, თუ რა შედეგი შეიძლება მიიღოს ქვეყანამ ჰესების აშენებით. ახალგაზრდული პარლამენტის მიერ ორგანიზებულ შეხვედრას ესწრებოდნენ ექსპერტებიც, რომლებმაც დამსწრეებს გაუზიარეს თავიანთი გამოცდილება და ისაუბრეს ჰესების მშენებლობის დადებით და უარყოფით მხარეებზე. საჯარო დისკუსია კითხვა– პასუხის რეჟიმში დაახლოებით 1 საათს გაგრძელდა. წყარო:ორგანიზაციის გვერდი სოციალურ ქსელში

სამცხე–ჯავახეთი.„დემოკრატ მესხთა კავშირის" ახალგაზრდული ჯგუფის წევრებმა საზაფხულო სკოლაში მიიღეს მონაწილეობა. ერთკვირიან ბანაკში, რომელიც დაბა ბაკურიანში გაიმართა, საქართველოს 13 ქალაქში მცხოვრებმა ახალგაზრდამ მიიღო მონაწილეობა. სკოლა ორგანიზებული იყო გაეროს ასოციაციის, პროგრამის "ეროვნული ინტეგრაციის გაძლიერება საქართველოში" ფარგლებში წყარო:ორგანიზაციის გვერდი სოციალურ ქსელში

შიდა ქართლი.ოქსფამის წარმომადგენლები ერგნეთში მცხოვრებ ქალებს შეხვდნენ. ქალთა საინფორმაციო ცენტრთან ერთად სტუმრობისას ორგანიზაციის წევრებმა საზღვრისპირა სოფელში ისაუბრეს ქალთა შესაძლებლობებისა და მათი როლის შესახებ პოლიტიკურ–საზოგადოებრივ პროცესებში. ერგნეთში გამართულ შეხვედრას კოალიცია - ქალთა პოლიტიკური ჩართულობისთვის ესწრებოდა, რომელთა წევრებიც ოქსფამის წარმომადგენლების შეკითხვებს პასუხობდნენ. წყარო:ginsc.net

თბილისი.საქართველოს წითელი ჯვრის საზოგადოება 13 ივლისს მთაწმინდის პარკში საქველმოქმედო აქციას – „Red Cross Weekend" – გამართავს. ღონისძიება სამი საათის მანძილზე გასტანს და პარკში მისულ სტუმრებს საშუალება ექნებათ მონაწილეობა მიიღონ საქართველოს წითელი ჯვრის საზოგადოების მიერ გამართულ საქველმოქმედო აქციაში, რომლის დროს შემოსული თანხა საქველმოქმედო პროექტების განხორციელებას მოხმარდება. მთაწმინდის პარკში პატარებს ექნებათ შესაძლებლობა დაესწრონ „ანიმაციური ჯგუფის" მიერ წარმოდგენილ პროგრამას, შეხვდნენ ზღაპრის გმირებს. სრულად წყარო:ორგანიზაციის გვერდი სოციალურ ქსელში

12 ივლისს 17:00 საათზე საქართველოს ახალგაზრდული პარლამენტის გარემოს დაცვისა და ბუნებრივი რესურსების კომიტეტის ორგანიზებით გაიმართება საჯარო შეხვედრა–დისკუსია. თემა:  „ჰესების მშენებლობა – ეკონომიკური სარგებელი თუ ეკოლოგიური საფრთხე". მისამართი: ბათუმი, ფარნავაზ მეფის 62–64, ბათუმის დემოკრატიული ჩართულობის ცენტრი

12 ივლისს, 12:00 საათზე  სამოქალაქო საზოგადოების ინსტიტუტის ორგანიზებით გაიმართება სამუშაო შეხვედრა. თემა: ბათუმის სტრატეგიული განვითარების საერთო ხედვა და ზოგადი მიზნები . მისამართი: ბათუმი, ფარნავაზ მეფის 62–64, ბათუმის დემოკრატიული ჩართულობის ცენტრი

12 ივლისს, 12:00 საათზე, ეთნიკური უმცირესობების საკითხებზე მომუშავე ჯგუფი გამართავს შეხვედრას, ადგილობრივი არასამთავრობო ორგანიზაციებისა და პოლიტიკური პარტიების წარმომადგენლებთან, ასევე, ადგილობრივ მოსახლეობასთან. მისამართი:მარნეული, სოფელი სადახლო კულტურის სახლი

12 ივლისს, 12:00 საათზე, ეროვნულ-დემოკრატიული ინსტიტუტი (NDI) ივნისში ჩატარებული საზოგადოებრივი აზრის კვლევის შედეგებს გამოაქვეყნებს. მისამართი:თბილისი, სასტუმრო ქორთიარდ მარიოტი

12 ივლისს, 11:30 საათზე, ათზე მეტი არასამთავრობო ორგანიზაცია შს მინისტრ ირაკლი ღარიბაშვილის წინააღმდეგ დაწყებულ კამპანიასთან დაკავშირებით პრესკონფერენციას გამართავს. მისამართი:თბილისი, პრაიმტაიმის პრესკლუბი

12 ივლისს 19:00 საათზე „ლიბერალიზმის სასწავლო ცენტრში" გაიმართება გიორგი თაბაგარის საჯარო ლექცია „ევროკავშირის საგარეო პოლიტიკა: დემოკრატია და ადამიანის უფლებები". მისამართი: თბილისი, კალისტრატე ცინცაძის 6–7, ჟურნალისტური ეთიკის ქარტია