თბილისი. ღია საზოგადოების ფონდის ინფორმაციით, უკრაინელი მოქალაქეების საცხოვრებლის უზრუნველყოფისთვის შექმნილ ფონდში, დაახლოებით 260 ათასი ლარი შეგროვდა. აქედან: ღია საზოგადოების ფონდის შემოწირულობა 150 ათასი ლარია; მოქალაქეთა შემოწირულობები კი 110 ათასი ლარი. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) სამართლებრივ დახმარებას უწევს „ბიზნეს მედია საქართველოს“ ჟურნალისტ, თელარა გელანტიას, საქართველოს მთავრობის მხრიდან მის მიმართ განხორციელებული შესაძლო დისკრიმინაციული ფაქტის დადგენის საქმეზე. „საქართველოს მთავრობის ადმინისტრაციის მიერ ჟურნალისტის მიმართ არათანასწორი მოპყრობა მედიის მიმართ იმ უარყოფითი დამოკიდებულების მორიგი გამოხატულებაა რაც, ბოლო წლების განმავლობაში განსაკუთრებით შეიმჩნევა ხელისუფლების წარმომადგენლების მხრიდან“. სრულად... წყარო: idfi.ge

თბილისი. სოციალური სამართლიანობის ცენტრი წინამდებარე სტატიაში წარმოგიდგენთ ინტერვიუს აფხაზ საზოგადო მოღვაწესთან და სამოქალაქო აქტივისტთან, რომლის ვინაობასაც ორგანიზაცია კონფიდენციალურად ტოვებს. „ეს სიფრთხილე შედეგია იმ მძიმე რეალობისა, რომლის წინაშეც დღეს აფხაზური სამოქალაქო აქტორები დგანან. რუსეთის გავლენის ქვეშ მოქმედი ადგილობრივი საგარეო საქმეთა მინისტრი რეგულარულად ზრდის კონტროლს აფხაზურ სამოქალაქო ორგანიზაციებზე და თითქმის შეუძლებელს ხდის დამოუკიდებელი სამოქალაქო ორგანიზაციების არსებობას“. სრულად... წყარო: socialjustice.org.ge

თბილისი. ღირსეული შრომის პლატფორმა ეხმაურება თუმანიშვილის თეატრში განხორციელებულ რეორგანიზაციასა და თეატრში დღესდღეობით არსებულ შრომით პირობებს, რომელიც უხეშად არღვევს შრომით კანონმდებლობას და უგულებელყოფს თეატრში დასაქმებულთა ინტერესებს. ასევე, პლატფორმა სოლიდარობას უცხადებს დამოუკიდებელი პროფესიული კავშირის გილდიას. ბრძოლას თეატრში შრომითი უფლებების დასაცავად. თეატრში პრობლემაა: მიმდინარე გაუმჭვირვალე და დაუსაბუთებელი რეორგანიზაციის პროცესი; კადრების შემცირება/შტატგარეშე პოზიციაზე გადაყვანა; არათანაბარი შრომითი ანაზღაურება/ხელფასის შემცირება; მოკლევადიანი უკანონო შრომითი ხელშეკრულებები. სრულად... წყარო: shroma.ge

სამცხე-ჯავახეთი. ახალციხეში ბავშვის უფლებათა კვირეული გაეროს ბავშვთა ფონდის წარმომადგენლის, ღასან ხალილის საჯარო ლექციით გაიხსნა. გაეროს ბავშვთა ფონდის ინფორმაციით, კვირეულის ფარგლებში ორგანიზაცია რამდენიმე ღონისძიებას გამართავს სამცხე-ჯავახეთის რეგიონში ბავშვის უფლებების პოპულარიზების მიზნით. მოწვეული ელჩები, 16 ქვეყნისა და საერთაშორისო ორგანიზაციის წარმომადგენლები  დისკუსიაში ჩაერთვებიან ადგილობრივ ახალგაზრდებთან, პედაგოგებთან, სამედიცინო პროფესიონალებთან და რელიგიურ ლიდერებთან. სრულად... წყარო: ორგანიზაციის გვერდი სოციალურ ქსელში

20 სექტემბერს, 16:00 საათზე, „თავისუფალ ჟურნალისტთა სახლი“ გიწვევთ ახალი პროექტის ონლაინ-პრეზენტაციაზე, რომელიც 16:00 საათზე, Zoom პლატფორმაზე დაიწყება. სრულად...

თბილისი. „ვინ შეჭამა ფეიქი?“ - ასე ჰქვია ახალ ონლაინ გადაცემას, რომელიც ახალგაზრდულ პლატფორმებზე Davita.Official და Imitom.ge-ზე შეგიძლიათ იხილოთ. პირველი ეპიზოდი... მეორე ეპიზოდი... გადაცემა მომზადებულია გაეროს ბავშვთა ფონდისა და DemLab-ის მიერ, USAID/Georgia-ს მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. საქართველოსა და სომხეთის საზღვრისპირა რეგიონებში მცხოვრებ 36 ახალგაზრდა სოციალურ მეწარმეს ბიზნეს უნარების გაუმჯობესების შესაძლებლობა ჰქონდა. სრულად... წყარო: ორგანიზაციის გვერდი სოციალურ ქსელში

თბილისი. USAID-მა, UNICEF-მა, მედიის განვითარების ფონდმა და DemocracyLab-მა გადაამზადეს 600 ახალგაზრდა და 200 მასწავლებელი, რომლებიც შეძლებენ COVID-19-ის შესახებ დეზინფორმაციის იდენტიფიცირებას და ამ ცოდნას მეგობრებსაც გაუზიარებენ. სრულად... წყარო: ორგანიზაციის გვერდი სოციალურ ქსელში

სამეგრელო. საქართველოს 21 მუნიციპალიტეტში არსებული ახალგაზრდული საბჭოს მონაწილეები, ახალგაზრდული მრჩეველთა საბჭოს წევრები და მერიის ახალგაზრდული სამსახურის წარმომადგენლები ანაკლიის ახალგაზრდულ ბანაკში იღებენ მონაწილეობას. ტრენინგის მიზანია საქართველოში მოქმედი ახალგაზრდული საბჭოს წევრების გაძლიერება. ბანაკი საქართველოს გაეროს ასოციაციის, გაეროს განვითარების ფონდის (UNDP) საქართველოს, საერთაშორისო ორგანიზაცია World Vision -ისა და  საქართველოს წითელი ჯვრის საზოგადოების პარტნიორობით ხორციელდება. სრულად... წყარო: ორგანიზაციის გვერდი სოციალურ ქსელში

თბილისი. 16-18 სექტემბერს, „ფონდი ტასოს” ორგანიზებით, გაიმართა გაერთიანებული შეხვედრა სათემო მუშაკებისთვის. შეხვედრა ჩატარდა „ქალთა ეკონომიკური გაძლიერება სოციალური მობილიზაციისა და შესაძლებლობათა განვითარების გზით“ პროექტის მეორე ფაზის ფარგლებში. პროექტი ხორციელდება გაეროს ქალთა ორგანიზაციასთან, კახეთის რეგიონალური განვითარების ფონდსა და ქეა საერთაშორისო კავკასიაში პარტნიორობით. სრულად... წყარო: ორგანიზაციის გვერდი სოციალურ ქსელში

19 სექტემბერს, 18:00 საათზე, კავკასიის უნივერსიტეტის წიგნის მაღაზიაში „ლიბრარეა“ საჯარო ლექცია გაიმართება თემაზე „სოციალური მედია, როგორც პოლიტიკური გავლენის ინსტრუმენტი“. სრულად...

16 სექტემბერს, 16:00 საათზე, სოციალურ საწარმოთა ალიანსი სოციალური მეწარმეების პროდუქციის მაღაზია/შოურუმს გახსნის. მისამართი: თბილისი, ნატო ვაჩნაძის #7.

16 სექტემბერს 12:00 საათზე, სასტუმრო „თბილისი მარიოტში“ ევროპის მობილობის კვირეული კონფერენციით გაიხსნება, რომლის მთავარი გზავნილია „უკეთესი კავშირები“ (Better connections), რაც უკეთესად შეკავშირებულ ტრანსპორტს და პანდემიური იზოლაციის შემდეგ, ხალხის ერთმანეთთან უკეთ დაკავშირებას გულისხმობს.

16 სექტემბერს, 11:00 საათზე, „სოლიდარობის ქსელის“ პროფკავშირის 300-მდე ქცევითი თერაპევტი თბილისის მერ კახი კალაძეს მიმართავს შეხვედრის თხოვნით. მისამართი: თბილისის მერია, შარტავას 7

სამოქალაქო საზოგადოების ინსტიტუტი (CSI) იწყებს შეხვედრებს რეგიონებში საზოგადოებრივი ორგანიზაციების საგადასახადო გარემოს კვლევის შედეგებისა და საზოგადოებრივი ორგანიზაციებისთვის ფინანსური ანგარიშგების და საგადასახადო დაბეგვრის საკითხებზე გზამკვლევის გასაცნობად. შეხვედრის მიზანია დაინტერესებული მხარეები გაეცნონ კვლევის მიგნებებსა და შედეგებს, ასევე გზამკვლევში მიმოხილულ მნიშვნელოვან თეორიულ და პრაქტიკულ მაგალითებს და მონაწილეობა მიიღონ აღნიშნული საკითხის გარშემო გამართულ დისკუსიაში.  საზოგადოებრივი ორგანიზაციების საგადასახადო გარემოს კვლევის დოკუმენტში მიმოხილულია არასამეწარმეო (არაკომერციული) იურიდიული პირების დაბეგვრის თავისებურებები, გამოვლენილია საგადასახადო დაბეგვრასთან დაკავშირებით არსებული ძირითადი პრობლემები, შემუშავებულია საკანონმდებლო გარემოს გაუმჯობესებისა და ცვლილებების რეკომენდაციები.  გზამკვლევში „საზოგადოებრივი ორგანიზაციებისთვის ფინანსური ანგარიშგების და საგადასახადო დაბეგვრის საკითხებზე“ განხილულია საზოგადოებრივი ორგანიზაციების ფინანსური ანგარიშგების თეორიისა და პრაქტიკის საფუძვლები, დეტალურად გაანალიზებულია ორგანიზაციების საგადასახადო დაბეგვრის მნიშვნელოვანი ქეისები, რომლებიც გაანალიზებულია პრაქტიკული მაგალითების ჭრილში, მოცემულია რეკომენდაციები საზოგადოებრივი ორგანიზაციების ფინანსური და საგადასახადო რისკების ეფექტიანი მართვისათვის.  შეხვედრების განრიგი: 16 სექტემბერი – მარნეული. 19 სექტემბერი – გორი. 20 სექტემბერი – ახალციხე. 28 სექტემბერი – თელავი. 17 ოქტომბერი – ქუთაისი. 18 ოქტომბერი – ზუგდიდი. 19 ოქტომბერი – ოზურგეთი. 20 ოქტომბერი – ბათუმი. შეხვედრას მართავს სამოქალაქო საზოგადოების ინსტიტუტი (CSI), ევროკავშირისა და კონრად ადენაუერის ფონდის მიერ დაფინანსებული პროექტის - „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ - ფარგლებში. ინიციატივის მიზანია გააძლიეროს სამოქალაქო საზოგადოება, როგორც დამოუკიდებელი, მდგრადი, გამჭვირვალე და ანგარიშვალდებული აქტორი მთელი საქართველოს მასშტაბით. პროექტის ამოცანებს შორის არის საქართველოში სამოქალაქო საზოგადოების მდგრადი განვითარებისთვის საჭირო სამართლებრივი და ფინანსური გარემოს გაუმჯობესება. დამატებითი ინფორმაციისთვის მიმართეთ: 579 13 52 92

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. ხელმომწერი ორგანიზაციები მოითხოვენ რომ ხელისუფლების წარმომადგენლებმა შეწყვიტონ არასამთავრობო ორგანიზაციებზე თავდასხმები და მათი შევიწროება; გააძლიერონ სამოქალაქო სექტორის, მათ შორის მისი კრიტიკულად განწყობილი ნაწილის მონაწილეობა გადაწყვეტილების მიღების პროცესში და აწარმოონ მათთან ჯანსაღი დისკუსია და დიალოგი. ასევე, უზრუნველყონ სამოქალაქო საზოგადოებრივი ორგანიზაციების და უფლებადამცველების საქმიანობისთვის უსაფრთხო და თავისუფალი გარემოს არსებობა, რაც გამოიხატება მათთვის საჯარო მხარდაჭერის გამოცხადებით, ასევე მათ წინააღმდეგ ჩადენილი დანაშაულების ეფექტიანი გამოძიებით. განცხადების სრული ტექსტი ქართულ ენაზე...  წყარო: hrht.ge

გურია. 10-12 სექტემბერს ჩატარდა ახალგაზრდული ტრენინგი „გენდერული როლები და სტერეოტიპები“. თუ გსურთ თქვენც მიიღოთ მონაწილეობა და გაიგოთ მეტი გენდერული თანასწორობის შესახებ, გაიარეთ რეგისტრაცია... მონაწილეებს, რომლებიც წარმატებით გაივლიან ტრენინგებს, შესაძლებლობა მიეცემათ მიიღონ დაფინანსება (500 ევრო) ადგილობრივი ინიციატივებისა და პროექტების განსახორციელებლად, რაც გენდერული თანასწორობის შესახებ ცნობიერების ამაღლებას, ქალების ეკონომიკურ გაძლიერებასა და პოლიტიკურ მონაწილეობას შეუწყობს ხელს. ახალგაზრდული ტრენინგები ხორციელდება „ქალების ძალა - ეკონომიკური და პოლიტიკური მონაწილეობა ინკლუზიური საზოგადოებისთვის საქართველოში“ პროექტის ფარგლებში, რომელსაც ახორციელებს საერთაშორისო ორგანიზაცია „ქალები საერთო მომავლისთვის (WECF Georgia)“ ადგილობრივ პარტნიორებთან თანამშრომლობით და ევროკავშირის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

15 სექტემბერს, 14:00 საათზე, ახალი სასწავლო წლის დაწყების აღსანიშნავად, World Vision საქართველო ბათუმის #20 საჯარო სკოლის 450 უკრაინელ მოსწავლეს სასკოლო ნივთებს გადასცემს.

თბილისი. ასოციაცია „ანიკასა“ და კომპანია „სქილვილ აკადემიას” შორის ურთიერთანამშრომლობის მემორანდუმი გაფორმდა. მემორანდუმი ითვალისწინებს ინფორმაციული ტექნოლოგიების სფეროში კვლევისა და სწავლების გაძლიერებასა და დასაქმების ხელშეწყობას. ორგანიზაციის თქმით, „სქილვილ აკადემიის” მიერ შემოთავაზებული პროგრამა დაამკვიდრებს ინკლუზიურ მიდგომას ტექნოლოგიურ სფეროში, შშმ პირებისათვის თანაბარი შესაძლებლობისა და პირობების შექმნას. სრულად...  წყარო: ორგანიზაციის გვერდი სოციალურ ქსელში

თბილისი. გაეცანით საქართველოს ახალგაზრდა იურისტთა ასოციაციის ანგარიშს „ხანდაზმულთა უფლებრივი მდგომარეობა საქართველოში“. საია ღია საზოგადოების ფონდის დაფინანსებით, ახორციელებდა პროექტს „ხანდაზმულთა უფლებების დაცვა და ხელშეწყობა“, რომლის ფარგლებშიც 60 წლის ზემოთ ასაკის 1200-ზე მეტ პირს გაეწია სამართლებრივი დახმარება. შედეგად, ხანდაზმულთა უფლებებთან დაკავშირებული არაერთი პრობლემა და აქტუალური საკითხი გამოიკვეთა. სრულად... წყარო: ორგანიზაციის გვერდი სოციალურ ქსელში