თბილისი. სოციალური სამართლიანობის ცენტრი გთავაზობთ ინტერვიუების ციკლის მორიგ ეპიზოდს - „ისტორია, მეხსიერება, პოლიტიკა“. ამ ციკლში მშვიდობის მშენებლებთან ერთად საუბარია ქართულ-აფხაზური და ქართულ-ოსური ურთიერთობებისა და ეთნოპოლიტიკური კონფლიქტების შესახებ. ორგანიზაცია დღევანდელ ეპიზოდში „მშვიდობისა და სამოქალაქო განვითარების ცენტრის“ დამფუძნებელს, ელიკო ბენდელიანს ესაუბრა. „უკრაინის ომმა თვალნათლივ დაგვანახა, რომ ომის შიში, რომელიც ორივე საზოგადოებას აქვს კონფლიქტის ორივე მხარეს, არის არა ეფემერული, არამედ რეალური. იმისთვის, რომ ჩვენ ერთი მხრივ, თავიდან ავირიდოთ ახალი შეიარაღებული დაპირისპირება, მეორე მხრივ, შევძლოთ მშვიდობიანად თანაცხოვრება, მნიშვნელოვანია, გვქონდეს მეტი დისკუსია და დიალოგი ერთმანეთთან“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აგრძელებს ინტერვიუების ციკლს „ისტორია, მეხსიერება, პოლიტიკა“ და მშვიდობის მშენებლებთან ერთად საუბრობს ქართულ-აფხაზური, ქართულ-ოსური ურთიერთობებისა და ეთნოპოლიტიკური კონფლიქტების შესახებ. რა არის ის ძირითადი კონცეფციები, რასაც დღეს მშვიდობის მშენებლობა ეფუძნება, როგორია დღევანდელი სამშვიდობო პოლიტიკა და როგორ იცვლებოდა კონფლიქტებთან მიმართებით ქართული, აფხაზური და ოსური მხარის პერსპექტივები - დღევანდელი ინტერვიუს სტუმარია ნაციონალიზმისა და კონფლიქტების კვლევის ინსტიტუტის თავმჯდომარე, ნინო კალანდარიშვილი.  სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი ვიდეოში გიყვებათ ორ ქალზე, ლია ჩლაჩიძეზე და ქეთი ბებიაშვილზე, რომლებსაც უმნიშვნელოვანესი წვლილი შეაქვთ მშვიდობის მშენებლობის პროცესში. „ქალბატონი ლია ერგნეთში, საოკუპაციო ხაზიდან 200 მეტრში ცხოვრობს. როგორც თავად ამბობს, ამ სოფელში ცხოვრება დენთის კასრზე ცხოვრებას ჰგავს, რადგან არასოდეს იცი, როდის რა მოხდება. ქეთი ბებიაშვილი კი გორში საიას ოფისს ხელმძღვანელობს და მნიშვნელოვან დახმარებას უწევს მათ შორის კონფლიქტით დაზარალებულ, საზღვრისპირას მცხოვრებ ქალებს. მისი თქმით, სულ უფრო ბუნდოვანი ხდება, რა ხედვა აქვს სახელმწიფოს ერთი მხრივ, ზოგადად სამშვიდობო პოლიტიკასთან დაკავშირებით და მეორე მხრივ კი, ადმინისტრაციულ საზღვართან ახლოს მცხოვრები მოსახლეობის საჭიროებებთან მიმართებით“. სრულად... წყარო: socialjustice.org.ge

თბილისი. სოციალური სამართლიანობის ცენტრი გიზიარებთ ახალ ანალიტიკურ დოკუმენტს, რომლის მიზანია წარმოადგინოს კონფლიქტების ტრანსფორმაციის მიმართულებით საქართველოში ევროკავშირის მიერ გამოყენებული მექანიზმების პირველადი ანალიზი და შეაფასოს მათი გამოყენების ეფექტიანობა საქართველოს კონტექსტში.  ასევე, შემოგვთავაზოს რეკომენდაციები და ხედვები, თუ როგორ შეიძლება ამ მექანიზმების გაძლიერება, საქართველოს განგრძობადი კონფლიქტების ტრანსფორმაციისა და კონფლიქტით დაზარალებული ყველა ჯგუფის უფლებრივი მდგომარეობის გასაუმჯობესებლად. სრულად... წყარო: socialjustice.org.ge

თბილისი. სოციალური სამართლიანობის ცენტრი აქვეყნებს 2022 წლის შეფასებას, რომელიც ეხება კონფლიქტების ტრანფორმაციასა და ადამიანის უფლებებს კონფლიქტის რეგიონებში. ორგანიზაციის შეფასებით, წელსაც კონფლიქტების ტრანსფორმაციის, ისევე როგორც კონფლიქტის რეგიონებში და გამყოფი ხაზის სოფლებში ადამიანის უფლებათა დაცვის მიმართულებით ხელშესახები პოზიტიური ცვლილებები არ გვქონია. ახალი გეოპოლიტიკური და პოლიტიკური კონტექსტები, რომელიც უკრაინაში რუსეთის ომის შემდეგ შეიქმნა, არ გამხდარა საქართველოს ხელისუფლებისთვის ოკუპაციისა და კონფლიქტების თემაზე არსებითად ახალი პოლიტიკის და ინიციატივების დაწყების საფუძველი. სრულად... წყარო: socialjustice.org.ge

თბილისი. სოციალური სამართლიანობის ცენტრი აქვეყნებს გაბრიელ ჩუბინიძის სტატიას - „ქართული და აფხაზური ნაციონალური პროექტები“. „1993 წლის 30 სექტემბერს, ქართულ აფხაზური კონფლიქტის ყველაზე სისხლიანი და ტრაგიკული ეპიზოდი დასრულდა. ომმა, ორივე მხრიდან ათასობით ადამიანი შეიწირა, სამასი ათასი დევნილად იქცა, განადგურდა ქალაქები და სოფლები, ხოლო ორი საზოგადოება, ქართული და აფხაზური, ბუნებრივი ბარიერით, მდინარე ენგურით, გაიყო დაპირისპირებულ ბანაკებად. ამ ორ ეთნიკურ ჯგუფს შორის, თითქმის მთელი საუკუნის განმავლობაში არსებულ კონფლიქტს, ცენტრალური ხელისუფლება, სხვადასხვა გზებით, მშვიდობიანად აგვარებდა. საბჭოთა კავშირის დასუსტებასთან ერთად, სუსტდებოდა ცენტრალური ხელისუფლებაც (როგორც მოსკოვში, ისე თბილისში), რის გამოც კონფლიქტი ახალ ფაზაში გადავიდა - გამოვიდა ვიწრო პარტიული თუ აკადემიური საუბრებიდან და საზოგადოებაში გადაინაცვლა. ქართულ და აფხაზურ ნაციონალიზმში მრავალი მსგავსებაა, მათ შორის ისიც, რომ ერთი-მეორეს არსებობას გამორიცხავს, რაც ავტომატურად წარმოშობდა კონფლიქტს“. სრულად... წყარო: socialjustice.org.ge

თბილისი. სოციალური სამართლიანობის ცენტრი აგრძელებს ინტერვიუების ციკლს „ისტორია, მეხსიერება, პოლიტიკა“ და მშვიდობის მშენებლებთან ერთად საუბრობს ქართულ-აფხაზური, ქართულ-ოსური ურთიერთობებისა და ეთნოპოლიტიკური კონფლიქტების შესახებ. დღევანდელი ეპიზოდის სტუმარია მიშა ჯახუა, „ბერგჰოფის“ ფონდის თანამშრომელი. ფონდის მიზანია ქართულ-აფხაზური კონფლიქტის კრიტიკულ გადააზრების და თემთა შორის დიალოგის ხელშეწყობა. ფონდის რწმენით, წარსულში მომხდარი ძალადობის გაგება და გაანალიზება არსებითია კონფლიქტის რეალური ნორმალიზაციისა და მშვიდობისათვის. სრულად... წყარო: socialjustice.org.ge

რაჭა-ლეჩხუმი და ქვემო სვანეთი. მულტიმედია პლატფორმა „ჩაიხანა“ გიზიარებთ სტატის: თვალისგან და გონებისგან შორს: საქართველოში მცხოვრები ოსები. ჟურნალისტი გვიყვება რაჭაში, სოფელ ჭვებარსა და გადამშში მცხოვრებ ეთნიკურად ოს, ქართველ ოჯახებზე, მათ ყოველდღიურობასა და სოციალურ პრობლემებზე.  „ოცდაათი წლის წინ, ორი ომის შემდეგ, ქართველები და ოსები ჭვებარში ერთად ცხოვრობდნენ, ოჯახებს ქმნიდნენ და ერთმანეთის მრავალსაუკუნოვან ტრადიციებს იზიარებდნენ. ცხინვალის რეგიონის სტატუსთან დაკავშირებული კონფლიქტების შემდეგ, მოსახლეობის უმეტესობა მეზობელ რუსეთში, ან ცხინვალში გადავიდა საცხოვრებლად. ცხინვალი (რომელსაც სამხრეთ ოსეთად ან სამაჩაბლოდაც მოვიხსენიებთ) რუსეთის ოკუპაციის შემდეგ, საქართველოს კონტროლს მიღმაა“. სრულად... წყარო: chaikhana.media ჟურნალისტი: სოფიო შარაძე ფოტოგრაფი: ბასა მეტრეველი

თბილისი. სოციალური სამართლიანობის ცენტრი გთავაზობთ თამთა მიქელაძის ინტერვიუს, რომელიც ჩაწერილია მშვიდობის, ისტორიის, სოციალური მეცნიერებების სფეროში მოღვაწე მკვლევრებთან და ექსპერტებთან თემაზე: კონფლიქტები, გაბატონებული ინტერპრეტაციები და პოლიტიკური ინტერესები მათ უკან. ინტერვიუ ვრცლად შეგიძლიათ ნახოთ... წყარო: socialjustice.org.ge

თბილისი. სოციალური სამართლიანობის ცენტრი წინამდებარე სტატიაში წარმოგიდგენთ ინტერვიუს აფხაზ საზოგადო მოღვაწესთან და სამოქალაქო აქტივისტთან, რომლის ვინაობასაც ორგანიზაცია კონფიდენციალურად ტოვებს. „ეს სიფრთხილე შედეგია იმ მძიმე რეალობისა, რომლის წინაშეც დღეს აფხაზური სამოქალაქო აქტორები დგანან. რუსეთის გავლენის ქვეშ მოქმედი ადგილობრივი საგარეო საქმეთა მინისტრი რეგულარულად ზრდის კონტროლს აფხაზურ სამოქალაქო ორგანიზაციებზე და თითქმის შეუძლებელს ხდის დამოუკიდებელი სამოქალაქო ორგანიზაციების არსებობას“. სრულად... წყარო: socialjustice.org.ge

თბილისი. სოციალური სამართლიანობის ცენტრი გთავაზობთ ინტერვიუების სერიის - „პოლიტიკა, მეხსიერება, ისტორია“ ახალ ეპიზოდს. ამ ეპიზოდის სტუმარია პოლიტოლოგი, შერიგების და სამოქალაქო თანასწორობის საკითხებში ყოფილი სახელმწიფო მინისტრი პაატა ზაქარეიშვილი, რომელიც იხსენებს აფხაზეთის ომის პერიოდს და მის შემდგომ სამშვიდობო პროცესებს, ასევე აფასებს დღევანდელ სამშვიდობო პოლიტიკას და მის პერსპექტივებს. სრულად... წყარო: socialjustice.org.ge

თბილისი. სოციალური სამართლიანობის ცენტრი ეხმიანება აფხაზეთში, ბიჭვინთის სახელმწიფო აგარაკის და მის მიმდებარედ 186 ჰექტარი მიწის ნაკვეთის რუსეთის ფედერაციისთვის გადაცემას და მოუწოდებს სახელმწიფოს დროულად გადადგას ნაბიჯები აფხაზეთში რუსეთის ანექსიური პოლიტიკის შეკავებისა და სამშვიდობო პოლიტიკის მიმართულებით ძალისხმევის გაძლიერებისკენ. სრულად... წყარო: socialjustice.org.ge

თბილისი. სოციალური სამართლიანობის ცენტრმა ომისა და მშვიდობის რიტორიკასა და პოლიტიკურ პროცესებზე მოსაზრებების გამოთქმა სთხოვა პოლიტიკასა და კონფლიქტების ტრანსფორმაციაზე მომუშავე მკვლევრებსა და ექსპერტებს. ინტერვიუში მონაწილე მკვლევრები და ექსპერტები არიან: თამარ ცხადაძე - ფილოსოფოსი, ილიას სახელმწიფო უნივერსიტეტის პროფესორი; პაატა ზაქარეშვილი - პოლიტოლოგი, შერიგებისა და სამოქალაქო თანასწორობის საკითხებში სახელმწიფო მინისტრი 2012-2014 წლებში; შორენა ლორთქიფანიძე - საერთაშორისო პოლიტიკის მკვლევარი; ნათია ჭანკვეტაძე - მშვიდობის და კონფლიქტების მკვლევარი; იაგო კაჭკაჭიშვილი - სიციოლოგი, თბილისის სახელმწიფო უნივერსიტეტის პროფესორი; ვანო აბრამაშვილი - „კავკასიური სახლის“ მშვიდობისა და ინტეგრაციის პროგრამის ხელმძღვანელი. სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტმა (IDFI) აღმოსავლეთ ევროპის, კავკასიისა და ცენტრალური აზიის სამოქალაქო საზოგადოებამ, მედია ორგანიზაციებმა და ასოციაციებმა ღია განცხადება გაავრცელეს. „განცხადებაში საერთაშორისო სამართლის აღდგენისა და უკრაინის წინააღმდეგ რუსეთის აგრესიით გამოწვეული საერთაშორისო უსაფრთხოების კატასტროფის დაძლევისთვის აუცილებელი ზომების მიღებაზეა საუბარი“. IDFI განცხადების ერთ-ერთი ხელმომწერი ორგანიზაციაა. სრულად... წყარო: detector.media

თბილისი. საქართველოში გაეროს ქალთა ორგანიზაციის წარმომადგენელმა კაორი იშიკავა შერიგებისა და სამოქალაქო თანასწორობის საკითხებში საქართველოს სახელმწიფო მინისტრ თეა ახვლედიანს შეხვდა. „შეხვედრაზე მხარეებმა საქართველოში ქალების, მშვიდობისა და უსაფრთხოების დღის წესრიგის განხორციელებაზე იმსჯელეს და კონფლიქტის პრევენციისა და მშვიდობიანი მოგვარების პროცესებში ქალების ეფექტიანი მონაწილეობის ხელშეწყობის მნიშვნელობას გაუსვეს ხაზი“. სრულად... წყარო: ორგანიზაციის გვერდი სოციალურ ქსელში

თბილისი. სანქციებით დაწყებული სამხედრო და ჰუმანიტარული დახმარებით დამთავრებული - გაიგეთ ყველაფერი ევროკავშირის მხარდაჭერის შესახებ უკრაინაში ამ გვერდზე. „რუსეთის წინააღმდეგ დაწესებული სანქციები უდიდესია ევროკავშირის ისტორიაში. მათი მიზანი რუსეთის ეკონომიკისა და კრემლისთვის მძიმე დარტყმის მიყენებაა...“ წყარო: euneighbourseast.eu

თბილისი. სოციალური სამართლიანობის ცენტრის ინტერვიუების ციკლის „სხვა კუთხის“ მორიგ გთავაზობთ კითხვებზე პასუხებს, რომლებიც სამშვიდობო პოლიტიკის გარშემო არსებობს. ორგანიზაციის სტუმარია პაატა ზაქარეიშვილი.     წყარო: socialjustice.org.ge

თბილისი. სოციალური სამართლიანობის ცენტრმა კონფერენცია გამართა თემაზე: „თემთაშორისი ურთიერთობები, მიკრო კონფლიქტები და ინტეგრაციის პოლიტიკა“. „კონფერენციის მიზანი ინკლუზიური საზოგადოების და პოლიტიკის მიმართულებით არსებული გამოწვევების აქტუალიზება, პოლიტიკურ, ექსპერტულ და საზოგადოებრივ ჯგუფებს შორის ამ თემაზე დიალოგის წახალისება და სახელმწიფოსთვის რეალური ცვლილებებისკენ მიმართული რეკომენდაციების კიდევ ერთხელ შეთავაზება იყო“. სრულად... წყარო: ორგანიზაციის გვერდი სოციალურ ქსელში

თბილისი. „სოციალურ სამართლიანობის ცენტრი“ წარმოგიდგენთ პროფესორ ერლ კონტე-მორგანის სტატიას „მშვიდობის მშენებლობის და უსაფრთხოების კონსტრუქტივისტული ხედვა“. „სტატია მშვიდობის მშენებლობის პროცესის განსხვავებულ მეთოდს წარმოგვიდგენს. მეთოდს, რომელიც მაქსიმალურად ინკლუზიურია და აქვს პრეტენზია კონფლიქტის მოგვარების ეფექტიანობაზე იმ აზრით, რომ ის უფრო მეტად ორიენტირებულია მდგრად, ხანგძლივ მშვიდობაზე ომით გახლეჩილ საზოგადოებებში. კონტე-მორგანის ტექსტის მოკლე მიმოხილვის მომზადების მიზანია, ქართველ მკითხველს გავაცნოთ კონფლიქტების წარმოშობის, მათი პრევენციის თუ განვითარების, კონფლიქტების გადაჭრის პროცესში ადამიანის უფლებათა დაცვის, ადგილობრივი თემების კულტურული და სოციალური თავისებურებების მნიშვნელობისა და შესაძლო პოტენციალის შესახებ განსხვავებული მოსაზრება, რის შესახებაც ქართულ პოლიტიკური სივრცეში ფართო მსჯელობა არ გვხდება. ერლ კონტე-მორგანი პროფესორია სამხრეთ ფლორიდის უნივერსიტეტის საერთაშორისო ურთიერთობების ფაკულტეტზე. იგი არის არა ერთი წიგნის და სტატიის ავტორი უსაფრთხოების, კონფლიქტების მოგვარების, სხვადასხვა ქვეყნებში მიმდინარე სამშვიდობო პროცესების შესახებ“, - სტატიის წინათქმაში. სრულად...  წყარო: ორგანიზაციის ვებგვერდი

თბილისი. „სოციალური სამართლიანობის ცენტრი“ აქვეყნებს ცნობილი მკვლევრის, მიშელ პარლევლიეტი პუბლიკაციას „კონფლიქტების ტრანსფორმაციის გადააზრება ადამიანის უფლებათა პერსპექტივით“ (Rethinking Conflict Transformation from a Human Rights Perspective).  მიმოხილვის მიზანია, ქართველ მკითხველს გავაცნოთ კონფლიქტების წარმოშობის, მათი პრევენციის თუ განვითარების, კონფლიქტების გადაჭრის პროცესში ადამიანის უფლებათა დაცვის მნიშვნელობა და შესაძლო პოტენციალი, რაზეც ხშირად კამათობენ კონფლიქტოლოგები და ადამიანის უფლებათა დამცველები. მიშელ პარლევლიეტს კონფლიქტების ტრანსფორმაციაზე მუშაობის მრავალ წლიანი გამოცდილება აქვს აზიის, აფრიკისა და ევროპის კონტინენტებზე. იგი როგორც დამოუკიდებელი მკვლევარი თანამშრომლობს არა ერთ უნივერსიტეტთან და კვლევით ორგანიზაციასთან.  სრულად...  წყარო: ორგანიზაციის ვებგვერდი

თბილისი. 2021 წლის 13 სექტემბერს სახალხო დამცველმა ნინო ლომჯარიამ და უკრაინის პარლამენტის ადამიანის უფლებათა კომისარმა ლიუდმილა დენისოვამ საოკუპაციო ხაზის გასწვრივ მდებარე სოფელი ხურვალეთი მოინახულეს.  სახალხო დამცველმა თავის უკრაინელ კოლეგას ოკუპირებულ ტერიტორიებზე მცხოვრები მოსახლეობის უფლებრივი მდგომარეობა გააცნო. ისაუბრეს საერთო ხასიათის პრობლემებზე, მათ შორის გადაადგილების, სამედიცინო და სხვა სახის სერვისების მიღების შეზღუდვაზე. „როგორ ჩანს, საოკუპაციო ძალა ერთი სცენარის და ერთი გეგმის მიხედვით მოქმედებს, რეალურად ეს არის ერთი ხელწერა, თუმცა საქართველოს შემთხვევაში ვითარებას ადამიანურ დონეზე და მასთან უწყებრივ დონეებზე კომუნიკაციის არქონა ამწვ ავებს, რაც, ცხადია, რუსეთის ზეწოლის შედეგია. სრულად...  წყარო: ombudsman.ge

ქართველმა და ოსმა ახალგაზრდებმა შექმნეს 100-ზე მეტი პოსტერი, ბლოგი, კომიქსი, ქვიზი, ვიდეო და ანიმაცია, რომელიც მათ ყოველდღიურ ცხოვრებას ასახავს.  გრაფიკული ნამუშევრებისა და სტატიების გაცნობა შესაძლებელია ვებ-გვერდზე მშვიდობის სახლი, რომელიც არასამთავრობო ორგანიზაციის „კოალიცია დევნილთა უფლებებისთვის“ ძალისხმევით შეიქმნა.  პროექტი განხორციელდა ევროკავშირისა (EU) და გაეროს განვითარების პროგრამის (UNDP) ხელშეწყობით.  სრულად...   წყარო: ორგანიზაციის ვებგვერდი