თბილისი. საქართველოს სტრატეგიის და განვითარების ცენტრი სტრატეგიული კომუნიკიაციების სახელმძღვანელოს პრეზენტაციას გამართავს.  სტრატეგიული კომუნიკაციების პირველი ქართულენოვანი სახელმძღვანელო მიზნად ისახავს საჯარო სექტორს, ისევე როგორც სამოქალაქო საზოგადოების წარმომადგენლებს მიაწოდოს ინფორმაცია სტრატეგიული კომუნიკაციების მნიშვნელობის, მისი არსის, როლისა და დანიშულების შესახებ დოკუმენტი წარმოადგენს პრაქტიკულ გზამკვლევს სტრატეგიული კომუნიკაციების ეფექტიანად დაგეგმვისა და განხორციელებისათვის.  პრეზენტაცია გაიმართება 14 თებერვალს, Zoom პლატფორმის მეშვეობით. ღონისძიება ტარდება GCSD-ის პროექტის - „სტრატეგიული კომუნიკაციები უკეთესი მომავლისთვის” ფარგლებში, რომელიც აშშ-ს სახელმწიფო დეპარტამენტის მხარდაჭერით მიმდინარეობს.  სრულად... წყარო: საქართველოს სტრატეგიის და განვითარების ცენტრი

თბილისი.მწვანე ალტერნატივა, 11 თებერვალს საფეხმავლო ტურს გამართვს. ტურის ფარგლებში მონაწილეები დაათვალიერებენ დიღმის ჭალის შემორჩენილ ტყეს და ასევე ტყის იმ ნაწილებსაც, რომელი სამშენებლო ნარჩენებში დაიმარხა, უკანონო კარიერულმა სამუშაოებმა და ქვა-ღორღის გადამამუშავებელმა საწარმომ გაანადგურა. სრულად... წყარო: მწვანე ალტერნატივა

თბილისი. ევროკომისიის რეკომენდაციების სასამართლოს ნაწილის შესრულების გეგმის განხილვის მიზნით, კოალიცია „დამოუკიდებელი და გამჭვირვალე მართლმსაჯულებისთვის“ პარლამენტის იურიდიულ კომიტეტს შეხვედრის შეთავაზებით მიმართავს.  „კოალიცია „დამოუკიდებელი და გამჭვირვალე მართლმსაჯულებისთვის“ მოგმართავთ სამუშაო შეხვედრის მოწყობის თხოვნით. შეხვედრის მიზანი იქნება ევროკომისიის რეკომენდაციების სასამართლოს ნაწილის შესრულების გეგმის განხილვა, კერძოდ, რეფორმის განხორციელების ვადების, საკითხებისა და ზოგადად რეფორმის მასშტაბების შესახებ მსჯელობა. ასევე კოალიცია წარმოგიდგენთ სასამართლო რეფორმის შესახებ საკუთარ ხედვებს. „ - ნათქვამია განცხადებაში  სრულად...  წყარო: საერთაშორისო გამჭვირვალობა-საქართველო

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. სოციალური სამართლიანობის ცენტრმა და ახალგაზრდა იურისტთა ასოციაციამ ერთობლივი განცხადება გამოაქვეყნეს,  „გამოსახლების აქციაზე დაკავებული მოქალაქეების დაჯარიმება კრიტიკული აზრის ჩახშობას ისახავს მიზნად. ხელმომწერი ორგანიზაციები მოუწოდებენ ხელისუფლებას: „შინაგან საქმეთა სამინისტროს - შეწყვიტოს შეკრებების და მანიფესტაციების დროს მოქალაქეების მასობრივი დაკავების პრაქტიკა. ამავდროულად, სავალდებულო გახდეს სამართალდამცავებისთვის მოქალაქესთან კომუნიკაციის დროს სამხრე ვიდეო-კამერების ჩართვა; საერთო სასამართლოებს - აქტივისტების საქმეები განიხილოს შეკრებისა და გამოხატვის თავისუფლების სტანდარტების დაცვით და უზრუნველყოს დასაბუთებული გადაწყვეტილებების მიღება, რომლებიც არ დაემყარება მხოლოდ პოლიციელის ჩვენებას; სპეციალურ საგამოძიებო სამსახურს - დროულად და ეფექტიანად გამოიძიოს მშვიდობიანი შეკრების მონაწილეების მიმართ არაპროპორციული ძალის სავარაუდო გამოყენებისა და ღირსების შელახვის ფაქტები; საქართველოს პარლამენტს - დროულად უზრუნველყოს ადმინისტრაციული სამართალდარღვევათა კანონმდებლობის სისტემური რეფორმა;“ - ნათქვამია განცხადებაში სრულად... წყარო: სოციალური სამართლიანობის ცენტრი

თბილისი. 8 თებერვალს 11 საათზე, კონსულტაციისა და ტრენინგის ცენტრი საჯარო დისკუსიას „ზოგადი განათლების ეროვნული მიზნები“ გამართავს.  შეხვედრა მიზნად ისახავს ზოგადი განათლების ეროვნული მიზნების (ზგემი) შესახებ ფართო საზოგადოებრივი დისკუსიების ხელშეწყობას.  სრულად...  წყარო: კონსულტაციისა და ტრენინგის ცენტრი

აჭარა. 8 თებერვალს, ქობულეთის მუნიციპალიტეტის, სოფელ ციხისძირში გაიმართება საჯარო შეხვედრა.  შეხვედრის მიზანია, მოსახლეობის ინფორმირება ჯანდაცვის სერვისების, კერძოდ პრევენციული ღონისძიებებისა და სკრინინგ პროგრამების შესახებ. ჩატარდება აჭარის საზოგადოებრივი ჯანდაცვის ცენტრის პროგრამიების პრეზენტაცია, დაინტერესებულ პირებს ექნებათ შესაძლებლობა მოისმინონ ყველაზე ხშირად დასმულ კითხვებზე პასუხი. „აქტივობა ხორციელდება თავისუფალ ჟურნალისტთა სახლის მიერ საქართველოს ახალგაზრდა იურისტთა ასოციაციის პროექტის „სოციალური კაპიტალის შექმნა სსო-ების გაძლიერებითა და ადგილობრივი ქსელის გაძლიერებით“ ფარგლებში.  პროექტი დაფინანსებულია გერმანიის საერთაშორისო თანამშრომლობის საზოგადოების (GIZ) პროგრამის ‘Strengthening Civil Society in the Eastern Partnership’ ფარგლებში, რომელიც ხორციელდება გერმანიის ეკონომიკური თანამშრომლობისა და განვითარების ფედერალური სამინისტროს დაკვეთითა და ევროკავშირის თანადაფინანსებით.“ სრულად... წყარო: თავისუფალ ჟურნალისტთა სახლი

ქვემო ქართლი. 6 თებერვალს, დმანისის ახალგაზრდულ ცენტრში გაიმართა შეხვედრა: „კონფლიქტების მოგვარება“. ტრენერმა აუდიტორიას ამომწურავი ინფორმაცია მიაწოდა კონფლიტების წარმოშობის მიზეზებზე. შეხვედრა გაიმართა USAID-ის პროგრამა "ერთიანობა მრავალფეროვნებაშია" ფარგლებში,რომელსაც ახორციელებს საქართველოს გაეროს ასოციაცია,აშშ-ის საერთაშორისო განვითარების სააგენტო. სრულად... წყარო: დმანისის ახალგაზრდული ცენტრი

თბილისი. 6 თებერვალს, ინფორმაციის თავისუფლების განვითარების ინსტიტუტმა (IDFI) ესეების კონკურსის “დეზინფორმაციის როლი ისტორიული მეხსიერების ჩამოყალიბებაში” გამარჯვებულები დააჯილდოვა.  კონკურსის მიზანი სტუდენტებში მეხსიერებისა და დეზინფორმაციის კვლევების წახალისება, პოპულარიზაცია და საზოგადოებაში წარსულისა და თანამედროვე მოვლენების შესახებ ცნობიერების ამაღლება იყო. სრულად...  წყარო: ინფორმაციის თავისუფლების განვითარების ინსტიტუტი

კახეთი. MAC Georgia ფოტოგამოფენა „შუქი მოვიდას“ გამართავს.  გამოფენის მიზანია მისი გმირებისა და მათი ისტორიებისათვის პლატფორმის შექმნა. გმირები კი საქართველოში მცხოვრები შეზღუდული შესაძლებლობების მქონე ადამიანები და მათი ოჯახის წევრები არიან, რომლებიც გამორჩეული გულწრფელობით ყვებიან თავიანთ ცხოვრებაზე. გამოფენა 8-9 თებერვალს, ლაგოდეხში გაიმართება. გამოფენის მხარდამჭერები არიან ლაგოდეხის დამოუკიდებელი ცხოვრების ცენტრი და ლაგოდეხის მუნიციპალიტეტის მერია. სრულად... წყარო: შუქი მოვიდა

თბილისი. ორგანიზაცია „აუტიზმის კვლევისა და ხელშეწყობის ფონდმა“ USAID- ის მხარდაჭერით შეიმუშავა 18 წლის ზევით ასაკის აუტიზმის მქონე პირებისთვის რეაბილიტაციის პროგრამა. პარალელურად, ორგანიზაცია სხვა რესურსების მობილიზებაზეც მუშაობს. მეტი ინფორმაციისთვის ნახეთ მოკლე ვიდეო. USAID-ის სამოქალაქო საზოგადოების ჩართულობის პროგრამა მხარს უჭერს აქტიურ ადამიანებს, რომლებიც ცდილობენ, გარემო უკეთესობისკენ შეცვალონ. სრულად... წყარო: სამოქალაქო საზოგადოების ჩართულობის პროგრამა

მცხეთა-მთიანეთი. დუშეთის მუნიციპალიტეტში ასოციაცია „ანიკამ“ განახორციელა შეხვედრების სერია ადგილობრივ საკრებულოს, მუნიციპალიტეტის წარმომადგენლებთან, ადგილობრივ შშმ თემთან და სხვა დაინტერესებულ მხარეებთან.  სამუშაო შეხვედრების დროს გაკეთდა პროექტის პრეზენტაცია. ასევე შეხვედრებზე გაიმართა დისკუსია ადგილობრივ დონეზე შშმ პირთა საჭიროებების შესახებ და დაიგეგმა სამომავლო სამუშაოები. პროექტი ხორციელდება გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით, პარტნიორ ორგანიზაცია სიღნაღის რეგიონის „სოციალურად უმწეოთა თერაპიის კავშირი - თემი "ქედელთან" ერთად.  სრულად... წყარო: ასოციაცია ანიკა

იანვრისა და თებერვლის თვეში საიამ USAID ადგილობრივი თვითმმართველობის პროგრამის მხარდაჭერით ჩოხატაურის, ოზურგეთისა და ლენტეხის მუნიციპალიტეტისთვის პოლიტიკის დაგეგმვის, მონიტორინგისა და შეფასების ტრენინგები ჩაატარა. ტრენინგების მიზანი იყო საკრებულოებისა და მათი კომისიების მიერ შედეგზე ორიენტირებული ინსტიტუციური პოლიტიკის დაგეგმვის ხელშეწყობა და საკრებულოს წევრებისა და აპარატის თანამშრომლებისთვის შესაბამისი უნარების განვითარებით პოლიტიკის განხორციელების პროცესის მონიტორინგის გაუმჯობესება. სრულად... წყარო: საქართველოს ახალგაზრდა იურისტთა ასოციაცა

თბილისი. საქართველოს დაუნის სინდორმის ასოციაციის ოფისში, დაუნის სინდრომის მქონე ქალების რეპროდუქციული ჯანმრთელობის პროექტის ფარგლებში, გაიმართა ტრენინგი უსაფრთხოების საკითხებთან დაკავშირებით. შეხვედრას უძღვებოდა ქცევითი თერაპევტი, გეშტალტ კონსულტანტი, თინათინ კოშკაძე პროექტის ფინანსური მხარდამჭერია ნიდერლანდების საელჩო საქართველოში - Embassy of the Netherlands in Georgia სრულად... წყარო: საქართველოს დაუნის სინდრომის ასოციაცია

თბილისი. 8-9 თებერვალს, ინფორმაციის თავისუფლების განვითარების ინსტიტუტი ორ დღიან საერთაშორისო კონფერეციას გამართავს.  ფორუმის მთავარი თემაა: კარგი მმართველობის პრინციპების გაუმჯობესება: საუკეთესო პრაქტიკები და გამოწვევები ევროკავშირთან ინტეგრაციის გზაზე.  ფორუმზე განიხილება არა მხოლოდ გლობალური ტენდენციები, საუკეთესო პრაქტიკები, საჭიროებები და მნიშვნელოვანი გამოწვევები, რომლებსაც აწყდებიან აღმოსავლეთ ევროპისა და დასავლეთ ბალკანეთის ქვეყნები, არამედ ინოვაციური მიდგომები ამ რეგიონებში დემოკრატიული პრინციპების დანერგვის პროცესში გამოვლენილი გამოწვევების ეფექტურად გადასაჭრელად.  დაგემილია ადგილობრივი და საერთაშორისო ექსპერტებისა და დაინტერესებული პირების ჩართულობით გაიმართოს დისკუსიები ისეთ საკითხებზე, როგორიცაა: კორუფციასთან ბრძოლა: ინსტიტუციური რეფორმები, ყოვლისმომცველი მიდგომები და პოლიტიკური ნება; ორგანიზებული დანაშაულის პრევენცია და ფულის გათეთრებასთან ბრძოლა; საჯარო მმართველობის რეფორმა; კარგი მმართველობის რეფორმების გენდერული მეინსტრიმინგი; კორუფციასთან ბრძოლისა და კონკურენციის გაუმჯობესების ინოვაციური მექანიზმები: ინოვაციები სახელმწიფო შესყიდვებში და ბენეფიციარი მესაკუთრეების გამჭვირვალობის სტანდარტები; სამოქალაქო საზოგადოების ჩართულობა რეფორმებში, ღია მმართველობის პარტნიორობის (OGP) ინიციატივა და ა.შ.  ფორუმი ორგანიზებულია ინფორმაციის თავისუფლების განვითარების ინსტიტუტის (IDFI) მიერ შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით, და ასევე, თანადაფინანსებულია გაეროს განვითარების პროგრამისა (UNDP) და გაერთიანებული სამეფოს მთავრობის, USAID-ის საჯარო მმართველობის პროგრამის, USAID-ის ეკონომიკური მმართველობის პროგრამის, გაეროს ქალთა ორგანიზაციის (UN Women), ფულის გათეთრებისა და ტერორიზმის დაფინანსების წინააღმდეგ ბრძოლის შესახებ ევროკავშირის გლობალური ინიციატივისა (AML/CFT Global Facility) და ღია მმართველობის პარტნიორობის (OGP) მიერ.  სრულად... წყარო: ინფორმაციის თავისუფლების და განვითარების ინსტიტუტი

თბილისი. პროექტები: SnapMap და IntegrityLens აღმოსავლეთ პარტნიორობის სამოქალაქო ტექნოლოგიების ჯილდოზეა ნომინირებული!  ფინალისტები 2024 წლის აღმოსავლეთ პარტნიორობის ჰაკათონზე გამოვლინდნენ, რომელიც Eastern Partnership Civil Society Facility-ის მიერ იყო ორგანიზებული. გამარჯვებულები 2024 წლის მარტში დასახელდებიან.  სრულად... წყარო: ევროკავშირის წარმომადგენლობა საქართველოში

თბილისი. ილიას სახელმწიფო უნივერსიტეტში არსებული თბილისის ახალგაზრდული ცენტრის წევრებისთვის არასამთავრობო ორგანიზაცია "პარტნიორობა ადამიანის უფლებებისთვის" ხელმძღვანელმა თამარ გაბოძემ და ორგანიზაციის იურისტმა სოფი მენაბდიშვილმა ჩაატარეს საჯარო ლექცია „გენდერული თანასწორობის ადვოკატირება".  შეხვედრის შემდეგ გაიმართა დისკუსია. შეხვედრა ჩატარდა USAID-ის პროგრამა „ერთიანობა მრავალფეროვნებაშია“ ფარგლებში, რომელსაც ახორციელებს საქართველოს გაეროს ასოციაცია ილიას სახელმწიფო უნივერსიტეტთან თანამშრომლობით, აშშ-ის საერთაშორისო განვითარების სააგენტოს (USAID) ფინანსური მხარდაჭერით. სრულად...  წყარო: თბილისის ახალგაზრდული ცენტრი

აჭარა. 1 თებერვალს ქედის მუნიციპალიტეტში, სოფელ წონიარისში გაიმართა საჯარო შეხვედრა. შეხვედრის მიზანი იყო, მოსახლეობის ინფორმირება ჯანდაცვის სევრისების, კერძოდ პრევენციული ღონისძიებების პროგრამის შესახებ.  ჩატარდა აჭარის საზოგადოებრივი ჯანდაცვის ცენტრის პროგრამიების პრეზენტაცია, დაინტერესებულ პირებს ჰქონდათ შესაძლებლობა მოესმინათ ყველაზე ხშირად დასმულ კითხვებზე პასუხი. აქტივობა ხორციელდება თავისუფალ ჟურნალისტთა სახლის მიერ საქართველოს ახალგაზრდა იურისტთა ასოციაციის პროექტის „სოციალური კაპიტალის შექმნა სსო-ების გაძლიერებითა და ადგილობრივი ქსელის გაძლიერებით“ ფარგლებში.  პროექტი დაფინანსებულია გერმანიის საერთაშორისო თანამშრომლობის საზოგადოების (GIZ) პროგრამის ‘Strengthening Civil Society in the Eastern Partnership’ ფარგლებში, რომელიც ხორციელდება გერმანიის ეკონომიკური თანამშრომლობისა და განვითარების ფედერალური სამინისტროს დაკვეთითა და ევროკავშირის თანადაფინანსებით.“  სრულად.... წყარო: თავისუფალ ჟურნალისტთა სახლი

ევროკავშირის წარმომადგენლობა საქართველოში ევროკავშირში მგზავრობის საყურადღებოდ ინფორმაციას ავრცელებს.  ევროკავშირი ემზადება საზღვრის მართვის 2 ახალი ინიციატივის დასაწყებად.  „შესვლა-გასვლს სისტემა“ (EES) 2024 წლის მეორე ნახევრიდან ამოქმედდება. EES სისტემა დაარეგისტრირებს ევროპაში ხანმოკლე ვიზიტით შემავალ მგზავრებს, რომლებიც უვიზო მიმოსვლით სარგებლობენ და ასევე მგზავრებს, რომელთაც ვიზა სჭირდებათ.  ევროპაში მოგზაურობის შესახებ ინფორმაციისა და ავტორიზაციის სისტემა” (ETIAS) 2025 წლის მეორე ნახევარში ამოქმედდება.  სისტემის ამოქმედების შემდეგ, ევროპაში უვიზო მიმოსვლით მოსარგებლე დაახლოებით 60 ქვეყნისა და ტერიტორიის, მათ შორის საქართველოს მოქალაქეებისთვის, სავალდებულო გახდება მგზავრობის წინასწარი დასტურის (ავტორიზაციის) მიღება ETIAS-იდან ევროპის 30 ქვეყანაში მოგზაურობის დაწყებამდე.  გაიგეთ მეტი  სრულად... წყარო: ევროკავშირის წარმომადგენლობა საქართველოში

თბილისი. 11 თებერვალს, მეცნიერ ქალთა და გოგონათა საერთაშორისო დღესთან დაკავშირებით გაიმართება ღონისძიება.  შეხვედრაზე დაგხვდებათ: Საქართველოში ტექნოლოგიების სფეროში მომუშავე ქალების ინსპირაციულ გამოსვლები; დისკუსია, რა შესაძლებლობები და სირთულეები არსებობს ქალებისთვის ტექნოლოგიებისა და მეცნიერების სფეროში; პარალელურ ვორკშოპები; და ა.შ  ღონისძიებაზე დასასწრებად უნდა გაიაროთ რეგისტრაცია...  ღონისძიება ორგანიზებულია ფორსეტის მიერ და მისი პარტნიორები არიან DataFest Tbilisi, საქართველოს ბანკი, გაეროს ქალთა ორგანიზაცია, სმარტ აკადემია და საქართველოს ინოვაციებისა და ტექნოლოგიების სააგენტო.  სრულად...   წყარო: გაეროს ქალთა ფონდი საქართველოში

თბილისი. სოციალური სამართლიანობის ცენტრი ახალ ბლოგს, „ადამიანური უსაფრთხოების კონცეფცია: მნიშვნელობა, კრიტიკა და მიმართება სახელმწიფო უსაფრთხოებასთან“ აქვეყნებს. ბლოგში განხილულია ადამიანური უსაფრთხოების ცნების მნიშვნელობა და ისტორია, დისკუსია ადამიანური უსაფრთხოების კონცეფციის შესახებ და ადამიანური უსაფრთხოების ცნების მიმართება უსაფრთხოების ტრადიციულ ხედვასთან. სრულად... წყარო: სოციალური სამართლიანობის ცენტრი

თბილისი. ლიდერთა სკოლის თბილისის ფილიალის წევრებისა და მათი მეგობრების მონაწილეობით თბილისის სახელმწიფო უნივერსიტეტში სემინარი „რელიგიების მრავალფეროვნება“ ჩაატარდა. სემინარის ფარგლებში განხილული იყო რელიგიების მრავალფეროვნება, მათ შორის არსებული მსგავსებები და განსხვავებები. პროექტი „უკეთესი მომავლისთვის“ ხორციელდება „ახალგაზრდა პედაგოგთა კავშირის“ მიერ გერმანული ფონდის Brot für die Welt ფინანსური მხარდაჭერით. სრულად... წყარო: ლიდერთა სკოლა