თბილისი.თბილისი 24-ე საერთაშორისო კინოფესტივალი დაიწყო. ფესტივალის განმავლობაში 120 ევროპული და მსოფლიო კინოს საუკეთესო ნამუშევარი იქნება ნაჩვენები. ევროკავშირი გასცემს ჯილდოს “ადამიანის უფლებები კინოში” გამორჩეული დოკუმენტური და მხატვრული ფილმებისთვის, რომლებიც წარმოაჩენენ ადამიანის უფლებების თემატიკას. გამარჯვებულები დაჯილდოვდებიან დასკვნით ღონისძიებაზე.  სრულად... წყარო: ევროკავშირის წარმომადგენლობა საქართველოში

სამცხე-ჯავახეთი.24-26 ნოემბერს, ბაკურიანში გამართულ ევროპის სოლიდარობის კორპუსის კოორდინატორების შეხვედრაში ადგილობრივი დემოკრატიის სააგენტოს წარმომადგენელმა მიიღო მონაწილეობა. შეხვედრის მიზანი იყო გამოცდილების, გამოწვევებისა და სამომავლო გეგმების გაზიარება ECS პროგრამის ფარგლებში, რომელიც შესაძლებლობას აძლევს ახალგაზრდებს, ჩაერთონ საერთაშორისო პროექტებში, განივითარონ უნარები, მიიღონ ცოდნა, ახალი გამოცდილება და აიმაღლონ პროფესიული კომპეტენციები. სრულად... წყარო: ადგილობრივი დემოკრატიის სააგენტო საქართველოში

თბილისი.ჰაინრიხ ბიოლის ფონდი ორგანიზაცია „ქლაიმათ ბეიზიქსთან“ ერთად პოდკასტების ახალ ეპიზოდს წარმოადგენს. ამ ეპიზოდში საუბარია კლიმატის ცვლილებაზე.  „კლიმატის ცვლილება თითოეულ ჩვენგანს ეხება. თუმცა, კლიმატის ცვლილების უარყოფითი ზეგავლენა ყველაზე თანაბრად არ ვრცელდება. საზოგადოების ღარიბი და მცირე რესურსის მქონე ჯგუფები უფრო დაუცველები არიან ექსტრემალური ამინდის, თუ კლიმატის ცვლილებასთან დაკავშირებული სხვა კრიზისების დროს. პოდკასტის ამ ეპიზოდში, მარიამ დევიძე, გარემოსდამცველი და მკვლევარი, გვესაუბრება იმაზე, თუ რა გამოწვევის წინაშე დგანან ქალები საქართველოში კლიმატის ცვლილების პირობებში და რა როლს არსულებს გენდერული თანასწორობა კლიმატის პოლიტიკაში.“ - ნათქვამია განცხადებაში  სრულად...  წყარო: ჰაინრიხ ბოულის ცენტრი

იმერეთი.ქუთაისის ახალგაზრდული ცენტრის წევრებისათვის საფეხმავლო „ტოლერანტობის ტური“ მოეწყო, რომელსაც ჟურნალისტი ხვიჩა ვაშაყმაძე უძღვებოდა.  შეხვედრის მიზანი იყო განსხვავებული კულტურისა და ტრადიციების მქონე ეთნიკური უმცირესობების შესახებ ცნობიერების ამაღლება. ტური ორგანიზებული იქნა USAID-ის პროგრამა „ერთიანობა მრავალფეროვნებაშია“ ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით.  იმერეთის რეგიონში პროგრამის პარტნიორია განათლების განვითარების და დასაქმების ცენტრი (EDEC). სრულად... წყარო: ქუთაისის ახალგაზრდული ცენტრი

თბილისი.საქართველოს სტრატეგიის და განვითარების ცენტრი, 30 ნოემბერს, საქართველოს ეთნიკური და რელიგიური უმცირესობების შესახებ საჯარო ლექციების სერიის ფარგლებში გამართავს მორიგ ლექციას.  საჯარო ლექცია მიეძღვნება ქართველ ებრალებს. პროექტი ხორციელდება საქართველოს ღია საზოგადოების ფონდის (OSGF) ფინანსური მხარდაჭერით.  სრულად... წყარო: საქართველოს სტრატეგიის და განვითარების ცენტრი

აჭარა.27 ნოემბერს, ქობულეთის მუნიციპალიტეტში, საქართველოს ახალგაზრდა იურისტთა ასოციაციამ, სოფელ დაგვისა და ციხისძირის მოსახლეობასთან შეხვედრა გაიმართა.  შეხვედრის ძირითადი თემატიკა ოჯახში ძალადობას, მის გამომწვევ მიზეზებს და მასთან ბრძოლის მექანიზმებს შეეხებოდა. შეხვედრა ტარდებოდა ქალთა მიმართ ძალადობის აღმოფხვრის 16 დღიანი საერთაშორისო კამპანიას ფარგლებში.  კამპანიის მიზანი ძალადობასთან ბრძოლა და ქალთა გაძლიერების მხარდაჭერაა. სრულად... წყარო: საქართველოს ახალგაზრდა იურისტთა ასოციაციის აჭარის ფილიალი

29 ნოემბერს, 11:00 საათზე იაპონიის საელჩოს ადამიანის უსაფრთხოების საგრანტო პროგრამა (GGP) გამართავს საჯარო კონსულტაციას მათთვის, ვინც გეგმავს საპროექტო განაცხადის წარდგენას 2024 წლის 15 თებერვლამდე.  კონსულტაცია ჩატარდება ონლაინ, ZOOM-ის საშუალებით.  დეტალური ინფორმაცია იხილეთ... წყარო: იაპონიის საელჩო

თბილისი. 29 ნოემბერს, 15:00 საათზე, ილია ჭავჭავაძის ლიტერატურულ-მემორიალურ მუზეუმში (ივანე ჯავახიშვილის ქ. 7, თბილისი) გაიმართება ევროკავშირისა (EU) და გაეროს განვითარების პროგრამის (UNDP) საჯარო დისკუსიათა ციკლის „საუბრები უფლებებსა და თავისუფლებებზე“ დასკვნითი შეხვედრა იგი საქართველოში ქალთა უფლებებისთვის ბრძოლის საკითხებს მიეძღვნება, განხილული იქნება ისტორიული და თანამედროვე კონტექსტი.  მომხსენებელი: თამთა მელაშვილი, მწერალი.  დასწრება თავისუფალია. დარბაზი ადაპტირებულია შეზღუდული შესაძლებლობის მქონე პირებისთვის. ღონისძიების მსვლელობაში უზრუნველყოფილია თარგმანი ქართულ, ინგლისურ და ჟესტურ ენებზე.  სრულად... წყარო: undp.org

თბილისი.სოციალური სამართლიანობის ცენტრი ახალ კვლევას აქვეყნებს: „მრავალფეროვნების ძიებაში – ეთნიკური უმცირესობები და ქართული მედია“. კვლევის მიზანია საქართველოში ეთნიკურ უმცირესობების შესახებ ქართულ სატელევიზიო მედიაში მედიამრავალფეროვნების სტრატეგიების კვლევა. მისი ინტერესების საგანია, თუ ვის ირეკლავს და ვისთვის ხსნიან ფანჯარას კერძო და საზოგადოებრივი მაუწყებლები საქართველოში. სრულად...  წყარო: სოციალური სამართლიანობის ცენტრი

თბილისი. ღირსეული შრომის პლატფორმას შრომის ინსპექტირების მიმართულებით ახალი კვლევის შედეგები გამოაქვეყნა. კვლევა მოიცავს ისეთ საკითხებს, როგორიცაა რა ფაქტორები აბრკოლებს შრომის ინსპექციის საქმიანობის ეფექტურობასა და სანდოობას? დაცულია თუ არა დასაქმებულთა კონფიდენციალურობა ინსპექტირების პროცესში, ან მის შემდეგ? ხდება თუ არა დამსაქმებლის რეინსპექტირება, რაც დარღვევების გამოსწორების მნიშვნელოვანი წინაპირობა სრულად...  წყარო: ღია საზოგადოების ფონდი

თბილისი. გაეროს ქალთა ფონდის მონაცემებით, საქართველოში საჯარო მოსამსახურეების მხოლოდ 31%-ია ქალი (შინაგან საქმეთა სამინისტროს ჩათვლით). "აღსანიშნავია ისიც, რომ მათი წარმომადგენლობა მაღალ, გადაწყვეტილების მიმღებ პოზიციებზე კაცების მაჩვენებელს მნიშვნელოვნად ჩამოუვარდება. გენდერული დისბალანსი ვლინდება როგორც პირველი რანგის (სამსახურის უფროსი), ისე საჯარო დაწესებულებების ხელმძღვანელებისა და ხელმძღვანელების მოადგილეების დონეზე".  სრულად ... წყარო: გაეროს ქალთა ფონდი

თბილისი. ინფორმაციის თავისუფლების განვითარების ინსტიტუტმა გამოაქვეყნა პუბლიკაცია საჯარო ინფორმაციის ხელმისაწვდომობით უფლებრივ საკითხებსა და კონკრეტულ რჩევებზე. სახელმძღვანელო: „ეროვნული კანონმდებლობა. კონვენცია და საჯარო ინფორმაციის უფლება“, მოიცავს საჯარო ინფორმაციის მიღების სამართლებრივ საფუძვლებს. ასევე „ პრაქტიკულ რჩევებზე, რომელიც დაინტერესებულ პირებს მისცემს შესაძლებლობას თავიდან აირიდონ საჯარო დაწესებულებების მხრიდან სამართლებრივი ბერკეტების ბოროტად გამოყენების უარყოფითი ეფექტები და მაქსიმალურად გაზარდონ, ინფორმაციის მიღების ალბათობა. სახელმძღვანელოს თან ახლავს რამდენიმე ძირითადი სამართლებრივი დოკუმენტის ნიმუში“. სრულად...  წყარო: ინფორმაციის თავისუფლების განვითარების ინსტიტუტი

თბილისი. საერთაშორისო ორგანიზაციები ქალთა და გოგოების მიმართ ძალადობის წინააღმდეგ ბრძოლის საერთაშორისო დღესთან დაკავშირებით ერთობლი განცხადებას ავრცელებენ. ,, მოვუწოდებთ საერთო ქმედებისკენ ქალთა და გოგოების მიმართ ძალადობის ყველა ფორმის აღმოსაფხვრელად.” განცხადებას აქვეყნებენ გაერთიანებული ერების ორგანიზაცია საქართველოში, ევროკავშირის წარმომადგენლობა საქართველოში, ევროპის უშიშროებისა და თანამშრომლობის ორგანიზაცია, ნატოს სამეკავშირეო ოფისი და ავსტრიის, ახალი ზელანდიის, ბელგიის, გაერთიანებული სამეფოს, გერმანიის, დანიის, ესპანეთის, ესტონეთის, ირლანდიის, იტალიის, კანადის, ლატვიის, ნიდერლანდების, ნორვეგიის, პორტუგალიის, რუმინეთის, საბერძნეთის, საფრანგეთის, სლოვაკეთის, სლოვენიის, ფინეთის, შვედეთის, შვეიცარიის და ჩეხეთის საელჩოები საქართველოში.  განცხადება...  წყარო: გაეროს განვითარების პროგრამა

ქვემო ქართლი. მარნეულის ახალგაზრდულ ცენტრში გაიმართა სემინარი თემაზე: „ევროკავშირი საქართველოსთვის“. შეხვედრაზე საუბარი შეეხო თუ რატომ უნდა ისწრაფვოდეს ჩვენი ქვეყანა ევროკავშირში შესასვლელად და რას ნიშნავს იყო ევროპის მოქალაქე. სემინარს უძღვებოდა განვითარებისა და დემოკრატიის ცენტრის გამგეობის თავმჯდომარე მიხეილ მირზიაშვილი. შეხვედრის, რომლის ორგანიზატორი იყო სამოქალაქო ინტეგრაციის ფონდი, გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის“ ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით.  წყარო: სამოქალაქო ინტეგრაციის ფონდი

თბილისი. 25 ნოემბერს, საქართველოს ახალგაზრდა იურისტთა ასოციაციის საერთო კრება გაიმართა. ორგანიზაციის თავჯდომარემ წლიური ანგარიში შარუდგინა წევრებს. ასევე შეხვედრაზე ისაუბრეს სამომავლო გეგმებზე. საერთო კრებაზე აირჩა საიას გამგეობის 7 ახალი წევრი. სრულად...  წყარო: საქართველოს ახალგაზრა იურისტთა ასოციაცია

თბილისი.8 ნოემბერს, ევროკომისიამ საქართველოსათვის ევროკავშირის წევრობის კანდიდატის სტატუსის მისანიჭებლად დადებითი რეკომენდაცია გასცა.  დეკემბერში, ევროპულმა საბჭომ, რომელშიც 27 სახელმწიფოს ლიდერია, უნდა გადაწყვიტოს საქართველო მიიღებს თუ არა კანდიდატი ქვეყნის სტატუსს. „ქართველი ხალხის ერთიანობას გადამწყვეტი მნიშვნელობა ჰქონდა და აქვს ევროკავშირისკენ მიმავალ გზაზე. ამიტომ, როგორც მანამდეც, ევროკავშირს კიდევ ერთხელ უნდა ვაჩვენოთ ჩვენი ერთიანობა და გავაგონოთ ჩვენი ხმა“.  სწორედ ამიტომ, 9 დეკემბერს თბილისში, 14:00 საათზე რესპუბლიკის მოედნიდან დაიწყება მსვლელობა ევროპის მოედნისკენ.  სრულად...  წყარო: შენი ხმა ევროკავშირს

აჭარა. 20 ნოემბერს, ქალაქ ბათუმში, სამართლის უზენაესობის რეგიონული ფორუმი გაიმართა, რომელშიც იმერეთის და აჭარის რეგიონის მართლმსაჯულების სფეროს, უნივერსიტეტების, სამოქალაქო საზოგადოების ორგანიზაციებისა და მედიის 70-მდე წარმომადგენელი მონაწილეობდა.  ფორუმმა ხელი შეუწყო მონაწილეებს შორის კანონის უზენაესობის საუკეთესო პრაქტიკის გაზიარებას, წაახალისა თანამშრომლობა, კანონის უზენაესობისა და ადამიანის უფლებების საკითხებზე მსჯელობა.  ღონისძიება ჩატარდა USAID/Georgia სამართლის უზენაესობის პროგრამის ბათუმისა და ქუთაისის კანონის უზენაესობის რეგიონული ჰაბების ფარგლებში.  სრულად... წყარო: საქართველოს ახალგაზრდა იურისტთა ასოციაცია

თბილისი.პროექტის, „დაუნის სინდრომის მქონე პირთა ჯანდაცვის სერვისების ადვოკატირების“ ფარგლებში, ოქტომბრის თვიდან დაიწყო დაუნის სინდრომის მქონე ახალგაზრდების/ზრდასრულების თვითადვოკატებად მომზადების პროცესი.  პროექტის მიზანია დაუნის სინდრომის მქონე ახალგაზრდებმა თავად შეძლონ საუბარი საკუთარ გამოწვევებდა და იმ ცვლილებებზე, რისი მიღწევაც სურთ.  მარტის თვეში დაგეგმილ 2 დღიან კონფერენციაზე თვითადვოკატები თავად წარსდგებიან დამსწრე საზოგადოების წინაშე და ისაუბრებენ მათთვის მნიშვნელოვან საკითხებზე. პროექტი ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით (USAID Civil Society Engagement Program) სრულად...  წყარო: საქართველოს დაუნის სინდრომის ასოციაცია

22 ნოემბერს მარნეულის, დმანისის, ჩოხატაურის და ბათუმის მუნიციპალიტეტებში 2024 წლის ბიუჯეტის პროექტის საჯარო განხილვები გაიმართა. შეხვედრებს 150-ზე მეტი სამოქალაქო საზოგადოების და მუნიციპალიტეტის წარმომადგენელი ესწრებოდა. მუნიციპალიტეტის ძირითად ფინანსურ დოკუმენტზე სამოქალაქო სექტორის მხრიდან 50-ზე მეტი რეკომენდაცია და დაზუსტება იქნა წარდგენილი. კანონმდებლობის მიხედვით საკრებულო 25 ნოემბრამდე დაუბრუნებს მერიას ბიუჯეტის პროექტს რეკომენდაციებით და შენიშვნებით. მერია 10 დეკემბრამდე ვალდებულია განიხილოს ის და წარადგინოს კორექტირებული ან იგივე ვერსია საკრებულოს დასამტკიცებლად. მიმდინარე წლის 31 დეკემბრამდე საკრებულომ უნდა დაამტკიცოს მუნიციპალიტეტის მომდევნო წლის ბიუჯეტი. საჯარო განხილვები ჩატარდა მუნიციპალიტეტების მიერ USAID ადგილობრივი თვითმმართველობის პროგრამის მხარდაჭერით.

იმერეთი.საერთაშორისო გამჭვირვალობა-საქართველომ 20 ნოემბერს, ქუთაისში იმერეთის მუნიციპალიტეტების საკრებულოს წევრებისთვის პროგრამული ბიუჯეტირების საკითხებზე ტრენინგი გამართა.  ტრენინგზე მიმოიხილეს ადგილობრივი ბიუჯეტის სტრუქტურა, პროგრამული ბიუჯეტირების მეთოდოლოგია, პროგრამების შემუშავების, მიზნების, საბოლოო და შუალედური შედეგების განსაზღვრის და ინდიკატორების ჩამოყალიბების საკითხები. ტრენინგს საქართველოს საზოგადოებრივ საქმეთა ინსტიტუტის (GIPA) ადგილობრივი თვითმმართველობის ცენტრის ხელმძღვანელი, ნინო ლოლაძე უძღვებოდა.  სრულად...  წყარო: საერთაშორისო გამჭვირვალობა-საქართველო

თბილისი.21 ნოემბერს, ევროპის ფონდმა 2023 წლის კვლევის ანგარიში „ევროკავშირის მიმართ დამოკიდებულებისა და ცოდნის შეფასება საქართველოში“ წარადგინა. ევროკავშირის მიმართ საქართველოს მოსახლეობის ცოდნისა და დამოკიდებულების კვლევას ევროპის ფონდი 2009 წლიდან ყოველ ორ წელიწადში ერთხელ ატარებს.  კვლევა წარმომადგენლობითია ქვეყნის მასშტაბით (ოკუპირებული ტერიტორიების გარდა) და საშუალებას იძლევა შეფასდეს თუ როგორ იცვლება მოსახლეობის ცოდნა და მოლოდინები ევროკავშირის, საქართველო-ევროკავშირის ურთიერთობებისა და ევროინტეგრაციის პროცესის მიმართ.  სრულად...  წყარო: ევროპის ფონდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…