თბილისი. საიამ, 25 მაისს საკონსტიტუციო სასამართლოს მიმართა სარჩელით. ორგანიზაცია „დისკრიმინაციულად მიიჩნევს „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ" მთავრობის დადგენილების მე-2 მუხლს. ამ ნორმით პირები, რომლებიც 2013 წლის 1 ივლისის მდგომარეობით სარგებლობდნენ კერძო დაზღვევით, ვერ მიიღებენ საყოველთაო დაზღვევით გათვალისწინებულ ყველა სამედიცინო მომსახურებას. ამ კატეგორიის პირებზე ვრცელდება საყოველთაო ჯანდაცვის მხოლოდ მინიმალური მომსახურების პაკეტი". სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრმა, არასამთავრობო ორგანიზაცია „მწვანე ალტერნატივასთან" ერთად მოამზადა პრაქტიკული სახელმძღვანელო შრომის უფლებისა და გარემოს დაცვის სფეროში". სახელმძღვანელო მომზადდა ორგანიზაციების ერთობლივი პროექტის ფარგლებში, რომლის ფინანსური მხარდამჭერია ჰაინრიჰ ბიოლის ფონდი. სახელმძღვანელო... წყარო: emc.org.ge

თბილისი. ჰაინრიჰ ბიოლის ფონდის სამხრეთ კავკასიის რეგიონალური ბიუროს მოწვევით, საქართველოში იმყოფებოდა სერბი აქტივისტი და ფემინისტი ლეპა მლადენოვიჩი, რომელიც ჰაინრიჰ ბიოლის ფონდის მიერ დაწესებული ანა კლაინის ჯილდოს მფლობელია. იგი ცნობილია, როგორც ქალთა მიმართ ძალადობისა და ომის წინააღმდეგ მებრძოლი, ასევე ლესბოსელი და გეი ადამიანების უფლებათა დამცველი. 21 მაისს ბიოლის ფონდში ლეპა მლადენოვიჩის საჯარო ლექცია-დისკუსია გაიმართა, სახელწოდებით „მთავრობის მიერ მართული ჰომოფობიური ძალადობიდან სიყვარულის თავისუფლებამდე: ლესბი და გეი მოძრაობის 25 წელი სერბეთში". სრულად... წყარო: .radiotavisupleba.ge

თბილისი. საქართველოს ახალგაზრდა კონსტიტუციონალისტები აღკვეთის ღონისძიების შესახებ სისხლის სამართლის კოდექსში შესატან ცვლილებათა პროექტს აფასებს. „... აღნიშნული კანონპროექტი ითვალისწინებს ცვლილებების შეტანას აღკვეთის ღონისძიების მარეგულირებელ ნორმებში. ცვლილებები დადებითად უნდა შეფასდეს იმდენად, რამდენადაც ის ემსახურება სასამართლო პროცესის უფრო მეტი გამჭვირვალობის უზრუნველყოფასა და ბრალდებულის კონსტიტუციით გარანტირებული უფლებების დაცვის მექანიზმების გაძლიერებას სისხლის სამართლის პროცესში. მნიშვნელოვანია, რომ ცვლილების შედეგად კიდევ უფრო შემცირდება სასამართლოზე ზეწოლის განხორციელებისა და აღკვეთის ღონისძიების პოლიტიკური მიზნებისათვის გამოყენების თეორიული ალბათობა...", ნათქვამია ორგანიზაციის ვებგვერდზე. სრულად... წყარო: facebook.com

იმერეთი. 20 მაისს, სამოქალაქო განათლების პროგრამის ,,მომავლის თაობა'' ფარგლებში, ახალგაზრდა იურისტთა ასოციაციის ქუთაისის ფილიალის დარბაზში გაიმართა ტრენინგი. რომლის თემა იყო: ,,ბავშვთა უფლებები''. ტრენინგს პროგრამის სამიზნე სკოლების სამოქალაქო კლუბების წევრები ესწრებოდნენ. სრულად: წყარო: ორგანიზაციის ვებ-გვერდი სოციალურ ქსელში

თბილისი. 19 მაისს ადამიანის უფლებათა ცენტრის წარმომადგენლებმა პრესკონფერენცია გამართეს. თემა: „პოლიციელთა მიერ მოქალაქეთა ცემის ბოლოდროინდელ ფაქტები". უფლებადამცველებმა კონკრეტულ საქმეებზე ისაუბრეს და მოუწოდეს შესაბამის უწყებებს დროულად დაიწყონ მათი გამოძიება. სრულად... წყარო: humanrights.ge

თბილისი. ქალთა ინიციატივების მხარდამჭერმა ჯგუფმა 17 მაისი ვაჩნაძის ქუჩაზე აღნიშნა. მათი თქმით, ვაჩნაძის ქუჩას სიმბოლური დატვირთვა აქვს, რადგან 2013 წელს გახდა ის ადგილი, სადაც ლგბტ თემის წევრები დაუცველები აღმოჩნდნენ. 17 მაისის შესახებ ჯგუფმა განცხადება გაავრცელა. სრულად... წყარო: liberali.ge

თბილისი. არასამთავრობო ორგანიზაციებმა 17 მაისთან დაკავშირებით ერთობლივი განცხადება გაავრცელეს. „...საქართველოს სამოქალაქო საზოგადოებასა და აქტივისტებს გვსურს, 2015 წლის 17 მაისს, ლგბტ ადამიანთა მიმართ სოლიდარობა გამოვხატოთ. ჩვენი მიზანია გამოხატვის თავისუფლების მნიშვნელოვნების თაობაზე საზოგადოების ცნობიერების ამაღლება. გვსურს, საზოგადოებასა და ხელისუფლებას 2012 წლის 17 მაისის საქმეზე სტრასბურგის სასამართლოს გადაწყვეტილებას გავაცნოთ. ...იმედს გამოვთქვამთ, რომ 2015 წელს მაინც, საქართველოს ხელისუფლება შეძლებს ეფექტიანად დაიცვას საკუთარი მოქალაქეების გამოხატვის, შეკრებისა და მანიფესტაციის უფლება მიუხედავად მისი სქესის, ენის, რელიგიის, პოლიტიკური თუ სოციალური წარმომავლობის, ქონებრივი, წოდებრივი თუ სხვა მდგომარეობისა. რეგისტრაციის ფორმის შევსებით". ნათქვამია განცხადებაში. სრულად... წყარო: osgf.ge

თბილისი. 11 მაისს ფონდი „ღია საზოგადოება-საქართველოს" ოფისში ჩატარდა სადისკუსიო შეხვედრა პენიტენციურ სისტემაში ბავშვთა პერსონალური მონაცემების დაცვის საკითხებზე. ღონისძიების ინიციატორი იყო „ინიციატივა მოწყვლადი ჯგუფების რეაბილიტაციისთვის". შეხვედრაში მონაწილეობდნენ სახალხო დამცველის, ფონდ „ღია საზოგადოება- საქართველოს", გაეროს ბავშვთა ფონდის, პერსონალურ მონაცემთა დაცვის ინსპექტორის აპარატის და სახელმწიფო უწყებების წარმომადგენლები. ასევე ამ სფეროში მოღვაწე არასამთავრობო ორგანიზაციები. დისკუსიისას აქცენტი გაკეთდა იმ ხარვეზებზე, რომელიც შეეხება ბავშვის მიმართ არსებული საქმის წარმოების, მის შესახებ არსებული მონაცემების რეგისტრაციის, შენახვის, გაცვლის, გაცნობისა და განადგურების სპეციალური წესს. შეხვედრაზე იმსჯელეს პროექტის სტრატეგიასა და სამოქმედო გეგმაზე, რაც აღნიშნული ხარვეზების გამოსწორებას ითვალისწინებს. სრულად... წყარო: osgf.ge

თბილისი. საქართველოს ახალგაზრდა კონსტიტუციონალისტთა ასოციაცია მზად არის სამართლებრივი დახმარება გაუწიოს იმ პირებს, რომლებიც მიიჩნევენ, რომ კანონით ან სხვა ნორმატიული აქტით დაირღვა კონსტიტუციის მე–2 თავით გარანტირებული უფლებები. კონსულტაციისთვის მიმართეთ ორშაბათიდან პარასკევის ჩათვლით 12:00–დან 17:00 საათამდე ასოციაციის წარმომადგენლებს, შემდეგ მისამართზე: თბილისი, ისაკაძის 7. სრულად... წყარო: gyca.ge

თბილისი. 11 მაისს სახალხო დამცველმა აპრილის თვის საინფორმაციო ბიულეტენი წარმოადგინა, სადაც აპარატის მუშაობის ერთი თვის ანგარიშია ასახული. ბიულეტენში მთავარ თემად წარმოდგენილია სახალხო დამცველის საერთაშორისო მრჩეველთა საბჭოს ვიზიტი, რომლის დროსაც განვლილი საქმიანობა, სამომავლო პრიორიტეტები და პერსპექტივები განიხილეს. შეიტყობთ სახალხო დამცველის გურიისა და აჭარის მოსახლეობასთან გამართულ შეხვედრებზე გამოკვეთილი სოციალურ-ეკონომიკური ხასიათის პრობლემების შესახებ, რომელთა დაძლევაც ადგილობრივი და ცენტრალური ხელისუფლების კოორდინირებული, ერთობლივი ძალისხმევით ახლო მომავალში არის შესაძლებელი. ბიულეტენის ელექტრონული ვერსია წყარო... www.ombudsman.ge

თბილისი. 6 მაისს საქართველომ ახალგაზრდა იურისტთა ასოციაციამ გამართა კონფერენცია: „რუსეთის პასუხისმგებლობა აგვისტოს ომის დროს და დღეს: საიას საქმეები ევროპულ სასამართლოში". კონფერენციაზე მიმოიხილეს საქმეები, რომლებშიც საია ადამიანის უფლებათა ევროპული სასამართლოს წინაშე რუსეთის ფედერაციის პასუხისმგებლობის საკითხს აყენებს. შეხვედრაზე, ასევე, მიმოიხილეს საიას და სხვა არასამთავრობოების მიერ გაეროს ადამიანის უფლებათა კომიტეტში წარდგენილი ალტერნატიული ანგარიში რუსეთის ფედერაციის მოსმენისთვის, 2015 წლის 16 მარტის სესიაზე. ანგარიში შეეხება 2008 წლის ომის და შემდგომ პერიოდში რუსი და ოსი სამხედროების მიერ განხორციელებულ სამართალდარღვევებს, რომლებზეც პასუხისმგებლობა რუსეთს ეკისრება. ასევე, განიხილეს 2008 წლის აგვისტოს ომის დროს ჩადენილი დანაშაულების გამოძიების საკითხი, როგორც რუსეთის ფედერაციის, ასევე საქართველოს საგამოძიებო ორგანოების მიერ და იმსჯელეს სამხრეთ ოსეთის გამყოფ ხაზთან მდებარე ქართულ სოფლებში მავთულხლართებთან დაკავშირებულ მიმდინარე საფრთხეებსა და პრობლემებზე. კონფერენციის ფარგლებში გაიმართა დისკუსია ზემოაღნიშნულ საკითხებზე, ადგილობრივი არასამთავრობო ორგანიზაციების წარმომადგენლებმა ერთმანეთს გაუზიარეს გამოცდილება მოცემულ თემაზე. სრულად... წყარო: gyla.ge

თბილისი. სამართლიანი არჩევნები განათლების და მეცნიერების სამინისტროს „ტერიტორიული ორგანოების საგანმანათლებლო რესურსცენტრებისა და საჯარო სკოლების თანამშრომელთა პოლიტიკური შეხედულების გამო სამსახურიდან გათავისუფლების საკითხების შემსწავლელი კომისიის წევრი. 4 მაისს კომისიის შემაჯამებელი ანგარიშის პრეზენტაცია გაიმართა. სრულად... წყარო: isfed.ge

თბილისი. საქართველოს დემოკრატიულმა ინიციატივამ ყოველთვიური ბიულეტენი გამოაქვეყნა ადამიანის უფლებათა სფეროში. სრულად.../ წყარო: gdi.ge

თბილისი. საქართველოს ახალგაზრდა იურისტთა ასოციაცია მშრომელთა საერთაშორისო დღისადმი გავრცელებულ განცხადებაში მთავრობას მოუწოდებს შექმნას ეფექტური შრომის ინსპექცია. „...მიგვაჩნია, რომ აუცილებელია არსებობდეს სათანადო სახელმწიფოებრივი კონტროლის მექანიზმი - შრომის ინსპექცია, რათა დაცული იყოს დასაქმებულთა უფლებები და მათ მიეცეთ სათანადო პირობებში მუშაობის შესაძლებლობა. აღნიშნული მექანიზმის შექმნის მიზნით, 2015 წლის 5 თებერვალს მიღებულ იქნა მთავრობის #38 დადგენილება, რომლითაც იქმნება „შრომის პირობების მონიტორინგის სახელმწიფო პროგრამა". თუმცა ვფიქრობთ, შრომის პირობების მონიტორინგის სახელმწიფო პროგრამა - წარმოდგენილი ფორმით ვერ იქნება ეფექტური და ვერ შეასრულებს სახელმწიფოს ვალდებულებას - უზრუნველყოს შრომის უსაფრთხო პირობები და დასაქმებულთა სხვა უფლებების დაცვა ..", ნათქვამია განცხადებაში. სრულად... წყარო: gyla.ge

თბილისი. გაეროს ბავშვთა ფონდმა საქართველოში გამოაქვეყნა ოჯახში ძალადობის მსხვერპლთა სამართლებრივი დაცვის გასაძლიერებლად შემუშავებული საკანონმდებლო პაკეტის შესახებ ინფოგრაფიკა. ინფოკრაფიკა... წყარო: ორგანიზაციის ვებგვერდი სოციალურ ქსელში

თბილისი. 1 მაისს მშრომელთა საერთაშორისო დღეს „საქართველოს ახალგაზრდა მწვანეები"სტუდენტურ მოძრაობა „სტუდენტთა თვითორგანიზების ქსელი" ივანე ჯავახიშვილის უნივერსიტიტეტის პირველი კორპუსიდან მანიფესტაცია გამართეს. სრულად... წყარო: ორგანიზაციის ვებგვერდი სოციალურ ქსელში

თბილისი. მოძრაობა „მწვანე მუშტი" საპირველმაისო მიმართვას ავრცელებს. მემარცხენე-ეკოლოგიური ახალგაზრდული მოძრაობა „მწვანე მუშტი" 2015 წლის საპირველმაისო დემონსტრაციის ჩატარებას გეგმავს ქ. ჭიათურაში და „სამართლიანობისთვის მებრძოლ ყველა ძალას შემოერთებისკენ მოუწოდებს", ნათქვამია მოძრაობის ვებგვერდზე. სრულად... წყარო: ორგანიზაციის ვებგვერდი

აღმოსავლეთ პარტნიორობის სამოქალაქო საზოგადოების ფორუმის მმართველი კომიტეტი განცხადებას ავრცელებს. ისინი მიმართავენ და მოითხოვენ აზერბაიჯანის ხელისუფლებისგან „...ინტიგამ ალიევისა და რასულ ჯაფაროვს დაუყოვნებლივ და უპირობო გათავისუფლებას აზერბაიჯანში არსებულ სხვა სინდისის პატიმრებთან ერთად. ...", ნათქვამია მიმართვაში. სრულად... წყარო: humanrights.ge

იმერეთი. ადამიანის უფლებათა ცენტრი მიმართვას ავრცელებს. ორგანიზაცია შეშფოთებას გამოთქვამს „იეჰოვას მოწმეთა დევნის ფაქტებზე ქალაქ თერჯოლაში, რომელიც 2014 წლის ივნისში დაიწყო და დღემდე გრძელდება". მიმართვაში მოყვანილია კონკრეტული მაგალითები, რომელთა გამოძიების მოთხოვნით ორგანიზაცია შესაბამის უწყებებს მიმართავს. სრულად... წყარო: humanrights.ge

თბილისი. ქალთა ინიციატივების მხარდამჭერი ჯგუფი (WISG) გამოცა სამართლებრივი გზამკვლევი ლგბტ ადამიანებისათვის, სადაც თავმოყრილია საქართველოს საკანონმდებლო სისტემაში ადამიანის უფლებების დაცვის მექანიზმები. გზამკვლევი შედგენილია ამერიკული ორგანიზაცია NED-ის („ეროვნული წვლილი დემოკრატიისათვის”) მხარდაჭერით. გზამკვლევი სამართლებრივ საკითხებში... წყარო: women.ge

თბილისი. ორგანიზაცია „იდენტობის" ინფორმაციით, ადამიანის უფლებათა ევროპული სასამართლო სარჩელზე: „იდენტობა" და სხვები საქართველოს წინააღმდეგ", ახალ ინფორმაციას 12 მაისს გამოაქვეყნებს. „საქმე ეხება 2012 წლის 17 მაისს, ჰომოფობიასა და ტრანსფობიასთან ბრძოლის საერთაშორისო დღეს მიძღვნილი მსვლელობის დროს, ადამიანის უფლებათა და ძირითად თავისუფლებათა ევროპული კონვენციის მოთხოვნების სავარაუდო დარღვევების ფაქტებს", ნათქვამია ინფორმაციაში. სრულად... წყარო: www.17mai.si