თბილისი. საქართველოს იუსტიციის სამინისტროს მმართველობის სფეროში მოქმედმა სსიპ „დანაშაულის პრევენციის ცენტრმა" ახალგაზრდული პროგრამის „ლიდერთა სახლის" მონაწილეებისთვის, საქართველოს ახალგაზრდა იურისტთა ასოციაციის (საია) იურიდიული განათლების ხელშეწყობის ფონდთან ერთად დაიწყო ერთობლივი პროექტი - სემინარები ადამიანის უფლებებში. პროექტში მონაწილეობს 25 მოსწავლე. მონაწილეები ერთი კვირის განმავლობაში ადამიანის უფლებების შესახებ მოისმენენ სემინარებს და შესაძლებლობა ექნებათ აქტიურად ჩაერთონ დისკუსიებში. პირველი სემინარი 16 მარტს დანაშაულის პრევენციის ცენტრში ჩატარდა თემაზე: „ადამიანის უფლებების ცნება და ფუნქცია", რომელიც იურიდიული განათლების ხელშეწყობის ფონდის ტრენერმა ნინო ბაღაშვილმა ჩაატარა. მონაწილეების შერჩევა მოხდა აპლიკაციის საშუალებით. პროექტის მიზანია არაფორმალური განათლების გზით არასრულწლოვნებში სამართლებრივი ცნობიერების ამაღლება. სემინარები ასევე ჩატარდება ადამიანის უფლებათა კლასიფიკაციისა და მექანიზმების შესახებ. რამდენიმე სემინარის თემატიკას კი თავად მონაწილეები შეარჩევენ. წყარო: საიას იურიდიული განათლების ხელშეწყობის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ პარტნიორ ორგანიზაციასთან ,,ადამიანის უფლებათა დაცვის ევროპული ცენტრი (EHRAC)'' თანაშრომლობით, ადამიანის უფლებათა ევროპულ სასამართლოს ორი ყოფილი მსჯავრდებულის სახელით, მათ მიმართ განხორციელებული არასათანადო მოპყრობის ფაქტების არაეფექტური გამოძიების გამო მიმართა. საიამ ადამიანის უფლებათა ევროპულ სასამართლოს ევროპული კონვენციის მე-3 (წამების აკრძალვა) და 34-ე (ინდივიდუალური საჩივრის უფლება) მუხლების საფუძველზე მიმართა. სრულად... წყარო: gyla.ge

თბილისი. საქართველოს სახალხო დამცველი შეშფოთებას გამოთქვამს 15 მარტს ზუგდიდში მომხდარ სამწუხარო ინციდენტთან დაკავშირებით დაგანცხადებას ავრცელებს. სრულად... წყარო: ombudsman.ge  

თბილისი. „სამართლიანი არჩევნები" მიესალმება თერჯოლის მუნიციპალიტეტის საპრეტენზიო კომისიის მიერ მიღებულ გადაწყვეტილებას და მოუწოდებს ადგილობრივ თვითმმართველობის მოხელეთა საკონკურო-საატესტაციო კომისიას ხელახლა ჩაატაროს გასაუბრების ეტაპი. ორგანიზაცია დადებითად აფასებს „საპრეზენზიო კომისიის მიერ მიღებულ გადაწყვეტილებას, სადაც საკონკურსო-კომისიის მიერ წინასწარ განსაზღვრული შეფასების ფორმის გარეშე ჩატარებული გასაუბრება უკანონოდ იქნა მიჩნეული. ..." ორგანიზაცია მოუწოდებს თერჯოლის მუნიციპალიტეტის საკონკურსო–საატესტაციო კომისიას „გაითვალისწინოს საპრეტენზიო კომისიის გადაწყვეტილებაში ასახული შენიშვნები და კანდიდატების შესარჩევად ხელახლა ჩაატაროს გასაუბრების ეტაპი...", ნათქვამია ორგანიზაციის ვებგვერდზე. სრულად... წყარო: isfed.ge

თბილისი. 13 მარტს საქართველოს ახალგაზრდა იურისტთა ასოციაციამ ერთ-ერთი დევნილის სახელით მიმართა სასამართლოს საქართველოს მთავრობის და ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის იმ ნორმატიული აქტების ნაწილობრივ ბათილად ცნობის მოთხოვნით. კერძოდ, „... არსებული რეგულაციის პირობებში, სამინისტრო არ განიხილავს იმ დევნილი ოჯახების საცხოვრებლით დაკმაყოფილების მოთხოვნით წარდგენილ განაცხადებს, რომელთა ოჯახის წევრს (წევრებს) საქართველოს მოქალაქეობასთან ერთად აქვს უცხო ქვეყნის მოქალაქეობა (აქვს ორმაგი მოქალაქეობა). ამ დროისათვის უკვე 218 დევნილი ოჯახის განაცხადი დარჩა განუხილველი მხოლოდ იმიტომ, რომ მათი ოჯახის წევრები უცხო ქვეყნის მოქალაქეები არიან...", ნათქვამია ორგანიზაციის ვებგვერზე. სრულად... წყარო: gyla.ge

თბილისი. საქართველოს დემოკრატიული ინიციატივა აქვეყნებს 2015 წლის პირველ საინფორმაციო ბიულეტენს ადამიანის უფლებათა სფეროში. სრულად... წყარო: gdi.ge

თბილისი. საქართველოს ახალგაზრდა იურისტთა ასოციაციამ 12 მარტს პრესკონფერენცია გამართა, სადაც ყურადღება გაამახვილა სამართალდამცავთა მხრიდან სავარაუდოდ ჩადენილ უკანონო ქმედებებზე. „ბოლო რამდენიმე თვის განმავლობაში საქართველოს ახალგაზრდა იურისტთა ასოციაციას მომართა ოცამდე პირმა, რომლებიც პოლიციელთა მხრიდან მათ მიმართ განხორციელებულ უკანონო და ძალადობრივ ქმედებებზე საუბრობენ. კერძოდ, ისინი აცხადებენ, რომ პოლიციის თანამშრომლებმა დაკავებისას და შემდგომ პერიოდში მიაყენეს ფიზიკური და სიტყვიერი შეურაცხყოფა, ხოლო ზოგიერთი მათგანი ასევე საუბრობს პოლიციის მხრიდან ნარკოტიკული ნივთიერებების და იარაღის ჩადების ფაქტზე. ... საია მოუწოდებს საქართველოს პროკურატურას, უზრუნველყოს პოლიციელთა მხრიდან შესაძლო დანაშაულის ჩადენის ფაქტების დროული და ეფექტური გამოძიება", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. არასამთავრობო ორგანიზაცია „ჯამპსტარტ ჯორჯია" ახალ ინფოგრაფიკას ავრცელებს – „ლეკვი ლომისა სწორია, ძუ იყოს, თუნდა ხვადია?!". „ქართულ საზოგადოებაში გავრცელებული მოსაზრების თანახმად, მშობლების ქონების უდიდესი ნაწილი ვაჟიშვილს რჩება და არა ქალიშვილს. გაეროს განვითარების ფონდის (UNDP) 2013 წლის კვლევა ადასტურებს ამ გავრცელებულ აზრს. ამასთანავე, გამოკითხულთა საგრძნობი ნაწილი თანასწორობის მომხრეა. თუმცა, ძალიან მცირეა იმ ინდივიდთა რიცხვი, ვინც მიიჩნევს, რომ მშობლების ქონების უმეტესი ნაწილი ქალიშვილს უნდა ერგოს", ნათქვამია ფერად ინფოზე. ინფოგრაფიკა... წყარო: feradi.info

თბილისი. 10 მარტს თბილისის ადამიანის უფლებათა სახლის საკონფერენციო დარბაზში რეპატრირებული მესხების ბინადრობის პრობლემების შესახებ პრესკონფერენცია გაიმართება. „რეპატრირებულ მესხებს საქართველოში ბინადრობის უფლებას არ აძლევენ. ...ადამიანის უფლებათა ცენტრში მიიჩნევენ, რომ უარი, რომელიც მესხებმა საქართველოს იუსტიციის სამინისტროსგან მიიღეს, დაუსაბუთებელია. არასამთავრობო ორგანიზაციამ უკვე სასამართლოსაც მიმართა", ნათქვამია რადიო „თავისუფლების" ვებგვერდზე. სრულად... წყარო: radiotavisupleba.ge

თბილისი. 9 მარტს „სათანადო საცხოვრებლის უფლებაზე" საქართველოს სახალხო დამცველმა სპეციალური ანგარიში წარადგინა. ანგარიშში განხილულია საკანონმდებლო და პრაქტიკულ დონეზე არსებული სისტემური და ინდივიდუალური ხასიათის პრობლემები, რომლებიც სახალხო დამცველის აპარატში უსახლკარო პირების საცხოვრებლით უზრუნველყოფასთან დაკავშირებით მიღებული გაცხადებების შესწავლის შედეგად გამოვლინდა. სრულად... წყარო: ombudsman.ge

თბილისი. გასულ კვირას საქართველოს პარლამენტმა პირველი მოსმენით მიიღო საქართველოს სამოქალაქო კოდექსში შესატანი ცვლილებები.  საერთაშორისო გამჭირვალობა – საქართველოს ინფორმაციით,  „კანონპროექტი მნიშვნელოვანი რეფორმის დასაწყისია, რომელიც უკავშირდება ქმედუნარიანობის ინსტიტუტის ახლებურად ჩამოყალიბებას...". სრულად... წყარო: ორგანიზაციის ვებგვერდი სოციალურ ქსელში

ქალთა მოძრაობის ინიციატივით, 8 მარტს, საქართველოს ყველა დიდ ქალაქში მოეწყო აქცია მსვლელობა. მისი მიზანი იყო ქალთა პოლიტიკური აქტიურობის ხელშეწყობა. 25 ქალაქში ერთდროულად დაიწყო მსვლელობა. მოძრაობის ინფორმაციით, ქალები საქართველოს მოსახლეობის 53% შეადგენს, მაგრამ პარლამენტში 12%–ით არის წარმოდგენილი. 59 გამგებლიდან მხოლოდ ორი ქალია. მოძრაობის წევრები და მხარდამჭერები მიიჩნევენ, რომ დღეს საქართველოში ქალის ხმა არ ისმის. წყარო: მოძრაობის ვებგვერდი სოციალურ ქსელში

სამცხე-ჯავახეთი. „ვიცხოვროთ, ვიმუშაოთ, ვიმოქმედოთ ერთად" - ახალციხის დემოკრატიული ჩართულობის ცენტრში პროექტის პრეზენტაცია გაიმართა. პროექტის მიზანია შეზღუდული შესაძლებლობის მქონე პირთა უფლებების დაცვა და ადვოკატირება, ახალციხეში მცხოვრები შშმ პირების სოციალური ინკლუზიის ხელშეწყობა და საზოგადოებრივი ცნობიერების ამაღლება. შვეიცარიის საელჩოს მიერ დაფინანსებული პროექტი „ვიცხოვროთ, ვიმუშაოთ, ვიმოქმედოთ ერთად" პირველი თებერვლიდან დაიწყო და მას სამცხე–ჯავახეთის ასოციაცია „ტოლერანტი" ახორციელებს. ასოციაცია „ტოლერანტის" ხელმძღვანელის და პროექტის დირექტორის ცირა მესხიშვილის განმარტებით, შეზღუდული შესაძლებლობის მქონე პირებისთვის ქალაქი ადაპტირებული არ არის. პროექტის ფარგლებში შეიქმნა ადვოკატირების ჯგუფი, რომელსაც ახალციხეში შშმ პირთა მიმართ საზოგადოების დამოკიდებულებების, საჭიროებებისა და არსებული რესურსების შესწავლა, გარემოს მონიტორინგი და ანგარიშისა და რეკომენდაციების მომზადება ევალება. ადვოკატირების ჯგუფში ჩაერთნენ ინკლუზიურ განათლებაზე მომუშავე პედაგოგები, უნივერსიტეტის და ქალაქის მერიის წარმომადგენლები, შემუშავდება რეკომენდაციები თვითმმართველობის და მმართველობის ორგანოების ჩართულობით.

თბილისი. ქალთა მოძრაობის ინიციატივით 8 მარტს, 15:00 საათზე გაიმართება მსვლელობა ქალთა უფლებებისათვის. მსვლელობა აქცია საქართველოს 25 ქალაქში გაიმართება. სრულად... წყარო: მოძრაობის ვებგვერდი სოციალურ ქსელში

თბილისი. სახალხო დამცველის აპარატმა გამოსცა სახელმძღვანელო ოჯახში ძალადობის ფაქტებზე რეაგირებისთვის. წიგნი საინტერესოა ყველა იმ ორგანიზაციისა თუ პირისათვის, ვინც ოჯახში ძალადობის თემაზე მუშაობს. სახელმძღვანელო... წყარო: www.ombudsman.ge

თბილისი. საქართველოს ჟურნალისტური ეთიკის ქარტია გაეროს ბავშვთა ფონდის მხარდაჭერით იწყებს ახალ პროექტს ქართულ მედიაში ბავშვთა საკითხების ეთიკური გაშუქების მხარდასაჭერად. პროექტი რამდენიმე მიმართულებას მოიცავს: მედიის მონიტორინგი, სემინარები ჟურნალისტებისათვის საქართველოს რეგიონებში(ბათუმი, გორი, თელავი), ბავშვთა საკითხებზე მომზადებული სიღრმისეული ნამუშევრების გამოვლენა და ადვოკატირება მაუწყებელთა თვითრეგულირების ორგანოებში ბავშვთა საკითხებზე შესული განცხადებების განხილვის გასააქტიურებლად. სრულად... წყარო: qartia.org.ge

თბილისი. ჟურნალისტური ეთიკის ქარტიის საბჭო ეხმაურება ვარდების მოედანზე მომხდარ ინციდენტს, როდესაც საპროტესტო აქციაზე, "ინტერპრესნიუსის” ფოტორეპორტიორს, ირაკლი გედენიძეს ფიზიკური შეურაცხყოფა მიაყენეს. „ჟურნალისტური ეთიკის ქარტიის საბჭო მიმართავს სამართალდამცველ ორგანოებს, სასწრაფოდ გამოიძიონ ირაკლი გედენიძეზე თავდასხმის ფაქტი, იმოქმედონ კანონის ფარგლებში და მოახდინონ ადეკვატური რეაგირება. საბჭო აგრეთვე მიმართავს სამართალდამცველებსა და დემონსტრაციების ორგანიზატორებს, მაქსიმალურად დაიცვან და უზრუნველყონ მსგავს საპროტესტო აქციებზე მედიის წარმომადგენლების თავისუფალი გადაადგილება და მუშაობა". ნათქვამია განცხადებაში. სრულად... წყარო: www.media.ge

თბილისი. მედიის განვითარების ფონდი გმობს„ინტერპრესნიუსის" კორესპონდენტის ირაკლი გედენიძის მიმართ განხორციელებულ ფიზიკური ძალადობის აქტს. ინსტიტუტი მოუწოდებს სამართალდამცავ ორგანოებს შესაბამისი რეაგირება მოახდინონ მომხდარზე.ასევე მოუწოდებს აქციის „შემოულაწუნე" ორგანიზატორებს გაემიჯნონ ამ ფაქტს და დაგმონ ძალადობა. სრულად... წყარო: media.ge

თბილისი. სამოქალაქო პლატფორმაში „არა ფობიას" – შემავალი ორგანიზაციები ერთობლივ განცხადებას ავრცელებენ, რომლითაც ეხმაურებიან იუსტიციის მინისტრის თეა წულუკიანის მიერ ტელეკომპანია „იმედის" გადაცემა „ქრონიკაში" გაკეთებულ კომენტარს. „...განცხადება ქსენოფობიური ხასიათისაა და აშკარად დისკრიმინაციულია მინისტრის მიერ დასახელებული ეთნიკური და რასობრივი იდენტობის მქონე ადამიანების მიმართ, რამდენადაც აიგივებს მათ საქართველოს არაკეთილმოსურნეებთან, რომლებიც არ უნდა დაიშვებოდნენ ქვეყანაში. ამგვარი განცხადებები წინააღმდეგობაში მოდის საყოველთაოდ აღიარებულ ადამიანის უფლებების დაცვის პრინციპებთან და სრულ თანხვედრაშია იმ რიტორიკასთან, რომელსაც რადიკალური ჯგუფები ჩვენს საზოგადოებაში კულტივირებენ. განსაკუთრებით საგანგაშოა, როდესაც ასეთ პოპულისტურ ნარატივს მაღალი პოლიტიკური თანამდებობის პირი ტირაჟირებს. ...მიგვაჩნია, რომ უმაღლესი თანამდებობის პირის, იუსტიციის მინისტრის მხრიდან ამგვარი ქსენოფობიური, დისკრიმინაციული, რასისტული მიდგომისა და სტერეოტიპული დამოკიდებულების შემცველი განცხადებები ეწინააღმდეგება საქართველოს კონსტიტუციით გარანტირებულ თანასწორობის პრინციპს და ზიანის მომტანია როგორც საქართველოს დემოკრატიული განვითარებისთვის, ასევე საერთაშორისო ასპარეზზე ქვეყნის რეპუტაციისთვისაც...", ნათქვამია განცხადებაში. სრულად... წყარო: transparency.ge

თბილისი. ილიას სახელმწიფო უნივერსიტეტის წიგნის სახლში „ლიგამუსი”, ტოლერანტობის სკოლის ფარგლებში, ეპისკოპოსმა მალხაზ სონღულაშვილმა წაიკითხა საჯარო ლექცია თემაზე - რელიგია და ტოლერანტობის კულტურა. საჯარო ლექციების ციკლი ტოლერანტობის სკოლის ფარგლებში ახალი პროექტია, რომელსაც ტოლერანტობისა და მრავალფეროვნების ინსტიტუტი (TDI), ილიას სახელმწიფო უნივერსიტეტთან ერთად, ჰოლანდიის საელჩოს მხარდაჭერით ახორციელებს. ორგანიზაცია საშუალებას გაძლევთ იხილოთ ლექციის ვიდეო ჩანაწერი. ლექცია..        წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია განცხადებას ავრცელებს. სადა იგი „გმობს 2015 წლის 4 მარტს, თბილისში, ვარდების მოედანზე გამართულ აქციაზე სახელწოდებით „შემოულაწუნე" ფოტოკორესპონდენტის ირაკლი გედენიძის ცემის, მისი ფოტოკამერის დამტვრევისა და ჟურნალისტის პროფესიული საქმიანობის განხორციელებაში ხელის შეშლის ფაქტს". საია განცხადებაში აღნიშნავს, რომ სახელმწიფო ვალდებულია უზრუნველყოს ჟურნალისტების უსაფრთხოება, ეფექტურად გამოიძიოს ჟურნალისტების წინააღმდეგ ჩადენილი დანაშაულები. სრულად... წყარო: gyla.ge

თბილისი. 4 მარტს გაიმართა პროექტის „მეტი უფლებები ქალებს უკეთესი ადგილობრივი თვითმმართველობებისათვის" პრეზენტაცია. პროექტი რვა ადგილობრივი საკრებულოს წევრ ქალბატონებზე გაამახვილებს ყურადღებას და ადგილობრივი პრობლემების მოსაგვარებლად მათი ინიციატივების მხარდაჭერას შეეცდება. ამას გარდა, აღნიშნულ მუნიციპალიტეტებში, თვითმმართველობებთან დაკავშირებული საკითხების მოგვარებაში პროექტი პოლიტიკურად აქტიურ სხვა ქალბატონებსაც დაეხმარება. წლის ბოლოს საერთაშორისო რესპუბლიკური ინსტიტუტი შემაჯამებელ კონფერენციას გამართავს და პროექტის შედეგებს წარმოადგენს. პროექტს აშშ–ის საერთაშორისო განვითარების სააგენტო აფინანსებს. წყარო: აშშ–ის საელჩოს ვებგვერდი სოციალურ ქსელში