თბილისი. ახალგაზრდა მწვანეები საზოგადოებას ახსენებენ სამი წლის წინათ იაპონიაში მომხდარ ტრაგედიას – მიწისძვრას, ფუკუშიმას ატომური ელექტროსადგურის მწყობრიდან გამოსვლას და ადამიანების მსხვერპლს. „ჩერნობილის შემდეგ, რიგით მეორე მასშტაბური კატასტროფიდან სამი წლის თავზე, ჩვენ ვცხოვრობთ სეისმურ რეგიონში, სადაც აქტიური ატომური ელექტროსადგური გვაქვს. ამ ფონზე სამხრეთ კავკასიის ძალიან ცოტა მოსახლე თუ აცნობიერებს ეკოლოგიური კატასტროფის საფრთხეებს. ახალგაზრდა მწვანეები კიდევ ერთხელ ვაფიქსირებთ ჩვენს ცალსახად ნეგატიურ განწყობას ატომური ენერგიის მიმართ!", ნათქვამია ორგანიზაციის ვებგვერდზე სოციალურ ქსელში. წყარო:ორგანიზაციის ვებგვერდი სოციალურ ქსელში

‪თბილისი. საქართველოში უფრო სუფთა ჰაერის უზრუნველსაყოფად, GPAC-ის პარტნიორი „პარტნიორობა საგზაო უსაფრთხოებისათვის" „ეკოვიჟენთან" და „ელვასთან" იწყებს ინოვაციურ პროექტს, „სუფთა ჰაერი საქართველოსთვის". „ჰაერის დაბინძურება საქართველოს მოქალაქეების სიცოცხლეს 12 თვეზე მეტი დროით ამოკლებს. დაბინძურების ნომერ პირველი მიზეზი ტრანსპორტია, რომელზეც ჰაერის დაბინძურების 80% მოდის", ნათქვამია პროექტის გვერდზე სოციალურ ქსელში. სრულად წყარო:პროექტის გვერდი სოციალურ ქსელში

კახეთი. წნორის საინიციატივო ჯგუფის ორგანიზებით, წნორის ნაგავსაყრელად ქცეული ტყე-პარკისა და სტადიონის ტერიტორია, რომელიც წლების მანძილზე არ გაწმენდილა, ადგილობრივმა ახალგაზრდებმა საკუთარი ძალებით დაასუფთავეს.

ქვემო ქართლი. საქართველოს ბუნების მკვლევართა კავშირმა „ორქისმა" 20 თებერვალოს პროექტის – „დავასუფთავოთ საქართველო – საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯესებესის პროცესში" – მოეწყო შეხვედრა გარდაბნის მუნიციპალიტეტში. შეხვედრის მიზანი იყო საზოგადოების ცნობიერების ამაღლების ხელშეწყობა ნარჩენების მართვის სფეროში. შეხვედრას ესწრებოდა ადგილობრივი თვითმმართველობისა და არასამთავრობო ორგანიზაციების წარმომადგენლები. წყარო: cenn.org

კახეთი. 18 თებერვალს წნორში, სახელმწიფო უნივერსიტეტის ეკოკლუბმა, პირველ საჯარო სკოლაში გამართა სიღნაღის მუნიციპალიტეტში შექმნილ ეკოლოგიურ პრობლემებზე ლექცია. შეხვედრას ესწრებოდნენ სკოლის მოსწავლეები და სიღნაღის მუნიციპალიტეტის გამგეობის წარმომადგენლები. ლექციის შემდეგ მოეწყო დასუფთავების აქცია, მოსწავლეებმა თავისუფლების ქუჩა და მისი მიმდებარე ტერიტორია დაასუფთავეს. წყარო: სამოქალაქო ინიციატივის გვერდი სოციალურ ქსელში

აჭარა. 14-15 თებერვალს, ბათუმში გაიმართა საერთაშორისო კონფერენცია – „ქალაქების დამეგობრება კლიმატის დაცვისთვის". შეხვედრის ერთ-ერთ მთავარ თემას ბიომასის გამოყენება და გარე განათების პრობლემების გადაჭრა იყო. შეხვედრას ესწრებოდნენ ადგილობრივი საზოგადოებრივი ორგანიზაციების, სამთავრობო უწყებებისა და მედიის წარმომადგენლები, ასევე კონფერენციაში მონაწილეობას ღებულობდნენ დარგის სპეციალისტები. ევროპული ინიციატივის მიზანი კლიმატის გაუმჯობესების მიმართულებით მუშაობაა. კონფერენცია ბათუმის მერიისა და ასოციაცია „კლიმატის ალიანსის" ორგანიზებით გაიმართა.

თბილისი. საქართველოს გარემოსდამცველთა ოფისის ინიციატივით 2014 წლის მარტში იგეგმება კონფერენცია: „გარემოსა და ბუნებრივი რესურსების დაცვა". ორგანიზაცია იწვევს, გარემოს დაცვისა და ეკოლოგიის სფეროში მომუშავე არასამთავრობო ორგანიზაციების წარმომადგენლებს, ექსპერტებს და დაინტერესებულ პირებს კონფერენციაში მონაწილეობის მისაღებად. კონფერენციაში მონაწილეობისთვის უნდა გაიაროთ რეგისტრაცია და მიაწოდოთ ინფორმაცია შემდეგ ელ–ფოტის საშუალებით:garemosdacva@mail.ru ან დაუკავშირთიდ ტელ: 577566636/571001806

აჭარა. 9 თებერვალს, პრესკაფეს მიმდებარე ტერიტორიაზე „ბათუმის ახალგაზრდული ცენტრმა" ეკოაქცია გამართა, სახელწოდებით - „უკვე გვიანია იყო პესიმისტი". აქციის ფარგლებში ახალგაზრდებმა სიმბოლურად შეღებეს სანაგვე ურნები. აქტივობის მიზანია საზოგადოების ყურადღების გამახვილება გარემოს დაცვის საკითხებზე. აქცია გაიმართა სახელოსნო „At Takos” და სანდასუფთავების ხელშეწყობით. აქტივობა განხორციელდა ეროვნული ინტეგრაციის გაძლიერების პროექტის ფარგლებში (ANI), რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

თბილისი. სახალხო დამცველმა ხუდონჰესის მშენებლობის თემაზე განცხადება გაავრცელა. „..ქართული საზოგადოებისთვის ცხადია, რომ ერთი მხრივ სვანეთის საზოგადოებისა და ხაიშის თემის, ხოლო მეორე მხრივ ენერგეტიკის სამინისტროსა და ინვესტორი კომპანიის პოზიციები რადიკალურად განსხვავდება ერთმანეთისგან და ეს რადიკალიზაციის პროცესი უფრო და უფრო ღრმავდება. სახალხო დამცველი მიიჩნევს, რომ ხუდონჰესის საკითხი ადამიანის უფლებების სრული დაცვითა და მხარეთა შორის კონსტრუქციული დიალოგით უნდა გადაწყდეს....", ნათქვამია განცხადებაში. სრულად წყარო: ombudsman.ge

თბილისი. 3 თებერვალს, „ფრონტლაინ ჯორჯიაში" შეხვედრა - „ხუდონჰესის სოციალურ-ეკონომიკური გამოწვევები" - გაიმართა. იძულებით განსახლების, ადამიანის უფლებების, ასევე ხუდონჰესის ეკონომიკური მოგების საკითხებზე ორგანიზაცია „მწვანე ალტერნატივის" წარმომადგენლებმა: მანანა ქოჩლაძემ და დავით ჭიპაშვილმა ისაუბრეს. შეხვედრა წყარო: „ფრონტლაინ ჯორჯიას" გვერდი სოციალურ ქსელში

აჭარა. 31 იანვარს, ბათუმის პრესკაფეში, ახალგაზრდა მეცნიერთა კავშირმა „ინტელექტმა" პროექტის - „აჭარის რეგიონში სოციალურად დაუცველთა და  ეკომიგრანტთა განსახლების პროცესის მონიტორინგის" ფარგლებში არსებული საქმიანობების, მონიტორინგის და კვლევის შედეგების პრეზენტაცია გამართა. აქვე წარმოდგენილ იქნა მიზნობრივი პროგრამა, რომლის მიზანიც არის ბუნებრივი კატასტროფების და სტიქიების შედეგად დაზარალებული მოსახლეობის პრობლემების მოგვარება. შეხვედრას ადგილობრივი საზოგადოებრივი ორგანიზაციების, სამთავრობო უწყებების წარმომადგენლები, სოციალურად დაუცველები და ეკომიგრანტები ესწრებოდნენ. 

ქვემო ქართლი. 28 იანვარს, დმანისის ახალგაზრდული ცენტრის წევრები სოფელ განთიადის საჯარო სკოლას ესტუმრნენ. ცენტრის წევრებმა თანატოლებს ჩაუტარეს ტრენინგი ეკოლოგიაზე. ახალგაზრდებმა თანატოლებს წარუდგინეს პრეზენტაცია ეკოლოგიის არსზე, ეკოლოგიური გარემოს ცვლილებებზე და ამ ცვლილებებით გამოწვეულ პრობლემებზე. ტრენინგის მონაწილეებს შორის გაიმართა დისკუსიაც, თუ რამდენად დიდია ადამიანის გავლენა ეკოლოგიურ გარემოს ცვლილებებზე. ტრენინგის ბოლოს გაიმართა ფილმის ჩვენება. წყარო:ორგანიზაციის გვერდი სოციალურ ქსელში

თბილისი. გასული წლის ოქტომბრიდან საინიციატივო ჯგუფი „პარტიზანული მებაღეობა" ფონდ „ღია საზოგადოება – საქართველოს" მხარდაჭერით ზრუნავს თბილისის და მისი შემოგარენის მწვანე საფარის აღდგენაზე. ასევე საზოგადოების ცნობიერების ამაღლებასა და მოქალაქეების ჩართვაზე ურბანული გარემოს დაცვის პროცესში. პროექტის ფარგლებში მომზადდა საინფორმაციო ვიდეო რგოლები: ვიდეო რგოლი: ხის როლი დაბინძურებულ გარემოში ვიდეო რგოლი: მოწოდება ხეების გამრავლებასა და დარგვაში მოსახლეობის ჩართულობისაკენ ვიდეო რგოლი: მეტი ინფორმაცია პრიორიტეტული ხეების შესახებ, ჰაერის მავნე შენაერთებისგან გასაწმენდად წყარო: osgf.ge

კახეთი. დღეიდან თელაველებს დაურიგდებათ ენერგიის დაზოგვის მნიშვნელობის შესახებ საინფორმაციო ბუკლეტები. ბუკლეტებს მოსწავლეები დაარიგებენ, რომლებმაც უკვე გაიარეს ტრენინგები აღნიშნულ საკითხებზე. ტრენინგი და ღონისძიება იმართება პროექტის „გავუფრთხილდეთ ენერგიას, გადავარჩინოთ პლანეტა" – ფარგლებში, რომელსაც არასამთავრობო ორგანიზაცია „სფეარი" ახორციელებს.

თბილისი. არასამთავრობო ორგანიზაცია "მწვანე ალტერნატივა" გარემოსა და ბუნებრივი რესურსების მინისტრს ხათუნა გოგალაძეს მიმართავს. ორგანიზაცია მიმართვაში „გარემოსა და ადამიანთა ჯანმრთელობაზე მნიშვნელოვანი ზეგავლენის მქონე დაგეგმილი პროექტების შესახებ საზოგადოების ინფორმირების მექანიზმის გაუმართაობის და ამის გამოსასწორებლად უმოკლეს ვადაში ზომების გატარების აუცილებლობის თაობაზე" საუბრობს. მიმართვა წყარო: greenalt.org

თბილისი. „ახალგაზრდა ადვოკატებმა" ხუდონჰესის პროექტთან დაკავშირებით განცხადება გაავრცელა. ორგანიზაციის შეფასებით, საზოგადოება ნაკლებადაა ინფორმირებული რამდენად მიზანშეწონილია მესტიის მუნიციპალიტეტში ხუდონჰესის პროექტის განხორციელება, „ახალგაზრდა ადვოკატების" სამართლის ჯგუფი გამოთქვამს მზადყოფნას, შეისწავლოს პროექტის რამდენიმე მნიშვნელოვანი საკითხი. ორგანზიაცია საკითხზე: „ხუდონჰესის პროექტის სამართლებრივი ანალიზი" კვლევის შედეგებს 2014 წლის აპრილში გამოაქვეყნებს. კვლევის პროცესი სამი თვის განმავლობაში გაგრძელდება და საზოგადოებას მიეწოდება ინფორმაცია პროექტის სამართლებრივი დასაბუთებისა და მიდგომების შესახებ. სრულად წყარო: www.barristers.ge

ცენტრალური და აღმოსავლეთ ევროპის ბანკებზე დამკვირვებელთა ქსელმა (CEE Bankwatch Network), და მისმა წევრმა არასამთავრობო ორგანიზაციებმა: „ეკო-სვესტიმ" (მაკედონია), ასოციაცია „მწვანე ალტერნატივამ" (საქართველო) და „ზელენა აქცია/დედამიწის მეგობრებმა" (ხორვატია) განცხადება გაავრცელეს. „ფარავანი ჰესის პროექტში, ისევე, როგორც მაკედონიასა და ხორვატიაში დაგეგმილ ჰიდროპროექტებში, ევროპის რეკონსტრუქციისა და განვითარების ბანკის შიდა გამოძიებამ გარემოსდაცვითი და სოციალური პოლიტიკის დარღვევები დაადასტურა", ნათქვამია განცხადებაში. ქსელი და მისი წევრი ორგანიზაციები მოუწოდებენ ბანკს „ახალ პოლიტიკაში გაამკაცროს პროექტის შეფასებისა და საზოგადოების მონაწილეობის სტანდარტები და რაც ყველაზე მნიშვნელოვანია, უზრუნველყოს, რომ ქაღალდზე გაცხადებული ბანკის პოლიტიკა რეალურ პრაქტიკად იქცეს". სრულად წყარო: greenalt.org

თბილისი. „ტფილისის ჰამქარმა" ვაკის პარკში მიმდინარე მშენებლობასთან დაკავშირებით განცხადება გაავრცელა. „ქალაქზე მზრუნველთა გაერთიანება „ტფილისის ჰამქარი" უერთდება და სოლიდარობას უცხადებს ვაკის პარკში სასტუმროს მშენებლობის მოწინააღმდეგე მოქალაქეთა ჯგუფს. ...კერძო ინტერესებზე მორგებული საკანონმდებლო ცვლილებები, საზოგადოებრივი ინტერესების უგულვებელყოფა, ქალაქგანვითარების გრძელვადიანი ხედვის არარსებობა  შეუქცევად ზიანს აყენებს ჩვენს საარსებო გარემოს. ...მოვუწოდებთ ქალაქ თბილისის მერიას, გაითვალისწინოს მაღალი საზოგადოებრივი ინტერესი და შეაჩეროს მშენებლობის ნებართვა პარკის ტერიტორიაზე", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

შიდა ქართლი. საზოგადოება „ბილიკმა" ორგანიზაციის ჟურნალისტიკის სტუდიის წევრების მიერ გადაღებული მოკლემეტრაჟიანი ფილმები გამოაქვეყნა. ფილმები სოფელ ძევერაში არსებული სკვერის ეკოლოგიურ პრობლემას და ნანგრევებად ქცეულ გასართობ კლუბს ეხება. ფილმი ძევერაში არსებულ ალ. ჯავახიშვილის სახელობის სკვერის ეკოლოგიურ პრობლემის შესახებ  ფილმი სოფელში ნანგრევებად ქცეული გასართობი კლუბის შესახებ წყარო:ორგანიზაციის გვერდი სოციალურ ქსელში

თბილისი.  საზოგადოების წარმომადგენლები 10 იანვარს თბილისის მერიასთან, ვაკის პარკის მწვანე საფარის გადასარჩენად, მუსიკის თანხლებით, აქციას გამართავენ. ვაკის პარკში დაგეგმილი მშენებლობის თემაზე  მოძრაობა „პარტნიზანული მებაღეობის" ვებგვერდზე სოციალურ ქსელში საზოგადოების წარმომადგენლების ვიდეო–მიმართვები გამოქვეყნდა. საზოგადოების წარმომადგენლების ვიდეო–მიმართვები წყარო: მწვანე ალტერნატივის გვერდი სოციალურ ქსელში

კახეთი. არასამთავრობო ორგანიზაციის „თემი და გარემოს" პროექტის „კახეთის რეგიონის მუნიციპალიტეტებს შორის გარემოსდაცვითი დიალოგისა და თანამშრომლობის ხელშეწყობის" ფარგლებში, თელავსა და  ახმეტაში ხევები იწმინდება. ,,თემი და გარემოს’’ გამგეობის წევრის, ლელა ჯანაშიას თქმით, გარდა ხევების გაწმენდისა დაგეგმილია ალაზნის ნაპირსამაგრი სამუშაოების ჩატარება: ,,ამ დროისთვის თელავში, შალაურის ხევი, ხოლო ახმეტაში ორვილის ხევი იწმინდება. გარდა ამისა, პროექტის ფარგლებში ალაზნის ნაპირსამაგრი სამუშაოების ჩატარება და რამდენიმე მუნიციპალიტეტში ქარსაცავი ზოლების აღდგენა იგეგმება".

თბილისი. 19 დეკემბერს სასატუმრო "თბილისი მერიოტში" საქართველოს გარემოსა და ბუნებრივი  რესურსების დაცვის მინისტრმა, ხათუნა გოგალაძემ, და გაეროს განვითარების პროგრამის (UNDP) ხელმძრვანელის მოადგილემ ინიტა პაულოვიჩამ მიულოცეს გლობალური გარემოსდაცვითი ფონდის (GEF) მცირე გრანტების პროგრამების გამარჯვებულებს. მცირე გრანტების პროგრამის პირველ რაუნდში გაიმარჯვა 13-მა არასამთავრობო და სათემო ორგანიზაციამ. მათი ინიციატივები საქართველოს სხვადასხვა რეგიონებში განხორციელდა და ისეთ საკითხებს შეეხო როგორიცაა: ბიომრავალფეროვნების კონსერვაცია, საერთაშორისო წყლები, მდგრადი ორგანული დამაბინძურებლები, კლიმატის ცვლილება, მიწის დეგრადირება, ნარჩენების მართვა. მომდევნო საგრანტო რაუნდში გამარჯვებულები გამოვლინდებიან 2014 წელს . მცირე გრანტების პროგრამის ფარგლებში სულ გაიცემა 750 ათასი აშშ დოლარის ოდენობის დაფინანსება. გარემოსდაცვით მნიშვნელობასთან ერთად, პროექტები წვლილს შეიტანენ სიღარიბის დაძლევაში, ადგილობრივი მოსახლეობის ეკონომიკური და სოციალური პირობების გაუმჯობესებაში და გენდერული თანასწორობის საკითხებში. წყარო: ginsc.net