თბილისი. ორგანიზაცია „ახალგაზრდა ადვოკატები" დადებითად აფასებენ წიწვოვანი ნარგავების უკანონო მოპოვებას და რეალიზაციაზე კონტროლის გამკაცრებას. „ახალგზარდა ადვოკატები" მოუწოდებენ საზოგადოებას, „მაქსიმალურად შეიკაონ თავი წიწვოვანი ნარგავების მოჭრისაგან პირადი გამოყენების თუ რეალიზაციის მიზნით. ერთი მხრივ, დაიცვან გარემო, მეორე მხრივ, თავიდან აიცილონ ის უსიამოვნო შედეგები, რაც მათი მხრიდან კანონსაწინააღმდეგო ქმედების ჩადენას შეიძლება მოყვეს". სრულად წყარო: ორგანიზაციის გვერდი სოციალურ ქსელში

კახეთი. არასამთავრობო ორგანიზაციის „თემი და გარემოს" წარმომადგენლებმა ახმეტის მუნიციპალიტეტის გამგეობის წევრებთან პროექტის – „კახეთის რეგიონის მუნიციპალიტეტებს შორის გარემოს დაცვითი დიალოგისა და თანამშრომლობის ხელშეწყობა" – დასკვნით  შეხვედრა გამართეს. პროექტის მიზანია კახეთის რეგიონის მუნიციპალიტეტებს შორის თანამშრომლობა გარემოს დაცვით პრობლემებზე. პროექტის ფარგლებში კახეთის მუნიციპალიტეტის გამგეობის თანამშრომლებისთვის ჩატარდათ რამდენიმე სამუშაო შეხვედრა და ტრენინგი ფონდების მოძიებასა და პროექტების მართვის შესახებ. წინა შეხვედრებზე მუნიციპალიტეტების წარმომადგენლებმა იმუშავეს პროექტებზე, რომლებიც მიზნად რაიონში არსებული პრობლემების მოგვარებას ისახავდა. პროექტის დასკვნით შეხვედრაზე მუნიციპალიტეტებმა საკუთარი ნამუშევრები წარადგინეს, რომელთაგანაც, საბოლოოდ, ახმეტისა და თელავის მუნიციპალიტეტების ერთობლივი პროექტი დაფინანსდა, რომელიც ახმეტაში ორვილის, ხოლო თელავში – შალაურის ხევის გაწმენდას ისახავს მიზნად.

კახეთი. კაჭრეთში, სასტუმრო „ამბასადორში", კახეთის რეგიონში მომუშავე ჟურნალისტებისთვის 2 დღიანი ტრენინგი გაიმართა. ტრენინგი გაეროს განვითარების პროგრამა (UNDP) და გარემოს და ბუნებრივი რესურსების დაცვის სამინსტროს წარმომადგენლებმა გამართეს. ტრენინგის მიზანი იყო მედიის წარმომადგენლებისთვის მიეწოდებინათ ინფორმაცია მონრეალის ოქმის და ვენის კონვენციის შესახებ, რომელიც ითვალისწინებს ოზონის ფენის დამცავ და ასევე ოზონდამშლელი ნივთიერებების მოხმარებიდან ეტაპობრივად ამოღების ღონისძიებებს.

თბილისი. საერთაშორისო გამჭვირვალობა საქართველომ ანტიკორუპციული კვირეულის ფარგლებში მზიურის პარკსა და ბათუმის ბენზეს ახალ დასახლებში ხეები დარგეს. მოხალისეობრივ აქციაში ორგანიზაციის თბილისის და ბათუმის ოფისების თანამშრომლებმა მოხალისეებთან ერთად მიიღეს მონაწილეობა.  წყარო:ორგანიზაციის გვერდი სოციალურ ქსელში

შიდა ქართლი. 6 დეკემბერს,  საქველმოქმედო ცენტრ „აფხაზეთის"  გორის ოფისში გაიმართა შეხვედრა გორის მუნიციპალიტეტის სამი საჯარო სკოლის (შეავშვები, ზერტი, მეჯვრისხევი) გარემოს დაცვის კლუბების წევრთა შეხვედრა გორის მუნიციპალიტეტის გამგეობის საფინანსო ზედამხედველობის განყოფილების და გორის კეთილმოწყობის სამსახურის  წარმომადგენლებთან. შეხვედრის თემა იყო ზემოთაღნიშნული სოფლებიდან საყოფაცხოვრებო ნარჩენების გატანის პრობლემები. კეთილმოწყობის სამსახურის წარმომადგენელმა მიაწოდა ინფორმაცია მოსწავლეებს, თუ რა პრობლემებია ამჟამად აღნიშნულ სფეროში და რა კეთდება პრობლემის მოსაგვარებლად. გამოიკვეთა გარკვეული პერსპექტივები სოფლებიდან ნარჩენების გატანის კუთხით: კერძოდ, დასუფთავების სამსახურმა უკვე დაფარა რამდენიმე სოფელი და მიმდინარეობს მუშაობა სხვა სოფლების დაფარვის კუთხით. ნარჩენების გატანასთან დაკავშირებულ ფინანსურ საკითხებზე ისაუბრა მუნიციპალიტეტის გამგეობის საფინანსო ზედამხედველობის განყოფილების უფროსმა. შეხვედრის ბოლოს გაიმართა დისკუსია, პასუხი გაეცა მოსწავლეთა შეკითხვებს.

ქვემო ქართლი. ნოემბერში, არასამთავრობო ორგანიზაცია „სიდას" ინიციატივით, კავკასიის გარემოს დაცვითი ორგანიზაციების ქსელის ექსპერტებმა, გარემოზე ზემოქმედების კვლევა ჩაატარეს. კვლევა პროექტ JOIN–ის ფარგლებში 6 სამიზნე მუნიციპალიტეტში განხორციელდა. ექსპერტებმა შეისწავლეს ახალქალაქის, ბოლნისის, გარდაბნის, დმანისის, მარნეულის და ნინოწმინდის მუნიციპალიტეტებში სოფლის მეურნეობის გარკვეული პროდუქციის წარმოების პროცესში შესაძლო გარემოსდაცვითი საფრთხეები და ის საკანონმდებლო გარემო, რაც უზრუნველყოფს ერთის მხრივ გარემოზე მავნე ეფექტის შესუსტებას და მეორეს მხრივ ჯანსაღი პროდუქციის წარმეობას.  კვლევა წყარო: cida.ge

კახეთი. „ნარჩენების მდგრადი მართვა ჯანსაღი მომავლისთვის" ამ სახელწოდებით, 27 ნოემბერს გაიმართა პროექტის პრეზენტაცია ყვარელში. პროექტი არასამთავრობო ორგანიზაცია „ნიდერლანდების ინსტიტუტი მრავალპარტიული დემოკრატიისათვის" მხარდაჭერით ერთდროულად კახეთში, აჭარასა და ქვემო ქართლში ხორციელდება. ორგანიზაციის კახეთის კოორდინატორებმა პროექტის მნიშვნელობასა და პარტნიორ ორგანიზაციებზე ისაუბრეს. პროექტის ორგანიზატორების განცხადებით, მათი ამოცანაა ხელი შეუწყონ გარემოს დაცვის საკითხებში მოსახლეობის ცნობიერების ამაღლებასა და მის ჩართულობას კომისიების მუშაობაში. საუბარი შეეხო იმ კომისიის მნიშვნელობას, რომლის შემადგენლობაში საკრებულოს წევრები და სოფლის რწმუნებულები შევლენ და გამოცდილი სპეციალისტების მიერ ორგანიზებულ ტრენინგებზე სწავლებას გაივლიან, სადაც ნარჩენების მართვის გეგმის შემუშავება - გაუმჯობესებაზე იმუშავებენ.

თბილისი. ორგანიზაცია „მწვანე ალტერნატივამ" გამოაქვეყნა განმარტებები ხუდონჰესის პროექტის თაობაზე დადებული ხელშეკრულების გადახედვის მიზნით შექმნილი სამუშაო ჯგუფის მუშაობის შედეგებზე. განმარტებები წყარო: greenalt.org

შიდა ქართლი. 25 ნოემბერს, გორში გაიმართა შეხვედრა დემოკრატიის სკოლის კურსდამთავრებულთა ინიციატივით. შეხვედრის თემა იყო: ქარსაცავი ზოლების მდგომარეობა შიდა ქართლსა და სრულიად საქართველოში, მათი მნიშვნელობა და რეაბილიტაციის აუცილებლობა. შეხვედრას ესწრებოდნენ: დემოკრატიის სკოლის კურსდამთავრებულები, ექსპერტები, გორის მაჟორიტარი დეპუტატი, გორისა და კასპის ადგილობრივი ხელისუფლების, რეგიონული განვითარებისა და ინფრასტრუქტურის, გარემოს დაცვის სამინისტროებისა და სამოქალაქო სექტორის წარმომადგენლები. დისკუსიის ორგანიზატორებმა შეხვედრის პირველ ნაწილში სტუმრებს პროექტის - "მწვანე კედელი" - ფარგლებში გორსა და ქუთაისში განხორციელებული აქტივობები გააცნეს, რის შემდეგ, მომხსენებლებმა - ექსპერტებმა და ხელისუფლების წარმომადგენლებმა დეტალურად ისაუბრეს ქარსაცავების საკითხებზე: თუ რა პრობლემები შეიძლება გამოიწვიოს ქარსაცავის არ არსებობამ, ამჟამად რა მდგომარეობაა შიდა ქართლის რეგიონსა და მთელ საქართველოში, რა კანონმდებლობა არსებობს ამ მიმართულებით, რა ცვლილებებია განსახორციელებელი და ა.შ. დაიგეგმა სამომავლო ნაბიჯებიც. პროექტი "მწვანე კედელი" დაფინანსებულია საერთაშორისო ორგანიზაციის „ნიდერლანდების ინსტიტუტი მრავალპარტიული დემოკრატიისთვის" (NIMD) მიერ და დემოკრატიის სკოლის კურსადამთავრებულთა საინიციატივო ჯგუფის მიერ ხორციელდება.

სამცხე–ჯავახეთი. 9-10 ნოემბერს, საქველმოქმედო ჰუმანიტარულ ცენტრ „აფხაზეთის" ინციიატივით გორის მუნიციპალიტეტის რვა სოფლის საჯარო სკოლაში შექმნილ ეკო კლუბებში გაერთიანებული 78 მოსწავლე ეწვია ბორჯომ-ხარაგაულის ტყე-პარკს. მოსწავლეები გაეცვნენ აღნიშნული პარკის ბიო მრავალფეროვნებას და პროფესიონალ ექსკურსია მძღოლთან ერთად ფეხით გაიარეს სპეციალური მარშრუტი. აღნიშნული ტურის მიზანი იყო ეკოკლუბების მოსწავლეები გაცნობოდნენ ტყე-პარკის ფაუნასა და ფლორას და შეერჩიათ თემები, რომელთა დამუშავების შემდეგ ისინი წარდგებიან სპეციალურ კონფერენციაზე. ღონისძიება გაიმართა პროექტ – „ახალგაზრდების ჩართულობა და მონაწილეობა" – ფარგლებში, რომელიც დაფინანსებულია USAID-ის მიერ და ხორციელდება UNICEF-ის მხარდაჭერით.

იმერეთი. ქუთაისის ახალგაზრდულმა ცენტრმა ეკო აქცია – „უკვე გვიანია იყო პესიმისტი" – გამართა. ეკო კამპანიის ფარგლებში, ცენტრის წევრებმა დაამზადეს პოსტერები და ქალაქის ქუჩებში მსვლელობა მოაწყვეს. ისინი მოსახლეობას გარემოს დაცვაზე, მის სისუფთავესა და სიმწვანის შენარჩუნებაზე მოუწოდებდნენ. აქციას ბოტანიკური ბაღის ადმინისტრაციაც შეუერთდა და ქუთაისის ახალგაზრდული ცენტრის წევრებს სხვადასხვა სახეობის მარადმწვანე მცენარეთა ნერგები გადასცა. აღნიშნული ნერგები აქციის მონაწილეებმა დავით და კონსტანტინეს ქუჩის მიმდებარე ტერიტორიაზე დარგეს. წყარო:ორგანიზაციის გვერდი სოციალურ ქსელში

თბილისი. ორგანიზაცია „მწვანე ალტერნატივამ" პუბლიკაცია – „ნადირობა გადაშენების საფრთხის წინაშე მყოფ ცხოველებზე" – გამოაქვეყნა. პუბლიკაციაში საუბარია საკანონმდებლო გარემოზე, ნადირობის ახალ სისტემასა და მასთან დაკავშირებულ საფრთხეებზე, გამორემოსდაცვით ორგანიზაციებზე ახალი კანონმდებლობის წინააღმდეგ, საქართველოთა მონადირეთა 2012 წლის საერთაშორისო ფორუმზე.  „ნადირობა გადაშენების საფრთხის წინაშე მყოფ ცხოველებზე" წყარო: greenalt.org

თბილისი. ორგანიზაციამ „მწვანე ალტერნატივა" გამოაქვეყნა ანგარიში „მადნეული კანონზე მაღლა". „წლების განმავლობაში მადნეულისა და კვარციტის საქმიანობის ეკონომიკური და გარემოსდაცვითი პრობლემების შესწავლა სხვადასხვა კომისიებისა თუ სამართალდამცავი ორგანოების შესწავლის საგანი იყო. თუმცა საწარმოში შექმნილი უკიდურესად მძითე სიტუაციის გამოსწორება ვერ, თუ არ ხერხდებოდა", ნათქვამია ანგარიშში, რომელიც საწარმოს პრივატიზების საკითხებს, საპრივატიზებო პირობების შესრულების, გარემოზე ზემოქმედების და ა.შ. საკითხებს მოიცავს. ანგარიში: „მადნეული კანონზე მაღლა" წყარო: greenalt.org

თბილისი. „ახალგაზრდა ბიოლოგთა ასოციაციის" ორგანიზებით კონფერენცია „აღმოაჩინე საქართველოს ბიომრავალფეროვნება" თსუ-ს ეროვნულ სამეცნიერო ბიბლიოთეკაში ჩატარდა. ღონისძიების მხარდამჭერები: სამეცნიერო ბიბლიოთეკა და ბელგიური კომპანია „BCG" (Bird Conservation Georgia) იყვნენ. კონფერენციის მიზანია გარემოსდაცვით საკითხებში ახალგაზრდების ცოდნის დონის ამაღლება ბიომრავალფეროვნებისა და ამ სფეროში არსებული პრობლემების შესახებ. სრულად წყარო: freea.ge

აჭარა. 6 ნოემბერს, საზოგადოებრივმა ორგანიზაციამ - „ეკოსითი"- პროექტის პრეზენტაცია გამართა. პროექტი „მწვანე ყუთი" მიზნად ისახავს სხვადასხვა სახელმწიფო ორგანიზაციებში, მოსახლეობაში და სასწავლო დაწესებულებებში მაკულატურის შეგროვებას. პროექტის ერთ-ერთ მთავარი მიზანია საზოგადოებაში ეკოკულტურის ჩამოყალიბება. ამ ეტაპზე, ქალაქის ტერიტორიაზე მხოლოდ 15 მწვანე ყუთია განთავსდებული, ორგანიზაციის მიერ მომზადებულია ორი თემატური ვიდეო რგოლი და ასევე დარიგებულია 2000-დე საინფორმაციო ფლაერი. პროექტი ხორციელდება ბათუმის მერიისა და აჭარის გარემოს დაცვისა და ბუნებრივი რესურსების სამმართველოს ფინანსური მხარდაჭერით.

კახეთი. 6 ნოემბერს თელავის მუნიციპალიტეტის საკრებულოს სხდომათა დარბაზში ნიდერლანდების ინსტიტუტის – მრავალპარტიული დემოკრატიისთვის (NIMD) ფინანსური მხარდაჭერით გაიმართა პრეზენტაცია პროექტისა „ნარჩენების მდგრადი მართვა ჯანსაღი მომავლისთვის." საინფორმაციო შეხვედრას, ადგილობრივი ხელისუფლების წარმომადგენლების გარდა, დაესწრო არასამთავრობო ორგანიზაცია - საქართველოს მწვანეთა მოძრაობის თავმჯდომარე ნინო ჩხობაძე, ასევე სოფელ გულგულას მოსახლეობა, რომელსაც თელავის ცენტრალური ნაგავსაყრელი ზიანს აყენებს. შეხვედრაზე საუბარი შეეხებოდა თუ რა არის ნარჩენების მდგრადი მართვა, დამსწრე საზოგადოებას გაეწია კონსულტირებაც. ეთერ ფანგანი, პროექტის თანაავტორი: „ჩვენი პროექტი „ნარჩენების მდგრადი მართვა ჯანსაღი მომავლისთვის" მიზნად ისახავს, რამდენიმე აქტოვობას. პირელი მათგანი ითვალისწინებს თვითმმართველ ორგანოებთან თანამშრომლობას, შეიქმნება სპეციალური კომისიები, რომელიც იმუშავებს ნარჩენების მართვის გეგმაზე. მეორე ნაწილი საზოგადოების ინფორმირების საკითხზე იმუშავებს თუ რა საფრთხეების წინაშე დგას გარემო და რამდენად მნივეშვენლოვანია ნარჩენების მართვა და სწორი გადამუშავება". პროექტი „ნარჩენების მდგრადი მართვა ჯანსაღი მომავლისთვის" კახეთის რეგიონის მასშტაბით ხორციელდება.

თბილისი. 30 ოქტომბერს, მწვანე ალტერნატივამ გარემოსა და ბუნებრივი რესურსების სამინისტროს  მდინარე ბროლისწყალზე დაგეგმილი ჰესის შესახებ შენიშვნები და კომენტარები  წარუდგინა. შენიშვნები ეხება ყაზბეგის მუნიციპალიტეტში მდინარე ბროლისწყალზე (ხდისწყალზე) დაგეგმილი 6 მგვტ სიმძლავრის ჰესის პროექტის გარემოზე ზემოქმედების შეფასების (გზშ) ანგარიშს. ორგანიზაციის წარმომადგენლებმა ასევე მონაწილეობა მიიღეს გარემოსა და ბუნებრივი რესურსების სამინისტროს მიერ ორგანიზებულ გზშ ანგარიშის საჯარო განხილვაში. სრულად წყარო: greenalt.org

შიდა ქართლი. ასოციაცია „გორის ინვალიდთა კლუბთან" არსებულმა გორის ახალგაზრდულმა ცენტრმა ადვოკატირების კამპანია სოფელ თედოწმინდაში ნაგავსაყრელის პრობლემასთან დაკავშირებით დაიწყო. ახალგაზრდებმა მიმართეს ადგილობრივ მუნიციპალიტეტში დასუფთავების სამსახურს და მოამზადეს წერილი სოფელ თედოწმინდის მოსახლეობის ხემოწერებით, რომელიც განსახილველად ისევ დასუფთავების სამსახურს გადასცეს. პროცესს მონიტორინგს ახალგაზრდები გაუწევენ. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო:ეროვნული ინტეგრაციის გაძლიერება-გორის ახალგაზრდული ცენტრის გვერდი სოციალურ ქსელში

ქვემო ქართლი. 25 ოქტომბერს, სიქას ოფისში შედგა ახალგაზრდული გარემოსდაცვით ENO - კლუბის პირველი შეხვედრა. კლუბში გაწევრიანებული არიან 10-14 წლის მოსწავლეები, ყოველკვირეული საკლუბო შეხვედრების განმავლობაში არაფორმალური განათლების გზით მოსწავლეები გაიუმჯობესებენ საკომუნიკაციო, საპრეზენტაციო და სხვაკომპეტენციებს, დაგეგმავენ და განახორციელებენ გარემოსდაცვით აქტივობებს. წყარო:ორგანიზაციის გვერდი სოციალურ ქსელში

იმერეთი. 23 ოქტომბერს ქუთაისის ახალგაზრდული ცენტრის ეკოკლუბის წევრებმა გამწვანების საინფორმაციო კამპანია დაიწყეს. საინფორმაციო კამპანიის მიზანს წარმოადგენდა საზოგადოების ყურადღების გამახვილება გარემოს დაცვის საკითხებზე. ცენტრის წევრებმა პლაკატები მოამზადეს და ქალაქის ქუჩებში მსვლელობა მოაწყვეს, რითაც მოსახლეობას მოუწოდებდნენ გარემოს დაცვაზე, მისი სისუფთავისა და სიმწვანის შენარჩუნებაზე, მიმდებარე ტერიტორიების გამწვანებაზე. საინფორმაციო კამპანია გაიმართა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

იმერეთი. 23 ოქტომბერს ქუთაისის ახალგაზრდული ცენტრის ეკო კლუბის წევრებმა გამწვანების საინფორმაციო კამპანია დაიწყეს. საინფორმაციო კამპანიის მიზანს წარმოადგენდა საზოგადოების ყურადღების გამახვილება გარემოს დაცვის საკითხებზე. ცენტრის წევრებმა პლაკატები მოამზადეს და ქალაქის ქუჩებში მსვლელობა მოაწყვეს, რითაც მოსახლეობას მოუწოდებდნენ გარემოს დაცვაზე, მისი სისუფთავისა და სიმწვანის შენარჩუნებაზე, მიმდებარე ტერიტორიების გამწვანებაზე. აღნიშნული სამოქალაქო აქტივობა წარმოადგენს ახალაგზრდული ცენტრის წევრების მიერ დაგეგმილი ეკო ღონისძიების შემადგენელ ნაწილს, რომელიც ოქტომბრს თვეში განხორციელდება.  საინფორმაციო კამპანია ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით.  წყარო:ორგანიზაციის გვერდი სოციალურ ქსელში

კახეთი. საქართველოს მტაცებლების კონსერვაციის პროექტის ინიციატივით საზოგადოება „ბილიკის" სამოქალაქო კლუბებისა და დედოფლისწყაროს რაიონის სკოლების მოსწავლეებისათვის გასვლითი ღონისძიება მოეწყო კახეთში. აღნიშნული პროექტის ძირითადი ამოცანა თუშეთისა და ვაშლოვანის დაცულ ტერიტორიებსა და მტაცებლებს შორის კონფლიქტის შემცირებაა. მოსწავლეებმა მოინახულეს ვაშლოვანის ნაკრძალი, სადაც მდებარეობს ხორნაბუჯის ციხე. ციხესთან ერთად მოინახულეს არწივის ხეობაც, რომელიც ასევე შედის ვაშლოვანის დაცული ტერიტორიის შემადგენლობაში. წყარო:ორგანიზაციის გვერდი სოციალურ ქსელში