კახეთი. ევროკომისიის „მერების შეთანხმების" ფარგლებში, მდგრადი ენერგეტიკის საქალაქო დღე გაიმართა 6 ივნიის თელავში. ღონისძიება გაიმართა თელავის მუნიციპალიტეტის მიერ კავშირის „ენერგოეფექტურობის ცენტრი საქართველოს" დახმარებით, პროექტის „განახლებადი ენერგეტიკის და ენერგოეფექტურობის ახალი პროექტის" ფარგლებში, რომელსაც მხარს უფჭერს ბიპი საქართველო.გიორგიაბულაშვილი, „ენერგოეფექტურობისცენტრის საქართველოს"წარმომადგენელიდა  „მერებისშეთანხმების" პროექტისკოორდინატორისაქართველოსადააზერბაიჯანში:,,თელავის მუნიციპალიტეტმა, როგორც ევროკომისიის „მერების შეთანხმების" ხელმომწერმა, აიღო ვალდებულება, საკუთარ ტერიტორიაზე 2020 წლისათვის 20%-ით შეამციროს ნახშიროჟანგის ემისიები განახლებადი ენერგიის წყაროების ათვისების ხელშეწყობისა და მუნიციპალიტეტში მიმდინარე ეკონომიკურ თუ სოციალურ პროცესებში ენერგოეფექტური ტექნოლოგიების დანერგვის საშუალებით.  თელავის მდგრადი ენერგეტიკის დღე გაიხსნა კონფერენციით, რომელშიც მონაწილეობას იღებდნენ თელავის ზოგადსაგანმანათლებლო სკოლების მოსწავლეთა კონკურსის „ჩემი ეკოქალაქის" მონაწილეები. კონკურსის ორგანიზატორი იყო „ენერგოეფექტურობის ცენტრი – საქართველო",  ჩატარდა "BP”–სა და მისი პარტნიორების მიერ თანადაფინანსებული „განახლებადი ენერგეტიკისა და ენერგოეფექტურობის ახალი პროექტის" ფარგლებში." 

თბილისი. ასოციაციამ „მწვანე ალტერნატივამ" განცხადება გაავრცელა. ორგანიზაცია მიესალმება საქართველო-ევროკავშირის ასოცირების ხელშეკრულების ხელმოწერას, რომელიც დაგეგმილია 2014 წლის ივნისში, აგრეთვე საქართველოს სურვილს გახდეს ევროპის ენერგოგაერთიანების სრულუფლებიანი წევრი. ამასთან, აღნიშნავს, „სამწუხაროდ საქართველოში დღეს არსებული გარემოსდაცვითი კანონმდებლობა, მათ შორის გარემოზე ზემოქმედების შეფასების შესახებ, არ შეესაბამება ევროკავშირის შესაბამის დირექტივებს და ვერ უზრუნველყოფს საზოგადოების მონაწილეობას გადაწყვეტილებების მიღების პროცესში. ამის ნათელი მაგალითია, საქართველოში დაგეგმილი და მიმდინარე განვითარების სხვადასხვა პროექტები, მათ შორის დარიალის ჰიდროელექტროსადგურის პროექტი, სადაც საზოგადოებას არ მიეცა საშუალება ჩართულიყო გადაწყვეტილების მიღების პროცესში". სრულად...  წყარო: greenalt.org

სამცხე-ჯავახეთი. ახალციხის და ახალქალაქის ახალგაზრდული ცენტრის წევრებმა ფარავნის ტბის მიმდებარე ტერიტორიაზე გარემოს დაცვის საერთაშორისო დღე აღნიშნეს. პროგრამის ფარგლებში ახალგაზრდული ცენტრის წევრებს ჩაუტარდათ საჯარო ლექცია, ტბაში და მის მიმდებარე ტერიტორიაზე არსებული ფლორის და ფაუნის შესახებ. ღონისძიების ბოლოს მოეწყო ტბის მიმდებარე ტერიტორიის დასუფთავების აქცია. წყარო: ორგანიზაციის გვერდი სოციალურ ქსელში

სიქა ჩაერთო საერთაშორისო კამპანიაში "airqualityegg". პროექტის ფარგლებში შეიქმნა საერთაშორისო ონლაინ სივრცე, სადაც მგრძნობიარე ხელსაწყოების საშუალებით თავსდება ინფორმაცია ჰაერის დაბინძურების შესახებ დედამიწის სხვადასხვა წერტილში. ამიერიდან ვებ-გვერდის ნებისმიერ ვიზიტორს შეუძლია მიიღოს ინფორმაცია ჰაერის შემადგენლობის შესახებ. წყარო: ორგანიზაციის გვერდი სოციალურ ქსელში

შიდა ქართლი. 5 ივნისი - გარემოს დაცვის საერთაშორისო დღე ასოციაცია „ინვალიდთა კლუბთან" არსებულმა გორის ახალგაზრდულმა ცენტრმა აღნიშნა. მოხალისეებმა ნაგვის ურნები მოხატეს, გამვლელებს ინფორმაცია მიაწოდეს დღის შესახებ. აქტივობის მიზანი იყო საზოგადოების ინფორმირება გარემოს დაცვის საკითხებზე. აქტივობა დაიგეგმა პროექტ - „ეროვნული ინტეგრაციის გაძლიერება საქრთველოში" - ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

აჭარა. 5 ივნისს, ხანდაზმულთა რესურს ცენტრში გარემოს დაცვის საერთაშორისო დღისადმი მიძღვნილი საინფორმაციო სემინარი გაიმართა. სემინარი კინტრიშის დაცული ტერიტორიების ადმინისტრაციის ვიზიტორთა მომსახურების უფროსმა სპეციალისტმა ნანა ნოღაიდელმა ჩაატარა. სემინარის შინაარსი საქართველოში დაცული ტერიტორიების: ნაკრძალების, ეროვნული პარკების, სახელმწიფო აღკვეთილების მიმოხილვას ეხებოდა. სემინარს ქობულეთის საჯარო სკოლის სამოქალაქო კლუბ ,,კამელოტის" წევრები, პედაგოგები და ხანდაზმულთა რესურს ცენტრის ბენეფიციარები ესწრებოდნენ. სემინარი კითხვა-პასუხის რეჟიმში მიმდინარეობდა. მოსახლეობის გარემოსდაცვითი ცნობიერების ამაღლების მიზნით, ხანდაზმულთა რესურს ცენტრში შეხვედრები აღნიშნულ თემაზე მომავალშიც გაგრძელდება. მასში მონაწილეობის მიღება ყველა მსურველს შეუძლია. წყარო: ორგანიზაციის გვერდი სოციალურ ქსელში

თბილისი. „პარტიზანული მებაღეობა" ადგილობრივი თვითმმართველობის არჩევნებში მონაწილე თბილისის მერობისა და საკრებულოს წევრობის კანდიდატებს მიმართავს. „ ადგილობრივი თვითმმართველობის არჩევნების მოახლოებასთან დაკავშირებით გვსურს თბილისის მერობისა და საკრებულოს წევრობის კანდიდატების ყურადღების გავამახვილოთ იმ მძიმე ეკოლოგიურ მდგომარეობასა და პრობლემებზე, რაც თბილისში მწვანე საფარის შენარჩუნების კუთხით გვაქვს. ... ქალაქის ხელისუფლებამ პრიორიტეტად უნდა დაისახოს გასულ ათწლეულებში შექმნილი მწვანე საფარის მაქსიმალურად შენარჩუნება და შემდგომში მისი გაფართოება იმ მიზნით, რომ თბილისში სულ მოსახლეზე გამწვანებული ტერიტორიის ფართობი თანამედროვე სტანდარტებს მიუახლოვდეს”, ნათქვამია გავრცელებულ განცხადებაში. სრულად...  წყარო: ორგანიზაციის გვერდი სოციალურ ქსელში

კახეთი. დემოკრატიული ჩართულობის ცენტრში, ნარჩენების ინტეგრირებული მართვის კონცეფციის შესახებ შეხვედრა გაიმართა. შეხვედრას ესწრებოდნენ არასამთავრობო, საერთაშორისო ორგანიზაციების, კერძო სექტორის წარმომადგენლები. ინიციატივა ნარჩენების მართვის ტექნოლოგიები რეგიონებში ხელს შეუწყობს შესაბამის ცენტრალურ და ადგილობრივ მთავრობებს, ადგილობრივ ბიზნესს, თემებსა და მუნიციპალიტეტებს ნარჩენების მართვის ინტეგრირებული სისტემის შემუშავებაში. კახა სუხიტაშვილი, CENN-ის წარმომადგენელი: ,,მრგვალი მაგიდა ჩატარდა აშშ-ს საერთაშორისო განვითარების სააგენტოს (USAID) პროექტის - რეგიონებში ნარჩენების მართვის ტექნოლოგიების ფარგლებში. პროექტი დაეხმარება საქართველოს მთავრობას ნარჩენების მართვის სისტემის ჩამოყალიბებაში. შერჩეულ მუნიციპალიტეტებში განხორციელდება პილოტური ღონისძიებები ნარჩენების მავნე ზემოქმედების შემცირების და ჯანსაღი გარემოს მხარდაჭერის მიზნით".

გურია. 4 ივნისს, „ახალგაზრდა პედაგოგთა კავშირის" ახალგაზრდული ცენტრის თანატოლგანმანათლებელმა შუა ამაღლების საჯარო სკოლაში გარემოს დაცვის შესახებ ტრენინგი ჩაატარა. ტრენინგზე ისაუბრეს, თუ რამდენად მნიშვნელოვანია რესურსების ხარჯვის შემცირება და ნივთების მრავალჯერადად გამოყენების პრინციპი. განიხილეს, მეორადად რაში შეიძლება იყოს გამოყენებული პოლიეთილენის პარკები და ბოთლები. წყარო: ორგანიზაციის გვერდი სოციალურ ქსელში

თბილისი. 2 ივნისს, თბილისის ახალგაზრდული ცენტრის წევრებმა საქართველოს გარემოს დაცვის და ბუნებრივი რესურსების სამინისტროს დაცული ტერიტორიების დეპარტამენტის თბილისის ეროვნული პარკის თანამშომლებთან ერთად, პარკის ტერიტორიაზე ფერომონების დაკიდების პროცესში მიიღეს მონაწილეობა. ღონისძიება გარემოს დაცვისა და ბუნებრივი რესურსების კვირეულის ფარგლებში განხორციელდა. თბილისის ახალგაზრდული ცენტრის წევრებმა წიწვოვანი ხეების ქერქიჭამია მწერებისგან დასაცავად დაკიდეს ფერომონები. მსგავს ღონისძიებებში ცენტრის წევრები კვლავ მიიღებენ მონაწილეობას. თბილისის ახალგაზრდული ცენტრი „საქართველოს ეროვნული ინტეგრაციის გაძლიერების" პროექტის სამოქალაქო აქტივიზმის ახალგაზრდული ქსელის" ფარგლებში ჩამოყალიბდა. წყარო: ორგანიზაციის გვერდი სოციალურ ქსელში

თბილისი. ამერიკის შეერთებული შტატების საერთაშორისო განვითარების სააგენტომ (USAID) და ბუნებრივი რესურსების დაცვის სამინისტრომ ერთობლივი პროექტის ფარგლებში კითხვარი გამოაქვეყნეს. კითხვარი შეეხება პოლიეთილენის პარკებს და მათ მოხმარებას. კითხვარი წყარო: გარემოს დაცვის სამინისტროს გვერდი სოციალურ ქსელში

თბილისი. 20 მაისს ახალგაზრდულმა მოძრაობამ „მწვანე მუშტმა" გარემოსა და ბუნებრივი რესურსების სამინისტროსთან აქცია გამართა. ისინი ბუნებრივი რესურსების მაქსიმალურად ათვისებას ეწინააღმდეგებიან და მიიჩნევენ, რომ ეს პოლიტიკა უნდა შეიცვალოს. სრულად... წყარო: რადიო „თავისუფლება"

კახეთი. არასამთავრობო ორგანიზაციის „საქართველოს მწვანეთა მოძრაობა დედამიწის მეგობრების" ინიციატივით, საგარეჯოში, 19 მაისს, დასუფთავების აქცია მოეწყო. ორგანიზაციის მოხალისეებისა და საგარეჯოს მუნიციპალიტეტის თანამშრომლების აქტივობით ქალაქში დასუფთავდა „თვალთხევი" და „წიფლისხევი". დასუფთავდა, ასევე, მუნიციპალიტეტის სოფლებში არსებული ხევები, რომლებიც ჩაედინება მდინარე იორში: მანავის , დიდი ჩაილურის, პატარა ჩაილურის, ყანდაურის, პატარძეულის, ხაშმის, ბადიაურის, გომბორის, უჯარმის, გიორგიწმინდის, იორმუღალნოს ხევები.

თბილისი. ორგანიზაციამ „მწვანე ალტერნატივამ" დარიალის ხეობაში განვითრებულ სტიქიურ პროცესებთან დაკავშირებით განცხადება გაავრცელა. „სამწუხაროდ, ამ დღეებში მედიით ვრცელდება საქართველოს მთავრობის წარმომადგენელთა დეზინფორმაციული განცხადებები, თითქოს გარემოსდამცველები დევდორაკის მყინვარიდან ჩამოწოლილი მეწყერის მიზეზად დარიალის ხეობაში მშენებარე ჰესებს ასახელებენ. ასეთი განცხადებებით ისინი ცდილობენ მიჩქმალონ ამ პროექტების დამტკიცებისა და განხორციელების პროცესში მიღებული მთელი რიგი უპასუხისმგებლო და შესაძლოა, კორუფციული გადაწყვეტილებები. ...17 მაისს განვითარებულმა სტიქიურმა მოვლენამ ნათლად გვაჩვენა, თუ რა სავალალო შედეგი შეიძლება მოიტანოს არასრულყოფილად ჩატარებულმა გარემოზე ზემოქმედების შეფასებამ და ხელისუფლების უპასუხისმგებლო გადაწყვეტილებებმა. გარემო პირობების უგულვებელყოფით, მხოლოდ მაქსიმალურ ეკონომიკურ სარგებელზე გათვლილი პროექტები საბოლოო ჯამში არა მხოლოდ ბუნებრივ და სოციალურ გარემოს აყენებენ ზიანს, არამედ  სერიოზული ეკონომიკური ზიანის მომტანიც არიან", ნათქვამია განცხადებაში. სრულად წყარო: greenalt.org

შიდა ქართლი. 14 მაისს, ასოციაცია „ინვალიდთა კლუბთნ" არსებულმა გორის ახალგაზრდული ცენტრის წევრებმა 9 აპრილის სკვერის განაშენიანების მიზნით აქტივობა განახორციელეს. აქციის მიზანი იყო მოსახლეობისა და თვითმმართველობის წევრების ჩართულობის გაზრდა საერთო პრობლემების მოგვარებაში. აქციის ფარგლებში დაირგა დეკორატიული ყვავილები და მოსუფთავდა ტერიოტრია. წყარო:ორგანიზაციის გვერდი სოციალურ ქსელში

აჭარა. ბათუმის სახელმწიფო უნივერსიტეტის სტუდენტების ინიციატივით გაიმართა სანაპირო ზოლის დასუფთავების აქცია. აქციას შეუერთდნენ ბათუმის ახალგაზრდული ცენტრის მოხალისეები, ასევე „თავისუფალ ჟურნალისტთა სახლის" მოხალისეები. აღნიშნულ აქციას წინ უძღოდა მოქალაქეთა ინტერნეტ გამოკითხვა, რომელზეც სტუდენტები ორი თვის განმავლობაში მუშაობდნენ.

კახეთი. თელავში საინიციატივო ჯგუფების, საჯარო სკოლების ეკო კლუბებისა და არასამთავრობო ორგანიზაციის ,,საქართველოს მწვანეთა მოძრაობის" ორგანიზებით აქცია - ეზოების დათვალიერების დეკადა ჩატარდა.  აქციის მიზანს წარმოადგენდა თელავში ყველაზე სუფთა ეზოების გამოვლენა. ეზოების დეკადა ჩატარდა კახეთის მასშტაბით, გამარჯვებული მუნიციპალიტეტი სექტემბერში დასახელდება. ნუგზარ გაბუნია, არასამთავრობო ორგანიზაცია ,,საქართველოს მწვანეთა მოძრაობის"  კოორდინატორი კახეთში: ,,მარტიდან დღემდე საქართველოს მასშტაბით დაიწყო დასუფთავების აქცია, რითიც პოპულარიზაცია გავუწიეთ მოწესრიგებულ გარემოს, რათა მომავალი თაობა აღვზარდოთ სუფთა გარემოში. სექტემბერში გამოცხადდება გამარჯვებული მუნიციპალიტეტი, რეგიონი, ქალაქი და სოფელი. იმედი მაქვს, აქედან ერთ-ერთ ნომინაციას თელავი მოიპოვებს".

თბილისი. 6 მაისს ,,წითელი ჯვრის კვირეულის” ფარგლებში 9 აპრილის ბაღში გაიმართა გამწვანების აქცია. წითელი ჯვრის მოხალისეებმა აქციის ფარგლებში გაავრცელეს ინფორმაცია თუ რა არის და რა წვლილი შეაქვთ ადამიანებს კლიმატის ცვლილებაში და რა შედეგების მომტანი შეიძლება იყოს იგი. მოხალისეებმა „9 აპრილის" ბაღს 200 ძირი თეთრი და ვარდისფერი ბეგონია შემატეს; გამწვანების აქციაში რიგითმა გამვლელებმაც მიიღეს მონაწილეობა. წყარო:ორგანიზაციის გვერდი სოციალურ ქსელში

თბილისი. ჯამპსტარტ ჯორჯიამ ფერადინფოზე მორიგი ვიზუალიზაცია გამოაქვეყნა „რატომ სჭირდება საქართველოს ნაგვის გადამუშავება?". „დღეისათვის საქართველოში არ არსებობს ნაგვის ნარჩენების შეგროვებისა და გადამუშავებისთვის საჭირო ინფრასტრუქტურა. ნაგვის ნარჩენების ნაგავსაყრელსა და ბუნებაში მოხვედრა კი გარემოსთვის ძალიან საზიანოა, რადგან მათ სრულ დაშლას საუკუნეები სჭირდება", ნათქვამია ფერადინფოზე. სრულად წყარო: feradi.info

კახეთი. საინიციატივო ჯგუფების, საჯარო სკოლების ეკოკლუბებისა და შშმ ბავშვთა მშობელთა კავშირის თაოსნობით, თელავში ახალგაზრდებმა რამდენიმე ქუჩაზე ხეები დარგეს. ნარგიზი ყარაულაშვილი, მოსწავლე: ,,რამდენიმე ქუჩაზე დავრგეთ 150 ხის ნერგი. აქტივობებს ვაგრძელებთ და გვინდა, რომ ეკოკლუბის წევრებმა გარემოს დაცვასთან დაკავშირებით ტრეინინგები ჩავატაროთ სხვა მუნიციპალიტეტის მოსწავლეებთან". ხეების დარგვის აქცია გაიმართა გურჯაანშიც. გურჯაანის საჯარო სკოლების სამოქალაქო კლუბების წარმომადგენლებმა 2000 კვიპაროსი დარგეს.

კლიმატის ცვლილების მთავრობათაშორისი პანელის (IPCC) მესამე სამუშაო ჯგუფი მორიგ ანგარიშს აქვეყნებს. ანგარიში კლიმატის ცვლილებით გამოწვეული მავნე ზემოქმედების შერბილებისთვის საჭირო ღონისძიებებზე რეკომენდაციებს იძლევა. სრულად წყარო: ge.boell.org

სამცხე-ჯავახეთი. გაეროს განვითარების პროგრამის (UNDP) ორგანიზებით ბორჯომის, წაღვერისა და ახლდაბას ხუთი სკოლის კედლეზე ვერტიკალური ბაღები გაკეთდა. მარწყვი და ყვავილების ასზე მეტი სახეობა ბიომეურნეობის პრონციპების გათვალისწინებით გაშენდა. ბაღები თავისებური ლაბორატორიებია, სადაც ახალგაზრდები მცენარეთა მოვლისა და ბიომეურნეობის მეთოდებს დაეუფლებიან. ვერტიკალური ბაღები UNDP-ის პროგრამის ნაწილია, რომელიც სკოლებში არაფორმალური გარემოსდაცვითი განათლების დანერგვას ემსახურება. ვერტიკალური ბაღები წყარო:ორგანიზაციის გვერდი სოციალურ ქსელში