თბილისი. 21 დეკემბერს, შაბათს, 16:00 საათზე, საქართველოს პარლამენტის წინ, ჟურნალისტური ეთიკის ქარტიის ორგანიზებით საპროტექსტო აქცია გაიმართება. მედიის წარმომადგენლები ბოლო პერიოდში მომრავლებულ ხელშეშლის ფაქტებს გააპროტესტებენ. ქარტიის დაკვირვებით, ჟურნალისტების მიმართ განხორციელებულ ძალადობებსა და ხელშეშლაზე ხელისუფლების რეაქცია არ არის სათანადო. ხშირად ზეწოლის ფაქტებზე დაწყებული გამოძიება ფორმალურ სახეს ატარებს და არ მიმდინარეობს კანონით დადგენილი წესით და შესაბამისი კვალიფიკაციით. არცთუ იშვიათად მაღალი პოლიტიკური თანამდებობის პირები თავად ახდენენ მედიაზე ძალადობის წახალისებას. სრულად...  წყარო: https://www.qartia.ge

თბილისი. 19 დეკემბერს "მედიის განვითარების ფონდმა” (MDF) საქართველოს ეროვნული კომუნიკაციების კომისიას საჩივრით მიმართა.  საჩივრის საფუძველი მედიაკავშირ "ობიექტივის” ეთერში გადაცემა "ღამის სტუდია - ყველას გასაგონად” რუსულ ენაზე ტრანსლირებაა.  სრულად...  წყარო: http://www.mdfgeorgia.ge

თბილისი. მედიის ინსტიტუტი ეხმაურება პარლამენტის იურიდიული კომიტეტის სხდომიდან ჟურნალისტების ნაწილის დარბაზიდან ძალის გამოყენებით გაძევებას. "მედია ინსტიტუტი გმობს პარლამენტში ჟურნალისტების მიმართ განხორციელებულ ქმედებას. დაუშვებლია მედიის მიმართ მსგავსი მოპყრობა, მით უფრო, ქვეყნის მთავარ საკანონმდებლო ორგანოში და მიგვაჩნია, რომ მსგავსი ქმედება ახალისებს ჟურნალისტთა მიმართ ძალადობას და საფრთხეს უქმნის საქართველოში მედია გარემოს", - ვკითხულობთ განცხადებაში. სრულად... http://www.humanrights.ge/index.php?a=main&pid=20015&lang=geo წყარო: http://www.humanrights.ge

აჭარა. ნათია ზოიძემ აჭარის ავტონომიური რესპუბლიკის პროკურორს მიმართა. მის ინტერესებს საქართველოს ახალგაზრდა იურისტთა ასოციაცია იცავს. აჭარის ტელევიზიის დირექტორის მოადგილე მიიჩნევს, რომ გიორგი კოხრეიძის ქმედებებში შესაძლოა იკვეთებოდეს სისხლის სამართლის კოდექსით გათვალისწინებული დანაშაულის ნიშნები. სრულად...  წყარო: https://gyla.ge

თბილისი. საქართველოს ჟურნალისტური ეთიკის ქარტია იურიდიულ საკითხთა კომიტეტიდან ჟურნალისტების გამოძევების ფაქტს ეხმაურება. „ეთიკის ქარტიის საბჭო შეშფოთებულია პარლამენტში დღეს მომხდარი ფაქტით, დაუშვებელია მედიის მიმართ მსგავსი ფორმით მოპყრობა, ნიშანდობლივია, რომ ამ დროს დარბაზში დეპუტატებს შორის მწვავე დაპირისპირება იყო და მედიის ინტერესი, გაეშუქებინათ კონფლიქტი, ბუნებრივი იყო. ქარტია მოუწოდებს პარლამენტის თავმჯდომარეს, დაავალოს შესაბამის სამსახურებს, შეისწავლონ მანდატურების ქმედებები და მოახდინონ მკაცრი რეაგირება“, ნათქვამია ორგანიზაციის ვებგვერდზე. სრულად... წყარო: www.qartia.ge

თბილისი. „საერთაშორისო გამჭვირვალობა-საქართველო” ეხმიანება პარლამენტის იურიდიულ საკითხთა კომიტეტის სხდომიდან ჟურნალისტების ძალის გამოყენებით გაძევების ფაქტს. „კატეგორიულად მიუღებელია ხელისუფლების და განსაკუთრებით უმაღლესი საკანონმდებლო ორგანოს მხრიდან, რომელიც გამჭვირვალობის და ანგარიშვალდებულების მაღალი ხარისხით უნდა გამოირჩეოდეს, ჟურნალისტურ საქმიანობაში ხელის შეშლა და მედიის წარმომადგენლების დაუსაბუთებლად და ძალის გამოყენებით სხდომათა დარბაზიდან გაძევება. მოვუწოდებთ საქართველოს პარლამენტის „ქართული ოცნების“ წევრებს, უზრუნველყონ ჟურნალისტებისთვის კანონმდებლობით გათვალისწინებული უფლების განხორციელება”, ნათქვამია ორგანიზაციის განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „ქართული ოცნების“ მიერ აჭარის ტელევიზიის ხელში ჩაგდების მცდელობის ქრონოლოგია. „მმართველი პარტიის მხრიდან აჭარის ტელევიზიაზე ზეგავლენის მოპოვების აქტიური მცდელობა 2019 წლის აპრილში აჭარის ტელევიზიისა და რადიოს დირექტორის, ნათია კაპანაძის, დაუსაბუთებელი იმპიჩმენტით დაიწყო. თავად იმპიჩმენტი იმ ფონზე განხორციელდა, როდესაც კაპანაძის დირექტორობის პერიოდში, მაუწყებელი ადგილობრივი და საერთაშორისო ორგანიზაციების შეფასებით, პოლარიზებულ მედია გარემოში დაბალანსებულობითა და მიუკერძოებლობით გამოირჩეოდა. ამის შემდეგ კი ხელისუფლების მხრიდან მთელი რიგი ნაბიჯები გადაიდგა აჭარის ტელევიზიაზე ზეგავლენის საბოლოოდ მოსაპოვებლად“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება აჭარის საზოგადოებრივ მაუწყებელში მიმდინარე მოვლენებს და ტელევიზიის დირექტორს დამოუკიდებელი სარედაქციო პოლიტიკის შენარჩუნებისა და ჟურნალისტების უფლებების და თავისუფლების განუხრელი დაცვისკენ მოუწოდებს. „ახალი დირექტორის დანიშვნის შემდგომ ტელევიზიაში მიმდინარე მოვლენები და ჟურნალისტების განცხადებები საგანგაშოა და ის პოლიტიკური და სამოქალაქო აქტორების საგანგებო ყურადღებას საჭიროებს. დაუშვებელია საზოგადოებრივი მაუწყებლის დამოუკიდებლობაში ინტერვენციის და ამ მიზნით ჟურნალისტების საქმიანობის თავისუფლების შეზღუდვის ნებისმიერი მცდელობა. EMC სოლიდარობას უცხადებს აჭარის ტელევიზიის ჟურნალისტებს და მზად არის მათ სამართლებრივი მხარდაჭერა აღმოუჩინოს საკუთარი შრომითი უფლებების და დამოუკიდებლობისთვის კოლექტიური ბრძოლის პროცესში“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია (საია) მედიაში გავრცელებულ ინფორმაციას ეხმიანება, რომლის თანახმადაც, აჭარის ტელევიზიის დირექტორმა გიორგი კოხრეიძემ ნათია ზოიძეს სარედაქციო პოლიტიკისგან ჩამოშორება მოსთხოვა და ტელევიზიის სხვა ჟურნალისტების მიმართ აგრესია გამოიჩინა. საქართველოს ახალგაზრდა იურისტთა მიიჩნევს, რომ „დაუშვებელია ჟურნალისტის სარედაქციო დამოუკიდებლობაში ჩარევა, მათ შორის დირექტორის მხრიდან“. ორგანიზაცია გამოხატავს მზადყოფნას, დაიცვას თითოეული ჟურნალისტის უფლება.  სრულად... წყარო: gyla.ge

თბილისი. მედიის განვითარების ფონდმა (MDF) ყველა ტროლი 1 საიტზე გამოავლინა. „ჩვენი მიზანია გან-ვტროლოთ ისინი, ვისაც საზოგადოება შეცდომაში შეჰყავს და ვების სახელწოდებაც - გან-ტროლე.ge - სწორედ ამ ნიშნით შეირჩა. ვებ-გვერდზე თავმოყრილია იმ ტროლების პროფილები, რომლებიც მედიის განვითარების ფონდის კვლევების შედეგად გამოვლინდა. ასევე, ახალი ტროლები, რომელთაც პერიოდულად ვავლენთ. საბოლოო ჯამში, ჩვენი მიზანია, ავამაღლოთ საზოგადოების ცნობიერება და ხელი შევუწყოთ მედია წიგნიერების განვითარებას, რათა მოქალაქეებმა თავად შეძლონ რეალურის გამოგონილისგან გარჩევა“, ნათქვამია ორგანიზაციის გვერდზე სოციალურ ქსელში. სრულად... წყარო: www.gantrole.ge

თბილისი. საქართველოს ჟურნალისტური ეთიკის საბჭო ეროვნულ ბიბლიოთეკასთან მიმდინარე აქციის გაშუქებასთან დაკავშირებულ პრობლემებს ეხმიანება.  „ქარტიის საბჭო დაუშვებლად მიიჩნევს, 29 ნოემბერს, ეროვნულ ბიბლიოთეკასთან გამართულ აქციაზე სამართალდამცავების მხრიდან ჟურნალისტების მიმართ განხორციელებული ზეწოლისა და ხელშეშლის ფაქტებს“, - ვკითხულობთ განცხადებაში, - „ეთიკის ქარტია გმობს სამართალდამცავების მსგავს ქცევას და მოუწოდებს შინაგან საქმეთა სამინისტროს ხელმძღვანელობას, უზრუნველყოს აქციებზე ჟურნალისტების უსაფრთხოება და იზრუნოს მათთვის ნორმალური სამუშაო პირობების შექმნაზე. ასევე მკაცრი მითითება მისცეს აქციებზე მომუშავე სამართალდამცავებს და განუმარტოს, რომ ჟურნალისტებს სრული უფლება აქვთ მსგავსი აქციები დაუბრკოლებლად გააშუქონ, პოლიციას კი კანონით ჟურნალისტების უსაფრთხოებაზე ზრუნვაც ევალება“.  სრულად...  წყარო: www.qartia.ge

თბილისი. ჟურნალისტური ეთიკის ქარტიას მომართა „მედიაცენტრი მთავარის” დირექტორმა, რომელიც მისი მედია საშუალების მიმართ განხორციელებულ ზეწოლაზე საუბრობს. ეკა გულუა ამბობს, რომ „მედიაცენტრ მთავარში“, კერძო მედიასაშუალების ოფისში, უკვე მეორედ შეიჭრნენ უცხო პირები პრესკონფერენციის ჩაშლის მოტივით”.  „ქარტიის საბჭო მოუწოდებს სამართალდამცავ უწყებებს, მოახდინონ დროული და ადექვატური რეაგირება მედიაცენტრის ოფისში მომხდარ ინციდენტზე, დროულად გამოავლინონ შესაძლო დამნაშავე პირები და უზრუნველყონ სამომავლოდ მედია ორგანიზაციის მუშაობაში ხელშეშლის ნებისმიერი მცდელობის აღკვეთა. ქარტიის საბჭო მოუწოდებს პოლიტიკურ პარტიებს, განსაკუთრებული ყურადღებით შეისწავლონ აღნიშნულ ინციდენტში მათი წევრების შესაძლო მონაწილეობის ფაქტი და მოახდინონ შესაბამისი რეაგირება“, - ვკითხულობთ, ამ საკითხთან დაკავშირებით, ჟურნალისტური ეთიკის ქარტიის საბჭოს მიერ გავრცელებულ განცხადებაში.  სრულად...  წყარო: https://www.qartia.ge

იმერეთი. ქუთაისის ახალგაზრდული ცენტრის წევრმა ვერა სვანაძემ, სოფელ გეგუთში მოსწავლეებისა და პედაგოგებისთვის მორიგი საინფორმაციო შეხვედრა ჩაატარა მედია წიგნიერების თემაზე. შეხვედრის მიზანი იყო მონაწილეთა ცნობიერების ამაღლება დეზინფორმაციაზე, ფაქტების გადამოწმებაზე, ანტი-დასავლურ პროპაგანდასა და მედია წიგნიერებაზე. სრულად... წყარო: ორგანიზაციის გვერდი სოციალურ ქსელში

იმერეთი. ქუთაისის ახალგაზრდული ცენტრის წევრებმა ვერა სვანაძემ და დიმა ქვარიანმა, სოფელ იანეთში და დიდ ჯიხაიშში მოსწავლეებისა და პედაგობისთვის ჩაატარეს საინფორმაციო შეხვედრა მედია წიგნიერებისა და კრიტიკული აზროვნების განვითარებისათვის. „ტრენინგის მიზანი იყო მონაწილეთა ცნობიერების ამაღლება დეზინფორმაციაზე, ფაქტების გადამოწმებაზე, ანტი-დასავლურ პროპაგანდასა და მედია წიგნიერებაზე. ტრენერთა ტრენინგის (ToT) გადამზადებული ახალგაზრდები სამი თვის განმავლობაში, იმერეთის რეგიონის სოფლებში, საინფორმაციო შეხვედრების ჩატარებას უზრუნველყოფენ სხვადასხვა ჯგუფებთან, მათ შორის მოსწავლეებთან, მასწავლებლებთან, მშობლებთან, თემის ლიდერებთან და მათ მიღებულ ცოდნას გაუზიარებენ”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 22 ნოემბერს, „თავისუფალ ჟურნალისტთა სახლის“ გუნდის წევრები, შუახევის მუნიციპალიტეტის სოფელ ნიგაზეულისა და ჩანჩხალოს საჯარო სკოლის მოსწავლეებს შეხვდნენ. „დისკუსიაზე ანტიდასავლურ პროპაგანდის და დეზინფორმაციის შესახებ ვისაუბრეთ. შეხვედრის მონაწილეები გვიყვებოდნენ საკუთარ გამოცდილებაზე და გვიზიარებდნენ მოსაზრებებს. როგორც თვითონ აღნიშნეს, ისინი სოციალური ქსელის ხშირი მომხმარებლები არიან და ყოველდღიურად ხვდებიან ანტიდასავლურ პროპაგანდისტულ გვერდებს“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, ეკატერინე მესხიძის საჩივართან დაკავშირებით პირველი (სიზუსტის) პრინციპის დარღვევა დაუდგინდა 14 მედიასაშუალებას, მე-5 (შესწორების) პრინციპის დარღვევა კი - 11-ს. ეკა მესხიძის ინტერესებს ქარტიის საბჭოში ახალგაზრდა იურისტთა ასოციაცია იცავდა.  „თბილისის საქალაქო სასამართლოს 2019 წლის 09 აგვისტოს მიღებულ გადაწყვეტილებასთან დაკავშირებით რიგი მედია საშუალებების მიერ არაზუსტი ინფორმაცია გავრცელდა. გამოქვეყნებული სადავო მასალების თანახმად, სასამართლომ პაპუნა უგრეხელიძე უდანაშაულოდ სცნო და დაადგინა, რომ მისი საჯარო რეესტრის თავმჯდომარეობის პერიოდში არანაირ ძალადობასა და სექსუალურ შევიწროებას ადგილი არ ჰქონია. ეს ინფორმაცია არ შეესაბამება სინამდვილეს, აღნიშნულ საქმეში სასამართლოს საერთოდ არ უმსჯელია ჰქონდა თუ არა სექსუალურ შევიწროებას ადგილი“, - ვკითხულობთ საიას ვებგვერდზე გამოქვეყნებულ ინფორმაციაში.  სრულად...  წყარო: https://gyla.ge

თბილისი. მედიის ინსტიტუტი და ადამიანის უფლებათა ცენტრი აჭარის ტელევიზიისა და რადიოს დირექტორად გიორგი კოხრეიძის არჩევის ფაქტს კრიტიკულად აფასებენ.  „22 ნოემბერს, საზოგადოებრივი მაუწყებლის აჭარის ტელევიზიისა და რადიოს დირექტორად, მრჩეველთა საბჭომ, გიორგი კოხრეიძე აირჩია. კოხრეიძემ პირველ კენჭისყრაზე საბჭოს ოთხი წევრიდან ორის ხმა მიიღო, რამდენიმე წუთში გამართულ განმეორებით კენჭისყრაზე კი სამი ხმა და გამარჯვებული გახდა და მაუწყებლის დირექტორად 3 წლის ვადით დაინიშნა“, - ნათქვამია განცხადებაში, - „არასამთავრობო ორგანიზაციები მედიის ინსტიტუტი და ადამიანის უფლებათა ცენტრი კრიტიკულად არიან განწყობილი საზოგადოებრივი მაუწყებლის აჭარის ტელევიზიისა და რადიოს დირექტორის ვაკანტურ ადგილზე გიორგი კოხრეიძის არჩევის გამო. მიგვაჩნია, რომ აღნიშნული პროცესების გაუმჭვირვალედ ჩატარება, ხელისუფლების ინტერესია, რათა, წინასაარჩევნოდ, გავლენა გააძლიეროს ტელემაუწყებელთა სარედაქციო პოლიტიკაზე. ასევე მიგვაჩნია, რომ გიორგი კოხრეიძის აქამდე გაკეთებული განცხადებები საფრთხეს უქმნის საქართველოში მედია პლურალიზმს და მიანიშნებს ხელისუფლების უხეშ ჩარევაზე საზოგადოებრივი მაუწყებლობის სარედაქციო პოლიტიკაში“.  სრულად... წყარო: http://www.humanrights.ge

თბილისი. საერთაშორისო გამჭვირვალობა - საქართველო (TI) აჭარის ტელევიზიის და რადიოს ახალი დირექტორის არჩევის საკითხს ეხმიანება:  „დღეს, 22 ნოემბერს, საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭომ მაუწყებლის ახალი დირექტორი უნდა აირჩიოს. „საერთაშორისო გამჭვირვალობა - საქართველო“ ყურადღებით აკვირდება პროცესს და მოუწოდებს მრჩეველთა საბჭოს, არ მიიღოს ვიწროპარტიულ ინტერესებზე მორგებული გადაწყვეტილება, რომელიც საფრთხეს შეუქმნის მაუწყებლის განვითარებას, ჟურნალისტების უფლებებს და სარედაქციო დამოუკიდებლობას“.  სრულად...  წყარო: https://www.transparency.ge

თბილისი. საქართველოს ჟურნალისტური ეთიკის ქარტია, ეკლესიიდან განკვეთილი ნარიმან მაქარაშვილის (ბერი ნიკოლოზი) მიმდევრების მიერ, ზემო ფონიჭალაში, სიუჟეტის მოსამზადებლად მისული ტელეკომპანია „იმედის“ ჟურნალისტების ცემის ფაქტს ეხმიანება. „ჟურნალისტური ეთიკის ქარტიის საბჭო მკაცრად გმობს ჟურნალისტებზე ფიზიკურ ძალადობას. ქარტიის საბჭო შინაგან საქმეთა სამინისტროს მოუწოდებს, დროულად გამოიძიოს მომხდარი და გამოავლინოს დამნაშავე პირები. ეს ჟურნალისტებისთვის პროფესიულ საქმიანობაში ხელის შეშლისა და ძალადობის პირველი შემთხვევა არ არის. ქარტია შიშობს, რომ სამართალდამცავი უწყების მხრიდან მსგავსი ფაქტების მკაცრი რეაგირების გარეშე დატოვება, ამგვარ ძალადობასა და ჟურნალისტების მუშაობაში ხელისშეშლის შემთხვევებს წაახალისებს, რაც მედიაგარემოსთვის ძალიან დამაზიანებელი იქნება“, - ნათქვამია ორგაიზაციის მიერ გავრცელებულ განცხადებაში. სრულად...  წყარო: https://www.qartia.ge

შიდა ქართლი. „კეთილდღეობის და განვითარების ცენტრთან“ არსებული გორის სამოქალაქო აქტივიზმის ცენტრის მოხალისეებმა გიორგი თინიკაშვილმა და მზიკო საათაშვილმა „მედია წიგნიერებისა და კრიტიკული აზროვნების“ კამპანიის ფარგლებში, სოფელ აძვში საინფორმაციო კამპანია ჩაატარეს, სადაც შეხვდნენ სკოლის მოსწავლეებს, მასწავლებლებს და მშობლებს. სრულად... წყარო: ორგანიზაციის გვერდი სოციალურ ქსელში

თბილისი. მედია ადვოკატირებისთვის აჭარის ტელევიზიის დირექტორის შერჩევის პროცესს ეხმიანება. „კოალიცია მედიის ადვოკატირებისთვის მიიჩნევს, რომ აჭარის საზოგადოებრივი მაუწყებლის გარშემო ბოლო პერიოდში განვითარებული მოვლენები, მათ შორის აჭარის უმაღლესი საბჭოს მიერ მრჩეველთა საბჭოს წევრების შერჩევა და შემდგომში განვითარებული მოვლენები ტოვებს ვარაუდის საფუძველს, რომ ეს პროცესი მართულია ხელისუფლების მიერ“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 19 ნოემბერს, სამართლიანი არჩევნებისა და დემოკრატიის საერთაშორისო საზოგადოებამ (ISFED) 2018 წლის საპრეზიდენტო არჩევნების პერიოდში სოციალური მედიის მონიტორინგის მორიგი ანგარიში წარმოადგინა. „შესწალილი გვერდები ღიად უპირისპირდებიან ლიბერალური დემოკრატიის კულტურულ მახასიათებლებს, ლიბერალიზმს და მათ, ვინც ლიბერალურ ღირებულებებს იზიარებს. პროპაგანდისტული გვერდები ლიბერალიზმს მართლმადიდებლური, ეროვნული და ტრადიციული ფასეულობებისთვის საფრთხედ წარმოაჩენენ. პოსტების ნაწილი მულტიკულტურალიზმის საწინააღმდეგო ხასიათის იყო. ამ გვერდებზე ვრცელდებოდა ანტიფემინისტური, სექსისტური და მიზოგინიური გზავნილები. ერთ-ერთი მთავარი გზავნილი აბორტის საწინააღმდეგო პროპაგანდა იყო. ამასთანავე, აქტიურად მიმდინარეობდა კამპანია ჯორჯ სოროსისა და არასამთავრობო ორგანიზაციების წინააღმდეგ“, ნათქვამია ბლოგპოსტში. სრულად... წყარო: isfed.ge