თბილისი. „მედიის განვითარების ფონდმა“ გამოაქვეყნა ანტიდასავლური პროპაგანდის მონიტორინგის შედეგები, 2018 წლის მიხედვით. „მედიის განვითარების ფონდი 2014 წლიდან ქართულენოვან მედიაში ანტიდასავლური პროპაგანდის საკითხებს სწავლობს. წინამდებარე კვლევა 2018 წლის მედია მონიტორინგის შედეგებს ასახავს, რომელიც ანტიდასავლურ გზავნილებს, ყალბ ინფორმაციას და მათ წყაროებს აანალიზებს. დაკვირვება როგორც მედია საშუალებებზე, ასევე სხვა წყაროებზე – პოლიტიკურ კლასზე, სასულიერო პირებზე, საზოგადოებრივ ორგანიზაციებსა და საზოგადოების ცალკეულ წარმომადგენლებზე ხორციელდებოდა“, - ნათქვამია დოკუმენტის წინასიტყვაობაში.  სრულად...  წყარო: ორგანიზაციის ვებგვერდი

თბილისი. „ინფორმაციის თავისუფლების განვითარების ინსტიტუტმა“ (IDFI), გლობალური საქველმოქმედო ორგანიზაცია Luminate-ის ფინანსური მხარდაჭერით, მონაცემთა ჟურნალისტებისთვის პრაქტიკული სახელმძღვანელო მოამზადა.  „საჯარო სექტორის მონაცემების ხელმისაწვდომობის გაზრდამ და ტექნოლოგიების გაუმჯობესებამ ჟურნალისტებს მისცა საშუალება ჩაუღრმავდნენ ცალკეულ საკითხებს და გამოიყენონ სხვადასხვა აპლიკაციები თუ პროგრამები მონაცემთა მასივების გასაანალიზებლად და ძირითადი მიგნებების უკეთ წარმოსაჩენად. თუმცა, ეს ახალი შესაძლებლობები დაკავშირებულია დამატებით გამოწვევებთან, მონაცემების მოპოვებისა თუ დამუშავებისთვის ახალი უნარების და მეტი დროის აუცილებლობასთან. ამის გამო, ამ ტიპის ჟურნალისტიკას ხშირად მონაცემთა ან საგამოძიებო ჟურნალისტიკას უწოდებენ. მონაცემთა ჟურნალისტის მიზანია არა უბრალოდ ფაქტების აღწერა ან მიმოხილვა, არამედ მათი გამომწვევი მიზეზების კვლევა/განსაზღვრა და, ხშირ შემთხვევაში, პრობლემის გადაჭრის შესაძლო გზების ძიება“, - აღნიშნულია სახელმძღვანელოს შესავალში.  სრულად...  წყარო: ორგანიზაციის ვებგვერდი

თბილისი. საქართველოს ჟურნალისტური ეთიკის ქარტია შინაგან საქმეთა სამინისტროს საჯარო განცხადებით მიმართავს. „საქართველოს ჟურნალისტური ეთიკის ქარტიისთვის ცნობილი გახდა, რომ 8 ივლისს რუსთაველის გამზირზე მიმდინარე 2 აქციის გაშუქებისას დემონსტრანტთა ნაწილი აგრესიული იყო ჟურნალისტების მიმართ, ხელს უშლიდა მათ პროფესიული საქმიანობის განხორციელებას. ამის საპასუხოდ რეპორტიორების დაცვის ნაცვლად სამართალდამცავები მათ ურჩევდნენ ტერიტორიის დატოვებას. ამასთან ჟურნალისტები ამბობენ, რომ მათ შინაგან საქმეთა სამინისტროს წარმომადგენლებისთვის უწევთ ახსნა თუ რატომ არის პროფესიულ საქმიანობაში ხელშეშლა დანაშაული“, - ვკითხულობთ განცხადებაში, - „მოგმართავთ თხოვნით, მიაწოდეთ ინფორმაცია თითოეულ სამართალდამცავს იმის შესახებ, რომ საქართველოს კანონმდებლობით დაცულია ჟურნალისტის საქმიანობა, რეპორტიორები იმყოფებიან დემონსტრაციაზე არა როგორც მხარდამჭერები, არამედ მუშაობენ საზოგადოების ინფორმირებისთვის. ამიტომაც სამართალდამცავები ვალდებულნი არიან უზრუნველყონ მათი უსაფრთხოება. დაიცავით ჟურნალისტები სხვადასხვა პირთა აგრესიული ქმედებებისგან და მიეცით საშუალება თავისუფლად გააშუქონ მიმდინარე მოვლენები“.  სრულად...  წყარო: ორგანიზაციის ვებგვერდი

თბილისი. „რუსთავი 2“-ის წამყვანის მიერ პირდაპირ ეთერში წაკითხულ ტექსტთან დაკავშირებით, საქართველოს ჟურნალისტური ეთიკის ქარტიამ განცხადება გავრცელა.  „ტელეკომპანია "რუსთავი 2-ის" გადაცემა "პოსტ სკრიპტუმის" წამყვანის, გიორგი გაბუნიას მიერ დღეს, 7 ივლისს გადაცემის წარდგენისას რუსეთის პრეზიდენტის მიმართ გაკეთებული არაეთიკური განცხადებები ზიანს აყენებს არა მხოლოდ "რუსთავი 2-ს”, არამედ ქართულ ეთიკურ მედიას, ხელს უწყობს მედიისა და ჟურნალისტების მიმართ ნდობისა და პატივისცემის შემცირებას, სიძულვილის ენის ტირაჟირებას, აზიანებს ქვეყანაში დემოკრატიული პრინციპების დამკვიდრებასა და განვითარებას. სწორედ პასუხისმგებლიანი და ეთიკური მედიაა მთავარი იარაღი სიტყვისა და გამოხატვის თავისუფლების შენარჩუნებისთვის ბრძოლაში“, - ნათქვამია განცხადებაში.  სრულად  წყარო: ორგანიზაციის ვებგვერდი

კახეთი. ყვარლის პედაგოგებისთვის მედია და ინფორმაციული წიგნიერების ტრენინგი გაიმართა.  „მედიის განვითარების ფონდის მკვლევარებმა სოფო გელავამ და ნანა რაფავამ ყვარლის #1 საჯარო სკოლაში ფოტო და ვიდეო მანიპულაციაზე, ინტერნეტ ტროლების ამოცნობაზე, კიბერჰიგიენასა და კიბერბულინგზე ისაუბრეს. ღონისძიება პროექტის „სკოლებში მედიაწიგნიერების და კრიტიკული აზროვნების ხელშეწყობა“ ფარგლებში ჩატარდა, რომელსაც მხარს საქართველოში ნიდერლანდების საელჩო უჭერს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

კახეთი. თელავში ჩატარდა ტრენინგი „ქალთა როლი ადგილობრივი თვითმართველობის საქმიანობაში”. „შეხვედრის ამოცანა იყო, სათემო ლიდერები გაცნობოდნენ თუ როგორია გენდერული თანასწორობის ინსტიტუციური მექანიზმები საქართველოში, რას მოიცავს კახეთის მუნიციპალიტეტის გენდერული თანასწორობის სამოქმედო გეგმა და ადგილობრივი ქალი ლიდერების როლი მუნიციპალიტეტის გენდერული თანასწორობის გეგმის განხორციელების პროცესში”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

კახეთი. მედიის განვითარების ფონდის მკვლევარები, სოფო გელავა და ნანა რაფავა, სოფელ დუისის სკოლის მოსწავლეებს ფოტომანიპულაციაზე, ინტერნეტ ტროლებსა და კიბერჰიგიენაზე ესაუბრნენ. „სემინარების ციკლი „გაზომე სიმართლე!“ პროექტის „ახალგაზრდების მედიაწიგნიერების ლაბორატორია პასუხისმგებლიანი მედია მოხმარებისთვის“ ფარგლებში ტარდება, რომელსაც მხარს ამერიკის შეერთებული შტატების საელჩო უჭერს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის ქარტია აქვეყნებს ჟურნალისტების მიმართვას საქართველოს მთავრობისა და დიპლომატიური კორპუსის წარმომადგენლებისადმი.  „21 ივნისს, თბილისში, რუსთაველის გამზირზე აქციის დარბევის დროს დაშავდნენ მედიის წარმომადგენლები. მათი თქმით, სამართალდამცავები დამიზნებით ესროდნენ მაშინაც კი, როდესაც თვალსაჩინო იყო, რომ ისინი მედიის წარმომადგენლები იყვნენ და პროფესიულ მოვალეობას ასრულებდნენ“, - ვკითხულობთ მიმართვაში, - „მოვითხოვთ იმ სამართალდამცავების სასწრაფოდ გამოვლენას და სისხლის სამართლის პასუხისგებაში მიცემას, რომლებიც დამიზნებით ესროდნენ ჟურნალისტებს, რომელთა იდენტიფიცირება შესაძლებელი იყო, მაგრამ მაინც მიაყენეს სხეულის დაზიანებები და ხელი შეუშალეს პროფესიული საქმიანობის შესრულებაში; მივმართავთ საქართველოში აკრედიტებულ დიპლომატიურ კორპუსსა და საერთაშორისო ორგანიზაციებს, მყისიერი და ეფექტიანი რეაგირება მოახდინონ 21 ივნისს, რუსთაველის გამზირზე, საპროტესტო აქციის დაშლის დროს, შინაგან საქმეთა სამინისტროს მხრიდან ჟურნალისტების მიზანმიმართულ დევნაზე, ჯანმრთელობის დაზიანების, პროფესიული მოვალეობის შესრულების დროს დაკავებისა და ხელშეშლის ფაქტებზე“.  სრულად  წყარო: https://www.qartia.ge

თბილისი. საქართველოს ჟურნალისტური ეთიკის ქარტია 20-21 ივნისს, აქციის მიმდინარეობისას დაზარალებული ჟურნალისტების შესახებ ინფორმაციას ავრცელებს და კიდევ ერთხელ, აანონსებს საპროტესტო აქციას, რომელიც 3 საათზე გაიმართება, შინაგან საქმეთა სამინისტროსთან. სრულად... წყარო: ქარტიის გვერდი სოციალურ ქსელში

თბილისი. 20 ივნისს, პარლამენტთან განვითარებული მოვლენებისას, კოალიციის ინფორმაციით, 12 ჟურნალისტია დაშავებული. კოალიცია მედიის ადვოკატირებისთვის მიიჩნევს, რომ 1. დაუყოვნებლივ უნდა დაიწყოს გამოძიება თითოეულ შემთხვევასთან დაკავშირებით დამნაშავე პირების გამოსავლენად; 2. სახელმწიფომ უნდა მოახდინოს ჟურნალისტებისათვის იმ მატერიალური ზიანის ანაზღაურება, რაც მათ მიდგათ პოლიციელების მიერ მათი დაზიანების შედეგად. სრულად... წყარო: gyla.ge

თბილისი. საქართველოს ჟურნალისტური ეთიკის ქარტია, 21 ივნისს, 15:00 საათზე, ორთაჭალაში, შინაგან საქმეთა სამინისტროსთან (გულუას 10) მართავს საპროტესტი აქციას: „ნუ გვესვრი!“. „მედიის წარმომადგენლები ვაპროტესტებთ აქციის დროს ჟურნალისტების უფლებების შელახვას. დაშავებულია 10-ზე მეტი ჟურნალისტი“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 20 ივნისს თბილისში განვითარებულ მოვლენებთან დაკავშირებით, საქართველოს ჟურნალისტური ეთიკის ქარტია საგანგებო განცხადებას ავრცელებს.  „თბილისში, რუსთაველის გამზირზე, პოლიციის მიერ საპროტესტო აქციის ცრემლსადენი გაზითა და რეზინის ტყვიებით დაშლის შედეგად დაშავდნენ "პირველი არხის", რუსთავი 2"-ის,” ტვ პირველის” და სხვა მედიაორგანიზაციების ჟურნალისტები“, - ვკითხულობთ განცხადებაში, - „საქართველოს ჟურნალისტური ეთიკის ქარტია მოუწოდებს საქართველოს მთავრობას, შინაგან საქმეთა სამინისტროს, უზრუნველყონ ჟურნალისტების უსაფრთხოება, სამართალდამცავებმა არ მიაყენონ სხეულისა და ჯანმრთელობის დაზიანებები და მისცენ პროფესიული მოვალეობის შესრულების შესაძლებლობა. ქარტია ასევე მოუწოდებს საქართველოში აკრედიტებული დიპლომატიური კორპუსისა და საერთაშორისო ორგანიზაციების წარმომადგენლებს, მაქსიმალური ზეწოლა მოახდინონ ხელისუფლებაზე რათა არ მოხდეს საპროტესტო აქციაზე მყოფი ჟურნალისტებისა და მოქალაქეების კონსტიტუციური უფლებების დარღვევა“.  სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო” ეხმიანება კომუნიკაციების ეროვნული კომისიის ხელმძღვანელის მოწოდებას. „მივიჩნევთ, რომ ამ ინიციატივის განხორციელებას, შესაძლოა, გამოხატვის თავისუფლების არსებული მაღალი სტანდარტისა და ოპონენტების კრიტიკული აზრის შეზღუდვა მოჰყვეს. პარლამენტში საკითხზე მუშაობისას მაქსიმალურად უნდა იყოს  გათვალისწინებული მედია და არასამთავრობო სექტორის პოზიციები, რადგან საკითხი ეხება  დემოკრატიის და ადამიანის უფლებების  ერთ-ერთ ყველაზე მნიშვნელოვან საკითხს - გამოხატვის თავისუფლებას და გადაწყვეტილება მიღებული უნდა იქნას მაღალი დემოკრატიული სტანდარტების და გამოცდილების გათვალისწინებით“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. ტელეკომპანია „რუსთავი 2-ის" დამფუძნებლებისთვის ქონებრივი უფლების იძულებით დათმობის ფაქტზე მიმდინარე გამოძიებასთან დაკავშირებით, საქართველოს სახალხო დამცველი განცხადებას ავრცელებს. „საქართველოს სახალხო დამცველის აპარატი 2018 წლის თებერვლიდან სწავლობს ტელეკომპანია „რუსთავის 2–ის" დამფუძნებლების დავით დვალისა და ჯარჯი აქიმიძის განცხადებებს", - ვკითხულობთ განცხადებაში, - „აღნიშნულ სისხლის სამართლის საქმე საქართველოს სახალხო დამცველმა განიხილა საქართველოს მთავარ პროკურორთან შეხვედრისას და მიაწოდა ინფორმაცია გაჭიანურებული გამოძიების თაობაზე. ნიშანდობლივია, რომ მოცემულ საქმეზე ხანდაზმულობის 15 წლიანი ვადა გადის 2019 წლის ივნისში. სწორედ, ამ გარემოების გათვალისწინებით, საქართველოს სახალხო დამცველის აპარატმა კვლავ მიმართა 5 ივნისს პროკურატურას, რათა გარკვეულიყო მოესწრებოდა თუ არა საჭირო მასალების მოპოვება და ექსპერტიზის ბიუროსთვის მიწოდება. პროკურატურიდან პასუხი ჯერჯერობით აპარატს მიღებული არ აქვს. მოვუწოდებთ საქართველოს გენერალურ პროკურატურას წარმოადგინოს განმარტება იმასთან დაკავშირებით, თუ რატომ გაჭიანურდა საქმის გამოძიება და რატომ არ იქნა მიღებული შემაჯამებელი გადაწყვეტილება აქამდე".  სრულად წყარო: ორგანიზაციის ვებგვერდი

თბილისი. კოალიცია მედიის ადვოკატირებისთვის მიიჩნევს, რომ მაუწყებლობის თვითრეგულირებას მიკუთვნებული საკითხების რეგულირებაში გადატანა დაუშვებელია. „კოალიცია მიიჩნევს, რომ კანონპროექტი გამოხატვის თავისუფლების შეზღუდვისკენ არის მიმართული და დიდ საფრთხეებს შეიცავს. კომუნიკაციების ეროვნული კომისიის მიერ შემოთავაზებული ცვლილებებით მედიის თვითრეგულირების სფეროში არსებული საკითხები გადადის სახელმწიფო რეგულირების კომპეტენციაში, შესაძლებელი ხდება მედიის თვითრეგულირების ორგანოს გადაწყვეტილების კომუნიკაციების ეროვნულ კომისიაში ან სასამართლოში გასაჩივრება. ეს ქმნის გამოხატვის თავისუფლების თვითნებური, დაუსაბუთებელი შეზღუდვის რისკებს", ნათქვამია ორგანიზაციის ვებგვერდზე.  სრულად... წყარო: gyla.ge

თბილისი. საზოგადოებრივი მაუწყებლის ჟურნალისტმა ქარტიის პირველი, მეხუთე და მეთერთმეტე პრინციპები დაარღვია. „საქართველოს ჟურნალისტური ეთიკის ქარტიის საბჭოს გადაწყვეტილებით, საზოგადოებრივი მაუწყებლის ჟურნალისტმა ნოდარ ჩაჩუამ, ქარტიის პირველი (სიზუსტე), მეხუთე (შესწორება) და მეთერთმეტე (განზრახ დამახინჯება) პრინციპები დაარღვია", ნათქვამია ორგანიზაციის ვებგვერდზე.  სრულად...  წყარო: www.qartia.ge

თბილისი. „საქართველოს სტრატეგიული კვლევების ინსტიტუტი" გიწვევთ მონაწილეობა მიიღოთ ტრენინგში "დეზინფორმაციის გავლენა და მედია წიგნიერება”. ტრენინგში მონაწილეობა შეუძლიათ სამოქალაქო საზოგადოების ორგანიზაციების წარმომადგენლებს, მასწავლებლებს, სტუდენტებს, ჟურნალისტებსა და სხვა დაინტერესებულ პირებს ტრენინგში მონაწილეობის მისაღებად, თემაზე - "დეზინფორმაციის გავლენა და მედია წიგნიერება”. პროექტი ხორციელდება ლიეტუვის საელჩოს - Lietuvos ambasada Sakartvele/ლიეტუვის საელჩო საქართველოში მხარდაჭერით და მიზნად ისახავს დეზინფორმაციის ფორმებისა და არხების, მედია წიგნიერების პრობლემატიკის შესახებ ცნობიერების ამაღლებას; ასევე - მონაწილეთათვის საჭირო უნარ ჩვევების განვითარებას დეზინფორმაციის, ყალბი ახალი ამბების და პროპაგანდის იდენტიფიცირების მიმართულებით. სრულად  წყარო: ორგანიზაციის ვებგვერდი

თბილისი. მედია და ინფორმაციულ წიგნიერებაში პედაგოგების ტრენინგის პირველი ციკლი დასრულდა. მედიის განვითარების ფონდმა (MDF), ამ დროისთვის, თბილისსა და საქართველოს რეგიონებში, სულ 106 პედაგოგს ჩაუტარა ტრენინგი. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის ქარტიის ინფორმაციის თანახმად, 10 ივნისს, გამთენიისას, ჟურნალისტს, საბა წიწიკაშვილს სამართლდამცავებმა პროფესიულ საქმიანობაში ხელი შეუშალეს. ჟურნალისტს იმ ავტოავარიის გაშუქება სურდა, რომელშიც, სავარაუდოდ, სამართალდამცავების მანქანა მონაწილეობდა. „როგორც საბა წიწიკაშვილმა ქარტიის საბჭოს განუცხადა, მას ცენტრალურ ავტობანზე პოლიციელებმა შეუზღუდეს გადაღების უფლება და ძალის გამოყენებით გამოიყვანეს შემთხვევის ადგილიდან. მომხდარის გადაღება მან შორიდან მაინც შეძლო", - ვკითხულობთ განცხადებაში, - „საქართველოს ჟურნალისტური ეთიკის ქარტიის საბჭო მიმართავს როგორც შინაგან საქმეთა სამინისტროს გენერალურ ინსპექციას, ასევე პროკურატურას, დროულად შეისწავლონ მომხდარი შემთხვევა და დამნაშავე პირებს შესაბამისი პასუხისმგებლობა დაეკისრონ". სრულად... წყარო: ორგანიზაციის ვებგვერდი

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია "რუსთავი 2-ის" ჟურნალისტმა მარიამ გაფრინდაშვილმა დაარღვია ქარტიის პრინციპები დაარღვია. სადავო სიუჟეტი გადაცემა "შაბათის კურიერის" ეთერში 16 მარტს გავიდა სახელწოდებით "ტროლები ოპონენტებისთვის" და ეძღვნებოდა ხელისუფლების მიერ ინტერნეტში სხვადასხვა პირთა დისკრედიტაციისთვის შექმნილ ანგარიშებს. სიუჟეტში ნახსენები იყო განმცხადებელი ლელა კურდღელაშვილი, რომელსაც "ტროლების" საქმიანობასთან და "ქართულ ოცნებასთან" შეხება არ ჰქონია. სრულად წყარო: ორგანიზაციის ვებგვერდი

სამეგრელო-ზემო სვანეთი. ზუგდიდის რაიონულმა სასამართლომ „პრესა ჯი"-ს რედაქტორისა და ,,აიტივის" დამფუძნებლის, ჟურნალისტ გიორგი კაპანაძის ადმინისტრაციულ სამართალდარღვევათა საქმე განიხილა. გიორგი კაპანაძე პოლიციის თანამშრომლებმა 2019 წლის 19 მაისს, ზუგდიდის მერის რიგგარეშე არჩევნების დღეს პროფესიული საქმიანობის განხორციელებისას დააკავეს და, მოგვიანებით, ადმინისტრაციული სამართალდარღვევის ოქმი 166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლების საფუძველზე შეუდგინეს. 5 ივნისს ზუგდიდის რაიონულმა სასამართლომ საკმარისი მტკიცებულებების არარსებობის გამო შეწყვიტა საქმის წარმოება წვრილმანი ხულიგნობის ნაწილში. რაც შეეხება 173-ე მუხლით გათვალისწინებულ ქმედებას, სასამართლომ სამართალდარღვევა ჩადენილად მიიჩნია, თუმცა, დარღვევის მცირემნიშვნელობიდან გამომდინარე, გიორგი კაპანაძეს სახდელის ნაცვლად სიტყვიერი შენიშვნა მისცა. გიორგი კაპანაძის ინტერესებს საიას ზუგდიდის ოფისი იცავს. სრულად  წყარო: ორგანიზაციის ვებგვერდი

თბილისი. კოალიცია მედიის ადვოკატირებისთვის ნათია ზოიძის განცხადებას ეხმიანება. „ნათია ზოიძე აცხადებს, რომ მრჩეველთა საბჭო არის პოლიტიკურად მოტივირებული და რომ ნათია კაპანიძის უნდობლობიდან დაწყებული ეს პროცესი არის პოლიტიკური ინტერესის ქვეშ. დირექტორის მოვალეობის შემსრულებელი, ასევე, ამბობს, რომ საბჭოს მხრიდან ადგილი აქვს მის სარედაქციო პოლიტიკაში ჩარევის მცდელობას. ამავდროულად, საბჭოს წევრი - ბეჟან გობაძე საუბრობს, რომ ორი წევრი, რომელმაც ნათია კაპანაძის იმპიჩმენტის პროცედურა დაიწყო, ისევ ერთობლივად ცდილობენ სამთავრობო კანდიდატის ლობირებას. კოალიცია მედიის ადვოკატირებისთვის მიიჩნევს, რომ აუცილებელია პროცესებში ჩართულმა ყველა პირმა უზრუნველყოს საზოგადოებრივი მაუწყებლის მიუკერძოებლობა და დამოუკიდებლობა, რათა შევინარჩუნოთ პოლიტიკური ზეგავლენისგან დამოუკიდებელი მაუწყებელი", ნათქვამია ერთობლივ განცხადებაში. სრულად... წყარო: gyla.ge