თბილისი. საქართველოს ახალგაზრდა კონსტიტუციონალისტები აღკვეთის ღონისძიების შესახებ სისხლის სამართლის კოდექსში შესატან ცვლილებათა პროექტს აფასებს. „... აღნიშნული კანონპროექტი ითვალისწინებს ცვლილებების შეტანას აღკვეთის ღონისძიების მარეგულირებელ ნორმებში. ცვლილებები დადებითად უნდა შეფასდეს იმდენად, რამდენადაც ის ემსახურება სასამართლო პროცესის უფრო მეტი გამჭვირვალობის უზრუნველყოფასა და ბრალდებულის კონსტიტუციით გარანტირებული უფლებების დაცვის მექანიზმების გაძლიერებას სისხლის სამართლის პროცესში. მნიშვნელოვანია, რომ ცვლილების შედეგად კიდევ უფრო შემცირდება სასამართლოზე ზეწოლის განხორციელებისა და აღკვეთის ღონისძიების პოლიტიკური მიზნებისათვის გამოყენების თეორიული ალბათობა...", ნათქვამია ორგანიზაციის ვებგვერდზე. სრულად... წყარო: facebook.com

თბილისი. ორგანიზაცია „ახალგაზრდა ადვოკატები" საქართველოს იუსტიციის უმაღლესს საბჭოს მიღებული გადაწყვეტილების განმარტებებისკენ მოუწოდებს. კერძოდ საუბარია, საერთო სასამართლოების სისტემაში მოქმედ ხუთ მოსამართლეზე, რომელთაც „10 წლიანი სამოსამართლო უფლებამოსილების ვადის გასვლის შემდგომ, მოსამართლედ საქმიანობის პერიოდი გაურკვეველი ვადით გაუხანგრძლივდა". სრულად... წყარო: barristers.ge

თბილისი. საქართველოს ახალგაზრდა კონსტიტუციონალისტთა ასოციაცია მზად არის სამართლებრივი დახმარება გაუწიოს იმ პირებს, რომლებიც მიიჩნევენ, რომ კანონით ან სხვა ნორმატიული აქტით დაირღვა კონსტიტუციის მე–2 თავით გარანტირებული უფლებები. კონსულტაციისთვის მიმართეთ ორშაბათიდან პარასკევის ჩათვლით 12:00–დან 17:00 საათამდე ასოციაციის წარმომადგენლებს, შემდეგ მისამართზე: თბილისი, ისაკაძის 7. სრულად... წყარო: gyca.ge

თბილისი. 6 მაისს საქართველომ ახალგაზრდა იურისტთა ასოციაციამ გამართა კონფერენცია: „რუსეთის პასუხისმგებლობა აგვისტოს ომის დროს და დღეს: საიას საქმეები ევროპულ სასამართლოში". კონფერენციაზე მიმოიხილეს საქმეები, რომლებშიც საია ადამიანის უფლებათა ევროპული სასამართლოს წინაშე რუსეთის ფედერაციის პასუხისმგებლობის საკითხს აყენებს. შეხვედრაზე, ასევე, მიმოიხილეს საიას და სხვა არასამთავრობოების მიერ გაეროს ადამიანის უფლებათა კომიტეტში წარდგენილი ალტერნატიული ანგარიში რუსეთის ფედერაციის მოსმენისთვის, 2015 წლის 16 მარტის სესიაზე. ანგარიში შეეხება 2008 წლის ომის და შემდგომ პერიოდში რუსი და ოსი სამხედროების მიერ განხორციელებულ სამართალდარღვევებს, რომლებზეც პასუხისმგებლობა რუსეთს ეკისრება. ასევე, განიხილეს 2008 წლის აგვისტოს ომის დროს ჩადენილი დანაშაულების გამოძიების საკითხი, როგორც რუსეთის ფედერაციის, ასევე საქართველოს საგამოძიებო ორგანოების მიერ და იმსჯელეს სამხრეთ ოსეთის გამყოფ ხაზთან მდებარე ქართულ სოფლებში მავთულხლართებთან დაკავშირებულ მიმდინარე საფრთხეებსა და პრობლემებზე. კონფერენციის ფარგლებში გაიმართა დისკუსია ზემოაღნიშნულ საკითხებზე, ადგილობრივი არასამთავრობო ორგანიზაციების წარმომადგენლებმა ერთმანეთს გაუზიარეს გამოცდილება მოცემულ თემაზე. სრულად... წყარო: gyla.ge

თბილისი. საქართველოს ახალგაზრდა კონსტიტუციონალისტთა ასოციაცია სამთავრობო ცვლილებებთან დაკავშირებით განცხადებას ავრცელებს. სრულად... წყარო: pia.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის სასამართლო რეფორმის კანონპროექტთან დაკავშირებით პირველად შენიშვნებს და მოსაზრებებს აქვყენებს. კანონპროექტი შეეხება მნიშვნელოვან საკანონმდებლო ცვლილებებს, რომელთა განხორციელებასაც კოალიცია აქტიურად უჭერდა მხარს გასული პერიოდის განმავლობაში. სრულად... წყარო: www.isfed.ge

ქვემო ქართლი. "არა იძულებით და ნაადრევ ქორწინებას!" ამ სლოგანით „ჟურნალისტთა ქსელმა გენდერული თანასწორობისათვის" გარდაბნის მუნიციპალიტეტის სოფლების გარაჯალასა და აქთაკლიის საჯარო სკოლებში ეთნიკურად აზერბაიჯანელ მოსახლეობასთან - მოსწავლეებსა და მასწავლებლებთან საინფორმაციო ხასიათის შეხვედრა გამართა. სრულად... წყარო: ორგანიზაციის ვებ-გვერდი სოციალურ ქსელში

თბილისი. გერმანიის საერთაშორისო თანამშრომლობის საზოგადოების სამართლის პროგრამის ფარგლებში, პროგრამის ვებგვერდზე განთავსდა ნაშრომი: „სასამართლოს საქმისწარმოების ელექტრონული სისტემა (ელექტრონული მართლმსაჯულების ქართული გამოცდილება)". პუბლიკაცია მხოლოდ ელექტრონულად ქვეყნდება. პუბლიკაცია... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია მიმართავს საქართველოს მთავარ პროკურატურას და „2014 წლის 13 დეკემბერს საყდრისი–ყაჩაღიანის არქეოლოგიური ობიექტის აფეთქების ფაქტზე გამოძიების დაწყებისკენ მოუწოდებს". „...საიას ხელთ არსებული ოფიციალური ინფორმაციის თანახმად, 2014 წლის 13 დეკემბერს, შპს „RMG-Gold”-ს საყდრის-ყაჩაღიანის N1 სალიცენზიო უბანზე განხორციელებული აფეთქების დროს ტექნიკური და სამშენებლო ზედამხედველობის სააგენტოსგან მიღებული შესაბამისი ნებართვა არ ჰქონდა", ნათქვამია ორგანიზაციის მიერ გავრცელებულ მიმართვაში. სრულად... წყარო: gyla.ge

თბილისი. არასამთავრობო ორგანიზაციებმა ერთობლივი განცხადება გაავრცელებს რამინ მამედოვისა და მისი ოჯახის წევრების მიმართ სავარაუდო ზეწოლის ფაქტებთან დაკავშირებით. სრულად... წყარო: gyla.ge

იმერეთი. 4 აპრილს ქუთაისის საქალაქო სასამართლოში საიას ქუთაისის ფილიალმა ნაფიც მსაჯულთა იმიტირებული სასამართლო პროცესი გამართა. პროცესში საიას ქუთაისის ფილიალის სამოქალაქო განათლების საკვირაო სკოლის მოსწავლეები მონაწილეობდნენ. ნაფიც მსაჯულთა ვერდიქტის შედეგად გაიმარჯვა დაცვის მხარემ, მათ საჩუქრად იურიდიული განათლების ხელშწყობის ფონდის მიერ გამოცემული ლიტერატურა გადაეცათ. ახალგაზრდა იურისტთა ასოციაციის ქუთაისის ფილიალში 2000 წლიდან ფუნქციონირებს სამოქალაქო განათლების საკვირაო სკოლა, რომლის მიზანსაც წარმოადგენს სკოლის მოსწავლეებისათვის სამოქალაქო განათლების, სამართლის ისტორიისა და პრაქტიკული სამართლის სწავლება.

თბილისი. არასამთავრობო ორგანიზაცია „ახალგაზრდა ადვოკატები" საქართველოს მთავრ პროკურორს, იუსტიციისა და ეკონომიკის მინისტრებს მიმართავენ და სახელმწიფოს მხრიდან ქმედითი ნაბიჯების გადადგმას მოითხოვენ. საკითხი ეხება „ „საქართველოს საკონსტიტუციო სასამართლოს თავმჯდომარის გიორგი პაპუაშვილის მხრიდან 2015 წლის 17 მარტს მიღებული გადაწყვეტილების შეჩერებას და საამისოდ, შესაბამისი სამართლებრივი მოქმედებების განხორციელებას...", ნათქვამია ორგანიზაციის ვებგვერდზე. სრულად... წყარო: barristers.ge

თბილისი. იუსტიციის სამინისტრომ გაეროს ბავშვთა ფონდთან თანამშრომლობით და ევროკავშირის პროექტის „სისხლის სამართლის მართლმსაჯულების სისტემის მხარდაჭერა საქართველოში" ფარგლებში არასრულწლოვანთა მართლმსაჯულების კოდექსი მოამზადა. რომლის მიზანია ლიბერალური გახადოს არასრულწლოვანთა მართლმსაჯულების სისტემა. არასრულწლოვანთა მართლმსაჯულების ახალ კოდექსზე „ლიბერალი” ევროკავშირის პროექტის „სისხლის სამართლის მართლმსაჯულების სისტემის მხარდაჭერა საქართველოში" პროექტის ხელმძღვანელს რენატე ვინტერს ესაუბრა. რენეტე ვინტერი მოსამართლე და გაეროს ბავშვთა უფლებების დაცვის კომიტეტის წევრია. ნაწყვეტი ინტერვიუდან: „...ამგვარი კანონის მიღება საქართველოსთვის საერთაშორისო დონეზე ძალიან მნიშვნელოვანია. თანამედროვე კანონია. საერთაშორისო კანონმდებლობისა და ნორმების შესაბამისია. ერთი მხრივ, ეს კოდექსი ძალიან მნიშვნელოვანია საქართველოსა და ევროკავშირს შორის დადებული ხელშეკრულებისთვის და, რაც ყველაზე მნიშვნელოვანია, ის ხელს შეუწყობს საქართველოში არასრულწლოვანთა მართლმსაჯულების განვითარებას. ეს კანონი ხელს უწყობს იმ მიდგომის დანერგვას, რომლის მიხედვითაც ბავშვი უნდა აღიქმებოდეს არა როგორც მართლმსაჯულების ობიექტი, არამედ სუბიქტი. კანონი ხაზს უსვამს იმას, რომ ნებისმიერი ბავშვი - ბრალდებული, მოწმე, მსხვერპლი - პირველ რიგში ბავშვია. ეს არის ძალიან მნიშვნელოვანი განსაკუთრებით სისხლის სამართლის სისტემაში და ამას უნდა ეფუძნებოდეს უშუალოდ მართლმსაჯულება. როცა საქმე გვაქვს ბავშვთან და არა ზრდასრულთან გადაწყვეტილებაც ამის გათვალიწინებით უნდა მიიღონ. ამიტომ მიმაჩნია, რომ ეს კანონი ბავშვის ინტერესებზეა მორგებული..." სრულად... წყარო: liberali.ge

თბილისი. საერთაშორისო გამჭვირვალობა საქართველო რუსთავის მეტალურგიული ქარხნის გარშემო მიმდინარე პროცესებს მიმოიხილავს და პუბლიკაციას აქვეყნებს. „მეტალურგიული ქარხნის დაუფლებისთვის მიმდინარეობს მთელი რიგი შეთანხმებული ქმედებები, რომლებიც არ ტოვებს სამართლიანი იურიდიული დაპირისპირების შთაბეჭდილებას. ამავდროულად, დღეს მიმდინარე პროცესი, ხელოვნური და უსაფუძვლო დავის ინიცირების გზით, დღეს არსებული მენეჯმენტისთვის საწარმოს მართვის შეფერხების მცდელობის საფუძვლიან ეჭვებს აჩენს. მიგვაჩნია, რომ მიმდინარე საქმეებში მრავლად ჩნდება საეჭვო გარემოება, რომელიც პროცესის ყურადღებით დაკვირვებისკენ გვიბიძგებს. ჩვენი აზრით, ასევე იკვეთება გარკვეული ერთმანეთთან დაკავშირებული ჯგუფების (როგორც სასამართლო სისტემაში, ასევე მის გარეთაც) შეთანხმებული ქმედებები, რაც შესაძლოა სასამართლო სისტემის შიგნით, მის გარკვეულ ნაწილში, არსებულ არაჯანსაღ მდგომარეობაზეც მიუთითებდეს”, ნათქვამია პუბლიკაციაში. სრულად... წყარო: transparency.ge

აჭარა. ბათუმის საქალაქო სასამართლომ ადამიანის უფლებების სწავლებისა და მონიტორინგის ცენტრის (EMC) სარჩელი ქობულეთში მუსლიმთა პანსიონთან დაკავშირებით, დასაშვებად სცნო. უახლოეს მომავალში საქმის არსებითი განხილვა დაიწყება. ადამიანის უფლებების სწავლებისა და მონიტორინგის ცენტრს, დისკრიმინაციის ყველა ფორმის აღმოფხვრის შესახებ კანონითა და სამოქალაქო კოდექსით დადგენილი სპეციალური სამართალწარმოების ფარგლებში, ბათუმის საქალაქო სასამართლოში წარდგენილი აქვს სარჩელი „ქობულეთში მუსლიმი მოსწავლეებისთვის განკუთვნილი პანსიონის საქმიანობისთვის არაერთჯერადი ხელშეშლის ფაქტზე". სრულად... წყარო: emc.org.ge

თბილისი. ორგანიზაცია „ახალგაზრდა ადვოკატები" აჭარის ა/რ უმაღლეს საბჭოს არჩეულ დეპუტატებს კანონის უზენაესობისა და კონსტიტუციური პრინციპების დაცვისკენ მოუწოდებს. ორგანიზაცია მიუთითებს, რომ „უკანასკნელ პერიოდში, უმაღლეს საბჭოში ვიცე-სპიკერის არჩევის საკითხთან დაკავშირებით განვითარებული მოვლენები, უმაღლესი საბჭოს ცალკეული დეპუტატების მხრიდან, ღიად ტოვებს აჭარის კონსტიტუციის მიმართ უპატივცემულობას ან/და სახეზეა კონსტიტუციის უცოდინრობით გამოწვეული კანონდარღვევა". სრულად... წყარო: barristers.ge

სამეგრელო. ომბუდსმენის ვებგვერდის ინფორმაციით, 13 მარტს ფოთის საქალაქო სასამართლომ დაადგინა, რომ ფოთის მუნიციპალიტეტის მერმა ირაკლი კაკულიამ არ შეასრულა სახალხო დამცველის კანონიერი მოთხოვნა, რითაც დაარღვია საქართველოს ადმინისტრაციულ სამართალდარღვევათა კოდექსი. სასამართლომ ირაკლი კაკულიას შეუფარდა ჯარიმა 800 ლარის ოდენობით. „ფოთის მუნიციპალიტეტის მერმა ირაკლი კაკულიამ კანონით დადგენილ ვადაში სახალხო დამცველს არ მიაწოდა ინფორმაცია უსახლკარო პირთა თავშესაფრით უზრუნველყოფის შესახებ საქართველოს სახალხო დამცველის რეკომენდაციის განხილვის შედეგების თაობაზე. შესაბამისად, 2015 წლის 18 თებერვალს სახალხო დამცველის აპარატში შედგა ადმინისტრაციული სამართალდარღვევის ოქმი, რომელიც განსახილველად გაეგზავნა ფოთის საქალაქო სასამართლოს", ნათქვამია ვებგვერდზე. სრულად... წყარო: ombudsman.ge

თბილისი. საერთაშორისო გამჭვირვალობა – საქართველო ახალ ბლოგს აქვეყნებს: „უმაღლესი საბჭოს თავმჯდომარის მოადგილედ ჯემალ ფუტკარაძის არჩევა აჭარის კონსტიტუციის უგულებელყოფით მოხდა". ორგანიზაციის მიიჩნევს, რომ ხელისუფლების ყველა წარმომადგენელმა პატივი უნდა სცეს კონსტიტუციას და კონსტიტუციის შესაბამისად აღასრულოს მასზე კანონით დაკისრებული მოვალეობები, მით უფრო, „როცა საკითხი ეხება საკანონმდებლო ორგანოს და მის მიერ უფლებამოსილების განხორციელებას". სრულად... წყარო: transparency.ge

თბილისი. საქართველოს ახალგაზრდა იურისტთა ასოციაციამ პარტნიორ ორგანიზაციასთან ,,ადამიანის უფლებათა დაცვის ევროპული ცენტრი (EHRAC)'' თანაშრომლობით, ადამიანის უფლებათა ევროპულ სასამართლოს ორი ყოფილი მსჯავრდებულის სახელით, მათ მიმართ განხორციელებული არასათანადო მოპყრობის ფაქტების არაეფექტური გამოძიების გამო მიმართა. საიამ ადამიანის უფლებათა ევროპულ სასამართლოს ევროპული კონვენციის მე-3 (წამების აკრძალვა) და 34-ე (ინდივიდუალური საჩივრის უფლება) მუხლების საფუძველზე მიმართა. სრულად... წყარო: gyla.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის მიესალმება საქართველოს ხელისუფლების ბოლოდროინდელ განცხადებებს, რომლებიც ეხება 2012 წლის 1 ოქტომბრის არჩევნების შემდგომ მთავარ პროკურატურაში შესულ მოქალაქეთა ათასობით საჩივარს და მათზე ეფექტური სამართლებრივი მოქმედებების დაწყებას. „კოალიცია მიიჩნევს, რომ აუცილებელია მართლმსაჯულების ხარვეზების აღმოფხვრის ეფექტური მექანიზმის შექმნა, დაზარალებულთა მდგომარეობის ადეკვატური შეფასება და ღონისძიებების გატარება, მათი სამართლებრივი მდგომარეობის გაუმჯობესების მიზნით. გვსურს ხაზი გავუსვათ სიმართლის დადგენის მნიშვნელობას, რომელიც გაზიარებული იქნება არა მხოლოდ ჩვენი, არამედ საერთაშორისო საზოგადოების მიერ და რომელიც დაეხმარება საქართველოს ბოლომდე მიიყვანოს აუცილებელი სისტემური რეფორმები, აღმოფხვრას უნდობლობა, საზოგადოების პოლარიზაცია და დაიწყოს ქვეყნის განვითარების ახალი ეტაპი", ნათქვამია კოალიციის განცხადებაში. სრულად... წყარო: idfi.ge

თბილისი. „ლიბერალის" ინფორმაციით, თბილისის სააპელაციო სასამართლომ კომპანია RMG GOLD-ის, კულტურული მემკვიდრეობის სააგენტოსა და საქართველოს მთავრობის სარჩელი არ დააკმაყოფილა. ამის შესახებ სასამართლოდან „ლიბერალის" კორესპონდენტი იტყობინება. ისინი საქალაქო სასამართლოს გადაწყვეტილებას აპროტესტებენ, რომელმაც „მწვანე ალტერნატივისა" და მოქალაქე დავით სახვაძის სარჩელი ნაწილობრივ დააკმაყოფილა. სრულად... წყარო: liberali.ge

თბილისი. 13 თებერვალს, საქართველოს ახალგაზრდა იურისტთა ასოციაციის იურიდიული განათლების ხელშეწყობის ფონდმა  პროექტის -„სამოქალაქო და სამართლებრივი განათლების ხელშეწყობა" - პრეზენტაცია გამართა. ღონისძიებაზე დამსწრეებს მიმართეს პარლამენტის თამჯდომარემ და განათლების მინისტრის მოადგილე ლია გიგაურმა. ღონისძიება საქართველოს ეროვნულ ბიბლიოთეკაში გაიმართა. წყარო: ორგანიზაციის გვერდი სოციალურ ქსელში