თბილისი. კოალიცია „დამოუკიდებელი და გამჭვირვალე მართლმსაჯულებისთვის" განცხადებას ავრცელებს ვენეციის კომისიის წინასწარ დასკვნასთან დაკავშირებით. შეგახსენებთ, რომ 7 ივლისს, გამოქვეყნდა ვენეციის კომისიის, ევროპელი პროკურორების საკონსულტაციო საბჭოს (CCPE) და ეუთოს დემოკრატიული ინსტიტუტების და ადამიანის უფლებათა ოფისის (OSCE/ODIHR) წინასწარი დასკვნა „პროკურატურის შესახებ" საქართველოს კანონში ცვლილებების პროექტთან დაკავშირებით. კოალიციის მიერ გავრცელებულ დასკვნაში ნათქვამია: „გვსურს, კიდევ ერთხელ ხაზი გავუსვათ წინასწარ დასკვნაში მოცემულ ძირითად შენიშვნებსა და რეკომენდაციებს, რომელთა გათვალისწინება აუცილებელია პროკურატურის სისტემაში რეალური რეფორმის გასატარებლად"... სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია ღრმა მწუხარებას გამოთქვამს გლდანის #8 დაწესებულებაში პატიმრის გარდაცვალების გამო. ორგანიზაცია ხელისუფლებას მომხდარის სწრაფი, ობიექტური და ყოველმხრივი გამოძიებისაკენ მოუწოდებს. სრულად... წყარო: gyla.ge

თბილისი. საია ივნისის თვეში წარმატებით განხორციელებული საქმეების შესახებ ინფორმაციას აქვეყნებს: საიას დახმარებით ექვსმა პირმა შპს კაზინო ,,აჭარას" შრომითი დავა მოუგო, დაცულ იქნა ოჯახში ძალადობის მსხვერპლი ქალის და არასრულწლოვანი ბავშვის ინტერესები, საიას ზუგდიდის ოფისის დახმარებით სასამართლომ მოქალაქე უდანაშაულოდ ცნო, ქუთაისის ფილიალის დახმარებით მოძალადეს ოჯახური ძალადობის მსხვერპლის მიმართ სიტყვიერი, ფიზიკური და ფსიქოლოგიური ძალადობის მიყენება აეკრძალა... სრულად... წყარო: gyla.ge

თბილისი. საქართველოს სასამართლოების მოხელეთა პროფესიული ასოციაცია, თბილისის სააპელაციო სასამართლო გერმანიის საერთაშორისო თანამშრომლობის საზოგადოების მხარდაჭერით ახორციელებენ ერთობლივ პროექტს. მის ფარგლებში შეიქმნა ვებგვერდი: teen.court.ge – რომელიც მომავალი თაობების მართლშეგნების ამაღლების ხელშეწყობისკენ არის მიმართული. საიტზე მოზარდები შეძლებენ ნახონ სპეციალურად მათთვის შექმნილი: სამართლებრივი კაზუსები, ილუსტრირებული წიგნები გასართობი და ინფორმაციული შინაარსით; სამართლებრივი ლექსიკონი ბავშვებისათვის (ლექსიკონი ინტეგრირებულია ვებ-გვერდთან); ტესტები (სხვადასხვა თემატიკის და სირთულის რამდენიმე დონე), რომელთა გამოყენებით მოსწავლეები შეძლებენ გამოცადონ საკუთარი ცოდნა; საიტზე განთავსდება სამართლის კურსი, რომლის გავლის შემდეგ მომხმარებლები მიიღებენ სერტიფიკატს სასამართლოსგან; აქვე ნებისმიერი ვიზიტორი შეძლებს მოიძიოს: სამართლებრივი შინაარსის გასართობი და მიმზიდველი თამაშები, ვიქტორინები და მრავალი სხვა საინტერესო ინფორმაცია. სრულად... წყარო: teen.court.ge

თბილისი. 26 ივნისს, საქართველოს საკონსტიტუციო სასამართლომ არსებითად განსახილველად მიიღო საქართველოს სახალხო დამცველის საკონსტიტუციო სარჩელი. სახალხო დამცველი სადავოდ მიიჩნევს „ელექტრონული კომუნიკაციების შესახებ" საქართველოს კანონის 83 მუხლის პირველი პუნქტის დებულებას, რომლითაც ფარული საგამოძიებო მოქმედებების განსახორციელებლად შესაბამისი უფლებამოსილების მქონე სახელმწიფო ორგანოს უფლება აქვს რეალურ დროში მოიპოვოს ინფორმაცია კავშირგაბმულობის და კომუნიკაციის ხაზებიდან". სრულად... წყარო: ombudsman.ge

თბილისი. 30 ივნისს, მრგვალი მაგიდა გაიმართა თემაზე: „სასამართლო რეფორმა და დღევანდელი გამოწვევები". შეხვედრაში მონაწილეობდნენ სასამართლო ხელისუფლების, არასამთავრობო ორგანიზაციების, იუსტიციის სამინისტროს წარმომადგენლებმა, პრაქტიკოსმა იურისტებმა და სამართლის ექსპერტებმა. მრგვალი მაგიდა მიეძღვნა სასამართლო რეფორმის მესამე ფაზის ფარგლებში განსახორციელებელ ღონისძიებებს, მოსალოდნელ საკანონმდებლო ცვლილებებსა და აღნიშნული ცვლილებების პრაქტიკაში იმპლიმენტაციის დროს შესაძლო პრობლემებსა და გამოწვევებს. ღონისძიება ჩატარდა პროექტი „სტრატეგიული სამართალწარმოება ადამიანის ფუნდამენტურ უფლებათა დასაცავად" , რომელსაც ორგანიზაცია „კონსტიტუციის 42–ე მუხლი" ახორციელებს, ფონდ „ღია საზოგადოება – საქართველოს" მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ორგანიზაცია „ახალგაზრდა ადვოკატებმა", 2004-2012 წლებში, ქონებაჩამორთმეულთა საქმეებზე ეფექტური და სწრაფი მართლმსაჯულების განხორციელების მიზნით, საქართველოს პარლამენტს ახალი საკანონმდებლო წინადადებით მიმართა. რომლის მიხედვითაც, „სასამართლო გადაწყვეტილების ბათილად ცნობისა და ახლად აღმოჩენილ გარემოებათა გამო, საქმის წარმოების განახლების შესახებ განცხადების შეტანის დასაშვები 5 წლიანი ვადა უნდა გაიზარდოს 15 წლის ვადით". სრულად... წყარო: barristers.ge

თბილისი. „ახალგაზრდა ადვოკატებმა" პრესკონფერენცია გამართეს და საქართველოს კომუნიკაციების ეროვნულ კომისიას მიმართეს, დააჩქაროს ორგანიზაციის განცხადების განხილვა. კერძოდ, როგორც ორგანიზაციის ვებგვერდზეა ნათქვამი „ორგანიზაცია... საქართველოს კომუნიკაციების ეროვნულ კომისიას მიმართავს, დააჩქაროს ორგანიზაციის განცხადების განხილვა ტელეკომპანია „რუსთავი 2"-ის მხრიდან „რეკლამის შესახებ" და „მაუწყებლობის შესახებ" კანონების სავარაუდო დარღვევის ფაქტთან დაკავშირებით"... სრულად... წყარო: ორგანიზაციის ვებ-გვერდი სოციალურ ქსელში

თბილისი. 26 ივნისი წამების მსხვერპლთა მხარდაჭერის საერთაშორისო დღეა. საქართველოს ახალგაზრდა იურისტთა ასოციაცია მოუწოდებს ხელისუფლებას წამებისა და არასათანადო მოპყრობის ფაქტების მყისიერი და დამოუკიდებელი გამოძიება. „წამებასთან ბრძოლის უმთავრეს მექანიზმს და სახელმწიფოს პირდაპირ ვალდებულებას არა მხოლოდ საკანონმდებლო რეგულაციების და სამოქმედო გეგმების შემუშავება, არამედ უპირეველესად წამების შემთხვევების დროული, მიუკერძოებელი და გამჭვირვალე გამოძიება და დამნაშავეთა დასჯა წარმოადგენს. წამებისა და არასათანადო მოპყრობის ფაქტებზე სახელმწიფოს რეაგირება არასრული და არაეფექტურია" - ნათქვამია განცხადებაში. სრულად... წყარო: gyla.ge

თბილისი. ადამიანის უფლებათა ცენტრი შეშფოთებულია სასჯელაღსრულების სისტემაში დანერგილი მანკიერი პრაქტიკით. მათი განცხადებით, არაადამიანური მოპყრობისა და წამების მსხვერპლ პატიმრებზე ხორციელდება ზეწოლა, რათა საკუთარი ნებით უარყონ წამების ფაქტები. „ადამიანის უფლებათა ცენტრი იცავს მსჯავრდებულების - თამაზ რასოიანისა და პაატა სურამელის ინტერესებს, რომლებიც ამჟამად სასჯელს იხდიანის #7 სასჯელაღსრულების დაწესებულებაში. მსჯავრდებულმა პაატა სურამელმა ადვოკატს განუცხადა, რომ 2014 წლის 14 სექტემბერს იმყოფებოდა სასჯელაღსრულების #6 დაწესებულებაში, სადაც იგი ცემეს და აწამეს, შემდეგ კი გადაიყვანეს სასჯელაღსრულების #8 დაწესებულებაში. შემთხვევა მოხდა ტერიტორიაზე, სადაც ხორციელდება ვიდეოკონტროლი"... სრულად... წყარო: humanrights.ge

თბილისი. არასამთავრობო ორგანიზაციების მიმართვა პარლამენტის წევრებს „უსაფრთხოების სამსახურის შესახებ” მომზადებულ კანონპროექტთან დაკავშირებით „პირველ რიგში, გვსურს აღვნიშნოთ, რომ პოზიტიურად ვაფასებთ საპოლიციო და უშიშროების სამსახურების გამიჯვნის ინიციატივას. თუმცა, ვფიქრობთ, რომ გამიჯვნა რეალურ შინაარსს უნდა ატარებდეს და ქმნიდეს არამხოლოდ ინსტიტუციური, არამედ ფუნქციური გაყოფის საფუძველს. შემოთავაზებული კანონპროექტი კი აღნიშნულ გარანტიას ვერ ქმნის. ის მხოლოდ ფორმალურ გამიჯვნას წარმოადგენს და დამატებით უკავშირდება არაერთი ახალი საფრთხის წარმოშობას ადამიანის უფლებებისა და კანონიერი მმართველობის პრინციპის წინააღმდეგ. მიმართვაზე ხელმომწერი ორგანიზაციები მოვუწოდებთ პარლამენტის წევრებს არ დაუჭირონ მხარი კანონპროექტის არსებულ რედაქციას და ხელი შეუწყონ მსჯელობის გაგრძელებას კანონპროექტთან დაკავშირებით. მიგვაჩნია, რომ კანონპროექტის კენჭისყრამდე აუცილებელია კანონპროექტის არსებითად გაუმჯობესება რამდენიმე მიმართულებით"... სრულად... წყარო: www.gyla.ge

თბილისი. საქართველოს ახალგაზრდა იურისტთა ასოციაცია ეხმაურება კახეთის საინფორმაციო ცენტრის მიერ გავრცელებულ ინფორმაციას. რომელიც „მედიის წარმომადგენლებზე ზეწოლის ფაქტებს ეხება. 2015 წლის 23 ივნისის სტატიაში „კარიკატურის გამოქვეყნების გამო საქართველოში ჟურნალისტს სიკვდილით ემუქრებიან" ნათქვამია, რომ ჟურნალისტებზე ხორციელდება მუქარა". საია მოუწოდებს საგამოძიებო ორგანოებს დაიცვან ჟურნალისტების უსაფრთხოება და აღკვეთონ ყოველგვარი ზეწოლა. სრულად... წყარო: www.gyla.ge

თბილისი. 18 ივნისს, ადამიანის უფლებების სწავლებისა და მონიტორინგის ცენტრმა (EMC) გამართა ახალი კვლევის პრეზენტაცია: „უხილავი ძალაუფლების პოლიტიკა – სამართალდამცავი სისტემის ანალიზი.” კვლევა მოიცავს სამართალდამცავი სისტემის ფართომასშტაბიან ანალიზს, განხილულია ყველა ძირითადი ინსტიტუციური ხარვეზი, რაც შინაგან საქმეთა სამინისტროს, პროკურატურას და სასჯელაღსრულების სისტემას აქვს. კვლევა მომზადდა ფონდის „ღია საზოგადოება – საქართველოს” ფინანსური მხარდაჭერით. კვლევა... წყარო: emc.org.ge

თბილისი. 17 ივნისს, კოალიციამ „დამოუკიდებელი და გამჭვირვალე მართლმსაჯულებისთვის" წარსულში ჩადენილ ადამიანის უფლებათა დარღვევების მიმართ სახელმწიფო პოლიტიკის შესახებ ფორუმი გამართა. წარდგენილი რეკომენდაციების თანახმად, სამართლის აღსრულების პროცესი დაცული უნდა იყოს პოლიტიკური ანგარიშსწორებისგან… სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია ეხმიანება 8 ივნისს საქართველოს პრემიერის განცხადებას გიორგი ოქროპირიძის საქმეზე და პროკურატურის თანმდევ მოქმედებებზე. სრულად... წყარო: gyla.ge

თბილისი. საიამ განცხადება გაავრცელა, სადაც ორგანიზაცია მიესალმება „თბილისის საქალაქო სასამართლოს 5 ივნისის განჩინებას თავდაცვის სამინისტროს დაკავებული მაღალჩინოსნების, ეგრეთ წოდებულ „კაბელების" საქმესთან დაკავშირებით". სრულად... წყარო: gyla.ge

თბილისი. ახალგაზრდა ფინანსისტთა და ბიზნესმენთა ასოციაციამ – აფბამ ბრიფინგი გამართა, სადაც „სახალხო ბანკის" აქციების გასხვისების საკითხზე ისაუბრა. ორგანიზაცია მოუწოდებს პროკურატურას „ქვეყნის მთავარი ფინანსური ინსტიტუტის ხელმძღვანელის მიმართ დანაშაულებრივ ქმედებასთან დაკავშირებული კითხვების თაობაზე დაინტერესდეს". სრულად... წყარო: ორგანიზაციის ვებგვერდი სოციალურ ქსელში

აჭარა. 28 მაისს საქართველოს საკონსტიტუციო სასამართლოს პირველმა კოლეგიამ დააკმაყოფილა სარჩელი – „საქართველოს მოქალაქეები უჩა ნანუაშვილი და მიხეილ შარაშიძე საქართველოს პარლამენტის წინააღმდეგ". სასამართლომ არაკონსტიტუციურად ცნო საქართველოს საარჩევნო კოდექსის ის ნორმები, რომლებიც ადგენდა 73 ერთმანდატიანი მაჟორიტარული საარჩევნო ოლქის განსაზღვრის წესს: „ერთხელ და სამუდამოდ ალბათ ქვეყანაში უნდა შეიქმნას საარჩევნო სისტემა, რომელიც იქნება მაქსიმალურად სამართლიანი და ობიექტური და მე ვფიქრობ, ეს გადაწყვეტილება ამ მხრივ შეასრულებს კატალიზატორის ფუნქციას" – განაცხადა სახალხო დამცველმა. სრულად... წყარო: www.ombudsman.ge

აჭარა. 28 მაისს, 11:00 საათზე, ბათუმში, საქართველოს საკონსტიტუციო სასამართლო განიხილავს კოალიცია „ეს შენ გეხებას" წევრების საკონსტიტუციო სარჩელს, რომელიც ეხება 2014 წლის ნოემბერში მიღებული ფარული მიყურადების მომწესრიგებელი კანონმდებლობის არაკონსტიტუციურობას. მოსარჩელეები სადავო ნორმების არაკონსტიტუციურობას სხვადასხვა საფუძვლით ითხოვენ. სხდომაზე სარჩელის დასაშვებობის განხილვა მოხება. ანუ სასამართლო გაარკვევს იმას, თუ რამდენად შეესაბამება სარჩელი საქართველოს კანონმდებლობით დადგენილ ფორმალურ და მატერიალურ კრიტერიუმებს. სრულად... წყარო: osgf.ge

თბილისი. საერთაშორისო გამჭვირვალობა – საქართველო აქვეყნებს ინფორმაციას, რომ ორგანიზაციამ „საჯარო ინფორმაციის გაცემასთან დაკავშირებით შინაგან საქმეთა სამინისტროს წინააღმდეგ საქმე მოიგო". რამდენიმე თვის წინათ ორგანიზაციამ გამოითხოვა ინფორმაცია მოქალაქე დ.დ. იყო თუ არა შინაგან საქმეთა სამინისტროს ან მისი რომელი სტრუქტურის თანამშრომელი. „ინფორმაციის მოწოდებაზე შსს–მ უარი განგვიცხადა იმ საფუძველით, რომ მოთხოვნილი ინფორმაცია შეიცავდა დ.დ.–ს შესახებ პერსონალური მონაცემებს, რომელთა დაცვის ვალდებულება ჰქონდა სამინისტროს", ნათქვამია ორგანიზაციის ინფორმაციაში. ორგანიზაციამ უარი სასამართლოში გაასაჩივრა. „საერთაშორისო გამჭვირვალობა – საქართველოს" მიაჩნდა, რომ მოთხოვნილი ინფორმაცია არ უნდა ჩათვლილიყო პერსონალურ მონაცემად მოქმედი კანონმდებლობის მიზნებიდან გამომდინარე. ამასთან, გათვალისწინებული უნდა ყოფილიყო დ. დ-ის, როგორც ყოფილი თანამდებობის პირის, მიმართ არსებული მაღალი საზოგადოებრივი ინტერესი. თბილისის საქალაქო სასამართლოს 2015 წლის 23 მარტის გადაწყვეტილებით „საერთაშორისო გამჭვირვალობა – საქართველოს" სარჩელი სრულად დაკმაყოფილდა და საქართველოს შინაგან საქმეთა სამინიტროს დაავალა მოთხოვნილი ინფორმაციის გაცემა". სრულად... წყარო: transparency.ge

თბილისი. 25 მაისს, საიას იურიდიული განათლების ხელშეწყობის ფონდმა საქართველოს ეროვნულ ბიბლიოთეკაში პროექტის „სამოქალაქო და სამართლებრივი განათლების ხელშეწყობა” – დახურვის ცერემონია გამართა. პროექტი მიზნად ისახავდა სამოქალაქო და სამართლებრივი განათლების შესახებ ცნობიერების ამაღლებას. სრულად... წყარო: gyla.ge

თბილისი. საიამ, 25 მაისს საკონსტიტუციო სასამართლოს მიმართა სარჩელით. ორგანიზაცია „დისკრიმინაციულად მიიჩნევს „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ" მთავრობის დადგენილების მე-2 მუხლს. ამ ნორმით პირები, რომლებიც 2013 წლის 1 ივლისის მდგომარეობით სარგებლობდნენ კერძო დაზღვევით, ვერ მიიღებენ საყოველთაო დაზღვევით გათვალისწინებულ ყველა სამედიცინო მომსახურებას. ამ კატეგორიის პირებზე ვრცელდება საყოველთაო ჯანდაცვის მხოლოდ მინიმალური მომსახურების პაკეტი". სრულად... წყარო: gyla.ge