თბილისი. ინფორმაციის თავისუფლების განვითარების ინსტიტუტის ინფორმაციით, გიორგი კლდიაშვილი სამართალდამცავი ორგანოების მიერ მის მიმართ განხორციელებული უკანონო მოპყრობის ფაქტზე ზიანის ანაზღაურებას ითხოვს. ამ მიზნით მან 10 თებერვალს სარჩელით მიმართა თბილისის საქალაქო სასამართლოს. სრულად... წყარო: idfi.ge

თბილისი. 9 თებერვალს თბილისის საქალაქო სასამართლომ დააკმაყოფილა ინფორმაციის თავისუფლების განვითარების ინსტიტუტის სარჩელი საქართველოს სასჯელაღსრულებისა და პრობაციის სამინისტროს საქვეუწყებო დაწესებულება სასჯელაღსრულების დეპარტამენტის წინააღმდეგ, ნათქვამია ინსტიტუტის ვებგვერდზე სოციალურ ქსელში. შესაბამისად სასჯელაღსრულების დეპარტამენტს დაევალა სრულყოფილი სახით მიაწოდოს ინსტიტუტს მოთხოვნილი ინფორმაცია 11 პუნქტად. ინსტიტუტი იმედს გამოთქვამს, რომ რომ სასჯელაღსრულების დეპარტამენტი სრულად აღასრულებს სასამართლო გადაწყვეტილებას. წყარო: ინფორმაციის თავისუფლების განვითარების ინსტიტუტის ვებგვერდი სოციალურ ქსელში

თბილისი. „საერთაშორისო გამჭვირვალობა – საქართველოს" აღმასრულებელი დირექტორი ეკა გიგაური არასამთავრობო ორგანიზაცია „პოზიციის" დირექტორს, გურამ ადამაშვილს და მოქალაქე გიორგი ხაინდრავას ცილისწამებისათვის თბილისის საქალაქო სასამართლოში უჩივის. „...იმედი გვაქვს, საკითხის სასამართლო დავით გადაწყვეტა დაასრულებს სპეკულაციებს საზოგადოებისათვის მტკივნეული 2007 წლის 7 ნოემბრის მოვლენების თემის გამოყენებით და, ამავდროულად, მოახდენს არასამთავრობო ორგანიზაციების მისამართით მსგავსი უსაფუძვლო ბრალდებების პრევენციას. აქვე მოვუწოდებთ ამ პირებს, პატივი სცენ იმ მესაზღვრეების ღირსებას, რომლებიც წლებია ღირსეულად ემსახურებიან საქართველოს და იცავენ სახელმწიფო საზღვარს, რაც, ხშირ შემთხვევაში, მათი სიცოცხლისა და ჯანმრთელობის საფრთხეში ჩაგდებასთან არის დაკავშირებული", ნათქვამია ორგანიზაციის ვებგვერდზე. სრულად... წყარო: transparency.ge

თბილისი. საიამ პარტნიორ ორგანიზაციებთან ერთად ევროპულ სასამართლოს მიმართა სალომე ჯორბენაძის საქმეზე. „19 წლის სალომე ჯორბენაძე, 2014 წლის 25 ივლისს, ზესტაფონში მდებარე პარკში მოკლეს. მკვლელობაში ბრალდებული მისი ყოფილი ქმარი, ზესტაფონის რაიონული სამმართველოს თანამშრომელი, სერგი საცერაძეა, რომელმაც სალომე სამსახურებრივი-საშტატო იარაღით მოკლა", ნათქვამია საიას ვებგვერდზე. საიას საჩივარი ადამიანის უფლებათა ევროპულ სასამართლოში ევროპული კონვენციის მე-2 (სიცოცხლის უფლება), მე-3 (წამების აკრძალვა), მე-8 (პირადი ცხოვრების დაცულობა) და მე-14 (დისკრიმინაციის აკრძალვა) მუხლებს ეფუძნება. საქმე, წარმატებით დასრულების შემთხვევაში, პირველი პრეცედენტი იქნება, რომელსაც ევროპული სასამართლო ქალთა მიმართ ძალადობის საკითხზე საქართველოსთან მიმართებით განიხილავს. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტის" (IDFI) დირექტორი გიორგი კლდიაშვილი პრესკონფერენცია გამართა და კიდევ ერთხელ მიმართა საქართველოს შინაგან საქმეთა სამინისტრო და პროკურატურას დაუყოვნებლივ იქნეს გამოძიებული მისი დაკავების, შესაძლო ზეწოლის და საქმის მასალების შედგენის ფაქტები. სრულად... წყარო: idfi.ge

თბილისი. არასამთავრობო ორგანიზაციები ერთობლივ განცხადებას ავრცელებენ და საქართველოს პარლამენტს მოუწოდებენ გახმაურებული საქმეების შესასწავლად კომისია შექმნას. „... მაღალი საზოგადოებრივი მნიშვნელობის საქმეები, რომლებშიც იკვეთება სამართალდამცავთა მხრიდან ადამიანის ფუნდამენტურ უფლებათა დარღვევები, და რომელთა გამოძიებასაც 2012 წელს არჩევნების შედეგად მოსული ხელისუფლება თავის ერთ-ერთ პრიორიტეტად აცხადებდა, დღემდე გამოუძიებელი რჩება. მიუხედავად საზოგადოების, მათ შორის არასამთავრობო ორგანიზაციების არაერთი მოთხოვნისა, ამ საქმეების ობიექტური და მიუკერძოებელი გამოძიება არც ძველი და არც ახალი ხელისუფლების პირობებში არ განხორციელებულა. იმის გათვალისწინებით, რომ რიგი გახმაურებული საქმეებისა უკვე გამოძიებულია, კვლავაც არსებობს საქმეები რომელთა გამოძიება გაჭიანურებულია და საზოგადოებისთვის კი უცნობია შეფერხების მიზეზები. ზუსტად ამის გამო, მოვუწოდებთ საქართველოს პარლამენტის თავმჯდომარეს და პარლამენტის წევრებს. შეიქმნას დროებითი საგამოძიებო საპარლამენტო კომისია, რომლის მიზანი იქნება აღნიშნული საქმეების გამოძიება...", ნათქვამია განცხადებაში. სრულად... წყარო: gyla.ge

თბილისი. გასული წლის ბოლოს თბილისის საქალაქო სასამართლომ სრულად დააკმაყოფილა ინფორმაციის თავისუფლების განვითარების ინსტიტუტის (IDFI) სარჩელი შინაგან საქმეთა სამინისტროს წინააღმდეგ. შედეგად სამინისტროს დაეკისრა ვალდებულება სრულყოფილად მიაწოდოს ინსტიტუტს ინფორმაცია 2013 წელს მინისტრის, მინისტრის მოადგილეებსა და დეპარტამენტის უფროსებზე დარიცხული პრემიებისა და დანამატების შესახებ თვეების მიხედვით, ცალ–ცალკე სახელისა და გვარის მითითებით, ნათქვამია ორგანიზაციის ვებგვერდზე. „ვიმედოვნებთ, რომ საქართველოს შინაგან საქმეთა სამინისტრო სრულად აღასრულებს სასამართლო გადაწყვეტილებას და მოგვაწვდის ინფორმაციას თანამდებობის პირების მიერ მიღებული პრემიებისა და დანამატების შესახებ, სრულყოფილი სახით, როგორც ამას ინტიტუტი ითხოვდა. ასევე ვიმედოვნებთ, რომ აღნიშნული გადაწყვეტილება საბოლოოდ დაამკვიდრებს თანამდებობის პირთა შემოსავლების შესახებ ინფორმაციის საჯაროობის და ხელმისაწვდომობის მაღალ სტანდარტს საქართველოში, რადგანაც აღნიშნული წლების განმავლობაში ერთ-ერთ ყველაზე პრობლემურ საკითხად მიიჩნეოდა", აღნიშნავს ინსტიტუტის ორგანიზაციის ვებგვერდზე გამოქვეყნებულ ინფორმაციაში. სრულად... წყარო: idfi.ge

თბილისი. ორგანიზაცია „ახალგაზრდა ადვოკატები" სანდრო ახმეტელის სახელობის დრამატული თეატრიდან გათავისუფლებული მსახიობს იცავს. შესაბამისი სარჩელის თბილისის საქალაქო სასამართლოში განხილვა 21 იანვარს გაიმართა. როგორც ორგანიზაციის ვებგვრდზეა ნათქვამი ორგანიზაციის „სარჩელი დაკმაყოფილდა, რითაც უკანონოდ გათავისუფლებული თანამშრომლის თამარ მედოევის საქმეზე გამამართლებელი შედეგი დადგა". სრულად... წყარო: barristers.ge

თბილისი. 21 იანვარს, 17:00 საათზე საქართველოს იურისტთა ასოციაცია საყდრისი-ყაჩაღიანის უძველესი ოქროს მაღაროს შესახებ სარჩელს წარდგენს. ორგანიზაცია თბილისის საქალაქო სასამართლოში საქართველოს კულტურისა და ძეგლთა დაცვის სამინისტროს მიერ 2014 წლის 31 იანვარს და კულტურული მემკვიდრეობის დაცვის ეროვნული სააგენტოს მიერ ამავე წლის 12 დეკემბერს მიღებულ გადაწყვეტილებებთან დაკავშირებით წარადგენს სარჩელს. წყარო: საიას ვებგვერდი სოციალურ ქსელში

თბილისი. 21 იანვარს 17:00 საათზე, თბილისის საქალაქო სასამართლოში გიორგი კლდიაშვილის ადვოკატები წარადგენენ შესაგებელს პროკურატურის საჩივარზე, რომელიც ინფორმაციის თავისუფლების განვითარების ინსტიტუტის (IDFI) ყოფილი ხელმძღვანელის მიმართ სასამართლოს განჩინებით სისხლის სამართლის საქმის შეწყვეტას ეხება. კლდიაშვილის ინტერესებს საია იცავს. 2015 წლის 20 იანვარს საქართველოს მთავარმა პროკურატურამ გაასაჩივრა თბილისის საქალაქო სასამართლოს მიერ, 15 იანვარს მიღებული გადაწყვეტილება, გიორგი კლდიაშვილის საქმის შეწყვეტის შესახებ. წყარო: საიას ვებგვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი განცხადებას ავრცელებს. „15 იანვარს, სასამართლოს გადაწყვეტილებით გიორგი კლდიაშვილის წინააღმდეგ სისხლის სამართლებრივი დევნა შეწყდა. „მოსამართლე მერაბ ჯორბენაძემ ნაწილობრივ დააკმაყოფილა დაცვის მხარის შუამდგომლობა და მტკიცებულების სახით საქმის მასალებს არ დაერთო გიორგის მანქანის ჩხრეკის ოქმი, იარაღის ბალისტიკური ექსპერტიზის დასკვნა და დაკითხვის ოქმი, მოსამართლემ გაიზიარა დაცვის მხარის პოზიცია იმასთან დაკავშირებით, რომ აღნიშნული მტკიცებულებები კანონმდებლობის დარღვევით იყო მოპოვებული. ...ინსტიტუტის ხელმძღვანელის, ლევან ავალიშვილის თქმით, აუცილებელია ჩატარდეს გამოძიება და დადგინდეს თუ როგორ მოხდა ბრალდების მხარის მიერ მტკიცებულებათა მოპოვება. ინსტიტუტის ყოფილი დირექტორი გიორგი კლდიაშვილი მორალური ზიანის ანაზღაურების მიზნით უახლოეს მომავალში შესაბამისი უწყებებისთვის მიმართვას გეგმავს", ნათქვამია ორგანიზაციის გვერდზე. სრულად... წყარო: idfi.ge

თბილისი. „ლიბერალის" ინფორმაციით თბილისის საქალაქო სასამართლოს გადაწყვეტილებით „პარტიზანი მებაღეების" მხრიდან ადგილი არ ჰქონია წვრილმან ხულიგნობას. მოსამართლე მხოლოდ სიტყვიერი გაფრთხილებით შემოიფარგლა. სრულად... წყარო: liberali.ge

თბილისი. საქართველოს ახალგაზრდა ეკონომისტთა ასოციაცია განცხადებას ავრცელებს და ეხმაურება საქართველოს პრემიერ–მინისტრის განცხადებას პროკურატურაში სპეციალური სამმართველოს შექმნის შესახებ, რომელიც ქონების უკანონოდ ჩამორთმევის, ასევე წამებისა და არაადამიანური მოპყრობის ფაქტებთან დაკავშირებულ საქმეებზე იმუშავებს. „აღნიშნული ინიციატივის ირგვლივ სხვადასხვა კითხვები ჩნდება, შესაბამისად საჭიროდ მიგვაჩნია ხელისუფლების მხრიდან დამატებითი განცხადებების გაკეთება, რაც ნათელს მოფენს საკითხის ირგვლივ გაჩენილ შეკითხვებს", ნათქვამია განცხადებაში. სრულად... წყარო: ორგანიზაციის ვებგვერდი სოციალურ ქსელში

თბილისი. სასამართლომ ინფორმაციის თავისუფლების განვითარების ინსტიტუტის ყოფილი ხელძღვანელის გიორგი კლდიაშვილის წინააღმდეგ სისხლის სამართლებრივი დევნა შეწყვიტა. სრულად... წყარო: liberali.ge

თბილისი. 15 იანვარს, 15:00 საათზე თბილისის საქალაქო სასამართლოში გაიმართება ინფორმაციის თავისუფლების განვითარების ინსტიტუტის (IDFI) ყოფილი ხელმძღვანელის გიორგი კლდიაშვილის წინა სასამართლო სხდომა მტკიცებულებების დასაშვებობასა და დევნის შეწყვეტის შესახებ. კლდიაშვილის ინტერესებს სასამართლოში საქართველოს ახალგაზრდა იურისტთა ასოციაცია იცავს. ინსტიტუტმა რამდენიმე დღის წინათ გამოაქვეყნა ამ საქმის შემაჯამებელი მასალა. სრულად...

თბილისი. აღმოსავლეთ–დასავლეთის მართვის ინსტიტუტის მართლმსაჯულების დამოუკიდებლობისა და სამართლებრივი გაძლიერების პროექტის (JILEP) მხარდაჭერით ახალი სანივთო სამართლის სახელმძღვანელოს საჯარო პრეზენტაცია გაიმართა. სახელმძღვანელო მომავალი თაობის სამართლის ფაკულტეტის სტუდენტებისთვის შეიქმნა. EWMI-JILEP-მა წიგნის ავტორად თსუ-ს პროფესორი თამარ შოთაძე შეარჩია. წიგნი თანამედროვე სწავლების მეთოდოლოგიის გათვალისწინებით დაიწერა. სახელმძღვანელოში მოცემულია არამარტო სამართლებრივი თეორია, არამედ რჩევები და სავარჯიშოები, რეალური სამართლებრივი პრობლემების გადაჭრის თავსაზრისით. სახელმძღვანელო წყარო: www.ewmi-jilep.org

თბილისი. ინფორმაციის თავისუფლების განვითარების ინსტიტუტმა სოციალურ ქსელში ორგანიზაციის ვებგვერდზე განათავსა ინფორმაცია თბილისის საქალაქო სასამართლოს მიერ ინსტიტუტის სარჩელის განხილვის შესახებ. „თბილისის საქალაქო სასამართლომ, დღეს საქმეზე IDFI საქართველოს შინაგან საქმეთა სამინისტროს წინააღმდეგ, სრულად დააკმაყოფილა ინსტიტუტის სასარჩელო მოთხოვნა. საქართველოს შინაგან საქმეთა სამინისტროს დაევალა სრულყოფილად გასცეს ინფორმაცია, 2013 წელს სამინისტროს თანამდებობის პირებზე (მინისტრი, მინისტრის მოადგილეები და დეპარტამენტის უფროსები) დარიცხული პრემიების და დანამატების შესახებ ცალ–ცალკე სახელისა და გვარის მითითებით თვეების მიხედვით. ვიმედოვნებთ, რომ საქართველოს შინაგან საქმეთა სამინისტრო სრულყოფილად აღასრულებს სასამართლოს გადაწყვეტილებას", ნათქვამია ორგანიზაციის ვებგვერდზე. სრულად... წყარო: ინსტიტუტის ვებგვერდი სოციალურ ქსელში

თბილისი. საიას იურიდიული განათლების ხელშეწყობის ფონდმა, გერმანიის საერთაშორისო თანამშრომლობის საზოგადოების მხარდაჭერით გამოსცა პრაქტიკული სამართლის სახელმძღვანელო მოსწავლეებისა და მასწავლებლებისთვის. სახელმძღვანელოს მიზანია ზოგადსაგანმანათლებლო დაწესებულებებში სამოქალაქო და სამართლებრივი განათლების ხელშეწყობა. სახელმძღვანელო... წყარო: გერმანიის საერთაშორისო თანამშრომლობის სამართლის პროგრამის ვებგვერდი სოციალურ ქსელში

თბილისი. გერმანიის საერთაშორისო თანამშრომლობის საზოგადოების ინციატივით გამოიცა ბროშურა – „სიახლეები კონკურენციის სამართალში". საკითხით დაინტერესებულ პირებს საშუალება აქვთ გაეცნონ ბოლო დროს კონკურენციის სამართალში განხორციელებულ ცვლილებებს.ბროშურა შეადგინა კონკურენციის სამართლისა და მომხმარებელთა დაცვის ცენტრმა. სიახლეები კონკურენციის სამართალში წყარო: გერმანიის საერთაშორისო თანამშრომლობის საზოგადოების სამართლის პროგრამის ვებგვერდი სოციალურ ქსელში

თბილისი. საია განცხადებას ავრცელებს და მოუწოდებს პროკურატურას დაიწყოს „გამოძიება საქართველოდან გაძევებული მოქალაქის საქმეზე". კერძოდ ინფორმაციაში ნათქვამია, რომ საიას აჭარის ფილიალს უკრაინიდან დაუკავშირდა საქართველოს მოქალაქე, რომელიც მისი განცხადებით, „აჭარის შსს სამმართველოს მაღალჩინოსნების გადაწყვეტილებით იძულებით იმყოფება საქართველოს ფარგლებს გარეთ". საია მოუწოდებს საქართველოს მთავარ პროკურატურას დაინტერესდეს ზემოთ აღნიშნული ფაქტით და დაიწყოს დროული გამოძიება. სრულად... წყარო: gyla.ge

თბილისი. „სტუდენტური სამართლებრივი ჟურნალი" 2011 წლიდან გამოიცემა. იგი ემსახურება ახალგაზრდა იურისტების დაინტერესებას სამეცნიერო საქმიანობით - სამართლის აქტუალური საკითხების კვლევით; ის ქმნის პრობლემის სხვადასხვა კუთხით დანახვისა და გადაჭრის განსხვავებული გზების დასახვის პერსპექტივას, აქტუალური, საინტერესო და ასევე პოლემიკური სამართლებრივი პრობლემების მეცნიერულ ჭრილში განხილვისა და საკუთარი მიდგომის, საკუთარი დასაბუთებული აზრის ჩამოყალიბების შესაძლებლობას. ჟურნალი... წყარო: გერმანიის საერთაშორისო თანამშრომლობის საზოგადოების სამართლის პროგრამის ვებგვერდი სოციალურ ქსელში

თბილისი. 18 ნოემბერს, საქართველოს ახალგაზრდა იურისტთა ასოციაციამ საქართველოს სასჯელაღსრულებისა და პრობაციის სამინისტროსა და სასჯელაღსრულების დეპარტამენტის წინააღმდეგ ა.მ-ს და ზ.მ-ს სახელით სასამართლოს მიმართა. „აღნიშნული პირები 2011-2012 წლებში სასჯელაღსრულების N8 და N18 დაწესებულებებში ყოფნისას, დაწესებულების თანამშრომელთა მხრიდან წამებასა და არასათანადო მოპყრობას დაექვემდებარნენ .სასამართლოში დავის საგანს წარმოადგენს მოსარჩელეთათვის მიყენებული ქონებრივი და მორალური ზიანის ანაზღაურება". წყარო: ორგანიზაციის გვერდი სოციალურ ქსელში