თბილისი. საერთაშორისო გამჭვირვალობა - საქართველომ სოციალურ ქსელში განცხადება გაავრცელა. „გვინდა გამოვეხმაუროთ და დადებითად შევაფასოთ პრემიერ–მინისტრ ღარიბაშვილის მოწოდება სამართალდამცავი ორგანოებისადმი წინასაარჩევნო პერიოდში კამპანიაში ჩართული პირების დაკავებისაგან თავის შეკავების შესახებ. მიგვაჩნია, რომ ქვეყანაში წინასაარჩევნო პროცესის მშვიდ გარემოში ჩასატარებლად მნიშვნელოვანია, რომ ყველა კანდიდატმა და პოლიტიკურმა პარტიამ შეძლოს კამპანიის შეუფერხებლად წარმოება", ნათქვამია განცხადებაში. წყარო:ორგანიზაციის გვერდი სოციალურ ქსელში

თბილისი. 13 აპრილს. ევროპის მოედანზე საქართველოს ევროპული არჩევანის მხარდამჭერი სამოქალაქო აქცია-კონცერტი „ჩვენ ვირჩევთ ევროპას!" გაიმართა. მისი ორგანიზატორი საქართველოს ეროვნული პლატფორმაა, რომლის წევრია საქართველოში მომუშავე 115 არასამთავრობო ორგანიზაცია. არასამთავრობო ორგანიზაციების ინიციატივას შეუერთდნენ ქართველი მუსიკოსები და ხელოვანები, საზოგადოების წარმომადგენლები. აქციაში მონაწილეობდა ევროკავშირის ელჩი საქართველოში ფილიპ დიმიტროვი. საზოგადოებას სიტყვით მიმართა საქართველოს პრეზიდენტმა გიორგი მარგველაშვილმა. აქციაზე, სამოქალაქო საზოგადოების წარმომადგენლებს ევროკავშირის ელჩმა ფილიპ დიმიტროვმა მიმართა „დარწმუნებული ვარ რამდენიმე თვეში საქართველო ხელს მოაწერს ასოცირების ხელშეკრულებას..." აქციას ესწრებოდა და საზოგადოებას მიმართა საქართველოს პრეზიდენტმა გიორგი მარგველაშვილმა. მისი თქმით მნიშვნელოვანი შეკრება შედგა, რომელსაც სათავეში უდგას ყველაზე ჯანსაღი ძალა – სამოქალაქო საზოგადოება. „ჩვენ ყველანი აქ ნათელი მიზნისათვის ვართ გაერთიანებული, რომელიც არ არის უბრალოდ რომელიმე პოლიტიკური ძალის არჩევანი. ეს არც რომელიმე პოლიტიკოსის ან სახელმწიფოს მოხელის არჩევანია, ეს არჩევანი არც მხოლოდ ჩვენ გაგვიკეთებია - მათ, ვინც აქ ერთადვდგავართ. ეს არის არჩევანი, რომელიც გააკეთეს ჩვენმა წინაპრებმა, რომლებმაც შექმნეს ლაღი ქვეყანა - საქართველო, რომლებმაც თავისუფლება, სულიერი თავისუფლება, სხვისი მიმღებლობა, ტოლერანტობა ჩადეს ჩვენი კულტურის საფუძვლებში. ამიტომ ჩვენ აქ ვდგავართ არა მარტო ჩვენი არჩევანისთვის, არამედ იმ არჩევნისათვის, რომელიც გააკეთეს ჩვენმა წინაპრებმა" - განაცხადა საქართველოს პრეზიდენტმა. სრულად

თბილისი. ადამიანის უფლებების სწავლებისა და მონიტორინგის ცენტრმა ანტიდისკრიმინაციულ კანონის პროექტთან დაკავშირებით განცხადება გაავრცელა. „მიგვაჩნია, რომ არსებული ვერსიით კანონის მიღება, რომელიც სახალხო დამცველის კომპეტენციებს მცირედით აფართოებს, არსებითად არ შეცვლის დღეს არსებულ საკანონმდებლო და ინსტიტუციურ სტატუსკვოს და არ გახდება დისკრიმინაციასთან ბრძოლის ეფექტური საშუალება. ... ვიმედოვნებთ, რომ საკანონმდებლო ორგანო უზრუნველყოფს კანონპროექტის საჯარო და ინკლუზიურ განხილვას და იქნება ღია გაიზიაროს სამოქალაქო საზოგადოების მიერ წარდგენილი წინადადებები და შეფასებები", ნათქვამია განცხადებაში. სრულად წყარო:emc.org.ge

თბილისი. საქართველოს ეროვნული პლატფორმის წევრებმა, 12 აპრილს, ფონდ „ღია საზოგადოება – საქართველოს" ოფისში პრესკონფერენცია გამართეს. მათ კამპანიის „ჩვენ ვირჩევთ ევროპის" თემაზე და 13 აპრილს დაგეგმილ აქცია–კონცერტზე ისაუბრეს. პრესკონფერენციაში მონაწილეობას იღებდნენ არასამთავრობო ორგანიზაციების წარმომადგენლები და კონცერტში მონაწილე მუსიკოსები და კონცერტის მხარდამჭერი ხელოვანები.

თბილისი. ადამიანის უფლებების სწავლებისა და მონიტორინგის ცენტრმა ჩაატარა ქუჩის გამოკითხვა თუ რას ფიქრობს მოსახლეობა ფარული მოსმენების შესახებ. ცენტრმა აღნიშნული გამოკითხვის ვიდეოები სოციალურ ქსელში განათავსა. რას ფიქრობს ხალხი წყარო: კამპანიის „ეს შენ გეხებას" ვებგვერდი სოციალურ ქსელში

თბილისი. საქართველოს მთავრობის მიერ პარლამენტში „დისკრიმინაციის ყველა ფორმის აღმოფხვრის შესახებ" კანონის პროექტის შესახებ სახალხო დამცველმა განცხადება გაავრცელა.პროექტით, დისკრიმინაციის აკრძალვაზე ზედამხედველობას განახორციელებს საქართველოს სახალხო დამცველი. სახალხო დამცველი გამოთქვამს მზადყოფნას, შეასრულოს დისკრიმინაციის აღმოფხვრისა და თანასწორობის უზრუნველყოფის საკითხებზე ზედამხედველობის ფუნქცია „...საქართველოს კონსტიტუციით ადამიანის უფლებებზე ზედამხედველობა სახალხო დამცველის კომპეტენცია და ვალდებულებაა. კანონპროექტი ამ შემთხვევაში გვთავაზობს განსხვავებულ მიდგომას და უფლებამოსილების ფორმებს, რომელიც საზედამხედველო კომპეტენციას უფრო ეფექტურს გახდის....წარმოდგენილ კანონის პროექტზე სახალხო დამცველის შენიშვნების ნაწილი ასახულ იქნა კანონის პროექტში. მიუხედავად ამისა, მაინც რჩება რამდენიმე პრობლემური საკითხი, რომლებზეც დამატებით გვსურს ყურადღების გამახვილება...", ნათქვამია ომბუცმენის ვებგვერდზე. სრულად წყარო: www.ombudsman.ge

თბილისი. ევროინტეგრაციის პროცესში სამოქალაქო საზოგადოების როლზე რადიო „თავისუფლების" ეთერში „ღია საზოგადოება – საქართველოს" დირექტორმა ქეთი ხუციშვილმა ისაუბრა. იგი ასევე, უზიარებს მსმენელებს მოსაზრებას იმ აქცია–კონცერტის შესახებ, რომელიც 13 აპრილს თბილისში, ევროპის მოედანზე გაიმართება სრულად წყარო: რადიო „თავისუფლება"

თბილისი. 10 აპრილს კამპანიის „არაფობიას" ფარგლებში მედიის განვითარების ფონდმა და საქართველოს დემოკრატიულმა ინიციატივამ სახალხო დამცველთან არსებულ რელიგიათა საბჭოთან თანამშრომლობის მემორანდუმი გააფორმეს. მემორანდუმი ითვალისწინებს თანამშრომლობას საზოგადოებაში სიძულვილის ენისა და ადამიანის ნებისმიერი ნიშნით დისკრიმინაციის აღმოსაფხვრელად. წყარო: მედიის განვითარების ფონდის ვებგვერდი სოციალურ ქსელში

თბილისი. კამპანიის - „ეს შენ გეხება, ისევ გვისმენენ" - მონაწილეები პარასკევვს 11 აპრილს კვლავ მართავენ აქციას „1 საათი მოსმენების გარეშე". აქცია ფარული მიყურადებისა და უკანონო მოსმენების წინააღმდეგ მიმართული საკანონმდებლო პაკეტის პარლამენტში მიღებამდე, ყოველ პარასკევს, 13:00-დან 14:00 საათამდე მობილური ტელეფონების გამორთვას გულისხმობს. წყარო:esshengexeba.ge

თბილისი. 13 აპრილს, 18:00 საათზე, საქართველოს ეროვნული პლატფორმის ინიციატივით გაიმართება აქცია-კონცერტი - „ჩვენ ვირჩევთ ევროპას". სრულად  მისამართი: თბილისი, ევროპის მოედანი

თბილისი. საქართველოს ახალგაზრდა იურისტთა ასოციაცია მთავრობის მიერ პარლამენტში ინიცირებული ანტიდისკრიმინაციული კანონპროექტის შესახებ განცხადებას ავრცელებს. იგი ორგანიზაციამ 9 აპრილს ვებ-გვერდზე გამოაქვეყნა. „2014 წლის 2 აპრილს საქართველოს მთავრობის ინიციატივით პარლამენტში შევიდა ,,დისკრიმინაციის ყველა ფორმის აღმოფხვრის შესახებ” კანონპროექტი, რომლის ავტორიც საქართველოს მთავრობის კანცელარიაა. ინიცირებული დოკუმენტი მნიშვნელოვნად განსხვავდება რამდენიმე თვის წინ საქართველოს იუსტიციის სამინისტროს ავტორობით შექმნილი პროექტისაგან, რომლის მომზადებაშიც აქტიურად ჩართულნი იყვნენ არასამთავრობო ორგანიზაციები, ეთნიკური, რელიგიური და სხვა სოციალური ჯგუფების წარმომადგენლები. პარლამენტისათვის წარდგენილი კანონპროექტი აღარ ითვალისწინებს დისკრიმინაციის აღმოფხვრისაკენ მიმართული სპეციალური ინსტიტუტის - თანასწორობის დაცვის ინსპექტორის შექმნას", ნათქვამია განცხადებაში. სრულად წყარო: gyla.ge

აჭარა. 8 აპრილს, თვითმმართველ ქალაქ ბათუმის საკრებულოს თავმჯდომარე და მერის მოვალეობის შემსრულებელი სამოქალაქო მრჩეველთა საბჭოს წერვებს შეხვდნენ. შეხვედრის მიზანი საბჭოს ახალი წევრების გაცნობა და ქალაქში არსებული პრობლემური საკითხების განხილვა იყო. სამოქალაქო მრჩეველთა საბჭო, საზოგადოებრივი დარბაზის, არასამთავრობო ორგანიზაციების, ბიზნეს-სექტორისა და მასმედიის წარმომადგენლებითაა დაკომპლექტებული. შეხვედრაზე ძირითადად ქალაქში არსებული პრობლემები განიხილეს: ინფრასტრუქტურის მოწესრიგება, ქალაქის განაშენიანება, გარევაჭრობა, ავტობაზრობის ადგილმდებარეობის შეცვლა, საკანალიზაციო სისტემის მოწესრიგება და საბავშვო ბაღებში არსებული ვითარება. საბჭო და მერია ერთობლიბად აღნიშნული პობლემების მოგვარების გზების ძიებასა და მათ მოგვარებას გეგმავს.

აჭარა. 8 აპრილს, სახალხო დამცველი აჭარაში მოქმედ არასამთავრობო ორგანიზაციების წარმომადგენლებს შეხვდა და პარლამენტში წარდგენილი ანგარიში გააცნო. მესამე სექტორის წარმომადგენლებისგან დამატებითი ინფორმაცია მოისმინა გახმაურებული დავებისა და მოქალაქეთა უფლებების დარღვევის ფაქტების შესახებ. საზოგადოებრივი ორგანიზაციები სახალხო დამცველისაგან მოითხოვენ ისეთ საკითხებზე რეაგირებას, როგორიცაა მიწის რეფორმა აჭარაში, მოქალაქეთა უფლებების დარღვევის შემთხვევები სამართალდამცავთა მხრიდან და ჰესების მშენებლობით გამოწვეული რისკები.

სამეგრელო. 9 აპრილს ასოციაცია „ათინათის" ახალგაზრდულ ცენტრ „ორტუსის" წევრებმა 9 აპრილის მემორიალი ყვავილებით შეამკეს. მათ კიდევ ერთხელ გაიხსნენეს საქართველოს დამოუკიდეებლობისთვის მებრძოლები. აქტივობა გაიმართა ეროვნული ინტეგრაციის ძალიერების პროექტის ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების ფინანსური მხარდაჭერით. წყარო" ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა კონსტიტუციონალისტებმა 9 აპრილის მემორიალთან დაღუპულთა ხსოვნას პატივი მიაგეს და ცოცხალი ჯაჭვი გააკეთეს. ასოციაციის წევრებმა 1989 წელს დაღუპულთა მემორიალი ყვავილებით სიმბოლურად დილის 4 საათზე, ზუსტად იმ დროს შეამკეს, როდესაც 1989 წელს მომიტინგეთა დარბევა დაიწყო. წყარო: ორგანიზაციის ვებგვერდი სოციალურ ქსელში

თბილისი. კამპანიაში - „ეს შენ გეხება, ისევ გვისმენენ" - ჩართული არასამთავრობო ორგანიზაციები მოუწოდებენ მთავრობას მხარი დაუჭიროს საკანონმდებლო ინიციატივას. „თუკი მთავრობა გაემიჯნება  საპარლამენტო განხილვებს, რომელიც ცვლილებების განხორციელების მნიშვნელოვან ფაზაშია შესული, გაჩნდება ეჭვი, რომ აღმასრულებელი ხელისუფლება, კერძოდ კი, სამართალდამცავი ორგანოები, შეგნებულად ცდილობენ გააჭიანურონ და ხელი შეუშალონ საკანონმდებლო განხილვების პროცესს", ნათქვამია განცხადებაში. სრულად წყარო: esshengexeba.ge

თბილისი. ორგანიზაციამ „მსოფლიო გამოცდილება საქართვლოსთვის" დოკუმენტზე -  „საქართველოს სოციალურ-ეკონომიკური განვითარების სტრატეგია საქართველო 2020"  - კომენტარი გაავრცელა. „სრატეგიის პორექტი შეიცავს მართებულ განაცხადებს ევროპული არჩევნის და მისი თანამდევი გამჭვირვალობის და საბაზრო პრინციპების, ეფექტური მმართველობის, მარეგულირებელი გარემოს გაუმჯობესების, ევროპული კანონმდებლობის პრინციპების დანერგვის შესახებ და ა.შ. რაც ძალზე მნიშვნელოვანია ენერგეტიკისათვის. თუმცა, ქვემოთ ამ დადებითი მხარეების დეტალიზაციას არ დავიწყებთ, ხოლო ყურადღებას ძირითადად გავამახვილებთ დოკუმენტის ენერგეტიკულ ნაწილის ნაკოვანებებს რომელთა გამოსწორებაც მნიშვნელოვნად გააუმჯობესებს მის საბოლოო ხარისხს", ნათქვამია ორგანიზაციის კომენტარში. სრულად წყარო: weg.ge

აჭარა. 7 აპრილს,  ბათუმის დემოკრატიული ჩარტლობის  ცენტრში ახალგაზრდული  მოძრაობის - „ანტიკლანის" პრეზენტაცია გაიმართა. დემოკრატიული ჩართულობის ცენტრში მოძრაობის დამფუძნებლებმა მესამე სექტორის წარმომადგენლებს თვიანთი  სამუშაო გეგმები გააცნეს. ახალგაზრდული ორგანიზაციის დაფუძნების ძირითადი მიზეზი  ბოლო პერიოდში ნეპოტიზმის გახშირებული ფაქტებია. მოძრაობაში ამჟამად 50 ახალგაზრდაა გაწევრიანებული.

თბილისი. გასული წლის ნოემბრის თვეში საქართველოს მთავრობამ საქართველოს პარლამენტში წარადგინა კანონპროექტი, რომელიც მოიცავს ცვლილებებს „კულტურული მემკვიდერობის შესახებ" საქართველოს კანონში. „საკანონმდებლო ინიციატივის თანახმად კანონის მე-17 მუხლს ემატება მეორე პუნქტი, რომლის მიხედვითაც - განსაკუთრებულ შემთხვევებში, სახელმწიფოებრივი მნიშვნელობის აუცილებლობის არსებობისას, ძეგლისთვის ძეგლის სტატუსის მოხსნა (გარდა ეროვნული კატეგორიის მქონე ან/და მსოფლიო მემკვიდრეობის ნუსხაში შეტანილი ძეგლებისა) შესაძლებელია სამინისტროსთან შეთანხმებით, საქართველოს მთავრობის წინაშე სამართლებრივი აქტის პროექტის ინიცირების უფლების მქონე უწყების წარდგინებით, საქართველოს მთავრობის განკარგულების საფუძველზე", განმარტებულია საიას ვებგვერდზე სოციალურ ქსელში. ამ საკითხზე საიამ 2013 წლის დეკემბერში გაერთიანებული ერების განათლების, მეცნიერებისა და კულტურის ორგანიზაციას (UNESCO) მიმართა. საიას ვებგვერდზე სოციალურ ქსელში აღნიშნულია,რომ „საკითხთან დაკავშირებით UNESCO-მ მიმართა საქართველოს შესაბამის სახელისუფლებო დაწესებულებებს და მოითხოვა მათგან პასუხი. წერილში ასევე აღნიშნულია, რომ ორგანიზაცია პასუხის მიღებისთანავე, საიას ინფორმირებას დამატებით მოახდენს". სრულად წყარო: ორგანიზაციის ვებგვერდი სოციალურ ქსელში

თბილისი. ადამიანის სწავლებისა და მონიტორინგის ცენტრმა გამოაქვეყნა თეა კახაძეს წერილი: „კოლექტიური საზრისი" და „იდეოლოგიური ძალაუფლების" მარკერები". წერილი მოიცავს იმ პრობლემატიკის მიმოხილვას, რომელიც მოიცავს რელიგიური ინსტიტუციის დამოკიდებულებას მოდერნულობის მიმართ. სრულად წყარო: emc.org.ge

თბილისი. ათმა არასამთავრობო ორგანიზაციამ განცხადება გაავრცელა, რომლითაც ევროპის საბჭოს საპარლამენტო ასამბლეაში საქართველოს პარლამენტის დელეგაციის წევრებს მიმართავენ. „2014 წლის 10 აპრილს ევროპის საბჭოს საპარლამენტო ასამბლეის დაგეგმილ სხდომაზე ერთ-ერთი განსახილველი საკითხი საფრანგეთის წარმომადგენლის – რუდი სალის მიერ წარდგენილი მოხსენებაა, რომელიც შეეხება არასრულწლოვანთა დაცვას „სექტებისგან". მოხსენებას თან ერთვის ბატონი სალის მიერ მომზადებული რეზოლუციისა და რეკომენდაციის პროექტები. ... მივმართავთ ევროპის საბჭოს საპარლამენტო ასამბლეაში საქართველოს პარლამენტის დელეგაციის წევრებს, არ დაუჭირონ მხარი აღნიშნულ რეზოლუციას", ნათქვამია განცხადებაში. სრულად წყარო: identoba.com

თბილისი. 3 მარტს, ლიბერალიზმის სასწავლო ცენტრში მორიგი ლექცია ჩატარდა. ზვიად ქორიძემ ისაუბრა თემაზე: „ლიბერალიზმი - საქართველოს ევროპული ვექტორი". ლექცია   წყარო:ორგანიზაციის გვერდი სოციალურ ქსელში