თბილისი. არასამთავრობო ორგანიზაციებმა განცხადება გაავრცელეს, რომლითაც საქართველოს მთავრობას მიმართავენ. „ჩვენ, სამოქალაქო საზოგადოების ორგანიზაციებმა, ხელისუფლებას წარვუდგინეთ ადგილობრივი თვითმმართველობის რეფორმის საზოგადოებრივ მრჩეველთა საბჭოს ექსპერტთა ჯგუფის მიერ მომზადებული წინადადებების პაკეტი, რომელიც ითვალისწინებს თვითმმართველი ქალაქების გამოყოფის შემდეგ დარჩენილ ტერიტორიაზე რამდენიმე მუნიციპალური ერთეულის ჩამოყალიბებას ...მოვუწოდებთ საქრთველოს მთავრობას, შეასრულოს წინასაარჩევნო პროგრამით, 2013 წლის 1 მარტის თვითმმართველობის რეფორმის სტრატეგიითა და საქართველოს ორგანული კანონის „ადგილობრივი თვითმმართველობის კოდექსის" გარდამავალი დებულებებით დეკლარირებული დაპირებები, განიხილოს ჩვენ მიერ ადგილობრივ მოსახლეობასთან კონსულტაციების საფუძველზე შეთავაზებული წინადადებები და გადადგას ქმედითი ნაბიჯები ადგილობრივი თვითმმართველობის სისტემის მოსახლეობასთან მაქსიმალური დაახლოების მიმართულებით, ნათქვამია განცხადებაში. სრულად წყარო:gyla.ge

იმერეთი. „საქართველოს ახალგაზრდა იურისტთა ასოციაციის" ქუთაისის ფილიალის წარმომადგენლებმა ახალი პროექტისთვის "იაქტიურე და ჩაერთე გადაწყვეტილების მიღების პროცესში!" სამუშაო ჯგუფი შექმნეს. პროექტის მიზანია იმერეთის მხარის მოსახლეობის პრობლემების ადვოკატირება და გადაჭრა მაჟორიტარი დეპუტატების ბიუროების, სახელმწიფო რწმუნებულ- გუბერნატორის ადმინისტრაციის და ადგილობრივი თვითმმართველობების უშუალო ჩართულობის გზით. პროექტში ჩართულნი იქნებიან, როგორც სხვადასხვა არასამთავრობო ორგანიზაციების წარმომადგენლები, ასევე მოხალისე მოქალაქეები. სამუშაო ჯგუფს ყოველ თვეში მოუწევს შეხვედრა და მსჯელობა იქნება იმ პრობლემებზე, რომელიც მუნიციპალიტეტს ყველაზე მეტად აწუხებს. ძირითადად აქცენტი გაკეთდება წყალმომარაგების პრობლემაზე, ჯანდაცვის საკითხებსა და შიდა გზების კეთილმოწყობაზე. პროექტი 17 თებერვალს დაიწყო და 5 თვის განმავლობაში გაგრძელდება.

სამეგრელო. ქალაქ ზუგდიდში ასოციაცია „დეას" ოფისში „ფონდ ღია საზოგადოება საქართველოსა" და ინფრასტრუქტურის სამინისტროს მრჩეველთა საბჭოს წარმომადგენელთა ინიციატივით ზუგდიდის ტერიტორიული ოპტიმიზაციის თემაზე შეხვედრა გაიმართა. აღნიშნული ორგანიზაციის წარმომადგენლებმა დამსწრეებს ზუგდიდის ტერიტორიული ოპტიმიზაციის გეგმის ორი ვარიანტი გააცნეს, თითოეული თავისი დადებითი და უარყოფითი მახასიათებლებით. შეხვედრის მონაწილეებმა მათთვის საინტერესო ყველა საკითხზე პასუხები მიიღეს მომხსენებლებისგან. შეხვედრას ესწრებოდნენ სათემო კავშირების წარმომადგენლები, რომელთაც სურვილი გამოთქვეს საკუთარ თავზე აიღონ აღნიშნული ალტერნატიული მოდელის პოპულარიზაცია მათსავე თემებში. ასევე მოამზადებენ მიმართვას საქართველოს მთავრობის სახელზე ზუგდიდის მუნიციპალიტეტის ჩამოყალიბების შესახებ. წყარო:ორგანიზაციის გვერდი სოციალურ ქსელში

თბილისი. კამპანიის - „ეს შენ გეხება, ისევ გვისმენენ" - მონაწილეები პარასკევვს 28 მარტს კვლავ მართავენ აქციას  „1  საათი მოსმენების გარეშე". აქცია ფარული მიყურადებისა და უკანონო მოსმენების წინააღმდეგ მიმართული საკანონმდებლო პაკეტის პარლამენტში მიღებამდე,  ყოველ პარასკევს, 13:00-დან 14:00 საათამდე  მობილური ტელეფონების გამორთვას გულისხმობს. „მოქალაქეებს, რომელებსაც არ გსურთ ფარული მიყურადებისა და მოსმენების დანერგილი პრაქტიკის გაგრძელება და გინდათ შეცვალოთ მოქმედი კანონმდებლობა,  გამორთეთ  ტელეფონი და   ჩვენთან ერთად მოითხოვეთ საკანონმდებლო ცვლილებების მიღება". წყარო:esshengexeba.ge

თბილისი. 27 მარტს, კლუბ „ფრონტლაინ ჯორჯიაში" დისკუსია - „კაზრეთელი მუშების გაფიცვა: შედეგები და პერსპექტივები" - გაიმართა. დისკუსიაში მონაწილეობა მიიღეს მუშებმა კაზრეთის საბადოდან, კომპანია RMG-გოლდის წარმომადგენელმა, პრემიერ-მინისტრის მრჩეველმა სოციალურ საკითხებში ბექა ნაცვლიშვილმა, ადამიანის უფლებების სწავლებისა და მონიტორინგის ცენტრის წარმომადგენელმა ლინა ღვინიანიძემ, საქართველოს გაერთიანებული პროფკავშირების ხელმძღვანელმა ირაკლი პეტრიაშვილმა და ნინო გუჯარაიძემ ორგანიზაცია მწვანე ალტერნატივადან. დისკუსია   წყარო:Frontline Georgia

თბილისი. არასამთავრობო ორგანიზაცია „ახალგაზრდა ადვოკატები" თბილისის მთავრობასა და კომპანია CTPARK შორის დადებული ხელშეკრულების გასაჯაროებას ითხოვს. „კომპანიასა და თბილისის მერიას შორის, 2007 წლის 7 დეკემბერს გაფორმებული ხელშეკრულება, რომლის თანახმადაც, კომპანიას თბილისის მერიამ დედაქალაქში პარკირების სფეროს მართვის უფლება იჯარით 2024 წლის 31 დეკემბრამდე გადასცა, კონფიდენციალურია, რაც არღვევს საჯარო ინტერესს...", ნათქვამია ორგანიზაციის განცხადებაში. სრულად წყარო: ორგანიზაციის ვებგვერდი სოციალურ ქსელში

იმერეთი. საქართველოს პარლამენტის იურიდიული კომიტეტის გადაწყვეტილებით საკანონმდებლო ინიციატივის სახით წარდგენილი იქნა კანონპროექტი „მოხალისეობის შესახებ". კანონპროექტი სამოქალაქო საზოგადოების ინსტიტუტის მიერ არის შემუშავებული და მისი მიზანია მოხალისესა და მასპინძელ ორგანიზაციას შორის ურთიერთობების დარეგულირება. პარლამენტის ბიუროს გადაწყვეტილებით კანონპროექტის პირველი მოსმენით საკომიტეტო განხილვა იურიდიულ კომიტეტში გაიმართება 31 მარტიდან 15 აპრილამდე, ხოლო პლენარულ სესიაზე 2 აპრილიდან 30 აპრილამდე. კანონპროექტზე მუშაობა მიმდინარეობდა აღმოსავლეთ–დასავლეთის მართვის ინსტიტუტის საჯარო პოლიტიკის, ადვოკატირებისა და სამოქალაქო საზოგადოების პროგრამის მხარდაჭერით. კანონპროექტი

თბილისი. არასამთავრობო ორგანიზციებმა „თი-ვი ემ-არ საქართველოსთან" დაკავშირებით განცხადება გაავრცელეს. „შემოსავლების სამსახურის აუდიტის დეპარტამენტი განაგრძობს „ნილსენის” სატელევიზიო გაზომვების ლიცენზირებული წარმომადგენლის „თი-ვი ემ-არ საქართველოს” შემოწმებას. შემოსავლების სამსახურის ქმედებები უფრო და უფრო მეტ კითხვას აჩენს ინვენტარიზაციის ნამდვილ მოტივებთან დაკავშირებით. სახელისუფლებო ორგანო ახლა უკვე სასამართლოს გზით ცდილობს იმ 330 ოჯახის მისამართების მოპოვებას, რომლებიც რეიტინგების კვლევაში მონაწილეობენ. აღნიშნული ინფორმაცია კონფიდენციალურია. ...კიდევ ერთხელ მოვუწოდებთ შემოსავლების სამსახურსა და ფინანსთა სამინისტროს ინვენტარიზაცია განახორციელოს ისეთი მეთოდოლოგიით, რომელიც ეჭვქვეშ არ დააყენებს კომპანიის არსებობას და არ შეაჩერებს სატელევიზიო რეიტენგების კვლევას, რაც, თავის მხრივ, ტელევიზიების ფინანსური სტაბილურობის საფუძველია. ხისტი და დაუსაბუთებლად არაპროპორციული გადაწყვეტილებების მიღება ეჭვქვეშ აყენებს შემოსავლების სამსახურის დამოუკიდებლობას, მიუკერძოებლობასა და პროფესიონალიზმს", ნათქვამია განცხადებაში. სრულად წყარო: transparency.ge

თბილისი. საერთაშორისო გამჭვირვალობა – საქართველომ გამოაქვეყნა მიხეილ კუკავას ბლოგპოსტი – „მისაბაძი მაგალითი – აჭარის 2014–2017 წლების პროგრამული ბიუჯეტი". „ქვეყანაში საბიუჯეტო ხარჯვის შედეგიანობის, ანგარიშვალდებულების და გამჭვირვალობის გასაზრდელად არ არსებობს უფრო მნიშვნელოვანი და ქმედითი ინსტრუმენტი, ვიდრე პროგრამული ბიუჯეტია. თუმცა რეალურად პროგრამული ბიუჯეტი ნიშნავს პასუხისმგებლობას, რისი აღებაც საქართველოს მთავრობას უკვე მეოთხე წელია არ სურს. ამდენად, მიგვაჩნია, რომ რეალურად პროგრამულ ბიუჯეტირებაზე გადასვლა მთავრობის პოლიტიკური ნების საკითხია, რაც არც არსებულ და არც წინა მთავრობებს არ აღმოაჩნდა", ნათქვამია ბლოგპოსტში. მასში აღნიშნულია, რომ „საქართველოს საბიუჯეტო ისტორიაში ნამდვილად პროგრამული ბიუჯეტი პირველად აჭარის ავტონომიური რესპუბლიკის მთავრობამ შექმნა. აჭარის 2014-2017 წლების ბიუჯეტი, რაც საქართველოს მთავრობას ბიუჯეტირების საუკეთესო მაგალითს სთავაზობს..." სრულად წყარო: transparency.ge

თბილისი. 25 მარტს, „საქართველოს ახალგაზრდა კონსტიტუციონალისტთა ასოციაციამ" პრესკონფერენცია გამართა. ორგანიზაცია „წინასაარჩევნოდ მიზანმიმართული ნეგატიური კამპანიის წამოწყების საფრთხეს ხედავს და აქტიურ სამოქალაქო კამპანიას იწყებს".  ასოციაცია 2014 წლის ადგილობრივი თვითმმართველობის არჩევნებში მოსახლეობის აქტივობის სტიმულირებისთვის რიგი ღონისძიებების გამართვას გეგმავს. წყარო:ორგანიზაციის გვერდი სოციალურ ქსელში

თბილისი. არასამთავრობო ორგანიზაციები ექსპრეზიდენტის დაკითხვაზე დაბარების შესახებ განცხადებას ავრცელებენ. საქართველოს პროკურატურის 22 მარტის განცხადების მიხედვით, ექსპრეზიდენტი მიხეილ სააკაშვილი რამდენიმე საქმეზე მოწმის სტატუსით ჩვენების მისაცებად იქნა დაბარებული. „ცხადია, რომ საქართველოს ყველა მოქალაქე, მათ შორის ყოფილი პრეზიდენტი, კანონის წინაშე თანასწორია და, საჭიროების შემთხვევაში, ვალდებულია ითანამშრომლოს გამოძიებასთან. თუმცა, განსაკუთრებით დიდი საზოგადოებრივი ინტერესიდან გამომდინარე, ეს პროცესი მაქსიმალურად გამჭვირვალედ და ღიად უნდა წარიმართოს. მნიშვნელოვანია გამოირიცხოს ეჭვი, რომ ადგილი აქვს პოლიტიკური ნიშნით დევნას, რაც მნიშვნელოვან ზიანს მიაყენებს ქვეყნის იმიჯს... ვფიქრობთ, რომ პროკურატურამ უფრო მეტი ინფორმაცია უნდა მიაწოდოს საზოგადოებას, თუ რატომ წარმოიშვა მიხეილ სააკაშვილის დაკითხვის აუცილებლობა მაინცდამაინც ახლა და როგორ მოხდა, რომ რამდენიმე საქმეზე მისი დაკითხვა ერთსა და იმავე დროს გახდა საჭირო, ნათქვამია განცხადებაში. ორგანიზაციები საგარეო და საშინაო კონტექტსზეც საუბრობენ სრულად წყარო: transparency.ge

თბილისი. არასამთავრობო ორგანიზაცია „კრეატიული განვითარების ცენტრი" განცხადებას ავრცელებს, რომელიც მიმართულია ბიზნესისა და სამოქალაქო სექტორის თანამშრომლობის ხელშეწყობისაკენ. „... შეუძლებელია ისაუბრო წინასლაზე თუ არ შედგა დიალოგი სექტორებს შორის სამომავლო თანამშრომლობის მიზნით... ჩვენი პარტნიორი დასავლური არასამთავრობო ორგანიზაციები უკვე წლებია აქტიურად თანამშრომლობენ დიდ კომპანიებთან. გამომდინარე აქედან, ვთვლით, რომ ეს ის პრაქტიკაა, რომელიც საქართველოშიც უნდა დაინერგოს", ნათქვამია განცხადებაში. სრულად

თბილისი. აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა 13 აპრილს 18.00 საათზე, ევროპის მოედანზე, აწყობს საქართველოს ევროპული არჩევანის მხარდამჭერ სამოქალაქო აქციას „ჩვენ ვირჩევთ ევროპას!” „ყველას, ვინც იზიარებთ საქართველოს ევროპულ არჩევანს და გსურთ საქართველო გახდეს ევროპული ოჯახის სრულუფლებიანი წევრი, გელოდებით 13 აპრილს ევროპის მოედანზე! ეს არის ის საკითხი, რომელზეც საქართველოს ყველა მოქალაქეს ერთი პოზიცია უნდა ჰქონდეს. მოგიწოდებთ ყველას, განურჩევლად პოლიტიკური მრწამსისა, გავერთიანდეთ ამ იდეის გარშემო!", ნათქვამია ორგანიზაციის ვებგვერდზე სოციალურ ქსელში. საქართველოს ეროვნულ პლატფორმაში ევროპული იდეის გარშემო გაწევრიანებულია ასზე მეტი არასამთავრობო ორგანიზაცია. სრულად წყარო: ორგანიზაციის ვებგვერდი სოციალურ ქსელში

თბილისი. მედიის განვითარების ფონდმა, საქართველოს დემოკრატიულმა ინიციატივამ და ტოლერანტობისა და მრავალფეროვნების ინსტიტუტმა ტელეკომპანია „იმედის" ეთერში სამცხე-ჯავახეთის შესახებ გასულ სიუჟეტთან დაკავშირებით განცხადება გაავრცელეს. „გვინდა შეშფოთება გამოვხატოთ 23 მარტს, ტელეკომპანია „იმედის” ეთერში, გადაცემა „პანორამაში” გასულ სიუჟეტთან დაკავშირებით, რომელიც საქართველოს სამცხე-ჯავახეთის რეგიონს შეეხება. სიუჟეტი, რომელშიც, ჩვენი შეფასებით, მაუწყებელთა ქცევის კოდექსის არაერთი ნორმაა დარღვეული, საზოგადოების შეცდომაში შეყვანის და ვითარების ხელოვნურად დრამატიზირების მცდელობას წარმოადგენს. ...ვთვლით, რომ ტელეკომპანია „იმედი” მეტი სიფრთხილით უნდა მოეკიდოს ისეთი მგრძნობიარე თემების გაშუქებას, რომელიც სხვადასხვა ეთნიკურ ჯგუფებს და მათ შორის ურთერთობებს შეეხება", ნათქვამია განცხადებაში. სრულად წყარო: gdi.ge

თბილისი. აღმოსავლეთ პარტნიორობის სამოქალაქო საზოგადოების ფორუმის ეროვნული პლატფორმა განცხადებას ავრცელებს. განცხადებით ფორუმი მხარს უჭერს არასამთავრობო და მედიაორგანიზაციების ერთობლივ ინიციატივას კამპანიის „ეს შენ გეხებას" განახლების თაობაზე. „მიგვაჩნია, რომ მიყურადების პრაქტიკასთან დაკავშირებული პრობლემა კვლავ აქტუალურია და საჭიროა სისტემური გარანტიების შექმნა იმისთვის, რომ გამოირიცხოს სამართალდამცავი ორგანოების თვითნებობა ამ მიმართულებით. ვეთანმხებით კამპანია ,,ეს შენ გეხებას" ინიციატორებს, რომ დღეს მოქმედი კანონმდებლობის ზოგიერთი დებულება პირდაპირ ეწინააღმდეგება ევროპის ადამიანის უფლებათა სასამართლოს მიერ დადგენილ სტანდარტებს", ნათქვამია განცხადებაში. განცხადების ხელმომწერი, პლატფორმის წევრი ორგანიზაციები მიმართავენ პარლამენტს, რათა გაზიარებულ იქნას კამპანიის წინადადებები. სრულად წყარო: esshengexeba.ge

თბილისი. ახალგაზრდა ადვოკატებმა განცხადება გაავრცელეს და „სამართლიანობის აღდგენის პროცესში, საქართველოს იუსტიციის სამინისტროს მეტი პასუხისმგებლობისკენ მოუწოდებენ". სრულად წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაცია „სამართალდამცავთა დაცვის ლიგამ" განცხადება გაავრცელა. ორგანიზაცია „გმობს კინოს სახლში გამართული ფილმის ჩვენებაზე, ევრაზიული ინსტიტუტის წევრების მიერ, აგვისტოს ომში დაღუპული რუსი ჯარისკაცებისთვის ფეხზე წამოდგომით პატივის მიგებას. ამით, იქ მყოფებმა შეურაცხყოფა მიაყენეს, აგვისტოს ომში დაღუპულ თითოეულ ქართველის ხსოვნას. ...მთელი სიმკაცრით ვგმობთ ყოველგვარ რუსულ, მონღოლურ თუ ყირგიზულ ალიანსში საქართველოს შეყვანის მცდელობას და ვთხოვთ ხელისუფლებას, გააზრებული მოქმედებებით, მოსალოდნელი საფრთხეების თავიდან აცილებას და ევროპულ სივრცეში ქვეყნის დროულ გაწევრიანებას", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

თბილისი. კოალიციამ „მედია ადვოკატირებისათვის" განცხადება გაავრცელა. კოალიცია „მიიჩნევს, რომ ციფრულ მაუწყებლობაზე გადასვლის პროცესის მიმდინარეობის შესახებ ინფორმაცია დახურულია და მასში არ არიან ჩართული როგორც დაინტერესებული პირები, ასევე ის არასამთავრობო ორგანიზაციები, რომლებმაც აქტიური მონაწილეობა მიიღეს ციფრულ საეთერო მაუწყებლობაზე გადასვლის სტრატეგიის შემუშავებაში ბოლო ერთი წელიწადის განმავლობაში". სრულად წყარო: media.ge

დემოკრატიული ჩართულობის ცენტრები ტუბერკულოზის მსოფლიო დღის აღსანიშნავად საინფორმაციო შეხვედრებს მართავს. 24 მარტს შეხვედრები გაიმართა თელავში, ახალციხეში. უახლოეს დღეებში შეხვედრები დანარჩენ რეგიონებშიც იგეგმება. შეხვედრების მიზანია ადგილობრივ მოსახლეობას, ახალგაზრდებს, რეგიონებში მომუშავე არასამთავრობო სექტორს, მიაწოდონ ინფორმაცია ტუბერკულოზი, მისი გამომწვევი მიზეზებისა და პრევენციის ღონისძიებების შესახებ.

თბილისი. საქართველოს ახალგაზრდა ეკონომისტებმა „კონკურენციის შესახებ" კანონპროექტზე განცხადება გაავრცელეს. „.. ვთვლით, რომ აღნიშნული კანონის მიზანი საბაზრო ურთიერთობების გაჯანსაღებაა, თუმცა ჯარიმის ზრდამ შესაძლოა ბაზრის მსხვილი მოთამაშეებს მნიშვნელოვანი პრობლემები შეუქმნას. ჯარიმების ზრდა უარყოფითად იმოქმედებს, როგორც არსებულ მსხვილ ბიზნეს სუბიექტებზე აგრეთვე ხელს შეუშლის ახალი მსხვილი მოთამაშეების ფორმირებას. შესაბამისად, მოვუწოდებთ კანონპროექტის ავტორებს უარი თქვან ჯარიმის ზრდაზე...", ნათქვამია განცხადებაში. სრულად წყარო: ახალგაზრდა ეკონომისტთა ასოციაცია

თბილისი. საქართვლოს ახალგაზრდა იურისტთა ასოციაციამ და „ტფილისის ჰამქარმა" გუდიაშვილის მოედნის შესახებ განცხადება გაავრცელეს. „ამ დრომდე შესაბამისი ორგანოების მიერ არ გადადგმულა ეფექტური ნაბიჯები რაც გუდიაშვილის მოედანზე არსებული კულტურული მემკვიდრეობის ძეგლების სათანადო წესების დაცვით რეაბილიტაცია-რესტავრაციას და მისი მომავალი თაობებისთვის შენარჩუნებასთან იქნებოდა დაკავშირებული. ...მიუხედავად დიდი მცდელობისა საზოგადოებისთვის ჯერ კიდევ უცნობია გუდიაშვილის მოედნის და იქ არსებული კულტურული მემკვიდრეობის მომავალი. სამწუხაროდ დღეისთვის არც თბილისის მერიას, არც თბილისის განვითარების ფონდს და არც საქართველოს კულტურისა და ძეგლთა დაცვის სამინისტროს არ აქვს ზუსტი ინფორმაცია იმის შესახებ, თუ როდის მოხდება ტერიტორიის რეაბილიტაცია და რა ბედი ელის გუდიაშვილის მოედანზე არსებულ კულტურულ მემკვიდრეობას. მნიშვნელოვანია ისიც, რომ პროცესები გუდიაშვილის მოედნის და იქ არსებული კულტურული მემკვიდრეოების მომავლის შესახებ არ ატარებს გამჭვირვალე ხასიათს და ამ პროცესში სათანადოდ არ არის უზრუნველყოფილი საზოგადოების შესაბამისი ჯგუფების მონაწილეობა", ნათქვამია განცხადებაში. სრულად წყარო: gyla.ge

თბილისი. საქართველოს ახალგაზრდა იურისტთა ასოციაციამ და „საქართველოს მოსამართლეთა ერთობამ" იუსტიციის უმაღლესი საბჭოს მიერ მიღებული გადაწყვეტილების შესახებ განცხადება გაავრცელეს. ორგანიზაციები „ეხმიანებიან 2014 წლის 18 მარტს საქართველოს იუსტიციის უმაღლეს საბჭოში გამართულ სხდომას და საბჭოს მოსამართლე წევრების მიერ 2005-2006 წლებში მოსამართლეებზე განხორციელებული ზეწოლის შესახებ მიღებული ინფორმაციის ყოველგვარი რეაგირების გარეშე დატოვებას უარყოფითად აფასებენ". „მიგვაჩნია, რომ იუსტიციის უმაღლესმა საბჭომ თითოეულ კონკრეტულ შემთხვევაში შესაძლებლობების მაქსიმუმი უნდა გააკეთოს, როგორც ნებისმიერი მოსამართლის დასაცავად, მათი დარღვეული უფლებების აღსადგენად, ისე სასამართლოს საჭირო რეფორმების განსახორციელებლად", ნათქვამია განცხადებაში. სრულად წყარო: gyla.ge