სიახლეები
თბილისი. არასამთავრობო ორგანიზაციებმა განცხადება გაავრცელეს. „როგორც ცნობილია, 2013 წლის 21 დეკემბერს, თბილისის მერმა გიგი უგულავამ მისი სასამართლო პროცესის დაწყებამდე გააკეთა განცხადება, რომ საქმის განმხილველი მოსამართლის მიმართ ხორციელდება ზეწოლა გარკვეული პირების, მათ შორის, შსს გენერალური ინსპექციის ამჟამინდელი და ყოფილი თანამშრომლების მხრიდან. მან დაასახელა კონკრეტული პირები, რომლებიც მისივე განცხადებით, მონაწილეობენ მოსამართლის მიმართ განხორციელებულ ზეწოლაში. მიგვაჩნია, რომ აღნიშნული განცხადება დროულ და ადეკვატურ რეაგირებას საჭიროებს შესაბისი სუბიექტების მხრიდან. ...ვფიქრობთ, აუცილებელია თბილისის საქალაქო სასამართლოს თავმჯდომარემ დაუყოვნებლივ მიმართოს კანონით მისთვის მინიჭებულ უფლებამოსილებას და დაიწყოს მოსამართლესთან შესაძლო არასათანადო კომუნიკაციის ფაქტის შესწავლა", ნათქვამია განცხადებაში.
სრულად
წყარო: gdi.ge
სამეგრელო. სამოქალაქო მონიტორინგისა და კვლევების ცენტრმა სოციალურ ქსელში განცხადება გაავრცელა. „როგორც ჩვენთვის გახდა ცნობილი ზუგდიდის 2014 წლის ბიუჯეტით მუნიციპალური ტრანსპორტით მგზავრობისათვის შეღავათიანი ტარიფის დაწესება ზუგდიდში მოქმედი უმაღლესი სასწავლო დაწესებულებების მხოლოდ სოციალურად დაუცველი სტუდენტებისთვის იგეგმება. თუმცა ამ საკითხის თავდაპირველი განხილვისას შეღავათიანი ტარიფის დაწესება ყველა სტუდენტისათვის იყო განზრახული.
გამომდინარე იქიდან, რომ ზუგდიდში სულ რამდენიმე უმაღლესი სასწავლო დაწესებულებაა და სტუდენტთა რაოდენობაც არ არის ძალიან დიდი ვფიქრობთ, რომ ზუგდიდის მუნიციპალიტეტს აქვს ფინანსური რესურსი მუნიციპალური ტრანსპორტით მგზავრობისათვის შეღავათიანი ტარიფის ყველა სტუდენტზე დასაწესებლად", ნათქვამია განცხადებაში.
წყარო:ორგანიზაციის გვერდი სოციალურ ქსელში
თბილისი. ადვოკატთა ასოციაციის თავმჯდომარე ზაზა ხატიაშვილმა ჟურნალისტთა კორპუსს ღია წერილით მიმართა. იგი ჟურნალისტთა კორპუსს სამოქალაქო საზოგადოების გადარჩენის საქმეში თანადგომით მიმართავს.
სრულად
წყარო:ორგანიზაციის გვერდი სოციალურ ქსელში
იმერეთი. 20 დეკემბერს „საერთაშორისო გამჭვირვალობა - საქართველოს" ქუთაისის ოფისის წარმომადგენლები შეხვდნენ თერჯოლის მუნიციპალიტეტის გამგეობის თანამშრომლებს. შეხვედრა ეხებოდა „ადგილობრივი თვითმმართველობის კოდექსის" პროექტს, რომელიც პირველი მოსმენით მიიღო საქართველოს პარლამენტმა.
ორგანიზაციის წარმომადგენლებმა დამსწრე საზოგადოებას მიაწოდეს ინფორმაცია თვითმმართველობის რეფორმის ფარგლებში კანონპროექტის შესაბამისად გათვალისწინებული სიახლეების შესახებ, ასევე გააცნეს „საერთაშორისო გამჭვირვალობა - საქართველოს" წინადადებები და რეკომენდაციები, რომელიც უკვე წარედგინა პარლამენტს.
წყარო: ორგანიზაციის გვერდი სოციალურ ქსელში
თბილისი. 19 დეკემბერს, ინფორმაციის თავისუფლების განვითარების ინსტიტუტის დირექტორმა პროექტ „ლიდერთა სახლის" მონაწილე მოსწავლეებისთვის „სტალინიზმის" და მასობრივი რეპრესიების შესახებ ლექცია ჩაატარა.
ღონისძიებაში მონაწილეობდნენ ახალგაზრდული კლუბის „ლიდერთა სახლის" წევრები. შეხვედრის მიზანს ახალგაზრდა თაობისათვის ამ ეპოქის შესახებ ინფორმაციის მიწოდება მოვლენის შეფასება და გააზრება წარმოადგენდა.
წყარო:ორგანიზაციის გვერდი სოციალურ ქსელში
აჭარა. 19 დეკემბერს, სახალხო დამცველის ბათუმის ოფისში, დემოკრატიის სკოლის ფარგლებში, სტუდენტებისთვის, ადგილობრივი საზოგადოებრივი ორგანიზაციების, მედია საშუალებებისა და სამთავრობო უწყებების წარმომადგენლებისთვის ბექა მინდიაშვილმა სემინარი გამართა. მისი თემა იყო: „რელიგია და დემოკრატია". შეხვედრაზე განიხელეს სხვადასხვა რელიგიური მიმართულებების ურთიერთდამოკიდებულება სხვადასხვა პოლიტიკურ იდეოლოგიებთან. დიკუსიის რეჟიმში გაგრძელდა სამხრეთ კავკასიაში არსებული ვითარების განხილვაც.
თბილისი. ინფორმაციის თავისუფლების განვითარების ინსტიტუტის კვლევას თბილისის საკრებულო გამოეხმაურა. ორგანიზაციამ საკრებულოს განცხადება სოციალურ ქსელში გამოაქვეყნა.
სრულად
წყარო:ორგანიზაციის გვერდი სოციალურ ქსელში
აჭარა. 19 დეკემბარს, ბათუმის დემოკრატიული ჩართულობის ცენტრში, IRMS -ის მიერ, დემოკრატიული მმართველობის (G3) პროგრამის ფარგლებში, ფოკუს ჯგუფი მოეწყო. შეხვედრაზე განხილეს საზოგადოებრივი ორგანიზაციებისათვის საჯარო ინფორმაციის ხელმისაწვდომობის ხარისხი. მესამე სექტორის ადგილობრივმა წარმომადგენლებმა იმ პრობლემებზეც ისაუბრეს, რასაც საჯარო დაწესებულებებიდან ინფორმაციის გამოთხოვისას აწყდებიან, ასევე ხაზი გაუსვეს გაწელილ პროცედურებს, რომელიც დაინტერესებული იურიდული პირებისათვის სხვადსხვა პროექტების განხორციელებისას ხელშემშლელი ფაქტორია.
თბილისი. 20 დეკემბერს დემოკრატ მესხთა კავშირთან არსებული ახალციხის ახალგაზრდული სამოქალაქო ცენტრის წევრები, ქალაქ თბილისში იაშვილის ბავშვთა საავადმყოფოს პატარა მობინადრეებს ეწვევიან და მათ საახალწლო საჩუქრებს გადასცემენ.
ღონისძიება ჩატარდება პროექტ „ეროვნული ინტეგრაციის გაძლიერება საქართველოში" ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს ფინანსური მხარდაჭერით.
წყარო: ორგანიზაციის გვერდი სოციალურ ქსელში
თბილისი. „საქართველოს ახალგაზრდა კონსტიტუციონალისტთა ასოციაციის" ეგიდით გაიმართა მრგვალი მაგიდა - „სახელმწიფო სიმბოლოკის დაცვის კონსტიტუციურ-სამართლებრივი გარანტიები". ასოციაციამ სადისკუსიოდ წარმოადგინა კვლევის შედეგები საზღვარგარეთის ქვეყნების კონსტიტუციური პრაქტიკის თაობაზე სახელმწიფო სიმბოლიკის მარეგულირებელ ნორმებთან დაკავშირებით. ამავდროულად, ყურადღება გამახვილდა საზოგადოებაში სახელმწიფო სიმბოლიკის გამოყენების კულტურაზე. ღონისძიებას დაესწრნენ, როგორც სახელმწიფო ჰერალდიკის საბჭოს, ისე არასამთავრობო სექტორის წარმომადგენლები და სხვა დაინტერესებული პირები. აღნიშნულთან დაკავშირებით, ასოციაცია გეგმავს უახლოეს მომავალში კონსულტაციები გამართოს საქართველოს პარლამენტის წარმომადგენლებთან და დაიწყოს მუშაობა კონსტიტუციური კანონის პროექტის შემუშავებაზე.
წყარო:ორგანიზაციის გვერდი სოციალურ ქსელში
თბილისი. საქართველოს უფლებადამცველი ორგანიზაციები სასჯელაღსრულების სისტემაში მიმდინარე რეფორმებსა და ციხეებში ბოლო თვეების მანძილზე მომხდარ მოვლენებს ეხმიანებიან. „მიგვაჩნია, რომ მიმდინარე წლის განმავლობაში სასჯელაღსრულების სისტემაში განხორციელებული მთელი რიგი ღონისძიების შედეგად მნიშვნელოვნად გაუმჯობესდა პატიმრების მდგომარეობა და მათი უფლებების დაცვა. თუმცა, იმ მძიმე მემკვიდრეობის გათვალისწინებით, რაც ახალ ხელისუფლებას ერგო, განსაკუთრებით ციხეებში წამებისა და არაადამიანური მოპყრობის თვალსაზრისით, რჩება მნიშვნელოვანი გამოწვევებიც, მათ შორის, საზოგადოებაში წლების განმავლობაში გამყარებული ნეგატიური სტერეოტიპები და სასჯელაღსრულების სისტემისადმი არსებული უნდობლობა; ამ გამოწვევებთან გამკლავება მხოლოდ ნდობის აღსადგენად კონკრეტული ნაბიჯების გადადგმით და სისტემაში ადამიანის უფლებათა დაცვის კულტურის დამკვიდრებით შეიძლება მოხდეს.
ამ მიზნის მისაღწევად, ერთ-ერთ უმნიშვნელოვანეს ცვლილებად მიგვაჩნია არასამთავრობო ორგანიზაციებისათვის ციხეებში მონიტორინგის განხორციელების უფლებამოსილების მინიჭება. ..", ნათქვამია განცხადებაში
განცხადებას ხელს აწერენ შემდეგი ორგანიზაციები: საია, ციხის საერთაშორისო რეფორმა, 42–ე მუხლი, წამების მსხვერპლთა ფსიქოსოციალური და სამედიცინო რეაბილიტაციის ცენტრი, წამების მსხვერპლთა რეაბილიტაციის ცენტრი „ემპათია", ახალგაზრდები სამართლიანობისათვის, საზოგადოებრივი დამცველი.
სრულად
წყარო: gyla.ge
თბილისი. საერთაშორისო გამჭვირვალობა – საქართველომ ყოველკვირეუდი საპარლამენტო ამბების მორიგი აუდიო პოდკასტი გამოაქვეყნა. დაინტერესებულ პირებს შეუძლიათ გაეცნონ შემდეგ თემატიკას: მორიგი დაპირისპირება პარლამენტში: საპარლამენტო ეთიკის რეგულირების დროა; საზოგადოებრივი ორგანიზაციების დღე პარლამენტში; ადგილობრივი თვითმმართველობის კოდექსის პროექტის მთავარი მიმართულებები; თბილისში არსებულ პარლამენტის შენობაში რემონტი მიმდინარეობს, თუმცა სად გააგრძელებს პარლამენტი მუშაობას გაზაფხულის სესიაზე, ნათელი არ არის.
საპარლამენტო ამბების პოდკასტი: 16 დეკემბერი
წყარო: transparency.ge
თბილისი. ორგანიზაცია „ახალგაზრდა ადვოკატები" ყოფილი პრემიერის ივანე მერაბიშვილის მიერ გავრცელებული განცხადების საფუძველზე, საქართველოს პროკურატურას გამოძიების დაწყებისკენ მოუწოდებს.
„ახალგაზრდა ადვოკატების" შეფასებით, „მერაბიშვილის განცხადება სამართლებრივად იძლევა გამოძიების დაწყების უფლებამოსილებას და მხოლოდ ობიექტური გამოძიების შემდეგ იქნება შესაძლებელი საკითხის ამოწურვა და საზოგადოებრივი ინტერესის დაკმაყოფილება".
სრულად
წყარო: ორგანიზაციის გვერდი სოციალურ ქსელში
თბილისი. აშშ–ის ეროვნულ–დემოკრატიულმა ინსტიტუტმა კვლევა - „საზოგადოების განწყობა საქართველოში" - გამოაქვეყნა. კვლევა კავკასიის კვლევითი რესურსების ცენტრმა შვედეთის განვითარების სააგენტოს დაფინანსებით 13-27 ნოემბერს ჩაატარა საქართველოს მასშტაბით შემთხვევით შერჩეული 3 915 რესპონდენტის პირისპირ ინტერვიუს გზით. დოკუმენტი აჩვენებს საზოგადოების განწყობებს პოლიტიკურ და მიმდინარე საკითხებზე, ასევე მოიცავს პოლიტიკური რეიტინგების ნაწილს, რომელსაც NDI, მოგვიანებით, 20 ნოემბერს გაასაჯაროებს.
სრულად
წყარო: civil.ge
თბილისი. საქართველოს დემოკრატიულმა ინიციატივამ ვანო მერაბიშვილის მიერ გავრცელებულ ინფორმაციასთან დაკავშირებით განცხადება გაავრცელა. ორგანიზაცია „უკიდურეს შეშფოთებას გამოხატავს 17 დეკემბერს ივანე მერაბიშვილის მიერ სასამართლო დარბაზში გაკეთებულ განცხადებაში მოყვანილ ინფორმაციაზე ხელისუფლების მხრიდან არაადეკვატური რეაგირების გამო და მოუწოდებს შესაბამის ორგანოებს სასწრაფოდ დაიწყოს გამოძიება აღნიშნულ ფაქტზე. ამავდროულად უზრუნველყოფილი იყოს გამოძიების ობიექტურად, შემჭიდროვებულ ვადებში წარმართვა და მაქსიმალური გამჭვირვალობა, რათა მაღალი საზოგადოებრივი ინტერესიდან გამომდინარე პასუხი გაეცეს არსებულ კითხვებს. ასევე აუცილებლად მივიჩნევთ დროუალდ მოხდეს სათანადო ვიდეომასალის ამოღება შესაბამისი უწყებებიდან, რომელიც სიცხადეს შეიტანს ყველა ამ ბრალდებაში. იმედს გამოვთქვამთ, რომ აღნიშნული მასალები განადგურებული არ იქნება და ის მოგვიანებით ხელმისაწვდომი გახდება საზოგადოებისთვისაც", ნათქვამია განცხადებაში.
სრულად
წყარო: gdi.ge
თბილისი. საქართველოს ადვოკატთა ასოციაციამ გამოაქვეყნა ორგანიზაციის თავმჯდომარის, ზაზა ხატიაშვილის პოზიცია ივანე მერაბიშვილის მიერ გაკეთებულ განცხადებასთან დაკავშირებით. „17 დეკემბერს, სამოქალაქო საზოგადოებამ, მოისმინა ყოფილი შინაგან საქმეთა მინისტრის და პრემიერ–მინისტრის ივანე მერაბიშვილის შოკისმომგვრელი განცხადება, მასზე განხორციელებული არაადამიანური ზეწოლის შესახებ. ...დროა, სამოქალაქო საზოგადოება გამოფხიზლდეს და კრიტიკულად შევხედოთ ახალი ხელისუფლების მხრიდან განხორცილებული ძალადობის ფაქტებს. ნათელია, დღევანდელ ხელისუფლებას იმიტომ არ უნდა სააკაშვილის რეჟიმის დროს ჩადენილი ფატების გამოძიება, რომ თვითონაც იგივე მეთოდებით დაიწყო სამოქალაქო სექტორთან ურთიერთობა", ნათქვამია განცხადებაში.
სრულად
წყარო:ორგანიზაციის გვერდი სოციალურ ქსელში
თბილისი. საქართველოს ახალგაზრდა იურისტთა ასოციაცია ივანე მერაბიშვილის მიერ გავრცელებულ განცხადებას გამოეხმაურა. „ივანე მერაბიშვილის მიერ გავრცელებული ინფორმაცია შეიცავს დანაშაულის ნიშნებს ...მოცემულ შემთხვევაში საქართველოს კანონმდებლობა ცალსახად ადგენს გამოძიების დაწყების ვალდებულებას. ამასთან, ამ ვალდებულების განხორციელების აუცილებელი პირობა არ არის ივანე მერაბიშვილის ან ვინმე სხვა პირის მიერ ოფიციალური განცხადების საგამოძიებო ორგანოში წარდგენა. ანუ, როგორც სისხლის სამართლის საპროცესო კოდექსის 101-ე მუხლშია მითითებული, მსგავსი ინფორმაციის მხოლოდ მასმედიით გავრცელებაც წარმოშობს გამოძიების დაწყების ვალდებულებას", ნათქვამია ორგანიზაციის ვებ-გვერდზე. საია ასევე ეხმიანება სასამართლო პროცესზე ი.მერაბიშვილის განცხადების შემდეგ განვითარებულ მოვლენებს.
სრულად
წყარო: gyla.ge
თბილისი. ინფორმაციის თავისუფლების განვითარების ინსტიტუტი აგრძელებს იმ დაწესებულებათა საჯარო ინფორმაციის პროაქტიული გამოქვეყნების სტანდარტების მონიტორინგს, რომლებზეც არ ვრცელდება საქართველოს მთავრობის დადგენილება. ამჯერად ორგანიზაციამ გამოაქვეყნა ქალაქ თბილისის მთავრობის მიერ მიღებული დადგენილებები საჯარო ინფორმაციის ელექტრონულად მოთხოვნის სტანდარტისა და საჯარო ინფორმაციის პროაქტიულად გამოქვეყნების წესის დამტკიცების შესახებ.
სრულად
წყარო: opendatablog.wordpress.com
თბილისი. საქართვლოს ახალგაზრდა იურისტთა ასოციაციამ გაერთიანებული ერების განათლების, მეცნიერებისა და კულტურის ორგანიზაციას (UNESCO) მიმართა.
„როგორც საზოგადოებისთვის ცნობილია, საქართველოს მთავრობის მიერ საქართველოს პარლამენტში წარდგენილია კანონპროექტი, რომლის თანახმადაც ცვლილება შედის „კულტურული მემკვიდრეობის შესახებ" საქართველოს კანონში და მნიშვნელოვნად იცვლება ძეგლისთვის ძეგლის სტატუსის მოხსნის თაობაზე არსებული რეგულაცია.საკანონმდებლო ინიციატივის თანახმად კანონის მე-17 მუხლს ემატება მეორე პუნქტი, რომლის მიხედვითაც - განსაკუთრებულ შემთხვევებში, სახელმწიფოებრივი მნიშვნელობის აუცილებლობის არსებობისას, ძეგლისთვის ძეგლის სტატუსის მოხსნა (გარდა ეროვნული კატეგორიის მქონე ან/და მსოფლიო მემკვიდრეობის ნუსხაში შეტანილი ძეგლებისა) შესაძლებელია სამინისტროსთან შეთანხმებით, საქართველოს მთავრობის წინაშე სამართლებრივი აქტის პროექტის ინიცირების უფლების მქონე უწყების წარდგინებით, საქართველოს მთავრობის განკარგულების საფუძველზე.
აღნიშნული კანონპროექტის საქართველოს პარლამენტში წარდგენამ საზოგადოების მნიშვნელოვან ნაწილის უარყოფითი რეაქცია გამოიწვია. მიუხედავად იმისა, რომ კანონპროექტთან დაკავშირებული საფრთხეების შესახებ, სხვადასხვა დონეზე არაერთი შეხვედრა გაიმართა, სამწუხაროდ, კანონპროექტი დღემდე რჩება განსახილველად საქართველოს პარლამენტში", ნათქვამია ორგანიზაციის ვებ-გვერდზე.
მიმართვა
წყარო:gyla.ge
თბილისი. 13 დეკემბერს გაიმართა სამუშაო შეხვედრა, რომლის თემა იყო შშმ პირების დასაქმების მხრივ საქართველოში არსებული სიტუაციის მიმოხილვა. შშმ პირების დასაქმების შესახებ სტრატეგიის შემუშავება ხდება პროექტია - „შეზღუდული შესაძლებლობის მქონე ადამიანები - საზოგადოების განუყოფელი და პატივსაცემი ჯგუფი" - ფარგლებში.
პროექტი მხარდაჭერილია ჩეხეთის მთავრობის მიერ და ახორციელებს ჩეხეთის კარიტასი - საქართველოს კარიტასთან თანამშრომლობით.
საქართველოში პროექტის პარტნიორები არიან „კოალიცია დამოუკიდებელი ცხოვრებისათვის", „საქართველოს სოციალურ მუშაკთა ასოციაცია", „საზოგადოებრივი პოლიტიკის ინსტიტუტი".
წყარო: „კოალიცია დამოუკიდებელი ცხოვრებისათვის" გვერდი სოციალურ ქსელში
სამეგრელო. „საერთაშორისო გამჭვირვალობა – საქართველოს" ზუგდიდის ოფისმა საზოგადოებას თვითმმართველობის კოდექსთან დაკავშირებით ორგანიზაციის მიერ შემუშავებული შენიშვნები გააცნო.
შეხვედრას ადგილობრივი თვითმმართველობის ორგანოების, არასამთავრობო და საერთაშორისო ორგანიზაციების წარმომადგენლები, სტუდენტები და მედია დაესწრნენ. შეხვედრის შემდეგ გაიმართა კოდექსის რედაქციაზე დისკუსია.
მსგავსი საჯარო განხილვის მოწყობას უახლოეს დღეებში „საერთაშორისო გამჭვირვალობა – საქართველოს" ქუთაისის ოფისიც გეგმავს.
შენიშვნები
წყარო:ორგანიზაციის გვერდი სოციალურ ქსელში
თბილისი. ინფორმაციის თავისუფლების განვითარების ინსტიტუტმა ბლოგპოსტი - „SMS როგორც საჯარო ინფორმაცია (კანადის მაგალითი)" - გამოაქვეყნა. ბლოგპოსტში საუბარია საიდან დაიწყო, როგორ ვრცელდება მყისიერ შეტყობინებებზე საჯარო ინფორმაციის კანონმდებლობა, რას ზღუდავს არსებული მდგომარეობა, რა დასკვნები გამოიტანა კანადის ინფორმაციის კომისიონერმა, რა რეკომენდაციები აქვს კომისიონერს, მთავრობის პასუხი.
სრულად
წყარო: idfi.ge