სამოქალაქო საზოგადოების ინსტიტუტმა (CSI) გორში, მარნეულში, ახალციხეში, ქუთაისში, ზუგდიდში, ბათუმსა და ოზურგეთში არასამთავრობო ორგანიზაციების წარმომადგენლებისთვის გამართა საკონსულტაციო შეხვედრები.  შეხვედრებზე განიხილეს „რუსული კანონის“ სახელწოდებით ცნობილი „უცხოური გავლენის გამჭვირვალობის შესახებ“ კანონი.

თბილისი. კოალიცია “დამოუკიდებელი და გამჭვირვალე მართლმსაჯულებისთვის" საქართველოს პარლამენტის მიერ უზენაესი სასამართლოს 3 წევრის არჩევას ეხმიანება. კოალიცია ამ გადაწყვეტილებას ევროინტეგრაციის პროცესის დამაზიანებელ მორიგ ნაბიჯად აფასებს. „წარმატებული ევროპული ინტეგრაცია და ამ მიზნის მისაღწევად შესაბამისი დემოკრატიული რეფორმების განხორციელება, მართლმსაჯულების ფუნდამენტური რეფორმის ჩათვლით, ქართული საზოგადოების აბსოლუტური უმრავლესობის მიერ არაერთხელ გამოხატული ურყევი ნებაა, რომელსაც მმართველმა გუნდმა და ხელისუფლების ყველა უფლებამოსილმა შტომ პატივი უნდა სცეს“.  სრულად...  წყარო: საერთაშორისო გამჭვირვალობა – საქართველო

თბილისი. სოციალური სამართლიანობის ცენტრი აქვეყნებს ბლოგების სერიიდან ახალ ბლოგს: „ტყუილის ხელოვნება, როგორც მართვის ხელოვნება“. მასში განხილულია ავტორიტარული რეჟიმების სიცოცხლისუნარიანობის წყაროები. ბლოგი...  წყარო: სოციალური სამართლიანობის ცენტრი

აჭარა. თავისუფალ ჟურნალისტთა სახლის და შშმ ქალთა ალიანსის ორგანიზებით, 28 ივნისს, ბათუმის პარკში მოეწყო ღია სივრცე, რომლის საშუალებითაც საზოგადოებას მიეწოდა ინფორმაცია ორგანიზაციების საქმიანობებისა და ევროინტეგრაციის მნიშვნელობის შესახებ. ასევე მოსახლეობას გადაეცა სხვადასხვა პროექტის ფარგლებში დამზადებული სხვადასხვა საინფორმაციო მასალა.  სრულად...  წყარო: თავისუფალ ჟურნალისტთა სახლი

საქართველოს მოსახლეობის უმრავლესობა უცვლელად უჭერს მხარს მოსაზრებას: დემოკრატია ყველა სხვა პოლიტიკურ წყობაზე უკეთესია. “კავკასიის ბარომეტრის” რამდენიმე ტალღის მონაცემები აჩვენებს, რომ 2015-დან 2024 წლამდე 20 პროცენტული პუნქტით გაიზარდა მათი წილი, ვინც ფიქრობს, რომ დემოკრატია ყველა სხვა პოლიტიკურ წყობაზე უკეთესია“, ნათქვამია CRRC-ის გვერდზე სოციალურ ქსელში. ორგანიზაციის ინფორმაციით, უახლესი, 2024 წლის მონაცემებით კი, მათი პროცენტული მაჩვენებელი დიდ უმრავლესობას, 67%-ს, შეადგენს. გარდა ამისა, 10 პროცენტულ პუნქტამდეა შემცირებული მათი წილი, ვინც მიიჩნევს, რომ ზოგ შემთხვევაში არადემოკრატიული მთავრობა უფრო კარგია, ვიდრე დემოკრატიული.  რაც შეეხება საქართველოს მოსახლეობის იმ ნაწილს, ვინც ფიქრობს, რომ არ აქვს მნიშვნელობა, თუ როგორი პოლიტიკური წყობა იქნება ქვეყანაში, მათი პროცენტული მაჩვენებელი ტალღიდან ტალღამდე უმნიშვნელოდ მცირდებოდა და 2024 წელს ის 12%-ს შეადგენს.  სრულად...  წყარო: crrc.ge

სამოქალაქო საზოგადოების ფონდი, 26 ივნისს Zoom პლატფორმის საშუალებით მართავს საკონსულტაციო შეხვედრას მათთვის, ვისაც ფონდში პროექტის შეტანა სურს. შეხვედრაზე მოკლედ იქნება განხილული ფონდის პრიორიტეტები და პასუხი გაეცემა დაინტერესებული მხარეების კითხვებს. სრულად...  წყარო: სამოქალაქო საზოგადოების ფონდი

თბილისი. ევროკავშირის დიდი ოჯახის წევრობა ჩვენი ქვეყნისთვის ერთ-ერთი ყველაზე მთავარი და ისტორიული მიზანია. განვითარების და ჩართულობის პლატფორმის ახალი პროექტი სწორედ ევროკავშირის შესახებ ახალგაზრდების ცნობიერების ამაღლებას ითვალისწინებს. აქტივობების დაგეგმვისთვის ახალგაზრდების ინტერესებისა და საჭიროებების გაგება ორგანიზაციისთვის #1 პრიორიტეტია. სწორედ ამ მიზნით ორგანიზაცია, პროექტის დაწყებამდე, მოკვლევას ატარებს. კითხვარი: https://forms.gle/Y3ozoKj2Axgzwj9w8 კითხვარის ამოცანა საქართველო-ევროკავშირის ურთიერთობის შესახებ განწყობები გამოვლენა და ევროკავშირთან დაკავშირებული იმ საკითხების გამოვლენაა, რომლებიც ქართველ ახალგაზრდებს აინტერესებთ.  სრულად...  წყარო: განვითარების და ჩართულობის პლატფორმა ჩაინიშნე თარიღი

თბილისი. საიამ მოამზადა კვლევა - „მეორე მხარის მოსმენა გადაწყვეტილების მიღებისას - საპარლამენტო ოპოზიციის უფლებები და პასუხისმგებლობა“. კვლევაში განხილულია საპარლამენტო ოპოზიციის მნიშვნელობა, დადებითი გავლენა და როლი დემოკრატიულ მმართველობაზე, პასუხისმგებლობა, უფლებები და გარანტიები. ასევე, წარმოდგენილია, საქართველოში საპარლამენტო ოპოზიციის სამართლებრივი მდგომარეობა, უფლებები და მათი გამოყენების პრაქტიკა მე-10 მოწვევის პარლამენტში. სრულად...  წყარო: საქართველოს ახალგაზრდა იურისტთა ასოციაცია

თბილისი. ადამიანის უფლებათა ცენტრმა გამოაქვეყნა ანალიტიკური დოკუმენტი – „რეპრესიული კანონი და სამოქალაქო საზოგადოებრივი ორგანიზაციების სტიგმატიზაცია“. დოკუმენტი მიმოიხილავს 2024 წლის 28 მაისს მიღებულ კანონს „უცხოური გავლენის გამჭვირვალობის შესახებ“, რომელიც საპარლამენტო უმრავლესობამ მაინც მიიღო, საზოგადოების მრავალათასიანი საპროტესტო აქციების მიუხედავად. სრულად... წყარო: ადამიანის უფლებათა ცენტრი

თბილისი. 27 ივნისს, 16:00 საათზე ტოლერანტობისა და მრავალფეროვნების ინსტიტუტი (TDI) გამართავს რიგით მეორე ონლაინ ლექცია–დისკუსიას. შეხვედრის თემა: რელიგიის პოლიტიკა და რელიგიური მეხსიერება გვიან საბჭოთა პერიოდის საქართველოში. მოხსენებას წაიკითხავს სოფო ზვიადაძე, რელიგიის მკვლევარი და სოციოლოგი, ილიას სახელმწიფო უნივერსიტეტის ასოცირებული პროფესორი. სრულად...  წყარო: TDI

თბილისი. საიას ოფისს საქართველოში ევროკავშირის ელჩი პაველ ჰერჩინსკი ესტუმრა. ელჩი საიას თანამშრომლებს შეხვდა და მხარდაჭერა გამოუცხადა მათი საქმიანობისთვის. ეს ვიზიტი განსაკუთრებით მნიშვნელოვანია ,,რუსული კანონის" მიღების შემდეგ და ხაზს უსვამს ევროკავშირის ურყევ მხარდაჭერას საიას და სამოქალაქო საზოგადოების მიმართ. ელჩმა გამოთქვა იმედი, რომ ჩვენი ქვეყანა გააგრძელებს სვლას ევროპისკენ. მან ასევე ისაუბრა ევროკავშირის მხრიდან ქართული სამოქალაქო საზოგადოების მხარდაჭერის გაზრდის მნიშვნელობაზე.  წყარო: საია

თბილისი. 14 ივნისს თბილისში სამოქალაქო საზოგადოების ინსტიტუტმა (CSI), USAID-ის ადგილობრივი თვითმმართველობის პროგრამის ფარგლებში გამართა ფორუმი - „სამოქალაქო საზოგადოების საარსებო გარემოს გაძლიერება - გამოცდილების გაზიარება და სამომავლო პერსპექტივები“. ფორუმის მიზანი იყო შეექმნა დიალოგის სივრცე საზოგადოებრივი ორგანიზაციების საარსებო გარემოს შესახებ მსჯელობისთვის. ამასთან წარიმართა დისკუსია არსებულ პრობლემებსა და გამოწვევებზე. სამოქალაქო საზოგადოების ინსტიტუტის წარამომადგენელმა ლევან ფანიაშვილმა და ღია სივრცე კავკასიის ხელმძღვანელმა ირმა პავლიაშვილმა ისაუბრეს „უცხოური გავლენის გამჭირვალობის შესახებ“ ახალი კანონზე, რა გავლენას ახდეს სამოქალაქო საზოგადოების საარსებო გარემოზე და რა შეიძლება იყოს საზოგადოებირივი ორგანიზაციების სამომავლო ნაბიჯები.  ფორუმზე, ასევე გაზიარდა პროექტის – „სამოქალაქო ჩართულობისა და მონაწილეობითი მმართველობის შესაძლებლობების გაძლიერება ადგილობრივ თვითმმართველობებში“ – ფარგლებში შექმნილი სასარგებლო რესურსები, საუკეთესო პრაქტიკები და მიღებული გამოცდილება და შედეგები, რომელსაც სამოქალაქო საზოგადოების ინსტიტუტმა 1 წლის განმავლობაში განახორციელა USAID-ის ადგილობრივი თვითმმართველობის პროგრამის მხარდაჭერით.  ფორუმში მონაწილეობდნენ საზოგადოებრივი ორგანიზაციები, აქტივისტები და საინიციატივო ჯგუფების წარმომადგენლები საქართველოს სხვადასხვა მუნიციპალიტეტებიდან.

თბილისი. აღმოსავლეთ პარტნიორობის სამოქალაქო საზოგადოების ფორუმი განცხადებას ავრცელებს. „ჩვენ, სამოქალაქო საზოგადოების წევრები, მზარდი შეშფოთებით ვაკვირდებით ბოლო დროს გახშირებულ ძალადობის ფაქტებს, როდესაც აქტიურ მოქალაქეებს ჯგუფურად ღიად ესხმიან თავს და უსწორდებიან მოძალადეები.(...) მოვითხოვთ, დაუყოვნებლად მოხდეს ყველა მოძალადის გამოვლენა და სამართლიანი დასჯა. ასევე, გამოვლინდნენ და პასუხიგებაში იქნენ მიცემული ამ ქმედებების ორგანიზატორები,რომელ ჯგუფს და უწყებასაც არ უნდა წარმოადგენდნენ“.  სრულად...  წყარო: ეროვნული პლატფორმა

თბილისი. რონდელის ფონდი აქვეყნებს გიორგი ფაჩუაშვილის ბლოგს: რუსეთის გეგმა სამხრეთ კავკასიის მიმართ – რუსული კანონის გეოპოლიტიკური ზეგავლენა. „საჭიროა, პასუხი გაეცეს შემდეგ კითხვას: არის თუ არა „რუსული კანონი“ კრემლის ჩანაფიქრის ნაწილი, საბოლოოდ დაიმორჩილოს სამხრეთ კავკასიის რეგიონი საქართველოს „ბელარუსიზაციით“ და სომხეთის დასავლური პერსპექტივის განადგურებით, რაც იქაური ოპოზიციის გამოყენებით იქნება შესაძლებელი?“ სრულად...  წყარო: რონდელის ფონდი

ქართული არასამთავრობო ორგანიზაციები რუსული კანონის წინააღმდეგ ყველა შიდა და საერთაშორისო მექანიზმის გამოყენებას აპირებს მისი მოქმედების უპირობო გაუქმებამდე.  „ამისათვის, პირველ ეტაპზე ვამზადებთ სარჩელს საქართველოს საკონსტიტუციო სასამართლოში წარსადგენად. ყველა არასამთავრობო და მედია ორგანიზაციას, რომელზეც ვრცელდება აღნიშნული კანონი, აქვს შესაძლებლობა ამ ბრძოლის მონაწილე გახდეს და შემოგვიერთდეს“.  თუ გსურთ იყოთ მოსარჩელე საკონსტიტუციო სასამართლოსა ან/და ადამიანის უფლებათა ევროპულ სასამართლოში, არასამთავრობო და მედია ორგანიზაციებმა უნდა შეავსოთ ელექტრონული ფორმა. წყარო: სამოქალაქო საზოგადოების ფონდი 

სამეგრელო. ათინათის პროექტის "ახალგაზრდების ჩართულობა და განვითარება" ფარგლებში, პარტნიორი სკოლის მოსწავლეებისთვის ჩატარდა ტრენინგი თემაზე - მოხალისეობა. ტრენინგის მიზანი იყო ახალგაზრდებში მოხალისეობრივი კულტურის განვითარება და მათი წახალისება აქტიურად ჩაერთონ საზოგადოებრივ საქმიანობაში. ახალგაზრდებმა მიიღეს ინფორმაცია მოხალისეობის არსზე, მის უპირატესობებსა და დადებით გავლენაზე საზოგადოებრივ ცხოვრებაზე.  პროექტი “ახალგაზრდების ჩართულობა და განვითარება” ხორციელდება აშშ საერთაშორისო განვითარების სააგენტოს პარტნიორობა მეტი გამძლეობისა და მედეგობისთვის პროგრამის ფარგლებში, გაეროს განვითარების პროგრამის და გაეროს ბავშვთა ფონდის მიერ და ამერიკელი ხალხის დახმარებით აშშ საერთაშორისო განვითარების სააგენტოსთან ერთად.  წყარო: ათინათი

10 ივნისს, 16.00 საათზე, ტოლერანტობისა და მრავალფეროვნების ინსტიტუტი (TDI) და ოსლოს უნივერსიტეტის ადამიანის უფლებათა ნორვეგიული ცენტრი, ილიას სახელმწიფო უნივერსიტეტთან თანამშრომლობით გიწვევთ საჯარო პანელურ დისკუსიაზე: რელიგიისა და რწმენის თავისუფლება ყველასთვის საქართველოსა და მის მიღმა. დრო: 10 ივნისი, 16:00 სთ  fდგილმდებარეობა: გიორგი წერეთლის 3, ილიას სახელმწიფო უნივერსიტეტის S კორპუსი, მე-8 სართული, ოთხი 800  დასწრება თავისუფალია სრულად...

თბილისი. საქართველოს ახალგაზრდა იურისტთა ასოციაციამ, ამომრჩეველთა ინფორმირების გაზრდის მიზნით, რვა საინფორმაციო შეხვედრა გამართა საქართველოს ქალაქებში: თბილისში, ბათუმში, ქუთაისში, მარნეულსა და თელავში. შეხვედრის მონაწილეები გაეცნენ ელექტრონული ტექნოლოგიების ქართულ მოდელს, რომელიც 2024 წლის 26 ოქტომბრის საპარლამენტო არჩევნებზე იქნება გამოყენებული.  სრულად... წყარო: საია

აჭარა. აჭარაში მოქმედი არასამთავრობო ორგანიზაციები ერთობლივ განცხადებას ავრცელებენ „რუსული კანონის“ წინააღმდეგ საპროტესტო აქციებში ჩართული პირების მიმართ განხორციელებულ სატელეფონო ზარებზე.  „ზარის განმახორციელებლები იყენებენ სიძულვილის და შეურაცხმყოფელ ენას, ადრესატებს ემუქრებიან ჯანმრთელობის დაზიანების და სიცოცხლის მოსპობით, მიმართავენ შემდეგი სიტყვებით: „აგაორთქლებთ“, „გაგაქრობთ“...“  ორგანიზაციები მიიჩნევენ, რომ სატელეფონო ზარები და საცხოვრებელ სახლებთან გაკეთებული ვანდალიზმისა და მუქარის შინაარსის მქონე წარწერები ქმნის „სისხლის სამართლის კოდექსის რამდენიმე მუხლით საქმის კვალიფიკაციის საფუძველს“. ორგანიზაციები მოუწოდებენ საქართველოს\აჭარის პროკურატურას: „სათანადო კვალიფიკაციით დაიწყოს სისხლისსამართლებრივი დევნა იმ პირების მიმართ, რომელთა მიერ დანაშაულის ჩადენაც შესაძლებელია არაერთი მტკიცებულებით დადასტურდეს". სრულად... წყარო: თავისუფალ ჟურნალისტთა სახლი

შიდა ქართლი. 1 ივნისს მედიის განვითარების ფონდის მედიაწიგნიერების გუნდი გორს ეწვია.  ორგანიზაციის წარმომადგენლები ახალგეზრდებს ესაუბრნენ, თუ როგორ უნდა გაარჩიონ ერთმანეთისგან დეზინფორმაცია, მცდარი და დამაზიანებელი ინფორმაცია, როგორ გადავამოწმონ წყაროს სანდოობა და მანიპულაციური ვიზუალი. მედიის განვითარების ფონდის (MDF) სემინარი გაეროს განვითარების ფონდის პროგრამის – „მრავალფეროვნებაშია" – ფარგლებში ტარდება და ახალგაზრდებისთვის მედიაწიგნიერებასთან ერთად ციფრული წიგნიერების სემინარებსაც ითვალისწინებს.  სრულად...  წყარო: მედიის განვითარების ფონდი

ხევსურეთში რუსული ჭურვის შედეგად დაზიანებული კოშკის აღდგენის ქართულმა პროექტმა მემკვიდრეობის სფეროში ევროპის უმაღლესი აღიარების ჯილდო მოიპოვა, წერს არასამთავრობო ორგანიზაცია „საქართველოს ეროვნული ფონდი“. „ევროპა ნოსტრას“ ერთ-ერთი გამარჯვებული ქართული კულტურული მემკვიდრეობის - ცისკარაულების კოშკის რეაბილიტაციაა, რომელიც დასავლელი პარტნიორების დაფინანსებით გახდა შესაძლებელი და ქართველი და ევროპელი პროფესიონალებისა და ახალგაზრდა მოხალისეების ერთობლივი მუშაობის შედეგია.  ძეგლის რეაბილიტაციაზე, საერთაშორისო პარტნიორების დახმარებით, საქართველოში 420 000 ლარი დაიხარჯა, საიდანაც, დაახლოებით 90 000 ლარი პროექტში ჩართულ ადგილობრივ თემს მოხმარდა. „პროექტი „მოქალაქეთა მიერ ცისკარაულების კოშკის რეაბილიტაცია“ საქართველოში 2021-2023 წლებში განხორციელდა ეროვნული ფონდების საერთაშორისო ორგანიზაციასთან (International National Trusts Organisation, დიდი ბრიტანეთი), “რამპართან” (REMPART, საფრანგეთი) და ასოციაცია სიდლეცინის კოშკის (‘Ducal Tower in Siedlecin’, პოლონეთი) - მჭიდრო თანამშრომლობით. პროექტი დააფინანსებულია საერთაშორისო ფონდ “ალიფის” (ALIPH Foundation) მიერ.  სრულად...  წყარო: საქართველოს ეროვნული ფონდი

თბილისი. თბილისის წიგნის საერთაშორისო ფესტივალის ფარგლებში სოვლაბის გუნდმა წიგნი „საქართველოს დამფუძნებელი კრება“ წარადგინა. ეს საკოლექციო პუბლიკაცია, რომელიც 2016 წლის გამოცემის მერე ახალი ტირაჟით წელს პირველად დაიბეჭდა, საქართველოს იმ დემოკრატიულ ინსტიტუტსა და პოლიტიკურ ფიგურებზე გვიყვება, რომელთა ისტორიიდან წაშლასაც საბჭოთა ცენზურა და პროპაგანდა ათწლეულობის განმავლობაში ცდილობდა.  სრულად...  წყარო: საბჭოთა წარსულის კვლევის ლაბორატორია