თბილისი. აშშ–ის საერთაშორისო განვითარების სააგენტოს სამოქალაქო საზოგადოების ჩართულობის პროგრამის მხარდაჭერით, 14–15 მარტს, დაუნის სინდრომის ასოციაცია მართავს კონფერენციას დაუნის სინდრომის მქონე პირების სამედიცინო მეთვალყურეობის საჭიროებების შესახებ. კონფერენციას ესწრებიან საერთაშორისო, არასამთავრობო ორგანიზაციების, საქართველოს მთავრობის, პარლამენტის, წარმომადგენლები, ექიმები. 21 მარტი დაუნის სინდრომის მსოფლიო დღეა. ამ თარიღთან დაკავშირებით საქართველოში წელს მეცამეტედ იმართება საინფორმაციო კამპანია, რომლის მიზანია დაუნის სინდრომის მქონე პირთა უფლებების შესახებ საზოგადოების ინფორმირება. წყარო: აშშ–ის საერთაშორისო განვითარების სააგენტოს სამოქალაქო საზოგადოების ჩართულობის პროგრამა

გურია. 2023 წელს, CENN-მა ევროკავშირის მხარდაჭერითა გურიის რეგიონში დაიწყო სოფლის განვითარების პროექტი – მწვანე გურია. ორგანიზაცია პროექტს პარტნიორ ორგანიზაციებთან - ახალგაზრდა პედაგოგთა კავშირთან, დემოკრატიის ინსტიტუტთან და ქედის ადგილობრივ სამოქმედო ჯგუფთან (LAG) თანამშრომლობით ახორციელებს.  რა გაკეთდა? მწვანე გურიის პროექტის ფარგლებში უკვე განხორციელდა მნიშვნელოვანი აქტივობები, რომლებიც ხელს უწყობს მთავარი მიზნების მიღწევას:  გურიის სამივე მუნიციპალიტეტში უკვე ჩამოყალიბდა ადგილობრივი სამოქმედო ჯგუფები (LAG), რომელთა თავმჯდომარეები გასული წლის ზაფხულში, არჩევნების გზით შეირჩნენ.  ოზურგეთის, ჩოხატაურისა და ლანჩხუთის ადგილობრივმა სამოქმედო ჯგუფებმა უკვე დაასრულეს მუშაობა ადგილობრივი განვითარების სტრატეგიის დოკუმენტის შექმნაზე. ეს დოკუმენტები დაიწერა თითოეული მუნიციპლიტეტისთვის ცალ-ცალკე და მასში გაწერილია თითოეულ მუნიციპალიტეტში არსებული გამოწვევები და ამ გამოწვევების მოგვარების გზები.  ასევე, პროექტის ფარგლებში გურიის სამივე მუნიციპალიტეტში ჩატარდა ორგანიზაციული განვითარების ტრენინგები, იმისათვის რომ ახლადშექმნილ LAG-ებს უკეთ ემუშავათ. LAG-ებისთვის ჩატარდა შემდეგი ტრენინგები: სამართლებრივი, ინსტიტუციური და ფინანსური მმართველობა; კერძო და საჯარო თანამშრომლობა, მოლაპარაკების უნარები, ფასილიტაცია; საზოგადოებასთან ურთიერთობა; ადვოკატირება და ლობირება; პროექტების ციკლი და გრანტის მართვა, ფონდების მოძიება, გენდერული მეინსტრიმინგი.  ადგილობრივი სამოქმედო ჯგუფებისთვის ჩატარებულ ტრენინგებს სამივე მუნიციპალიტეტის LAG-ების 100-ზე მეტი წარმომადგენელი დაესწრო.  ასევე, ადგილობრივი მოსახლეობისთვის ჩატარდა ცნობიერების ასამაღლებელი ტრენინგები: ნარჩენების მართვა; მწვანე ზრდის შესაძლებლობები და სოფლის ეკონომიკური წყაროების დივერსიფიკაცია; კლიმატგონივრული ჭკვიანი და მდგრადი სასოფლო–სამეურნეო პრაქტიკა; სურსათის უვნებლობა და წარმოების სტანდარტი; სოფლის განვითარების ევროპული მოდელი. თემატურ ტრენინგებზე დასწრება რეგიონში მცხოვრებ ნებისმიერ მსურველს შეეძლო და მათ გურიის 450-მდე მოსახლე დაესწრო.  ასევე, პროექტის ფარგლებში კონკურსის გზით გურიის სამივე მუნიციპალიტეტიდან შეირჩა რეგიონში მოქმედი სამოქალაქო-საზოგადოებრივი 12 ორგანიზაცია. კონკურსის მიზანი ორგანიზავიების პოვნა, მათი დახმარება და გაძლიერებაა.  რა იყო დაგეგმილი ან რა იგეგმება იხილეთ... წყარო: CENN

თბილისი. საბჭოთა წარსულის კვლევის ლაბორატორიამ საბჭოთა პერიოდის არქივებზე წვდომის საკითხზე დისკუსია გამართა. დისკუსია, რომელშიც მონაწილეობდნენ როგორც მკლევრები, აკადემიის წარმომადგენლები და, ასევე, ექსპერტები, შეეხო არქივებზე წვდომას, არქივების არაფორმალურ კონტროლს უსაფრთხოების სამსახურის მხრიდან, ზოგიერთი საარქივო მასალების სრულად დახურვას.  სრულად...   წყარო: საბჭოთა წარსულის კვლევის ლაბორატორია

აჭარა. ბათუმის ახალგაზრდულ ცენტრში გაიმართა შეხვედრა თემაზე – მრავალფეროვნება. მონაწილეებმა პრაქტიკული და ჯგუფური აქტივობების, შემდგომ კი დისკუსიით გაიაზრეს მრავალფეროვნების დადებითი და უარყოფითი მხარეები. შეხვედრა გაიმართა პროგრამის „ერთიანობა მრავალფეროვნებაშია“.  პროგრამა ხორციელდება საქართველოს გაეროს ასოციაციის (UNAG) მიერ, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით, რეგიონში პროგრამის პარტნიორია თავისუფალ ჟურნალისტთა სახლი.  წყარო: ბათუმის ახალგაზრდული ცენტრი

თბილისი. ორგანიზაცია „უფლებები საქართველო“ გახდა „კოალიცია თანასწორობისთვის“ თავმჯდომარე ორგანიზაცია.  „კოალიცია თანასწორობისთვის“ არასამთავრობო ორგანიზაციების არაფორმალური გაერთიანებაა, რომელიც 2014 წელს „დისკრიმინაციის ყველა ფორმის აღმოფხვრის შესახებ“ კანონის მიღების პროცესში ჩამოყალიბდა.  „კოალიცია თანასწორობისთვის“ წევრები არიან: სამოქალაქო საზოგადოების ფონდი (CSF), სოციალური სამართლიანობის ცენტრი, „უფლებები საქართველო“, კავშირი „საფარი“, საქართველოს ახალგაზრდა იურისტთა ასოციაცია (GYLA), ქალთა ინიციატივების მხარდამჭერი ჯგუფი (WISG), პარტნიორობა ადამიანის უფლებებისთვის (PHR), საქართველოს დემოკრატიული ინიციატივა (GDI), ტოლერანტობისა და მრავალფეროვნების ინსტიტუტი (TDI), ადამიანის უფლებათა ცენტრი (HRC) და თანასწორობის მოძრაობა.  კოალიციის მიზანია თანასწორობის პრინციპების დაცვა, დისკრიმინაციასთან ეფექტიანი ბრძოლის გზით. კოალიციის წევრი ორგანიზაციები მუშაობენ, რომ გააძლიერონ ანტიდისკრიმინაციული მექანიზმები, სამართლებრივად დაეხმარონ დისკრიმინირებულ ჯგუფებს, ჩამოაყალიბონ პროგრესული სასამართლო პრაქტიკა, შეისწავლონ თანასწორობის პოლიტიკა, გამოავლინონ სისტემური ხარვეზები და შეიმუშაონ მათი გამოსწორების გზები.  წყარო: უფლებები საქართველო

თბილისი. 12 საზოგადოებრივი ორგანიზაციის კოალიციამ, სამოქალაქო საზოგადოების ფონდის ლიდერობით, შეიმუშავა დეტალური ხედვა, თუ როგორ უნდა შესრულდეს ეფექტურად ევროკომისიის მიერ განსაზღვრული 9 ნაბიჯი. რათა ქვეყანა გადავიდეს ევროინტეგრაციის შემდგომ ეტაპზე და ევროკავშირთან გაწევრების შესახებ მოლაპარაკებები გაიხსნას.  აღნიშნული ხედვა საზოგადოებრივმა ორგანიზაციებმა, სხვადასხვა პოლიტიკურ ჯგუფებს გაუზიარებს. წარმოდგენილი ხედვის საფუძველზე, კოალიცია 9 ნაბიჯის შესრულების მონიტორინგს და დაინტერესებულ აქტორებთან შეხვედრების სერიას გააგრძელებს.  სრულად...  წყარო: სამოქალაქო საზოგადოების ფონდი

თბილისი. აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა პოზიციას ავრცელებს.  პლატფორმა „გამოხატავს მკაფიოდ უარყოფით დამოკიდებულებას სახელმწიფო ტყეებისთვის სტატუსის შეწყვეტის პროცედურების დაწყებასთან დაკავშირებით, რომელიც საკურორტო და რეკრეაციული ინფრასტრუქტურის მოწყობის მიზნით უნდა განხორციელდეს. აღნიშნული პროცესი მიმდინარეობს 2022 წლიდან მოქმედი საკანონმდებლო ცვლილებების საფუძველზე, რომელიც საქართველოს პარლამენტმა ფართო საზოგადოებრივი პროტესტის ფონზე დაამტკიცა“, ნათქვამია განცხადებაში. სრულად...  წყარო: ეროვნული პლატფორმა

თბილისი. დანიის საგარეო საქმეთა სამინისტრო (MFA) და მასში შემავალი ევროპის სამეზობლო დეპარტამენტი (EUN), გაეროს ქალთა ორგანიზაციის აღმოსავლეთ ევროპისა და ცენტრალური აზიის რეგიონულ ოფისთან ერთად, იწყებს პროგრამას „ქალთა ლიდერობის გაზრდა მდგრადი და მშვიდობიანი საზოგადოებებისთვის“.  4-წლიანი ინიციატივა, რომელიც საქართველოში, მოლდოვასა და უკრაინაში განხორციელდება, მიზნად ისახავს, ევროკავშირში გაწევრიანების პროცესის პარალელურად, სამივე ქვეყანას ხელი შეუწყოს კონფლიქტების პრევენციის, მედიაციისა და დემოკრატიის მდგრადობის გაძლიერებაში.  პროექტის მიზანია ახალგაზრდა ქალების ჩართვა სამშვიდობო და უფლებადაცვით აქტივიზმში, ეკონომიკური შესაძლებლობების გაუმჯობესება ყველაზე მოწყვლადი, მათ შორის დევნილი და კონფლიქტით დაზარალებული ქალებისთვის. პროგრამა წარმოადგენს მნიშვნელოვან ვალდებულებას გენდერული თანასწორობის მიღწევის, უთანასწორობის შემცირებისა და მდგრადი განვითარების ხელშეწყობისთვის საქართველოსა თუ რეგიონში.  წყარო: გაეროს ქალთა ფონდი

თბილისი. ინფორმაციის თავისუფლების განვითარების ინსტიტუტი (IDFI), ღია მონაცემების კვირეულთან დაკავშირებით აქვეყნებს სახელმძღვანელოს. იგი მონაცემების მოპოვების, დამუშავების, ანალიზისა და ვიზუალიზაციის თანამდეროვე ტექნიკებს მოიცავს. სრულად... წყარო: ინფორმაციის თავისუფლების განვითარების ინსტიტუტი

თბილისი. სამოქალაქო საზოგადოების ფონდი, საზოგადოებრივი ორგანიზაციების მიმართვას, ევროკომისარ ოლივერ ვარჰეის მიმართ აქვეყნებს.  „სამოქალაქო საზოგადოების ჩართულობა საკანონმდებლო და პოლიტიკის განხორციელების პროცესში, კვლავ ევროკომისიის მიერ განსაზღვრული 9 ნაბიჯის ერთ-ერთ მნიშვნელოვან კომპონენტად რჩება. ხელმომწერი ორგანიზაციები გამოვთქვამთ მზადყოფნას აქტიური როლი შევასრულოთ და წვლილი შევიტანოთ საქართველოს ევროინტეგრაციისა და დემოკრატიული ტრანსფორმაციის გზაზე და ვიმუშაოთ იმისთვის, რომ საქართველოს მოსახლეობის უმრავლესობის ნება სრულად აისახოს სახელმწიფო პოლიტიკაში.“ - ნათქვამია ორგანიზაციის ვებ გვერდზე  იხილეთ განცხადება ვრცლად...  წყარო: სამოქალაქო საზოგადოების ფონდი

თბილისი. 5 მარტს ადამიანის უფლებათა ცენტრმა ნორვეგიის ელჩს საქართველოში, ბერგლიოტ ჰოვლანდს უმასპინძლა.  ადამიანის უფლებათა ცენტრის წარმომადგენლებმა ელჩს მიაწოდეს ინფორმაცია ადგილობრივ და საერთაშორისო ორგანიზაციებთან თანამშრომლობის გამოცდილების და მიმდინარე პროექტების შესახებ.  შეხვედრაზე საუბარი შეეხო ადამიანის უფლებათა მდგომარეობის საქართველოში და იმ გამოწვევებს, რომლის წინაშე საზოგადოებრივი ორგანიზაციები დგანან. სრულად... წყარო: ადამიანის უფლებათა ცენტრი

თბილისი. საფარი საინფორმაციო ბარათებს აქვეყნებს, რომელიც საზოგადოებას აწვდის ინფორმაციას პირადი ინფორმაციის გავრცელების შემთხვევაში როგორ უნდა ვიმოქმედოთ.  ასევე, რა უნდა ვიცოდეთ, თუ ვინმე ინტიმური მასალის შინაარსის გარცელებით გვემუქრება.  იხილეთ ვრცლად...  წყარო: საფარი

თბილისი. 12 საზოგადოებრივი ორგანიზაციის კოალიციამ, სამოქალაქო საზოგადოების ფონდის ლიდერობით, შეიმუშავა დეტალური ხედვა, თუ როგორ უნდა შესრულდეს ეფექტურად ევროკომისიის მიერ განსაზღვრული 9 ნაბიჯი, რათა ქვეყანა გადავიდეს ევროინტეგრაციის შემდგომ ეტაპზე და ევროკავშირთან გაწევრიანების შესახებ მოლაპარაკებები გაიხსნას.  9 ნაბიჯის ეფექტურად შესრულების ხედვის შემუშავებაზე მუშაობენ ის ორგანიზაციები (CSF, GDI, DRI, Sapari, Court Watch, GMC, GRASS, GFSIS), რომლებიც საქართველოსთვის კანდიდატის სტატუსის მისაღებად ევროკომისიის მიერ განსაზღვრული 12 პრიორიტეტის შესრულებას აკვირდებოდნენ - მათი ჩართულობით, გასული წლის მანძილზე გამოიცა მონიტორინგის ექვსი ანგარიში - სტატუსმეტრი, რომელიც დიდწილად თანხვედრაში იყო ევროკომისიის შეფასებებთან. ამჟამად კოალიციას შემოუერთდა კიდევ ოთხი ორგანიზაცია (GYLA, ISFED, SJC, IDFI).  „ევროკომისიის მიერ განსაზღვრული 9 ნაბიჯი მრავალგანზომილებიანია და მათი შესრულება კომპლექსურ მიდგომებს მოითხოვს. წარმოდგენილი ხედვის საფუძველზე, არაფორმალური კოალიცია ამ პროცესის მონიტორინგს გააგრძელებს“.  9 ნაბიჯის შესრულების ხედვა წყარო: csf.ge

საქართველოს ახალგაზრდა იურისტთა ასოციაციამ ქალაქ ბათუმსა და თელავში საზოგადოების ორგანიზაციებთან და აქტივისტებთან მორიგი შეხვედრა გამართა.  როგორც საია აღნიშნავს, შეხვედრებზე გამოიკვეთა, რომ სამოქალაქო საზოგადოების ორგანიზაციები და აქტივისტები ხშირად, მათი საქმინობის გამო, დევნისა და სახელისუფლებო პროპაგანდის სამიზნეები არიან. საია საქართველოში ნიდერლანდების საელჩოს მხარდაჭერით, მუშაობს პროექტზე - „სამოქალაქო საზოგადოების როლის დაცვა და გაძლიერება საქართველოში“. პროექტის ფარგლებში, იქმნება ქსელი, სადაც საია და სამოქალაქო ორგანიზაციები ერთობლივად იმუშავებენ დეზინფორმაციასთან გამკლავებასა და მათი საქმიანობის შესახებ, პოზიტიური ნარატივის გავრცელებაზე.  ასევე, საჭიროების შემთხვევაში, საია სამართლებრივად დაიცავს სამოქალაქო აქტივისტების უფლებებს.  სრულად... წყარო: საქართველოს ახალგაზრდა იურისტთა ასოციაცია

იმერეთი.ადგილობრივი დემოკრატიის სააგენტო საქართველომ ტყიბულის მუნიციპალიტეტის სამოქალაქო საზოგადოებრივი ორგანიზაციების წარმომადგენლებთან და აქტიურ მოქალაქეებთან საკონსულტაციო შეხვედრა გამართა. შეხვედრის მიზანი გახლდათ ტყიბულში მოქმედი სამოქალაქო საზოგადოების ორგანიზაციების საჭიროებების კვლევა და გამოცხადებული საგრანტო კონკურსების შესახებ ინფორმაციის მიწოდება. შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ადგილობრივი დემოკრატიის სააგენტო საქართველო

ქვემო ქართლი.დმანისის მუნიციპალიტეტმა, „ჩაერთე მართვის“ კლუბის ინიციატივით, დაიწყო მიუსაფარი ცხოველების მართვის პოლიტიკის შემუშავება. ამ მიზნით, 21 თებერვალს, გაიმართა საჯარო კონსულტაცია დაინტერესებულ მოქალაქეებთან და სამოქალაქო სექტორის წარმომადგენლებთან. შეხვედრა წარიმართა, მოქალაქეთა მონაწილეობის ინოვაციური ინსტრუმენტის გამოყენებით, რომელიც მოიცავდა მოქალაქეების სწავლების ფაზას, რეკომენდაციებზე მუშაობის და ხმის მიცემის ფაზას. შეხვედრა დმანისის მუნიციპალიტეტის საკრებულოს თავმჯდომარემ პაატა ყულიაშვილმა და USAID-ის ადგილობრივი თვითმმართველობის პროგრამის ხელმძღვანელმა კევინ მაკლოკლინმა გახსნეს. მათ ისაუბრეს რამდენად მნიშვნელოვანია აღნიშნული პრობლემის მოგვარებაში მოქალაქეთა მონაწილეობა და აქტიურობა. სფეროს ექსპერტებმა, კონსულტაციებში მონაწილეებს გააცნეს თუ რა გზებით არის შესაძლებელი მიუსაფარი ცხოველების პრობლემებზე მუშაობა. ზვიად ასანიშვილმა, ცხოველთა მონიტორინგის სააგენტოს დირექტორის მოადგილემ, მონაწილეებს გააცნო თბილისის გამოცდილება და ის პრაქტიკა, რასაც თბილისის მუნიციპალიტეტი ახორციელებს. ანა მეცხვარიშვილმა - ორგანიზაცია Mayhew Georgia-ს წარმომადგენელმა ისაუბრა ორგანიზაციის გამოცდილებაზე და იმ სტანდარტებზე, მიდგომებზე რაც მნიშვნელოვანია ცხოველთა პოპულაციის მართვის და კეთილდღეობისთვის. ხოლო ლუსინე დოსტიბეგიანმა, თეთრიწყაროს ახალგაზრდული ცენტრის ხელმძღვანელმა, მონაწილეებს გაუზიარა თეთრიწყაროს მუნიციპალიტეტის გამოცდილება. რეკომენდაციების შემუშავების ეტაპზე, მოქალაქეებმა მცირე ჯგუფებში იმუშავებს ექსპერტებთან ერთად და ჯამში 31 რეკომენდაცია შეიმუშავეს. შეხვედრის ბოლო ეტაპზე კენჭისყრის საშუალებით მოქალაქეებმა სამი პრიორიტეტული მიმართულება გამოკვეთეს: მიუსაფარი ცხოველების კასტრაცია და სტერილიზაცია;  საზოგადოების ცნობიერების ამაღლების კამპანია;  მუნიციპალიტეტის მიერ მიუსაფარი ცხოველების სტრატეგიის და საბიუჯეტო პროგრამის შემუშავება. აღნიშნულ რეკომენდაციებს დაეფუძნება დმანისის მუნიციპალიტეტის მიუსაფარი ცხოველების მართვის პოლიტიკა. როგორც უკვე აღვნიშნეთ, აქტიურად იყვნენ ჩართულნი საკონსულტაციო შეხვედრაში ადგილობრივი მაცხოვრებლები. მათი ინტერესი საკმაოდ მაღალი იყო, ამას მოწმობს კონსულტაციის უკუკავშირიც. მაგალითად, „შეხვედრა იყო სახალისო, ინფორმაციული და არაჩვეულებრივი“; „შეხვედრა იყო ძალიან გუნდური და მიზანმიმართული“; „შეხვედრა იყო მეგობრული და შედეგზე ორიენტირებული“; „დავინახე შედეგის მომტანი საქმიანობა“. ღონისძიება გაიმართა დმანისის მუნიციპალიტეტის,  სამოქალაქო საზოგადოების ინსტიტუტის (CSI), დმანისის „ჩაერთე მართვის“ კლუბის ინიციატივით, USAID–ის ადგილობრივი თვითმმართველობის პროგრამის მხარდაჭერით.

თბილისი. საქართველოს ჟურნალისტური ეთიკის ქარტია პარლამენტის თავმჯდომარის კომენტარს გამოეხმაურა.  ქარტიას მიაჩნია, რომ „საქართველოს პარლამენტის თავმჯდომარე შალვა პაპუაშვილი დღეს თავისი კომენტარით ევროკავშირის პრიზზე, მისი ჟიურის წევრებსა და ნომინანტებზე გასცდა ამ თანამდებობისთვის დემოკრატიულ ქვეყანაში განსაზღვრულ მანდატს.  მან ცენზორის როლი მოირგო და თავს დაესხა მათ, ვინც ამ ჟურნალისტური კონკურსის ფარგლებში ჟიურისგან, რომელიც პროფესიული თემის გამორჩეული წარმომადგენლებისგან შედგება, მაღალი შეფასება დაიმსახურეს“ .  ქარტიას მიაჩნია, რომ „დამოუკიდებელი ჟურნალისტური კონკურსები ძალზე მნიშვნელოვანია ჩვენს ქვეყანაში ჟურნალისტიკის განვითარებისთვის...  ხელისუფლების მაღალი რანგის წარმომადგენლები უნდა აცნობიერებდნენ იმას, თუ რა შედეგები შეიძლება მოჰყვეს ჟურნალისტების უსაფრთხოებისთვის მათ საჯაროდ გამოთქმულ, დაუსაბუთებელ ბრალდებებს ჟურნალისტების მიმართ, და შესაბამისი პასუხისმგებლობით იმოქმედონ.“ - ნათქვამია ორგანიზაციის განცხადებაში  სრულად... წყარო: საქართველოს ჟურნალისტური ეთიკის ქარტია

სამეგრელო. ასოციაცია „ათინათში“ ზუგდიდის ახალგაზრდულ ცენტრში ჩატარდა ტრენინგი: „სოციალური მედია და თვითბრენდინგი“.  ღონისძიება ჩატარდა USAID პროგრამა "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს.  სრულად... წყარო: ზუგდიდის ახალგაზრდული ცენტრი

თბილისი. უფლებები საქართველო ინფოგრაფიკას აქვეყნებს – თუ როგორ უნდა გამოვითხოვოთ ადმინისტრაციული ორგანოში დაცული საჯარო ინფორმაცია.  ინფოგრაფიკის მომზადება შესაძლებელი გახდა პროექტის - „ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში“ - ფარგლებში, რომელსაც „უფლებები საქართველო“, „ლელიანის ზრდასრულთა განათლების ცენტრთან“ და „ახალსოფლის ახალგაზრდულ ცენტრთან“ პარტნიორობით, და „ომისა და მშვიდობის გაშუქების ინსტიტუტის“ (IWPR) მხარდაჭერით ახორციელებს.  სრულად... წყარო: უფლებები საქართველო

თბილისი. საია ეხმიანება ბაღდათის, ხულოსა და ქედის მუნიციპალიტეტებში განვითარებულ სტიქიურ მოვლენებს, რომლებმაც 11 ადამიანის სიცოცხლე შეიწირა.  „მოვუწოდებთ საქართველოს პროკურატურას დააფიქსიროს პოზიცია მიმდინარე მოვლენებზე, კერძოდ, აიდენტიფიცირებს თუ არა შესაძლო დანაშაულის ნიშნებს. ბუნებრივ კატასტროფებთან დაკავშირებით გამოძიების წარმოება არსებითია უპირველესად სწორედ ფაქტების დადგენის მიზნით.“ - ნათქვამია განცხადებაში  სრულად... წყარო: საქართველოს ახალგაზრდა იურისტთა ასოციაცია

თბილისი. სამოქალაქო საზოგადოების ორგანიზაციებმა საქართველოში სოციალური და ეკონომიკური უფლებების რეალიზების შესახებ გაეროში ერთობლივი ანგარიში წარადგინეს.  ანგარიში, რომელიც ორგანიზაციებმა - სოციალური სამართლიანობის ცენტრი, პარტნიორობა ადამიანის უფლებებისთვის, საქართველოს ახალგაზრდა იურისტთა ასოციაცია და ქალთა ინიციატივების მხარდამჭერი ჯგუფი - მოამზადეს, სხვადასხვა მოწყვლადი ჯგუფის სოციალურ-ეკონომიკური უფლებების რეალიზაციაზე კონცენტრირდება.  საქართველოს მიერ წარდგენილი ანგარიშის პირველადი განხილვა გაეროს კომიტეტის წინასასესიო სამუშაო ჯგუფის შეხვედრაზე, მიმდინარე წლის 4-6 მარტს შედგება. ერთობლივი ანგარიშის მომზადებაში ჩართული ორგანიზაციები მონაწილეობას მიიღებენ ანგარიშის განხილვაში და საზოგადოებას პერიოდულად მიაწვდიან ინფორმაციას.  სრულად...  წყარო: სოციალური სამართლიანობის ცენტრი

თბილისი.საერთაშორისო გამჭვირვალობა-საქართველო კორუფციის რუკას აქვეყნებს.  დოკუმენტში თავმოყრილია ის ტენდერი და გამარტვებული შესყიდვა, რომლებსაც “საერთაშორისო გამჭვირვალობა - საქართველო” იკვლევდა სხვადასხვა დროს და შესაბამის სახელმწიფო სტრუქტურებს ოფიციალურად მიმართავდა რეაგირებისთვის იმ სავარაუდო კორუფციის ფაქტებზე, რომლებიც ამ შესყიდვებში იკვეთებოდა. სრულად... წყარო: საერთაშორისო გამჭვირვალობა-საქართველო