თბილისი. თბილისის საქალაქო სასამართლომ სრულად დააკმაყოფილა „ინფორმაციის თავისუფლების განვითარების ინსტიტუტის“ სასარჩელო მოთხოვნა „მედიააკადემიის“ წინააღმდეგ დავაში და მოპასუხე მხარეს საჯარო ინფორმაციის გაცემა დაავალა. „სასამართლო დავის აღნიშნული გადაწყვეტა მეტად მნიშვნელოვანია პრაქტიკის პოზიტიურად განვითარების თვალსაზრისით, რადგან ეს გახლავთ მკაფიო გზავნილი საჯარო დაწესებულებების მიმართ, რომ საკუთარ უფლებამოსილებათა კერძო სამართლის იურიდიულ პირებზე დელეგირების გზით ისინი ვერ აირიდებენ საზოგადოების წინაშე პასუხისმგებლობასა და საჯარო ინფორმაციის გაცემის ვალდებულებას“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. 25 თებერვალს, IDFI-ს და საქართველოს პარლამენტის ეროვნული ბიბლიოთეკის ორგანიზებითა, ბიბლიოთეკის მესამე კორპუსის მარო მაყაშვილის სახელობის ბაღში ოკუპაციის 100 წლისთავისადმი მიძღვნილი გამოფენა გაიხსნა. „საგამოფენო ნამუშევრები შეგიძლიათ იხილოთ ონლაინ,1 მარტიდან კი დაათვალიეროთ ეროვნული ბიბლიოთეკის მეორე კორპუსში, 26 მაისის სახელობის დარბაზში. გამოფენის მიზანია, თავისუფლებისთვის მებრძოლი ადამიანებისა და ეროვნული სულისკვეთების წარმოჩენა, ქვეყნის დამოუკიდებლობის იდეისათვის მსხვერპლად შეწირული ადამიანებისათვის პატივის მიგება“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი...

თბილისი. შეამოწმეთ თქვენი ცოდნა და გაიგეთ, რა იცით საბჭოთა ოკუპაციის შესახებ. ტესტი შედგენილია რადიო თავისუფლების, პირველი რესპუბლიკის ბლოგისა და მითების დეტექტორის მასალების მიხედვით. სრულად... წყარო: millab.ge

ქვემო ქართლი. 16 თებერვალს ადამიანის უფლებებისა და სწავლების მონიტორინგის ცენტრის (EMC) თანამშრომლები ქვემო ქართლში, მარნეულის მუნიციპალიტეტის სოფელ ახალ დიოკნისსა და დაშთაფაში იმყოფებოდნენ მოსახლეობის პრობლემებისა და ადგილზე არსებული სიტუაციის შესასწავლად. „როგორც ახალ დიოკნისში, ასევე დაშთაფაში მოსახლეობას აწუხებს შიდა გზების მოუწესრიგებლობის პრობლემა. ახალ დიოკნისში ერთადერთი მოასფალტებული გზა მხოლოდ ახლად აშენებულ სკოლამდე მიდის, დანარჩენ შემთხვევებში სოფლის გზა მოუწესრიგებელია, რაც ზამთარში გადაადგილების პრობლემას ქმნის. ამ სოფლებში ათწლეულებია არ ჩატარებულა სანიაღვრე არხების მომწესრიგებელი სამუშაოებიც და ასევე არ არის საბავშვო ბაღებიც, რაც ურთულებს შვილებზე სათანადო ზრუნვას მცირეწლოვანი ბავშვების მშობლებს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. კოალიცია დამოუკიდებელი ცხოვრებისთვის გვთავაზობს, თვალი გადავავლოთ ტერმინების ჩამონათვალს, რათა თავიდან ავირიდოთ უხერხული სიტუაციები. ნუ გამოვიყენებთ ისეთ სიტყვებს, როგორიცაა ინვალიდი, ეტლს მიჯაჭვული, ხეიბარი, ბრმა, ყრუ-მუნჯი, უნარშეზღუდული, გონებრივად ჩამორჩენილი... სრულად... წყარო: კოალიციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) შეისწავლა საქართველოს საჯარო სექტორის მიერ ხელოვნური ინტელექტის გამოყენების პრაქტიკა და კანონმდებლობა.  ორგანიზაციის კვლევამ აჩვენა, რომ ხელოვნური ინტელექტის სისტემების დანერგვა საქართველოს საჯარო სექტორში განვითარების საწყის ეტაპზეა. ასევე, არ არსებობს ამგვარი სისტემების მარეგულირებელი ნორმატიული აქტები და ეთიკური ნორმების განმსაზღვრელი დოკუმენტები. სრულად... წყარო: idfi.ge

თბილისი. საქართველოს წითელი ჯვრის საზოგადოების ინფორმაციით, 1921 წლის 19 თებერვალს, კოჯრის მისადგომებთან რუსეთის მე-11 არმიის წინააღმდეგ ბრძოლაში გმირულად დაიღუპა მარო მაყაშვილი. 19 წლის სტუდენტი ფრონტზე, წითელ ჯვარში მოხალისედ წავიდა და მოწყალების დად ჩაეწერა. სრულად... წყარო: ორგანიზაციის გვერდი სოციალურ ქსელში

თბილისი. კავკასიის გარემოსდაცვითი არასამთავრობო ორგანიზაციების ქსელი (CENN) ინფორმაციით, მსოფლიოში წარმოებული საკვების მესამედი ნაგავსაყრელზე ხვდება და მომხმარებლამდე ვერც კი აღწევს. ეს პრობლემა საქართველოსთვისაც აქტუალურია. „საკვებად ვარგისი პროდუქტის ნაგავსაყრელზე მოხვედრის ბევრი მიზეზი არსებობს: არასწორი ეტიკეტირება, შეფუთვის უმნიშვნელო დაზიანება, ჭარბი მომარაგება, დიდი ულუფებით მიწოდება, ცუდად დაცული ჰიგიენა თუ შენახვის პირობები. მომხმარებლის ნდობის შენარჩუნების მიზნითა და ხარისხთან დაკავშირებული უკმაყოფილების თავიდან ასაცილებლად, სუპერმარკეტის თაროებიდან პროდუქცია ვადის ამოწურვამდე ორი კვირით ადრე იცვლება და ნაგავსაყრელზე ხვდება. ერთ-ერთი საუკეთესო გამოსავალი არის საკვების გაჩუქება, რაც კარგად აპრობირებული სისტემაა განვითარებულ ქვეყნებში. თუმცა საგადასახადო რეგულაციების გამო, საქართველოში ეს სისტემა ჯერ არ მუშაობს, რადგან გაჩუქებული პროდუქცია დამატებით მოგებისა (15%) და დღგ-ის (18%) გადასახადით იბეგრება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) გთავაზობთ თარგმანს კრებულიდან „სოციალური კვლავწარმოება, ქალთა შრომა და შინშრომა“. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია და ადამიანის უფლებების სწავლებისა და მოიტორინგის ცენტრი (EMC) ნიკა მელიას მიმართ საპატიმრო ღონისძიების შეფარდებას კრიტიკულად აფასებენ. ორგანიზაციები მიიჩნევენ, რომ ეს გადაწყვეტილება აჩვენებს შერჩევითი, პოლიტიკურად ნაკარნახევი მართლმსაჯულების ნიშნებს.  საია და EMC მოუწოდებენ პოლიტიკურ ლიდერებს, დაიწყონ კონსტრუქციული ნაბიჯების გადადგმა ქვეყნის პოლიტიკური კრიზისიდან გამოსაყვანად და თავიდან აიცილონ საზოგადოების პოლარიზაცია, ვითარების კიდევ უფრო რადიკალიზება და ძალადობრივ რეჟიმში გადაყვანა. სრულად... წყარო: gyla.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ინფორმაციის თავისუფლების განვითარების ინსტიტუტის (IDFI) ცნობით, 2021 წლის 11 თებერვალს სახალხო დამცველმა საქართველოს ეკონომიკისა და მდგრადი განვითარების სამინისტროს მიერ ორგანიზაციის კონსტიტუციური უფლების - საჯარო ინფორმაციის ხელმისაწვდომობის დარღვევა დაადგინა.  „2020 წლის 8 ივლისს IDFI-მ წერილობით მიმართა საქართველოს ეკონომიკისა და მდგრადი განვითარების სამინისტროს და მოითხოვა 2018-2020 წლებში მინისტრის და მინისტრის მოადგილეების მრჩევლის თანამდებობაზე დასაქმებული პირების ბიოგრაფიული მონაცემები და მათთან გაფორმებული ხელშეკრულებების ასლები. სამინისტროს 2020 წლის 16 ივლისის წერილით, დასაბუთების გარეშე, პერსონალურ მონაცემებსა და საქართველოს ზოგადი ადმინისტრაციული კოდექსის 44-ე მუხლზე მითითებით, IDFI-ის უარი ეთქვა ინფორმაციის მიწოდებაზე“. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრის (EMC) ინფორმაციით, კულტურის სამინისტროს კვლევითი ცენტრის დასკვნით, ბათუმის ბულვარში, რომელსაც კულტურული მემკვიდრეობის ძეგლის სტატუსი აქვს, 16 სართულიანი სასტუმროს აშენება დაუშვებელია. „ცხადი გახადა, რომ ბათუმის ისტორიულ ნაწილში განხორცილებული მსგავსი უხეში ჩარევებით ქალაქის თვითმყოფადობას სრული გაქრობის საფრთხე შეექმნა;”... ”თუმცა, აქამდე გადადგმული უპასუხისმგებლო ქმედებების გამო არ უნდა დავუშვათ ბულვარის, ქალაქის და საზოგადოების დაზარალება“.  სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია გიზიარებთ ინფორმაციას: ვის შეუძლია სახელმწიფოს მიერ პანდემიის შედეგად მიყენებული ზიანის შემსუბუქების მიზნით 200 ლარიანი კომპენსაციის მიღება. სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური პოლიტიკისა და კვლევის ცენტრი (EPRC) დევიდ კრამერის ახალ პუბლიკაციას: ბაიდენის ადმინისტრაცია: საგარეო და საშინაო სირთულეების წინაშე“. „სირთულე მართლაც მრავლადაა. კორონავირუსის პანდემიის სტატისტიკა კვლავაც შემაშფოთებელია: ინფიცირების შემთხვევებმა 25 მილიონს მიაღწია, დაღუპულთა რიცხვი კი თებერვლის ბოლოს 500000-ს გაუტოლდება. უმძიმესი დარტყმა მიიღო ეკონომიკამ, რომელიც დანაკარგს ვერ აღიდგენს, სანამ ვირუსის გავრცელება კონტროლს არ დაექვემდებარება. ამ ყველაფერს უთანასწორობა, რასობრივი დაძაბულობა, ექსტრემიზმი და პოლარიზაცია ემატება. მიუხედავად პოლიტიკური კრიზისისა, საქართველოს მხარდაჭერა ბაიდენის ადმინისტრაციის სამოქმედო გეგმის ევროპული პოლიტიკის პრიორიტეტებს შორის უნდა იყოს. საქართველოსა და შეერთებულ შტატებს შორის ხანგრძლივი მჭიდრო ურთიერთობა, საქართველოს მოსახლეობის ძლიერი პრო-ამერიკული განწყობა და ევრო-ატლანტიკური ინტეგრაციის უცვლელი ნება ასეთი მხარდაჭერისთვის საკმარისი მიზეზებია“, ნათქვამია პუბლიკაციაში. სრულად... წყარო: ორგანიზაციის გვერდი სოციალურ ქსელში

თბილისი. ევროპის საბჭოსა და მთავრობის ადმინისტრაციის მიერ „მე ვირჩევ თანასწორობას” კამპანიის ფარგლებში ჩატარდა თანასწორობის რეპორტიორის კონკურსი. ლალე სოფიევა კონკურსის ერთერთი გამარჯვებულია და ის, ესეში, თავისი დიდი ბებიის ფარი-ხანუმ სოფიევას შესახებ გვიყვება. „მინდა, გაგაცნოთ ფარი-ხანუმ სოფიევა, დემოკრატიული გზით არჩეული პირველი მუსლიმი ქალი მსოფლიოში, რომელმაც თავისი სამაგალითო და დღემდე საიდუმლოებით მოცული ისტორიებით მსოფლიო გააოცა და ასი წლის შემდეგაც მისი საქმიანობა მისაბაძია. ფარი-ხანუმ სოფიევა არის ჩემი დიდი ბებია. დაიბადა 1884 წელს, გარდაბნის მუნიციპალიტეტის სოფელ ყარაჯალაში“... სრულად... წყარო: www.coe.int

თბილისი. ინფორმაციის თავისუფლების განვითარების ინსტიტუტმა (IDFI) მიმოიხილა ენერგეტიკის სექტორის მიმდინარე განვითარება და არსებული გამოწვევები, 2020 წლის მდგომარეობით. „IDFI-იმ 2020 წელს დაიწყო ენერგეტიკის სექტორის პერიოდული მიმოხილვა და მიმდინარე მიმოხილვაში მოცემულია 2020 წლის სრული მდგომარეობა, გენერაციისა და მოხმარების დინამიკა, ელ. ენერგიით ვაჭრობის ტენდენციები, ელექტროენერგიის საცალო და საბითუმო ფასები და სექტორში დაგეგმილი და მიმდინარე სიახლეები. ასევე, გენერაციის, მოხმარების და დეფიციტის მოსალოდნელი პროგნოზები მომდევნო წლებში“. სრულად... წყარო: idfi.ge

თბილისი. IDFI–ის ცნობით, ადამიანის უფლებათა ევროპულმა სასამართლომ 2021 წლის 21 იანვრის მნიშვნელოვანი გადაწყვეტილებით კიდევ ერთხელ დაადასტურა, რომ ჟურნალისტური საქმიანობის განხორციელებისას საჯარო ინტერესის შემცველ ინფორმაციაზე ხელმისაწვდომობის შეზღუდვა გამოხატვის თავისუფლებას არღვევს. „საქმე შეეხებოდა უკრაინის ყოფილი პრეზიდენტის - ვიქტორ იანუკოვიჩის მიერ სახელმწიფო ქონების შეძენასთან დაკავშირებული ინფორმაციის უკრაინელი ჟურნალისტისათვის გაცემას. დავის საგანს ასევე წარმოადგენდა საკონსტიტუციო სასამართლოს უარი, განმცხადებლისათვის მიეწოდებინა პარლამენტის წევრთა საკონსტიტუციო სარჩელის ასლი, რომლითაც 2012 წელს უკრაინაში მიღებული ენის პოლიტიკის შესახებ კანონი გასაჩივრდა. სასამართლოს უნდა ემსჯელა განმცხადებლისთვის ინფორმაციის მიწოდებაზე საჯარო ორგანოების უარი წარმოადგენდა თუ არა გამოხატვის თავისუფლებაში არამართლზომიერ ჩარევას. სასამართლომ ერთხმად დაადგინა გამოხატვის თავისუფლების დარღვევა. საქმეზე ორი ურთიერთსაწინააღმდეგო ინტერესის - პერსონალური ინფორმაციის დაცვასა და საჯარო ინფორმაციის ხელმისაწვდომობას შორის სამართლიანი ბალანსი ამ უკანასკნელის სასარგებლოდ დადგინდა“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ვიდეოს: გლეხები მარნეულიდან - უფლება და საჭიროება მიწაზე. „სოფელი მეორე ქესალო მარნეულის მუნიციპალიტეტში, წითელი ხიდის საზღვართან მდებარეობს. მოსახლეობა უკვე რამდენიმე წელია ითხოვს სასოფლო-სამეურნეო მიწების სარგებლობაში გადმოცემას. მიწა ადგილობრივი გლეხებისთვის არსებობისა და თვითგადარჩენის საბაზისო რესურსია. სამწუხაროდ, ადგილობრივი გლეხებისთვის მიწით სარგებლობის პროცესს ამ რეგიონში მიწების გადანაწილების უსამართლო პრაქტიკა, მიწის დაუსრულებელი რეფორმა და ასევე, ადგილობრივი ეპარქიის გავლენები აფერხებს“, ნათქვამია ორგანიზაციის ვებგვერდზე. წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება პარლამენტში ნარკოტიკული საშუალებების ოდენობების განსაზღვრის თაობაზე ინიცირებული კანონპროექტის განხილვას. ორგანიზაცია მოუწოდებს მმართველი პოლიტიკური გუნდის წარმომადგენლებს, შეწყვიტონ საზოგადოების შეცდომაში შემყვანი რიტორიკა იმის თაობაზე, რომ წლების განმავლობაში სახელმწიფოს უმოქმედობა ჰუმანური ნარკოპოლიტიკის დანერგვის მიმართულებით, თითქოს სამოქალაქო ორგანიზაციების, აქტივისტებისა და ექსპერტების ბრალია. „კანონპროექტის შემოთავაზებული რედაქცია აუმჯობესებს დღეს არსებულ საკანონმდებლო წესრიგს, თუმცა მისი შინაარსი სრულად ვერ ეხმიანება ჰუმანური, ადამიანის უფლებებზე მორგებული ნარკოპოლიტიკის პრინციპებს. ამის მიზეზი კი ისევ ქართული ნარკოპოლიტიკის დასჯაზე ორიენტირებულობა და რეპრესიულობაა“. სრულად... წყარო: emc.org.ge

გურია. ადამიანის უფლებების სწავლებისა და მონიტორინგის ცენტრი (EMC) ბუკნარში მიმდინარე მოვლენებზე ვრცელ მიმოხილვას გთავაზობთ.  წყარო: emc.org.ge