თბილისი. ინფორმაციის თავისუფლების განვითარების ინსტიტუტი აქვეყნებს პოლიტიკის დოკუმენტს - „ფარული ბენეფიციარები გამოგონილი ფიგურების მიღმა“.  „ბენეფიციარი მესაკუთრეების საკითხი წარმოადგენს ერთ-ერთ ყველაზე საკამათო და აქტუალურ თემას მსოფლიოში. მთავრობები, ისევე როგორც საერთაშორისო და სამოქალაქო საზოგადოების წარმომადგენლები, ცდილობენ შეიმუშაონ ახალი რეგულაციები ბენეფიციარ მესაკუთრეებთან დაკავშირებული პრობლემების აღმოსაფხვრელად“, - აღნიშნულია დოკუმენტში, - „მიუხედავად იმისა, რომ საქართველო გახდა ღია მმართველობის პარტნიორობის (OGP) წევრი ქვეყანა, მთავრობამ უგულებელყო არასამთავრობო ორგანიზაციების, მათ შორის ინფორმაციის თავისუფლების განვითარების ინსტიტუტის (IDFI) რეკომენდაციები ბენეფიციარი მესაკუთრეების რეესტრის შექმნის შესახებ. აღსანიშნავია, რომ 2016 წელს ლონდონში ანტიკორუფციული სამიტის დროს საქართველოს მთავრობამ აიღო ბენეფიციარი მესაკუთრეების რეესტრის შექმნის ვალდებულება, თუმცა ეს ვალდებულება ამ დრომდე განხორციელებული არ არის. დამატებით, ანტიკორუფციულ სამიტზე საქართველომ აიღო შემდეგი ვალდებულებები: სამართალდამცავი ორგანოებისათვის ინფორმაციის მიწოდება ოფშორული კომპანიების ბენეფიციარი მფლობელების შესახებ; ასეთი ინფორმაციის გაცვლის მიზნით ორმხრივი ხელშეკრულებების გაფორმება პარტნიორ ქვეყნებთან; აუცილებელი ზომების გატარება სახელმწიფო შესყიდვებში მონაწილე კომპანიების საკუთრების გამჭვირვალობის უზრუნველსაყოფად; საჯარო და კერძო სექტორს შორის თანამშრომლობის გაღრმავება უკანონო შემოსავლის ლეგალიზაციის აღმოჩენისა და პრევენციის მიზნით“.  სრულად...   წყარო: ორგანიზაციის ვებგვერდი

თბილისი. ღია საზოგადოების ფონდი, ავრცელებს განცხადებას, 2021 წლის სტრატეგიული ცვლილებებისა და საპროექტო განაცხადების მიღების შესახებ.  „პანდემიის შედეგები განსხვავებული სიმძიმით აისახება საზოგადოების სხვადასხვა ჯგუფებსა და სფეროებზე. არსებული ვითარებიდან გამომდინარე, ხელახალ გააზრებას საჭიროებს ფონდის სტრატეგია, პრიორიტეტული მიმართულებები და მიდგომები. კერძოდ, თუ რა როლი შეიძლება ჰქონდეს ფონდს სამოქალაქო საზოგადოების მხარდაჭერისა და ღია საზოგადოების მშენებლობის ხელშეწყობაში პანდემიის პირობებში, როცა ადამიანის უფლებების დაცვასა და ჯანმრთელობას შორის ბალანსი მნიშვნელოვან გამოწვევად იქცა. ღია საზოგადოების ფონდის 2021 წლის განახლებული თემები და ძირითადი მიმართულებები გამოქვეყნდება 22 თებერვლის შემდგომ. შესაბამისად, პროექტების მიღება და გრანტის მაძიებლებთან კონსულტაციები ამავე პერიოდიდან განახლდება. შინაარსობრივი ცვლილებების გარდა, მარტის თვიდან გრანტის მაძიებლებს ონლაინ განაცხადის გაუმჯობესებულ სისტემას შევთავაზებთ“, - ვკითხულობთ განცხადებაში.  სრულად...   წყარო: ორგანიზაციის ვებგვერდი

თბილისი. 27 იანვარს ჰოლოკოსტის ხსენების საერთაშორისო დღეა. ამ დღის აღნიშვნის მიზანი ჰოლოკოსტის მსხვერპლთა გახსენება, ანტისემიტიზმის საფრთხეზე დაფიქრება და ტოლერანტობის მნიშვნელობის კიდევ ერთხელ გააზრებაა. 2021 წლის 27 იანვარს საქართველოს სახალხო დამცველის, სახალხო დამცველთან არსებული ტოლერანტობის ცენტრის, ევროპის საბჭოს ოფისის და აშშ-ს საერთაშორისო განვითარების სააგენტოს (USAID) ორგანიზებით ონლაინ გაიმართა შეხვედრა, რომელზეც ჰოლოკოსტის ისტორიული გზა და მისი შედეგები განიხილეს, ანტისემიტიზმის თითოეული გამოვლინების დაგმობის შესაძლებლობებზე ისაუბრეს, ქართველი და ებრაელი ხალხების თანაცხოვრების საინტერესო და მნიშვნელოვანი ფაქტები გაიხსენეს. სრულად...  წყარო: ორგანიზაციის ვებგვერდი

თბილისი. საქართველოს დემოკრატიული ინიციატივის (GDI) გამგეობამ ორგანიზაციის თავმჯდომარედ ედუარდ მარიკაშვილი აირჩია.  ედუარდ მარიკაშვილი 2014 წლიდან GDI-ის იურისტი, ხოლო 2017 წლიდან სტრატეგიული სამართალწარმოების პროგრამის დირექტორი იყო.  სრულად...  წყარო: ორგანიზაციის ვებგვერდი

აღმოსავლეთ პარტნიორობის სამოქალაქო საზოგადოების ინიციატივა იწვევს სამოქალაქო საზოგადოების ორგანიზაციებს სომხეთიდან, აზერბაიჯანიდან, საქართველოდან, ბელარუსიიდან, მოლდოვადან და უკრაინიდან, 25 და 26 იანვარს, პიროვნებაზე ორიენტირებული დიზაინის თემაზე ვორქშოფში მონაწილეობის მისაღებად. ვორქშოფი ჩატარდება მხოლოდ ინგლისურ ენაზე. მასში მონაწილეობის მისაღებად დარეგისტრირდით აქ სრულად...  წყარო: გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი გვთაზობს სტატიას, რომელიც აჭარასთან დაკავშირებულ მნიშვნელოვან საკითხებს ეხება.  „აჭარის კონტექსტის გასაგებად ისტორიის მიმოხილვისას ყურადღება უნდა მივაქციოთ იმასაც, რომ ცალკეული ისტორიული მოვლენები დიდი ხნით იყო დავიწყებული და მისი ისტორიის და მეხსიერების რუკაზე მარკირება დღეს მიმდინარეობს. მაგალითად, თუ აჭარის შემოერთების თარიღი (1878 წელი) არ დაკარგულა ქართულ ისტორიოგრაფიაში (მისი ასი წლისთავიც აღინიშნა 1978 წელს), პოლიტიკური მიზეზების გამო, დიდი ხნით იყო დავიწყებული „სამუსლიმანო საქართველოს განმათავისუფლებელი კომიტეტის“ შესახებ ცოდნა. თუ როგორ ხდება კონკრეტულ დროში იმ ეპოქის სოციალური ჩარჩოდან ისტორიის გახსენება, ამის კარგი მაგალითია მემედ აბაშიძის ისტორია“, - ვკითხულობთ სტატიაში.  ფოტო: ნათელა გრიგალაშვილი  სრულად  წყარო: ორგანიზაციის ვებგვერდი

თბილისი. საერთაშორისო პრაქტიკის უკეთ გაცნობის მიზნით, ინფორმაციის თავისუფლების განვითარების ინსტიტუტის (IDFI) მეხსიერებისა და დეზინფორმაციის კვლევების მიმართულების ხელმძღვანელი, ანტონ ვაჭარაძე ესაუბრა ირინა ფლიგეს - უფლებათდამცველსა და მკვლევარს, რომელიც 1980-იანი წლებიდან სწავლობს საბჭოთა ეპოქაში რეპრესირებული ადამიანების მასობრივ სამარხებს. „ანტონ ვაჭარაძემ ირინა ფლიგეს დაუსვა კითხვები ნეშტების იდენტიფიცირების და ამ პროცესში თანამედროვე ტექნოლოგიის გამოყენების, დახვრეტის სპეციფიკისა და სამარხების მოწყობის, სხვადასხვა კონფესიის წარმომადგენლების საერთო პანთეონში დაკრძალვის, რელიგიური და საზოგადოებრივი საკითხების და წარმოქმნილი დილემების შესახებ. ყველა ამ საკითხის ირგვლივ ირინა ფლიგემ IDFI-ს საერთაშორისო პრაქტიკა, საკუთარი ცოდნა და გამოცდილება გაუზიარა, რაც უთუოდ წაადგება ბათუმში რეპრესირებულთა სამარხზე მომუშავე კომისიას და ამ საკითხის რეგულირების პროცესში ჩართულ და დაინტერესებულ პირებს“, - მიიჩნევენ IDFI-ში. სრულად...  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება სოფელ ბუკნარში მომხდარ რელიგიურ დაპირისპირებას და სახელმწიფოს კონფლიქტის დეესკალაციისკენ და ადამიანის უფლებების განუხრელი დაცვისკენ მიმართული ქმედითი ნაბიჯების გადაგმისკენ მოუწოდებს. „აღნიშნული კონფლიქტების ანალიზი აჩვენებს, რომ არც ერთ შემთხვევაზე სახელმწიფოს სათანადო სამართლებრივი რეაგირება არ მოუხდენია, რაც მთლიანობაში დაუსჯელობის წახალისებას და ნორმალიზებას იწვევდა. უფრო მეტიც, ზოგიერთ შემთხვევაში თავად პოლიცია უშუალოდ მონაწილეობდა ადგილობრივი მუსლიმი თემების წინააღმდეგ ორგანიზებულ მასშტაბურ ძალადობრივ ღონისძიებებში“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს პოლიტიკის ინსტიტუტი (GIP) აქვეყნებს ნინო სამხარაძის პოლიტიკის მემორანდუმს: ვინ უჭერს მხარს ნაციონალისტურ პოპულიზმს საქართველოში? პარალელები დასავლურ გამოცდილებასთან. „2020 წლის წინასაარჩევნო კამპანიის ფარგლებში, სხვადასხვა პოლიტიკური ძალები პერიოდულად მიმართავდნენ მხარდამჭერების შეკრებას და მათი რიცხოვნობის დემონსტრირებას. ამ კონკურენციაში აქტიურად იყო ჩაბმული საქართველოს პატრიოტთა ალიანსი (სპა): წინასაარჩევნო კამპანიის ფარგლებში, მისი ლიდერები ხშირად აკეთებდნენ აქცენტს იმაზე, რომ პარტიას ყველაზე მეტი მხარდამჭერი ჰყავს, და რომ მათი უმრავლესობა ახალგაზრდები არიან. ამ ფონზე, უფრო საინტერესო ხდება, სინამდვილეში, ქართველი ამომრჩევლის რა ძირითად მახასიათებლებთან ასოცირდება მემარჯვენე პოპულისტური პარტიებისადმი მხარდაჭერა და რა პარალელების გავლება შეიძლება დასავლურ გამოცდილებასთან? ამ საკითხის გაანალიზების მიზნით, წინამდებარე მემორანდუმი განიხილავს მემარჯვენე პოპულიზმისადმი ლოიალობის განმსაზღვრელ ფაქტორებს დასავლური გამოცდილების მიხედვით. ამავდროულად, წარმოდგენილია ნაციონალისტური პოპულიზმის ქართველი მხარდამჭერების ძირითადი მახასიათებლები, რომლებიც, შეგვიძლია, გამოვკვეთოთ კავკასიის ბარომეტრის მონაცემებზე დაყრდნობით“, ნათქვამია პოლიტიკის მემორანდუმში. სრულად... წყარო: gip.ge

თბილისი. მითების დეტექტორი აქვეყნებს ბლოგპოსტს: როგორ მუშაობენ სხვადასხვა ვაქცინები და არის თუ არა რომელიმე საფრთხის შემცველი. მასალაში საუბარია დეზინფორმაციებზე, რომლებიც პფაიზერის ვაქცინას საფრთხისშემცველ, ტექნიკურ ვირუსს უწოდებს, ხოლო რუსულ (იგულისხმება Sputnik V) და ოქსფორდის (იგულისხმება AstraZeneca) ვაქცინას კი სანიმუშოდ მიიჩნევს. ცრუ ინფორმაციების თანახმად, პფაიზერის ვაქცინას დნმ-ზე, კვერცხუჯრედსა და სპერმატოზოიდზე ცვლილების მოხდენა შეუძლია, რაც ნაყოფზეც აისახება. „პფაიზერის ვაქცინის საფრთხესა და საბერძნეთში ვაქცინაციის პროცესის შეწყვიტის შესახებ გამოქვეყნებული პოსტები დეზინფორმაციას შეიცავს: 1.COVID-19 ის ყველა ვაქცინამ, რომელიც გამოიყენება, შემოწმების ყველა საჭირო ეტაპი გაიარა; 2.ევროკომისიამ და “ევროპის წამლების სააგენტომ” ევროპის მასშტაბით მოდერნას და პფაიზერის ვაქცინის გამოყენებაზე რეკომენდაცია გასცა. 3.ერთი მხრივ, პფაიზერის/მოდერნასა და მეორე მხრივ, ასტრაზენეკას/ სპუტნიკ V-ის ვაქცინების მუშაობის პრინციპი განსხვავებულია, თუმც ხელოვნურ ვირუსს არც ერთი მათგანი არ შეიცავს. 4.შეუძლებებლია ვაქცინამ, ადამიანის დნმ-ის, სპერმატოზოიდისა და კვერცხუჯრედის ცვლილება გამოიწვიოს. 5. საბერძნეთში ვაქცინაციის პროცესი არ შეუწყვიტავთ“, ნათქვამია ბლოგპოსტში. სრულად... წყარო: mythdetector.ge

თბილისი. ტოლერანტობის და მრავალფეროვნების ინსტიტუტი (TDI) ეხმიანება საქართველოს საპატრიარქოს საზოგადიებასთან ურთიერთობის სამსახურისა და ქუთაის-გაენათის ეპარქიის მიერ გაკეთებულ განცხადებებს, ეკლესიის სასულიერო პირების ანტისემიტური ქადაგებების შესახებ. „განცხადებაში აღნიშნულია, რომ დეკანოზ ილია კარკაძის 4 იანვრის ქადაგება “სრულად წარმოადგენს უსაფუძვლო ბრალდებებს ებრაელი ერის ან ცალკეული წარმომადგენლების მიმართ. არ ეფუძნება ეკლესიის სწავლებას და გამსჭვალულია ანტისემიტური პათოსით”. მიტროპოლიტი აღნიშნავს, რომ მან დეკანოზ ილია კარკაძეს შენიშვნა გამოუცხადა და რომ დეკანოზი წუხს ნათქვამი სიტყვების გამო“, - აღნიშნულია გამოხმაურებაში, - „მივესალმებით მიტროპოლიტის მიერ დეკანოზ ილია კარკაძის ანტისემიტური განცხადებების კრიტიკულად შეფასებას და მივიჩნევთ, რომ ამ საკითხთან დაკავშირებით გადადგმული პირველი სწორი ნაბიჯია. თუმცა, ამავდროულად, ვთვლით, რომ აღნიშნული რეაგირება არასაკმარისია ეკლესიაში არსებული ანტისემიტიზმისა და შეუწყნარებლობის პრობლემის დასაძლევად. სწორედ მიტროპოლიტ იოანე გამრეკელის 20 დეკემბრის ქადაგებამ დაუდო საფუძველი ანტისემიტიზმის ახალ ტალღას, რასაც შემდეგ დეკანოზ ილია კარკაძის განცხადებები მოჰყვა. ამიტომ, მნიშვნელოვანია, რომ მიტროპოლიტმა იოანემ შეაფასოს საკუთარი ქადაგების პრობლემურობაც და ბოდიში მოიხადოს ანტისემიტური შინაარსის განცხადებებისთვის“. სრულად...  წყარო: ორგანიზაციის ვებგვერდი

თბილისი. ღირსეული შრომის პლატფორმა ეხმაურება სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს სოციალური მუშაკების ტრანსპორტირების საკითხს. „როგორც ჩვენთვის ცნობილია, მეურვეობისა და მზრუნველობის ორგანოს სოციალური მუშაკები როგორც სამსახურში ისე სამსახურეობრივი მოვალეობის დროს განხორციელებულ ვიზიტებზე გადაადგილდებიან საკუთარი ხარჯით, რაც მათ არ უნაზღაურდებათ. სოციალური მუშაკებისადმი მაღალი მიმართვიანობისა და ბენეფიციარების ინტერესების დასაცავად უმეტესობა ვერ ახერხებს ჩაჯდეს ე.წ. სამორიგეო სქემაში რაც კვირაში ერთხელ გამოცხადებას გულისხმობს. მოვუწოდებთ სახელმწიფო ზრუნვისა და ტრეფიკინგის მსხვერპლთა დაზარალებულთა დახმარების სააგენტოს უზრუნველყოს სოციალური მუშაკების ტრანსპორტირება – როგორც სამსახურამდე ისე ბენეფიციარებთან ვიზიტების განხორციელების დროს“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტის თანახმად, აჭარის უმაღლესმა საბჭომ დაიწყო ღია მმართველობის 2020-2021 წლების სამოქმედო გეგმით გათვალისწინებული ვალდებულებების შესრულება. „2020 წლის 25 დეკემბერს უმაღლესმა საბჭომ დაამტკიცა ცვლილებები აჭარის უმაღლესი საბჭოს რეგლამენტში, რომლის თანახმადაც სამართლებრივი საფუძველი შეექმნა აჭარის უმაღლეს საბჭოში პეტიციის ინსტიტუტის არსებობას. კიდევ ერთი ცვლილება, რომელიც რეგლამენტში შევიდა, უმაღლესი საბჭოს კომიტეტების მიერ სამოქმედო გეგმის შემუშავებაა“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს სტრატეგიის და განვითარების ცენტრი (GCSD) გთავაზობთ, ქართულ ენაზე, პირველ თემატურ გამოცემას ძალადობრივ ექსტრემიზმთან გამკლავების შესახებ - „ძალადობრივ ექსტრემიზმთან გამკლავება: კონცეფციების, პროგრამების შექმნისა და მოწინავე პრაქტიკის შესახებ გაცნობითი ხასიათის სახელმძღვანელო“. „გამოცემა ძალადობრივი ექსტრემიზმისა და რადიკალიზაციის გამკლავების სფეროში არსებულ მრავალმხრივ და მოწინავე მიდგომებს მოიცავს. შესაბამისად, განკუთვნილია, როგორც საჯარო მოხელეთათვის, ასევე სამოქალაქო საზოგადოების, მედიისა და აკადემიის წარმომადგენლებისათვის“.  სახელმძღვანელო შეგიძლიათ იხილოთ ბმულზე... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ვიდეოს, რომლის სცენარიც დაფუძნებულია გიორგი ცინცაძის მიერ მომზადებულ კვლევით სტატიაზე „ექსტრაქტივისტული რეჟიმები და ჩამორთმევა დაგროვებით ჭიათურაში“. „ვიდეოს ვიზუალური მასალა აღებულია ესეისტურ დოკუმენტურ ფილმზე - „ჯოჯოხეთის ქვა“ მუშაობისას შეგროვებული კადრებიდან და საარქივო მასალებიდან“. სრულად... წყარო: emc.org.ge

თბილისი. კორონავირუსით გამოწვეული პანდემიის პერიოდში, როცა ზუსტი და დროული ინფორმაცია ძალიან მნიშვნელოვანია, კრემლის მიერ გავრცელებული დეზინფორმაცია ვაქცინებისადმი ნდობის შესუსტებას ცდილობს. ქვემოთ იხილეთ EU vs Disinformation-ის მიერ შეკრებილი მთავარი თემები და გაეცანით ინფოგრაფიკას თემების სრული ჩამონათვალით ბმულზე... წყარო: eu4georgia.ge

თბილისი. ადამიანის უფლებების სწავლებისა და მონიტორინგის ცენტრი (EMC) კრიტიკულად აფასებს მთავრობის მიერ არადომინანტური რელიგიური ორგანიზაციებისგან სასულიერო პირებისა და მრევლის სიების მოთხოვნას. ორგანიზაციის შეფასებით, ამ გადაწყვეტილებით, სახელმწიფო ფაქტობრივად აიძულებს ადამიანებს გაამჟღავნონ საკუთარი რელიგიური კუთვნილება. „ასევე, სახელმწიფო მოიპოვებს წვდომას სასულიერო პირების და მრევლის რაოდენობაზე, მათ საცხოვრებელზე. იმ ვითარებაში, როდესაც რელიგიის საკითხთა სახელმწიფო სააგენტოს მიმართ რელიგიური ორგანიზაციების და თემების ნდობა ძალიან დაბალია და ის უსაფრთხოების სამსახურებთან დაკავშირებულ უწყებად განიხილება, პრობლემურია, რომ მთავრობა ისევ კონტროლის ტექნიკით და მეთოდებით ცდილობს რელიგიურ ორგანიზაციებთან კომუნიკაციას და მათ ავტონომიაში ჩარევას“. სრულად... წყარო: emc.org.ge

თბილისი. „მითების დეტექტორი“ აქვეყნებს მარიამ დანგაძის ბლოგპოსტს: კრემლის პროპაგანდის იარაღი - საერთო ისტორიული მეხსიერება. „საბჭოთა წარსულს ყველა პოსტსაბჭოთა ქვეყანა სხვადასხვანაირად უყურებს, ზოგი გადააზრების გზას ირჩევს, ზოგისთვის კი მისი გაიდეალება უფრო მისაღებია, რადგან ამ გზით არც კომფორტის ზონის დატოვება ხდება საჭირო და არც ახალი იდენტობის დამკვიდრება. საქართველოში საბჭოთა წარსულის გააზრება ცალკეულ არასამთავრობო ორგანიზაციებსა და დაინტერესბულ მკვლევართა რიგებს არასდროს არ გასცდენია. შესაბამისად, ფართო საზოგადოებაში არასდროს დაწყებულა დისკუსია არათუ მეხსიერების პოლიტიკისა და ღირებულებების გადაფასების შესახებ, არამედ ყურადღება არასდროს გამახვილებულა არსებულ, რეალურ ფაქტებზეც კი. ასეთ გარემოებებში კი ადვილია, მოსახლეობას ისტორიული მოვლენების კრემლისეული ვერსიები დააჯერო“. სრულად... წყარო: mythdetector.ge

თბილისი. საქართველოს სახალხო დამცველი მიესალმება 2020 წლის 4 დეკემბერს საქართველოს მთავრობის მიერ ტექნიკური რეგლამენტის „მისაწვდომობის ეროვნული სტანდარტების“ დამტკიცებას.  „მნიშვნელოვანია, რომ დოკუმენტი ეფუძნება უნივერსალური დიზაინის პრინციპებს და გაწერილია ტექნიკური კრიტერიუმები შენობა-ნაგებობების, მიწის ნაკვეთების და სხვა ელემენტების მისაწვდომობის საკითხებზე. ამასთან, გათვალისწინებულია სხვადასხვა შეზღუდვის მქონე პირთა საჭიროებები. ომბუდსმენი აგრძელებს მისაწვდომობასთან დაკავშირებული საკითხების მონიტორინგს და დააკვირდება როგორც მისაწვდომობის ეროვნული სტანდარტის პრაქტიკაში დანერგვის, ისე მის აღსრულებაზე ზედამხედველობის პროცესს“, ნათქვამია ომბუდსმენის ვებგვერდზე. სრულად... წყარო: ombudsman.ge

თბილისი. ინფორმაციის თავისუფლების განვითარების ინსტიტუტი (IDFI) მონაწილეობა მიიღო ევროპის უსაფრთხოებისა და თანამშრომლობის ორგანიზაციის (ეუთო) მიერ ორგანიზებულ ვებინარში.  „ღონისძიება წარმოდგენდა პლატფორმას დაინტერესებულ პირებს შორის დისკუსიის წარმართვისთვის თემაზე: ღია მონაცემების მნიშვნელობა კარგი მმართველობის წახალისებისთვის სახელმწიფო შესყიდვებში. ღონისძიების ფარგლებში IDFI-მ საქართველოს სახელმწიფო შესყიდვების სისტემა და ღია მონაცემების მიმართულებით არსებული გამოწვევები განიხილა”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კრეულს: ექსტრაქტივისტული გადაკვეთები: პოლიტიკა, ეკოლოგია და სოციალური სამართლიანობა.  „კველვითი სტატიების ავტორები მუშაობდნენ ისტორიის, ანთროპოლოგიის, სოციალური გეოგრაფიის თუ პოლიტიკური ეკოლოგიის მეთოდებით, სადაც ადგილობრივი კონტექსტის სპეციფიკა და მისი კავშირი გლობალურ პროცესებთან კვლევის მთავარ ფოკუსს წარმოადგენდა. იმის გათვალისწინებით, რომ ექსტრაქტივიზმის კვლევითი მიმართულება თავისთავად ინტერდისციპლინურ მეთოდოლოგიას ეფუძნება და ის დარგობრივ თუ სამეცნიერო სპეციალიზებამდე არ დაიყვანება, ამ ქოლგის ქვეშ თავმოყრილი ცოდნაც, თვისობრივად მდიდარი და მრავალმხრივია“. სრულად... წყარო: emc.org.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: არის თუ არა საქართველო მიტაცებული სახელმწიფო. „ქართული არასამთავრობო ორგანიზაციები წლების განმავლობაში საუბრობდნენ საქართველოში არაფორმალური მმართველობის პრობლემაზე. 2018 წელს ეს შეფასება კიდევ უფრო დამძიმდა, როდესაც უკვე საერთაშორისო დონეზე დაიწყო დისკუსია ქვეყანაში დემოკრატიულ უკუსვლასა და სახელმწიფოს მიტაცების ნიშნების არსებობაზე. „ქართული ოცნების“ მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო“, ნათქვამია ორგანიზაციის ვებგვერდზე. სრულად... წყარო: transparency.ge