თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს სტატიის: „რუსეთის ექსპანსია კავკასიაში და საქართველო“ მეშვიდე ნაწილს: კავკასიელთა მუჰაჯირობა. „ტერმინით „მუჰაჯირობა“ ისტორიაში XIX საუკუნეში კავკასიის მკვიდრი მოსახლეობის მასობრივი, მიზანმიმართული აყრა და ოსმალეთის იმპერიაში გადასახლება აღინიშნება. გადასახლების პროცესს უმთავრესად იძულებითი ხასიათი ჰქონდა და განპირობებული იყო პოლიტიკური, სოციალურ-ეკონომიკური, რელიგიური და ეთნოფსიქოლოგიური ფაქტორებით“, ნათქვამია სტატიის აღწერაში. სრულად... წყარო: www.gfsis.org

თბილისი. 25-26-27 ნოემბერს, ევროკავშირის და კონრად ადენაუერის ფონდის მხარდაჭერით მიმდინარე პროექტის „სამოქალაქო საზოგადოების განვითარების ინიციატივა“ ფარგლებში, საქართველოს სტრატეგიული კვლევებისა და განვითარების ცენტრის (CSRDG) ორგანიზებით, გაიმართება „სათემო ლიდერთა ფორუმი 2020“. ღონისძიების მიზანია: სათემო ორგანიზაციების პოპულარიზაცია; სათემო ორგანიზაციებს შორის კონტაქტების გამყარება/გაღრმავება; რეგიონებს შორის წარმატებული გამოცდილების გაზიარება; სათემო ლიდერებისთვისა თუ სამოქალაქო აქტივისტებისთვის აქტუალურ საკითხებზე ინფორმაციის მიწოდება. ღონისძიება ჩატარდება ონლაინ რეჟიმში და თითოეულ დარეგისტრირებულ მონაწილეს ინდივიდუალურად მიუვა ღონისძიების ლინკი დეტალური ინფორმაცია ღონისძიების შესახებ იხილეთ... სარეგისტრაციო ფორმა იხილეთ... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ორგანიზაციის უფროსი მკვლევრის კახა გოგოლაშვილის ბლოგპოსტს: რა წააგო და რა არ წააგო სომხეთმა ყარაბაღში ცეცხლის შეწყვეტის შესახებ ხელმოწერილი დეკლარაციის შედეგად. „დასკვნის სახით შეგვიძლია აღვნიშნოთ, რომ სომხეთში ატეხილი ისტერია, პრემიერ-მინისტრ ფაშინიანის დადანაშაულება „მოღალატეობრივ გარიგებაში“ და მიღებული შედეგის „კატასტროფასთან“ გაიგივება არასწორია. ეს დაბნეულობითა და შედეგების ცუდად გააზრებით გამოწვეული საზოგადოებრივი პანიკური რეაქციაა. სინამდვილეში, სომხეთი ბევრად უფრო „მშრალად“ გამოვიდა შექმნილი ვითარებიდან, თუ შეიძლება ასე ითქვას, როცა ათასობითაა დაღუპული ჯარისკაცი და სამოქალაქო პირი. თუმცა, როცა ამას ვამბობ, ვგულისხმობ მხოლოდ პოლიტიკურ შედეგს. რაც შეეხება გრძელვადიან ჰუმანიტარულ შედეგს, შესაძლოა, ის მომგებიანი აღმოჩნდეს სომხეთისთვის, რადგან რეგიონული მნიშვნელობის გზებისა და კავშირების გახსნა, რომელზეც დეკლარაციაშია საუბარი, სომხეთს მომავალში (თუ მათი რეალიზაცია მოხდა) მნიშვნელოვან ეკონომიკურ და, შესაბამისად, სოციალურ სარგებელს მოუტანს“, ნათქვამია ორგანიზაციის ვებგვერდზე. სრულად... წყარო: www.gfsis.org

თბილისი. 16-დან 22 ნოემბრამდე, „გლობალური სამეწარმეო ქსელისა“ და „ინოვაციებისა და ტექნოლოგიების სააგენტოს“ თანაორგანიზებით, საქართველოში მეცხრედ გაიმართება გლობალური მეწარმეობის კვირეული. „წელს გლობალური მეწარმეობის კვირეულის მთავარი თემაა ინტეგრაცია, რაც გულისხმობს იმ ჯგუფების ჩართულობას, რომლებსაც ინოვაციურ სამეწარმეო საქმიანობასთან ნაკლები წვდომა აქვთ, კერძოდ კი ორიენტირებულია ახალგაზრდებისა და ქალების ინტეგრაციაზე მაღალმთიანი და ძნელად მისადგომი ტერიტორიებიდან. კვირეულის ფარგლებში დაგეგმილია 20-მდე ღონისძიება თბილისის, სამეგრელოსა და რაჭისა რეგიონებში“. სრულად... წყარო: www.genglobal.org

თბილისი. „სოციალური მეწარმეობის ფორუმი“ ყოველწლიური ღონისძიებაა, რომელიც მიმდინარე წელს 19 ნოემბერს, სოციალური მეწარმეობის საერთაშორისო დღეს, გაიმართება. სოციალური მეწარმეობის ფორუმი 2020-ის ერთ-ერთი მხარდამჭერია სამოქალაქო საზოგადოების ინსტიტუტი (CSI). გთხოვთ, ფორუმზე დასასწრებად გაიაროთ რეგისტრაცია... დამატებითი ინფორმაცია ღონისძიების შესახებ შეგიძლიათ იხილოთ... წყარო: სოც. საწარმოთა ალიანსის გვერდი სოციალურ ქსელში

თბილისი. ევროპის ფონდი მხარს უჭერს მშვიდობიანი შეკრების უფლებასა და გამოხატვის თავისუფლებას. ფონდი მოუწოდებს ხელისუფლებას არ შეზღუდოს ეს უფლებები და აიცილოს სიტუაციის შემდგომი ესკალაცია. ორგანიზაცია უერთდება საზოგადოების მოთხოვნას, გაიმართოს მოლაპარაკებები მმართველ პარტიასა და არჩევნებში მონაწილე სხვა პოლიტიკურ სუბიექტებს შორის, რათა გამოინახოს კონსტრუქციული გზა არსებული პოლიტიკური სიტუაციის განმუხტვისა და ქვეყნის შემდგომი სტაბილური, დემოკრატიული განვითარებისათვის. სრულად... წყარო: www.epfound.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: საქართველოს მეხსიერების პოლიტიკის მიმოხილვა, რომელშიც განხილულია დამოუკიდებელი საქართველოს მეხსიერების პოლიტიკა 1991 წლიდან დღემდე. ანგარიშში მოცემულია ამ მხრივ არსებული მიღწევები და გამოწვევები სამი ძირითადი მიმართულებით - სამართლებრივი განზომილება, ინსტიტუტიცური განზომილება და მემორიალური განზომილება. „უპირველეს ყოვლისა, საქართველოს წინაშე არსებული ერთ-ერთი მთავარი გამოწვევაა ის, რომ „КГБ“-ის საარქივო დოკუმენტების 80% თბილისის ომის დროს განადგურდა, რაც ფაქტობრივად შეუძლებელს ხდის სრულფასოვან ლუსტრაციას ქვეყანაში. ამასთანავე, გასათვალისწინებელია ვარაუდებიც იმის თაობაზე, რომ აღნიშნული არქივების დიდი ნაწილი შესაძლოა რუსეთშიც ინახებოდეს. ეს კი განსაკუთრებული საფრთხის შემცველია რუსეთ-საქართველოს შორის არსებული დაძაბული ურთიერთობების პირობებში“, ნათქვამია ანგარიშში. სრულად... წყარო: idfi.ge

თბილისი. საქართველოს სტრატეგიისა და საერთაშორისო ურთიერთობების კვლევის ფონდი ავქყნებს ბლოგპოსტს: აფხაზეთსა და ცხინვალის რეგიონში რუსეთის სამხედრო ძალების მიმოხილვა.  „მიმოხილვის მიზანია მკითხველს აფხაზეთსა და ცხინვალის რეგიონში განთავსებული რუსეთის ფედერაციის სამხედრო ძალების წვრთნებისა და რუსეთის მე-7 და მე-4 სამხედრო ბაზებთან დაკავშირებული მნიშვნელოვანი მოვლენების შესახებ ინფორმაცია მივაწოდოთ“. •ცხინვალის რეგიონში რუსეთის ფედერაციის მე-4 სამხედრო ბაზას ახალი მეთაური ჰყავს. •რუსეთის თავდაცვის სამინისტრო აფხაზეთსა და ცხინვალის რეგიონს კორონავირუსთან ბრძოლაში ეხმარება . •წებელდისა და ნაგვალოუს სამხედრო პოლიგონებზე მე-7 სამხედრო ბაზისა და აფხაზეთის დე ფაქტო თავდაცვის სამინისტროს სამხედრო მოსამსახურეებმა ერთობლივი წვრთნები ჩაატარეს. სრულად... წყარო: kremlin-roadmap.gfsis.org

თბილისი. მითების დეტექტორის მასალის თანახმად, 2 ნოემბერს, ქართული მარშის დასავლეთ საქართველოს ოფისის ხელმძღვანელმა და ქუთაისის მაჟორიტარობის კანდიდატმა, ერმილე ნემსაძემ, საკუთარ ფეისბუქ ანგარიშზე გამოაქვეყნა პოსტი, სადაც საქართველოში აშშ-ს ელჩის, კელი დეგნანის გაწვევის მოთხოვნაზე საუბრობს. ნემსაძე აღნიშნავს, რომ დეგნანი იმ 17 დიპლომატს შორისაა, ვინც აშშ-ის პრეზიდენტის დონალდ ტრამპის იმპიჩმენტი მოითხოვა. ნემსაძე ასევე წერს, რომ აშშ-ის ელჩი საქართველოს შიდაპოლიტიკურ საქმეებში უხეშად ერევა. „ერმილე ნემსაძის პოსტი დეზინფორმაციაა, ვინაიდან კელი დეგნანი არც დონალდ ტრამპის იმპიჩმენტის პროცესის ინიცირებაში ფიგურირებს და არც ამ საქმეზე დაკითხულ დიპლომატთა შორისაა. დეგნანის ნომირება ელჩის თანამდებობაზე 2019 წლის სექტემბერში თავად ტრამპმა მოახდინა“, ნათქვამია მითების დეტექტორის ბლოგპოსტში. სრულად... წყარო: www.mythdetector.ge

თბილისი. მითების დეტექტორი აქვეყნებს ბლოგპოსტს: გადააგდო თუ „დაიბრუნა“ ნიკა მელიამ ელექტროსამაჯური. გამოცემა „მარშალპრესის“ ინფორმაციის თანახმად, საპროტესტო აქციაზე ნიკა მელიამ არასაპატიმრო სასჯელისთვის დამაგრებული ელექტრონული სამაჯური მოიხსნა, შემდეგ კი ისევ დაიმაგრა. გამოცემის მტკიცებით, მელია ამ დროისთვის ამ სამაჯურით გადაადგილდება. „მარშალპრესის ვებ-გვერდზე გამოქვეყნებული მასალა მტკიცებულებების გარეშეა. ფაქტს, რომ პროტესტის ნიშნად გადაგდებული ელსამაჯური ნიკა მელიამ აქციის შემდეგ ისევ გაიკეთა, ნაციონალურ მოძრაობაშიც უარყოფენ და არც 1 და 2 ნოემბერს გავრცელებული სატელევიზიო კადრებიდან ჩანს, რომ ნიკა მელია ელექტრონულ სამაჯურს, რომელიც აქციაზე პროტესტის ნიშნად მოიხსნა, ისევ ატარებს“. სრულად... წყარო: www.mythdetector.ge

თბილისი. მითების დეტექტორი აქვეყნებს ბლოგპოსტს: 3 დეზინფორმაცია სოჭზე, სტალინურ რეპრესიებზე და დემოგრაფიაზე. მასალაში საუბარია მწერალ გივი ბერძენიშვილის ინტერვიუზე საქართველოს მიმართ სტალინის დამსახურებებზე. ბერძენიშვილის მტკიცებით, სოჭი არასდროს ყოფილა საქართველოს ნაწილი, ხოლო სტალინის რეპრესიები არ მომხდარა და მისი მმართველობის დროს საქართველოს მოსახლეობა 5.5 მილიონს გაუტოლდა. „გივი ბერძენიშვილის ინტერვიუ 3 დეზინფორმაციას შეიცავს: 1. სოჭი საქართველოს ტერიტორიას არასდროს ეკუთვნოდა. 2. სტალინურ რეპრესიებს ადგილი არ ჰქონია და 3. მისი მმართველობის პერიოდში საქართველოს მოსახლეობა 5.5 მილიონამდე გაიზარდა. რეალურად 1. 1918-1919 წლებში სოჭს საქართველოს დემოკრატიული რესპუბლიკა აკონტროლებდა. 2. 1936-1938 წლებში სტალინური რეპრესიები 750 000 მსხვერპლს ითვლის, გულაგებში გადასახლებულთა რაოდენობა 1 მილიონზე მეტია. 3. საქართველოს მოსახლეობა 5.5 მილიონს მხოლოდ 1989 წელს მიუახლოვდა“. სრულად... წყარო: www.mythdetector.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს შეფასებას თუ რა ხედვები აქვთ პარტიებს უსახლკარობასთან ბრძოლის მიმართულებით. „სამწუხაროდ, პოლიტიკური პარტიების მნიშვნელოვანი ნაწილი, დევნილების გარდა, არ საუბრობს სხვა უსახლკარო ჯგუფებსა და მათი გაძლიერების კონკრეტულ ხერხებზე“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ვენდი ბრაუნის ნაშრომის: „ამერიკული კოშმარი: ნეოლიბერალიზმი, ნეოკონსერვატიზმი და დედემოკრატიზაცია“ თარგმანს. „ეს ნარკვევი ეხება არა იმდენად დემოკრატიული ინსტიტუტების ხელშესახებ შეკვეცას, როგორიც არის, მაგალითად, აშშ-ის „პატრიოტული აქტი“, სასამართლო ძალაუფლების შეკვეცა, რეგრესული საგადასახადო სქემები, ეროვნული უსაფრთხოების ზოგიერთი პრაქტიკა, ანტიიმიგრანტული პოლიტიკური ქმედებები, ან კორუმპირებული საარჩევნო პრაქტიკები, არამედ დემოკრატიული პოლიტიკური კულტურის გამოშიგვნას და არადემოკრატიული მოქალაქის წარმოებას“. სრულად... წყარო: emc.org.ge

თბილისი. მითების დეტექტორი აქვეყნებს მორიგ ბლოგპოსტს: ვინ გაავრცელა ივანიშვილზე გაყალბებული დოკუმენტი. „27 ოქტომბერს ფეისბუკ გვერდმა ექვთიმე ბიძინაშვილი გამოაქვეყნა ფოტო, აღწერით: „დამადასტურებელი დოკუმენტი ბიძინა ივანიშვილის ავადმყოფობის შესახებ“. ფოტოზე წარმოდგენილია დოკუმენტი, რომლის აღწერიდან ირკვევა, რომ ის წარმოადგენს მოსკოვის მე-4 ფსიქიატრიული დაწესებულების ცნობას“. მითების დეტექტორის თანახმად, გავრცელებული დოკუმენტი გაყალბებულია, რადგან მასში მითითებული ქვეყნის სტატუსი და გერბი 1991 წელს არ გამოიყენებოდა, ხოლო თავად ტექსტი შეიცავს გრამატიკულ შეცდომებს. სრულად... წყარო: www.mythdetector.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს შეფასებას: ნარკოპოლიტიკა პარტიების წინასაარჩევნო ხედვებში - 2020. „ზოგადად უნდა ითქვას, რომ წინასაარჩევნო კონტექსტში ნარკოპოლიტიკის საკითხი ფაქტობრივად იგნორირებულია და მასზე საჯარო დისკუსიები გამონაკლის შემთხვევებში თუ მიმდინარეობს. წინასაარჩევნო პროგრამებსა და ხედვებში კი ეს თემა მეტად ფრაგმენტულად არის წარმოდგენილი“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სტატიას: საქართველოს სამშვიდობო პოლიტიკაში ადამიანის უფლებებისა და ჰუმანიტარული ინტერესების დაცვის დისკურსები, პრაქტიკები და გამოწვევები. „წარმოდგენილი სტატიის მიზანია, ახსნას, თუ როგორ ვითარდებოდა საქართველოს სამშვიდობო პოლიტიკაში ადამიანის უფლებების დაცვის, ასევე ჰუმანიტარული დახმარების დისკურსები და პრაქტიკები, რა ინიციატივები არსებობდა კონფლიქტის შემდგომ პერიოდში მოლაპარაკებების პროცესში და დღეს სად არის ეს პროცესი გაჩერებული. სტატიის მიზანია ვაჩვენოთ სამშვიდობო პოლიტიკაში არსებული ხარვეზები და ის გარდუვალობებიც, რომლებიც კონფლიქტის ტრანსფორმაციის და კონფლიქტით დაზარალებული ადამიანების უფლებების დაცვისა და კეთილდღეობის მხარდაჭერის პროცესს ასუსტებდა“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საზოგადოებრივი ორგანიზაციების ერთიანი ვებ-პორტალი - CsoGeorgia.org გთხოვთ, შეავსოთ კითხვარი. ჩვენთვის მნიშვნელოვანია მომხმარებლების მოსაზრება. 2012 წლიდან დღემდე ბევრი სიახლე წამოვიწყეთ და ბევრ განახლებასაც ვგეგმავთ. გაგვიზიარეთ თქვენი შეხედულება, რათა უფრო უკეთ მოგაწოდოთ სასურველი ინფორმაცია, უკეთ შეგიწყოთ ხელი საქმიანობაში. კითხვარის შევსების ბოლო ვადა: 27 ნოემბერი, 2020 კითხვარი...

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პაატა ზაქარეიშვილის, თორნიკე შარაშენიძისა და გიორგი კანაშვილის მოხსენებებს, რომლებიც მათ სოლიდარობის პლატფორმის შეხვედრის ფარგლებში წაიკითხეს. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრის ინფორმაციით, „მშვიდობის იდეა კავკასიაში: გამოცდილებები, პერსპექტივები და შესაძლებლობა“ - აღნიშნული მოხსენებები ნინო კალანდარიშვილმა და ივლიანე ხაინდრავამ სოლიდარობის პლატფორმის შეხვედრის ფარგლებში წაიკითხეს. „მომხსენებლები საუბრობენ მშვიდობის იდეაზე და პერსპექტივებზე კავკასიაში, ასევე სამშვიდობო პოლიტიკის ისტორიულად შექმნილ გამოცდილებებსა და შესაძლებლობებზე“. სრულად... წყარო: emc.org.ge

თბილისი. მითების დეტექტორი აქვეყნებს ბლოგპოსტს: რა ღირს ფეისბუკზე ბანკის ძარცვის ნაციონალურ მოძრაობასთან დაკავშირების კამპანია. „21 ოქტომბერს, ზუგდიდში „საქართელოს ბანკის“ ფილიალში შეიარაღებულმა პირმა მძევლები აიყვანა და გამოსასყიდის სახით თანხას ითხოვდა. ოპერაციის მსვლელობის პროცესში, გაირკვა, რომ ერთ-ერთი მძევალი ირაკლი კვარაცხელია, რომლის მეშვეობით თავდამსხმელი „მთავარ არხს“ ულტიმატუმის წასაყენებლად დაუკავშირდა, ნაციონალური მოძრაობის წევრი იყო. ოპერაციის მსვლელობის პროცესშივე სოციალურ ქსელში ანტი-ოპოზიციურმა და პრო-სახელისუფლებო გვერდებმა კამპანია წამოიწყეს, რომელიც მომხდარს ოპოზიციურ პარტია ნაციონალურ მოძრაობას უკავშირებდა და მას სახელმწიფოს დესტაბილიზაციისათვის ორგანიზებულ ინცინდენტად აფასებდა. „მითების დეტექტორმა“ ოპოზიციის წინააღმდეგ მოქმედი 17 ფეისბუკ ანგარიში და მედია, ასევე, 4 ანტი-ლიბერალური და პრორუსული ანგარიში გამოავლინა. ჯამურად მათ 13 დაფინანსებული პოსტი გამოაქვეყნეს. „მითების დეტექტორმა” ორი ოპოზიციური გვერდი გამოავლინა, რომელიც ცდილობდა ზუგდიდში მომხდარი ინცინდენტის ორგანიზება ხელისუფლებასთან დაეკავშირებინა. ოპოზიციურმა გვერდებმა 1 რეკლამა განათავსეს“. სრულად... წყარო: www.mythdetector.ge

თბილისი. მითების დეტექტორის ბლოგპოსტის თანახმად, 21 ოქტომბერს ფეისბუქ გვერდზე, „ქოცების დასაცინი ოფიციალური სააგენტო“ გავრცელდა ვიდეო, რომელშიც ბიძინა ივანიშვილი აცხადებს „აჭარლები ჩემს თვალში რაღაც გამოთაყვანებული ან რაღაც”. ვიდეო 3 წამიანია და მასში დამატებით კონტექსტი არ ჩანს, შესაბამისად იქმნება შთაბეჭდილება, რომ ბიძინა ივანიშვილი აჭარელ ხალხს გამოთაყვანებულებს უწოდებს. ვიდეოს 23 ოქტომბრის 14:00 საათის მდგომარეობით 12 400-ზე მეტი ნახვა და 149 გაზიარება აქვს. „გვერდ „ქოცების დასაცინი ოფიციალური სააგენტოს“ მიერ გამოქვეყნებული პოსტი წარმოადგენს ვიდეო მონტაჟს. რეალურად ბიძინა ივანიშვილმა სიტყვა „გამოთაყვანებული“ არა აჭარლების, არამედ სერიალების მიმართ გამოიყენა“, ნათქვამია ბლოგპოსტში. სრულად... წყარო: www.mythdetector.ge

თბილისი. ადამიანის უფლებების სწავლებისა და მონიტორინგის ცენტრი (EMC) ზუგდიდში მომხდარ ყაჩაღობას ეხმიანება. ორგანიზაციისთვის მისასალმებელია ის ფაქტი, რომ სახელმწიფომ ამ ინციდენტში არჩევანი გააკეთა მძევლად აყვანილი მოქალაქეების სიცოცხლის სასარგებლოდ და არ გაზარდა მათი უსაფრთხოების ხელყოფის რისკები, დამნაშავის დაკავების ინტერესით. EMC მოუწოდებს სახელმწიფოს თავდასხმის ფაქტზე გამოძიება აწარმოოს მაქსიმალურად ეფექტურად, გამჭვირვალედ და უზრუნველყოს საზოგადოების სათანადოდ ინფორმირება. სრულად... წყარო: emc.org.ge