თბილისი. ადამიანის უფლებების სწავლებისა და მონიტორინგის ცენტრი (EMC) გიორგი ცინცაძის ბლოგპოსტს: „ანას ბაღის შესახებ“. „ხშირად, ახალი კორპუსების მშენებლობა სამოქალაქო დაპირისპირების ველს ქმნის, რომელშიც ერთმანეთის პირისპირ ადგილობრივი მოსახლეობა და დეველოპერული კომპანიები დგანან. ამ დაპირისპირებაში, როგორც ეს „ანას ბაღის” შემთხვევაში ხდება, ქალაქის მერია მედიატორის როლს ირგებს, რაც მის რეალურ პასუხისმგებლობას ნიღბავს. ქალაქის მერია და მისი სხვადასხვა ორგანოები არა კონფლიქტის წყაროდ, არამედ მის შესაძლო მომგვარებლებად გვევლინებიან - მაშინ, როცა დაპირისპირების კერებს მერიის გადაწყვეტილებებივე ქმნის, რომლებიც არადემოკრატიულად მიიღება და უპირატესობას კერძო ინტერესს ანიჭებს“, ნათქვამია ორგანიზაციის ვებგვერდზე. სრულად... წყარო: emc.org.ge

განათლება რეინტეგრაციისთვის, გზა საზოგადოებაში დასაბრუნებლად თბილისი. არბაიტერ სამარიტერ ბუნდი (ASB-საქართველო) აქვეყნებს დოკუმენტურ ფილმს, რომელიც გადაღებულია „განათლება რეინტეგრაციისთვის, გზა საზოგადოებაში დასაბრუნებლად“. პროექტი დაფინანსებული იყო ევროკავშირის მიერ. წყარო: ორგანიზაციის გვერდი სოციალურ ქსელში განათლება სხვა

თბილისი. ორგანიზაციის, „კონსტიტუციის 42-ე მუხლი", აღმასრულებელი დირექტორი ლადო მკერვალიშვილი გახდა. ლადო მკერვალიშვილს მიღებული აქვს ფილოლოგიურ მეცნიერებათა დოქტორის აკადემიური ხარისხი თბილისის ივანე ჯავახიშვილის სახელმწიფო უნივერსიტეტში: ფლობს სამართალმცოდნეობის მაგისტრის ხარისხს თბილისის ივანე ჯავახიშვილის სახელმწიფო უნივერსიტეტიდან და ინგლისური ენის მაგისტრის ხარისხს დასავლურ ენათა და კულტურათა სახელმწიფო ინსტიტუტიდან; სწავლობდა კაიროს (ეგვიპტე) უნივერსიტეტის ჰუმანიტარულ ფაკულტეტზე; იყო ვენეციის (იტალია) კაფოსკარის უნივერსიტეტის მკვლევარი. ამჟამად არის თბილისის ღია უნივერსუტეტის სრული პროფესორი, ევროპის საბჭოს ქალთა მიმართ ძალადობისა და ოჯახში ძალადობის წინააღმდეგ მიმართულ ქმედებებზე მომუშავე ექსპერტთა ჯგუფის ( GREVIO) წევრი; ევროსაბჭოს წარმომადგენლობის საქართველოში, გაეროს განვითარების პროგრამის (UNDP); განათლების ხარისხის განვითარების ცენტრის ექსპერტი. სრულად...  წყარო: https://article42.ge

საზოგადოებრივი ორგანიზაციების ვებ-პორტალი Csogeorgia.org გილოცავთ შობა-ახალწელს და გაცნობებთ, რომ მუშაობას 8 იანვარს განვაახლებთ.

თბილისი. საქართველოს ახალგაზრდა იურისტთა ასოციაციის თავმჯდომარე, მესამე ვადით, სულხან სალაძე აირჩიეს.  სულხან სალაძე საია-ს 2017 წლიდან ხელმძღვანელოებს, ის ორგანიზაციის რიგით მე-12 თავმჯდომარეა.  საიას ისტორიაში სულხანი მეორე თავმჯდომარეა, რომელიც ორგანიზაციას ზედიზედ მესამე ვადით უხელმძღვანელებს.  სრულად...  წყარო: გვერდი სოციალურ ქსელში

თბილისი. საერთაშორისო გამჭვირვალობა - საქართველო მიიჩნევს, რომ Facebook-ის განცხადება დაუყოვნებლივ რეაგირებას საჭიროებს.  „20 დეკემბერს Facebook-მა გაავრცელა განცხადება, რომელშიც ნათქვამია, რომ კომპანიამ სოციალურ ქსელში არსებული ასობით ყალბი და კოორდინირებულ არაავთენტურ ქცევაში შემჩნეული გვერდი, ჯგუფი და მომხმარებელი წაშალა“, - ვკითხულობთ ორგანიზაციის მიერ გავცელებულ განცხადებაში, - „გავლენებისგან თავისუფალი საგამოძიებო ორგანოების პირობებში, გავრცელებულ ინფორმაციაზე დაყრდნობით გამოძიება დაუყოვნებლივ უნდა დაწყებულიყო. ობიექტური გამოძიების შემთხვევაში შესაძლოა გამოიკვეთოს სისხლის სამართლის კოდექსით გათვალისწინებული რამდენიმე დანაშაულის ნიშანი“.  სრულად...  წყარო: https://www.transparency.ge

თბილისი. ადამიანის უფლებების სწავლებისა და მონიტორინგის ცენტრის (EMC) გუნდი მარნეულის მუნიციპალიტეტის სოფელ ხიხანის თემს შეხვდა.  სოფელ ხიხანში ხულოდან 90-იან წლებში ქვემო ქართლში გადმოსახლებული ეკომიგრანტი ოჯახები ცხოვრობენ. სოფელში დაახლოებით 200-მდე მოსახლეა. სოფელში უკიდურესად მძიმე სოციალური და ეკონომიკური მდგომარეობაა და თემის სოციალური უიმედობა და ფრუსტრაცია ჩანს. ადგილობრივების აღქმაა, რომ სახელმწიფოს მათი ბედი არ აინტერესებს და სრულ გულგრილობას იჩენს.  სრულად...  წყარო: https://emc.org.ge

თბილისი. ინფორმაციის თავისუფლების განვითარების ინსტიტუტი თვითმკვლელობის ფაქტების დეტალურ სტატისტიკას აქვეყნებს. ინფორმაცია რამდენიმე პარამეტრის მიხედვითაა დაჯგუფებული და სხვადასხვა ბმულზეა ხელმისაწვდომი. სრულად...  წყარო: გვერდი სოციალურ ქსელში

თბილისი. მედიის განვითარების ფონდი (MDF) დაგეგმილი ღონისძიების თარიღს ცვლის. „თბილისში ტრაგიკულად დაღუპული მოზარდის გამო, რამაც საზოგადოების მწვავე რეაქცია გამოიწვია, მივიღეთ გადაწყვეტილება 23 დეკემბერს დაგეგმილი ღონისძიება "მედიაწიგნიერების ფორუმი” გადაიდოს“, - ნათქვამია MDF-ის მიერ გავრცელებულ განცხადებაში. სრულად...  წყარო: http://www.mdfgeorgia.ge

თბილისი. კონსულტაციისა და ტრენინგის ცენტრი აქვეყნებს გამოყენებით კვლევას საქართველოს რეგიონული განვითარების შესახებ.  „წინამდებარე კვლევის ანგარიშის მიზანია, კახეთშიფუნქციური რეგიონების გამოვლენა და თითოეულ მათგანში ყველაზე კონკურენტული ქვესექტორის ანალიზი. ფუნქციური რეგიონების კვლევა დაეფუძნა მობილური ოპერატორისაგან მოპოვებულ მონაცემებს, რომელთა საფუძველზეც გაანალიზდა კახეთში საბაზისო სივრცით ერთეულებს შორის კავშირი“, - აღნიშნულია კვლევის შესავალში.  სრულად...  წყარო: გვერდი სოციალურ ქსელში

თბილისი. ASB საქართველოს ორგანიზებით პროექტის, „განათლება რეინტეგრაციისთვის - გზა საზოგადოებაში დასაბრუნებლად“ დახურვის ღონისძიება გაიმართა. პროექტი, 2017 წლიდან, ევროკავშირის მხარდაჭერით ხორციელდებოდა და მის მთავარ მიზანს წარმოადგენდა კანონთან კონფლიქტში მყოფი პირების რესოციალიზაცია.  ღონისძიების პარალელურად მოეწყო სოციალური საწარმოების, ინდივიდუალური მეწარმეებისა და პენიტენციურ დაწესებულებებში დამზადებული პროდუქციისა და ნივთების გამოფენა. ღონისძიების დასასრულს გაიმართა დოკუმენტური ფილმის, „გზა საზოგადოებისკენ“ ჩვენება.  სრულად...   წყარო: გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრმა, 15 დეკემბერს, საქართველოს პასუხისმგებელი ბიზნესის კონკურსის, Meliora 2019-ის, დაჯილდოების ღონისძიება გამართა.  კონკურსი ჩატარდა სამოქალაქო საზოგადოების განვითარების ინიციატივის ფარგლებში, ევროკავშირისა და კონრად ადენაუერის ფონდის მხარდაჭერით.  სრულად...  წყარო: https://www.facebook.com/pg/CSRDG

თბილისი. 2019 წლის ზაფხულში ევროკავშირმა აღმოსავლეთ პარტნიორობის მომავალთან დაკავშირებით საქართველოს საზოგადოებრივ ორგანიზაციებთან კონსულტაციები დაიწყო. ამ პროცესის საპასუხოდ ღია საზოგადოების ფონდის ინიციატივით საგარეო პოლიტიკაზე მომუშავე ხუთმა ანალიტიკურმა ორგანიზაციამ ერთობლივი დოკუმენტი მოამზადა, რომელიც აღწერს, თუ როგორ უნდა შეიცვალოს აღმოსავლეთის პარტნიორობა ისე, რომ მან მონაწილე ქვეყნების მოლოდინი გაამართლოს. სრულად...  წყარო: https://osgf.ge

თბილისი. საზოგადოებრივი ორგანიზაციების ნაწილის ინფორმაციით, 14 დეკემბერს „ქართული ოცნების“ მიერ დაგეგმილი აქციისთვის მოქალაქეთა მობილიზება მუნიციპალიტეტების საჯარო მოხელეებზე ზეწოლის ფონზე მიმდინარეობს. „ხელმომწერი ორგანიზაციები მმართველ პარტიასა და ადგილობრივი თვითმმართველობის მაღალი თანამდებობის პირებს მოუწოდებენ რომ აღკვეთონ საჯარო მოხელეებისა და მუნიციპალიტეტში დასაქმებულ პირებზე, სოციალურად დაუცველ მოქალაქეებზე ღონისძიებაზე დასწრებასთან დაკავშირებით ზეწოლის/იძულების ნებისმიერი ფორმა. ამასთან, მაქსიმალურად უზრუნველყონ დაგეგმილი პარტიული ღონისძიების გამიჯვნა საჯარო სამსახურის და თვითმმართველობების საქმიანობისგან, და თავი შეიკავონ დაგეგმილი ღონისძიების შესახებ მოქალაქეთა შეცდომაში შეყვანისგან“, ნათქვამია ერთობლივ განცხადებაში. სრულად... წყარო: isfed.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სახელმძღვანელოს, რომელიც ევროკავშირის მიერ დაფინანსებული პროექტის „სასამართლო რეფორმის განხორციელების მხარდაჭერის“ ფარგლებში მომზადდა. „სახელმძღვანელოში ადამიანის უფლებათა ევროპული სასამართლოს პრაქტიკასთან ერთად, ევროპული სოციალური ქარტიითა და ევროპული კავშირის ძირითად თავისუფლებათა ქარტიით დადგენილი სტანდარტების ჭრილში არის მიმოხილული საცხოვრისის უფლების სხვადასხვა ასპექტი და სახელმწიფოს მიერ გასატარებელი პოლიტიკის გარკვეული კომპონენტები”, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. 19 და 20 დეკემბერს, 15:00-დან 17:00-მდე იაპონიის საელჩოს ადამიანის უსაფრთხოების საგრანტო პროგრამა გამართავს საჯარო კონსულტაციას მათთვის, ვინც 2020 წლის კონკურსში საპროექტო განაცხადის წარდგენას გეგმავს.  საჯარო კონსულტაციაზე დასწრებისთვის, 17 დეკემბრამდე, მისწერეთ თქვენი სახელი, გვარი, ორგანიზაცია, მობილური ტელეფონის ნომერი, დასწრებისთვის სასურველი რიცხვი (19 თუ 20 დეკემბერს) და პროექტის სფერო (ერთი წინადადებით), ელექტრონულ მისამართზე - grassroot2@tb.mofa.go.jp  სრულად...  წყარო: გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აზარტული თამაშების წინააღმდეგ ელექტრონული პეტიციის განხილვას დააკვირდება. „საქართველოს მთავრობის ელექტრონული პეტიციების პორტალის (ICHANGE.GOV.GE) ამოქმედებიდან ორი წლის შემდეგ პირველად მოხერხდა საკმარისი ხელმოწერის მოგროვება, რაც საქართველოს მთავრობას ვალდებულს ხდის განიხილოს და უპასუხოს პეტიციის მხარდამჭერებს. წარმატებული პეტიცია სახელწოდებით „კამპანია აზარტული თამაშების წინააღმდეგ“ იუსტიციის უმაღლესი საბჭოს არა მოსამართლე წევრ, ანა დოლიძეს ეკუთვნის, რომელიც 2019 წლის 4 ნოემბერს დარეგისტრირდა. ინიციატივამ 10,000 ხელმოწერის მოგროვება 30-დღიანი ვადის გასვლამდე შეძლო და საერთო ჯამში,10,182 ხელმოწერით დასრულდა. პეტიციის ავტორები და მხარდამჭერები აზარტულ თამაშებზე რეგულაციების შემოღებასა და მათი ყველა სახის რეკლამის აკრძალვას მოითხოვენ“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საერთაშორისო გამჭვირვალობა - საქართველო აქვეყნებს რადიო თავისუფლების ჟურნალისტის ნიკო ნერგაძესთან ერთად მომზადებულ წიგნს: ვის ეკუთვნის საქართველო. „ცხადია, რომ ვითარება, როდესაც ქვეყნის უმდიდრესი ადამიანი იმავდროულად მმართველი პარტიის ლიდერი და ქვეყნის დე ფაქტო მმართველია, ახალი ტიპის გამოწვევაა დემოკრატიული პოლიტიკური სისტემისა და მისი საკვანძო ინსტიტუტებისთვის. რა შედეგები აქვს ძალაუფლების ამგვარ კონსოლიდაციას სასამართლოსთვის, სამართალდამცავი სისტემისთვის ან მედიისთვის? როგორ აისახება ის საარჩევნო პროცესზე? რა გავლენას ახდენს ის მოქალაქეების ყოველდღიურობაზე და როგორ ცვლის მათ უშუალო საცხოვრებელ გარემოს? ამ და ზოგიერთ სხვა კითხვაზე პასუხის გაცემას შევეცადეთ წიგნში, რომელიც რადიო თავისუფლების ჟურნალისტ ნიკო ნერგაძესთან ერთად მოვამზადეთ“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. 5-6 დეკემბერს, „ინფორმაციის თავისუფლების განვითარების ინსტიტუტმა “(IDFI) რიგით მეორე საერთაშორისო კონფერენცია „სახელმწიფო არქივების ღიაობა და მეხსიერების კვლევები“ გამართა. „საერთაშორისო პრაქტიკა, სამართლებრივი რეგულაციები და საარქივო დოკუმენტებზე წვდომის პრაქტიკა, სახელმწიფო უსაფრთხოების არქივებზე წვდომის გამოწვევები და არქივის როლი მეხსიერების კვლევებში - ის ძირითადი საკითხებია, რომელზეც კონფერენციის მონაწილეებმა ისაუბრეს“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. 17 დეკემბერს, 14 საათიდან, სექტორ 3-ში სოციალური საწარმოების პროდუქციის გამოფენა-გაყიდვა გაიმართება. „სოციალური მეწარმეობა ეს არის ის ერთ-ერთი მთავარი ინსტრუმენტი, რომელიც საზოგადოებაში არსებულ პრობლემების გადაჭრას ემსახურება, როგორიცაა: შშმ პირთა და ქალთა ეკონომიკური გაძლიერება, კანონთა კონფლიქტში მყოფი პირების რესოციალიზაცია, ახალგაზრდული ინიციატივების მხარდაჭერა, გარემოს დაცვა და სხვ. შესაბამისად, ჩვენი მიზნებიდან გამომდინარე, დიდი სურვილი გვაქვს, ხელი შევუწყოთ სოციალურ საწარმოებს შორის ურთიერთობების გაღრმავებას, წავახალისოთ მათი საქმიანობა და შევიტანოთ ჩვენი წვლილი საქართველოში სოციალური მეწარმეობის განვითარებასა და საზოგადოების კეთილდღეობაში“, ნათქვამია ორგანიზაციის გვერდზე სოციალურ ქსელში. სრულად... წყარო: სოციალურ საწარმოთა ალიანსის გვერდი სოციალურ ქსელში

გურია. 5 დეკემბერს „ახალგაზრდა პედაგოგთა კავშირში“ მოხალისეობის საერთაშორისო დღე აღინიშნა. ორგანიზაცია „პური მსოფლიოსთვის“ გერმანელმა მოხალისეებმა ლიდერთა სკოლისა და ახალგაზრდული ცენტრის მოზარდებს მიაწოდეს ინფორმაციები მოხალისეობის სერვისების შესახებ.  პროცესი ინტერაქტიური იყო და მოზარდებს ჰქონდათ შესაძლებლობა ჯგუფებში ემუშავათ შემდეგ საკითხებზე: • მოხალისეთა მუშაობისა და დაინტერესების ასპექტები; • კონკრეტულ მოხალისეობრივი პროგრამების მნიშვნელობა; • დაბრკოლებები და ბარიერები მოხალისეობის პროცესში; • წარმატებული მაგალითების განხილვა; • ინტერესებისა და შესაძლებლობების თანხვედრა; სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) წარმოგიდგენთ ზურა ჯაშის ლექციას: „მოდერნულობა და საეკლესიო ტრადიცია“. ზურა ჯაში არის მიუნსტერის მართლმადიდებლური თეოლოგიური ფაკულტეტის დოქტორანტი. ლექცია წაკითხულია EMC-ს მიერ ორგანიზებული დისკუსიის ფარგლებში: „რელიგია და მისი სოციალური განზომილებები - ხელახალი წაკითხვის მცდელობა“. ] წყარო: emc.org.ge