კახეთი. 3 დეკემბერს შეზღუდული შესაძლებლობების მქონე პირთა უფლებების დაცვის საერთაშორისო დღეა. ორგანიზაცია ქედელი ამ დღეს უძღვნის სხვადასხვა აქტივობებს, ესტუმრეთ მათი ნამუშევრების გამოფენა–გაყიდვას, ლექციას, კონცერტს და ფილმს. სრულად...  თუ ჯერ კიდევ არ იცით ქედელის შესახებ უყურეთ ვიდეოს.... 

თბილისი. „საერთაშორისო გამჭვირვალობა“ საქართველოში პოლიტიური კრიზისის პირობებში ხელისუფლებას სამოქალაქო საზოგადოებასთან დიალოგისკენ მოუწოდებს.  „საერთაშორისო გამჭვირვალობა“ ღრმა შეშფოთებას გამოთქვამს საქართველოში მიმდინარე პოლიტიკური კრიზისისა და სამოქალაქო საზოგადოების ჯგუფების წინააღმდეგ განხორციელებული თავდასხმების გამო, რაც საფრთხეს უქმნის ქვეყნის დემოკრატიულ წინსვლასა და კორუფციის წინააღმდეგ ბრძოლას. „საერთაშორისო გამჭვირვალობა“ წარსულში უკვე განაცხადა საქართველოში სახელმწიფოს მიტაცების ნიშნების არსებობის შესახებ. საარჩევნო რეფორმის შეჩერება ასუსტებს ქართული დემოკრატიის ხარისხს და საფრთხეს უქმნის კორუფციის წინააღმდეგ ბრძოლას.  სრულად...  წყარო: www.transparency.ge

თბილისი. 25 ნოემბერს, „ინფორმაციის თავისუფლების განვითარების ინსტიტუტმა“ (IDFI) საქართველოს პარლამენტის ეროვნულ ბიბლიოთეკასთან თანამშრომლობით, საქართველოს პირველი რესპუბლიკის გამოჩენილი მოღვაწის ნიკოლოზ (კარლო) ჩხეიძის ცხოვრებისა და მოღვაწეობის მემორიალური ალბომის პრეზენტაცია გაიმართა. „ალბომში შესულია აქამდე გამოუქვეყნებელი საარქივო და ფოტო მასალა, ასევე ვრცელი ანოტაციები და კარლო ჩხეიძის ბიოგრაფიული და საზოგადო მოღვაწეობის ამსახველი დეტალები“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. 30 ნოემბერს, შერატონ გრანდ თბილისი მეტეხი პალასში, საქართველოს ქალთა საერთაშორისო ორგანიზაცია საახალწლო გამოფენას გამართავს. თუ გსურთ, საახალწლოდ საჩუქრებიც იყიდოთ, ადგილობრივი და უცხოური პროდუქტები დააგემოვნოთ და თან ქველმოქმედებაშიც ჩაერთოთ, ეწვიეთ გამოფენას. სრულად... წყარო: ევროკავშირის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია აქვეყნებს პასუხებს შეკითხვებზე, რომელიც პარლამენტის მიერ საკონსტიტუციო ცვლილებების ჩაგდების შემდეგ გაჩნდა. „კონსტიტუციური კანონის პროექტს, რომლის მიხედვითაც 2020 წლის არჩევნები სრულად პროპორციული სისტემით (ბუნებრივი ბარიერით) უნდა ჩატარებულიყო, რეგისტრირებული 141 დეპუტატიდან პირველი მოსმენით მხარი დაუჭირა 101-მა დეპუტატმა (წინააღმდეგ წავიდა - 3). ხმის მიცემისგან თავი შეიკავა 37-მა პარლამენტარმა. იმ პარლამენტარებს შორის, რომლებმაც მხარი არ დაუჭირეს საკონსტიტუციო ცვლილებებს, 35 მაჟორიტარული წესითაა არჩეული, 5 კი პროპორციულით. იმ 7 დეპუტატიდან, რომლებიც პარლამენტის სხდომას არ დასწრებიან, ფრაქცია ქართული ოცნების თავმჯდომარის - მამუკა მდინარაძის - თქმით, 3-ს საპატიო მიზეზი ჰქონდა. საია გთავაზობთ ამ პროცესში ხშირად დასმული შეკითხვებსა და მათზე პასუხებს“, - ნათქვამია ორგანიზაციის ვებგვერდზე განთავსებულ ინფორმაციაში. სრულად...  წყარო: https://gyla.ge

თბილისი. 2019 წლის ოქტომბრიდან, „საფარს“ ახალი წევრი ჰყავს – ადვოკატი თამარ ლუკავა, რომელიც ორგანიზაციაში სექსუალურ ძალადობასთან დაკავშირებულ საქმეებზე იმუშავებს. „თამარ ლუკავა ადვოკატთა ასოციაციის ადამიანის უფლებათა კომიტეტს წევრი, არასრულწლოვანთა მართლმსაჯულებაში სპეციალიზებული ადვოკატია. წინა წლებში, იგი ქვემო ქართლის რეგიონალური ოფისის კოორდინატორად და იურისტად მუშაობდა ადამიანის უფლებათა ცენტრში. თამარი საფარში ამჟამად სხვადასხვა საქმეებზე მუშაობს, რომელთა შორისაა თამთა თოდაძის გახმაურებული საქმეც“, ნათქვამია ორგანიზაციის ვებგვერდზე. სრულად... წყარო: sapari.ge

თბილისი. საქართველოს ახალგაზრდა იურისტთა ასოციაცია (საია) ორგანიზაციის წევრებს აცნობებს, რომ ასოციაციის მორიგი (XXVII) საერთო კრება ჩატარდება 2019 წლის 30 ნოემბერს, საქართველოს პარლამენტის ეროვნულ ბიბლიოთეკაში. სრულად... წყარო: gyla.ge

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს კახა გოგოლაშვილის ნაშრომს: ათი წელი აღმოსავლეთ პარტნიორობიდან: რა უნდა გააკეთონ ასოცირებულმა ქვეყნებმა. სრულად... წყარო: www.gfsis.org

თბილისი. ევროპის ფონდმა შექმნა სურსათის უვნებლობის აპლიკაცია უვნო (Uvno), რომელიც, პირველად საქართველოში, მარტივად ხელმისაწვდომს ხდის სურსათის ეროვნული სააგენტოს (სეს) მიერ საქართველოში მოქმედი სასურსათო ობიექტების ინსპექტირების შედეგებს 2016 წლიდან დღემდე. აპლიკაციის მიზანია, სურსათის საწარმოებში არსებული მდგომარეობის შესახებ მომხმარებლის ინფორმირება, რათა მან გაცნობიერებული გადაწყვეტილება მიიღოს ობიექტში სურსათის შეძენის თაობაზე. მეორე მხრივ, აპლიკაცია ერთგვარი პლატფორმაა სამოქალაქო მონიტორინგისათვის, რათა მომხმარებლებს ჰქონდეთ ერთმანეთისათვის ინფორმაციის გაზიარების ქმედითი ინსტრუმენტი. სრულად...  წყარო: http://www.epfound.ge

ცოდნის კაფემ #Pita-ს მონაწილეებს მსუბუქი ხემსის მასტერკლასით უმასპინძლა. „20-მდე ახალგაზრდა გორიდან ცოდნის კაფეში ჩამოვიდა. გავუზიარეთ როგორ მუშაობს სოციალური საწარმო და შევთანხმდით თანამშრომლობაზე“, ნათქვამია ცოდნის კაფის გვერდზე სოციალურ ქსელში. სრულად... წყარო: ცოდნის კაფის გვერდი სოციალურ ქსელში სოციალური სხვა

აჭარა. 11 ნოემბერს, ხულოს მუნიციპალიტეტში, სოფელ ჩაოში მცხოვრებ მოსწავლეებს ყალბი ინფორმაციისა და ანტიდასავლური პროპაგანდის შესახებ ვესაუბრეთ. „შეხვედრაზე განვიხილეთ მიზანმიმართული პროპაგანდის მაგალითები. მონაწილეებს გავაცანით კვლევა, რომელშიც საუბარია ძირითად ყალბ ინფორმაციაზე. ვიმსჯელეთ, რამდენად ხშირად ხდება თითოეული ჩვენგანი ინტერნეტში გავრცელებული მცდარი ინფორმაციის მსხვერპლი. მონაწილეებს ასევე გავაცანით ყალბ ინფორმაციასა და ანტიდასავლურ პროპაგანდასთან ბრძოლის გზები“, ნათქვამი ორგანიზაციის ვებგვერდზე. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „ჰელფინგ ჰენდი“ აქვეყნებს ბლოგპოსტს მოხალისეობის შესახებ. „მოხალისეობა არაანაზღაურებადი საქმიანობაა, ის გულისხმობს ნებაყოფლობით დახარჯო დრო, რათა სხვას დაეხმარო და სოციალური სარგებელი მოიტანო. მოხალისეობა არ უნდა გავაიგივოთ მხოლოდ ქველმოქმედებასთან. ურთიერთთანამშრომლობა მოხალისესა და ამა თუ იმ ორგანიზაციას შორის ორივე მხარისთვის მომგებიანია. მოხალისე თავისუფალ დროს საზოგადოებისა და საკუთარი თავისთვის სასარგებლო შრომით ავსებს. გახდი მოხალისე შენც, დარეგისტრირდი და მიიღე მონაწილეობა კეთილ საქმეში. დააგროვე გამოცდილება და გაუზიარე შენი ცოდნა სხვებსაც. რეგისტრაცია... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) ეხმიანება საქართველოს პარლამენტში 2019 წლის 2 ოქტომბერს „ინფორმაციული უსაფრთხოების შესახებ“ საქართველოს კანონში ცვლილების შეტანის შესახებ ინიცირებულ კანონპროექტს. „უპირველეს ყოვლისა ხაზი უნდა გავუსვათ იმ ფაქტს, რომ ინფორმაციული ტექნოლოგიების სწრაფი განვითარება ზრდის ერთი მხრივ საზოგადოების თითოეული წევრის დამოკიდებულებას თანამედროვე ელექტრონულ სისტემებზე, ხოლო მეორე მხრივ აძლიერებს სახელმწიფო სერვისების, სტრუქტურების და უსაფრთხოების სისტემების დამოკიდებულებას მუდმივად განახლებად ციფრულ ტექნოლოგიებზე, რაც ბუნებრივად წარმოშობს როგორც საგარეო, ასევე, საშინაო რისკებს. ასეთი რისკების განსაზღვრა და მათი დაცვის შესაბამისი ღონისძიებების დანერგვა აუცილებელია“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ორგანიზაციის მკვლევრის, გიორგი ბილანიშვილის ბლოგპოსტს: რუსული პროპაგანდის მთავარი გზავნილები. „რამდენად ეფექტიანია რუსული პროპაგანდა, ამაზე ცალსახა პასუხი ალბათ არ არსებობს, რადგან რუსეთის ნეგატივის გადაფარვა, თუნდაც გამართული და კარგად ორგანიზებული პროპაგანდით საკმაოდ რთულია. თუმცა ერთმნიშვნელოვნად შეიძლება ვთქვათ, რომ დღეისათვის დასავლეთში, მათ შორის, განსაკუთრებით, აღმოსავლეთ ევროპისა და ბალტიის ქვეყნებში, რუსული პროპაგანდის განეიტრალება ეროვნული უსაფრთხოებისთვის ერთ-ერთ უმნიშვნელოვანეს გამოწვევად სრულიად სამართლიანად მიიჩნევა, რაც სათანადოდ ასახულია კიდეც ამ ქვეყნების კონცეპტუალურ და ეროვნული უსაფრთხოების სხვა დოკუმენტებში“, ნათქვამია ორგანიზაციის ვებგვერდზე. სრულად... წყარო: www.gfsis.org

თბილისი. ადამიანის უფლებების სწავლებისა და მონიტორინგის ცენტრი (EMC) ქვეყანაში აზარტულ თამაშებთან დაკავშირებით არსებული პრობლემების გადაჭრისთვის სახელმწიფოსგან აქტიური პოლიტიკის გატარებას მოითხოვს. „ხელმისაწვდომი კვლევების თანახმად, საქართველოში, აზარტულ თამაშებში მოსახლეობის, მათ შორის ბავშვების, ჩართულობა საგანგაშოდ მაღალია. აზარტული თამაშების გავრცელება და სოციალურ-ეკონომიკური მოწყვლადობა ერთმანეთთან მჭიდროდ გადაჯაჭვული მოვლენებია და, ცალკეულ შემთხვევებში, ერთმანეთს განაპირობებენ კიდეც. აზარტულ თამაშებთან დაკავშირებულ პრობლემებს შორის გვხვდება საცხოვრებლის დაკარგვა და უსახლკაროდ დარჩენა, ან უმძიმეს პირობებში, არასათანადო საცხოვრისში ცხოვრება, უმუშევრობა, სუიციდი და სხვა. არსებული გამოწვევები, მათი სიმწვავის გათვალისწინებით, სახელმწიფოს მყისიერ და ადეკვატურ რეაგირებას საჭიროებს“, - ვკითხულობთ ორგანიზაციის მიერ გავრცელებულ განცხაებაში. სრულად...  წყარო: https://emc.org.ge

თბილისი. საერთაშორისო გამჭვირვალობა - საქართველომ იმერეთის სამოქალაქო საბჭოს წევრების 2018-2019 წლების საქმიანობის ანგარიში გამოაქვეყნა. „2019 წელს „საერთაშორისო გამჭვირვალობა-საქართველოს” სამოქალაქო საბჭოების წევრებმა ქუთაისის, წყალტუბოს, ხონის, ბაღდათის და ტყიბულის თვითმმართველობებს 38 პრობლემის/საჭიროების მოგვარების მოთხოვნით მიმართეს, მათგან მუნიციპალიტეტების მერიებმა 24-ის მოგვარების მზაობა გამოთქვეს“, - ვკითხულობთ ანგარიშში. სრულად...  წყარო: www.transparency.ge

თბილისი. საპატრიარქოში განვითარებულ მოვლენებთან დაკავშირებით, საქართველოს სახალხო დამცველმა განცხადება გააკეთა. „ბოლო დღეების განმავლობაში, ცალკეული სასულიერო პირები მედიის საშუალებით აჟღერებენ ინფორმაციას, რომ მათთვის ცნობილია სასულიერო პირების მხრიდან განხორციელებული სავარაუდო სექსუალური შევიწროების და სექსუალური ხასიათის ქმედებების იძულების ფაქტების შესახებ. საუბრებში ისინი ასევე მიანიშნებენ, რომ ეს ქმედებები შესაძლოა ჩადენილი იყოს არასრულწლოვანთა მიმართაც“, - აღნიშნულია განცხადებაში, - „მინდა განვმარტო, რომ გავრცელებული ინფორმაცია შეიცავს სისხლის სამართლის კოდექსით გათვალისწინებული დასჯადი ქმედების ნიშნებს. შესაბამისად, მოვუწოდებ სამართლდამცავ ორგანოებს, დაინტერესდნენ და დაიწყონ გამოძება თითოეულ ინფორმაციასთან დაკავშირებით. ასევე, მოვუწოდებ ყველა იმ პირს, რომლისთვისაც ცნობილია ზემოაღნიშნული სავარაუდო დანაშაულებრივი ქმედებების შესახებ, დაუყოვნებლივ მიმართოს შესაბამის ორგანოებს“. სრულად...  წყარო: http://ombudsman.ge

აჭარა. „საერთაშორისო გამჭვირვალობა - საქართველომ” აჭარის სამოქალაქო საბჭოს წევრების 2018-2019 წლების საქმიანობის ანგარიში გამოაქვეყნა.  „2018 წლის ნოემბერში „საერთაშორისო გამჭვირვალობა - საქართველოს” სამოქალაქო საბჭოს წევრებმა ბათუმში, ქედაში, შუახევსა და ხულოში არსებული 15 დასახლების 52 პრობლემა და საჭიროება გამოავლინეს. მათი გადაჭრის მიზნით, ჩვენმა ორგანიზაციამ მუნიციპალიტეტებს გასული წლის ბოლოს მიმართა. მუნიციპალიტეტების მერიებიდან დასახელებულთანგან 25 პრობლემის გადაჭრის პირობა მივიღეთ“, - ვკითხულობთ ანგარიშში.  სრულად...  წყარო: www.transparency.ge

თბილისი. საქართველოს საზოგადოებრივი ორგანიზაციები ეხმიანებიან ქალაქ წყალტუბოში არსებული შენობებისა და სივრცეების ფართომასშტაბიანი გასხვისების შესახებ მედიაში გავრცელებულ ინფორმაციას. ისინი დაუშვებლად მიიჩნევენ საზოგადოებისთვის მნიშვნელოვანი რესურსების გაცხადებული ფორმით პრივატიზებას. „პირველ რიგში, ჩვენთვის მიუღებელია ის ფაქტი, რომ სახელმწიფოს არ გააჩნია ამა თუ იმ საჯარო სივრცის, ქალაქისა და რეგიონის განვითარების სტრატეგიული გეგმა და მხოლოდ იქ არსებული ქონებისა და საჯარო რესურსების პრივატიზებაში ხედავს განვითარების გზას. ამგვარი მიდგომა ქმნის სახელმწიფოს არაქმედითობის განცდას, აკნინებს სახელმწიფო ინსტიტუციების მნიშვნელობას და ხელს უწყობს სახელმწიფო ქონების დაუსაბუთებელი და გაუაზრებელი გაყიდვის შემთხვევებს“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ნატო-საქართველოს სახალხო დიპლომატიის ფორუმის პირველი დღე სესიით: „კონსპირაციის თეორიები, ტყუილები და ყალბი ინფორმაცია“ დასრულდა. „ბოლოდროინდელი კვლევების თანახმად, ბევრ დასავლურ დემოკრატიაში სულ უფრო იზრდება უფსკრული რეალობასა და წარმოდგენას შორის, რაც პოლიტიკური მანიპულაციების რისკს ზრდის. მთელი ცივილიზებული სამყარო ცდილობს გაუმკლავდეს დეზინფორმაციას და ტექნოლოგიების იარაღად ქცევის პროცესს“, ნათქვამია ორგანიზაციის გვერდზე. სრულად... წყარო: ორგანიზაციის გვერდი სოციალურ ქსელში

აჭარა. 30 ოქტომბერს, ბათუმის №11 საჯარო სკოლის მოსწავლეებისთვის ჩატარდა თანატოლგანმანათლებელთა ტრენინგი თემაზე: „სურსათის უვნებლობა და ეტიკეტირების ახალი რეგულაციები“. „მომხსენებლებმა ისაუბრეს პროდუქციის ვადებზე, პროდუქტის სუფთა წონაზე და ზოგადად განიხილეს ეტიკეტირებასთან დაკავშირებული ახალი რეგულაციები. ამას გარდა, მოსწავლეებს გააცნეს სურსათის უვნებლობის სააგენტოს მუშაობის პრინციპი და მიაწოდეს ინფორმაცია სააგენტოს ცხელი ხაზის შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თამთა მიქელაძის ბლოგ პოსტს: „ეკლესიის კრიზისის რამდენიმე პოლიტიკური ასპექტი“. „ამ მოცემულობაში საინტერესოა, რომ ეკლესია მზარდად აგროვებს ფინანსურ და ქონებრივ რესურსებს და ის სხვადასხვა არხიდან (სახელმწიფო ბიუჯეტი, თვითმმართველობების ბიუჯეტი, სარეზერვო ფონდებიდან, ცალკეული სამინისტროების ბიუჯეტები, სახელმწიფოს უძრავი ქონების გადაცემა) სახელმწიფოსგან მუდმივად იღებს დაფინანსებას. უნდა ითქვას, რომ ის ამ რესურსების უკიდურესად მინიმალურ წილს ხარჯავს სოციალური მსახურებისთვის. ამის ნაცვლად, საპატრიარქო აძლიერებს ეკლესიების მშენებლობის და საგანმანათლებლო სამუშაოებს, როგორც მისი ყველგანმყოფობის, გავლენის და საბოლოოდ ძალაუფლების გატარების მექანიზმებს. სიმდიდრის დაგროვების ამ პრაქტიკამ ეკლესია გააუცხოვა ჩვენი ღარიბი და სასოწარკვეთილი საზოგადოებისგან და მთლიანად ძალაუფლების ველში მოისროლა. პრივილეგირებულ ეპისკოპოსებს და სხვა იერარქიებს მათი მოოქროვილი სივრცეებიდან აღარ ესმით ტანჯულების ხმები“, ნათქვამია ორგანიზაციის ვებ-გვერდზე.  სრულად... წყარო: emc.org.ge