თბილისი. 12 მარტს, ვებ-გვერდ Goal.ge-ზე გავრცელდა ინფორმაცია, რომ ქართულმა არასამთავრობო ორგანიზაციებმა სახალხო დამცველთან ერთად, ნიკოლოზ ბასილაშვილის დოჰას ტურნირიდან მოხსნა მოითხოვეს. მითების დეტექტორის წყაროები ადასტურებენ, რომ ეს ინფორმაცია ცალსახა სიცრუეა. სრულად... წყარო: www.mythdetector.ge

აჭარა. საქართველოს ახალგაზრდა იურისტთა ასოციაციის ინფორმაციით, ორგანიზაციამ 2021 წლის 22 იანვარს სასამართლოში სარჩელი შეიტანა „ბათუმი რივიერას“ საქმეზე. „სასამართლოში მშენებლობის ნებართვის ბათილად ცნობასთან ერთად, მოთხოვნილი იყო გასაჩივრებული აქტის მოქმედების შეჩერება. სასამართლომ სარჩელი წარმოებაში მიიღო და არ დააკმაყოფილა მშენებლობის ნებართვის მოქმედების შეჩერება დავის საბოლოო გადაწყვეტამდე. აშკარაა, რომ სასამართლო განხილვის დასრულებამდე სამშენებლო სამუშაოების არ შეჩერების შემთხვევაში დავა სრულად ილუზორული გახდება და შესაძლოა გამოუსწორებელი ზიანი მიადგეს მთლიანად ქალაქს. თბილისის საქალაქო სასამართლოს განჩინება საიამ სააპელაციო სასამართლოში გაასაჩივრა“. სრულად... წყარო: gyla.ge

გურია. „გურიის განვითარების კავშირმა“, პროექტის - „გურიის ტურისტული პოტენციალის პოპულარიზაცია ევროპის ქვეყნების დამეგობრებულ ქალაქების რესურსების გამოყენებით“ - ფარგლებში, გამოსცა გურიის ქართულ და ინგლისურენოვანი აგრო-ტურისტული რუკები გამოსცა. პროექტი მიზანი იყო გურიაში არსებული აგრო ტურისტული ობიექტების პოპულარიზაცია და, Covid 19-ის პანდემიის ეპიდემიოლოგიური რისკის პირობებში, შიდა ტურიზმის განვითარების ხელშეწყობა შემდგომში, თემის წარმომადგენლების დასაქმების და ოჯახების ეკონომიკური მდგომარეობის გაუმჯობესების მიზნით.  პროექტი, „გურიის ტურისტული პოტენციალის პოპულარიზაცია ევროპის ქვეყნების დამეგობრებულ ქალაქების რესურსების გამოყენებით“, განახორციელდა ოზურგეთის პროგრესის სახლის და გურიის ახალგაზრდული რესურსცენტის მიერ გაეროს განვითარების პროგრამის (UNDP) რეგიონული და ადგილობრივი განვითარების ხელშეწყობის პროექტის, საქართველოს რეგიონული განვითარებისა და ინფრასტრუქტურის სამინისტროს, შვეიცარიის განვითარებისა და თანამშრომლობის სააგენტოსა (SDC) და ავსტრიის განვითარების თანამშრომლობის (ADC) ფინანსური მხარდაჭერით.  სრულად...   წყარო: გვერდი სოციალურ ქსელში

თბილისი. 2020 წლის 10 დეკემბერს საქართველოს სახალხო დამცველის მოადგილე ეკატერინე სხილაძემ მონაწილეობა მიიღო „Start to Talk“ კამპანიის გახსნის ღონისძიებაში, რომელიც სპორტში ბავშვთა მიმართ სექსუალური შევიწროებისა და ძალადობის წინააღმდეგ ხორციელდება. მან სიტყვით გამოსვლისას ისაუბრა საქართველოში ბავშვის მიმართ ძალადობის, მათ შორის, სექსუალური ძალადობის პრევენციის, გამოვლენის, მსხვერპლთა დაცვისა და დახმარების მიმართულებით არსებულ გამოწვევებზე და ხაზი გაუსვა მსგავსი კამპანიების მნიშვნელობას. სრულად... წყარო: ombudsman.ge

თბილისი. განათლების განვითარების და დასაქმების ცენტრი (EDEC) ავრცელებს ინფორმაციას ევროკავშირის მიერ დაფინანსებული პროექტის „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ შესახებ. „პროექტის ფარგლებში, 3,240 სამუშაოს მაძიებელი მიიღებს ცოდნასა და გაიუმჯობესებს შრომის ღია ბაზარზე სამუშაოს ძიების უნარებს, მათგან 720 პირი ჩაერთვება პროფესიული მომზადება –გადამზადების პროგრამაში – სამუშაოზე მიმაგრებული სწავლებისა და სტაჟირების პროგრამებში, რომელთა მინიმუმ 50% დასაქმდება“, ნათქვამია ორგანიზაციის გვერდზე სოციალურ ქსელში.  პროექტის შესახებ მეტი ინფორმაციის მისაღებად უყურეთ LIVE ჩართვას 19 დეკემბერს 12:30 საათიდან პლატფორმაზე... სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. 1 ნოემბერს, განათლების განვითარების და დასაქმების ცენტრის მხარდაჭერით, „კავკასიის ველო ქსელმა“, პროექტის „სამოქალაქო საზოგადოების განვითარების ინიციატივა“ ფარგლებში, დუშეთის მუნიციპალიტეტში, კერძოდ, ანანურიდან არაგვის სათავგადასავლო ცენტრამდე, ჩაატარა ველოშეჯიბრი “Zhinvali XC Adventure 2020”, რომელიც მიზნად ისახავდა ჯანსაღი ცხოვრებისა და მოხალისეობრივი იდეის პოპულარიზაციას. მოხალისეობის პოპულარიზაციის მიზნით, დუშეთის მუნიციპალიტეტიდან 10 მოხალისე ჩართული იყო შეჯიბრის სხვადასხვა საორგანიზაციო საკითხებში და ღონისძიების წარმართვაში. ველოშეჯიბრი “Zhinvali XC Adventure 2020” ერთ–ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. 1 ნოემბერს, განათლების განვითარების და დასაქმების ცენტრის მხარდაჭერით, „კავკასიის ველო ქსელმა“, პროექტის „სამოქალაქო საზოგადოების განვითარების ინიციატივა“ ფარგლებში, დუშეთის მუნიციპალიტეტში, კერძოდ, ანანურიდან არაგვის სათავგადასავლო ცენტრამდე, ჩაატარა ველოშეჯიბრს “Zhinvali XC Adventure 2020”, რომელიც მიზნად ისახავდა ჯანსაღი ცხოვრებისა და მოხალისეობრივი იდეის პოპულარიზაციას. „ველოშეჯიბრი “Zhinvali XC Adventure 2020” ერთ–ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. კონკურსი პროექტის „სამოქალაქო საზოგადოების განვითარების ინიციატივა“ ფარგლებში ჩატარდა და მისმიზნად ისახავს მოხალისეობის იდეის პოპულარიზაციის ხელშეწყობას, მოხალისეობის გზით მოქალაქეთა სამოქალაქო ცნობიერების ამაღლებასა და სამოქალაქო აქტივობებში მათი ჩართულობის გაზრდას.  „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS)“. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) სამართლებრივ დახმარებას უწევს ქალთა საფეხბურთო კლუბის ექვს ფეხბურთელს, მათ შორის, ორ არასრულწლოვანს. ორგანიზაციის ინფორმაციით, საქმე ეხება ქალების მიმართ, მწვრთნელის მხრიდან, განხორციელებულ სექსუალურ შევიწროვებას და ეთნიკური ნიშნით დისკრიმინაციას. სრულად... წყარო: phr.ge

კახეთი. თელავში ახალი პროექტის - „ჩემი ქუჩა, ჩვენი ქალაქი“ განხორციელება დაიწყო. მისი მიზიანია ისტორიული სახლებით სავსე უბნის, მაწანწარას და, კერძოდ, ჭავავაძის ქუჩის მდიდარი ისტორიის შესწავლა.  პროექტის, ასევე, მიზნად ისახავს ამ ტერიტორიის განვითარებასა და იქ მცხოვრები ოჯახების ტურისტულ ცხოვრებაში სრულფასოვან ჩართვას, რისთვისაც შინამეურნეობების შესაძლებლობებს შეისწავლიან. ინფორმაციას ამის შესახებ ავრცელებს პორტალი „თვითმმართველობის დროა“.  სრულად...  წყარო: https://droa.ge

თბილისი. არის თუ არა სპორტი დაკავშირებული პოლიტიკასთან? უნდა გავმიჯნოთ თუ არა სპორტი და პოლიტიკა? რა კავშირები არსებობს სპორტსა და პოლიტიკას შორის? - ეს არის საკითხები, რომელსაც ინფორმაციის თავისუფლების განვითარების ინსტიტუტი (IDFI) ეხება თავის პუბლიკაციაში - „რუსული სპორტი და პოლიტიკა“.  „თანამედროვე ისევე, როგორც საბჭოთა რუსეთის ისტორიაში სპორტი და პოლიტიკა მნიშვნელოვნადაა დაკავშირებული ერთმანეთთან. თუკი საბჭოთა კავშირი სპორტს იყენებდა დასავლეთზე უპირატესობის დასამტკიცებლად და საბჭოთა რეჟიმის რეპუტაციის საერთაშორისო დონეზე გასაუმჯობესებლად, თანამედროვე პუტინის რეჟიმი სპორტს რამდენიმე მიზნით იყენებს: უპირველეს ყოვლისა, სპორტული ღონისძიებებისა და შესაბამისი პროპაგანდის მეშვეობით პუტინი ახდენს საკუთარი იმიჯის ასოცირებას გამარჯვებასა და ძლევამოსილებასთან; გარდა ამისა, ისეთ მასშტაბურ ღონისძიებებს, როგორებიცაა ოლიმპიური თამაშები და მსოფლიო თასი, პუტინის რეჟიმი იყენებს ერთი მხრივ საერთაშორიო დონეზე საკუთარი იმიჯის რებრენდინგისთვის, მეორე მხრივ კი რუსი ხალხის კონსოლიდაციისთვის მაშინ, როცა ქვეყანაში სერიოზული სოციო-ეკონომიკური პრობლემებია; ამასთანავე, სპორტულ სფეროში აქტიურად არიან ჩართული მსხვილი ბიზნესმენები პუტინის გარემოცვიდან, რომლებიც აკონტროლებენ სპორტული კლუბებისა და ორგანიზაციების უმრავლესობას და მათ იყენებენ სხვადასხვა სახის კორუფციული სქემების ასამუშავებლად. შესაბამისად, შეიძლება ითქვას, რომ თანამედროვე ისევე, როგორც საბჭოთა რუსეთში სპორტის გამიჯვნა პოლიტიკისგან ფაქტობრივად შეუძლებელია. დღემდე რუსეთი რჩება სახელმწიფოდ, სადაც ბიზნესი, კრიმინალი, სპორტი და პოლიტიკა მჭიდროდაა გადაჯაჭვული ერთმანეთთან“, - ვკითხულობთ პუბლიკაციაში.  სრულად...   წყარო: ორგანიზაციის ვებგვერდი

თბილისი. ჰაინრიხ ბიოლის ფონდის სამხრეთ კავკასიის ბიურო აქვეყნებს გიორგი რაჯებაშვილის პუბლიკაციას: მასობრივი ტურიზმის ზეგავლენა ყაზბეგის რეგიონზე. ნაშრომში წაიკითხავთ იმ საფრთხეებზე, რომელიც ტურიზმის სტრატეგიის არარსებობის შემთხვევაში თვითნებურად და ქაოტურად განვითარებულ მასობრივ/ჭარბ ტურიზმს ახლავს თან, რაც უკვე სტეფანწმინდის რეგიონშიც შეინიშნება. სრულად... წყარო: ge.boell.org

თბილისი. მარკეტერმა ერთ ბლოგპოსტში მოუყარა თავი ამერიკის შეერთებული შტატების საერთაშორისო განვითარების სააგენტოს მიერ გამოცხადებულ გრანტებს. გაეცანით საგრანტო კონკურსებს და დაინტერესების შემთხვევაში, შეიტანეთ განაცხადი. სრულად... წყარო: www.marketer.ge

ქვემო ქართლი. პლატფორმა სალამ აქვეყნებს ინფორმაციას, რომლის თანახმადაც ორგანიზაცია გეგმავს ქვემო ქართლის მრავალფეროვნების საჩვენებლად და ტურისტული პოტენციალის მხარდასაჭერად დაიწყოს კამპანია #აღმოაჩინექვემოქართლი და ჩამოაყალიბოს ვირტუალური ადგილობრივი გიდი. „ამ კამპანიის ფარგლებში, სოციალური ქსელების სახლში დარჩენილ მომხმარებლებს ყოველდღიურად მივაწოდებთ ქვემო ქართლის მხარის ღირსშესანიშნაობათა შესახებ ცნობებს დართული ფოტომასალით, რათა ხელი შეეწყოს გარდაბნის, მარნეულის, ბოლნისის, დმანისის, თეთრიწყაროს, წალკისა და რუსთავის შემოგარენში წარმოდგენილ ბუნებისა თუ კულტურული მემკვიდრეობის ძეგლების ცნობადობას. ჩვენ მოვამზადებთ ინფორმაციას როგორც ქართულ, ისე ინგლისურ და აზერბაიჯანულ ენებზე, რათა საერთაშორისო ტურიზმთან ერთად ადგილობრივი ბაზარიც დაინტერესდეს ქვემო ქართლით“. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. დემოკრატიული ჩართულობის მხარდაჭერის პროგრამის ფარგლებში, პროექტის მონაწილეები აქტიურად ჩაერთვნენ ახალციხის მუნიციპალიტეტის მიერ გამოცხადებულ პროექტში „ჩაერთე მონაწილეობითი ბიუჯეტირების პროცესში“. მონაწილეთა მიერ წარდგენილმა იდეამ, გაიარა შერჩევის პირველი ეტაპი და გადავიდა მომდევნო, ხმის ელექტრონულად მიცემის კონკურსში. სრულად... წყარო: ორგანიზაციის გვერდი სოციალურ ქსელში

სამეგრელო. საქართველოს ტურიზმის ეროვნული ადმინისტრაციის (GNTA) და საქართველოს გასტრონომიის ასოციაციის ინიციატივით და USAID/Zrda-ს ფინანსური მხარდაჭერით სამეგრელოში 26-28 სექტემბერს სამ-დღიანი გასტრონომიული ტური გაიმართა.  „ღონისძიების ფარგლებში, ქვეყნის წამყვანი შეფ-მზარეულები ადგილობრივ რესტორნებსა და საოჯახო სასტუმროებს სტუმრობდნენ, სადაც მედიის წარმომადგენლებისთვის ერთობლივი მასტერკლასები გაიმართა“.  სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. 14 სექტემბერს, ყაზბეგის მუნიციპალიტეტის სოფელ გაიბოტენში ყაზბეგის ადგილობრივი განვითარების ჯგუფის, საზოგადოებრივი ორგანიზაცია “ლომეკის” და სტეფანწმინდის ისტორიული მუზეუმის ორგანიზებით გაიმართა ფესტივალი -„გაიბოტნობა“, რომელიც ისტორიული სოფლის - გაიბოტენის აღდგენა−რეაბილიტაციის იდეას მიეძღვნა. ფესტივალზე მოსულმა სტუმრებმა დაათავლიერეს ფოტო-გამოფენა, სადაც წარმოდგენილი იყო გაიბოტენის სიძველეების შესახებ სტეფანწმინდის ისტორიულ მუზეუმში დაცული ვიზუალური მასალა და მოხეური ყოფის ამსახველი საარქივო ფოტოები; მოუსმინეს ქალთა ფოლკლოლურ ანსამბლ „დიდებაის“, გოგონათა ანსამბლ „მზე შინასა“ და ბავშვთა ფოლკლორულ ანსამბლ „კარიბჭეს“; გაიმართა შეჯიბრი მკლავჭიდსა და ბაგირის გადაწევაში, ხატვაში - ბავშვებს შორის. ფესტივალზერ წარმოდგენილი იყო ძველი კუთხური თამაშობები, კუთხური სამზარეულო და ხინკლის მასტერკლასი, მოეწყო ხელნაკეთი ნივთების გამოფენა-გაყიდვა. სრულად  წყარო: გვერდი სოციალურ ქსელში

თბილისი. საერთაშორისო გამჭვირვალობა - საქართველო თვლის, რომ სახელმწიფოს მხრიდან სპორტული ფედერაციების დაფინანსების პოლიტიკა გადახედვას საჭიროებს და ჭიდაობის ფედერაციის მაგალითს განიხილავს. „ჭიდაობის ფედერაციაში მიმდინარე პროცესებით უნდა დაინტერესდეს პროკურატურა. ამ ეტაპზე შესაძლებელია იმის თქმა, რომ სახელმწიფო ბიუჯეტით გათვალისწინებული ჭიდაობის განვითარების პროგრამის მიზნებისთვის ა(ა)იპ „ჭიდაობის ეროვნული ფედერაციის“ დაფინანსება შეიცავს ამ სახსრების არამიზნობრივად ხარჯვის მაღალ რისკებს, ხოლო წარსული ტრანზაქციები შესაძლოა დანაშაულის ნიშნებს შეიცავდეს“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. გენდერული საინფორმაციო პორტალი აქვეყნებს ინფორმაციას #გაატარაზაფხულისაქართველოში #SpendYourSummerinGeorgia-ს შემქმნელებზე. „მარიამ გუჯაბიძემ, მარი ჯობავამ, ნინი მჭედლიშვილმა, ნინი ნოღაშვილმა და ქეთა გოლეთიანმა ერთმანეთი სამაგისტრო პროგრამაზე გაიცნეს. სულ რაღაც ერთი თვის წინ ვერც კი წარმოიდგენდნენ, რომ უზარმაზარი საერთაშორისო ტურისტული კამპანიის ორგანიზატორები გახდებოდნენ. მიმდინარე მოვლენებისა და რუსული ტურისტული სანქციების საპასუხოდ, მათ სრულიად ექსპრომტად კამპანია #SPENDYOURSUMMERINGEORGIA წამოიწყეს. ამავე დასახელების FACEBOOK- ჯგუფში თავიანთი უცხოელი მეგობრების მოწვევა დაიწყეს, რომელთაც საქართველოში ვიზიტისა და ზაფხულის გატარებისკენ მოუწოდებდნენ“, ნათქვამია პორტალის ვებგვერდზე. სრულად... წყარო: www.ginsc.net

15-19 აპრილს, რონდელის ფონდისა და ესტონური არასამთავრობო ორგანიზაციის, იან ტონისონის ინსტიტუტის (Jaan Tonisson Institute) ორგანიზებით, პანკისში, ახალქალაქსა და ხულოში ადგილობრივი მოსახლეობისთვის გაიმართა ერთდღიანი სემინარები ტურიზმის განვითარებასთან დაკავშირებით. „სემინარზე ესტონელმა და ქართველმა ექსპერტებმა განიხილეს ისეთი საკითხები, როგორიცაა წარმოება და ტურიზმი საქართველოში, სასოფლო ტურიზმი, სერვისის დიზაინი და მენეჯმენტი, პროექტები და დაფინანსების შესაძლებლობები (პარტნიორების მოძიება, პროექტის წერა, ა.შ.). სემინარების მიმდინარეობისას ჩატარდა პრაქტიკული სავარჯიშოები და გაიმართა დისკუსია", ნათქვამია ფონდის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო პლატფორმა „არა ფობიას!" საქართველოს ექსპრეზიდენტისა და პოლიტიკური პარტია „ერთიანი ნაციონალური მოძრაობის" ლიდერის, მიხეილ სააკაშვილის მიერ 2018 წლის 4 ნოემბერს გაკეთებულ განცხადებას ეხმაურება. „პლატფორმის წევრი ორგანიზაციები მოვუწოდებთ მას, ისევე როგორც სხვა პოლიტიკოსებს, თავი შეიკავონ სიძულვილის ენის გამოყენებისგან და მეტიც, აქტიურად შეუწყონ ხელი თანასწორობაზე, ტოლერანტობასადა ადამიანის უფლებებზე დაფუძნებული პოლიტიკური იდეების დამკვიდრებას საზოგადოებაში", - ნათქვამია გავრცელებულ განცხადებაში, - „მიგვაჩნია, რომ აღნიშნული განცხადება წარმოადგენს ეთნიკური და სოციალური/კლასობრივი ნიშნით პირთა დისკრიმინაციის წახალისებას და აფრიკის და აზიის ქვეყნებიდან მიგრანტების, როგორც ისედაც მოწყვლადი სოციალური ჯგუფების მარგინალიზაციას აღრმავებს. ამგვარი განცხადებები უარყოფით გავლენას ახდენს თანასწორობაზე, საზოგადოებრივ კონსოლიდაციაზე დაფუძნებული პოლიტიკური გარემოს ჩამოყალიბებაზე და ხელს უწყობს ქსენოფობიური განწყობების გაძლიერებას და პოლიტიზირებას ჩვენს საზოგადოებაში". სრულად  წყარო: www.osgf.ge

გურია. 27 სექტემბერს, ახალგაზრდა პედაგოგთა კავშირთან არსებული ახალგაზრდული ცენტრის ინიციატივით ტურიზმის საერთაშორისო დღე აღინიშნა. „პროექტ „გააცოცხლე გურიას" წარმომადგენელი კახა ტოტოჩავა ახალგაზრდებს ტურიზმის არსის, მისი განვითარების პერსპექტივებზე ესაუბრა. ძირითადად ყურადღება გამახვილდა გურიის ტურისტული პოტენციალის ათვისებაზე. სემინარის ერთ-ერთ ძირითად ხაზს წარმოადგენდა მნიშვნელოვანი საკითხი, თუ რა ნიშა უნდა დაიკავოს გურიამ ტურისტულ რუკაზე", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საზოგადოებრივი ორგანიზაციების ნაწილი, 2018 წლის 9 სექტემბერს, „დინამოს" სტადიონზე, საქართველოსა და ლატვიის საფეხბურთო ნაკრებებს შორის თამაშზე განვითარებულ მოვლენებს ეხმაურება. „აღნიშნულ თამაშზე გურამ კაშიას მიერ ლგბტ თემისადმი მხარდაჭერის გამოხატვის გამო, საზოგადოების ნაწილი მადლობის ნიშნად მხარდამჭერი დროშების და სხვა ატრიბუტიკის შეტანას სტადიონზე აპირებდა. თუმცა, ლგბტ აქტივისტების უმეტესობას სამართალდამცავი ორგანოების წარმომადგენლებმა, ლგბტ სიმბოლიკა ძალის გამოყენებით ჩამოართვეს და მათი სტადიონზე შეტანის საშუალება არ მისცეს", - ვკითხულობთ განცხადებაში, - „სამართალდამცავების მხრიდან ცენზურის მიუხედავად, სტადიონზე რამდენიმე აქტივისტმა მაინც შეძლო გარკვეული ატრიბუტიკის მალულად შეტანა. თუმცა, ლგბტ დროშის გაშლისას, აქტივისტებს აღნიშნული დროშა პოლიციამ წაართვა. საქართველოს შინაგან საქმეთა სამინისტროს თანამშრომლების მხრიდან ადგილი ჰქონდა სამსახურეობრივი უფებამოსილების გადამეტებას, რის შედეგადაც შეიზღუდა ლგბტ აქტივისტების გამოხატვის თავისუფლება. აღნიშნული ჩადენილი იყო დისკრიმინაციული მოტივით, რაც განპირობებული იყო ლგბტ თემისადმი მხარდამჭერი შეხედულებებით. აქვე უნდა აღინიშნოს, რომ თავად შსს-ს წარმომადგენლების განცხადებით, ისინი ფეხბურთის ფედერაციის მითითებებით ხელმძღვანელობდნენ, რომელმაც გასცა გაფრთხილება ლგბტ თემის მხარდაჭერასთან დაკავშირებული სიმბოლიკის სტადიონზე არ დაშვების შესახებ. თუმცა, როგორც ფეხბურთის ფედერაციამ განმარტა, მათ ასეთი შეზღუდვა არ დაუწესებიათ". სრულად  წყარო: http://www.isfed.ge