თბილისი. საერთაშორისო გამჭვირვალობა საქართველომ საპარლამენტო ამბების მორიგი აუდიო პოდკასტი გაავრცელა. 17 ივნისის გამოშვების თემებია იუსტიციის უმაღლესი საბჭოს არამოსამართლე წევრების არჩევის პროცესი, პრეზიდენტის მორიგი ვეტოს დაძლევა, უმაღლესი განათლების შესახებ კანონის პროექტი, შეხვედრა ინტერფრაქციული ჯგუფის ფარგლებში: მედიის მიერ წინასაარჩენო პერიოდის გაშუქება, კომუნიკაციების მარეგულირებელი კომისიის საქმიანობის შემსწავლელი კომისიის სხდომა: კომისიის წევრებმა გამჭვირვალობის წარმომადგენელს მოუსმინეს. საპარლამენტო ამბების პოდკასტი 17 ივნისი წყარო: transparency.ge

თბილისი. 17 ივნისს, კონსტიტუციის 42-ე მუხლის ორგანიზებით გაიმართება შეხვედრა - „ფორუმი პაციენტის უფლებათა დასაცავად". შეხვედრის მიზანია პაციენტთა უფლებათა დაცვის სფეროში არსებული პრობლემური საკითხების განსაზღვრა, ასევე სამთავრობო და არასამთავარობო სექტორებს შორის დიალოგის წარმართვა. შეხვედრას დაესწრნენ შრომის, ჯანმრთელობის დაცვისა და სოციალურ საკითხთა სამინისტროს,  სასჯელაღსრულების, პრობაციისა და იურიდიული დახმარების საკითხთა სამინისტროს წარმომადგენლები, ასევე სახალხო დამცველის ოფისის თანამშრომლები, ჯანმთრელობის დაცვის სფეროში მომუშავე არასამთავრობო ორგანიზაციები და წარმომადგენლები და პრაქტიკოსი ექიმები. შეხვედრა გაიმართა პროექტის – „სტრატეგიული სამართალწარმოება ჯანმრთელობის უფლებათა დასაცავად" – ფარგლებში.  პროექტი დაფინანსებულია „ღია საზოგადოება - საქართველოს" (OSGF) მიერ.  წყარო: ორგანიზაციის გვერდი სოციალურ ქსელში

აჭარა.აჭარაში დაიწყო სოფლის მეურნეობის ხელშეწყობის სამწლიანი პროგრამა. იგი ითვალისწინებს მცირე ფერმერთა ხელშეწყობას. ევროკავშირისა და აჭარის მთავროის მიერ დაფინანსებულ პროექტს წარუძღვება გაეროს განვითარების პროგრამა. აჭარის სოფლის მეურნეობის განვითარების ინიციატივა ევროპის სამეზობლო პროგრამის ENPARD-ის  ნაწილია. ENPARD–ის საშუალების ევროკავშირი ხელს უწყობს მეზობელ ქვეყნებში  ეკონომიკის ზრდას, სტაბილურობასა და სოფლის მეურნეობის განვითარებას  სურსათის  უვნებლობის, მდგრადი წარმოებისა და სოფლის მოსახლეობის დასაქმების საფუძველზე. საქართველოში პროგრამა ENPARD დაიწყო 2013 წლის მარტში და მიზნად ისახავს სურსათის წარმოების ზრდას და სოფლად სიღარიბის შემცირებას. ENPARD საქართველოს მთლიანი ბიუჯეტი  შეადგენს 40 მილიონს ევროს. 17 ივნისს აჭარის მთავრობის თავმჯდომარემ, ევროკავშირისა და გაეროს განვითარების პროგრამის წარმომადგენლებმა ხელი მოაწერეს აღნიშნული პროგრამის ხელშეკრულებას. წყარო:cenn

თბილისი.თბილისის ადამიანის უფლებათა სახლში ამოქმედდა  იურიდიული დახმარების ცენტრი, რომელიც სოციალურად დაუცველ, ღარიბ მოქალაქეებს გაუწევს უფასო სამართლებრივ დახმარებას. პროექტს ახორციელებენ ადამიანის უფლებათა სახლის წევრი ორგანიზაციები - ადამიანის  უფლებათა ცენტრი და „კონსტიტუციის 42-ე მუხლი". პროექტის ფარგლებში, სისხლის, სამოქალაქო და ადმინისტრაციულ საქმეებზე, ხუთი იურისტი სამართლებრივ მომსახურებას გაუწევს მოსახლეობის ყველაზე მოწყვლად ფენას: სოციალურად დაუცველ პირებს, დევნილებს, უნარშეზღუდულ ადამიანებს, პენსიონერებს, პატიმრებს და სხვა დახურულ ინსტიტუციებში მყოფ ადამიანებს. მიმდინარე საქმეები გასაჩივრდება სასამართლო ინსტანციის ყველა დონეზე. მოქმედებს. ცხელი ხაზი - სისხლის სამართლის საკითხებზე: 2 14 80 94; სამოქალაქო და ადმინისტრაციულ საკითხებზე: 2 18 04 71. სრულად წყარო: humanrights.ge

თბილისი. 15 ივნისს „პირველი ნაბიჯი საქართველოს" ორგანიზებით ეთნოგრაფიულ მუზეუმში შეზღუდული შესაძლებლობების მქონე პირთა დღესთან დაკავშირებით ღონისძიება – „ხელოვნება გვამეგობრებს" – გაიმართა. ღონისძიებაზე გაიმართა შშპ პირთა ნახატების გამოფენა–გაყიდვა, ინკლუზიური ანსამბლი „ებანის" კონცერტი. წყარო:ორგანიზაციის გვერდი სოციალურ ქსელში

კახეთი. სიქამ, EMT–მ და CISV-საქართველომ  15-16 ივნისს გამართეს ეკო-დასუფთავების აქცია-ლაშქრობა საქართველოს ბუნებისმოყვარულთა ასოციაციასთან ერთად. პროექტი ითავლისწინებდა 2 დღიან დასუფთავების აქცია-ექსკურისას ბაწარა-ბაბანეულის ნაკრძალში. გასვლითი მცირე სალექციო კურსი გაიმართა შემდეგ საკითხებზე : დაცული ტერიტორიის გაცნობა, ნაკრძალში მოქცევის წესები,საველე სემინარი ეკოტურისმის შესახებ, ბაწარა ბაბანეურის დაც. ტერიტორიების ბიომტავალფეროვნება და მნიშვნელოვნება. აქციაში მონაწილეობა მიიღო 35 ახალგაზრდამ, მათ გაასუფთავეს ნაკრძალის გარკვეული ტერიტორია და უფრო ახლოს გაეცნენ ნაკრძალის ბიომრავალფეროვნებას. წყარო:სიქას გვერდი სოციალურ ქსელში

18 ივნისს, 13:00 საათზე, გაიმართება პრესის საერთაშორისო ინსტიტუტის  (IPI) საქართველოს კომიტეტის პრეზენტაცია. მისამართი: თბილისი, სასტუმრო „შერატონ მეტეხი პალასი"

18 ივნისს, 12:00 საათზე, აფხაზეთის ა/რ მთავრობის თავმჯდომარის მოვალეობის შემსრულებელი ვახტანგ ყოლბაია ქუთაისში მცხოვრებ დევნილებს და არასამთავრობო ორგანიზაციის წარმომადგენლებს შეხვდება.  მისამართი: ქუთაისი, ჭავჭავაძის 21, წერეთლის სახ. სახელმწიფო უნივერსიტეტი

თბილისი.საერთაშორისო გამჭვირვალობა საქართველომ მათიას ჰუტერის ბლოგპოსტი – „2 წელი ციფრულ მაუწყებლობაზე გადასვლამდე – მოქმედების დროა" – გამოაქვეყნა. „ზუსტად 2 წელიწადში, 2015 წლის 17 ივნისს, საქართველო ვალდებულია ანალოგური სატელევიზიო სიგნალი გათიშოს და ის ციფრული სიგნალით ჩაანაცვლოს. თუმცა ამ ამოცანის შესასრულებლად და საერთაშორისო შეთანხმების ფარგლებში გათვალისწინებული ვადების დასაცავად, ხელისუფლებამ დროულად უნდა გადადგას გადამწყვეტი ნაბიჯები. ციფრულ მაუწყებლობაზე გადასვლასთან დაკავშირებულ ვალდებულებებს საქართველოს, მის მეზობელ ქვეყნებსა და საერთაშორისო სატელეკომუნიკაციო გაერთიანებას შორის გაფორმებული ხელშეკრულება განსაზღვრავს", ნათქვამია ბლოგპოსტში. სრულად წყარო: transparency.ge

18 ივნისს, 19:19 საათზე საქართველოს ახალგაზრდა იურისტთა ასოციაციის იურისტის სულხან სალაძის ფოტო სესიის „2ცა 1ბათუმი" გამოფენა გაიმართება. მისამართი: თბილისი, ჭოველიძის 10, ფონდი ღია საზოგადოება – საქართველო

თბილისი. ადამიანის უფლებების სწავლებისა და მონიტორინგის ცენტრმა (EMC) კონსტიტუციური ცვლილებების პროექტზე სამართლებრივი დასკვნა გკამოაქვეყნა. კერძოდ, დასკვნა ეხება პარლამენტის წევრების მიერ 2013 წლის 13 ივნისს ინიცირებულ სამ კონსტიტუციური კანონის პროექტს. ადამიანის უფლებების სწავლებისა და მონიტორინგის ცენტრი (EMC) მათგან ზოგიერთ ნოვაციას დადებითად მიიჩნევს და მიესალმება, ზოგიერთთან მიმართებაში არსებითი და პრინციპული ხასიათის შენიშვნები აქვს. სრულად წყარო: ადამიანის უფლებების სწავლებისა და მონიტორინგის ცენტრის გვერდი სოციალურ ქსელში

თბილისი.ინფორმაციის თავისუფლების განვითარების ინსტიტუტმა სტატისტიკის ეროვნული  და ფინანსური მონიტორინგის სამსახურებიდან მიღებული ინფორმაცია გამოაქვეყნა. ვებგვერდზე განთავსდა ინფორმაცია თანამდებობის პირების პრემიების, თანამშრომლების პრემიების, მოქმედი საშტატო ნუსხისა და თანამდებობრივი სარგოს, ორგანიზაციის ბალანსის,  საჯარო ინფორმაციის გაცემის ანგარიშების, ავტოპარკის ხარჯების, 2012 წლის 20 ოქტომბრიდან განთავისუფლებული თანამშრომლების, დაფინანსებული ღონისძიებების, სამივლინებო ხარჯების, 2012 წლის 20 ოქტომბრიდან დანიშნული თანამდებობის პირების ბიოგრაფიული მონაცემების, შიდა აუდიტის ანგარიშის შესახებ. ინფორმაცია სტატისტიკის ეროვნული სამსახურიდან ინფორმაცია ფინანსური მონიტორინგის სამსახურიდან წყარო: opendata.ge

თბილისი. ეთნოსთაშორისო თანამშრომლობისა და კონსულტაციების ანალიტიკური ცენტრმა (ACICC) ეროვნული უმცირესობების დაცვის საერთაშორისო ჯგუფთან ერთად (MRG Europe) ჩაატარა ტრენინგი თემაზე „უმცირესობათა უფლებების საერთაშორისო ადვოკატირება". ტრეინინგი გაიმართა პროექტ „აღმოსავლეთ პარტნიორობის უმცირესობათა ქსელის" ფარგლებში, რომელიც დაფინანსებულია ევროპის კავშირის მიერ. ტრენინგი გამიზნული იყო სამოქალაქო საზოგადოების ორგანიზაციების, სახელმწიფო და ადგილობრივი ხელისუფლების და აკადემიური წრეების წარმომადგენლებისთვის. ტრენინგზე განხილული იქნა ეროვნული უმცირესობათა დაცვის საერთაშორისო მექანიზმები. წყარო: ორგანიზაციის გვერდი სოციალურ ქსელში

თბილისი. „ზაზა დარასელის ფონდმა”, რომელმაც პრეზიდენტის ფონდიდან გამოყოფილი 200 ათას ლარი გრანტის გასაცემად მიიღო, კონკურსში გამარჯვებულები გამოავლინა. მათ შორისაა კულტურული თუ მედია მიმართულების პროექტები. სრულად წყარო: media.ge

18 ივნისს, 12:00 საათზე სამოქალაქო საზოგადოების ინსტიტუტი გამართავს სამუშაო შეხვედრას ბათუმის ურბანული განვითარების სტრატეგიული გეგმის შესახებ. მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი

თბილისი. 14 ივნისს ახალგაზრდა ადვოკატებმა საბჭოთა და პოსტსაბჭოთა ანაბრების პრობლემატიკის შესახებ სამართლებრივი კვლევის პრეზენტაცია გამართა. ორგანიზაციამ ხელისუფლებას საბჭოთა ანაბრების პრობლემების მოგვარების სარეკომენდაციო პაკეტიც შესთავაზა. კვლევა საბჭოთა და პოსტსაბჭოთა ანაბრების პრობლემატიკის შესახებ მომზადებული პირველი დოკუმენტია, რომლითაც ფართო საზოგადოებისთვის პირველად ხდება საბჭოთა და პოსტსაბჭოთა ანაბრების გაუფასურებასთან დაკავშირებული პროცესის სამართლებრივი ანალიზი, საქართველოს მიერ პრობლემის მოგვარების მიზნით მიღებული გადაწყვეტილებების შეფასება, ხელისუფლების მოქმედებების ეფექტურობისა და მართლზომიერების შესახებ დასკვნის მომზადება, ეროვნული და ევროპული სასამართლოების დონეზე მიღებული გადაწყვეტილებების წარმოდგენა, ყოფილი საბჭოთა კავშირის ქვეყნების გამოცდილების შესწავლა და სხვა. კვლევის მიზანს წარმოადგენდა შექმნილიყო რეკომენდაციების პაკეტი, რომლითაც ხელისუფლებას მიეთითებოდა პრობლემის მოგვარებისთვის საჭირო მოქმედებებისა და სტრატეგიის შექმნის შესაძლებლობაზე. სრულად წყარო: ორგანიზაციის გვერდი სოციალურ ქსელში  

თბილისი. სოციალურ ქსელში ორგანიზაციის „ვიმეგობროთ უსინათლოებთან" – ვებგვერდზე ლევან ჟორჟოლიანის 10 წუთიანი ფილმი განათასდა. ლევან ჟორჟოლიანის ფილმი „კედლის მეორე მხარეს" უნიჭიერესი მაიკო კუციას შესახებ მოგვითხრობს. „დაუთმეთ 10 წუთი ფილმს – თქვენ გათავისუფლდებით სტერეოტიპებისგან", წერს ფილმის ავტორი. ფილმი – კედლის მეორე მხარე წყარო: ორგანიზაციის გვერდი სოციალურ ქსელში

თბილისი. სურსათის უვნებლობის საკითხებზე მომუშავე საზოგადოებრივმა ორგანიზაციებმა განცხადება გაავრცელეს. განცხადებაში ნათქვამია, რომ საქართველოს პარლამენტი ამჟამად იხილავს პროექტს „სურსათის ცხოველის საკვების უვნებლობის, ვეტერინარიისა და მცენარეთა დაცვის კოდექსში ცვლილებების შეტანის შესახებ". ხელმომწერი ორგანიზაციები მოუწოდებენ საქართველოს პარლამენტს, რომ  „ღრმად და ყოველმხრივ შეისწავლოს ეს საკითხი, ყველა დაინტერესებულ საზოგადოებრივ ორგანიზაციასა, თუ სპეციალისტთა ჯგუფს მისცეს საშუალება საკუთარი მოსაზრებები დააფიქსირონ ცვლილებების პროექტთან დაკავშირებით და მხოლოდ ამის შემდეგ მიიღოს გადაწყვეტილება ღირს თუ არა სურსათის უვნებლობის მარეგულირებელი კანონმდებლობის შემოთავაზებული სახით შეცვლა". სრულად წყარო: npo.ge

თბილისი. 25 ივნისიდან პროექტის „არჩევანი შენზეა–2013" ფარგლებში იწყება კონკურსების ახალი სერია, რომელშიც მონაწილეობის მიღება შეუძლიათ 14–დან 18 წლამდე ახალგაზრდებს მთელი საქართველოს მასშტაბით. Geoyouth მიერ გამოცხადებული კონკურსების მიზანია ახალგაზრდებში ჯანსაღი წესის წახალისება. სრულად წყარო: geoyouth.ge

თბილისი.ინფორმაციის თავისუფლების განვითარების ინსტიტუტმა კვლევა –„სახელმწიფოსა და მოქალაქეებს შორის ელექტრონული კომუნიკაციის სამართლებრივი საფუძვლები საქართველოს საკანონმდებლო აქტებში" – გამოაქვეყნა. „ბოლო წლებში მნიშვნელოვნად გაიზარდა ელექტრონული პლატფორმების გამოყენებით სახელმწიფო სერვისების  მიწოდების მცდელობები, რომელთა შორის საუკეთესოდ უნდა მივიჩნიოთ სახელმწიფო შესყიდვების  და საჯარო რეესტრის ელექტრონული სისტემები, თუმცა მხოლოდ ცალკეული აქტივობების განხორციელება სხვადასხვა მიმართულებით საკმარისი არ არის. მნიშვნელოვანია მოხდეს სახელმწიფო სერვისების ელექტრონული ხელმისაწვდომობის გაზრდის სტრატეგიის კოორდინაცია ე.წ. „ციფრული ეკონომიკის" განვითარებისა და მოსახლეობის მხრიდან მოთხოვნის გაზრდის მიზნით", ნათქვამია კვლევაში. კვლევა მომზადდა პროექტის -„ელექტრონული ჩართულობის განვითარება საქართველოში" - ფარგლებში. კვლევა წყარო: idfi.ge

აჭარა. 14 ივნისს ასოციაცია „თავისუფალ ჟურნალისტთა სახლმა" ჩაატარა დისკუსია - კონფლიქტები და ახალი პოლიტიკური რეალობა. დისკუსიის ბოლოს სტუმრებს საშუალება ჰქონდათ ენახათ ფილმი „ომის თაობა". დისკუსიაზე მომხსენებლად მოწვეული იყო კონფლიქტოლოგი, მარგარიტა ახვლედიანი.  წყარო:პრესკაფეს გვერდი სოციალურ ქსელში

თბილისი. ორგანიზაცია „იდენტობა" სტუდენტებს სასწავლო კურსს სთავაზობს ლგბტქ ფსიქოლოგიაში. კურსი საბაკალავრო პროგრამის სტუდენტებზეა ორიენტირებული და ლგბტქ ფსიქოლოგიის ძირითად საკითხებს მოიცავს. ესენია: ლგბტქ ფსიქოლოგიის ისტორია, ძირითადი თეორიული პერსპექტივები, კვლევის მეთოდები, სტერეოტიპები და დისკრიმინაცია, ჯანმრთელობა, ურთიერთობები, ქამინგ აუთი და სხვა. სრულად წყარო:ორგანიზაციის გვერდი სოციალურ ქსელში