14 ივნისს, 19:00 საათზე „ლიბერალიზმის სასწავლო ცენტრში" გაიმართება საჯარო ლექცია თემაზე – ტოლერანტობის იდეალი. ლექციას წაიკითხავს ბექა მინდიაშვილი. მისამართი: თბილისი, კალისტრატე ცინცაძი 6–7, ჟურნალისტური ეთიკის ქარტიის ოფისი

14 ივნისს 18:00 საათზე ასოციაცია „თავისუფალ ჟურნალისტთა სახლი" პრესკაფეში გიწვევთ დისკუსიაზე - კონფლიქტები და ახალი პოლიტიკური რეალობა. დისკუსიაზე მომხსენებლად მოწვეულია კონფლიქტოლოგი, მარგარიტა ახვლედიანი. მისამართი: ბათუმი, მელაშვილის საბაჟოს გადაკვეთა 1–2, პრესკაფე

აჭარა. 13 ივნისს, ქობულეთში სასტუმრო ჯორჯია პალასში გაიმართა საერთაშორისო ახალგაზრდული ფორუმი. კავკასიის რეგიონიდან ჩამოსულმა ახალგაზრდებმა თავიანთ ქვეყენებში არსებულ მიღწევევბზე ისაუბრეს, ასევე გაუზიარეს გამოცდილება ახალგაზრდული ორგანიზაციების მუშაობის შესახებ. უკრაინის, თურქეთის, აზერბაიჯანის, სომხეთისა და საქართველოს სტუდენტებმა ოთხდღიანი ფორუმის ფარგლებში ერთმანეთს დაუმეგობრდნენ და სამომავლოდ ერთობლივი პროექტების განხორციელებაზე შეთანხმდნენ. შეხვედრის ბოლოს ჩამოთვლილ ქვეყნებს შორის ურთიერთთანამშრომლობის მემორანდუმი გაფორმდა.

კახეთი. საქართველოს ბუნების მოყვარულთა საზოგადოებამ პროექტის – „მდინარე ალაზნის მიმდებარედ მცხოვრები მოსახლეობის მობილიზება გარემოსდაცვითი პრობლემების მოსაგვარებლად" – ფარგლებში შეხვედრებს აწყობს. შეხვედრებს მდინარე ალაზნის ჭალის ტყეების მახლობლად მცხოვრები თემების საზოგადოებრივი ორგანიზაციების წარმომადგენლები დაესწრებიან და განხილული იქნება პროექტის მიზნები და სასურველი შედეგები. წყარო:ორგანიზაციის გვერდი სოციალურ ქსელში

14 ივნისს, 17:00 სათზე ჰაინრიჰ ბიოლის ფონდი მართავს დისკუსიას თემაზე – როგორ „იქმნება" კულტურა და რას განსაზღვრავს იგი? მისამართი: ქუთაისი, პუშკინის 6, დემოკრატიული ჩართულობის ცენტრი

თბილისი. არასამთავრობო ორგანიზაციების პარლამენტს იუსტიციის უმაღლესი საბჭოს კანდიდატების საჯარო გამსვლის ორგანიზებას სთხოვენ. „მნიშვნელოვნად მიგვაჩნია, მაღალი საზოგადოებრივი ინტერესიდან გამოდინარე, საქართველოს პარლამენტის თავმჯდომარემ მეორე ტურში გადასულ კანდიდატებს პარლამენტის პლენარულ სხდომაზე საკუთარი ხედვების მოკლედ წარმოდგენის უფლება მისცეს, ხოლო დეპუტატებს – მათთვის შეკითხვების დასმის შესაძლებლობა, რაც პირველ ტურში სამწუხაროდ არ იქნა უზრუნველყოფილი", ნათქვამია გავრცელებულ განცხადებაში. ორგანიზაციები მიმართავენ საქართველოს პარლამენტის თავმჯდომარეს, შეიტანოს ცვლილებები პლენარული სხდომის დღის წესრიგში. განცხადებას ხელს აწერენ საერთაშორისო გამჭვირვალობა – საქართველო, საქართველოს ახალგაზრდა იურისტთა ასოციაცია, კონსტიტუციის 42-ე მუხლი, სამართლიანი არჩევნებისა და დემოკრატიის საერთაშორისო საზოგადოება, ადამიანის უფლებების სწავლებისა და მონიტორინგის ცენტრი, საქართველოს დემოკრატიული ინიციატივა. სრულად წყარო: transparency.ge

თბილისი.14 ივნისს მედიის განვითარების ფონდისა (MDF)  და საქართველოს დემოკრატიული ინიციატივის (GDI)  ერთობლივი პრესკონფერენცია გაიმართა. „ქსენოფობიურმა განცხადებებმა და შეფასებებმა საქართველოს პოლიტიკურ დისკურსში სახიფათო მასშტაბი შეიძინა, რითაც აგრეთვე გაჯერებულია ქართული მედია, რასაც აჩვენებს შესაბამისი მიმართულებით განხორციელებული არაერთი კვლევის შედეგი", განაცხადეს ორგანიზაციების წარმომადგენლებმა. სრულად წყარო: media.ge

თბილისი.15 ივნისს გაიმართება დევნილთა საკითხებზე მომუშავე არასამთავრობო ორგანიზაციები სამუშაო შეხვედრა გაეროს სპეციალურ მომხსენებლთან ჩალოკა ბენიანისთან. შეხვედრაზე განიხილება დევნილთა და ადმინისტრაციულ საზღვართან მცხოვრები მოსახლეობის ადამიანური უსაფრთხოების საკითხები, ასევე იძულებით გადაადგილებულ ქალთა მდგომარეობა და მათი უფლებები. შეხვედრა ტარდება პროექტის – „კონფლიქტის შედეგად დაზარალებული მოსახლეობის ადამიანური უსაფრთხოების გაზრდა უკეთესი მმართველობით, თემის მობილიზაციითა და ქალთა და ახალგაზრდების გაძლიერების გზით" – ფარგლებში. პროექტს ახორციელებს იძულებით გადაადგილებულ ქალთა ასოციაცია „თანხმობა"  „Brot fur die Welt /EED-ს. ფინანსური მხარდაჭერით. შეხვედრა გაიმართება 15 ივნისს 10:30 საათზე სასტუმრო „ამბასადორში". დამატებითი ინფორმაციისთვის დაუკავშირდით ასოციაცია „თანხმობის" ოფისში მისამართზე: თბილისი, თამარ მეფის გამზ, 20, ტელეფონი 2344982, 599570798 წყარო: ორგანიზაცია „თანხმობა"

14 ივნისს, 15:00 საათზე ხელოვნების საერთაშორისო ცენტრი ტრადიციული რეწვის მარკეტინგული განვითარების სესიას გამართავს. მისამართი: თბილისი, ევროპის სახლი

იმერეთი. საქართვლოს ახალგაზრდული პარლამენტი, 13 ივნისს, საქართველოს პარლამენტის ოფიციალური მიწვევით ქუთაისში იმყოფებოდა. ახალგაზრდული პარლმენტის ადმინისტრაცია ოფიციალურად იქნა მიწვეული სპორტისა და ახალგაზრდობის საქმეთა კომიტეტის სხდომაზე, რომელსაც უმრავლესობის და უმცირესობის წევრები ესწრებოდნენ. აგრეთვე, გამოსვლაზე სპეციალური მოწვევით სპორტისა და ახალგაზრდობის საქმეთა სამინისტრო იმყოფებოდა. ახალგაზრდული პარლამენტის ხელმძღვანელმა, თეონა ლავრელაშვილმა დეპუტატებისა და სტუმრების წინაშე ორგანიზაციის მიერ განხორციელებული პროგრამები წარმოადგინა, მათი მიზნები და შედეგები შეფასება. მან ძირითადი აქცენტი 2013 წლის მოწვევის ახალგაზრდული პარლამენტის პროგრამაზე გააკეთა, მის მნიშვნელობაზე სახელმწიფოებრივი განვითარების კუთხით და მის როლზე ქვეყანაში დემოკრატიული პროცესების განვითარების მიმართულებით. წყარო: ორგანიზაციის გვერდი სოციალურ ქსელში

თბილისი. 13 ივნისს, საქართველოს წითელი ჯვრის საზოგადოებამ და სასტუმრო „რადისონ ბლუ ივერიამ" ერთობლივი საქველმოქმედო აქცია გამართა. თბილისს, საქართველოს სხვადასხვა რეგიონებიდან წითელი ჯვრის სოციალური ცენტრის 17 ბენეფიციარი სტუმრობდა, რომელთაც სასტუმროს ლობიში ხელნაკეთი ნივთები ადგილზე დაამზადეს. ასევე გაიმართა მათ მიერ დამზადებული ნივთების გამოფენა-გაყიდვა. სტუმრებს საშუალება მიეცათ ემუშავათ წითელი ჯვრის ბენეფიციარებთან ერთად და თავად გამხდარიყვნენ თექის, ნაქსოვ-ნაქარგი ნივთების, სამკაულების და სხვა დეკორატიული ნივთების დეკორატიული ნივთების შექმნის პროცესის უშუალო მონაწილეები. წყარო: ორგანიზაციის გვერდი სოციალურ ქსელში

14 ივნისს 15:00 საათზე ახალგაზრდა ადვოკატები წარმოადგენენ  საბჭოთა და პოსტსაბჭოთა ანაბრების პრობლემატიკის სამართლებრივ  ანალიზს, ასევე ამ მიმართულებით სარეკომენდაციო პაკეტს. მისამართი: თბილისი, სასტუმრო „ამბასადორი"

აჭარა. ხანდაზმულთა ასოციაცია „ღირსეული სიბერის" ორგანიზებით პროექტ – „ხანდაზმულთა სოციალური ცენტრის" – ფარგლებში ქობულეთის მუნიციპალიტეტის საჯარო სკოლებში წერითი ნამუშევრების კონკურსი – „ჩემი ღირსეული თანამოქალაქე" მიმდინარეობს. კონკურსი სკოლებს შორის ზონების მიხედვით ტარდება, ჟიურიმ მესამე ეტაპის ნამუშევრები განიხილა და გამარჯვებული თემაც გამოავლინა. კონკურსის მიზანია თაობათა შორის ურთიერთობების გაღრმავება, ღირსეული პიროვნებების გამოვლენა და მათი ცხოვრების მაგალითების გაზიარება. წყარო:ორგანიზაციის გვერდი სოციალურ ქსელში

თბილისი. სამართლიანი არჩევნები, საერთაშორისო  გამჭვირვალობა და საია ერთობლივად მიმართავენ საქართველოს განათლებისა და მეცნიერების სამინისტროს. ისინი მოუწოდებენ, რომ სამინისტროს „სამინისტროს, უზრუნველყოს საგანმანათლებლო რესურს ცენტრების კონკურსების სამართლიან, თანასწორ და გამჭვირვალე გარემოში ჩატარება". სრულად წყარო: სამართლიანი არჩენების გვერდი სოციალურ ქსელში

იმერეთი. „გაიღე სისხლი, გადაარჩინეს სიცოცხლე" – სახელწოდებით დღეს ქუთაისში აქცია იმართება. ასე აღნიშნავს ქუთაისის ახალგაზრდული ცენტრი სისხლის დონორის მსოფლიო დღეს. აქციის მიზანია დონაციის შესახებ მოსახლეობის ცნობიერების ამაღლება. აქციის ფარგლებში გაღებული სისხლი მოხმარდება ლეიკემიით დაავადებულ ბავშვებსა და ონკოპაციენტებს.ღონისძიება ორგანიზებულია „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

თბილისი. საქართველოს ადგილობრივი თვითმმართველობის ეროვნული ასოციაცია შეშფოთებულია ბოლო პერიოდში ადგილობრივ თვითმმართველობებში მიმდინარე პროცესების გამო. „არ სრულდება და უგულვებელყოფილია ევროპის საბჭოს ადგილობრივ და რეგიონალურ ხელისუფლებათა კონგრესის მიერ ამა წლის მარტის სესიაზე მიღებული რეკომენდაცია. ჩვენ გამოვთქვავთ შეშფოთებას სამტრედიის, ოზურგეთის, გურჯაანის და რუსთავის მუნიციპალიტეტებში მიმდინარე სხვადასხვა სახის ზეწოლის ფაქტების გამო. ვთვლით, რომ პოლიტიკური ნიშნით გათავისუფლებები ნებისმიერ დონეზე - ეს იქნებიან უმაღლესი პირები თუ სოფლის რწმუნებულები, ეწინააღმდეგება ევროპულ ქარტიას. ასოციაცია დააკვირდება ადგილობრივ თვითმმართველობებში განვითარებულ მოვლენებს და თითოეულ ფაქტზე მოახდენს შესაბამის რაეგირებას და, რა თქმა უნდა, მიაწვდის ინფორმაციას ევროპულ სტრუქტურებს", ნათქვამია ორგანიზაციის გვერდზე სოციალურ ქსელში. წყარო: ორგანიზაციის გვერდი სოციალურ ქსელში

14 ივნისი 14:00 საათზე საქართველოს უსინათოთა კავშირი გეგმავს მშვიდოაბიან აქციას. აქცია მიზნად ისახავს ფართო საზოგადოებისა და ხელისუფლების ყურადღების გამახვილებას შშმ პირთა პრობლემებზე. მისამართი:თბილისი, თბილისის მერიის მიმდებარე ტერიტორია

14 ივნისს, 13:00 საათზე მოქალაქეთა საინიციატივო ჯგუფის ორგანიზებით გაიმართება აქცია – „სოლიდარობის აქცია მეიდანზე – ლოცვის უფლება აქვს ყველას!". აქციის მიზანია უკანასკნელ ხანებში რელიგიური შეუწყნარებლობით დაზარალებულ ადამიანთა მიმართ სოლიდარობის გამოხატვა. მისამართი:თბილისი, მეიდანი

14 ივნისს, 14:00 საათზე არასამთავრობო ორგანიზაციები „ბავშვი, ოჯახი, საზოგადოება და კავშირი სტუდია ეი–დი–სის დღის ცენტრების შშმ ბავშვები და მოზარდები წარმოადგენენ სპექტაკლს – „ფიფქია და შვიდი ჯუჯა". მისამართი: თბილისი ვაჟა–ფშაველას 76 ბ

14 ივნისს, 13:00 საათზე უფლებადამცველთა გაერთიანების თავმჯდომარე პრესკონფენციას გამართავს. თემა შს მინისტრის 6 ივნისს გამოცემული ბრძანება. მისამართი: თბილისი კოტასავას 75, სასტუმრო მორკინალთან

14 ივნისს, 12:00 საათზე საერთაშორისო გამჭვირვალობა – საქართველო ახალ ანგარიშს – „საქართველოს შესყიდვების სისტემა" – წარმოადგენს. მისამართი: თბილისი, სასტუმრო „ამბასადორი"

14 ივნისს, 12:00 საათზე გიორგი ტუღუში (საქართველოს დემოკრატიული ინიციატივა) და თამარ ხორბალაძე (მედიის განვითარების ფონდი) ერთობლივ პრესკონფერენციას გამართავენ. მისამართი, თბილისი გამრეკელიძის 2, აქსისი ბიზნესცენტრი