17 ივნისი გაუდაბნოებასთან ბრძოლის საერთაშორისო დღეა! გაუდაბნოება წელიწადში 123,000 კმ2–მდე მიწას ანადგურებს? ეწვიეთ გაეროს გაუდაბნოებასთან ბრძოლის კონვენციის გვერდს და გაიგეთ მეტი ვებგვერდი წყარო: აშშ–ს საელჩოს გვერდი სოციალურ ქსელში

თბილისი. ეთნოსთაშორისო თანამშრომლობისა და კონსულტაციების ანალიტიკურმა ცენტრმა გამოსცა ბროშურა, რომელიც ჟურნალისტებს ეთნიკური მრავალფეროვნების საკითხების  ეთნიკურ გაშუქებაში დაეხმარება. ბროშურა დაიბეჭდა პროექტის „ეროვნული ინტეგრაციის გაძლიერება საქართველოში" – ფარგლებში. წყარო: media.ge

არასამთავრობო ორგანიზაცია- საქართველოს დემოკრატიული ინიციატივა (GDI) დასავლეთ საქართველოს სამ ქალაქში აწყობს ტრენინგებს დისკრიმინაციის შესახებ. ტრენინგზე განხილული იქნება დისკრიმინაციის აკრძალვა, უფლების დაცვის მექანიზმები, საერთაშორისო სტანდარტები და შიდა კანონმდებლობა. ტრენინგებს ჩაატარებენ ადამიანის უფლებათა სამართლის სპეციალისტები გიორგი მშვენიერაძე და ბესარიონ ბოხაშვილი. ტრენინგები ჩატარდება: 21 ივნისს ზუგდიდში, 22 ივნისს ბათუმში, ხოლო 23 ივნისს ქუთაისში. ტრენინგები იმართება პროექტის - „ადამიანის უფლებათა დაცვის გაძლიერების ხელშეწყობა საქართველოში" ფარგლებში. პროექტი დაფინანსებულია ნიდერლანდების სამეფოს მთავრობის მიერ. ტრენინგებში მონაწილეობის მსურველებმა აპლიკაცია უნდა შევსონ. აპლიკაცია წყარო: ორგანიზაციის გვერდი სოციალურ ქსელში

აჭარა.14 ივნისს, ლიტვის რესპუბლიკის ქალაქ პანევეჟის დელეგაციასა და ადგილობრივ სამოქალაქო და ბიზნეს სექტორის წარმომადგენლებს შორის შეხვედრა გაიმართა. შეხვედრის მიზანი იყო  საქართველოსა და ლიტვას შორის ბიზნეს წინადადებების გაცვლა და სხვადასხვა კუთხით თანამშრომლობის დაწყებაზე შეთანხმება. შეხვედრაზე სხვადასხვა საკითხებთან ერთად, ასევე განიხილეს სამოქალაქო სექტორის ჩართულობა ბიზნეს სექტორის საქმიანობაში ლიტვისა და საქართველო მაგალითზე. შეთანხმდნენ ამ კუთხით დაგროვილი გამოცდილების გაზიარებაზე.

ქვემო ქართლი. 14 ივნისს, სისხლის დონორთა საერთაშორისო დღეს, მარნეულის ახალგაზრდულმა ცენტრმა „ჩაის სახლში" სისხლის ჩაბარების აქცია გამართა დევიზით – „ჩემი სიცოცხლისათვის სისხლს გაიღებ?". აქციის დროს ჩაბარებული სისხლი მოხმარდება იმ ბავშვებს, რომლებსაც სისხლის გენეტიკური დაავადებები აწუხებთ. მარნეულის ახალგაზრდულმა ცენტრმა აქცია „ცენტრალურ სისხლის ბანკთან" და კომპანია „სოკართან" პარტნიორობით ჩაატარა, პროექტის - „ეროვნული ინტეგრაციის გაძლიერება საქართველოში" ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით.  წყარო:ორგანიზაციის გვერდი სოციალურ ქსელში

თბილისი. 14–15 ივნისს 2013 წლის მოწვევის „საქართველოს ახალგაზრდული პარლამენტის" დეპუტატებისთვის რიგით მეორე ორდღიანი ტრენინგი გაიმართა. ტრენინგის მთავარი თემები იყო „პოლიტიკის ანალიზის ძირითადი პრინციპები", „მოლაპარაკებების ხელოვნება" და „საგარეო პოლიტიკა".  ტრენინგის ფარგლებში ახალგაზრდა დეპუტატები თეორიულ ნაწილთან ერთად, პრაქტიკულ დავალებებსაც შეასრულეს. წყარო:ორგანიზაციის გვერდი სოციალურ ქსელში

გურია.  16 ივნისს გურიის ახალგაზრდული რესურსცენტრისა და საზოგადოებრივი ორგანიზაცია „ეკოხედვის" ორგანიზებით დასუფთავების ეროვნული აქცია გაიმართა. აქციაში მონაწილეობა ახალგაზრდული რესურსცენტრის თანამშრომლებმა და მოხალისეებმა მიიღეს. წყარო:ორგანიზაციის გვერდი სოციალურ ქსელში

ახალციხისა და ბათუმის ახალგაზრდულ ცენტრებს შორის გაცვლითი პროგრამა მიმდინარეობს. პროგრამის ფარგლებში დაგეგმილია გამოცდილების გაზიარება, ერთობლივი სამოქალაქო და კულტურული ღონისძიებები. გაცვლითი პროგრამის მიზანია სხვადასხვა რეგიონების და ეთნიკური უმცირესობების ჯგუფების ახალგაზრდებს შორის ურთიერთობის გაუმჯობესება. ბათუმის ახალგაზრდული ცენტრის წევრებმა ახალციხის ახალგაზრდული ცენტრის წარმომადგენლებს გაუზიარეს თავიანთი გამოცდილება ინტერნეტ-გადაცემების ონლაინ რეჟიმში გაშვებასთან დაკავშირებით, დაიგეგმა გადაცემა თემაზე: „სამოქალაქო აქტივობა". გაცვლითი ღონისძიებები ახალციხისა და ბათუმის ახალგაზრდულ ცენტრებს შორის ორმხრივია და ხორციელდება პროექტის ფარგლებში „ეროვნული ინტეგრაციის გაძლიერება საქართველოში", რომელსაც ახორციელებს საქართველოს გაეროს ასოციაცია აშშ-ს საერთაშორისო განვითარების სააგენტოს ფინანსური მხარდაჭერით. წყარო:ორგანიზაციის გვერდი სოციალურ ქსელში

მცხეთა–მთიანეთი. საქართველოს ახალგაზრდული პარლამენტი შეუერთდა გარემოს დაცვისა და ბუნებრივი რესურსების სამინისტროს ინიციატივას „დასუფთავების ეროვნული აქცია". 16 ივნისს პარლამენტის 100-მდე წევრმა ბაზალეთის ტბის მიმდებარე ტერიტორია დაასუფთავა. მათთან ერთად აქციაში მონაწილეობა ადგილობრივმა მოსახლეობამაც მიიღო.  სამინისტროს მიერ ორგანიზებულმა გარემოსდაცვითმა კამპანიამ მოიცვა თბილისი და საქართველოს თითქმის ყველა რეგიონი. დასუფთავების აქციები გაიმართა 80-ზე მეტ ადგილას, მათ შორის ისტორიული და კულტურული ძეგლების მახლობლად, სკოლების, უნივერსიტეტების და სამედიცინო დაწესებულებების შემოგარენში, ეროვნული პარკებისა და დაცული ტერიტორიების საგანგებოდ შერჩეულ უბნებზე. წყარო:ორგანიზაციის გვერდი სოციალურ ქსელში

17 ივნისს, 14:30 საათზე კონსტიტუციის 42–ე მუხლის ორგანიზებით გაიმართება „ფორუმი პაციენტის უფლებათა დასაცავად". მისამართი: თბილისი, სასტუმრო „ამბასადორი"

17 ივნისს, 12:00 სათზე პროექტის „საქართველოს მთავრობა ღია მმართველობისათვის ფარგლებში სპორტისა და ახალგაზრდობის საქმეთა სამინისტროს წარმომადგენლებთან შეხვედრა. მისამართი: თბილისი, ჩოლოყაშვილის 9, სპორტისა და ახალგაზრდობის საქმეთა სამინისტრო

17 ივნისს, 11:00 საათზე სამოქალაქო საზოგადოების ინსტიტუტის ორგანიზებით გაიმართება ვორქშოფი არასამთავრობო ორგანიზაციების ფინანსურ მდგრადობაზე. მისი მიზანია მიაწოდოს ინფორმაცია არასამთავრობო ორგანიზაციებს ფინანსების მოძიების შესაძლებლობებზე. ტრენინგების ციკლი მომზადებულია უცხოელ ექსპერთებთან კონსულტაციის შედეგად და სამი სესიისგან შედგება: ფილანტროპია და მოხალისეობა, გრანტები და სახელმწიფო დაფინანსება, სოციალური მეწარმეობა. მისამართი:გორი, დემოკრატიული ჩართულობის ცენტრი

შიდა ქართლი. 16 ივნისს, 14:00 საათზე კასპის რაიონის სოფელ ხოვლეში, ივანე ჯავახიშვილის სახლ–მუზეუმში იგეგმება ღონისძიება– „ჯახის ცხოვრება ... ხოვლეში!!!". ღონისძიებაში მონაწილეობას მიიღებს მწერალი ზურაბ ქარუმიძე და ჯაზ–ბენდი „ReSoNick". ღონისძიება ტარდება პროექტის – „ივანე ჯავახიშვილის კულტურულ–საგანმანათლებლო და საინფორმაციო ცენტრის, მედიათეკის ფუნქციონირება" – ფარგლებში. წყარო: osgf.ge

15 ივნისს 18:00 საათზე გაიმართება დისკუსია – „როგორ გვესმის ტოლერანტობა – „ჩვენ" და „ისინი". ორგანიზატორები სახალხო უნივერსიტეტთა არსებული გერმანული ასოციაცია (dvv international), ინფორმაციის თავისუფლების განვითარების ინსტიტუტი (IDFI)   და კავკასიის საერთაშორისო უნივერსიტეტი. მისამართი: თბილისი, ყიფშიძის 20

15 ივნისს, 18:00 საათზე საქართველოს დემოკრატიული ინიციატივა გამართავს დისკუსიას: რელიგიის თავისუფლება – რელიგიურ ნიადაგზე არსებული დაპირისპირება სამთაწყაროში. მისამართი: თბილისი, დ.გამრეკელის 2, საქართველოს დემოკრატიული ინიციატივა

სამეგრელო. შეზღუდული შესაძლებლობების პირთა უფლებების დაცვის დღე საქართველოს სხვა ქალაქების მსგავსად ზუგდიდშიც აღნიშნეს. ცენტრალური ბულვარის ტერიტორიაზე გაიმართა შეჯიბრი სპორტის სხვადასხვა სახეობაში და კონცერტი, რომელშიც მონაწილეობა განსხვავებული შესაძლებლობის პირებმაც მიიღეს. პარალელურად ზუგდიდის არტ-გალერეაში მათ მიერ შესრულებული ნახატები, ხელთნაკეთი ნივთების და თექის ნამუშევრები გამოიფინა. ღონისძიების ორგანიზატორია არასამთავრობო ორგანიზაცია „ჰანგი" და მუნიციპალიტეტის გამგეობა. ორგანიზაცია „ჰანგის" ხელმძღვანელის რუსლან საჯაიამ აღნიშნა, რომ შეზღუდული შესაძლებლობების პირთა უფლებები საქართველოში თითქმის ყველა სფეროში ირღვევა, გარემო შესაბამისად არ არის ადაპტირებული და მსგავსი კატეგორიის ადამიანთა საჭიროებებს და ინტერესებს მორგებული. „თანაბარი შესაძლებლობები საზოგადოების ყველა წევრს"  – ამ სლოგანით გაიმართა ღონისძიებები, რომელსაც შეზღუდული შესაძლებლობების მქონე პირთა საკითხებზე მომუშავე არასამთავრობო ორგანიზაციები შეუერთდნენ.

15 ივნისს, 13:00 საათზე ორგანიზაცია „პირველი ნაბიჯი საქართველო" შეზღუდული შესაძლებლობების მქონე პირთა დღესთან დაკავშირებით გამართავს ღონისძიებას – „ხელოვნება გვამეგობრებს". მისამართი: თბილისი, ეთნოგრაფიული მუზეუმი

15 ივნისს 10:30 საათზე დევნილთა საკითხებზე მომუშავე არასამთავრობო ორგანიზაციებისა და გაეროს სპეციალური მომხსენებლის ჩალოკა ბენიანის შეხვედრა გაიმართება. მისამართი: თბილისი, სასტუმრო „ამბასადორი"

თბილისი.საერთაშორისო გამჭვირვალობა საქართველომ „საქართველოს სახელმწიფო შესყიდვების სისტემის ეფექტურობისა და გამჭვირვალობის ამაღლების" – ანგარიში გამოაქვეყნა. ორგანიზაციამ ასევე აამოქმედა ახალი ვებგვერდი – tendermonitor.ge, რომელიც საზოგადოებას საჯარო შესყიდვების ძიების, დაკვირვებისა და მონიტორინგის საშუალებას აძლევს. ეს ვებგვერდი საქართველოს კონკურენციისა და შესყიდვების სააგენტოს ელექტრონული შესყიდვების სისტემიდან მიღებულ მონაცემებს ემყარება. სრულად წყარო: transparency.ge

აჭარა. 13 ივნისს, ბათუმის დემოკრატიული ჩართულობის ცენტრში ერთი წლის იუბილესადმი მიძღვნილი ღონისძიება გაიმართა. ერთი წელია აღნიშნული ცენტრი წარმოადგენს თავისუფალ სადისკუსია სივრცეს, რომლითაც სარგებლობა შეუძლია არამარტო სამოქალაქო საზოგადოებრივი ორგანიზაციების წარმომადგენლებს, არამედ პოლიტიკურ პარტიებს და კერძო პირებსაც. დემოკრატიული ჩართულობის ცენტრი USAID-ის ერთ–ერთ პროექტს წარმოადგენს, რომელიც უახლოეს ხანში სრულდება. დამსწრე საზოგადოებამ დასვა საკითხი მომავალშიც მსგავსი ტიპის, სადისკუსიო სივრცის აუცილებლობის შესახებ. საზოგადოების წარმომადგენლები შეთანხმდნენ, რომ ამ კუთხით მუშაობას დაიწყებენ.

შიდა ქართლი.„საქართველოს ჟურნალისტური ეთიკის ქარტიის" საბჭოს წევრები გორში ჟურნალისტიკით დაინტერესებულ ახალგაზრდებს შეხვდნენ. შეხვედრას დაესწრნენ გორის „ახალგაზრდული ცენტრისა" და საზოგადოება „ბილიკის" ჟურნალისტიკის სტუდიის მოსწავლეები. ეთიკის ქარტიის საბჭოს თავმჯდომარემ გიორგი მგელაძემ და აღმასრულებელმა დირექტორმა თამარ რუხაძემ მოზარდებს დეტალური ინფორმაცია მიაწოდეს ქარტიის შესახებ, გაიმართა დისკუსია კონკრეტულ დარღვევებზე. შეხვედრა კითხვა– პასუხის რეჟიმში სამი საათის განმავლობაში მიმდინარეობდა.  სრულად წყარო: media.ge

აჭარა. 14 ივნისს, ახალგაზრდულმა ორგანიზაცია „არტ ვეიმ" და „კოალიცია დამოუკიდებლი ცხოვრებისათვის" ერთობლივი ღონისძიება გამართეს. იგი 14 ივნისს - შშმ პირების უფლებების დაცვის დღეს მიეძღვნა. ორგანიზატორებმა ბულვარში ფოტო გამოფენა მოაწყვეს, რომელზეც წარმოდგენილი იყო ბათუმის მაგალითზე ფასადურად გაკეთებული პანდუსები, უსინათლოთა ბილიკები და ის ბარიერები, რასაც შშმ პირი დამოუკიდებლად გადაადგილებისას ქალაქში აწყდება. გამოფენილი იყო ასევე ერთ-ერთი შშმ პირის ხელნაკეთი კერამიკული ნივთები, რომლის დათვალიერებასთან ერთად მსურველებს საშუალება ჰქონდათ შეეძინათ.