30 ივლისს, 20:00 საათზე, სასტუმრო „სტამბას“ ამფითეატრში, ათასწლეულის ფონდის ორგანიზებით, „პროფესიული განათლების ეროვნული ჯილდო 2019-ის“ გალა დაჯილდოება გაიმართება. ცერემონიას დაესწრებიან აღმასრულებელი და საკანონმდებლო ხელისუფლების უმაღლესი რგოლის წარმომადგენლები, ამერიკისა და ისრაელის საელჩოსა და ათასწლეულის ფონდის ხელმძღვანელები, დიპლომატიური კორპუსი, განათლების სფეროსა და კერძო სექტორის წარმომადგენლები. მისამართი: მერაბ კოსტავას #14.  საკონტაქტო ნომრები: 595 29 89 89; 557 51 63 63

30 ივლისს, 19:00 საათზე, მიგრაციის საერთაშორისო ორგანიზაცია, ტრეფიკინგის წინააღმდეგ ბრძოლის მსოფლიო დღესთან დაკავშირებით, „მზიურის” განახლებულ პარკში წარმოადგენს არტ-ინსტალაციას - „უხილავნი ჩვენ შორის“, რომელიც ტრეფიკინგის მსხვერპლთა რეალურ ისტორიებს ასახავს.

30 ივლისს, 18:00 საათზე, საქართველოს სსრ ჩეკას სახლთან, საბჭოთა წარსულის კვლევის ლაბორატორიის ორგანიზებით, 1924 წლის აგვისტოს ანტისაბჭოთა აჯანყებისას თბილისში დახვრეტილ მსხვერპლთა სახელებსა და გვარებს წაიკითხავენ. მისამართი: პავლე ინგოროყვას #22.

30 ივლისს, 16:00 საათზე EMC-ის ფეისბუქ გვერდზე გაიმართება დისკუსია - „შშმ პირთა კანონი - გაშვებული შესაძლებლობები ფსიქიკურ ჯანმრთელობაში". 

30 ივლისს, 11:00 საათზე, ინფორმაციის თავისუფლების განვითარების ინსტიტუტი (IDFI) საჯარო ინფორმაციის ხელმისაწვდომობის 2019 წლის ანგარიშს წარადგენს და 2019 წლის ყველაზე ღია და ყველაზე დახურულ საჯარო დაწესებულებებს დაასახელებს. მისამართი: მერაბ კოსტავას #14, სასტუმრო „რუმს თბილისი“. საკონტაქტო პირი: მაგდა გუგავა - 599420206

30 ივლისს, 10:30 საათზე, სასტუმრო „ბილტმორში“ არასამთავრობო ორგანიზაცია „HUB Georgia“ საქართველოს რკინიგზის ეფექტიანობის კვლევის პრეზენტაციას გამართავს. თემა: „რატომ არის საქართველოს რკინიგზა წამგებიანი?“ მისამართი.: რუსთაველის გამზირი #29. საკონტაქტო ნომერი: 599 22 04 46

„კანტის აკადემია“, „We Make Change” და UNICEF 12-იდან 19 წლამდე ახალგაზრდებს იწვევს, მონაწილეობა მიიღონ კვლევაში, რომლის მიზანია, შეისწავლოს თუ როგორია COVID-19 პანდემიისა და მისი თანმდევი მოვლენების გავლენა მოზარდებზე.  გამოკითხვა მოიცავს შეკითხვებს, რომელიც ემსახურება მოზარდების დამოკიდებულებების, აღქმის, მოტივაციის დონისა და მომავალი ცვლილებების შესახებ მოლოდინების შესწავლას.  კვლევაში მოცემულ შეკითხვებზე პასუხები კონფიდენციალურია და გამოყენებული იქნება განზოგადებული ინფორმაციის სახით.  სრულად  კვლევა  წყარო: გვერდი სოციალურ ქსელში

თბილისი. საზოგადოებრივი ორგანიზაციები ეხმიანებიან ოკუპირებული ცხინვალის რეგიონის/სამხრეთ ოსეთის მიმდებარე სოფლებში უსაფრთხოების სამსახურების მიერ მედიის, სამოქალაქო საზოგადოებისა და პოლიტიკური პარტიების წარმომადგენლების დაშვების ზოგად და ბლანკეტურ შეზღუდვას და მოუწოდებენ მთავრობას ადამიანის უფლებების საწინააღმდეგო გადაადგილების რეჟიმი შეცვალოს. „თითქმის ერთი წელია, 2019 წლის 30 აგვისტოდან, ოკუპირებული ცხინვალის რეგიონის/სამხრეთ ოსეთის მიმდებარე სოფლებში აკრძალულია სამოქალაქო საზოგადოების წარმომადგენლების, მედიის, ასევე პოლიტიკური პარტიების გადაადგილება და მუშაობა. დაშვებასთან დაკავშირებული შეზღუდვები ვრცელდება უშუალოდ იმ სოფლებზეც, სადაც სრულად ჩვენი სახელმწიფოს კონტროლი ვრცელდება“, - ვკითხულობთ გავრცელებულ განცხადებაში, - „მოვუწოდებთ საქართველოს მთავრობას, გააუქმოს საოკუპაციო ხაზთან და მის მიმდებარე სოფლებში მედიის, სამოქალაქო საზოგადოებისა და პოლიტიკოსების დაშვების ბლანკეტური აკრძალვა; შეიმუშავოს ობიექტურ კრიტერიუმებზე დაფუძნებული მიდგომები, რომელიც არ გასცდება გადაადგილებისა და გამოხატვის თავისუფლების შეზღუდვის ლეგიტიმურ ჩარჩოებს“. სრულად  წყარო: https://www.gyla.ge

თბილისი. ხანგრძლივი შესვენების შემდეგ, ეროვნულ-დემოკრატიული ინსტიტუტი (NDI) ახალი კვლევის შედეგებს აქვეყნებს. კვლევის მთავარი საგანი კორონავირუსი და დეზინფორმაციაა.  გამოკითხვა 26-დან 30 ივნისის ჩათვლით, საქართველოს მასშტაბით, ოკუპირებული ტერიტორიების გამოკლებით, 1,550 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობაში ჩატარდა.  კვლევა სრულად  წყარო: გვერდი სოციალურ ქსელში

ადამიანის უფლებების სწავლებისა და მონიტორინგის ცენტრი (EMC) აქვეყნებს თარგმანს კრეგ კალჰოუნის, მარკ იუგენსმაიერისა და იონათან ვან ანტვერპენის შესავალისა კრებულისთვის - „სეკულარიზმის ხელახალი წაკითხვა“. „ბოლო ხანებამდე, მიიჩნეოდა, რომ საჯარო ცხოვრება არსებითად სეკულარულია. ერთი მხრივ, მკვლევარებს შეეძლოთ, თავდაჯერებით განეხილათ პოლიტიკა, ეკონომიკა და სოციალური ქცევა ისე, თითქოს რელიგია საერთოდაც არ არსებობდა. მეორე მხრივ, სეკულარიზმის საკუთრივი იდეოლოგიური მნიშვნელობა, ერთი შეხედვით, მხოლოდ რელიგიის თავისთავად ცხადად მიჩნეულ გაქრობაზე ან დრომოჭმულობაზე მითითებით შემოიფარგლებოდა. თუმცა, უკანასკნელ წლებში, მსოფლიო არეალზე გამოჩნდნენ პოლიტიკურ აქტივისტები - ზოგნი გაცხადებულად რელიგიური მიზნებით, ზოგნიც მტკიცედ ანტირელიგიური პროგრამებით - რომლებიც უპირისპირდებოდნენ დამკვიდრებულ წარმოდგენებს საჯარო ცხოვრებაში ცნებების „სეკულარიზმი“ და „რელიგია“ ფუნქციონირებაზე და კითხვის ნიშნის ქვეშ აყენებდნენ რელიგიურისა და სეკულარულის თითქოსდა მკვეთრ გამიჯვნას“, - ვკითხულობთ თარგმანში.  სრულად   წყარო: ორგანიზაციის ვებგვერდი

ევროკავშირის წარმომადგენლობა საქართველოში იწყებს საინფორმაციო კამპანიას ევროკავშირის მიერ ფერმერების მხარდაჭერის შესახებ - „კარგი მოსავალი“. „მომდევნო ორი კვირის განმავლობაში, ჩვენ მოგიყვებით, თუ როგორ შეძლეს ფერმერებმა მოსავლიანობის 40% -ით გაზრდა და წარმოების ღირებულების 30% -მდე შემცირება, ამასთან სხვადასხვა გამოწვევებთან, მაგალითად გვალვასთან გამკლავება. ევროკავშირი FAO-სთან ერთად მუშაობს ქვეყნის მასშტაბით, ასწავლის თანამედროვე სოფლის მეურნეობის მიდგომებს, რომლის შედეგებსაც ფერმერები უკვე ხედავენ“, - ნათქვამია, ევროკავშირის წარმომადგენლობის მიერ გავრცელებულ ინფორმაციაში. სრულად  წყარო: ორგანიზაციის ვებგვერდი

29 ივლისს, 17:30 საათზე, საქართველოს ადვოკატთა ასოციაციის თავმჯდომარე იმერეთის რეგიონში მომუშავე ადვოკატებთან შეხვედრას გამართავს.  შეხვედრის ფარგლებში, განიხილავენ იმ პრობლემებსა და მათი გადაჭრის გზებს, რომელსაც ადვოკატები ამ რეგიონში აწყდებიან.  მისამართი: ქუთაისის ბოტანიკური ბაღი.  საკონტაქტო პირი: თამთა ცეცხლაძე - 599887277

29 ივლისს, 17:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში, სტუდენტური ლიტერატურული კონკურსის, „ლიტჰაიკერის“ გამარჯვებულების დაჯილდოების ცერემონია გაიმართება.  მისამართი: ილია ჭავჭავაძის გამზირი #1, თსუ პირველი კორპუსის ეზო, „ჩაის სახლი“.

29 ივლისს, 15:00 საათზე, „თბილისი პრაიდის“ ორგანიზებით, გაიმართება ონლაინ კონფერენცია - „ულტრამემარჯვენე რადიკალიზმი და დემოკრატია”. კონფერენციის ფარგლებში, დაზარალებული თემებისა და სოციალური ჯგუფების წარმომადგენელი მკვლევარები, აქტივისტები და მხარდამჭერი უფლებადამცველები ამ მიმართულებით დაგროვილ ცოდნას, გამოცდილებებს და დაკვირვებებს გააზიარებენ.  ბმული ZOOM-ისთვის. 

თბილისი. ეკონომიკური პოლიტიკის კვლევის ცენტრმა მოამზადა სახელმძღვანელო მცირე და საშუალო ბიზნესისთვის.  მეწარმეობა საქართველოში / მიკრო და მცირე ბიზნესი; როგორ მოვიზიდოთ დაფინანსება / ბიზნეს-გეგმა; მარკეტინგი; ბიზნესი და კორპორატიული სოციალური პასუხისმგებლობა, გენდერი და გარემოს დაცვა; საქართველოსა და ევროკავშირს შორის ღრმა და ყოვლისმომცველი თავისუფალი ვაჭრობის სივრცის შესახებ შეთანხმება; სსიპ „აწარმოე საქართველოში“ შესახებ - ასეთია თემები და საკითხები, რომელსაც სახელმძღვანელო ეთმობა.  სრულად   წყარო: გვერდი სოციალურ ქსელში

თბილისი. „უფლებები საქართველომ“, მიგრაციის საერთაშორისო ორგანიზაციის (IOM) მხარდაჭერით, დაიწყო ახალი პროექტი, რომელიც საქართველოში მცხოვრები უცხოელი მიგრანტების სამართლებრივ დაცვასა და გაძლიერებას ემსახურება.  პროექტის ფარგლებში, „უფლებები საქართველო“ შეისწავლის უცხოელი მიგრანტების უფლებებთან დაკავშირებულ კანონმდებლობასა და სერვისებში არსებულ ხარვეზებს და მოამზადებს რეკომენდაციებს მათ აღმოსაფხვრელად; მიგრანტებს გაუწევს უფასო სამართელებრივ კონსულტაციას და სასამართლოში წარმომადგენლობას, ასევე, იზრუნებს მათი სამართლებრივი ცნობიერების ამაღლებაზე.  სრულად  წყარო: ორგანიზაციის ვებგვერდი

თბილისი. დღეს, ინფორმაციის თავისუფლების განვითარების ინსტიტუტმა, საიასთან ერთად, საჯარო მმართველობის რეფორმის 2019-2020 წლების სამოქმედო გეგმის შესრულების შუალედური ალტერნატიული ანგარიში წარადგინა.  პრეზენტაციის ფარგლებში მონაწილეებმა ისაუბრეს სამოქმედო გეგმის პოლიტიკის დაგეგმვისა და კოორდინაციის, ანგარიშვალდებულების, სახელმწიფო სერვისების მიწოდებისა და საჯარო ფინანსების მიმართულებებზე.  სრულად   წყარო: ორგანიზაციის ვებგვერდი

კახეთი. „საქართველოს ახალგაზრდა მკვლევარ-სოციოლოგთა ასოციაციამ“ და „საქართველოს ადიქტოლოგიის ცენტრმა“ კახეთის რეგიონის 9 ტერიტორიაზე, მათ შორის - პანკისში, განახორციელეს ერთობლივი პროექტი - „სოფლად მცხოვრები უსინათლო პირების ფსიქოლოგიური/საგანმანათლებლო დახმარება პანდემიის დროს“.  პროექტის მიზანია, კოვიდ-19-ის პირობებში, ერთ-ერთი ყველაზე დაუცველი ჯგუფის - უსინათლო და მცირედმხედველი ადამიანების ფსიქოლოგიური და საგანმანათლებლო მხარდაჭერა, რაც გულისხმობს: კახეთის რეგიონის 110-მდე ბენეფიციარისთვის ფსიქოლოგის კონსულტაციას და 18 ყველაზე მოწყვლადი ადამიანისთვის პლანშეტების გადაცემას 840 ხმოვანი წიგნით, ელექტრონული წიგნების სახლ „საბასგან.“  პროექტი „თანაბარი შესაძლებლობები შეზღუდული შესაძლებლობის მქონე პირთათვის“, დაფინანსებულია ევროკავშირის მიერ და მას ახორციელებს ASB საქართველო.  სრულად   წყარო: გვერდი სოციალურ ქსელში

იმერეთი. საერთაშორისო გამჭვირვალობა - საქართველოს (TI) ინფორმაციით, ქუთაისის მუნიციპალიტეტში გარეგანათების მომსახურება გაძვირდა.  „ქუთაისის მუნიციპალიტეტის მიერ დაფუძნებული იურიდიული პირების რაოდენობა ყოველწლიურად იზრდება. ერთ-ერთი იურიდიული პირი კი, რომელიც მუნიციპალიტეტმა ბოლოს დააფუძნა ა(ა)იპ “ქუთგანათების სერვისია”. მისი შექმნის საფუძვლად მერიამ ფულადი სახსრების ეკონომია დაგვისახელა, თუმცა გარე განათების ქსელისა და შუქნიშნების მოვლა/ექსპლოატაცია მერიას დღეს მეტი უჯდება, ვიდრე გასულ წლებში“, - ვკითხულობთ TI-ის ინფორმაციაში.  სრულად  წყარო: ორგანიზაციის ვებგვერდი

თბილისი. ევროპის ფონდმა, გრანტის მიმღებ სოციალურ საწარმოებს COVID-19 პანდემიით გამოწვეულ პრობლემებთან გასამკლავებლად, დამატებითი ფინანსური მხარდაჭერა შესთავაზა. ამ მხარდაჭერით რამდენიმე ორგანიზაციამ ისარგებლა და მათ წინაშე მდგარი ამოცანების გადაჭრას შეეცადა. „COVID-19-ს პანდემია განსაკუთრებით მძიმე აღმოჩნდა სოციალური საწარმოებისთვის. ერთი მხრივ იმიტომ, რომ მათი დიდი ნაწილი ტურიზმის ან ტურიზმთან მჭიდროდ დაკავშირებულ სექტორში ოპერირებს (მაგ. ტრადიციული რეწვა, ხელნაკეთი ნივთები); ამას გარდა, გამომდინარე იქიდან, რომ სოც. საწარმოების უმრავლესობა მოწყვლადი ჯგუფის დასაქმების ბიზნესმოდელით საქმიანობს, მათ მიერ დასაქმებული ადამიანების საკმაოდ დიდი ნაწილი COVID-19 რისკ ჯგუფში აღმოჩნდა (მაგ. შშმ პირები). ამას გარდა, სოციალურ საწარმოებს ახასიათებთ ციფრული ტრანსფორმაციისთვის საჭირო აუცილებელი უნარ ჩვევების ნაკლებობა, რაც პრაქტიკულად საკვანძო აღმოჩნდა პანდემიის პერიოდში. სოციალური საწარმოების გარკვეულმა ნაწილმა, შეძლო კრიზისის დროს მოქნილობის შენარჩუნება და ახალი გამოწვევების საპასუხო მიდგომების შემუშავება. თუმცა, დღემდე გადაუჭრელი გამოწვევების წინაშე დგანან სარესტორნე და ტურისტულ სფეროში მომუშავე საწარმოები”, - აღნიშნულია ევროპის ფონდის მიერ გავრცელებულ ინფორმაციაში, - „გიზიარებთ სოციალური საწარმოების ისტორიებს, თუ როგორ გაუმკლავდნენ ისინი პანდემიით გამოწვეულ კრიზისულ სიტუაცია“. სრულად  წყარო: ორგანიზაციის ვებგვერდი

ადამიანის უფლებათა ევროპულმა სასამართლომ მიიღო და საქმის ნომერი მიანიჭა ადამიანის უფლებათა ცენტრის მიერ მომზადებულ სარჩელს. ადამიანის უფლებათა ცენტრმა ადამიანის უფლებათა ევროპულ სასამართლოს კონვენციის მე-6 მუხლის მესამე ნაწილისა და კონვენციის მე-13 მუხლის დარღვევის თაობაზე მიმართა. განმცხადებლის მიმართ დაირღვა პრინციპი, რომლის თანახმადაც, პირისთვის, მისი უსაფრთხოების მიზნით, წინასწარ უნდა იყოს ცნობილი, რა მოტივით და სტატუსით იბარებენ მას საგამოძიებო ორგანოში, რათა მან შეძლოს, განჭვრიტოს გამოუცხადებლობის სამართლებრივი შედეგები.  სრულად   წყარო: ორგანიზაციის ვებგვერდი

თბილისი. დღეს, სამართლიანი არჩევნებისა და დემოკრატიის საერთაშორისო საზოგადოებამ (ISFED) 2016-2019 წლებში საქართველოს ცენტრალური საარჩევნო კომისიის წევრთა და თანამშრომელთა, საქმიანობის ანაზღაურებაზე გაწეული ხარჯების მონიტორინგის ანგარიში წარმოადგინა. დოკუმენტში შესწავლილია საქართველოს ცენტრალური საარჩევნო კომისიის წევრებისა და ხელმძღვანელი პირების, საოლქო საარჩევნო კომისიის წევრების, საშტატო და შტატგარეშე თანამშრომლების შრომითი ანაზღაურების წესი (ხელფასი, დანამატი და პრემია/ფულადი ჯილდო) და არსებული პრაქტიკა. ანგარიშის მიზანია გააანალიზოს, რა პოზიტიური ცვლილებები განხორციელდა საარჩევნო ადმინისტრაციაში შრომის ანაზღაურების გაცემის წესთან დაკავშირებით და რა გამოწვევების წინაშე დგას ამ მიმართულებით დაწესებულება.  სრულად   წყარო: ორგანიზაციის ვებგვერდი