12 სექტემბერს, 11:00 საათზე, „პირველის პრესკლუბში” „ახალგაზრდა ფინანსისტთა და ბიზნესმენთა ასოციაცია - აფბას” პრეზიდენტი შოთა გულბანი და ადვოკატი და ექსპერტი ბიზნეს სამართლის საკითხებში აკაკი ჩარგეიშვილი ბრიფინგს გამართავენ. თემა: სახელმწიფო სტრუქტურების მონაწილეობით, ბიზნესისა და საკუთრების უფლების ხელყოფა გრძელდება. მისამართი: თბილისი, წერეთლის 116, ბიზნეს ცენტრი „დიდუბე პლაზა”, მეორე სართული.

12 სექტემბერს, 10:30 საათზე, „პირველის პრესკლუბში” ქალთა პოლიტიკური მონაწილეობის სამუშაო ჯგუფის (Task force) წევრები პრესკონფერენციას გამართავენ. ჯგუფის სახელით ისაუბრებს „საფარის” დირექტორი ბაია პატარაია. თემა: ქალთა წარმომადგენლობა 2016 წლის საპრლამენტო არჩევნებისთვის წარდგენილ პარტიულ სიებსა და მაჟორიტარ კანდიდატებში. მისამართი: თბილისი, წერეთლის 116, ბიზნეს ცენტრი „დიდუბე პლაზა”, მეორე სართული.

22 სექტემბერს, 13:00 საათზე, გორში, სამოქალაქო საზოგადოების ინსტიტუტი გიწვევთ საინფორმაციო შეხვედრაზე, სადაც წარმოდგენილი იქნება დისტანციური სწავლების პროგრამის ახალი შემოთავაზებები. პოლიტიკის დიალოგით, საჯარო სექტორის მონიტორინგით და ზოგადად, საზოგადოებრივი საქმიანობით დაინტერესებულ პირებს პროგრამა სთავაზობს თვითგანვითარების და პროფესიული ზრდის ახალ, საინტერესო შესაძლებლობებს - საქმიანობის პარალელურად, სამუშაოდან თუ სწავლიდან მოუწყვეტლად გაიღრმავონ ანალიტიკური და პრაქტიკული უნარები. დამატებით, ონლაინ სწავლება ითვალისწინებს სტაჟირების და გრანტების პროგრამას, რაც ხელს შეუწყობს კურსდამთავრებულებს მიღებული თეორიული ცოდნა პრაქტიკაში განხორციელონ. პროგრამაში მონაწილეობა უფასოა. დამატებითი ინფორმაციის და დეტალების გასაცნობად გელით საინფორმაციო შეხვედრაზე. შეხვედრაზე დასწრების შემთხვევაში გთხოვთ დაგვიდასტუროთ დასწრება. მისამართი: გორი, გორის დემოკრატიული ჩართულობის ცენტრი, სტალინის #7 აპლიკაციის ფორმა... რეგიონებში ვიზიტის განრიგი:  13 სექტემბერი, 14:00 - გორი 16 სექტემბერი, 14:00 - თელავი 20 სექტემებრი, 13:00 - ქუთაისი 21 სექტემბერი, 13:00 - ოზურგეთი 22 სექტემბერი, 13:00 - ბათუმი 23 სექტემბერი, 14:00 - ზუგდიდი

10 სექტემბერს, 19:00 საათზე, ფრონტლაინ ჯორჯია კლუბის დოკუმენტური ფილმების სერია რობერტ მეიპლთორპს დაეთმობა. „მეიპლთორპი: შეხედე სურათებს”, ასე ქვია ფენტონ ბეილის და რენდი ბარბატოს დოკუმენტურ ფილმს, რომლის პრემიერაც 2016 წლის სანდენსის კინოფესტივალზე გაიმართა. სრულად... მისამართი: თბილისი, ლ. ასათიანი #62

10 სექტემბერს, 18:00 საათზე, სოციალური წიგნო-ბარი მართავს ღონისძიებას „ერთი დღით 90-იან წლებში". სრულად... მისამართი: თბილისი, შარტავას #41

10 სექტემბერს, 17:00 საათზე, საქართველოს წითელი ჯვრის საზოგადოება ატარებს საგანმანათლებლო ღონისძიებას პირველი დახმარების შესახებ კუს ტბის მიმდებარე ტერიტორიაზე. სრულად... მისამართი: თბილისი, კუს ტბის მიმდებარე ტერიტორია

10 სექტემბერს, 17:00 საათზე, ქალთა საინფორმაციო ცენტრის წარმომადგენელი ჩაატარებს საჯარო ლექციას ქალთა მშვიდობისა და დაცვის საკითხებზე. სრულად... მისამართი: თბილისი, საქართველოს პარლამენტის ეროვნული ბიბლიოთეკა

თბილისი. 9 სექტემბერს, 18-მა არასამთავრობო ორგანიზაციამ ფინანსური გამჭვირვალობის დეკლარაციას მოაწერა ხელი. „ხელმომწერი ორგანიზაციები იღებენ ვალდებულებას პროაქტიულად გამოაქვეყნონ ინფორმაცია მათი ორგანიზაციების შემოსავლების და დაფინანსების წყაროების, ასევე მიმდინარე საქმიანობების/პროექტების შესახებ. ინფორმაცია უკვე განთავსებულია ვებგვერდზე დაინტერესებული ორგანიზაციები, ვისაც სურვილი აქვთ გამოაქვეყნონ ანალოგიური ინფორმაცია ვებგვერდზე და შეუერთდნენ გამჭვირვალობის დეკლარაციას, უნდა დაუკავშირდნენ სიდა-ს (CiDA) წარმომადგენელს," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ომბუდსმენის აპარატის წარმომადგენელმა მონაწილეობა მიიღო „წამების პრევენციის ასოციაციის" მიერ ორგანიზებულ სიმპოზიუმში, რომელიც ფსიქიატრიული დაწესებულებების მონიტორინგს მიეძღვნა. „სიმპოზიუმის მონაწილეებმა საქართველოს პრევენციის ეროვნული მექანიზმის სამუშაო მეთოდოლოგია დადებითად შეაფასეს, წამების პრევენციის ევროპული კომიტეტის ექსპერტმა, ტიმოთი ჰარდინგმა კი განსაკუთრებულად გაუსვა ხაზი იმ ფაქტს, რომ წარმოდგენილი მეთოდოლოგია სრულად შეესაბამება წამების პრევენციის ევროპული კომიტეტის მიდგომებს და სამუშაო მეთოდოლოგიას," ნათქვამია ორგანიზაციის ვებ-გვერდზე. სრულად... წყარო: www.ombudsman.ge

თბილისი. ადმიანის უფლებების სწავლებისა და მონიტორინგის ცენტრი (EMC) ბათუმში მეჩეთის მშენებლობის საკითხს ეხმაურება. „მთავრობის მხრიდან მუსლიმი თემის საჭიროებების იგნორირების პირობებში, თემი იძულებული გახდა საკუთარი რესურსებით, განვადებით შეესყიდა ბათუმში მიწის ნაკვეთი, რაც თემის წევრებს მძიმე ეკონომიკურ ტვირთად დააწვება. EMC კიდევ ერთხელ მოუწოდებს მთავრობასა და აჭარის ხელისუფლებას, ბათუმში მეჩეთის მშენებლობის საინიციატივო ჯგუფისა და სხვა დაინტერესებული აქტორების მონაწილეობით, განიხილოს ახალი მეჩეთის მშენებლობისთვის მიწის ნაკვეთის გადაცემის საკითხი და ბათუმის ცენტრში, ხელმისაწვდომ ადგილას მუსლიმ თემს გადასცეს მეჩეთისთვის გამოსადეგი მიწის ნაკვეთი," ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. 9 სექტემბერს, სამართლიანი არჩევნებისა და დემოკრატიის საერთაშორისო საზოგადოებამ წინასაარჩევნო პერიოდის მონიტორინგის მესამე შუალედური ანგარიში გამოაქვეყნა. „საარჩევნო კამპანიის გააქტიურებასთან ერთად, მნიშვნელოვნად გაიზარდა სავარაუდოდ პოლიტიკური ნიშნით ოპოზიციური პარტიების წევრებისა და აქტივისტების მიმართ განხორციელებული ზეწოლა-მუქარის შემთხვევები. ანგარიშში მოყვანილ რიგ ფაქტებთან დაკავშირებით იკვეთება სამართალდამცავი ორგანოების წარმომადგენლების მხრიდან ჩადენილი სავარაუდო უფლებამოსილების გადამეტების ფაქტებიც. უნდა აღინიშნოს, რომ ორგანიზაციის მიერ დაფიქსირებული ფაქტები შეიცავს სისხლის სამართლის დანაშაულის ნიშნებს. ასევე გამოვლინდა კამპანიისთვის ხელის შეშლის და ოპოზიციური პოლიტიკური პარტიების ოფისების დაზიანების შემთხვევებიც...," ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. „საერთაშორისო გამჭვირვალობა - საქართველო" პერიოდულად აქვეყნებს ინფორმაციას ადგილობრივ თვითმმართველობებში ქალთა წარმომადგენლობის შესახებ. ამჯერად, ორგანიზაცია კახეთის რეგიონში არსებული ვითარებით დაინტერესდა და კვლევის შედეგები გაასაჯაროვა. „საერთაშორისო გამჭვირვალობა - საქართველო" მოუწოდებს ხელისუფლებას, პოლიტიკურ პარტიებს, ადგილობრივი თვითმმართველობის ორგანოებს, იზრუნონ პოლიტიკურ ცხოვრებაში ქალთა აქტიურად ჩართვაზე. სრულად... წყარო: www.transparency.ge

თბილისი. 7 სექტემბერს, „ბათუმში ახალი მეჩეთის მშენებლობის ფონდმა" მეჩეთის ასაშენებლად მიწის ნაკვეთი შეისყიდა. „ახალი მეჩეთის ასაშენებლად სახელმწიფოსაგან მიწის ნაკვეთის გამოყოფას მუსლიმი თემი 1990-იანი წლებიდან აქტიურად ითხოვს, თუმცა არც ადგილობრივ და არც ცენტრალურ ხელისუფლებას სათანადოდ არასოდეს შეუფასებია პრობლემის სიმწვავე და მეჩეთის მშენებლობის საკითხის გადაჭრა, წლების განმავლობაში, ხელოვნურ ბარიერებს აწყდებოდა. საბოლოოდ, მუსლიმმა თემმა საქველმოქმედო შემოწირულობებითა და საკუთარი სახსრებით, ბათუმში ახალი მეჩეთის ასაშენებლად მიწის ნაკვეთის შეძენა გადაწყვიტა. ამ მიზნით დაფუძნებულ, „ბათუმში ახალი მეჩეთის მშენებლობის ფონდს" მიწის შეძენასთან დაკავშირებული სამართლებრივი დახმარება ტოლერანტობისა და მრავალფეროვნების ინსტიტუტმა (TDI) გაუწია," ნათქვამია ორგანიზაციის ვებ-გვერდზე. სრულად... წყარო: tdi.ge

თბილისი. საქართველოს საზოგადოებრივი მაუწყებელი სამ კერძო ტელეკომპანიასთან ერთად არჩევნების დღეს ეგზიტპოლს ჩაატარებს. გადაწყვეტილება მაუწყებლის სამეურვეო საბჭომ 7 სექტემბერს გამართულ სხდომაზე მიიღო. „მოვუწოდებთ საზოგადოებრივი მაუწყებლის სამეურვეო საბჭოსა და მენეჯმენტს კიდევ ერთხელ გადახედონ მიღებულ გადაწყვეტილებას და თავი შეიკავონ ისეთი პროექტების განხორციელებისგან, რომლებიც მაუწყებლის მიუკერძოებლობას ეჭვქვეშ დააყენებს. მიგვაჩნია, რომ საზოგადოებრივი მაუწყებლის მენეჯმენტი და სამეთვალყურეო საბჭო მეტი პასუხისმგებლობით უნდა მოეკიდოს მსგავსი ტიპის გადაწყვეტილებებს. მიუღებელია მათი განცხადება, რომ ეგზიტპოლების შედეგებზე პასუხისმგებლობა ეკისრება მხოლოდ კვლევით ორგანიზაციას და არა უშუალოდ მაუწყებელს. ვთვლით, რომ ამ შემთხვევაში, საზოგადოებრივი მაუწყებლის საბჭოსა და მენეჯმენტის ცალკეულმა წევრებმა სათანადოდ ვერ შეაფასეს წარმოდგენილი გეგმით ეგზიტპოლის ჩატარების რისკები," ნათქვამია ერთობლივ განცხადებაში. სრულად... წყარო: www.transparency.ge

9 სექტემბერს, 10:00 საათზე, სასტუმრო „რედისონში" არასამთავრობო ორგანიზაციები მათი საქმიანობის გამჭვირვალობის უპრეცედენტო ინიციატივას გააჟღერებენ. 18 არასამთავრობო ორგანიზაცია ხელს მოაწერს გამჭვირვალობის დეკლარაციას, რომლის მიხედვითაც თითოეული მათგანი პასუხისმგებლობას იღებს პროაქტიულად გამოაქვეყნოს ინფორმაცია მათი მიზნების, დაგეგმილი და განხორციელებული საქმიანობების, განხორციელების ვადების, დონორების და დაფინანსების რაოდენობის შესახებ. მისამართი: თბილისი, ვარდების რევოლუციის მოედანი #1

თბილისი. 8 სექტემბერს, „რედისონში" სამოქალაქო საზოგადოების რეგიონული ქსელის (R-CSN) წევრები შეიკრიბნენ. „60-ზე მეტი რეგიონული ორგანიზაცია 2017 წლის სამოქმედო დაამტკიცებს და საარჩევნო თემაზე სამოქალაქო კვირეულს დაგეგმავს. სამოქალაქო კვირეული ქვეყნის 10 დიდ ქალაქში გაიმართება და მასში რეგიონების მოსახლეობა, არასამთავრობო ორგანიზაციების წარმომადგენლები და პოლიტიკური პარტიები მიიღებენ მონაწილეობას," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 6 სექტემბერს, ჩატარდა კონფერენცია თემაზე - საქართველოს წყლის სექტორში პროექტების ეფექტიანი მართვა. „კონფერენცია მიზნად ისახავდა საქართველოში წყლის მიწოდებისა და წყალარინების სისტემის მართვასთან დაკავშირებული პრობლემების, წყლის სექტორის მარეგულირებელი სამართლებრივი ბაზის, ადგილობრივი თვითმმართველობის რეფორმის ძირითადი პრიორიტეტების განხილვას, აგრეთვე მონაწილეებისთვის პროექტის ფარგლებში შემუშავებული სარეკომენდაციო და მეთოდოლოგიური მასალების გაცნობას, რომელიც ეხება ევროკავშირისა და ევროპის რეკონსტრუქციისა და განვითარების ბანკის მოთხოვნების შესაბამისად წყლის სექტორში პროექტების მართვის საკითხებს," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. კოალიცია „მედიის ადვოკატირებისთვის" ეხმიანება საზოგადოებრივი მაუწყებლის მიერ კერძო ტელეკომპანიებთან ერთად საარჩევნო ეგზიტპოლის ჩატარების გადაწყვეტილებას. „ჩვენ ქვეყანაში ეგზიტპოლი არაერთხელ გამხდარა პოლიტიკური მანიპულაციის იარაღი. კოალიცია „მედიის ადვოკატირებისათვის" მიიჩნევს, რომ კერძო ტელეკომპანიებთან ერთად საარჩევნო ეგზიტპოლის ჩატარება უარყოფითად აისახება საზოგადოებრივი მაუწყებლის მიმართ მაყურებლის ნდობაზე და გააღრმავებს კითხვებს მაუწყებლის პოლიტიკური დამოუკიდებლობის შესახებ. კოალიცია თვლის, რომ საჯარო ფინანსები არ უნდა იხარჯებოდეს არხისთვის ზიანის მომტან ქმედებებზე. კოალიცია „მედიის ადვოკატირებისათვის" მოუწოდებს საზოგადოებრივ მაუწყებელს შეცვალოს მიღებული გადაწყვეტილება და მაუწყებლის ყველა რესურსი მიმართოს მიმდინარე პროცესების სრულყოფილად, დროულად და მიუკერძოებლად გასაშუქებლად," ნათქვამია ორგანიზაციის განცხადებაში. სრულად... წყარო: qartia.org.ge

8 სექტემბერს, 17:00 საათზე, ახალგაზრდული ორგანიზაცია ცვლილებები თანაბარი უფლებებისათვის გამართავს საჯარო შეხვედრას ბათუმის საკრებულოსთან არსებული სამოქალაქო მრჩეველთა საბჭოსა და ბათუმის ადმინისტრაციულ ტერიტორულ ერთეულებში მერის წარმომადგენლებთან. შეხვედრის მიზანია შეზღუდულ შესაძლებლობასთან დაკავშირებით საზოგადოებრივი და საჯარო სექტორის წარმომადგენლების კომპეტენციის გაზრდის ხელშეწყობა. მისამართი: ბათუმი, ზ. გამსახურდიას #6 „თავისუფალი სივრცე"

შიდა ქართლი. 8 სექტემბერს, ეკონომიკური პოლიტიკის კვლევის ცენტრის (EPRC) ორგანიზებით და აშშ საელჩოს მხარდაჭერით, გაიმართა საჯარო დისკუსია. შეხვედრა 2016 წლის საპარლამენტო არჩევნებში მონაწილე პოლიტიკური პარტიების სოციალურ და ეკონომიკურ პროგრამებს ეხებოდა. „შეხვედრა ორგანიზებულია ეკონომიკური პოლიტიკის კვლევის ცენტრის პროექტის „ინფორმირებული ამომრჩეველი საარჩევნო ანგარიშვალდებულების გასაუმჯობესებლად" ფარგლებში, რომელიც აშშ საელჩოს მცირე გრანტების პროგრამის მხარდაჭერით ხორციელდება," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. პროექტის „მიწის დეგრადაციისა და სიღარიბის შემცირების მიზნით სასოფლო ტერიტორიებზე ლანდშაფტისა და მიწის რესურსების მდგრადი მართვის დანერგვა” ფარგლებში სამუშაო შეხვედრა ჩატარდა. „საქართველო პირველად იწყებს მიწის მდგრადი მართვის პროექტის განხორციელებას სასოფლო ტერიტორიებზე მიწის დეგრადაციისა და სიღარიბის შემცირების მიზნით. პროექტის განხორციელების შედეგად მიწის მდგრადი მართვის სექტორში საკანონმდებლო ცვლილებები მოხდება," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ნატოს ელჩებმა სამოქალაქო საზოგადოების, არასამთავრობო ორგანიზაციების, მედიის და უმცირესობების წარმომადგენლებთან შეხვედრა გამართეს. „შეხვედრის მთავარი თემა კონფლიქტების მოგვარების საკითხები გახლდათ. ღონისძიება ჩრდილოატლანტიკური საბჭოს ვიზიტის ფარგლებში გაიმართა," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში