22 აპრილს, 11:00 – 19:00 საათამდე, სოციალური თერაპიის სახლში, გაიმართება კავშირი ადამიანებისთვის განსაკუთრებულ ზრუნვას რომ საჭიროებენ სააღდგომო გამოფენა-გაყიდვა. სრულად... მისამართი: თბილისი, ძმები უბილავების ქ#8

22 აპრილს, 11:00 საათზე, შეზღუდული შესაძლებლობების მქონე ადამიანების დღის ცენტრი სოციალური თერაპიის სახლი გამართავს ცენტრის ბენეფიციარების მიერ დამზადებული ხელნაკეთი ნივთების გამოფენა-გაყიდვას. ღონისძიებას დაესწრებიან სამთავრობო, არასამთავრობო და დიპლომატიური კორპუსის წარმომადგენლები. მისამართი: თბილისი, ძმები უბილავების ქ. #8 (300 არაგველის მეტროსთან)

თბილისი. საქართველოს სახალხო დამცველი ეხმაურება მედიაში ბოლო პერიოდში გამოთქმულ მოსაზრებებს. „ბოლო პერიოდში სისტემატიური ხასიათი მიიღო სახალხო დამცველის ყოველწლიურ ანგარიშში, რელიგიის თავისუფლების თავში ასახული პრობლემატიკისა და შეფასებების მიზანმიმართულმა დამახინჯებამ. კერძოდ, მედიაში გავრცელებული ინფორმაციით, სახალხო დამცველი ბავშვების ექსკურსიაზე ტაძრებში წაყვანის აკრძალვას ითხოვს, რაც არ შეესაბამება სინამდვილეს", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. 22 აპრილს, 11:00-19:00 საათზე, ორგანიზაცია - "კავშირი ადამიანებისათვის განსაკუთრებულ ზრუნვას რომ საჭიროებენ" მიერ სააღდგომო გამოფენა-გაყიდვა გაიმართება. გამოფენაზე მისულ სტუმრებს საშუალება ექნებათ, შეიძინონ სოციალური თერაპიის სახლის ბენეფიციარების მიერ შექმნილი ნივთები, მათ შორის: ცვილის და სურნელოვანი პარაფინის სხვადასხვა ფორმის სანთლები, მეორადი ქაღალდისგან დამზადებული სხვადასხვა სახის ნივთები და ა.შ. სრულად. წყარო: "კავშირი ადამიანებისათვის განსაკუთრებულ ზრუნვას რომ საჭიროებენ" გვერდი სოციალურ ქსელში

თბილისი. საერთაშორისო გამჭვირვალობა საქართველო აქვეყნებს ვიდეო-ინსტრუქციას - როგორ მოვამზადოთ თაიმლაინი. წყარო: www.transparency.ge

თბილისი. 20 აპრილს, ღია და გამჭვირვალე მმართველობის მუდმივმოქმედი საპარლამენტო საბჭოსა და საკონსულტაციო ჯგუფის შეხვედრა გაიმართა. „შეხვედრაზე იმსჯელეს საქართველოს ღია პარლამენტის სამოქმედო გეგმის (2015-2016) ვალდებულებების შესრულებისთვის რეგლამენტში შესატან ცვლილებების პროექტებზე. შეხვედრას ესწრებოდნენ საპარლამენტო საბჭოსა და საკონსულტაციო ჯგუფის წევრები - საქართველოს პარლამენტის, საერთაშორისო და არასამთავრობო ორგანიზაციების წარმომადგენლები", ნათქვამია ინფორმაციის თავისუფლების განვითარების ვებ-გვერდზე. სრულად... წყარო: idfi.ge

სამცხე-ჯავახეთი. 21-22 აპრილს, „კონსტიტუციის 42-ე მუხლი" პროექტის „ქალთა, განსაკუთრებით კი ეთნიკურ უმცირესობათა ჯგუფს მიკუთვნებულ ქალთა გაძლიერება და მართლმსაჯულებაზე ხელმისაწვდომობის ხელშეწყობა" ფარგლებში გეგმავს ვიზიტს ახალციხის მუნიციპალიტეტში. „ვიზიტის მიზანია ორ დღიანი ტრენინგის ჩატარება ეთნიკური უმცირესობების წარმომადგენელი მოსახლეობისათვის. ტრენინგის თემატიკა შეირჩა რეგიონში არსებული პრობლემატური საკითხების მიხედვით და შეეხება ისეთ თემებს, როგორიცაა გენდერული თანასწორობა, საკუთრების უფლება გენდერული თანასწორობის ჭრილში, ოჯახში ძალადობა და ადრეული ქორწინება. ტრენინგის ფარგლებში მოხდება ბენეფიციარების ინფორმირება მათი უფლებების შესახებ, თუ როგორ ისარგებლონ ამ უფლებებით და როგორ მოიქცნენ მათი უფლებების დარღვევის შემთხვევაში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „საქართველოს ტექნიკური უნივერსიტეტის რექტორის მესამე ვადით არჩევა საქართველოს კანონმდებლობას ეწინააღმდეგება". „ზოგადად, კანონმდებლობით უნივერსიტეტის ხელმძღვანელის (რექტორის) უფლებამოსილების ვადის შეზღუდვის მიზანია, გამოირიცხოს განუსაზღვრელი ვადით ერთი და იმავე პირის მიერ უნივერსიტეტის მართვა, უზრუნველყოფილ იქნას უმაღლესი საგანმანათლებლო დაწესებულების ავტონომიურობა, ისევე როგორც აკადემიური პერსონალის, სამეცნიერო პერსონალისა და სტუდენტთა მონაწილეობა გადაწყვეტილების მიღებისა და მისი შესრულების კონტროლის პროცესში. კანონის აღნიშნული მიზანი უცველელი რჩება მიუხედავად უნივერსიტეტის სამართლებრივი ფორმის ცვლილებისა. შესაბამისად, არჩილ ფრანგიშვილის ზედიზედ მესამე ვადით თანამდებობაზე არჩევის უნივერსიტეტის სამართლებრივი ფორმის ცვლილებით გამართლება ეწინააღმდეგება „უმაღლესი განათლების შესახებ” კანონის მიზნებს", ნათქვამია ორგანიზაციის განცხადებაში. სრულად... წყარო: www.transparency.ge

შიდა ქართლი. 20 აპრილს, არტ-კაფეში ქალთა საინფორმაციო ცენტრმა ლიტერატურული პრემია „საბა"-ს მფლობელის, მთარგმნელისა და მწერლის ანა კორძაია-სამადაშვილის საჯარო ლექციას უმასპინძლა თემაზე „ცუდი გოგოები და კარგი გოგოები". საჯარო ლექცია ჩატარდა ქალთა საინფორმაციო ცენტრის პროექტის „გაძლიერებული ქალები მშვიდობისა და განვითარებისათვის" ფარგლებში ამერიკის სახელმწიფო დეპარტამენტის მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

21 აპრილს, 18:00 საათზე, სან დიეგოს სახელმწიფო უნივერსიტეტი, საქართველოს ეროვნული მუზეუმი და National Geographic საქართველო გეპატიჟებათ საჯარო ლექციაზე - „აქამდე უცნობი ეპიდემიები - ზიკას ვირუსი". სრულად... მისამართი: თბილისი, ფურცელაძის #1

21 აპრილს, 18:00 საათზე, „ევროპის სახლში" „ქალთა ფონდი საქართველოში" გიწვევთ გურამ წიბახაშვილის ფოტოგამოფენაზე „და", რომელიც ერთი არაორდინალური ქალის ისტორიას ასახავს. სრულად... მისამართი: თბილისი, ევროპის სახლი

21 აპრილს, 15:00 – 19:00 საათამდე სინერჯი ჯგუფი და მართვის აკადემია მართავს სემინარს - რატომ არის ინოვაციები თანამედროვე ორგანიზაციების წარმატების განმსაზღვრელი ფაქტორი და როგორ უნდა დავასტიმულიროთ ინიციატივების ნაკადის ზრდა თანამშრომლებისგან. სრულად... მისამართი: თბილისი, ინოვაციების #7

21 აპრილს, 14:00 საათზე, ზუგდიდში, საქართველოს სახალხო დამცველის აპარატის რეგიონული დეპარტამენტის სამეგრელო-ზემო სვანეთის სამმართველოს ზუგდიდის ოფისში რესურსდამზოგი და ეკოლოგიურად სუფთა წარმოების საკითხებისადმი მიძღვნილი ფორუმი გაიმართება. მისამართი: ზუგდიდი, მერაბ კოსტავას ქ. #58

21 აპრილს, 14:00 საათზე, საქართველოს სტრატეგიისა და საერთაშორისო ურთიერთობების კვლევის ფონდში ფრიდრიხ ებერტის ფოდნის წიგნის პრეზენტაცია „Eastern Partnership Revisited” ევროკავშირის ურთიერთობები საქართველოსთან, მოლდოვასთან და უკრაინასთან გაიმართება, რომელსაც საქართველოში ევროკავშირის დელეგაციის ხელმძღვანელი იანოს ჰერმანი, ფონდი „ღია საზოგადოების" პროგრამის კოორდინატორი ვანო ჩხიკვაძე და სხვები დაესწრებიან. მისამართი: თბილისი, შიო ჩიტაძის ქ. #3ა

21 აპრილს, 14:00 საათზე, „ახალგაზრდა უფლებადამცველთა ასოციაცია”, სხვა არასამთავრობოები და სტუ-ს სტუდენტები აქციას გამართავენ განათლების სამინისტროსთან მოთხოვნით: გადადგეს არჩილ ფრანდგიშვილი. მისამართი: თბილისი, დიმიტრი უზნაძის #2

21 აპრილს, 13:00 საატზე, დევიდ ბერჟე გეოეარის მოწვევით, პროექტის "თბილისის ჭადრაკის სასახლე" ფარგლებში ისაუბრებს თავის შემოქმედებით პრაქტიკაზე. სრულად... მისამართი: თბილისი, უზნაძის #51

თბილისი. კამპანია „სამართალი ითხოვს" შეხვედრებს იწყებს. „კამპანიის ძირითად მოთხოვნას წარმოადგენს უსამართლო, გაუმჭვირვალე და არაკონსტიტუციური პროცესის გზით სასამართლო კორპუსის დაკომპლექტების შეჩერება და მოსამართლის დანიშვნის გამჭვირვალე, სამართლიანი და დასაბუთებული სისტემის დაუყოვნებლივ შექმნა. კამპანია ასევე ითხოვს გაუქმდეს კრიტიკულად განწყობილი მოსამართლეების წინააღმდეგ დისციპლინური დევნის გამოყენების შესაძლებლობა, დაჩქარდეს სასამართლო რეფორმა და უსაფუძვლო დაყოვნების გარეშე ამოქმედდეს სასამართლოში შემთხვევითობის პრინციპზე დაფუძნებული საქმის განაწილების ელექტრონული სისტემა", ნათქვამია ერთობლივ გაცხადებაში. სრულად... წყარო: gyla.ge

არასამთავრობო ორგანიზაცია „ადამიანი გაჭირვებაში" მხარდაჭერით „რეგიონული განვითარების რესურსცენტრის" ორგანიზებით წყალტუბოს თემში მცხოვრები ახალგაზრდებისთვის ახორციელებს პროექტს „აქტიური მოქალაქეობა ჩვენი მომავლისთვის". პროექტის ფარგლებში 22 აპრილიდან 27 აპრილის ჩათვლით გაიმართება ბანაკი ბაკურიანში. ტრენინგები ჩატარდება FLEX პროგრამის კურსდამთავრებულებისა და „მშვიდობის კორპუსის" მოხალისეების მიერ, როგორც ქართულ ასევე ინგლისურ ენაზე. სრულად... წყარო: www.rdrc.ge

იმერეთი. ქუთაისის გენდერის მედიაცენტრმა, პოლიტიკაში ქალების გააქტიურების მიზნით, პოლიტიკური პარტიების ქალ წარმომადგენლებთან შეხვედრები დაიწყო. „პოლიტიკური პარტიების ქალ წარმომადგენლებთან შეხვედრები პროექტის ,,აირჩიე თანასწორობა" ფარგლებში იმართება, რომელსაც არასამთავრობო ორგანიზაცია „ჟურნალისტთა ქსელი გენდერული თანასწორობისათვის" აშშ საერთაშორისო განვითარების სააგენტოს USAID–ისა და საარჩევნო სისტემების განვითარების ფონდის IFES -ის მხარდაჭერით ახორციელებს", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. სახალხო დამცველი განცხადებას ავრცელებს სამაუწყებლო სივრცეში არსებული სტიგმისა და დისკრიმინაციის შემცველი დამოკიდებულების თაობაზე. „ომბუდსმენი მოუწოდებს სამაუწყებლო კომპანიებს და სხვა მედია საშუალებებს, რომ ნებისმიერი პროგრამის/გადაცემის მომზადებისა და გაშუქების პროცესში იხელმძღვანელონ მრავალფეროვნების, თანასწორობისა და ტოლერანტობის პრინციპებით. არ შეუწყონ ხელი ადამიანების ღირსების შემლახავ მდგომარეობაში ჩაყენებას და მკაცრად დაიცვან საერთაშორისო სტანდარტებითა თუ ეროვნული კანონმდებლობით დადგენილი მოთხოვნები", ნათქვამია განცხადებაში. სრულად... წყარო: www.ombudsman.ge

თბილისი. ვანო ხუხუნაიშვილის სახელობის ეფექტიანი მმართველობის სისტემის და ტერიტორიული მოწყობის რეფორმის ცენტრთან იქმნება მუნიციპალურ მოხელეთა სწავლების სასწავლო პროგრამების ელექტრონულ ბაზა. „თვითმმართველ ერთეულებს თავის მხრივ ექნებათ შესაძლებლობა ამ რეესტრში მოიძიონ ხარისხიანი სასწავლო პროგრამები თავიანთი მოხელეების კვალიფიკაციის ამაღლებისთვის. სასწავლო პროგრამა დარეგისტრირდება მხოლოდ იმ შემთხვევაში, თუ დადასტურდება მისი შესაბამისობა სპეციალურ სტანდარტებთან. სპეციალურ სტანდარტებთან პროგრამის შემოწმებას განახორციელებენ ცენტრის მიერ მოწვეული ექსპერტები", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 15 და 18 აპრილს, საქართველოს სახალხო დამცველმა უკანონო დაკავების ფაქტზე გამოძიების დაწყების წინადადებებით მიმართა საქართველოს მთავარ პროკურორს. „საქართველოს სახალხო დამცველმა მიიჩნია, რომ მოცემულ შემთხვევაში, შინაგან საქმეთა სამინისტროს პასუხისმგებელმა თანამშრომლებმა დაარღვიეს საქართველოს კონსტიტუციის და საქართველოს ადმინისტრაციულ სამართალდარღვევათა კოდექსის მოთხოვნები", ნათქვამია ომბუდსმენის ვებ-გვერდზე. სრულად... წყარო: www.ombudsman.ge