თბილისი. საერთაშორისო გამჭვირვალობა – საქართველომ გამოაქვეყნა ნანა საჯაიას ბლოგპოსტი: „მაუწყებელთა დაფინანსების ზოგიერთი წყარო კვლავ უცნობია". ბლოგპოსტში გაანალიზებულია მაუწყელების მიერ კომუნიკაციების ეროვნული კომისიისთვის წარდგენილი ფინანსური ანგარიშები. „მაუწყებლების მიერ კომუნიკაციების ეროვნული კომისიისთვის წარდგენილი ფინანსური ანგარიშები დაფინანსების წყაროების შესახებ არასაკმარის ინფორმაციას შეიცავს", ნათქვამია ბლოგპოსტში. როგორც პუბლიკაციაშია აღნიშნული მარეგულირებლის მიერ გამოქვეყნებული ინფორმაცია 31 მაუწყებლის მიერ წარმოდგენილ ანგარიშებს შეიცავს, მაშინ როცა კომუნიკაციების ეროვნულ კომისიას 99 რადიო და ტელეკომპანია აქვს დარეგისტრირებული, რომლებსაც მაუწყელობის ლიცენზია ან ავტორიზაცია აქვთ და კომისიის ზედამხედველობას ექვემდებარებიან. სრულად წყარო: transparency.ge

თბილისი. 22 ნოემბერს, „ინტერნიუსი საქართველომ" რეგიონული ტელევიზიების მონიტორინგის საბოლოო შედეგები გამოაქვეყნა. მკვლევარები 16 სექტემბრიდან 10 ნოემბრის ჩათვლით 12 რეგიონული მაუწყებლის გამოშვებებსა და ტოქშოუებს აკვირდებოდნენ. „მონიტორინგის შედეგებით, სექტემბერში წინასაარჩევნო კამპანია, თითქმის, არ შუქდებოდა. საპრეზიდენტო კანდიდატებისთვის დათმობილი დრო 1 ოქტომბრიდან გაიზარდა. უშუალოდ არჩევნების დღეს, 27 ოქტომბერს კი ტელეკომპანიათა უმეტესობა საგანგებო რეჟიმში მუშაობდა. არჩევნების შემდეგ გაგრძელდა წინასაარჩევნო პერიოდის დაწყებამდე არსებული ტენდენცია და საინფორმაციო გამოშვებებში ადგილობრივი ხელისუფლებისადმი დათმობილი დრო გაიზარდა. ანგარიშის თანახმად, რეგიონულმა ტელეკომპანიებმა საინფორმაციო გამოშვებებში  მონიტორინგის სუბიექტების მხოლოდ მცირე ნაწილი გააშუქეს", ნათქვამია მონიტორინგის შედეგებში. მონიტორინგის ანგარიშის სრული ვერსია წყარო: media.ge

თბილისი. 14 ნოემბერს ორგანიზაცია „მედიაპორტალმა" წინასაარჩევნო პერიოდში ფარული და პოლიტიკური რეკლამის მონიტორინგის შემაჯამებელი ანგარიში გამოაქვეყნა. ანალიტიკოსები 19–დან 24-სააათამდე მონაკვეთში რეკლამებს საზოგადოებრივი მაუწყებლის, „იმედის," „რუსთავი 2"-ის, „მაესტროსა" და „კავკასიის" ეთერში აკვირდებოდნენ. პრეზენტაციაზე წარმოდგენილი იქნა მონიტორინგის პერიოდში დაფიქსირებული დარღვევების, ტენდენციებისა და განსაკუთრებულად საინტერესო შემთხვევების მოკლე მიმოხილვა, გაიმართა დისკუსიაც. სრულად წყარო: media.ge

თბილისი. ინფორმაციის თავისუფლების განვითარების ინსტიტუტმა ახალი კვლევა – „განათლებისა და მეცნიერების სამინისტროს მიერ საზღვარგარეთ სასწავლებლებში დაფინანსებული მოქალაქეები" – გამოაქვეყნა. ორგანიზაციამ საქართველოს განათლებისა და მეცნიერების სამინისტროდან მიიღო ინფორმაცია უწყების მიერ 2011-2014 სასწავლო წლებში საზღვარგარეთის საგანმანათლებლო დაწესებულებებში სწავლის საფასურით  დაფინანსებული მოქალაქეების შესახებ. „როგორც მიღებული დოკუმენტაციიდან ირკვევა 2011-2014 სასწავლო წლებში სამინისტროს მიერ სულ გამოყოფილია 9 571 207 ექვივალენტი ლარის დაფინანსება. აღნიშნული დაფინანსება სასწავლო წლების მიხედვით თითქმის თანაბრადაა გადანაწილებული", ნათქვამია განცხადებაში. კვლევა წყარო: opendatablog.wordpress.com

თბილისი. 13 ნოემბერს  ჟურნალისტური ეთიკის ქარტიამ და გაეროს ბავშვთა ფონდმა მონიტორინგის შედეგები წარმოადგინეს. მონიტორინგის მიზანი ელექტრონულ და ონლაინ მედიაში, ასევე პრესაში, ბავშვთა საკითხებზე გამოქვეყნებული მასალების შესწავლა, ბავშვთა აღიარებულ უფლებებთან, ეთიკურ ნორმებთან და პროფესიულ სტანდარტებთან შესაბამისობა  და ანალიზი იყო. დარღვევის გამოვლენის შემთხვევაში, ჟურნალისტური ეთიკის ქარტია, რეაგირების თხოვნით, განცხადებით მიმართავდა მედიასაშუალებებს. ანგარიში  წარმოადგენს 2013 წლის 1 ივნისიდან 1 სექტემბრამდე პერიოდში ჩატარებული მონიტორინგის შეჯამებას და მასში შეფასებულია სხვადასხვა ტიპის მედიის თავისებურებები, დეტალური ანალიზი, გამოკვეთილი დარღვევები, რეაგირება და რეკომენდაციები. ანგარიში წყარო: qartia.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოებამ პრესის წინასაარჩევნო მონიტორინგის მესამე შუალედური ანგარიში გამოაქვეყნა. დოკუმენტი მოიცავს 16 სექტემბერიდან 26 ოქტომბრამდე პერიოდს. მონიტორინგი გაგრძელდება 15 ნოემბრამდე და დროის ამ მონაკვეთში ორგანიზაციის მედია მონიტორები 7 გამოცემას დააკვირდებიან. სრულად წყარო:isfed.ge  

თბილისი. 10 ნოემბერს ახალგაზრდა ადვოკატებმა თბილისის მაღალსართულიან ბინებში ლიფტების გამართულობისა და მომსახურე კომპანიების პასუხისმგებლობის საკითხებზე პრესკონფერენცია გამართეს. ისინი მიიჩნევენ, რომ „მაღალსართულიან ბინებში ლიფტების გამართულობაზე პასუხისმგებელი კომპანიები თბილისის მერიასთან დაახლოებული ჯგუფების ხელშია და „ლიფტების საქმიდან" შემოსული ფინანსების გამჭვირვალობა და ხარჯვითი ნაწილი, კორუფციულ ნიშნებს ატარებს... მოშლილია იმის კონტროლიც, თუ ერთი კვირის განმავლობაში, რამდენჯერ ივსება ლიფტის ყულაბები, რამდენია მისი შემოსავალი და ხდება თუ არა ამ შემოსავლების შესაბამისად, კომპანიების მხრიდან ბიუჯეტში გადასახადების გადახდა", ნათქვამია ორგანიზაციის მიერ გავრცელებულ ინფორმაციაში. ახალგაზრდა ადვოკატები დედაქალაქის თვითმმართველობას პრობლემის გადაჭრის ერთ–ერთ გზასაც სთავაზობს: „მოსახლეობას საშუალება მიეცეს მგზავრობისას ლიფტით მომსახურების საფასური გადაიხადოს მეტრომანის ბარათებით. მსგავსი სისტემა უფრო მოსახერხებელი იქნება მოქალაქეებისთვის და ხელს შეუწყობს გამჭვირვალე სისტემის ჩამოყალოიბებას". სრულად წყარო: ორგანიზაციის გვერდი სოციალურ ქსელში

თბილისი. ორგანიზაციამ „მწვანე ალტერნატივა" გამოაქვეყნა ანგარიში „მადნეული კანონზე მაღლა". „წლების განმავლობაში მადნეულისა და კვარციტის საქმიანობის ეკონომიკური და გარემოსდაცვითი პრობლემების შესწავლა სხვადასხვა კომისიებისა თუ სამართალდამცავი ორგანოების შესწავლის საგანი იყო. თუმცა საწარმოში შექმნილი უკიდურესად მძითე სიტუაციის გამოსწორება ვერ, თუ არ ხერხდებოდა", ნათქვამია ანგარიშში, რომელიც საწარმოს პრივატიზების საკითხებს, საპრივატიზებო პირობების შესრულების, გარემოზე ზემოქმედების და ა.შ. საკითხებს მოიცავს. ანგარიში: „მადნეული კანონზე მაღლა" წყარო: greenalt.org

თბილისი. საერთაშორისო გამჭვირვალობა საქართველო აქვეყნებს კახა ურიადმყოფელის ბლოგს: „რატომ არ ესწრება მარიამ საჯაია პარლამენტის სხდომებს?". გამჭირვალობაამ პარლამენტს ჯერ კიდევ 21 ოქტომბერს მიმართა წერილობით. „როგორც აღმოჩნდა, დეპუტატი საჯაია იმ ორი კომიტეტის მიერ, რომლის წევრიც არის, ივლის-ნოემბერში გამართული 35 სხდომიდან მხოლოდ ერთს დაესწრო, თუმცა კუთვნილ ხელფასს მაინც იღებს. გაცდენის მიზეზად დეპუტატი მართლაც ოჯახურ მდგომარეობას ასახელებს, მაგრამ გაუგებარია უცხო ქვეყანაში სასწავლებლად ყოფნა ამ კატეგორიაში როგორ ხვდება. ..", ნათქვამია ბლოგზე. სრულად წყარო: transparency.ge

იმერეთი. ქუთაისის დემოკრატიული ჩართულობის ცენტრში „მაჟორიტარი სისტემით არჩეული პარლამენტის წევრების ბიუროების საქმიანობის კვლევის" პრეზენტაცია გაიმართა. კვლევას არასამთავრობო ორგანიზაცია სიდა ხელმძღვანელობდა. კვლევის მიზანი, რომელსაც 22 არასამთავრობო ორგანიზაცია ახორციელებდა, საქართველოს პარლამენტის მაჟორიტარი დეპუტატების ბიუროების საქმიანობის შეფასება იყო. ოცი კითხვისგან შედგენილი ანკეტა, როგორც დახურულ, ისე ღია კითხვარებს მოიცავდა. კვლევის ფარგლებში ჩატარებული სოციოლოგიური გამოკითხვის შედეგად, რომელშიც მონაწილეობა საქართველოს მასშტაბით 1496 რესპოდენტმა. კვლევა 2013 წლის ივნის-ივლისის განმავლობაში საქართველოს 10 რეგიონში ჩატარდა.

თბილისი.  ინფორმაციის თავისუფლების განვითარების ინსტიტუტმა (IDFI)  8 ნოემბერს გამოაქვეყნა ბლოგი სახელმწოდებით: „საპროცესო შეთანხმების საფუძველზე გადარიცხული თანხების შესახებ ინფორმაცია კვლავ ხელმიუწვდომელი იქნება". ინსტიტუტმა აღსრულების ეროვნულ ბიუროს 2013  წლის განმავლობაში საპროცესო შეთანხმების საფუძველზე სახელმწიფო ბიუჯეტში გადარიცხული თანხების შესახებ ინფორმაციის მოთხოვნით 25 სექტემბერს მიმართა. ინსტიტუტისთვის მიწოდებული  დოკუმენტის თანახმად „2013 წლის 9 თვის განმავლობაში (1 იანვარი – 25 სექტემბერი) სისხლის სამართლის საქმეებზე დაკისრებული ჯარიმების, სახელმწიფოსთვის მიყენებული ზიანის, გირაოსა და საპროცესო შეთანხმების საფუძველზე სახელმწიფო ბიუჯეტში გადარიცხული თანხების მთლიანი ოდენობა შეადგენს 54 722 173 ლარს. რაც შეეხება უშუალოდ საპროცესო შეთანხმების საფუძველზე გადარიცხულ თანხების ოდენობას, მოწოდებულ დოკუმენტაციაში აღნიშნულია, რომ სსიპ-აღსრულების ეროვნული ბიურო არ აწარმოებს განცალკევებით ამ მონაცემების აღრიცხვას", აღნიშნულია ორგანიზაციის ბლოგზე. ინსტიტუტი მოუწოდებს აღსრულების ევრონულ ბიუროს, აღადგინოს აღნიშნული მონაცემების განცალკევებით აღრიცხვა, რათა „საზოგადოების მხრიდან ეს ფაქტი აღქმული არ იქნას როგორც მონაცემების დაფარვის მცდელობა და საბოლოოდ გადაიჭრას საპროცესო შეთანხმებების შედეგად ბიუჯეტში გადარიცხული თანხების გაუმჭვირვალობის პრობლემა", ნათქვამია ბლოგზე. სრულად წყარო: opendatablog.wordpress.com

თბილისი. საერთაშორისო გამჭვირვალობა – საქართველო აქვეყნებს ბლოგპოსტს, რომელიც სხვადასხვა კომპანიების მიერ სპამ SMS რეკლამებს ეხება. „კომპანიები განაგრძობენ სპამ SMS რეკლამების გზავნას, რითაც პერსონალურ მონაცემთა დაცვის შესახებ კანონს არღვევენ. გვსურს მოვუწოდოთ მათ პატივი სცენ კანონს, ასევე იზრუნონ მომხმარებელთა პერსონალური მონაცემების დაცვაზე. სწორედ ამიტომ, შევაგროვეთ და ვაქვეყნებთ იმ კომპანიათა სიას, რომლებიც საკანონმდებლო ნორმებს უგულვებელყოფენ", ნათქვამია ბლოგპოსტში სრულად წყარო: transparency.ge

„ეკონომიკური თანამშროლობისა და განვითარების ორგანიზაციამ" აღმოსავლეთ ევროპისა და ცენტრალური აზიის ანტიკორუფციული ქსელის ფარგლებში ანტიკორუფციული მონიტორინგის შედეგები გამოაქვეყნა. საქართველოს შესახებ მონიტორინგში განხილულია 2010–1013 წლებში კორუფციის წინააღმდეგ გატარებული ღონისძიებები და შედეგები. ანგარიში ასევე მოიცავს რეკომენდაციებს. ანგარიში (ინგლისური) წყარო: oecd.org

თბილისი. ინფორმაციის თავისუფლების განვითარების ინსტიტუტი (IDFI) აგრძელებს იმ საჯარო დაწესებულებათა საჯარო ინფორმაციის პროაქტიული გამოქვეყნების სტანდარტების მონიტორინგს, რომლებზეც არ ვრცელდება საქართველოს მთავრობის 26 აგვისტოს N219 დადგენილება. ინსტიტუტი ამჯერად საზოგადოებას სთავაზობს თვითმმართველი ერთეულის საკრებულოების მიერ დღეის მდგომარეობით მიღებული სტანდარტების შესაბამისობის ანალიზს. „სამწუხაროდ, მიუხედავად იმ ფაქტისა, რომ დღეს უკვე არსებობს მთავრობის დადგენილებით განსაზღვრული პროაქტიულად გამოსაქვეყნებელი საჯარო ინფორმაციის ნუსხა, რომელიც შემუშავებული იქნა სამოქალაქო საზოგადოების უშუალო ჩართულობითა და მონაწილეობით, თვითმმართველი ერთეულების მიერ მიღებული დოკუმენტები მის ძალზედ შეკვეცილ და მნიშვნელოვნად სახეცვლილ ვერსიებს წარმოადგენს", ნათქვამია ორგანიზაციის ვებგვერდზე. სრულად წყარო: opendatablog.wordpress.com

სამეგრელო. „სამოქალაქო მონიტორინგისა და კვლევების ცენტრმა" ანგარიში – „ზუგდიდის მუნიციპალიტეტის ადგილობრივი თვითმმართველობის ორგანოთა საქმიანობის მონიტორინგის შედეგები" – გამოაქვეყნა.  ანგარიში 

სამცხე–ჯავახეთი. დემოკრატ მესხთა კავშირის, პროექტ „ახალგაზრდული საკრებულოს" წევრებმა მორიგი სამუშაო შეხვედრა გამართეს. შეხვედრაზე სოფლის მხარდაჭერის პროგრამის ფარგლებში განხორციელებულ პროექტებზე, ხარჯებსა და სამომავლო გეგმებზე იმსჯელეს.  წყარო:ორგანიზაციის გვერდი სოციალურ ქსელში

თბილისი. კავკასიის კვლევითი რესურსების ცენტრის პროექტის ფარგლებში სატელევიზიო თოქ–შოუების მონიტორინგის შედეგები გამოქვეყნდა. ანგარიში 16 სექტემბერიდან 19 ოქტომბრამდე პერიოდს მოიცავს. მონიტორინგის ფარგლებში დაკვირვება მოხდა შვიდი არხის საღამოს მთავარ საინფორმაციო გამოშვებებზე, ასევე, პრაიმტაიმის დროს გასულ ყველა თოქ-შოუზე, რომლებიც პოლიტიკურ თემებს მიეძღვნა. თოქ-შოუების წინასაარჩევნო მედია მონიტორინგი 16 სექტემბერი - 19 ოქტომბერი  წყარო: mediamonitor.ge

თბილისი. საქართველოს ახალგაზრდა იურისტთა ასოცაიციამ 27 ოქტომბრის საპრეზიდენტო არჩევნების კენჭისყრის დღის შეფასება გამოაქვეყნა. საპრეზიდენტო არჩევნების დღეს საია თბილისისა და 8 რეგიონის 36 საარჩევნო ოლქში 400-ზე მეტი დამკვირვებლით აკვირდებოდა. ასევე საზღვარგარეთ გახსნილ საარჩევნო უბნებზე ორგანიზაციას დამკვირვებლები ჰყავდა დიდ ბრიტანეთსა და გერმანიაში. საიას დამკვირვებლებმა დაწერეს 33 საჩივარი და 50 შენიშვნა დააფიქსირეს ჩანაწერთა წიგნში. არჩევნების შეჯამების შემდეგ საია წარმოადგენს მთლიან ანგარიშს, სადაც გაანალიზებული იქნება არჩევნების მთლიანი სურათი წინასაარჩევნო პერიოდის, კენჭისყრის დღის, დავების განხილვისა და არჩევნების შედეგების შეჯამების პროცესის ჩათვლით. სრულად წყარო: gyla.ge

თბილისი.არასამთავრობო ორგანიზაციებმა: საქართველოს ახალგაზრდა იურისტთა ასოციაციამ, საერთაშორისო გამჭვირვალობა – საქართველომ და სამართლიანი არჩევნებისა და დემოკრატიის საერთაშორისო საზოგადოებამ, 26 ოქტომბერს ერთობლივად წარადგინეს წინასაარჩევნო გარემოს შეფასება. იგი მოიცავს საკანონმდებლო ბაზის, თავისუფალი და სამართლიანი არჩევნებისთვის უწყებათშორისი კომისიის, საარჩევნო ადმინისტრაციის, ამომრჩეველთა სიის, საარჩევნო მიზნით ადმინისტრაციული რესურსების გამოყენების და ა.შ. საკითხებს. წინასაარჩევნო გარემო წყარო: transparency.ge

თბილისი. საქართველოს ახალგაზრდა იურისტთა ასოციაციამ წინასაარჩევნო პერიოდის მონიტორინგის ანგარიშის პრეზენტაცია წარმოადგინა. ანგარიში მოიცავს 2013 წლის ივლისიდან სექტემბრის ჩათვლით განხორციელებული მონიტორინგის შედეგებს. სამთვიანი პერიოდის განმავლობაში წინასაარჩევნო პროცესებს საია თბილისსა და საქართველოს შვიდ რეგიონში: კახეთში, შიდა ქართლში, ქვემო ქართლში, მცხეთა-მთიანეთში, იმერეთში, აჭარასა და ოზურგეთში საიას მონიტორების დახმარებით ახორციელებდა. წინასაარჩევნო გარემოს მონიტორინგის ანგარიში – ივლისი–სექტემბერი, 2013 წყარო: gyla.ge

თბილისი. 24 ოქტომბერს საერთაშორისო გამჭვირვალობა – საქართველომ წარმოადგიგინა 2013 წლის 1 ივლისიდან 23 ოქტომბრამდე პერიოდის წინასაარჩევნო მონიტორინგის შუალედური ანგარიში. „საანგარიშო პერიოდში ჩვენ მიერ განხორციელებულმა მონიტორინგმა აჩვენა, რომ, 2012 წლის საპარლამენტო არჩევნებთან შედარებით, ამ პერიოდში გაცილებით ნაკლები იყო ადმინისტრაციული რესურსების საარჩევნო მიზნებით გამოყენების შემთხვევები, რაც საარჩევნო გარემოს უფრო მშვიდ და კონკურენტულად წარმოაჩენდა", ნათქვამია ორგანიზაციის ვებგვერდზე. ანგარიში წყარო: transparency.ge

თბილისი. 24 ოქტომბერს, სამართლიანმა არჩევნებმა (ISFED) 2013 წლის 27 ოქტომბრის საპრეზიდენტო არჩევნების წინასაარჩევნო კამპანიის მონიტორინგის მეექვსე და ბოლო შუალედურ ანგარიში წარმოადგინა. ანგარიში მოიცავს 2013 წლის 7 ოქტომბრიდან 24 ოქტომბრის ჩათვლით გამოვლენილ საარჩევნო კანონმდებლობის დარღვევის ფაქტებს. ასევე, ინფორმაციას საარჩევნო სუბიექტების მიერ გამართული წინასაარჩევნო ღონისძიებებისა და გაცემული დაპირებების თაობაზე. სამართლიანი არჩევნების ინფორმაციით, საანგარიშო პერიოდში პოლიტიკური პარტიებისა და კანდიდატების მიერ 377 შეხვედრა გაიმართა. ყველაზე მეტი, 199 შეხვედრა კოალიცია „ქართულმა ოცნებამ" გამართა, შემდეგ მოდის „ერთიანმა ნაციონალურმა მოძრაობა" 85 შეხვედრით, „დემოკრატიული მოძრაობა - ერთიანი საქართველო" - 76 შეხვედრა და სხვა პარტიები. ანგარიში წყარო:isfed.ge