თბილისი. „საერთაშორისო გამჭვირვალობა - საქართველოს" ინფორმაციით, სამეგრელო-ზემო სვანეთის მუნიციპალიტეტებში თანამდებობის პირთა და საკრებულოს წევრთა უმრავლესობას მამაკაცები წარმოადგენენ. „წინამდებარე კვლევის მიზანია, შევადაროთ 2018 წლის აგვისტოს მდგომარეობით ქალთა და მამაკაცთა წარმომადგენლობის მაჩვენებლები რეგიონის მუნიციპალიტეტების მერიებში 2016 წლის აპრილში არსებულ ვითარებასთან, ასევე ქალთა წარმომადგენლობა 2017 და 2014 წლების მოწვევის საკრებულოებში. ქალთა წარმომადგენლობის დონე პროცენტული თვალსაზრისით მცირედით შემცირდა საკრებულოებში: თუკი 2014 წლის მოწვევის საკრებულოებში ქალი წევრების რაოდენობა 13.33 %-ს შეადგენდა, 2017 წელს არჩეულ საკრებულოში ქალთა წარმომადგენლობა 12.87 %-ია. 2017 წელს სამეგრელო-ზემო სვანეთის საკრებულოებში 303 წევრი აირჩიეს, რომელთაგან 276 მამაკაცი, 39 კი ქალი იყო, 2014 წელს არჩეული 289 წევრიდან 255 მამაკაცი იყო და მხოლოდ 34 ქალი", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. „საერთაშორისო გამჭვირვალობა საქართველოს" ინფორმაციით, 10 ოქტომბრის მდგომარეობით, მმართველი პარტიის მიერ მხარდაჭერილ პრეზიდენტობის კანდიდატს სალომე ზურაბიშვილს ყველაზე მეტი დაფინანსება აქვს მიღებული. „მისი შემოწირულობები 4.5-ჯერ აღემატება ნაციონალური მოძრაობის კანდიდატის, გრიგოლ ვაშაძის და თითქმის 5-ჯერ „ევროპული საქართველოს" კანდიდატის, დავით ბაქრაძის საარჩევნო ფონდებში შეტანილ თანხებს", ნათქვამია ორგანიზაციის ინფოგრაფიკაში. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ინფოგრაფიკას საპრეზიდენტო კანდიდატის, სალომე ზურაბიშვილის შემოწირულობაზე. „1 აგვისტოდან 8 ოქტომბრის ჩათვლით, სალომე ზურაბიშვილმა 80 პირისგან 1 620 000 ლარი მიიღო შემოწირულობის სახით. დონორთა 45% წინა წლებში „ქართული ოცნების" შემომწირველი იყო". სრულად... წყარო: ორგანიზაციის ვებგვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI), კონსულტაციის და ტრენინგის ცენტრთან (CTC) და მმართველობითი სისტემების განვითარების ცენტრთან (MSDC) ერთობლივი პროექტის ფარგლებში დაიწყო მუშაობა ადგილობრივი თვითმმართველობის ინდექსზე. მის ფარგლებში იგეგმება საქართველოს ყველა მუნიციპალიტეტის გამჭვირვალობისა და ანგარიშვალდებულების განმეორებითი შეფასება. ახალი შედეგების გამოქვეყნებამდე, შეგიძლიათ იხილოთ 2017 წლისთვის მუნიციპალიტეტების რეიტინგი და მათი შეფასებები შემდეგ ვებგვერდზე www.LSGIndex.org. პროექტის ფინანსური მხარდამჭერია ღია საზოგადოების ფონდი. წყარო: ინფორმაციის თავისუფლების განვითარების ინსტიტუტი

თბილისი. „სამართლიანი არჩევნებისა და დემოკრატიის საერთაშორისო საზოგადოებიის" (ISFED) მიერ დღეს წარმოდგენილი ანგარიში, ხელისუფლებისა და მაღალი თანამდებობის პირების მხრიდან, საზოგადოებრივი ორგანიზაციების დისკრედიტაციის მცდელობებსაც ეხება. „განსაკუთრებულად შემაშფოთებელი ტენდენციის სახე აქვს ხელისუფლების მაღალი თანამდებობის პირებისა და ადმინისტრაციული ორგანოების ხელმძღვანელების მხრიდან სადამკვირვებლო ორგანიზაციების დისკრედიტაციის მცდელობებსა და არაეთიკურ განცხადებებს. მსგავსი თავდასხმის ობიექტი „სამართლიანი არჩევნები" კომუნიკაციების ეროვნული კომისიის თავმჯდომარის მხრიდან გახდა. ასევე, მას შემდეგ, რაც ცამეტმა არასამთავრობო ორგანიზციამ კრიტიკული განცხადება გააკეთა გამოქვეყნებულ ჩანაწერებთან დაკავშირებით, მათი დისკრედიტაციის მიზნით განცხადებები პარლამენტის თავმჯდომარემ, იუსტიციის მინისტრმა, „ქართული ოცნების" პარლამენტარებმა, თბილისის მერმა და „ქართული ოცნების" მიერ მხარდაჭერილმა საპრეზიდენტო კანდიდატმაც გააკეთეს. არასამთავრობო სადამკვირვებლო ორგანიზაციებზე მსგავსი კოორდინირებული თავდასხმა წინასაარჩევნო პერიოდში წარმოადგენს ხელისუფლების მხრიდან არასამთავრობო ორგანიზაციებზე ზეწოლას, მათი საქმიანობის შეზღუდვისა და საქმიანი რეპუტაციის დაზიანების მცდელობას, რაც, თავისხმრივ, წარმოადგენს საფრთხეს სახელმწიფოს დემოკრატიული განვითარებისათვის", - ვკითხულობთ დოკუმენტში. სრულად  წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოებამ (ISFED) საქართველოს პრეზიდენტის 2018 წლის არჩევნების წინასაარჩევნო პერიოდის მონიტორინგის მეორე შუალედური ანგარიში წარმოადგინა. დოკუმენტში ძირითადად მიმოხილულია 9-დან 30 სექტემბრის ჩათვლით პერიოდი, თუმცა, ანგარიში, ასევე, მოიცავს გარვეულ მოვლენებს, რომლებიც ამ პერიოდის მიღმა ახდენდა გავლენას საარჩევნო პროცესზე. სრულად  წყარო: ორგანიზაციის ვებგვერდი

თბილისი. ორგანიზაციამ „საქართველოს დემოკრატიული ინიციატივა" (GDI) ბოლო წლებში სამართალდამცავთა მხრიდან არასათანადო მოპყრობის ფაქტების გამოძიების ხარვეზებისა და მსხვერპლთა სამართლებრივი მდგომარეობის შესახებ ანგარიშის პრეზენტაცია გამართა. ანგარიშში გაანალიზდა GDI-ს და ადგილობრივ არასამთავრობო ორგანიზაციების წარმოებაში არსებული 48 საქმე, 9 მსხვერპლისა და 132 ადვოკატის გამოკითხვის შედეგები; შესწავლილ იქნა საერთო სასამართლოებიდან გამოთხოვილი განაჩენები და მთავარი პროკურატურიდან მიღებული სტატისტიკური ინფორმაცია. ასევე, გაანალიზდა საქართველოს სახალხო დამცველის, საერთაშორისო და ადგილობრივი არასამთავრობო ორგანიზაციების ანგარიშები. ანგარიშში, ასევე, მიმოხილულია ამ მიმართულებით არსებული ეროვნული საკანონმდებლო ჩარჩო და საერთაშორისო სტანდარტები; წარმოდგენილია გამოვლენილი ხარვეზების აღმოფხვრის გზები და რეკომენდაციები. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" აქვეყნებს ბლოგპოსტს: ზოგიერთი პოლიტიკური რეკლამა კანონდარღვევის ნიშნებს შეიცავს. „28 ოქტომბრის საპრეზიდენტო არჩევნებისთვის ქართულ ტელემაუწყებლებზე გასული უფასო პოლიტიკური რეკლამების მონიტორინგის შედეგად სავარაუდო კანონდარღვევა გამოვლინდა. ოთხი კვალიფიციური საარჩევნო სუბიექტის უფასო რეკლამები თავიანთი შინაარსით, ფაქტობრივად, პრეზიდენტობის ერთი კანდიდატის, გრიგოლ ვაშაძის რეკლამას წარმოადგენს. ასეთი ქმედება გრიგოლ ვაშაძის სასარგებლოდ გაღებულ შემოწირულებად უნდა ჩაითვალოს, ქართული კანონმდებლობით კი ამის უფლება პოლიტიკურ პარტიებს არ აქვთ", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. „საერთაშორისო გამჭვირვალობა - საქართველო" აქვეყნებს კვლევას - „ივანიშვილის კომპანიები - თანამდებობის პირების სამჭედლო სამი წლის შემდეგ". „თანამდებობის პირების ქონებრივი დეკლარაციებისა და ბიოგრაფიების შესწავლის საფუძველზე, ჩანს, რომ კვლავაც გრძელდება საჯარო სექტორში მნიშვნელოვან პოზიციებზე ბიძინა ივანიშვილის კომპანიებიდან წამოსული კადრების დანიშვნის ტენდენცია", - აღნიშნულია კვლევაში. სრულად  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრმა (EMC) მოამზადა კვლევა - „რელიგიური უმცირესობების დაცვა". დოკუმენტის მიზანია 2016-2017 წლების საქართველოს ადამიანის უფლებების დაცვის სამთავრობო გეგმის მე-11 თავის შესრულების პროცესის შეფასება და მთავრობისთვის რეკომენდაციების წარდგენა, რომელიც, ავტორების აზრით, შეიძლება, მომავალში, მისი პოლიტიკის რევიზიის საფუძველი გახდეს. სრულად  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაციამ (საია) თბილისის, ქუთაისის, ბათუმის, გორისა და თელავის სასამართლოებისა და თბილისისა და ქუთაისის სააპელაციო სასამართლოების სისხლის სამართლის საქმეების მონიტორინგის შედეგების მე-12 ანგარიშის წარმოადგინა. „სასამართლო პროცესების მონიტორინგი ცხადყოფს, რომ რიგი პრობლემები, რომლებიც წლებია ფიქსირდება სამართალწარმოების პროცესში როგორც სასამართლოს, ისე პროკურატურის მხრიდან, და საკანონმდებლო ხარვეზები, დღემდე არ გამოსწორებულა", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „სახელმწიფო „შავი ზღვის საერთაშორისო უნივერსიტეტის" წინააღმდეგ. „„შავი ზღვის საერთაშორისო უნივერსიტეტის" ირგვლივ განვითარებული მოვლენები საზოგადოებაში ეჭვებს აჩენს, რომ აღნიშნული ქმედებები პოლიტიკურად მოტივირებულია. ეს პროცესი შეიძლება დახასიათდეს, როგორც ხელისუფლების სხვადასხვა შტოებს შორის წინასწარ შეთანხმებული და კოორდინირებული ქმედებები, რომელთა მიზანს უნივერსიტეტის მათთვის ხელსაყრელ პირებზე გასხვისება წარმოადგენს. ჩვენი შესწავლის საგანი, სახელმწიფოს სხვადასხვა უწყებების მხრიდან განხორციელებული შესაძლო არამართლზომიერი ქმედებები გახდა, რომელიც ნათლად აჩვენებს საქართველოში კორუფციის მაღალი რისკის არსებობას და ამასთან, მისთვის ხელსაყრელ გარემოს ქმნის", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. არასამთავრობო ორგანიზაციების ნაწილი ერთობლივ განცხადებას ავრცელებს და ბოლოდროინდელ მოვლენებს ეხმაურება. „ვეხმაურებით ბოლო პერიოდში ქვეყანაში განვითარებულ მოვლენებს, რაც ქვეყნის მმართველობის სისტემაში არსებულ დემოკრატიის მძიმე კრიზისზე, ელიტური კორუფციის ცხად ნიშნებსა და არაფორმალურ კლანურ მმართველობაზე მიუთითებს. მიგვაჩნია, რომ გავლენიანი ჯგუფის მიერ საჯარო ინსტიტუტებზე კონტროლის დამყარება და მათი გამოყენება, ჯგუფის ვიწრო მიზნების მისაღწევად, საჯარო ინსტიტუტების მოშლას იწვევს", ნათქვამია ერთობლივ განცხადებაში. სრულად... წყარო: www.isfed.ge

თბილისი. საქართველოს ადგილობრივ თვითმმართველობათა ეროვნული ასოციაციის (NALAG) ორგანიზებით, ევროკავშირის პროექტის „ეფექტიანობის და განვითარების ქსელი" (N4ED) ფარგლებში, კონფერენცია თემაზე - „ადგილობრივი თვითმმართველობის საქმიანობის მონიტორინგი და შეფასება" გაიმართა. „ღონისძიების მონაწილეებმა თვითმმართველობაში საქმიანობის შეფასებისა და თვითშეფასების მექანიზმების დანერგვაზე, მუნიციპალიტეტებს შორის საუკეთესო პრაქტიკის გაზიარების მნიშვნელობაზე და მოქალაქეთა ჩართულობის იმ ახალ საკანონმდებლო ინიციატივაზე იმსჯელეს, რომელიც საქართველოს სამოცდაოთხივე მუნიციპალიტეტში განხორციელდება", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველოს განცხადებით, რომ კომუნიკაციების კომისიის ქმედებები საარჩევნოდ ადმინისტრაციული რესურსის გამოყენების ნიშნებს შეიცავს. „პირველ რიგში, უნდა აღინიშნოს, რომ კომისიის განცხადება და თავმჯდომარის წერილი მაუწყებლებისადმი არ წარმოადგენს სამართლებრივ აქტს და შესაბამისად არ წარმოშობს იურიდიულ შედეგებს. შესაბამისად, სახეზე გვაქვს კომისიის და მისი თავმჯდომარის ერთგვარი რეკომენდაცია, რომელიც მიმართულია კონკრეტული მაუწყებლებისა და პოლიტიკური გაერთიანებების შეზღუდვისაკენ", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. ინფორმაციის თავისუფლების განვითარების ინსტიტუტმა (IDFI) მაღალი თანამდებობის პირთა მიერ დეკლარირებული შემოსავლების ელექტრონული მოდულისა და ღია მონაცემების პლატფორმა – www.DataLab.ge-ის პრეზენტაცია გამართა. ღონისძიებაზე ასევე წარმოდგენილი იქნა თანამდებობის პირთა ანაზღაურების შესახებ კვლევის შედეგები. „წლების განმავლობაში საქართველოს საჯარო დაწესებულებებში შრომის ანაზღაურების მოუწესრიგებელმა სისტემამ განაპირობა არასამართლიანი და გაუმჭვირვალე სახელფასო პოლიტიკის ჩამოყალიბება. სახელფასო პოლიტიკის ნაკლოვანებები კარგად ჩანს IDFI-ის მიერ შექმნილ ელექტრონულ მოდულში, სადაც ასახულია დაახლოებით 700-მდე მაღალი თანამდებობის პირის მიერ კონკრეტულ წელს მიღებული შრომის ანაზღაურების შესახებ ინფორმაცია", აღნიშნა ლევან ავალიშვილმა. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაციმა (საია) ე. წ. ცინცაბაძის ჯგუფის საქმეებზე ევროპის საბჭოს მინისტრთა კომიტეტში კომუნიკაცია წარადგინა. „მინისტრთა კომიტეტი ამჟამად ზედამხედველობს ადამიანის უფლებათა ევროპული სასამართლოს მიერ საქართველოს წინააღმდეგ მიღებული 4 გადაწყვეტილებისა და 11 განჩინების აღსრულების პროცესს (ე. წ. ცინცაბაძის ჯგუფის საქმეები), მათ შორის, არის საიას წარმოებაში არსებული 3 საქმე: „ცინცაბაძე საქართველოს წინააღმდეგ", „ბექაური და სხვები საქართველოს წინააღმდეგ" და „სტუდია მაესტრო და სხვები საქართველოს წინააღმდეგ". მოცემული სამი საქმე მომჩივნების სიცოცხლის უფლების ხელყოფას, არასათანადო მოპყრობას, ჟურნალისტური საქმიანობის ხელშეშლას და აღნიშნულ ფაქტებზე მიმდინარე გამოძიების არაეფექტურობას შეეხება. მინისტრთა კომიტეტში წარდგენილ კომუნიკაციაში საია-მ აღნიშნულ საქმეებთან მიმართებით საქართველოს ხელისუფლების მიერ ინდივიდუალური ღონისძიების შესასრულებლად გატარებული ზომების - ეროვნულ დონეზე მიმდინარე გამოძიების ეფექტურობის საკითხი მიმოიხილა. ამასთან, საია-მ ყურადღება გაამახვილა იმ ზომებზე, რაც აუცილებელია, გატარდეს სახელმწიფოს მიერ მოცემულ საქმეებზე მიღებული გადაწყვეტილების/განჩინებების ეფექტურად აღსრულებისა და გამოძიების ეტაპზე დაშვებული ხარვეზების გამოსწორების მიზნით", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 27 სექტემბერს, ომბუდსმენმა არასამთავრობო და საერთაშორისო ორგანიზაციების წარმომადგენლებს საქართველოს სახალხო დამცველის აპარატის 2019-2021 წლების სტრატეგიული ამოცანები, ორგანიზაციული განვითარების ძირითადი პრიორიტეტები და 2019 წლის სამოქმედო გეგმა გააცნო. „აღსანიშნავია, რომ წლების განმავლობაში, საქართველოს სახალხო დამცველის მანდატის გაფართოებისა და დამოუკიდებლობის დამატებითი გარანტიების შექმნის მიუხედავად, აპარატის საქმიანობის ერთიანი შეფასება და ორგანიზაციული განვითარების სტრატეგიული ხედვის შემუშავება არ მომხდარა, რაც თავის მხრივ ადამიანის უფლებების მაღალი სტანდარტით დაცვის უზრუნველყოფის მნიშვნელოვანი წინაპირობაა," – განაცხადა სახალხო დამცველმა. სრულად... წყარო: ომბუდსმენის ვებგვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს შენიშვნებსა და რეკომენდაციებს „პროკურატურის შესახებ" საქართველოს ორგანული კანონის პროექტთან დაკავშირებით. სრულად... წყარო: emc.org.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: კორუფციის კვამლი: დიდი განაწილება თამბაქოს ბიზნესში. „„ომეგა ჯგუფის" გარშემო გავრცელებულმა ფარულმა ჩანაწერებმა კითხვები წარმოშვა საქართველოში თამბაქოს ბიზნესში წამყვანი კომპანიების ქმედებებისა და მასში მთავრობის მაღალჩინოსნების ჩართულობასთან დაკავშირებით. მიუხედავად იმისა, რომ ჩანაწერების ავთენტურობა ჯერაც დასადგენია, ამჟამად ცნობილი ფაქტებისა და გარემოებების ანალიზი იმაზე მიუთითებს, რომ მაღალი ალბათობით საქმე გვაქვს კორუფციის შემთხვევასთან, რომლის ბენეფიციარები მაღალი თანამდებობის პირები და მმართველი პარტია იყვნენ. ამასთან, ბიზნეს-ჯგუფებთან ერთად, მოცემულ სქემაში სავარაუდოდ მონაწილეობდნენ როგორც აღმასრულებელი, ისე სასამართლო ხელისუფლების წარმომადგენლები. ფარული ჩანაწერების ავთენტურობის დამტკიცებისა და ზემოთ გამოთქმული ვარაუდების დადასტურების შემთხვევაში, საქმე გვაქვს სერიოზულ კორუფციულ დანაშაულთან, რომელშიც მაღალი თანამდებობის პირები და სხვადასხვა სახელმწიფო ინსტიტუტის წარმომადგენლები მონაწილეობდნენ. აქედან გამომდინარე, გავრცელებულ მასალებზე რეაგირება და ამ საქმის გამოძიება მნიშვნელოვანი ტესტი იქნება, რომელიც გვაჩვენებს, თუ რამდენად აქვს საქართველოს ხელისუფლებას მაღალი დონის კორუფციასთან ბრძოლის პოლიტიკური ნება", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. არასამთავრობო ორგანიზაციების ნაწილი აქვეყნებს განცხადებას კორუფციის სისტემურ პრობლემასთან დაკავშირებით. „გასული დღეების განმავლობაში საზოგადოებისთვის ცნობილი გახდა სავარაუდო კორუფციულ გარიგებებში თანამდებობის პირების მონაწილეობის არაერთი შემთხვევის შესახებ. განსაკუთრებით აღსანიშნავია „ომეგა ჯგუფისა" და ტელეკომპანია „იბერიას" საქმიანობასთან დაკავშირებით გასაჯაროებული მასალები, რომლებიც მძიმე კორუფციული დანაშაულის ნიშნებს შეიცავს, სავარაუდოდ, ხელისუფლების მაღალი თანამდებობის პირების მონაწილეობით. საკითხის მნიშვნელობიდან და ბრალდებების სიმძიმიდან გამომდინარე, ასევე იმის გათვალისწინებით, რომ გავრცელებულ მასალებში მაღალი თანამდებობის პირების სახელები ფიგურირებს და კორუფციაში ხელისუფლების სხვადასხვა შტოს ჩართულობის ნიშნები იკვეთება, შექმნილი მდგომარეობა ხელისუფლების მხრიდან დაუყოვნებლივ რეაგირებას საჭიროებს. გარდა ამისა, პრობლემის შესაძლო სისტემური ხასიათი, სხვადასხვა სახელმწიფო უწყებაში ბოლო დროს გამოვლენილი სავარაუდო კორუფციის ფაქტების ფონზე, აუცილებელს ხდის შესაბამის სისტემურ ნაბიჯებს", ნათქვამია ერთობლივ განცხადებაში. სრულად... წყარო: gyla.ge

თბილისი. საქართველოს ახალგაზრდა იურისტთა ასოციაცია (საია) საქართველოს ფინანსთა სამინისტროს და საქართველოს მთავრობას ომეგა ჯგუფის საკითხზე ინფორმაციის გამოქვეყნებისკენ მოუწოდებს. „საქართველოს ფინანსთა სამინისტრომ უნდა განმარტოს რატომ არ ჩაინიშნა კომისიის სხდომა - შესაბამისმა დეპარტამენტმა არ მიაწოდა ინფორმაცია კომისიის თავმჯდომარეს თუ თავად ფინანსთა მინისტრმა არ ჩათვალა საჭიროდ სხდომის დანიშვნა. მნიშვნელოვანია ნებისმიერ შემთხვევაში მიეთითოს შესაბამისი განმარტებაც", ნათქვამია ორგანიზაციის ვებგვერდზე. სრულად... წყარო: gyla.ge