თბილისი. დღეს ადგილობრივი თვითმმართველობის ინდექსის პირველი, 2017 წლის ანგარიში გამოქვეყნდა. დოკუმენტი კონსულტაციებისა და ტრენინგების ცენტრის (CTC), ინფორმაციის თავისუფლების განვითარების ინსტიტუტისა (IDFI) და მმართველობითი სისტემების განვითარების ცენტრის (MSDC) ერთობლივი ძალისხმევით შეიქმნა. პროექტი ფონდი ღია საზოგადოება საქართველოს ფინანსური მხარდაჭერით განხორციელდა. ინდექსის მიხედვით, საქართველოს მუნიციპალიტეტების გამჭვირვალობისა და ანგარიშვალდებულების მიმდინარე წლის ეროვნულმა შეფასებამ საკმაოდ დაბალი შედეგები აჩვენა. 100%-იანი შეფასების სკალაზე მუნიციპალიტეტების საშუალო შედეგი მხოლოდ 21%-ია, მერია/ გამგეობების - 19%, ხოლო საკრებულოების - 24%. ეს ნიშნავს, რომ გამჭვირვალობის და ანგარიშვალდებულების სფეროში მაღალი სტანდარტების დასამკვიდრებლად საქართველოს მუნიციპალიტეტებში მნიშვნელოვანი ნაბიჯებია გადასადგმელი. სრულად წყარო: http://www.osgf.ge/

თბილისი. „ინფორმაციის თავისუფლების განვითარების ინსტიტუტი" (IDFI) აქვეყნებს რიჩარდ მესიკის წერილს „როგორ ვებრძოლოთ კორუფციას შესყიდვებში: გამჭვირვალე სახელმწიფო შესყიდვების რეიტინგის პროექტი". რიჩარდ მესიკი სამართლისა და ანტიკორუფციული საკითხების საერთაშორისო ექსპერტია, რომელიც სხვადასხვა დროს კონსულტაციას უწევდა საერთაშორისო ორგანიზაციებს, განვითარების სააგენტოებსა და არასამთავრობო ორგანიზაციებს. რიჩარდ მესიკი ასევე იყო აშშ-ში პოლიტიკური პარტიების, პოლიტიკური თანამდებობის პირების, კომპანიებისა და კორპორაციების მრჩეველი სამართლებრივ საკითხებში. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" აქვეყნებს ქალაქ ქუთაისის მუნიციპალიტეტის მე-5 მოწვევის საკრებულოს საქმიანობის შეფასებას. ანგარიში ეფუძნება საკრებულოდან გამოთხოვილ ინფორმაციასა და ორგანიზაციის დაკვირვებებს. „საკრებულოს მხრიდან საზედამხედველო ფუნქციების განხორციელება სუსტია. არცერთხელ არ მომხდარა საკრებულოს სხდომებზე რიგგარეშედ ანგარიშვალდებული პირების დაბარება", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. „ინფორმაციის თავისუფლების განვითარების ინსტიტუტი" (IDFI) აქვეყნებს კვლევას, რომელშიც საქართველოში თავშესაფრის მინიჭებაზე უარის თქმის პროცედურებია განხილული. IDFI აღნიშნავს, რომ: „ვინაიდან თავშესაფრის მაძიებლებს და არც მათი დაცვის განმახორციელებელ პირებს არ აქვთ ინფორმაცია იმის შესახებ, თუ რაოტმ ეთქვათ უარი თავშესაფრის მინიჭებაზე, ისინი ვერ სარგებლობენ დაცვისა და სამართლიანი სასამართლოს უფლებით, რაც წინააღმდეგობაშია საქართველოს კონსტიტუციის მოთხოვნებთან; იმის გამო, რომ დასახელებული ინფორმაცია მოცემული არ არის სასამართლოს მიერ მიღებულ გადაწყვეტილებებსა და განჩინებებში, სასამართლო გადაწყვეტილებები და განჩინებები, როგორც საჯარო ინფორმაცია, საზოგადოებისათვის ფაქტობრივად მიუწვდომელია, რაც ეწინააღმდეგება საქართველოს კონსტიტუციით განმტკიცებულ ინფორმაციის საჯაროობის პრინციპს". სრულად  წყარო: ორგანიზაციის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი” (EMC) აქვეყნებს კვლევას - „რეპრესია საზღვრებს მიღმა: აზერბაიჯანიდან დევნილი მოქალაქეები საქართველოში". კვლევა აზერბაიჯანის მთავრობის მიერ სამოქალაქო საზოგადოებისა და პოლიტიკური ოპოზიციის მიმართ განხორციელებულ მოქმედებებსა და მათ შედეგებს ეხება. სრულად  წყარო: ორგანიზაციის ვებგვერდი

თბილისი. ინფორმაციის თავისუფლების ინსტიტუტი (IDFI) გთავაზობთ ერთად გამოვავლინოთ საზოგადოებისთვის აქტუალური საკითხები და ერთად ვაკონტროლოთ ხელისუფლება. „გაგვიზიარეთ კითხვები, რომელზეც ისურვებდით ცალკეული საჯარო დაწესებულებიდან ინფორმაციის მიღებას და ანალიზის მომზადებას. IDFI პროცესში ჩართვასაც გთავაზობთ. კერძოდ, თქვენ შესაძლებლობა გექნებათ: IDFI-ს მკვლევარებთან ერთად დაწეროთ ერთობლივი სტატია; გაიაროთ კონსულტაციები საჯარო მონაცემების დამუშავებაზე; გაიგოთ მეტი საჯარო მმართველობისა და სახელმწიფო ფინანსების შესახებ; თქვენი სტატია გამოქვეყნდეს IDFI-ს ვებგვერდზე", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. მედია პორტალი MEDIA.GE „ფრიდომ ჰაუსის" ახალ ანგარიშს „ინტერნეტის თავისუფლება 2017" აქვეყნებს. კვლევა 2016 წლის 1 ივნისიდან 2017 წლის 31 მაისამდე პერიოდს ასახავს. ანგარიშის თანახმად, საქართველო ერთი ქულით დაწინაურდა და 24 ქულა დაიმსახურა. „საქართველო კვლავაც რჩება თავისუფალი ქვეყნების კატეგორიაში. ქვეყანაში გაზრდილია ინტერნეტმომხმარებლების რიცხვი, ინტერნეტმედიის მუშაობას არ ავიწროებს ხელისუფლება. ანგარიშში გარკვეული მინიშნებები კეთდება ფარულ მიყურადებასთან დაკავშირებულ საკანონმდებლო ცვლილებებსა და სამოქალაქო საზოგადოების მიერ გამოხატულ პროტესტზე", ნათქვამია პორტალის ვებგვერდზე. სრულად... წყარო: www.media.ge

თბილისი. 14 ნოემბერს, საქართველოს ახალგაზრდა იურისტთა ასოციაციამ (საია) გერმანულ ორგანიზაციასთან Democracy Reporting International ერთად გამართა ერთობლივი პროექტის „პოლიტიკური პლურალიზმის გაძლიერება საქართველოში" (I ფაზის) ანგარიშის პრეზენტაცია. „აღნიშნული მოიცავდა მიმდინარე მედიამონიტორინგის შედეგებს, პოლარიზაციის სამართლებრივ-პოლიტიკური ასპექტების კვლევასა და ქართველი ექსპერტებისა და სამოქალაქო საზოგადოების ხედვებს. პრეზენტაციის შემდეგ, მოეწყო ასევე დებატები, რაც მიზნად ისახავდა საქართველოში პოლიტიკური დეპოლარიზების ხელშეწყობის გზებზე მსჯელობას. კერძოდ, როგორ შეიძლება საქართველო გახდეს ნაკლებად პოლარიზებული ქვეყანა და რა წვლილის შეტანა შეუძლია მედიასა და საზოგადოებას პლურალიზმის განვითარების საკითხში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. გაეროს განვითარების პროგრამისა (UNDP) და შვედეთის მთავრობის ხელშეწყობით, 2017 წლის ადგილობრივი თვითმმართველობის არჩევნების გენდერული კუთხით ჩატარებული სატელევიზიო მონიტორინგის შედეგები გამოქვეყნდა. „მონიტორინგის შედეგების განხილვა 2017 წლის 15 ნოემბერს გაიმართა. ღონისძიებას საქართველოს მედიის, სამოქალაქო საზოგადოებისა და სახალხო დამცველის წარმომადგენლები ესწრებოდნენ. არჩევნების სატელევიზიო მონიტორინგი განხორციელდა გენდერული თანასწორობისათვის პროგრამის ფარგლებში, რომელსაც შვედეთის მთავრობის დაფინანსებით გაეროს სააგენტოები ახორციელებენ. მონიტორინგი ჩაატარა ქართულმა კვლევითმა ორგანიზაციამ „CRRC საქართველო" 2017 წლის 11 სექტემბრიდან 12 ნოემბრამდე პერიოდში", ნათქვამია კავშირი „საფარის" ვებგვერდზე. სრულად... წყარო: sapari.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „როგორ დავიცვათ პირადი უსაფრთხოება Facebook-ში". „Facebook-ის მოხმარებას, სარგებლის გარდა, თან გარკვეული რისკებიც ახლავს. ბოლო მონაცემებით, 83 მილიონი ყალბი Facebook ანგარიში არსებობს. ასეთი ანგარიშები ხშირ შემთხვევაში იდენტობის დაფარვის ან ინფორმაციის ანონიმურად გავრცელების მიზნებით გამოიყენება. მათი არსებობა სოციალური ქსელის გამოყენების რისკს საგრძნობლად ზრდის, რადგან ყალბი ანგარიშის მფლობელს შეუძლია მარტივად მიითვისოს თქვენი იდენტობა, დაუმეგობრდეს თქვენსავე მეგობრებს და მათგან თქვენივე პირადი ინფორმაცია გამოითხოვოს. საბედნიეროდ, Facebook ითვალისწინებს ამ და სხვა რისკებს და აძლევს მომხმარებელს არაერთ საშუალებას, აკონტროლოს საკუთარი უსაფრთხოების პარამეტრები. მაგალითად, Facebook-ზე განსაკუთრებულად მოწყვლადი სეგმენტისთვის - მოზარდებისთვის - სპეციალური უსაფრთხოების პორტალია შექმნილი. თუმცა, სამწუხაროდ, ცოტამ თუ იცის ამ საშუალებების შესახებ. სწორედ ამიტომ, IDFI-მ მოამზადა Facebook უსაფრთხოების გზამკვლევი, რომელიც დაგეხმარებათ პირადი ინფორმაციის დაცვაში", ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს სახალხო დამცველმა საზოგადოებას ე.წ. „ციანიდის საქმის" მონიტორინგის ძირითადი შედეგები გააცნო. სახალხო დამცველის შეფასებით, იმის მიუხედავად, რომ თბილისის საქალაქო სასამართლოს მოსამართლემ სასამართლო სხდომები არსებითი საპროცესო ხარვეზების გარეშე წარმართა, შეუძლებელი გახდა გამოძიების პროცესში დაშვებული დარღვევების გამოსწორება, რამაც გადამწყვეტი გავლენა მოახდინა სასამართლოს საბოლოო გადაწყვეტილებაზე. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" ეხმიანება „ერთიანი ნაციონალური მოძრაობის" წევრის, ბატონ რომან გოცირიძის კანონპროექტს „მაუწყებლობის შესახებ კანონში" შესატან ცვლილებებთან დაკავშირებით (goo.gl/As4XFk). „კანონპროექტი ითვალისწინებს საზოგადოებრივი მაუწყებლობის დაფინანსების არსებული დროებითი მოდელის გაუქმებას, რომელიც მიბმულია ქვეყნის მთლიანი შიდა პროდუქტის ოდენობაზე და რომელიც უნდა იყოს წინა წლის მშპ-ს არანაკლებ 0,14 პროცენტი. მიუხედავად იმისა, რომ ჩვენ კრიტიკულად ვაფასებთ საზოგადოებრივი მაუწყებლობის გარშემო ბოლო პერიოდში განვითარებული მოვლენებს, დაუშვებლად მიგვაჩნია საზოგადოებრივი მაუწყებლის დაფინანსების არსებული მექანიზმის გაუქმება. არსებობს რეალური საფრთხე, რომ წარმოდგენილი პროექტის მიღების შემთხვევაში ხელისუფლების ხელში მაუწყებლისთვის ბიუჯეტის დამტკიცება/არ დამტკიცებით დამატებითი ბერკეტი გაჩნდება მასზე ზემოქმედებისა და გავლენის მოსაპოვებლად", ნათქვამია განცხადებაში. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა-საქართველოს ვებ-პლატფორმის: „საქართველოში მოქმედი პარტიების შემოწირულობები" მიხედვით, ფინანსთა ახალმა მინისტრმა მამუკა ბახტაძემ, 2012 წლის აგვისტოში 20 000 ლარი შესწირა „ერთიან ნაციონალურ მოძრაობას". მამუკა ბახტაძეს 2013 წლის მარტიდან დღემდე „საქართველოს რკინიგზის" გენერალური დირექტორის პოსტი ეკავა. სრულად... წყარო: www.transparency.ge

თბილისი. არასამთავრობო ორგანიზაცია „საზოგადოება და ბანკებმა" ფინანსური პირამიდების შესახებ კვლევა გამოაქვეყნა. „ბოლო ერთი წლის განმავლობაში ფინანსური პირამიდებისგან მიყენებულმა ზარალმა 100 მილიონ ლარს მიაღწია. დაზარალდა დაახლოებით 4000 ადამიანი. კერძოდ, კომპანია „საქართველომ" დააზარალა 2343 მოქალაქე და გაიფლანგა 81 მილიონი ლარი. კომპანია MFX Broker Georgia – 111 ადამიანი და 4.2 მილიონი ლარი", ნათქვამია ორგანიზაციის ვებგვერდი სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია საქართველოს 2017 წლის ადგილობრივი თვითმმართველობის არჩევნების მეორე ტურის შემაჯამებელ განცხადებას აქვეყნებს. განცხადების თანახმად, კენჭისყრის პროცესი, ძირითადად, მშვიდ ვითარებაში წარიმართა. გამონაკლისი იყო ხაშური, სადაც დღის ბოლოს ინციდენტი მოხდა პარტია „ქართული ოცნებისა" და დამოუკიდებელი კანდიდატის მხარდამჭერებს შორის. სრულად წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს განცხადებას: ოზურგეთის #59 საარჩევნო უბნის შედეგები არ უნდა გაბათილდეს. „#60 ოზურგეთის საარჩევნო ოლქის დაბა ნასაკირალის #59 საარჩევნო უბანზე ხმის დათვლის შემდეგ განვითარებულ მოვლენები წარმოქმნის საფუძვლიან ეჭვს, რომ ადგილი ჰქონდა უბანზე არეულობის მოწყობისა და ამ მიზეზით უბნის შედეგების გაბათილების მიზანმიმართულ მცდელობას. „სამართლიანი არჩევნების" მიერ კენჭისყრისა და ხმის დათვლის პროცესზე სრულად დაკვირვების შედეგად, გვსურს ხაზგასმით აღვნიშნოთ, რომ ნასაკირალის #59-ე საარჩევნო უბანზე შედეგების ბათილობის საფუძველი არ არსებობს, რადგან საარჩევნო უბანზე დამდგარი შედეგის სანდოობა ეჭვს არ იწვევს”, ნათქვამია ორგანიზაციის ვებგვერდზე. სრულად... წყარო: www.isfed.ge

თბილისი. საქართველოს ახალგაზრდა იურისტთა ასოციაცია (საია) 2017 წლის ადგილობრივი თვითმმართველობის ორგანოების არჩევნებზე საარჩევნო დავების განხილვის პირველად შედეგებს აქვეყნებს.  „გაანალიზებული მონაცემების მიხედვით, პირველ ტურზე, კენჭისყრის დღისა და შემდგომ პერიოდში საიას დამკვირვებლების მიერ წარდგენილი საჩივრები ეხებოდა: საარჩევნო სუბიექტის წარმომადგენლების მიერ ამომრჩევლების პერსონალური ინფორმაციის დამუშავებას; კომისიის წევრების მიერ უფლებამოსილების არასათანადოდ განხორციელებასა და წილისყრის პროცედურების დარღვევებს; კენჭისყრის პროცედურებთან დაკავშირებულ დარღვევებს; დამკვირვებლის უფლებების შეზღუდვას; ხმის დათვლასა და კენჭისყრის შედეგების შეჯამებასთან დაკავშირებულ დარღვევებს", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 2017 წლის 21 ოქტომბრის ადგილობრივი თვითმმარველობის არჩევნების მეორე ტური 12 ნოემბერს ქუთაისის, ოზურგეთის, ბორჯომის, ხაშურის, მარტვილისა და ყაზბეგის ოლქებში გაიმართება.  „სამართლიანი არჩევნებისა და დემოკრატიის საერთაშორისო საზოგადოება მეორე ტურის წინასაარჩევნო კამპანიის მიმდინარეობას ექვსივე ოლქში გრძელვადიანი დამკვირვებლების მეშვეობით აკვირდებოდა. დაკვირვების შედეგად გამოიკვეთა, რომ ადგილობრივი თვითმმართველობის არჩევნების პირველ და მეორე ტურებს შორის პერიოდი პოლიტიკური ნიშნით მუქარა-ზეწოლისა და ადმინისტრაციული რესურსის გამოყენების ფონზე მიმდინარეობს ოზურგეთში, რაც ხელს უშლის თანასწორ და თავისუფალ წინასაარჩევნო გარემოს”, ნათქვამია ორგანიზაციის ვებგვერდზე. სრულად... წყარო: www.isfed.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „შპს „პარკინგსერვისი" ქუთაისის მერიის წინაშე აღებულ ვალდებულებებს არ ასრულებს". ორგანიზაციის პოზიციით, „შპს „პარკინგსერვისის" მიერ ნაკისრი ვალდებულებების შეუსრულებლობის გამო მნიშვნელოვნად ზარალდება ქალაქ ქუთაისის მუნიციპალიტეტის ბიუჯეტი - მუნიციპალიტეტი გათვალისწინებულ ოდენობაზე მცირე შემოსავალს იღებს. ამასთან, აბსოლუტურად გაუგებარია, რატომ ჩაბარდა პარკინგის მოწესრიგების საკითხი მუნიციპალურ შპს-ს, თან ისე, რომ საამისოდ მუნიციპალიტეტს დამატებით მნიშვნელოვანი ფინანსური რესურსის (300 000 ლარი) გაღება დასჭირდა. ასევე გაუგებარია, რატომ არ შეიძლებოდა წარუმატებელი აუქციონების შემდეგ შეცვლილი პირობებით ხელახალი აუქციონის გამოცხადება, თუ ქუთაისის მერია თანახმა აღმოჩნდა ამაზე მის მიერვე დაარსებულ შპს „„პარგინგსერვისის" შემთხვევაში. ჩვენი აზრით, ეს ცალსახად დისკრიმინაციული გადაწყვეტილებაა კერძო კომპანიების მიმართებით," ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. 7 ნოემბერს, „საერთაშორისო გამჭვირვალობა-საქართველოს" ორგანიზებით, კომუნიკაციების ეროვნული კომისიის (GNCC) მიერ პარლამენტში მედიასთან დაკავშირებით წარდგენილ საკანონმდებლო ცვლილებებზე დისკუსია გაიმართა. დისკუსიის შეეხო შემდეგ თემებს: „საკანონმდებლო წინადადება „საარჩევნო კოდექსში" ცვლილებების შეტანის შესახებ, რომლის ფარგლებშიც მარეგულირებელი კომისია მაუწყებლებს არაპროპორციულ მოთხოვნებს უყენებს და საზოგადოებრივი აზრის კვლევის სანდოობისა და შედეგების ობიექტურობის გადამოწმებას ავალდებულებს. მაუწყებლის თვითრეგულირების სფეროს შეზღუდვა - მთელი რიგი საკითხები, რომელსაც მაუწყებელი თავად არეგულირებდა, კომუნიკაციების მარეგულირებელი კომისიისა და სასამართლოს რეგულირების სფეროში გადადის. მედია წიგნიერების შესახებ შეთავაზებული წინადადება, რომლის ინიცირებასაც პარლამენტმა მხარი უკვე დაუჭირა. დისკუსიაში მონაწილეობდნენ ჟურნალისტები, მედია ორგანიზაციების თანამშრომლები, სფეროს ექსპერტები, ადგილობრივი და საერთაშორისო ორგანიზაციების წარმომადგენლები", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. "საერთაშორისო გამჭვირვალობა - საქართველომ” (TI) გამოაქვეყნა კვლევა თვითმმართველი ქალაქ ზუგდიდის საკრებულოს საქმიანობის შესახებ. კვლევის საანგარიშო პერიოდი მოიცავს 2014 წლის ივლისიდან 2017 წლის 18 აგვისტოს ჩათვლით დროის მონაკვეთს და ის საკრებულოდან გამოთხოვილ, საკრებულოს ოფიციალურ ვებგვერდზე არსებულ ინფორმაციასა და ორგანიზაციის დაკვირვებებს ეფუძნება. სრულად წყარო: ორგანიზაციის ვებგვერდი

თბილისი. სადამკვირვებლო ორგანიზაციები მოუწოდებენ სამართალდამცავ ორგანოებს, თიანეთის საოლქო და #20 საუბნო საარჩევნო კომისიის ქმედებებით დაინტერესდეს. „მას შემდეგ, რაც სასამართლომ ბათილად ცნო თიანეთის საოლქო საარჩევნო კომისიის ორი განკარგულება, გამოძიების საგანი უნდა გახდეს კომისიის წევრთა მოქმედებების კანონიერება და ხომ არ ჰქონდა მათი მხრიდან ადგილი დანაშაულებრივ ქმედებას", ნათქვამია განცხადებაში. სრულად... წყარო: www.isfed.ge