თბილისი. საქართველოს ახალგაზრდა იურისტთა ასოციაციამ (საია) სისხლის სამართლის საქმეების სასამართლო მონიტორინგის შედეგების პრეზენტაცია გამართა. „როგორც მონიტორინგმა აჩვენა, ნაცვლად იმისა, რომ მართლმსაჯულების სისტემის განვითარების პერსპექტივები შეიქმნას, არსებული პრობლემები და გამოწვევები ცხადყოფს, რომ შესაძლოა სისხლის სამართლის პროცესში ადამიანის უფლებების შელახვა ან არამიზნობრივი ჩარევა სისტემატურ პრობლემად იქცეს", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. არასამთავრობო ორგანიზაციები განცხადებას ავრცელებენ: „გენერალურ აუდიტორად პარლამენტმა პოლიტიკურად ნეიტრალური პირი უნდა შეარჩიოს". „მიგვაჩნია, რომ კრიტიკულად აუცილებელია ხელისუფლებამ გამოავლინოს პოლიტიკური ნება დამოუკიდებელი გენერალური აუდიტორის დასამტკიცებლად, რომელიც არ იქნება ასოცირებული რომელიმე პოლიტიკურ ძალასთან, ანგარიშვალდებული იქნება მხოლოდ კონსტიტუციასთან და პარლამენტთან. ეს აუცილებელი წინაპირობაა სახელმწიფო აუდიტის სამსახურის, როგორც კონსტიტუციური ინსტიტუტის, დამოუკიდებლობის უზრუნველსაყოფად", ნათქვამია ერთობლივ განცხადებაში. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „ეკონომიკისა და მდგრადი განვითარების სამინისტროს ადმინისტრაციული ხარჯები (2011-2016 წლები)". „IDFI უკვე მრავალი წელია საუბრობს ეკონომიკისა და მდგრადი განვითარების სამინისტროში საჯარო ინფორმაცის ხელმისაწვდომობის არსებულ პრობლემაზე. 2015 წელს ეკონომიკისა და მდგრადი განვითარების სამინისტრო დასახელდა ყველაზე დახურულ საჯარო უწყებად საქართველოში. როგორც IDFI-ის პრაქტიკა ცხადყოფს საჯარო ინფორმაციის ხელმისაწვდომობის მხრივ უწყებაში მდგომარეობა არც მომდევნო წლებში გაუმჯობესებულა. ეკონომიკისა და მდგრადი განვითარების სამინისტრო უარს ამბობდა საჯარო ინფორმაციის გაცემაზე სასამართლო გადაწყვეტილების კანონიერ ძალაში შესვლის შემდეგაც. ამასთან უწყებამ არ გაიზიარა სასამართლოს გადაწყვეტილების მოტივაცია და შემდგომ წლებში განაგრძო ჩვენს მიერ მოთხოვნილი ინფორმაციის მოწოდებაზე უარის თქმა ან მისი არასრულყოფილი სახით მოწოდება", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საერთაშორისო გამჭვირვალობა - საქართველომ დღეს, პირველად წარმოადგინა აჭარის ავტონომიური რესპუბლიკის მესამე მოწვევის უმაღლესი საბჭოს საქმიანობის შეფასება (2012-2016). „უმაღლესი საბჭოდან მიღებული ინფორმაციის თანახმად, ყველაზე მეტი მიმართვა მოქალაქეებისაგან ჰქონდა აგრარულ და გარემოს დაცვის საკითხთა კომისიას - 912, ხოლო ყველაზე ნაკლები საკონსტიტუციო, იურიდიულ და საპროცედურო საკითხთა კომისიას - 161", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის წევრი ორგანიზაციები განცხადებას ავრცელებენ აზერბაიჯანელი ჟურნალისტის აფგან მუხთარლის საქმეზე. „საქართველოს ეროვნული პლატფორმის წევრი ორგანიზაციები მივიჩნევთ, რომ გამოძიებას ჰქონდა საკმარისი დრო საქმის ობიექტური და დეტალური გამოძიებისთვის, თუმცა პროცესი ცალსახად ფერხდება, რაც ლახავს ქვეყნის იმიჯს საერთაშორისო საზოგადოების წინაშე და კითხვის ნიშნის ქვეშ აყენებს ადამიანის უფლებებისა და უსაფრთხოების დაცვას საქართველოში, რაც თავის მხრივ, მნიშვნელოვან გამოწვევას წარმოადგენს ქვეყნის პლურალისტური, დემოკრატიული, ღირსეული განვითარების გზაზე. ყოველივე აღნიშნულიდან გამომდინარე, ხელმომწერი ორგანიზაციები მოვითხოვთ ობიექტურად იქნას გამოძიებული აფგან მუხთარლის საქმე და დაისაჯოს დამნაშვეები. ასევე მოვითხოვთ, დაუყოვნებლივ მოხდეს საზოგადოების დეტალური ინფორმირება გამოძიების მიმდინარეობის შესახებ, რათა პასუხი გაეცეს საზოგადოებაში არსებულ ყველა კითხვას. ამასთანავე, მივმართავთ ადამიანის უფლებათა დაცვისა და სამოქალაქო ინტეგრაციის კომიტეტს უზრუნველყოს ჟურნალისტის საქმის მოსმენა, ხოლო საქართველოს პარლამენტმა შეასრულოს მასზე დაკისრებული საჯარო ფუნქცია და მაღალი საზოგადოებრივი ინტერესის გათვალისწინებით, შექმნას დროებითი საპარლამენტო საგამოძიებო კომისია", ნათქვამია განცხადებაში. სრულად... წყარო: qartia.org.ge

თბილისი. სამართლიანი არჩვენებისა და დემოკრატიის საერთაშორისო საზოგადოება (ISFED) აქვეყნებს დოკუმენტს: „საარჩევნო ადმინისტრაციის დაკომპლექტების რეფორმა". „დოკუმენტში განხილულია საარჩევნო ადმინისტრაციის დაკომპლექტებასთან დაკავშირებით არსებული პრობლემები. აღნიშნულ ორგანოს წამყვანი როლი აქვს სამართლიანი, გამჭვირვალე და დემოკრატიული არჩევ ნების ჩატარების პროცეს ში, რაც მნიშვნელოვანია ქვეყნის შემდგომი განვითარებისა და ევროატლანტიკურ სივრცეში ინტეგრაციისთვის. აქედან გამომდინარე, მნიშვნელოვანია საარჩევნო ადმინისტრაცია საზოგადოე ბის მაღალი ნდობით სარგებლობდეს", ნათქვამია დოკუმენტში. სრულად... წყარო: www.isfed.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს პოლიტიკის დოკუმენტს დამოუკიდებელი ანტიკორუფციული სამსახურის შექმნის აუცილებლობაზე. „წინამდებარე პოლიტიკის დოკუმენტი განიხილავს საქართველოში არსებული კორუფციის წინააღმდეგ მებრძოლი ინსტიტუტების საქმიანობას და აანალიზებს ამ ინსტიტუტების საქმიანობის, როგორც ზოგადი, ისე საერთაშორისო სტანდარტებთან შესაბამის ხარვეზებს. დოკუმენტი ასვე მიმოიხილავს საკვანძო საერთაშორისო კონვენციებსა და საერთაშორისო ორგანიზაციების მიერ საქართველოსთვის გაცემულ რეკომენდაციებს. დოკუმენტის ბოლო ნაწილი ეთმობა ლიტვის, როგორც საუკეთესო პრაქტიკის მაგალითის განხილვას. რასაც მოსდევს რეკომენდაციები, რომელიც საერთაშორისო პრაქტიკის, სტანდარტებისა და წინადადებების ანალიზს ეყრდნობა", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაციამ დღეს კვლევის - „Check in Georgia” 2016 - პროექტის უცნობი დეტალები" - პრეზენტაცია გამართა. პრეზენტაციაზე წარმოდგენილ დოკუმენტში დეტალურად არის განხილული 2016 წელს, „Check in Georgia”-ს მიმდინარეობის დროს, სამ მსხვილ ღონისძიებაზე (ეროს რამაზოტის, რობი უილიამსისა და Maroon 5-ის კონცერტი) საქართველოს ფარგლებს გარეთ გაყიდული ბილეთების რაოდენება და ძირითად ტენდენციები. საია-ს მიერ მოპოვებული ინფორმაციის თანხმად, 2016 წელს, „Check in Georgia”-ს, ამ კონცერტებზე, ინტერნეტის საშუალებით, 56,596 ბილეთი გაიყიდა. ამ რაოდენობიდან 2958 ბილეთი საქართველოს ფარგლებს გარეთ, მსოფლიო 49 ქვეყნიდან შეიძინეს, რაც ინტერნეტით გაყიდული ბილეთების 5,23% -ს შეადგენს. შესაბამისად, საია ასკვნის, რომ პროექტის ავტორების მოსაზრება, თითქოს „Check in Georgia” უცხოელი ტურისტების ზრდას შეუწყობდა ხელს, არ გამართლდა. სრულად  წყარო: ორგანიზაციის ვებგვერდი

თბილისი. საქართველოს ჟურნალისტური ეთიკის ქარტია ბავშვთა საკითხების გაშუქების მედიამონიტორინგის შუალედურ შედეგებს აქვეყნებს. ანგარიშში მოცემულია 2017 წლის 1 აპრილიდან 1 ივლისამდე პერიოდში ჩატარებული მონიტორინგის შეჯამება. მონიტორებმა გააანალიზეს როგორც პრესაში, ისე ონლაინ და სამაუწყებლო მედიაში გამოქვეყნებული ყველა მასალა, რომელიც პირდაპირ ან ირიბად ეხებოდა ბავშვს. მონიტორები აკვირდებოდნენ ცალკეულ თემებთან დაკავშირებით ბავშვების გაშუქებას, ასევე, მათ შესახებ მომზადებული მასალების ეთიკურ სტანდარტებთან შესაბამისობას; ყურადღებას აქცევდნენ, თუ რა ჭრილში, რა კონტექსტში შუქდებოდა ბავშვებთან დაკავშირებული საკითხები; როგორ ჩანდნენ ბავშვები ჟურნალისტურ მასალებში და რა თემებთან დაკავშირებით საუბრობდნენ ისინი. მონიტორინგი გაეროს ბავშვთა ფონდის მხარდაჭერით ხორციელდება. სრულად  წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტი აქვეყნებს პოლიტიკურ დოკუმენტს „დამოუკიდებელი ანტიკორუფციული სამსახური - საქართველო და საერთაშორისო სტანდარტები". დოკუმენტის მიზანია, წარმოაჩინოს დამოუკიდებელი ანტიკორუფციული სამსახურის შექმნის აუცილებლობა იმ ხარვეზების აღმოსაფხვრელად, რომელიც დღეს არსებული კორუფციასთან ბრძოლის სისტემაში გამოვლინდა. „უკანასკნელი ორი ათწლეულის განმავლობაში საქართველომ მნიშვნელოვან წარმატებას მიაღწია კორუფციასთან ბრძოლის საკითხში. ქვეყანა დღეს ღია მმართველობისა და კორუფციის აღქმის საერთაშორისო ინდექსების მიხედვით ლიდერია რეგიონში და ის ხშირად კარგი პრაქტიკის მაგალითად მოჰყავთ სხვადასხვა ფორუმებზე თუ კონფერენციებზე", - ვკითხულობთ დოკუმენტში, - „კორუფციის წინააღმდეგ ბრძოლისა და პრევენციის მექანიზმების დახვეწა კიდევ უფრო მნიშვნელოვანია, იმ ფონზე, როდესაც საქართველო ასრულებს ევროკავშირთან ასოცირების დღის წესრიგს და 2018 წელს ხდება ღია მმართველობის პარტნიორობის (OGP) თავმჯდომარე ქვეყანა; პარტნიორობისა, რომლის ერთ-ერთ ძირითად პრიორიტეტს კორუფციის წინააღმდეგ ბრძოლა წარმოადგენს". სრულად  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: „თბილისის მერიიდან პირადი განცხადების საფუძველზე სამსახურიდან გათავისუფლების ტენდენცია გრძელდება". „სამსახურიდან გათავისუფლების არსებული სტატისტიკა განსაკუთრებით პრობლემურია, როდესაც საჯარო დაწესებულებაში რეორგანიზაციის პროცესი მიმდინარეობს და ქმნის გონივრული ეჭვის საფუძველს, რომ საჯარო დაწესებულების მიერ პირადი განცხადების საფუძველზე სამსახურიდან გათავისუფლების მექანიზმი შესაძლოა ბოროტად იყოს გამოყენებული, რათა დამსაქმებელმა თავიდან აირიდოს რეორგანიზაციის საფუძველზე საჯარო მოსამსახურეთა სამსახურიდან გათავისუფლების დასაბუთება და მათთვის კომპენსაციის გადახდის ვალდებულება. შესაბამისად, მონიტორინგის პერიოდში, თბილისის მერიაში სამსახურიდან გათავისუფლების სტატისტიკა შესაძლოა მსგავსი გარემოებების არსებობით იყოს განპირობებული", ნათქვამია ორგანიზაციის ვებ-გვერდზე. სრულად...  წყარო: gyla.ge

თბილისი. „საერთაშორისო გამჭვირვალობა - საქართველო" გახმაურებული სისხლის სამართლის საქმეების მონიტორინგის IV ანგარიშს აქვეყნებს. „2012 წელს ხელისუფლების ცვლილების შემდგომ დაიწყო სისხლის სამართლებრივი დევნა ყოფილი თანამდებობის პირების მიმართ, რამაც, როგორც ქვეყნის შიგნით, ისე მის ფარგლებს გარეთ გარკვეული ეჭვები გააჩინა პროცესის პოლიტიზირების შესახებ. „საერთაშორისო გამჭვირვალობა - საქართველო" 2013 წლის თებერვლიდან გახმაურებული სისხლის სამართლის საქმეების მონიტორინგს ახორციელებს", - ნათქვამია დოკუმენტის შესავალ ნაწილში, - „ორგანიზაციის დამკვრვებლები ესწრებოდნენ სასამართლო სხდომებს და აღწერდნენ პროცესს შემდგომი შეფასების მიზნით. ანგარიშის მიზანია, ფართო საზოგადოებისთვის ხელმისაწვდომი გახადოს ინფორმაცია პროცესის მიმდინარეობის და მხარეთა პოზიციების შესახებ, გამოვლინდეს პროცესუალური დარღვევები და გახმაურებულ საქმეებთან არსებული ტენდენციები. წინამდებარე ანგარიში მოიცავს 2015 წლის ივნისიდან - 2017 წლის აპრილამდე პერიოდს. დაკვირვება ხდებოდა 12 სისხლის სამართლის საქმეზე, სადაც ბრალდებულები იყვნენ წინა ხელისუფლების ყოფილი თანამდებობის პირები: მიხეილ სააკაშვილი, გიგი უგულავა, ვანო მერაბიშვილი, ზურაბ ადეიშვილი, ნიკანორ მელია და სხვები". სრულად  წყარო: ორგანიზაციის ვებგვერდი

ქვემო ქართლი. ტოლერანტობის და მრავალფეროვნების ინსტიტუტი (TDI) ქალაქ დმანისის პირველ საჯარო სკოლაში დირექტორის მიერ „ზოგადი განათლების შესახებ” საქართველოს კანონისა და პროფესიული ეთიკის ნორმების სავარაუდო დარღვევის საკითხს იკვლევს. TDI-ის იურისტმა დმანისის პირველი საჯარო სკოლის 5 მასწავლებელი, 3 მშობელი და 2 მოსწავლე გამოკითხა. ორგანიზაციის ინფორმაციით, გამოკითხულები დირექტორის ქსენოფობიურ განწყობებსა და არაქართველი მოსწავლეების მიმართ სიძულვილის ენის გამოყენების შესახებ საუბრობენ. ორი ეთნიკურად აზერბაიჯანელი მოსწავლის მშობელი TDI-თან საუბარში მათი შვილების მიმართ სკოლაში განხორციელებულ სისტემატურ ფიზიკურ ძალადობაზეც საუბრობს. TDI სწავლობს ქალაქ დმანისის პირველ საჯარო სკოლაში მომხდარ სავარაუდო დარღვევებს და უახლოეს დღეებში მიმართავს განათლებისა და მეცნიერების სამინისტროს შიდა აუდიტის დეპარტამენტს, ასევე საქართველოს სახალხო დამცველს, სკოლაში არსებული მდგომარეობის შესწავლისა და ეფექტიანი რეაგირების მოთხოვნით. სრულად  წყარო: ორგანიზაციის ვებგვერდი

თბილისი. 2017 წლის ივნისიდან ადამიანის უფლებების სწავლებისა და მონიტორინგის ცენტრი (EMC), ოთხ სხვა პარტნიორ არასამთავრობო ორგანიზაცისთან ერთად, ახორციელებს პროექტს, რომელიც მიზნად ისახავს „ადამიანის უფლებათა დაცვის 2016-2017 წლების სამთავრობო სამოქმედო გეგმის" მონიტორინგსა და შემდგომი პერიოდის ახალი სამოქმედო გეგმის შემუშავების პროცესში მონაწილეობას. EMC მუშაობს ორ სხვადასხვა პროექტზე, რომელსაც აღმოსავლეთ დასავლეთის მართვის ინსტიტუტის (EWMI) პროგრამა „კანონის უზენაესობის მხარდაჭერა საქართველოში" (PROLoG) და ფონდი „ღია საზოგადოება საქართველო” უჭერს მხარს. ფონდის "ღია საზოგადოება საქართველოს" მიერ მხარდაჭერილი პროექტი მიზნად ისახავს ადამიანის უფლებათა დაცვის 2016-2017 წლების სამთავრობო გეგმის მონიტორინგს ბავშვთა, ქალთა და შეზღუდული შესაძლებლობის მქონე პირთა უფლებების მიმართულებით, ასევე - დასახელებული საკითხებთან კავშირში მოქმედი სხვა დოკუმენტების მონიტორინგს. აღმოსავლეთ დასავლეთის მართვის ინსტიტუტის (EWMI) მხარდაჭერით მიმდინარე პროექტის მიზანია ადამიანის უფლებათა დაცვის 2016-2017 წლების სამოქმედო გეგმის მონიტორინგი გამოხატვის, შეკრებისა და მანიფესტაციის თავისუფლების, ეროვნული/ეთნიკური უმცირესოებების, რელიგიური უმცირესობებებისა და ლგბტი პირთა უფლებების მიმართულებებით, ასევე - ამ თემებთან დაკავშირებული სხვა დოკუმენტების მონიტორინგი. სრულად  წყარო: ადამიანის უფლებების სწავლებისა და მონიტორინგის ცენტრის ვებგვერდი

თბილისი. ორგანიზაცია „ახალგაზრდა ადვოკატები" საქართველოს ეროვნული ბანკის სამართლებრივი პასუხისმგებლობის საკითხზე და კვლევის შედეგებზე სამართლებრივ დასკვნას აქვეყნებს. „ორგანიზაცია მიიჩნევს, რომ „მიკროსაფინანსო ორგანიზაცია „საქართველოს" გაკოტრების პროცესში, ეროვნული ბანკი მომხმარებლების წინაშე არსებული რისკების შესახებ ინფორმირებული 2012 წლის 27 ივნისიდან იყო, საფრთხეების სათანადო შეფასება კი არ მომხდარა და 2016 წლის შემოდგომაზე გადაწყვეტილებები დაგვიანებული, არაკოორდინირებული და არამართლზომიერი იყო". სრულად... წყარო: barristers.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს კვლევას: „ქალები ქართულ პოლიტიკაში", რომელიც 2016-2018 წლებში საარჩევნო ციკლის პერიოდში ქალთა პოლიტიკურ პროცესებში ჩართულობას სწავლობს. კვლევის ძირითადი მიგნებებია: საქართველოში ქალთა პოლიტიკურ პროცესებში მონაწილეობის ზრდა არ არის შეუქცევადი პროცესი - ქალთა პოლიტიკური მონაწილეობა მუდმივად ქნება დამოკიდებული რომელიმე პოლიტიკური ჯგუფის კეთილ ნებაზე; საარჩევნო სისტემა ხელს არ უწყობს ქალთა პოლიტიკური მონაწილეობის ზრდას; მაჟორიტარული საარჩევნო სისტემა ნაკლებად აძლებს ქალ პოლიტიკოსებს საშუალებას ნომინირებულნი იყვნენ კანდიდატებად; არჩევნებში მონაწილეობის მისაღებად და გამარჯვების შემაფერხებელი ფაქტორია ფინანსების არ ქონა; სიებში ქალების არასწორი პოზიციონირება ხელს უშლის მათ გამარჯვებას; სრულად... წყარო: gyla.ge

თბილისი. საერთაშორისო გამჭვირვალობა საქართველო აქვეყნებს ბლოგპოსტს: „GNCC დასაქმების ბუნდოვანი პოლიტიკის პერსპექტივით". „30 ივნისს პარლამენტმა დაჩქარებული წესით მიიღო კანონპროექტი „ეროვნული მარეგულირებლის შესახებ" საქართველოს კანონში ცვლილებების შეტანის თაობაზე, რაც საქართველოს კომუნიკაციების ეროვნულ კომისიაში (GNCC) დასაქმების პოლიტიკას ბუნდოვანს და გაუმჭვირვალეს ხდის. კომუნიკაციების ეროვნული კომისიის დასაქმების გაუმჭვირვალე პოლიტიკის, რეორგანიზაციის გაწელილი პროცესის და ნეპოტიზმის სავარაუდო ფაქტების ფონზე, რომლებზეც „საერთაშორისო გამჭვირვალობა - საქართველო” ადრეც წერდა, მიგვაჩნია, რომ ამ ცვლილებებით გაიზრდება კომისიაში დასაქმების ბუნდოვანი პრაქტიკის დანერგვის ალბათობა, საფრთხე შეექმნება მარეგულირებელში დასაქმების პროცესის საჯაროობას და გაიზრდება ნეპოტიზმის რისკი", ნათქვამია განცხადებაში. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: „ირაკლი ხოფერიას საქმის მთავარმა მოწმემ ჩვენება შეცვალა". „ირაკლი ხოფერიას სისხლის სამართლის საქმის ერთ-ერთი მოწმე (გიორგი - გიგი ქათამაძე) არსებითად ცვლის თავის ჩვენებას. აღნიშნული მოწმე გამოძიებას, ირაკლი ხოფერიას მიერ მიცემულ ჩვენებას უდასტურებდა. საია მოითხოვს მოწმის მიერ ჩვენების შეცვლის ფაქტზე დაუყოვნებლივ დაიწყოს გამოძიება, დროულად დასრულდეს ირაკლი ხოფერიას საქმის გამოძიება და პასუხისგებაში მიეცნენ მოძალადე პოლიციელები", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „რა იცვლება „მაუწყებლობის შესახებ" საქართველოს კანონში და როგორ წარიმართა ცვლილებების ინიცირებისა და განხილვის პროცესი". ბლოგპოსტში საუბარია: საკანონმდებლო წინადადების წარდგენასა და სამუშაო ჯგუფის შექმნაზე, საზოგადოებრივი მაუწყებლის ირგვლივ არსებული მდგომარეობაზე და "მაუწყებლობის შესახებ” საქართველოს კანონში ცვლილებებზე. „მნიშვნელოვან ცვლილებებზე სამოქალაქო საზოგადოების წარმომადგენლების, სფეროს ექსპერტების მონაწილეობის გარეშე მუშაობის პროცესი, გვაძლევს საფუძველს ვთქვათ, რომ კანონპროექტის შემუშავება მოხდა დახურულად და გაუმჭვირვალედ. საზოგადოებას არ მიეცა მასში ჩართვის საშუალება, მიუხედავად იმ დიდი ინტერესისა, რომელიც საზოგადოებრივ მაუწყებელთან დაკავშირებული საკანონმდებლო ცვლილებების მიმართ არსებობდა", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაციამ მედიას წარუდგინა კვლევა - „შ.პ.ს. „ნარიყალას" საქმე". კვლევა, ფიზიკური და კერძო სამართლის იურიდიული პირების მფლობელობაში არსებულ მიწის ნაკვეთებზე უფლების აღიარების წესისა და საკუთრების კომისიის მიერ, 2008 წელს, შ.პ.ს. „ნარიყალასთვის", თბილისში, გორგასალის ქ. #3-ში არსებული მიწის ნაკვეთის საკუთრებაში აღიარების საკითხის კანონიერებას ეხება. კვლევაში, ასევე განხილულია ამ საკითხის ირგვლივ 2016 წელს განვითარებული მოვლენები. საიას კვლევის მიხედვით, კომისიამ 2008 წელს უსაფუძვლოდ აღიარა შ.პ.ს. „ნარიყალას" საკუთრებაში, თბილისში, გორგასალის ქ. #3-ში არსებული მიწის ნაკვეთი; სავარაუდოდ, შ,პ,ს, „ნარიყალამ" არ შეასრულა კომისიის მიერ დაკისრებული ვალდებულება, საფასურის გადახდასა და გადახდის დამადასტურებელი დოკუმენტის კომისიაში წარდგენასთან დაკავშირებით; კომისიის მიერ, შ.პ.ს. „ნარიყალასათვის" საკუთრებაში აღიარებული მიწის ნაკვეთის ნაწილი საჯარო სივრცეს - სკვერს წარმოდგენს. შესაბამისად, საქართველოს კანონმდებლობა ამ სტატუსის მქონე მიწის ნაკვეთის საკუთრებაში აღიარების შესაძლებლობას არ იცნობს; 2016 წლის ივნისში თბილისის მუნიციპალიტეტისათვის ცნობილი გახდა, შ.პ.ს. „ნარიყალასთვის" თბილისში, გორგასალის ქ. #3-ში არსებული მიწის ნაკვეთის საკუთრებაში აღიარების შესაძლო უკანონობა, თუმცა, მუნიციპალიტეტმა არ მიიღო ახალი გადაწყვეტილება. საია აცხადებს, რომ ეს გარემოებები თბილისის მუნიციპალიტეტის თვითმმართველობის მხრიდან საკითხის თავიდან შესწავლის აუცილებლობაზე მიუთითებს. სრულად  წყარო: საქართველოს ახალგაზრდა იურისტთა ასოციაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი აქვეყნებს სტატიას საჯარო სკოლებში რელიგიური ნეიტრალიტეტისა და თანასწორუფლებიანობის დაცვის შესახებ. სტატია ეყრდნობა ორგანიზაციის მიერ მომზადებულ კვლევას „ რელიგიის თავისუფლება - სახელმწიფოს დისკრიმინაციულლი და არასეკულარული პოლიტიკის კრიტიკა". „საჯარო სკოლებში სეკულარული და თანასწორი გარემოს შექმნა ზოგადი განათლების სისტემის მნიშვნელოვანი გამოწვევაა. მიუხედავად იმისა, რომ ზოგადი განათლების შესახებ კანონი ადეკვატურ, მატერიალურ გარანტიებს აწესებს საჯარო სკოლებში რელიგიური ნეიტრალიტეტისა და თანასწორობის დასაცავად, სახელმწიფოს პოლიტიკა ამ მიმართულებით კვლავ არაეფექტიანია. ინდოქტრინაციის, პროზელიტიზმისა თუ დისკრიმინაციის ფაქტებს კი სისტემური ხასიათი აქვს. ამაზე მიუთითებს ბოლო დროს გამოქვეყნებული არა ერთი კვლევა თუ ანგარიში ადამიანის უფლებათა მდგომარეობის შესახებ. კვლევები ცხადყოფენ, რომ სასწავლო პროცესსა და სკოლის ყოველდღიურ ცხოვრებაში ღრმად არის ფესვგადგმული და მუდმივად იწარმოება გაბატონებული ეთნო-რელიგიური ნაციონალიზმის იდეოლოგია, სასწავლო პროცესი კი, ფაქტობრივად, რელიგიური ქადაგების სივრცედ არის გადაქცეული", - ვკითხულობთ სტატიაში. სრულად წყარო: ადამიანის უფლებების სწავლებისა და მონიტორინგის ცენტრის ვებგვერდი

თბილისი. საქართველოს ახალგაზრდა იურისტთა ასოციაცია საიამ შინაგან საქმეთა სამინისტროსგან მიიღო ინფორმაცია, რომლის თანახმადაც, აზერბაიჯანის 127 მოქალაქეს ეთქვა უარი საქართველოს საზღვრის გადაკვეთაზე. „გავრცელებული ინფორმაციით, აზერბაიჯანელ პოლიტაქტივისტებს, ჟურნალისტებსა და უფლებადამცველებს ასევე პრობლემები ექმნებათ საქართველოში ბინადრობის უფლების მიღებაზე. აზერბაიჯანის მოქალაქეების საქართველოში შემოსვლაზე უარის თქმის მაღალი მაჩვენებელი აჩენს გარკვეულ ეჭვებს, რამდენად დასაბუთებულია უარის თქმა", ნათქვამია ორგანიზაციის ვებ-გვერდზე. სრულად... წყარო: gyla.ge