საერთაშორისო ორგანიზაცია „რეპორტიორები საზღვრებს გარეშე" პრესის თავისუფლების ინდექსს აქვეყნებს. დოკუმენტი 180 ქვეყანას მოიცავს, მათ შორის საქართველო 69-ე ადგილს 27.7 ქულით იკავებს. „მედიის მფლობელთა შესახებ ინფორმაცია მეტად არის ხელმისაწვდომი, თუმცა ახალი ამბები პოლიტიკურად პოლარიზებულია და კვლავ არ არის სრულად დამოუკიდებელი", ნათქვამია დოკუმენტში. აღსანიშნავია, რომ 2014 წელს პრესის თავისუფლების ინდექსში საქართველო რიგით 84-ე იყო. პრესის თავისუფლების ინდექსი 2015... წყარო: „რეპორტიორები საზღვრებს გარეშე"

იმერეთი. „საერთაშორისო გამჭვირვალობა - საქართველოს" ქუთაისის წარმომადგენლობამ ქუთაისის მუნიციპალიტეტის მიუსაფარ ცხოველთა თავშესაფრის შესახებ კვლევა ჩაატარა. „კვლევამ აჩვენა, რომ ... თავშესაფარი არ არის სათანადოდ აღჭურვილი, რის გამოც დიდია დაავადებული ცხოველების უკონტროლობის და, ამის შედეგად, მათ მიერ ცოფის გავრცელების საფრთხე. ...ქუთაისის მუნიციპალიტეტის მერიას მოუწოდებს, მეტი ყურადღებით მოეკიდოს თანხების სწორად ხარჯვისა და მომსახურების შესყიდვის პროცესს... ასევე აუცილებელია, ქალაქ ქუთაისის მუნიციპალიტეტის მერიის მხრიდან რაიმე სახის დროებითი ღონისძიების განხორციელება, იმ საფრთხის თავიდან აცილების მიზნით, რომელსაც უპატრონოდ მოხეტიალე ცხოველები ქალაქის მოსახლეობას უქმნიან.", ნათქვამია განცხადებაში. სრულად... წყარო: transparency.ge

თბილისი. სამართლიანი არჩევნებისა და დემოკრატიის საზოგადოება 2014 წლის ოქტომბრიდან აკვირდება საჯარო მოხელეთა ატესტაციისა და კონკურსების პროცესს ტესტირებისა და გასაუბრებების ეტაპებს მთელი საქართველოს მასშტაბით. ორგანიზაციის 73 დამკვირვებელი მონიტორინგს ერთგვაროვანი მეთოდოლოგიისა და კითხვარების საფუძველზე ახორციელებს. დაკვირვების შედეგებზე დაყრდნობით, ორგანიზაციამ 12 თებერვალს, საჯარო მოხელეთა ატესტაციისა და კონკურსების მონიტორინგის მეორე შუალედური ანგარიში გამოაქვეყნა. ანგარიში... წყარო: isfed.ge

თბილისი. არასამთავრობო ორგანიზაციამ „ახალგაზრდა ადვოკატებმა" „საქართველოს მთავრობა ევროკავშირთან ასოცირების ხელშეკრულების იმპლემენტაციის პროცესში" განხორციელებული კვლევის შედეგები წარადგინეს. იგი მთავრობის სამინისტროების მხრიდან ევროკავშირთან გაფორმებული ასოცირების ხელშეკრულების მიმდინარეობის, შესრულებისა და დოკუმენტის ფარგლებში, მოსალოდნელი ღონისძიებების შესწავლას დაეთმო. სრულად... წყარო: barristers.ge

თბილისი. საქართველოს ახალგაზრდა იურისტთა ასოციაციამ ადგილობრივი თვითმმართველობის საჯარო მოხელეების ატესტაციებისა და კონკურსების მიმდინარე გასაუბრების ეტაპის დაკვირვება  განახორციელა. 2014 წლის ნოემბერსა და დეკემბერში საია მისი წარმომადგენლების მეშვეობით ცხრა საკონკურსო-საატესტაციო კომისიის მიერ წარმართულ გასაუბრების ეტაპს დააკვირდა. დაკვირვების მიზანს გასაუბრების პროცესის საჯაროობის, ობიექტურობისა და გამჭვირვალობის, ასევე ატესტაციებსა და კონკურსებში მონაწილე პირთა უფლებებისა და კანონიერი ინტერესების დაცვის ხელშეწყობა წარმოადგენდა. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტი აქვეყნებს პუბლიკაციას: „თბილისის მერიის 2013–2014 წლების ხარჯები". ინსტიტუტმა ქალაქ თბილისის მერიას მიმართა სხვადასხვა სახის საჯარო ინფორმაციის მოთხოვნით. „მისასალმებელია ის ფაქტი, რომ თბილისის მერიას ინსტიტუტის არცერთი მოთხოვნა უპასუხოდ არ დაუტოვებია", ნათქვამია პუბლიკაციაში. მიღებულ დოკუმენტაციაზე დაყრდნობით, ინსტიტუტმა გამოაქვეყნა 2013–2014 წლებში ქალაქ თბილისის მერიის მიერ გაცემული პრემიების და სახელფასო დანამატების, სამივლინებო და წარმომადგენლობითი ხარჯების, გადაუდებელი აუცილებლობით განპირობებული სახელმწიფო შესყიდვების, ბალანსზე რიცხული ავტომობილების და აღნიშნულ პერიოდში განხორციელებული აუდიტორული შემოწმებების შედეგების ანალიზი. სრულად... წყარო: idfi.ge

თბილისი. საერთაშორისო გამჭვირვალობა –საქართველო აჭარის მთავრობას მოუწოდებს დაასრულოს სოფელ ჩანჩხალოში გეოფიზიკური კვლევა. ორგანიზაცია შეახსენებს, რომ „40-მდე ოჯახი უკიდურესი საფრთხის ქვეშ ცხოვრობს. დაზიანებების გამომწვევი მიზეზების დადგენა, ერთი მხრივ, ხელს შეუწყობს მოსალოდნელი საფრთხის თავიდან აცილებას, რაც მეწყრული პროცესების სეზონურ გააქტიურებას უკავშირდება ხოლო, მეორე მხრივ, მოსახლეობის უსაფრთხო ტერიტორიაზე განსახლების პროცესის დაწყებას და მათთვის კუთვნილი კომპენსაციის მიღებას", ნათქვამია ორგანიზაციის ვებგვერდზე. სრულად... წყარო: transparency.ge

თბილისი. ორგანიზაცია „ახალგაზრდა ადვოკატები" საქართველოს პრეზიდენტის ადმინისტრაციასა და მოქალაქეებს შორის კომუნიკაციის საკითხზე, შესწავლილ ინფორმაციას აქვეყნებს. „2014 წლის 10 დეკემბრის მდგომარეობით, საქართველოს პრეზიდენტის ადმინისტრაციას, სხვადასხვა საკითხთან დაკავშირებით, 19595 მოქალაქემ მიმართა, რაც გასულ წლებთან მიმართებით, გაცილებით დაბალი მაჩვენებელია. აქედან, პრეზიდნეტის ადმინისტრაციამ განიხილა და წარმოება დაასრულა 12499 მიმართვაზე, ხოლო 4205 მოქალაქეს გაეგზავნა საპასუხო წერილი. არსებული მონაცემით, პრეზიდენტის ადმინისტრაციაში 7096 მოქალაქის 2014 წელს რეგისტრირებული მიმართვა, კვლავ მომზადებისა და გამოხმაურების ეტაპზეა", ნათქვამია ორგანიზაციის გვერდზე. სრულად... წყარო: barristers.ge

თბილისი. 23 იანვარს სახალხო დამცველმა საქართველოს მთავრობისა და პარლამენტის წევრებს, საქართველოში აკრედიტებული დიპლომატიური კორპუსის, საერთაშორისო ორგანიზაციებისა და მედიის წარმომადგენლებს სახალხო დამცველის მიერ 2014 წელს გაცემული რეკომენდაციებისა და წინადადებების შესრულების შესახებ ჩატარებული კვლევა წარუდგინა. „2014 წელს საქართველოს სახალხო დამცველმა სხვადასხვა უწყებებს – ცენტრალური, და ადგილობრივი ხელისუფლების ორგანოებს, ასევე თანამდებობის პირებს 154 რეკომენდაცია და წინადადება გაუგზავნა, რომელთაგან მხოლოდ 35(23%) შესრულდა, ნაწილობრივ შესრულდა 22 (14 %), არ შესრულდა 47 (31%) და პასუხი არ მოსულა 28 (18 %) რეკომენდაციაზე/წინადადებაზე", ნათქვამია ომბუდსმენის ვებგვერდზე. სრულად... წყარო: ombudsman.ge

თბილისი. გასული წლის ბოლოს თბილისის საქალაქო სასამართლომ სრულად დააკმაყოფილა ინფორმაციის თავისუფლების განვითარების ინსტიტუტის (IDFI) სარჩელი შინაგან საქმეთა სამინისტროს წინააღმდეგ. შედეგად სამინისტროს დაეკისრა ვალდებულება სრულყოფილად მიაწოდოს ინსტიტუტს ინფორმაცია 2013 წელს მინისტრის, მინისტრის მოადგილეებსა და დეპარტამენტის უფროსებზე დარიცხული პრემიებისა და დანამატების შესახებ თვეების მიხედვით, ცალ–ცალკე სახელისა და გვარის მითითებით, ნათქვამია ორგანიზაციის ვებგვერდზე. „ვიმედოვნებთ, რომ საქართველოს შინაგან საქმეთა სამინისტრო სრულად აღასრულებს სასამართლო გადაწყვეტილებას და მოგვაწვდის ინფორმაციას თანამდებობის პირების მიერ მიღებული პრემიებისა და დანამატების შესახებ, სრულყოფილი სახით, როგორც ამას ინტიტუტი ითხოვდა. ასევე ვიმედოვნებთ, რომ აღნიშნული გადაწყვეტილება საბოლოოდ დაამკვიდრებს თანამდებობის პირთა შემოსავლების შესახებ ინფორმაციის საჯაროობის და ხელმისაწვდომობის მაღალ სტანდარტს საქართველოში, რადგანაც აღნიშნული წლების განმავლობაში ერთ-ერთ ყველაზე პრობლემურ საკითხად მიიჩნეოდა", აღნიშნავს ინსტიტუტის ორგანიზაციის ვებგვერდზე გამოქვეყნებულ ინფორმაციაში. სრულად... წყარო: idfi.ge

თბილისი. ღია მმართველობა-საქართველოს ფორუმმა 2015 წელს პირველი შეხვერდა 22 იანვარს გამართა. წევრებმა ეროვნული სამოქმედო გეგმით გათვალისწინებული ვალდებულებების შესრულების მონიტორინგზე ისაუბრეს და დეტალურად განიხილეს ანგარიშის ფორმები, რომელიც უწყებებმა ყოველკვარტალურად უნდა შეავსონ. სრულად... წყარო: ogpgeoblog.wordpress.com

თბილისი. ინფორმაციის თავისუფლების განვითარების ინსტიტუტი (IDFI) მიესალმება ფინანსთა სამინისტროს გადაწყვეტილებას და მოუწოდებს ყველა სხვა საჯარო დაწესებულებას, გაიზიაროს აღნიშნული სამინისტროს მიერ შემოთავაზებული სტანდარტი. რომელიც გულისხმობს პროაქტიულად გამოსაქვეყნებელი ინფორმაციის დამატებითი ნუსხის შედგენაში მოქალაქეთა ჩართულობას. ამასთან, ინსტიტუტს მნიშვნელოვნად მიაჩნია დაწესებულებებმა საკუთარ ვებ-გვერდზე განათავსონ ყველა ის საჯარო ინფორმაცია, რომელიც ყველაზე ხშირად იქნა გამოთხოვილი მათი უწყებებიდან წლის განმავლობაში. აღნიშნული შესაძლებლობით სარგებლობა, მაღალი ალბათობით, ერთის მხრივ, შეამცირებს ბეჭდური სახით საჯარო ინფორმაციის მოთხოვნის საჭიროებას, ხოლო, მეორეს მხრივ, მნიშვნელოვნად გაზრდის საჯარო დაწესებულებების გამჭვირვალობისა და ანგარიშვალდებულების ხარისხს. სრულად... წყარო: idfi.ge

თბილისი. კავკასიის ეკონომიკური და სოციალური კვლევითი ინსტიტუტი (CIESR) ოქტომბრიდან ახორციელებს პროექტს „საბიუჯეტო პროცესების მონიტორინგი ადგილობრივი თვითმმართველობის გამჭვირვალობისათვის".პროექტი ითვალისწინებს თვითმმართველობის გამჭვირვალობის ეფექტიანობის ხელშეწყობას. კერძოდ, დასავლეთ საქართველოში, სამტრედიისა და მარტვილის მუნიციპალიტეტებში, საფინანსო-საბიუჯეტო საკითხების მონიტორინგის განხორციელებას აღნიშნულ მუნიციპალიტეტებში არსებულ არასამთავრობო ორგანიზაციებთან გამოცდილების გაზიარებისა და მათთან პარტნიორობის გზით.პროექტი ხორციელდება დემოკრატიის მხარდაჭერის ეროვნული ფონდის  (NED) ფინანსური მხარდაჭერით და მისი  ხანგრძლივობა შეადგენს 9 თვეს.

თბილისი. საქართველოს ახალგაზრდა ეკონომისტთა ასოციაციამ ქობულეთის ბიუჯეტის ანალიზი გამოაქვეყნა. ანგარიში მოიცავს ქობულეთის მუნიციპალიტეტის 2014 წლის ბიუჯეტის პროექტის და კვარტალური შესრულებების ანალიზს. ანგარიშში გაანალიზებულია 2014 წლის ბიუჯეტის პრიორიტეტები, დაგეგმილი/შესრულებული შემოსავლები და ხარჯები. ანგარიშის მიზანს წარმოადგენს გაანალიზოს და რეკომენდაციები მისცეს მხარჯავ დაწესებულებას. ქობულეთის ბიუჯეტის ანგარიში... წყარო: economists.ge

თბილისი. ევრაზიის თანამშრომლობის ფონდი ბიუჯეტის გამჭვირვალობის საკითხებზე მომუშავე პლატფორმის დასაარსებლად საზოგადოებრივი ორგანიზაციების განაცხადების მიღებას იწყებს. პლატფორმის შექმნა მიზნად ისახავს სამოქალაქო საზოგადოების წარმომადგენლებს შორის კოორდინაციის გაძლიერებას საქართველოში სახელმწიფო სახსრების მართვისა და ბიუჯეტის გამჭვირვალობის გაუმჯობესებასთან დაკავშირებით საერთო პოზიციის ჩამოყალიბებისა და ამ საკითხებზე დიალოგში სამოქალაქო საზოგადოების ჩართულობის გაზრდის მიზნით. პლატფორმის წევრები შეიკრიბებიან ორ თვეში ერთხელ მაინც (ფორმალური მოთხოვნა), რათა მიმდინარე მოვლენებთან დაკავშირებით გამართონ დისკუსიები, განსაზღვრონ ადვოკატირების სტრატეგია და გააერთიანონ სამოქალაქო საზოგადოების ძალისხმევა სახელმწიფო ხარჯების მონიტორინგის მიმართულებით. პლატფორმაში გაწევრიანების მსურველი საზოგადოებრივი ორგანიზაცია უნდა იყოს საქართველოში რეგისტრირებული, სულ მცირე ერთი წლის მანძილზე მუშაობის გამოცდილების მქონე ორგანიზაცია, რომელიც დაინტერესებულია ბიუჯეტის ხარჯვის მონიტორინგის, ბიუჯეტის გამჭვირვალობის ან სახელმწიფო სახსრების ფინანსური მართვის საკითხებით. სრულად... წყარო: www.epfound.ge

თბილისი. ორგანიზაციამ „ახალგაზრდა ადვოკატებმა" მონიტორინგის შედეგები წარმოადგინეს, რომლის მიზანი იყო სამინისტროებსა და მოქალაქეებს შორის ურთიერთობის საჯაროობის შემოწმება. ასევე მოქალაქეების მიერ საჯარო უწყებებისადმი მიმართვის მაჩვენებლის დადგენა, სამინისტროების გამოხმაურების საკითხის ანალიზი. ორგანიზაციამ საკითხზე ინფორმაციის მიღებისთვის 19 სამინისტროს მიმართა. პასუხი 18 სამინისტროსგან მიიღო ორგანიზაციამ, აქედან მხოლოდ 11 სამინისტრომ უზრუნველყო მოთხოვნილი ინფორმაციის სრულყოფილი მიწოდება. „მონიტორინგის მიხედვით, მთავრობის 11 სამინისტროსთვის მოქალაქეების წერილით, განცხადებით თუ საჯარო ინფორმაციის მიღების მოთხოვნით, 70 422 მოქალაქემ მიმართა. ..", ნათქვამია ორგანიზაციის ვებგვერდზე. სრულად... წყარო: barristers.ge

თბილისი. საქართველოს ახალგაზრდა ეკონომისტთა ასოციაციამ ჩოხატაურის მუნიციპალიტეტის 2014 წლის 10 თვის ბიუჯეტის შესრულების ანალიზი გამოაქვეყნა. „ანგარიში მოიცავს ჩოხატაურის მუნიციპალიტეტის 2014 წლის ბიუჯეტის პროექტის და კვარტალური შესრულებების ანალიზს. ანგარიშში გაანალიზებულია 2014 წლის ბიუჯეტის პრიორიტეტები, დაგეგმილშესრულებული შესავალები და ხარჯები..." სრულად... წყარო: ორგანიზაციის ვებგვერდი სოციალურ ქსელში

თბილისი. „საერთაშორისო გამჭვირვალობა - საქართველო" ბლოგპოსტს - „ტენდენციები თბილისის მერიის ახალი ადმინისტრაციის შესყიდვებში" - აქვეყნებს. ორგანიზაცია „დაინტერესდა მერიის ახალი ადმინისტრაციის მიერ განხორციელებული შესყიდვებით და შეისწავლა 2014 წლის აგვისტოდან 12 დეკემბრის ჩათვლით არსებული პრაქტიკა. 15 დეკემბრის მდგომარეობით, აღნიშნულ პერიოდში მერიამ სულ 226 ტენდერი გამოაცხადა, აქედან 53 შემთხვევაში ტენდერი არ შედგა, 14 ტენდერი უარყოფითი შედეგით დასრულდა, 12 ტენდერი კი – შეწყდა”, ნათქვამია ბლოგპოსტში. სრულად... წყარო: transparency.ge

თბილისი. ახალგაზრდა ფინანსისტთა და ბიზნესმენთა ასოციაცია – „აფბამ", საქსტატის მიერ გამოქვეყნებული იანვარ–ნოემბრის საგარეო ვაჭრობის შესახებ წინასწარი მონაცემები შეაფასა."სტატისტიკის სამსახურის მონაცემებით, 2014 წლის იანვარ-ნოემბერში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 10359 მილიონი აშშ დოლარი შეადგინა, რაც წინა წლის შესაბამის მაჩვენებელზე 7 პროცენტით მეტია. აქედან, ექსპორტი 2628 მილიონი აშშ დოლარი იყო (0.5 პროცენტით მეტი), ხოლო იმპორტი 7731 მილიონი აშშ დოლარი (9 პროცენტით მეტი). უარყოფითმა სავაჭრო ბალანსმა 2014 წლის იანვარ-ნოემბერში 5103 მლნ. აშშ დოლარი და საგარეო სავაჭრო ბრუნვის 49 პროცენტი შეადგინა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა კონსტიტუციონალისტთა ასოციაცია სახელმწიფო შესყიდვების სააგენტოში შესყიდვებთან დაკავშირებული დავების განხილვის საბჭოს 2014 წლის საქმიანობას დადებითად აფასებს.„საქართველოს ახალგაზრდა კონსტიტუციონალისტთა ასოციაცია" 2014 წლიდან მონაწილეობას იღებს და აკვირდება სახელმწიფო შესყიდვებთან დაკავშირებული დავების განხილვის პროცესს. აღსანიშნავია, რომ საბჭოში თითოეული საჩივრის განხილვა მიმდინარეობს მხარეთა შეჯიბრობითობისა და თანასწორობის პრინციპის განუხრელი დაცვით, მაქსიმალური გამჭვირვალობის პირობებში, რაც დადებითად აისახება საბჭოს მიერ გამოტანილი გადაწყვეტილებების ხარისხსა და დაკმაყოფილებული საჩივრების რაოდენობის კუთხით საერთო სასამართლოების განტვირთვის პროცესზე" - ნათქვამია განცხადებაში, რომელსაც ორგანიზაცია ავრცელებს. სრულად წყარო: gyca.ge

თბილისი. „საერთაშორისო გამჭვირვალობა – საქართველომ" შეისწავლა ინფრასტრუქტურის სამინისტროს მიერ 2013–2014 წლებში სამშენებლო სამუშაოების შესრულებისთვის განხორციელებული შესყიდვები. მონაცემები სახელმწიფო შესყიდვების ელექტრონულ პლატფორმას და საერთაშორისო გამჭვირვალობა – საქართველოს ტენდერების მონიტორინგის ვებგვერდს ეფუძნება. სრულად... წყარო: transparency.ge

თბილისი. 22 დეკემბერს საქართველოს სახალხო დამცველმა გამართა პრეზენტაცია, რომელზეც წარმოდგენილი იყო სახალხო დამცველთან არსებული ეროვნული უმცირესობების საბჭოს მიერ განხორციელებული მონიტორინგის შედეგები. მონიტორინგის ანგარიში მოიცავს შემწყნარებლობისა და სამოქალაქო ინტეგრაციის ეროვნული კონცეფციისა და სამოქმედო გეგმის შესრულების შეფასებას და ეროვნული უმცირესობების საბჭოს რეკომენდაციებს. სრულად... წყარო: ombudsman.ge