სამცხე–ჯავახეთი. ,,სამოქალაქო განათლებისა და პედაგოგთა გადამზადების პროგრამის" ფარგლებში ახალქალაქის  მე–4 საჯარო სკოლის სამოქალაქო კლუბის წევრებისათვის ინფორმაციის მიწოდების მიზნით ,,საქართველოს კონსტიტუციის" თემაზე ღონისძიება გაიმართა. ამავე სკოლის სამოქალაქო განათლების პედაგოგის ინიციატივით  სამოქალაქო კლუბის წევრები გაეცნენ  საქართველოს კონსტიტუციას.  ღონისძიება  კითხვა-პასუხის რეჟიმით მიმდინარეობდა. შემდეგ, გაკეთდა სავარჯიშოები და ჯგუფური განხილვა, სადაც კლუბის წევრებმა წარმოადგინეს საკუთარი თავი მომავალ იურისტად. 

იმერეთი. სამოქალაქო განათლებისა და პედაგოგთა გადამზადების პროგრამის ფარგლებში 19 მარტს, ქუთაისის № 41 საჯარო საჯარო სკოლის სამოქალაქო კლუბის წევრებისათვის სამოქალაქო კლუბის ერთ–ერთმა ლიდერმა  ტრენინგი ჩაატარა დებატების ტექნიკებთან დაკავშირებით.  ტრენინგს 17 მოსწავლე ესწრებოდა. წყარო:ორგანიზაციის გვერდი სოციალურ ქსელში

იმერეთი. ქუთაისის ახალგაზრდული ცენტრის წევრმა წყალტუბოს მუნიციპალიტეტის №4 საჯარო სკოლის მოსწავლეებისთვის ჩაატარა ტრენინგ-სემინარი თემაზე: „სამოქალაქო ინტერესების დაცვა’’. ტრენინგი დაეთმო ახალგაზრდების მონაწილეობას სამოქალაქო საზოგადოებაში მიმდინარე პროცესებში და მათ როლს დემოკრატიული მოვლენების განვითარებაში, აგრეთვე იმას თუ როგორი უნდა იყოს აქტიური მოქალაქე და რა არის მოხალისეობა. ტრენინგის მონაწილეებს საშუალება ჰქონდათ ვიდეო რგოლების საშუალებით ეხილათ ქართული და უცხოური ადვოკატირების წარმატებული მაგალითები. თანატოლთა განათლების ტრენინგი ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

თბილისი. „ჟურნალისტური ეთიკის ქარტიის" ახალი პროექტის „ლიბერალიზმის სასწავლო ცენტრის" ფარგლებში სასწავლო ცენტრის სტუდენტები ბათუმის „თავისუფალ ჟურნალისტთა სახლის" წარმომადგენლებს შეხვდნენ. შეხვედრის მთავარი მიზანი შთაბეჭდილებებისა და გამოცდილების გაზიარება იყო, ბათუმელმა სტუმრებმა ისაუბრებს იმ შეცდომებსა და ნიუანსებზე, რომლებიც პროექტის ფარგლებში უნდა იყოს გათვალისწინებული. „ლიბერალიზმის სასწავლო ცენტრი" ამერიკული საერთაშორისო ორგანიზაციის  "დემოკრატიის მხარდაჭერის ნაციონალური ფონდი"(NED) ფინანსური მხარდაჭერით ხორციელდება. პროექტის ფარგლებში სხვადასხვა უნივერსიტეტებიდან კონკურსის შედეგად შერჩეული 20 სტუდენტი 6 თვის განმავლობაში მოისმენს ლექციებს და მოამზადებს სიუჟეტებსა და სტატიებს. წყარო:liberalizmi.wordpress.com

იმერეთი. 14 მარტს ქუთაისის ახალგაზრდული ცენტრის მიერ ორგანიზებული იქნა დებატების ტურნირი ი. ოცხელის სახელობის მე-2 საჯარო სკოლაში. დებატები გაიმართა რეზოლუციაზე „ევთანაზია გამართლებულია". ტურნირში მონაწილეობა მიიღო 4-მა გუნდმა, რომლებიც კარგად იცნობდნენ თემას და განხორციელებული ქონდათ შესაბამისი კვლევა აღნიშნული თემების უკეთ შესასწავლად. დებატების ხელოვნების დაუფლება ხელს უწყობს ახალგაზრდებში სწორი არგუმენტაციის, საჯარო გამოსვლის ტექნიკების, აქტიური მოსმენის, დროის და მოწინააღმდეგის პატივისცვემის, ლოგიკური მსჯელობის კვლევის უნარ-ჩვევების განვითარებას. ახალგაზრდული ცენტრის წევრი ბერიკა თავაძე :  „დებატების ტურნირს წინ უძღოდა თანატოლ განმანათლებელთა ტრენინგი, რომელიც ძალიან საინტერესოდ წარიმართა და საშუალება მოგვეცა გამოგვემუშავებინა ახალი უნარ-ჩვევები. დებატების მთავარი პრინციპი მდგომარეობს იმაში, რომ მოხდეს ოპონენტთა მოსაზრებების რეალური დაპირისპირება. აქედან გამომდინარე, მოდებატე გუნდებს თამაშის დროს მოეთხოვებათ რეზოლუციის ძირითადი ტერმინებისა და გაუგებარი ტერმინების სრულფასოვანი ცოდნა. სწორედ ამან განაპირობა რომ დღევანდელი ტურნირი საინტერესოდ წარმართულიყო". დებატების ტურნირი ორგანიზებული იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით.  წყარო:ორგანიზაციის გვერდი სოციალურ ქსელში

‎შიდა ქართლი. 13 მარტს, პროექტ "ეროვნული ინტეგეგრაცია საქართველოში" ფარგლებში, ასოციაცია „გორის ინვალიდთა კლუბთან" არსებულმა გორის ახალგაზრდული ცენტრის წევრებმა თანატოლგანმანათლებელთა ტრენინგი ჩაატარეს თემაზე „ ცოტა რამ ჟურნალისტიკის შესახებ" . შეხვედრა გაიმართა სოფელ კარალეთი სკოლაში და ესწრებოდა 21 მონაწილე. პროექტი დაფინანსებულია აშშ-ის საერთაშორისო განვითარების სააგენტოს (USAID) მიერ, რომელსაც ახორციელებს საქართველოს გაეროს ასოციაცია. წყარო:ორგანიზაციის გვერდი სოციალურ ქსელში

იმერეთი. 12 მარტს ხონის მუნიციპალიტეტის, სოფელ ნამაშევის საჯარო სკოლაში, სამოქალაქო განათლებისა და პედაგოგთა გადამზადების პროგრამის ფარგლებში, მოეწყო გამარჯვებული პროექტის „ჩვენ თვითონ" პროექტის პრეზენტაცია. პროექტის მიზანია: მოსწავლეთა გააქტიურება და სკოლაში სამოქალაქო განათლების გაკვეთილებზე მიღებული ცოდნის პრაქტიკულად გამოყენება. მოსწავლეთა მოტივაციის გაზრდა და სკოლისა და თემის დაახლოება. პროგრამა ხორციელდება PH-international-ის მიერ USAID-ის ფინანსური მხარდაჭერით.  წყარო:kedec.ge

იმერეთი. 13 მარტს თერჯოლის მუნიციპალიტეტის სოფელ ჩხარის საჯარო სკოლაში გამარჯვებული პროექტის – „ფიზიკური გარემო – ჩემი მასწავლებელია" – ფარგლებში  მოეწყო ტრენინგი თემაზე: გარემოს მოვლა, დასუფთავება და ეკოლოგიური პრობლემების გამომწვევი მიზეზები. წყარო:kedec.ge

თბილისი. საერთაშორისო გამჭვირვალობა საქართველომ აგრარული უნივერსიტეტისთვის ავტორიზაციის გაუქმებასთან დაკავშირებით განცხადება გაავრცელა.  „არსებობს ეჭვი, რომ გადაწყვეტილება შეიძლება უკავშირდებოდეს უნივერსიტეტის მართვაში ყოფილი ხელისუფლების წარმომადგენლების მონაწილეობას, რაც მეტად შემაშფოთებელია. სასწავლო პროცესის ამგვარი შეფერხება და მზარდი სასწავლო დაწესებულებისთვის ბარიერების შექმნა დააზარალებს საქართველოს საგანმანათლებლო სისტემას და უმაღლეს სასწავლებლებზე პოლიტიკური ზეგავლენის საფრთხეს შექმნის", ნათქვამია განცხადებაში.  საერთაშორისო გამჭვირვალობა საქართველო მოუწოდებს განათლების სამინისტროს და განათლების ხარისხის განვითარების ეროვნულ ცენტრს მაქსიმალურად უზრუნველყონ პროცესის გამჭვირვალობა რათა მათი გადაწყვეტილებები პოლიტიკურად მოტივირებულ ქმედებად არ იქნეს აღქმული უნივერსიტეტის თანამშრომლების, სტუდენტებისა და საზოგადოების მიერ. სრულად  წყარო: transparency.ge

კახეთი. თელავის სახელმწიფო უნივერსიტეტში არსებულმა დემოკრატიის განათლების ცენტრმა მსმენელების მიღება შეწყვიტა. როგორც NIMD–ის თელავის ოფისის წარმომადგენელმა ნიკა შარვაშიძემ განაცხადა, სკოლა დროებით ჩერდება, მაგრამ მიმდინარე პროექტების განხორციელება ახლო მომავალში გაგრძელდება:,,დემოკრატიის სკოლა არ დაიხურება, უბრალოდ ცოტა ხანს არ გვექნება მიღება. ამ საკითხზე ჯერჯერობით მოლაპარაკება მიმდინარეობს. სკოლა დრეობით წყვეტს მსმენელების მიღება, თუმცა სხვა პროექტები გრძელდება. სკოლის კურსდამთავრებულები მცირე გრანტების პროგრამებში იღებენ მონაწილეობას, - განაცხადა ნიკა შარვაშიძემ.შეგახსენებთ, დემოკრატიის სკოლა NIMD-ის სამი ძირითადი პროგრამული მიმართულებიდან ერთ–ერთია. იგი მოიცავს NIMD-ის მიერ მსოფლიოს სხვადასხვა ქვეყნებში წლების მანძილზე აპრობირებულ მეთოდებსა და ამავე დროს ადაპტირებულია ქართულ რეალობასთან. 

სამცხე–ჯავახეთი. სამოქალაქო განათლებისა და პედაგოგთა გადამზადების პროგრამის პროექტის ფარგლებში ახალქალაქის მუნიციპალიტეტის სოფელ არაგვას საჯარო სკოლაში წლიური სამოქმედო გეგმის მიხედვით ჩატარდა ტრენინგი თემაზე   „ჩვენი ჯანმრთელობა ჩვენს ხელშია" ტრენინგს ამავე სკოლის  სამოქალაქო განათლების პედაგოგი უძღვებოდა, რომელიც სამოქალაქო კლუბის წევრებსა და სკოლის პედაგოგებს ესაუბრა ცხოვრების ჯანსაღი წესის შენარჩუნებაზე; სიგარეტის, ნარკომანიის და ალკოჰოლის მავნებლობაზე. თემასთან დაკავშირებით ტრენინგზე შეასრულეს  სხვადასხვა სავარჯიშოები. დასასრულს სამოქალაქო კლუბის წევრებმა ისაუბრეს ჩატარებული ტრენინგის მნიშვნელობაზე და მიღებული ცოდნის სამომავლოდ პრაქტიკაში გამოყენებაზე.

კახეთი. გურჯაანის მუნიციპალიტეტის კულტურის ცენტირ მანეჟში ინტელექტუალური თამაშის „რა,სად,როდის" ფინალი გაიმართა. ფინალში გურჯაანის 6 საჯარო სკოლის გუნდი მონაწილეობდა. რამდენიმესაათიანი თამაშის შემდეგ საბოლოო გამარჯვება სოფელ ველისციხის ნაკრებ –ს ერგო, რომელსაც სპეციალური პრიზი – მინის ბუ გადაეცა. სიგელები და ფასიანი საჩუქრები გადაეცა მეორე და მესამე ადგილზე გასულ გუნდებსაც. ხოლო საუკეთესო მოაზროვნე გოგო და ბიჭი ბიზნესმენ მანიკა გეთიაშვილმა ციფრული ალბომებით დააჯილდოვა. „ძალიან მნიშვნელოვანია მსგავსი სახის ღონისძიებების ჩატარება, რადგან ეს ხელს უწყობს ახალგაზრდების გონებივ განვითარებას. ინტელექტუალური თამაშები ყოველ წელს უნდა ტარდებოდეს და მეტი ახალგაზრდა უნდ ამონაწილეობდეს",– განაცხადა თამაშის მონაწილე შალვა თანდილაშვილმა. 

კახეთი. დღეს, თელავის დემოკრატიული ჩართულობის ცენტრში საქართველოს პედაგოგთა და მეცნიერთა თავისუფალი პროფკავშირების მიერ ორგანიზებული სემინარი გაიმართა, რომელიც გლობალური ინიციატივის, ,,მასწავლებლები-ადამიანის უფლებების კულტურის ამაღლებისთვის’’ პროექტის ფარგლებში ჩატარდა. შეხვედრას საჯარო სკოლების, არასამთავრობო ორგანიზაციებისა და მედიის წარმომადგენლები ესწრებოდნენ. ტრენინგი სამ ძირითად ამოცანას ითვალისწინებდა: სამოქალაქო და ადამიანების უფლებების დაცვის კუთხით მასწავლებელთა უნარების გაზრდა, მასწავლებელთა პროფკავშირების შესაძლებლობების განვითარების ხელშეწყობა ადამიანის/ დასაქმებულთა უფლებების უკეთ დაცვა, მასწავლებელთა პროფკავშირებისა და საზოგადოებრივ ორგანიზაციებს შორის თანამშრომლობას ადამიანის ფუნდამენტალური უფლებების დაცვის კამპანიას: ,,ძალიან მნიშვნელოვანია საკუთარი აზრის დაფიქსირება და ურთიერთგაცვლა, ასევე ცოდნა რისი უფლება აქვს დასაქმებულს და რისი არა,’’- განაცხადა პედაგოგთა და მეცნიერთა თავისუფალი პროფკავშირის პრეზიდენტმა მაია კობახიძემ.

სამეგრელო. საქართველოს ახალგაზრდული პარლამენტმა ‎11 მარტს ზუგდიდში არსებულ შოთა მესხიას სახელობის უნივერსიტეტში 2013 წლის მოწვევის საქართველოს ახალგაზრდული პარლამენტის პრეზენტაცია ჩაატარა. დამსწრე სტუდენტებმა მიიღეს ინფორმაცია პარლამენტის შერჩევის პროცედურებისა და პროექტის არსის შესახებ. 2013 წლის მოწვევის ახალგაზრდა პარლამენტართა 40%  საქართველოს რეგიონებიდან იქნება წარმოდგენილი. წყარო:ორგანიზაციის გვერდი სოციალურ ქსელში

იმერეთი. სამოქალაქო განათლებისა და პედაგოგთა გადამზადების პროგრამის ფარგლებში 6 მარტს ჭიათურის 4 საჯარო სკოლაში პროექტის – „სკოლის ეზო–სარგებელი სკოლას" – პრეზენტაცია მოეწყო. მცირე საგრანტო კონკურსში გამარჯვებული პროექტის მიზანია სკოლის ეზოში არსებული საფრთხეების თავიდან აცილება, კერძოდ სკოლის ეზოს შემოღობვა და დაჭაობებული ადგილის სკოლის სასარგებლოდ გამოყენება (სათბურის აშენება). პრეზენტაციას სკოლის მოსწავლეები და მასწავლებლები ესწრებოდნენ.  წყარო:ორგანიზაციის გვერდი სოციალურ ქსელში

მცხეთა–მთიანეთი. ცენტრ „აფხაზეთმა" 5-7 მარტს წილკანის დევნილთა დასახლებაში მცხოვრებ მოსახლეობას ტრენინგი  ჩაუტარა თემაზე: „მობინადრეთა ამხანაგობების შექმნა და განვითარება".ტრენინგები ცენტრის მიმდინარე პროექტის „ამხანაგობების შექმნა და განვითარება" ფარგლებში ხორციელდება, რომელიც დაფინანსებულია USAID-ის „ახალი ეკონომიკური შესაძლებლობების ინიციატივა" პროგრამის მიერ. წყარო:ორგანიზაციის გვერდი სოციალურ ქსელში.

თბილისი. საერთაშორისო გამჭვირვალობა საქართველომ სოციალური ქსელის მეშვეობით საერთაშორისო ორგანიზაციების შესახებ ვიდეორგოლი გაავრცელა. ექვსწუთიან ვიდეოში თავმოყრილია ძირითადი ინფორმაცია ნატოს, ევროკავშირის, ევროსაბჭოსა და გაეროს შესახებ. ანიმაცია მომზადდა „საერთაშორისო გამჭვირვალობა – საქართველოს" სამოქალაქო განათლების ამაღლების კამპანიის ფარგლებში. წყარო: ორგანიზაციის გვერდი სოციალურ ქსელში  

თბილისი. ჰაინრიჰ ბიოლის ფონდის პუბლიკაციების შეძენა წიგნის მაღაზიებში მალე შესაძლებელი იქნება. მოიკითხეთ ბიბლუსის ქსელის თბილისის, ბათუმის, ქუთაისის, თელავის რუსთავისა და ზუგდიდის მაღაზიებში, წიგნის სახლში თბილისსა და ბათუმში, ლიგამუსში, პარნასში, დიოგენესა და პროსპეროში. წყარო:ორგანიზაციის გვერდი სოციალურ ქსელში

იმერეთი. 4 მარტს სამოქალაქო განათლებისა და პედაგოგთა გადამზადების პროგრამის ფარგლებში თერჯოლის რაიონის სოფელ ჩხარის საჯარო სკოლაში პროექტის „ფიზიკური გარემო – ჩემი მასწავლებელია" პრეზენტაცია მოეწყო. პროექტის მიზანია, მოზარდებში ეკოლოგიური განათლების და უნარ-ჩვევების განვითარება. ეკოლოგიური პრობლემების მოგვარება და ეკო გარემოს შექმნა, მოზარდებში ეკოლოგიური თვითშეგნების ამაღლება. პროგრამა ხორციელდება PH-international-ის მიერ USAID-ის ფინანსური მხარდაჭერით.  წყარო: ორგანიზაციის გვერდი სოციალურ ქსელში

თბილისი. კონსალტინგისა და მარკეტინგის კომპანია „ექსპერტომ" და „საქართველოს წიგნის გამომცემელთა და გამავრცელებელმა ასოციაციამ" კვლევის პრეზენტაცია გამართა. პროექტის „წიგნის პლატფორმა" ფარგლებში ჩატარებული კვლევის თემაა წიგნიერება და მკითხველთა ჩვევები საქართველოში.  კვლევა კვლევა (ინგლისური)  წყარო:bookplatform.org

თბილისი. „ქართული ენის ელექტრონული სწავლების კურსი" თსუ არნოლდ ჩიქობავას სახელობის ენათმეცნიერების ინსტიტუტის  ვებგვერდზე განთავსდა. უფასო ელექტრონული კურსი ეთნიკური უმცირესობების წარმომადგენლებს სთავაზობს ქართული ენის შესწავლას ელექტრონულად და საშუალებას აძლევს კომპიუტერის ნებისმიერ მომხმარებელს, ეტაპობრივად, საფუძვლიანად შეისწავლოს ქართული ენა. კურსი ენის ფლობის დონეთა ევროპული სტანდარტის მიხედვითაა აგებული.  პროექტის პრეზენტაცია 6 მარტს, 16:00 საათზე ფონდ „ღია საზოგადოება საქართველოს" ოფისში გაიმართება. ქართული ენის ელექტრონული სწავლების კურსი წყარო:osgf.ge

სამეგრელო. ზუგდიდის ახალგაზრდულმა ცენტრმა პროექტის – „ეროვნული ინტეგრაციის გაძლიერება საქართველოში" – ფარგლებში განათლების კვირეული ჩაატარა. რომლის ფარგლებში ცენტრის წევრებმა მათ მიერ შეგროვებული ქართულენოვანი და უცხოენოვანი წიგნები აფხაზეთის #12 საჯარო სკოლის ბიბლიოთეკასა და ფოცხოში არსებულ არასამთავრობო ორგანიზაცია „საუნჯესთან" არსებულ ბიბლიოთეკას გადასცეს.  წყარო:ორგანიზაციის გვერდი სოციალურ ქსელში