თბილისი. საერთაშორისო გამჭვირვალობა - საქართველოს კვლევის მიხედვით, მუნიციპალიტეტების მიერ 2020 წელს განხორციელებული სახელმწიფო შესყიდვების კვლევის შედეგად, დგინდება, რომ:  „სახელმწიფო შესყიდვების შედეგად 15-მა ადგილობრივმა ტელევიზიამ ჯამში 686 ათას ლარზე მეტი მიიღო. 63 მუნიციპალიტეტიდან სამაუწყებლო მომსახურების შესყიდვა 18-მა განახორციელა, კერძოდ, ჩატარდა 14 ტენდერი და 4 გამარტივებული შესყიდვა. ყველაზე მსხვილი შესყიდვები რუსთავის, მარნეულის, გურჯაანის, ქუთაისის და ნინოწმინდის მუნიციპალიტეტებმა განახორციელეს“... სრულად... წყარო: transparency.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს ბლოგპოსტს: პოლიტიკური რეკლამები Facebook-სა და Instagram-ზე 2021 წლის არჩევნების პერიოდში. „Facebook-ის რეკლამების ბიბლიოთეკის მიხედვით, 2021 წლის ადგილობრივი თვითმმართველობის არჩევნებისთვის 9 აგვისტოდან 6 ნოემბრის ჩათვლით პერიოდში ფეისბუქსა და ინსტაგრამზე არჩევნებში მონაწილე პოლიტიკური პარტიებისა და მათი წარმომადგენლების/კანდიდატების მიერ 8 126 პოლიტიკური რეკლამა განთავსდა, რაზეც არანაკლებ 524 602 და არაუმეტეს 536 086 აშშ დოლარი დაიხარჯა“. სრულად... წყარო: isfed.ge

თბილისი. საქართველოს ახალგაზრდა იურისტთა ასოციაცია (საია) მიიჩნევს, რომ ლექსო ლაშქარავას საქმეზე ექსპერტიზის პროცესში საერთაშორისო ექსპერტების ჩაურთველობა, ასევე, არაპროპორციული მოცულობით ექსპერტიზის დასკვნის გავრცელება, ამცირებს გამოძიების პროცესის მიმართ ნდობას. „საია ლექსო ლაშქარავას ოჯახთან შეთანხმებით, გააგრძელებს მიმდინარე გამოძიებების პროცესში ოჯახის უფლებების დაცვას. ორგანიზაციის ადვოკატი მიმართავს საგამოძიებო უწყებას ექსპერტიზის დასკვნის გადმოცემის თაობაზე, ხოლო დამატებით ინფორმაციას საზოგადოებას სწორედ აღნიშნული დოკუმენტის სრულყოფილად გაცნობის შედეგად გავაცნობთ“, ნათქვამია ორგანიზაციის განცხადებაში. სრულად... წყარო: gyla.ge

თბილისი. კოალიცია მედიის ადვოკატირებისთვის საზოგადოებრივი მაუწყებლის ჟურნალისტის ქეთი თუთბერიძის მიმართ მუქარის შემცველი განცხადებების და შევიწროების ფაქტებს ეხმაურება. „24 დეკემბრის აქციაზე გავრცელებული კადრებიდან, ჩანს, რომ აქციის მონაწილეებმა ჟურნალისტი ალყაში მოაქციეს და სიტყვიერი შეურაცხყოფა მიაყენეს. მოგვიანებით ჟურნალისტის მიმართ აგრესია სოციალურ ქსელშიც გაგრძელდა, რაც ქეთი თუთბერიძის მიმართ ძალადობის წახალისებას უწყობს ხელს. კოალიციის წევრები შინაგან საქმეთა სამინისტროს ქეთი თუთბერიძის მიმართ მუქარის შემცველი განცხადებების და შევიწროების ფაქტების დაუყოვნებლივ შესწავლისა და სათანადო სამართლებრივი რეაგირებისკენ მოუწოდებენ“. სრულად... წყარო: კოალიციის გვერდი სოციალურ ქსელში

თბილისი. ევროპის ფონდმა საუკეთესო ჟურნალისტური გამოძიებისათვის ჯილდო გადასცა სტუდია მონიტორის ჟურნალისტს, თამარ გელაშვილს სიუჟეტისთვის „წყალწაღებული ქვეყანა“. სრულად... წყარო: epfound.ge

თბილისი. მედიის განვითარების ფონდის მედიაწიგნიერების პროგრამის შემაჯამებელი ღონისძიება 2021 წელს სკოლებში მედიაწიგნიერების პოპულარიზაციისთვის პედაგოგების დააჯილდოების ცერემონიით დასრულდა. სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოებამ (ISFED) 2021 წლის სოციალური მედიის მონიტორინგის საბოლოო ანგარიში წარადგინა. „2018 წლიდან სამართლიანი არჩევნებისა და დემოკრატიის საერთაშორისო საზოგადოება სოციალური მედიის ღია წყაროების გამოყენებით, ცდილობს კოორდინირებული საინფორმაციო კამპანიების იდენტიფიცირებას, მანიპულაციური ტაქტიკებისა და სტრატეგიების მხილებას, ამომრჩეველთა ინფორმირების გზით დეზინფორმაციის წინააღმდეგ მედეგობის გაზრდას და საქართველოში ყველაზე პოპულარული პლატფორმის - ფეისბუქის ინფორმირებას ძირითადი მიგნებების შესახებ“. სრულად... წყარო: isfed.ge

თბილისი. მედიის განვითარების ფონდმა (MDF) ყოველწლიური ანგარიში „სიძულვილის ენა 2020” გამოაქვეყნა. „კვლევის მიზანია მედიასა და საჯარო დისკურსში სიძულვილის ენის სხვადასხვა ფორმებისა და მათი წყაროების იდენტიფიცირება“. სრულად... წყარო: mdfgeorgia.ge

თბილისი. მითების დეტექტორის ინფორმაციით, 20 დეკემბერს, ფეისბუქ გვერდმა „სარკრაზმელები“ ქუჩაში დადგმული საახალწლო განათების ფოტო შემდეგი წარწერით გამოაქვეყნა: „წალენჯიხის მუნიციპალიტეტში დროს გაუსწრეს.” განათებაში 2022-ის ნაცვლად შეცდომით 2202-ია გამოსახული. „ფოტოს აღწერა ყალბია, რეალურად ფოტო არა წალენჯიხაში, არამედ მონტენეგროს ქალაქ ულცინშია გადაღებული“. სრულად... წყარო: mythdetector.ge

თბილისი. ადამიანის უფლებათა ცენტრმა გამოაქვეყნა ანალიტიკური დოკუმენტი: „ჟურნალისტისათვის პროფესიულ საქმიანობაში უკანონოდ ხელის შეშლა, შერჩევითი სამართალი“. „საქართველოში, ბოლო წლებში, სულ უფრო მზარდია რეპრესიებისა და მედიის თავისუფლების დარღვევის ფაქტები, რამაც უკვე მიიღო შემაშფოთებელი ხასიათი. მედიის კონტროლის სხვადასხვა სახის მცდელობები, ზეწოლის სხვადასხვა ფორმების გამოყენება და ჟურნალისტთა პროფესიული საქმიანობის ხელშეშლის, მათზე ფიზიკური თუ სიტყვიერი თავდასხმის ფაქტების სულ უფრო მზარდი ტენდენცია მნიშვნელოვნად აზარალებს ქვეყანაში ადამიანის უფლებათა დაცვის სტანდარტს და იძლევა მწვავე სიგნალს ქვეყანაში დემოკრატიული ღირებულებების შესუსტებისა და ადამიანის უფლებათა დაცვის სტანდარტის შესუსტების მიმართულებით“. სრულად... წყარო: www.hrc.ge

თბილისი. თბილისის ადამიანის უფლებათა სახლი, 9 დეკემბერს, უფლებადამცველთა საერთაშორისო დღის აღსანიშნავ ღონისძიებაზე, „ლექსოს პრემიის“ გამარჯვებულებს გამოავლენს. „მედიის სფეროში მომუშავე პროფესიონალები, განსაკუთრებით კი ჟურნალისტები, პროფესიული საქმიანობის განხორციელებისას, ხშირად ადამიანის უფლებებს იცავენ. ადამიანის უფლებათა სახლმა „ლექსოს პრემია მედია პროფესიონალებისთვის“, საქართველოში უფლებადამცველი მედიის მხარდაჭერის, შენარჩუნების და მისი შემდგომი განვითარების მიზნით დააწესა“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI)აქვეყნებს სტატიას „ონლაინ ინფორმაციული მანიპულირება: გამოცდილება, გამოწვევები და საერთაშორისო პრაქტიკის მაგალითები“. „თანამედროვე ონლაინ სივრცეში ინფორმაციული ტალღებისა და მათი მზარდი მანიპულირების ფონზე, ფაქტებსა და გარემოებების შესახებ შეთანხმება ერთ-ერთი ძირითადი გამოწვევაა. საერთაშორისო პრაქტიკა აჩვენებს, რომ სახელმწიფოს როლი არა მხოლოდ რეგულაციების შემუშავებით შემოისაზღვრება, არამედ მოიცავს, სამოქალაქო სექტორთან დიალოგში, ეროვნულ სასწავლო პროგრამაში მედია წიგნიერების შეტანასა და სახელმწიფო სტრუქტურებში არსებული სტრატკომების გაძლიერებას“. სრულად... წყარო: idfi.ge

თბილისი. კოალიცია „მედიის ადვოკატირებისთვის“ ტელეკომპანია „კავკასიას“ ოპერატორის დაზიანების ფაქტს ეხმიანება. 29 ნოემბერს, თბილისის საქალაქო სასამართლოსთან მიმდინარე აქციის გაშუქებისას ტელეკომპანია „კავკასიას“ ოპერატორმა გონება დაკარგა, მისი თქმით, სავარაუდოდ, მას თვალებში წიწაკის სპრეი შეასხეს. „სამწუხაროდ, შინაგან საქმეთა სამინისტოს წარმომადგენლებმა დაკისრებული ფუნქციის შესრულებას თავი სათანადოდ ამჯერზეც ვერ გაართვეს და დღემდე პრობლემად რჩება პოლიციის მხრიდან აქციების გაშუქებისას მედიის უსაფრთხოების უზრუნველყოფა. კოალიცია „მედიის ადვოკატირებისთვის” მოუწოდებს შინაგან საქმეთა სამინისტროს გაითვალისწინოს პროცესისადმი მაღალი საჯარო ინტერესი და უზრუნველყოს მედიის წარმომადგენლებისთვის სათანადო პირობები, რათა მათ თავისუფლად, ჯანმრთელობის დაზიანებისა და უფლებების დარღვევის გარეშე, შეძლონ პროფესიული მოვალეობის შესრულება“. სრულად... წყარო: ორგანიზაციის გვერდი სოციალურ ქსელში ფოტო: ნეტგაზეთი

თბილისი. კოალიცია „მედიის ადვოკატირებისთვის“ წევრი ორგანიზაციები საგანგაშოდ მიიჩნევენ კრიტიკული სარედაქციო პოლიტიკის მქონე მაუწყებლის „მთავარი არხის” და მისი წარმომადგენლების მიმართ წარმოებულ საქმეებს. „სანქცირების ტენდენცია კი გვაფიქრებინებს, რომ კომუნიკაციების კომისია მაუწყებლის შეჩერებას და კრიტიკული სარედაქციო პოლიტიკის შეცვლას ისახავს მიზნად. სამწუხაროდ, კომუნიკაციების კომისია აგრძელებს სადავო პრაქტიკას მაუწყებლის შინაარსის რეგულირებასთან დაკავშირებით, როგორც ეს უხამსობის საბაბით მაუწყებელთა სანქცირებისას გამოვლინდა. ამასთან, კომისია ახალი გადაწყვეტილებით ცდილობს სამოქალაქო აქტივისტებს შეუზღუდოს შესაძლებლობა გააკრიტიკონ ხელისუფლება და ჰქონდეთ მმართველი პარტიისაგან განსხვავებული მოსაზრებების მედიის მეშვეობით გავრცელების შანსი“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ორგანიზაცია და საქართველოს ჟურნალისტური ეთიკის ქარტია ქალთა უფლებებისა და გენდერული თანასწორობის ეთიკური გაშუქების გასაძლიერებლად თანამშრომლობას იწყებენ. მემორანდუმს უკვე მოაწერა ხელი გაეროს ქალთა ორგანიზაციის წარმომადგენელმა საქართველოში, კაორი იშიკავამ და საქართველოს ჟურნალისტური ეთიკის ქარტიის დირექტორმა, მარიამ გოგოსაშვილმა მოაწერეს. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა-საქართველომ“ სარეკლამო ბაზარზე 2020 წელს არსებული მდგომარეობა და ძირითადი ტენდენციები შეისწავლა. კვლევაში მიმოხილულია, თუ როგორ აისახა „კოვიდ 19-ის“ გავრცელების შეკავების მიზნით დაწესებული შეზღუდვები და საპარლამენტო არჩევნების დროს პოლიტიკური პარტიების მიერ რეკლამისთვის დახარჯული თანხები სარეკლამო ბაზარზე. ერთ-ერთი მიგნების თანახმად: 2020 წელს, 2019 წელთან შედარებით, სატელევიზიო სარეკლამო ბაზარი 7.7 მლნ ლარით (11%) გაიზარდა და 75.2 მლნ ლარი შეადგინა. ზრდა ძირითადად საპარლამენტო არჩევნების დროს პოლიტიკური პარტიების მიერ სატელევიზიო რეკლამაში დახარჯულმა თანხამ გამოიწვია. სრულად... წყარო: transparency.ge

თბილისი. კოალიცია „მედიის ადვოკატირებისთვის” მოუწოდებს იუსტიციის სამინისტროს შეწყვიტოს ჟურნალისტთა დისკრიმინაცია. „2021 წლის 11 ნოემბერს საქართველოს იუსტიციის მინისტრის მიერ დაგეგმილ ბრიფინგზე ხელისუფლების მიმართ კრიტიკულად განწყობილი მედიის წარმომადგენლები არ მიიწვიეს და დასწრება მხოლოდ მედიის ნაწილისთვის იყო შესაძლებელი. მიგვაჩნია, რომ მსგავსი დისკრიმინაციული მიდგომა ლახავს მედიის წარმომადგენლების უფლებას შეასრულონ პროფესიული მოვალეობა, მიიღონ და გაავრცელონ ინფორმაცია მნიშვნელოვან საკითხებზე. ამასთან, საზოგადოებას ეზღუდება შესაძლებლობა სხვადასხვა წყაროებზე დაყრდნობით თვალი ადევნოს მიმდინარე პროცესებს“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო და სამართლიანი არჩევნები მოუწოდებს პროკურატურას, გამოიძიონ სხვადასხვა მედია საშუალებების მიერ მომზადებული, მტკიცებულებებით გამყარებული რეპორტაჟები, რომლებიც ამხელენ პოლიტიკური და საარჩევნო კორუფციის ყოვლისმომცველ სისტემას. „რეპორტაჟებში მოთხრობილია საჯარო სკოლების დირექტორების პოლიტიკური ნიშნით შრომითი ურთიერთობების დასრულების ან გაგრძელების, ასევე, საარჩევნოდ ხმების სანაცვლოდ კონკრეტული პირებისთვის პირობითი მსჯავრის მოხსნის, საგადასახადო დავალიანების ჩამოწერისა და სხვა სარგებლის მიცემის სავარაუდო ფაქტების შესახებ”. ორგანიზაცია სთხოვს ყველა მედიასაშუალებას, მიაწოდონ აღნიშნული მასალები, რომ სრულყოფილად გაანალიზდეს რეპორტაჟებში აღწერილი სავარაუდო დანაშაულებები. სრულად... წყარო: transparency.ge

თბილისი. გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია „საფარის“ პარტნიორობით, თბილისში, ქართულ-სომხურენოვანი საინფორმაციო პლატფორმა „განძის” პრეზენტაცია გაიმართა. „პლატფორმის მიზანია საქართველოში მცხოვრები, ეთნიკურად სომეხი მოსახლეობისთვის ინფორმაციის მიტანა და მათი ცნობიერების ამაღლება. ეს ინფორმაცია შეიძლება ეხებოდეს ადამიანთა უფლებებს, უფლებების დაცვას, ადრეულ ქორწინებას, ოჯახში ძალადობას, გენდერულ თანასწორობას, ქალთა უფლებების დისკრემინაციას, მათზე ძალადობის ფაქტების შემცირებისთვის გზების პოვნას, რეპროდუქციულ ჯანმრთელობას და ა.შ.“ სრულად... წყარო: sapari.ge

თბილისი. საქართველოს დემოკრატიული ინიციატივა (GDI) აქვეყნებს ანალიზს, კომუნიკაციების ეროვნული კომისიის მიერ ბავშვთა უფლებების დაცვის საკითხზე მიღებული გადაწყვეტილებების შესახებ. ორგანიზაციამ შეისწავლა არასრულწლოვანთათვის შეუფერებელ პროგრამებთან დაკავშირებით მიღებული გადაწყვეტილებები და თვლის, რომ კომისიას უჭირს კონკრეტული სტანდარტების ჩამოყალიბება კანონით გათვალისწინებულ ზოგად და, რიგ შემთხვევაში, ბუნდოვან ცნებებთან დაკავშირებით. სრულად... წყარო: gdi.ge

თბილისი. სამართლიანმა არჩევნებმა სოციალური მედიის მონიტორინგის მეოთხე შუალედური ანგარიში წარადგინა. „მასში აღწერილია არჩევნებში მონაწილე პოლიტიკური პარტიებისა და მუნიციპალიტეტების მერობის ფეისბუქგვერდების აქტივობა, ასევე პოლიტიკური და საარჩევნო მიზნით მოქმედ ანონიმურ და ღია ფეისბუქგვერდებზე დაკვირვების შედეგები და სხვა მნიშვნელოვანი ტენდენციები“. სრულად... წყარო: isfed.ge

თბილისი. თუ ხართ ჟურნალისტი და ეკონომიკისა და ბიზნესის საკითხებს აშუქებთ, შეგიძლიათ მონაწილეობა მიიღოთ ეკონომიკის, ახალი მედიისა და მონაცემებზე დაფუძნებული ჟურნალისტიკის ტრენინგში, რომელიც USAID-ის მიერ არის დაფინანსებული. სრულად... რეგისტრაცია... წყარო: ორგანიზაციის გვერდი სოციალურ ქსელში