თბილისი. კოალიცია მედიის ადვოკატირებისთვის წევრი ორგანიზაციები მოუწოდებენ საქართველოს მთავრობას გააკეთოს განმარტებები საქართველოში უკრაინელი ჟურნალისტების არ შემოშვებასთან დაკავშირებით. „2021 წლის 27 ოქტომბერს გავრცელებული ინფორმაციის თანახმად, უკრაინელი ჟურნალისტი, დიმიტრი გორდონი და მისი მეუღლე, რედაქტორი ალისია ბაცმანი საქართველოში არ შემოუშვეს. დიმიტრი გორდონი საქართველოში შემოსვლის აკრძალვას ამჟამად პატიმრობაში მყოფ საქართველოს ყოფილ პრეზიდენტ, მიხეილ სააკაშვილთან შეხვედრის განზრახვას უკავშირებს“. სრულად... წყარო: კოალიციის გვერდი სოციალურ ქსელში

თბილისი. PHR-მა რეგიონალური მედიის წარმომადგენლებისთვის შეზღუდული შესაძლებლობის მქონე ქალთა უფლებებზე და მათი საჭიროებების გაშუქების ფორმებზე სამუშაო შეხვედრები ჩაატარა.  „შეხვედრაზე ჟურნალისტები გაეცნენ შეზღუდული შესაძლებლობის მქონე ქალთა უფლებებზე საერთაშორისო პრაქტიკებს, ასევე ადგილობრივ მიმდინარე და დასრულებულ საქმეებს, დეტალურად განიხილეს მედიაში გასული სიუჟეტები შშმ პირთა უფლებებზე და შემოგვთავაზეს საკუთარი ხედვა ამ საკითხების გაშუქებასთან დაკავშირებით“. სრულად... წყარო: phr.ge

თბილისი. კოალიცია მედიის ადვოკატირებისთვის მოუწოდებს საქართველოს პარლამენტს, მხარი არ დაუჭიროს კანონპროექტს „მაუწყებლობის შესახებ“ საქართველოს კანონში ცვლილების შეტანის თაობაზე“ და დაუყოვნებლივ გაიწვიოს სადავო დოკუმენტი. „წარმოდგენილი ცვლილებები არ ემსახურება ქვეყანაში საარჩევნო გარემოს გაუმჯობესებას და პოლარიზაციის შემცირებას, აგრეთვე, ის ზღუდავს პოლიტიკური გამოხატვისა და მედიის თავისუფლებას და საფრთხეს უქმნის ქვეყნის დემოკრატიულ განვითარებას“, ნათქვამია განცხადებაში. სრულად... წყარო: gyla.ge

თბილისი. თბილისის ადამიანის უფლებათა სახლი გარდაცვლილი ოპერატორის, ლექსო ლაშქარავას სახელობის პრემიას აწესებს და კონკურსში მონაწილეობის მისაღებად იწვევს 18+ ასაკის ჟურნალისტებს, ოპერატორებსა და სხვა მედია პროფესიონალებს. საკონკურსო აპლიკაციები მიიღება შემდეგი მიმართულებებით: უფლებადაცვითი ვიდეო-რეპორტაჟი; უფლებადაცვითი სტატია; თითოეული კატეგორიისთვის საპრიზო ჯილდო 2000 ლარია. სრულად... წყარო: ორგანიზაციის გვერდი სოციალურ ქსელში ფოტო: on.ge

თბილისი. ინფორმაციის თავისუფლების განვითარების ინსტიტუტმა (IDFI) მონიტორინგისა და მონაცემების მოძიების მეთოდების შესახებ საგამოძიებო ჟურნალისტებისთვის ტრენინგი გამართა.  „ტრენინგის მონაწილეებს საშუალება ჰქონდათ ბენეფიციარ მესაკუთრეთა გამჭვირვალობის კონტექსტში აქტუალურ საკითხებზე ამომწურავი ინფორმაცია მიეღოთ, ასევე, მონაცემთა/გამომძიებელი ჟურნალისტებისა და სამოქალაქო მონიტორინგის ჯგუფებისთვის განკუთვნილ საერთაშორისო პლატფორმებს გაცნობოდნენ“. სრულად... წყარო: idfi.ge

თბილისი. საქართველოს დემოკრატიული ინიციატივა (GDI) იცავს ჟურნალისტების: ქეთი ნადიბაიძის, მარტა ქურასბედიანის, მარიამ გეგუჩაძის, ნოდარ რუხაძის, თათუშა არველაძის, ნანუკა ბრეგაძისა და პარლამენტის წევრი, თინა ბოკუჩავას ინტერესებს. „ჟურნალისტებმა და პარლამენტის წევრმა გავრცელებულ მასალაში აღმოაჩინეს ინფორმაცია თავიანთი საუბრების უკანონო მიყურადების შესახებ. მათ უშუალო ზიანი მიადგათ დანაშაულის შედეგად, შეილახა მათი კერძო კომუნიკაციის ხელშეუხებლობის უფლება. 2021 წლის 30 სექტემბერს GDI-მ მიმართა სახელმწიფო ინსპექტორს და დაცვის ქვეშ მყოფი პირების საუბრების მოსმენა/მიყურადების კანონიერების გადამოწმება მოითხოვა. სახელმწიფო ინსპექტორი ადასტურებს, რომ სუსი-ის ფაილებში არსებული 6 ჟურნალისტისა და პარლამენტის წევრის ფარულ მოსმენა/მიყურადებას მისი მეთვალყურეობის ფარგლებში ადგილი არ ჰქონია შესაბამისად, სახელმწიფო ინსპექტორმა GDI-ს განცხადება გადააგზავნა თბილისის პროკურატურაში რეაგირებისთვის. აღნიშნული გარემოება კიდევ უფრო ამყარებს ეჭვს, რომ GDI-ს დაცვის ქვეშ მყოფი პირების მიმართ განხორციელებული მოსმენა/მიყურადება კანონიერი არ ყოფილა. პარალელურად, პროკურატურა უკანონო მოსმენა/მიყურადების მსხვერპლებს დაზარალებულის სტატუსს არ ანიჭებს“, ნათქვამია ორგანიზაციის განცხადებაში. სრულად... წყარო: www.gdi.ge

თბილისი. ევროპის ფონდმა გადაწყვიტა, რომ ქართველი გამომძიებელი ჟურნალისტების მხარდაჭერისა და წახალისებისათვის საგამოძიებო ჟურნალისტიკის ჯილდოს დააწესოს. „საგამოძიებო ჟურნალისტიკის ქართული კონკურსი მიზნად ისახავს, გამოავლინოს და დააჯილდოვოს ის ჟურნალისტები და მედია საშუალებები, რომლებმაც გამოააშკარავეს სიმართლე და ამავდროულად, ბიძგი მისცეს ფართო საზოგადოებრივ მობილიზაციას პასუხისმგებელი პირების ანგარიშვალდებულების მოთხოვნით ან მიაღწიეს სხვა ხელშესახებ ცვლილებას საქართველოს მოქალაქეთა საკეთილდღეოდ“. სრულად... წყარო: epfound.ge

თბილისი. „საერთაშორისო გამჭვირვალობა-საქართველო“ არჩევნების წინ მედიაგარემოს შეფასების ანგარიშს აქვეყნებს. მასში მოყვანილი კონკრეტული მაგალითები აღწერს იმ ძირითად ტენდენციებს და გამოწვევებს, რომლის წინაშეც დღეს ქართული მედია დგას. ანგარიშის თანახმად, „ჟურნალისტებისათვის პროფესიული საქმიანობის შესრულება სიცოცხლისა და ჯანმრთელობისათვის საშიში გახდა, განსაკუთრებით კი კრიტიკული მედიის წარმომადგენლებისათვის“... სრულად... წყარო: transparency.ge

თბილისი. საქართველოს ახალგაზრდა იურისტთა ასოციაციამ (საია) 5-6 ივლისს განვითარებული მოვლენების დროს შინაგან საქმეთა სამინისტროს ქმედებების გამოძიების მოთხოვნით გენერალურ პროკურატურას 9 დაზარალებული ჟურნალისტის სახელით განცხადებით მიმართა. „მიუხედავად იმისა, რომ საია ამ დრომდეც მოუწოდებდა პროკურატურას, შეეფასებინა, ძალადობრივი განვითარების თავიდან ასარიდებლად/აღსაკვეთად რამდენად ეფექტიანად იყო დაგეგმილი და აღსრულებული საპოლიციო ძალების მობილიზება, გამოძიება ამ მიმართულებით არ მიმდინარეობს. ამ დრომდე, საგამოძიებო ორგანო მხოლოდ ცალკეული ფიზიკური პირების დანაშაულებრივი ქმედებების გამოვლენაზე მუშაობს, რაც არასაკმარისია“. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, სამოქალაქო საზოგადოების და მედია ორგანიზაციებმა ჩამოაყალიბეს „კოალიცია ინფორმაციის სანდოობისთვის.” „კოალიციის მთავარი მიზანი საზოგადოებაში დეზინფორმაციისა და ანტიდასავლური პროპაგანდის მიმართ ცნობიერების ამაღლება და აღნიშნული საფრთხეების საპასუხოდ საერთო ეროვნული და საზოგადოებრივი მიდგომის ჩამოყალიბებაა. აღნიშნულს განსაკუთრებული მნიშვნელობა სწორედ არჩევნების დროს ენიჭება, როდესაც ამომრჩევლებმა ინფორმირებული არჩევანი უნდა გააკეთონ. კოალიცია ეფუძნება დემოკრატიულ ღირებულებებს, თავისუფლების, თანასწორობის, კეთილსინდისიერებისა და ანგარიშვალდებულების პრინციპებს“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. კოალიცია „მედიის ადვოკატირებისათვის“ პარტნიორი ორგანიზაციები მზად არიან სამართლებრივი დახმარება გაუწიონ მედიაორგანიზაციებს და ჟურნალისტებს, სავარაუდოდ სუს-იდან გაჟონილი ფაილების ე.წ. „კრებსების“ შესახებ დაწყებული გამოძიების ფარგლებში. გთხოვთ, დაუკავშირდით ქვემოთ ჩამოთვლილ ორგანიზაციებს ცხელი ხაზი ნომრებზე: კოალიცია მედიის ადვოკატირებისთვის/Media Advocacy Coalition 555 795 776 საქართველოს ახალგაზრდა იურისტთა ასოციაცია 2 30 72 36 საქართველოს დემოკრატიული ინიციატივა/Georgian Democracy Initiative 598 823 201 Rights Georgia/უფლებები საქართველო 577 222 361 555 21 66 21 Institute for Development of Freedom of Information 599 000 246 სრულად... წყარო: ორგანიზაციის გვერდი სოციალურ ქსელში

თბილისი. საქართველოში ადგილობრივი თვითმმართველობის ორგანოების არჩევნებთან დაკავშირებით, 2 და 3 ოქტომბერს არასამთავრობო ორგანიზაციების მედია ცენტრი იმუშავებს.  მედია ცენტრში, არჩევნებზე დამკვირვებელი არასამთავრობო ორგანიზაციები ჟურნალისტებს ინფორმაციას მიაწვდიან არჩევნების მიმდინარეობის შესახებ. ცენტრში ბრიფინგებს გამართავენ:  საქართველოს ახალგაზრდა იურისტთა ასოციაცია;  სამართლიანი არჩევნებისა და დემოკრატიის საერთაშორისო საზოგადოება;  საერთაშორისო გამჭვირვალობა – საქართველო;  მრავალეროვანი საქართველო; •ადამიანის უფლებათა ცენტრი. არასამთავრობო ორგანიზაციების მედია ცენტრი იმუშავებს სასტუმრო „რუმსში“ – თბილისი, მერაბ კოსტავას ქუჩა 14; დარბაზი Garden Hall.  მედია ცენტში დაიშვებიან მხოლოდ ორჯერ ვაქცინირებული პირები.  სრულად...   წყარო: osgf.ge

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, TV პირველის ჟურნალისტებმა ეკო მაღრაძემ, ვასილ დაბრუნდაშვილმა და ინა ცარციძემ ქარტიის პირველი (ინფორმაციის სიზუსტე) და მეხუთე (შესწორება) პრინციპები დაარღვიეს.  სადავო ჟურნალისტური პროდუქტი ტელეკომპანიის ეთერში 2021 წლის 21 აპრილს გავიდა.  სრულად...   წყარო: ორგანიზაციის ვებგვერდი

თბილისი. კოალიცია "მედიის ადვოკატირებისთვის" აქვეყნებს ანგარიშს, რომელიც 2021 წლის 5 და 6 ივლისს თბილისში მედიაზე მასშტაბური თავდასხმის მოვლენას სხვადასხვა ჭრილში აფასებს. ანგარიშში გაანალიზებულია მედიაზე ძალადობის წინაპირობები და სამართლებრივი ასპექტები. შეფასება ემყარება საჯარო და ღია წყაროებში არსებულ ინფორმაციას. ანგარიშის შინაარსზე კოალიციის წევრი ორგანიზაციები მუშაობდნენ. სრულად...  წყარო: qartia.ge

თბილისი. კოალიცია “მედიის ადვოკატირებისთვის” “მთავარი არხის” ოპერატორის ლევან აბლოთიას და ჟურნალისტის ბექა ყორშიას მიმართ გამოვლენილ ძალადობას გმობს.  „მიგვაჩნია, რომ 2021 წლის 15 სექტემბერს ქარელში მაუწყებლის გადამღები ჯგუფის შეზღუდვა და ოპერატორის დაზიანება ასევე მოიცავს ჟურნალისტურ საქმიანობაში უკანონოდ ხელის შეშლის ნიშნებს, რაც გამოძიების პროცესში გასათვალისწინებელი გარემოებაა. კოალიცია ქარელში მომხდარ შემთხვევას მმართველი პარტიის აგრესიული პოლიტიკის შედეგად მიიჩნევს“, - ნათქვამია კოალიციის მიერ გავრცელებულ განცხადებაში.  სრულად...  წყარო: qartia.ge

თბილისი. ჟურნალისტური ეთიკის ქარტია საჭიროდ მიიჩნევს კიდევ ერთხელ აღნიშნოს, რომ ადამიანის პირად ცხოვრებაში შეჭრა და მისი იდენტიფიცირება გამართლებულია მხოლოდ იმ შემთხვევაში, როდესაც მოპოვებული ინფორმაციის მიმართ არსებობს დადასტურებადი მაღალი საჯარო ინტერესი. საუბარია 2021 წლის 13 სექტემბერს, მედიაში გამოქვეყნებული ინფორმაციის შესახებ, რომლის მიხედვითაც ერთ-ერთ ღია ონლაინ-რესურსზე ხელმისაწვდომია სასულიერო პირების პირადი კომუნიკაციის, სავარაუდოდ, ფარულად და უკანონოდ გაკეთებული ჩანაწერები. ზოგიერთ მასალაში შესაძლებელია კონკრეტული სასულიერო პირების იდენტიფიცირება. სრულად...  წყარო: ორგანიზაციის ვებგვერდი

თბილისი. GDI საქართველოს უზენაესი სასამართლოსსისხლის სამართლის საქმეთა პალატის 2021 წლის 7 სექტემბრის გადაწყვეტილებას განცხადებით ეხმაურება. ამ გადაწყვეტილებით, პალატამ შეცვალა პირველი და მეორე ინსტანციის სასამართლოების მიერ დადგენილი განაჩენი და ტელეკომპანია “ფორმულას” მფლობელსა და თავდაცვის ყოფილ მინისტრს, დავით კეზერაშვილს 5 წლის ვადით თავისუფლების აღკვეთა მიუსაჯა.  „აღსანიშნავია, რომ საქმის საკასაციო წესით განმხილველ პალატას შალვა თადუმაძე თავმჯდომარეობდა, რომელიც აღნიშნული საქმის მეორე ინსტანციაში განხილვისას, ასევე, პროკურატურის მიერ საქმის საკასაციო სასამართლოში გასაჩივრების დროს გენერალური პროკურორის თანამდებობას იკავებდა. აღნიშნულ ფაქტს გამოეხმაურა და შესაძლო ინტერესთა კონფლიქტზე მიუთითა სახალხო დამცველმა. მისი თქმით, “თუ თადუმაძე იყო პროკურორი, როცა კეზერაშვილს ბრალი წარედგინა, მე არ ვიცნობ ამ საქმეს, თუმცა თუ ასეთი გარემოებები ჩანს, ვფიქრობ, რომ ეს არის ინტერესთა კონფლიქტი და გიგი უგულავას შემთხვევაშიც ვთქვი და თუ ასეთი გარემოებებია ამ საქმეშიც, ძალიან მაღალია ალბათობა, რომ თუ ეს საქმე წავა სტრასბურგის სასამართლოში, სასამართლომ დაადგინოს სამართლიანი სასამართლოს უფლების დარღვევა”, - წერია განცხადებაში.  სრულად...   წყარო: ორგანიზაციის ვებგვერდი

თბილისი. საქართველოს ჟურნალისტური ეთიკის ქარტია მიიჩნევს, რომ ბოლო პერიოდში ჟურნალისტებზე გახშირებულ თავდასხმებს ხელისუფლების აგრესიული რიტორიკა და სამართალდამცავი უწყებების მხრიდან არასათანადო რეაგირება განაპირობებს. „გავრცელებული ინფორმაციით, 2021 წლის 07 სექტემბერს სამუშაო პროცესის დროს ტელეკომპანია „პირველის” ოპერატორს მანქანა ფეხზე დააჯახეს. საფრთხის ქვეშ აღმოჩნდა ჟურნალისტიც”, - წერია ქარტიის მიერ გავცელებულ განცხადებაში, - „ჟურნალისტური ეთიკის ქარტია მოუწოდებს ხელისუფლებას, დაიცვას ჟურნალისტთა უსაფრთხოება და პროფესიული საქმიანობის შესრულებისას მედიას შეუქმნას შესაბამისი სამუშაო პირობები, რათა მოქალაქეებს ჰქონდეთ შესაძლებლობა, მიიღონ ინფორმაცია მიმდინარე პროცესებთან დაკავშირებით. ქარტია მოუწოდებს შსს-ს, სწრაფად და ეფექტიანად გამოიძიოს ჟურნალისტებზე თავდასხმის თითოეული ფაქტი“. სრულად...  წყარო: ორგანიზაციის ვებგვერდი

თბილისი. კოალიცია “მედის ადვოკატირებისთვის” კახი კალაძის განცხადებას ეხმიანება და პოლიტიკურ პარტიებს მემორანდუმს სთავაზობს.  კალაძის განცხადებით, ცნობილი გახდა, რომ მმართველი პარტიის მხრიდან დასახელებული თბილისის მერობის კანდიდატი აპირებს მონაწილეობა მიიღოს მხოლოდ საზოგადოებრივი მაუწყებლის მიერ დაგეგმილ სატელევიზიო დებატებში, ამასთანავე, რეგიონული ტელევიზიების ნაწილმა უკვე მიიღო უარი მმართველი პარტიის კანდიდატების მხრიდან პოლიტიკურ დებატებში მონაწილეობაზე.  საარჩევნო უფლების მიმართ მრავალმხრივი ვალდებულების შესრულების მიზნით, კოალიცია “მედიის ადვოკატირებისთვის” ადგილობრივი თვითმმართველობის არჩევნებში მონაწილე პოლიტიკურ პარტიებს და საარჩევნო სუბიექტებს სთავაზობს მემორანდუმის გაფორმებას, რომელზე ხელმოწერაც მოიცავს პასუხისმგებლობას, საარჩევნო პროცესები წარმართოს მშვიდობიან - არაძალადობრივ და არადისკრიმინაციულ გარემოში.  სრულად...   წყარო: isfed.ge

თბილისი. „სამართლიანი არჩევნებისა და დემოკრატიის საერთაშორისო საზოგადოებამ“ (ISFED), 2021 წლის ადგილობრივი თვითმმართველობის არჩევნებთან დაკავშირებით, სოციალური მედია გარემოს მიმოხილვა გამოაქვეყნა. ანგარიში მიმოიხილავს სოციალურ მედიაში ოფიციალური კამპანიის დაწყებამდე, 2 აგვისტომდე მიმდინარე ზოგად ტენდენციებს და წარმოადგენს რეკომენდაციებს დაინტერესებული მხარეებისთვის. სრულად...  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ წარმოადგენს ანგარიშს - „კრიტიკული ჟურნალისტების დევნა და შევიწროება აჭარის ტელევიზიაში“. „წინამდებარე ანგარიში, ძირითადად, 2019 წლის აპრილის თვიდან, მაუწყებლის იმჟამინდელი დირექტორის, ნათია კაპანაძის იმპიჩმენტის შემდეგ მაუწყებელში განვითარებულ მოვლენებს მოიცავს. კვლევაში მიმოვიხილავთ თუ როგორ დაიწყო და განვითარდა კრიზისი ტელევიზიაში. კერძოდ, საუბარია მმართველ პარტიასთან აფილირებული ხელმძღვანელობის მიერ უკანონოდ გათავისუფლებული ან შევიწროებული ათობით კრიტიკულად განწყობილი თანამშრომლის საქმეზე“, - აღნიშნულია დოკუმენტში. კვლევა ეყრდნობა მედიაში საჯაროდ გავრცელებულ ინფორმაციას, მრჩეველთა საბჭოს სხდომებს, მაუწყებლის კვარტალურ ანგარიშებს, მაუწყებლიდან გამოთხოვილ ინფორმაციასა და სხვა საჯარო წყაროებს. სრულად...  წყარო: ორგანიზაციის ვებგვერდი

თბილისი. „უფლებები საქართველო“ აქვეყნებს სახელმზღვანელოს: ადამიანის უფლებების და კრიზისის ჟურნალისტიკა: დამხმარე სახელმძღვანელო ტრენერებისთვის. „ტრენერების დამხმარე სახელმძღვანელო შეიცავს რეკომენდაციებს, ინფორმაციულ მასალებს, ვიდეოინსტრუქციებს და თემატური სავარჯიშოებს, და ქმნის უნიკალურ შესაძლებლობას ადამიანის უფლებების და კრიზისის ჟურნალისტიკით დაინტერესებული პირებისათვის, დამოუკიდებლად დაგეგმონ და ჩაატარონ ტრენინგი ან სხვა ფორმატის საინფორმაციო შეხვედრა. რაც შეეხება სატრენინგო მოდულს, მისი მიზნია, ერთი მხრივ, ხელი შეუწყოს დარგის სპეციალისტების პროფესიონალიზმის ზრდას და, მეორე მხრივ, საზოგადოებას მიეწოდოს ისეთი ინფორმაცია, რომლის მოძიების, დამუშავებისა და გავრცელების ეტაპებზე დაცული იქნება ადამიანის უფლებები, თუ კრიზისების გაშუქების სტანდარტები“, ნათქვამია ორგანიზაციის ვებგვერდზე. სრულად... წყარო: ორგანიზაციის გვერდი სოციალურ ქსელში