თბილისი. არასამთავრობო ორგანიზაციები აჭარის ტელევიზიისა და რადიოს დირექტორის იმპიჩმენტის საკითხს ეხმიანებიან. „მკვეთრად უარყოფითად ვაფასებთ საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს ორი წევრის ინიციატივას, ტელევიზიის დირექტორის ნათია კაპანაძის იმპიჩმენტის შესახებ. აჭარის ტელევიზია და რადიო ნათია კაპანაძის დირექტორობის პერიოდში არაერთი საერთაშორისო და ადგილობრივი ავტორიტეტული ორგანიზაციის მხრიდან შეფასდა, როგორც თავისუფალი, მიუკერძოებელი და მზარდი ინსტიტუტი, მკვეთრად პოლარიზებულ და პოლიტიზირებულ მედია გარემოში. დირექტორის იმპიჩმენტის საკითხის განხილვისას კარგად უნდა იყოს გათვითცნობიერებული ის ზიანი, რაც მიადგება ქვეყნის დემოკრატიულ განვითარებას და მედიის თავისუფლებას. იმედს გამოვთქვამთ, რომ მრჩეველთა საბჭოს სხვა წევრები გამოიჩენენ კეთილგონიერებას და დაიცავენ არხის სარედაქციო დამოუკიდებლობას", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ლელა კურდღელაშვილის განცხადება ტელეკომპანია „რუსთავი 2-ის" ჟურნალისტის, მარიამ გაფრინდაშვილისა და საინფორმაციო სამსახურის უფროსის და გადაცემის წამყვანის, ნოდარ მელაძის წინააღმდეგ. „სადავო გადაცემა „შაბათის კურიერის" ეთერში 16 მარტს გავიდა სახელწოდებით „ტროლები ოპონენტებისთვის" და ეძღვნებოდა ხელისუფლების მიერ ინტერნეტში სხვადასხვა პირთა დისკრედიტაციისთვის შექმნილ ანგარიშებს. სიუჟეტში ნახსენები იყო განმცხადებელი ლელა კურდღელაშვილიც. ის მიიჩნევს, რომ სიუჟეტით არასწორი ინფორმაცია გავრცელდა, ვინაიდან მას არანაირი შეხება „ქართულ ოცნებასთან" არ ჰქონია. შესაბამისად, მისი აზრით, დარღვეულია ქარტიის შემდეგი პრინციპები: პირველი (სიზუსტე), მესამე (მიჩმქალვა), მეოთხე (ინფორმაციის მოპოვების კეთილსინდისიერება), მეხუთე (შესწორება) და მეთერთმეტე (ფაქტის განზრახ დამახინჯება)", ნათქვამია ორგანიზაციის ვებგვერდზე. სრულად... წყარო: www.qartia.ge

თბილისი. მედიის განვითარების ფონდი (MDF) აქვეყნებს პუბლიკაციას, რომელშიც ყალბი ინფორმაციისა და სხვადასხვა ტიპის მედია კონტენტის გადამოწმების ღია რესურსებია თავმოყრილი. „გამოცემის მიზანია, ტექნოლოგიური ცვლილებებისა და ინფორმაციული ქაოსის ეპოქაში, როცა ყალბი ინფორმაცია და რეალური ფაქტები ერთმანეთში აღრეულია, მომხმარებელს ახალ მედია ეკოსისტემაში ნავიგაციაში დაეხმაროს", ნათქვამია ორგანიზაციის ვებგვერდზე. სრულად... წყარო: mdfgeorgia.ge

თბილისი. მედიის განვითარების ფონდი აქვეყნებს კვლევას: სახელისუფლებო ტროლები, TBC-ის, არასამთავრობოების და მედიის წინააღმდეგ. კვლევის მიზანია სახელისუფლებო ტროლების იდენტიფიცირება და მათ მიერ ცალკეული ჯგუფების წინააღმდეგ წარმოებული კამპანიების შესახებ საზოგადოების ინფორმირება. „ტროლი არის პიროვნება, რომელიც ონლაინ სივრცეში რეალური იდენტობის მითითების გარეშე მოქმედებს, რათა სხვადასხვა ვებ-გვერდებზე, ფორუმებსა და სოციალურ ქსელებში მომხმარებელთა შორის ჯანსაღ დისკუსიას ხელი შეუშალოს. ტროლის მთავარი და ყველაზე მნიშვნელოვანი მახასიათებელი მისი რეალური იდენტობის დამალვაა. ონლაინ სივრცეში ის ყალბი პროფილის მეშვეობით მოქმედებს, სადაც მის შესახებ არსებული ინფორმაცია ან გაყალბებულია, ან საერთოდ არ არის ასახული", ნათქვამია დოკუმენტში. სრულად... წყარო: mdfgeorgia.ge

თბილისი. საქართველოს სტრატეგიული კვლევებისა და განვითარების ცენტრის ორგანიზებით, პროექტის „სამოქალაქო საზოგადოების განვითარების ინიციატივის“ ფარგლებში გაიმართა ტრენინგი ჟურნალისტებისთვის – „კორპორაციული სოციალური პასუხისმგებლობა და მედიის როლი“. ტრენინგზე, რომელსაც ესწრებოდა ცენტრალური და რეგიონული მედიის წარმომადგენლები, განიხილეს პასუხისმგებლიანი ბიზნესის განხორციელების ევროპული გამოცდილება, მიდგომები და ადგილობრივ კომპანიების პროექტები. პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი, ხოლო თანადამფინანსებელია კონრად ადენაუერის ფონდი.

თბილისი. სწორედ ამ და სხვა მნიშვნელოვან კითხვებს გაეცა პასუხი, საქართველოს სტრატეგიული კვლევებისა და განვითარების ცენტრის  მიერ ორგანიზებულ 2 დღიან ტრენინგზე ჟურნალისტებისათვის  „კორპორაციული სოციალური პასუხისმგებლობა და მედიის როლი: რა, რატომ, როგორ?“. ტრენინგის ციკლის დასრულების შემდგომ გამოცხადდება მედია კონკურსი „ჟურნალისტები კორპორაციული სოციალური პასუხისმგებლობისათვის 2019“. ტრენინგი ჩატარდა პროექტის „სამოქალაქო საზოგაოდების განვითარების ინიციატივა“ ფარგლებში, ევროკავშირისა და კონრად ადენაუერის ფონდის (KAS) ფინანსური მხარდაჭერით

თბილისი. „საერთაშორისო გამჭვირვალობა-საქართველომ” ქვეყანაში მოქმედი გავლენიანი ტელევიზიების მფლობელობის საკითხები შეისწავლა. კვლევაში, რომელიც, ძირითადად, 2014 წლის შემდგომ პერიოდს მოიცავს, პოლიტიზირებული და პოლარიზებული მედია-გარემოს ფონზე, მაუწყებლების მფლობელთა ვინაობასთან ერთად, მათი შესაძლო ბიზნესს-კავშირები და ინტერესები გამოიკვეთა. სრულად... წყარო: ორგანიზაციის ვებგვერდი

თბილისი. 29 მარტს, სასტუმრო "ჰუალინგში" გაიმართა ჟურნალისტთა კონკურსის გამარჯვებულთა დაჯილდოება. კონკურსს „ჟურნალისტები სოციალური ცვლილებებისთვის" ატარებს სამოქალაქო საზოგადოების ინსტიტუტი, ევროკავშირისა და კონრად ადენაუერის ფონდის მიერ დაფინანსებული პროექტის - „სამოქალაქო საზოგადოების განვითარების ინიციატივა" ფარგლებში. კონკურსის მიზანი იყო საქართველოს მასშტაბით (ყველა რეგიონში) გამოგვევლინა ის ჟურნალისტები, რომლებიც რეგულარულად და კომპეტენტურად აშუქებენ სამოქალაქო საზოგადოებას, მის წინაშე არსებულ გამოწვევებს, განვითარების შესაძლებლობებს და საზოგადოებრივი ორგანიზაციების საქმიანობას. ამასთანავე, თავიანთ საქმიანობაში ეყრდნობიან სამოქალაქო საზოგადოების ძირითად ფასეულობებს (ადამიანის უფლებები, მათ შორის უმცირესობათა უფლებები, სოციალური სამართლიანობა, ადამიანის ღირსების პატივისცემა, სიტყვის თავისუფლება, დემოკრატია, თანასწორობა და კანონის უზენაესობა), იცავენ ჟურნალისტური ეთიკისა და პროფესიონალიზმის მაღალ სტანდარტებს.  სრულად... წყარო: გვერდი სოციალურ ქსელში

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველოს" მედია გუნდი აგრძელებს ტრეინინგებს საგამოძიებო ჟურნალისტიკის უნარების განსავითარებლად.</div> <div style="text-align: justify;">„ამჯერად, ტრეინინგი ზუგდიდში, ადგილობრივ ჟურნალისტებს და ზუგდიდის სახელმწიფო სასწავლო უნივერსიტეტის სტუდენტებს ღია მონაცემების გამოყენებასთან დაკავშირებით ჩაუტარდა. ტრეინინგის მიზანია ადგილობრივ ჟურნალისტებსა და აქტიურ მოქალაქეებს დაეხმაროს შესაძლო კორუფციული სქემების იდენტიფიცირებასა და გამოძიებაში", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/tigeorgia/photos/?tab=album&album_id=2538974169510510" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div>

<div style="text-align: justify;"><span style="font-weight: bold;">თბილისი. </span>საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია "რუსთავი 2-ის" ჟურნალისტმა, დავით დვალიშვილმა ქარტიის მეშვიდე პრინციპი დაარღვია.</div> <div style="text-align: justify;">ეს პრინციპი ჟურნალისტს ავალდებულებს ხელი არ შეუწყოს რაიმე ნიშნით დისკრიმინაციას.</div> <div style="text-align: justify;">დავით დვალიშვილის წინააღმდეგ ქარტიას აიდან იუსუბოვამ მიმართა. ის მიიჩნევდა, რომ ეთიკური პრინციპი დაირღვა საინფორმაციო გამოშვება "კურიერში" 3 მარტს გასულ სიუჟეტში, რომელიც ქვემო ფონიჭალაში ჩატარებულ სპეცოპერაციას ეხებოდა.</div> <div style="text-align: justify;"><a href="http://www.qartia.ge/ka/siakhleebi/article/68555" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> მედიის განვითარების ფონდი (MDF) აქვეყნებს განცხადებას და თვლის, რომ საზოგადოებრივ მაუწყებელს საზოგადოება შეცდომაში შეჰყავს.</div> <div style="text-align: justify;">„უკანასკნელ დღეებში მედიის განვითარების ფონდის კვლევასთან დაკავშირებით მიმდინარე დისპუტში საზოგადოებრივი მაუწყებელი ჟურნალისტურ მანიპულაციას მიმართავს და საკითხით დაინტერესებულ რესპონდენტებს უსვამს არაადეკვატურ, თითიდან გამოწოვილ კითხვას: მიაჩნიათ თუ არა, რომ საზოგადოებრივი მაუწყებელი არის რუსული პროპაგანდის ნაწილი საქართველოში? მანიპულაციურ კითხვას, ბუნებრივია, მოჰყვება პასუხი, რომელიც ყველანაირად აცდენილია მიმდინარე დისპუტის ლოგიკას, რადგან:</div> <div style="text-align: justify;">მედიის განვითარების ფონდის მიერ გამოქვეყნებულ კვლევაში არსად არ არის შეფასებული საზოგადოებრივი მაუწყებლის მთლიანი პროდუქტი რუსულ დეზინფორმაციად;</div> <div style="text-align: justify;">კვლევაში გარკვევით არის ნათქვამი, რომ საზოგადოებრივი მაუწყებლის საინფორმაციო და ანალიტიკური გადაცემები („მოამბე", „ახალი კვირა"), ასევე თოქ-შოუები („კვირის ინტერვიუ", „აქტუალური თემა" მაკა ცინცაძესთან ერთად, „მოამბე" – დღის თემა) პირდაპირი გაშუქებისას, მეტწილად ნეიტრალურად ან პოზიტიურად აშუქებდნენ ევროატლანტიკური ინტეგრაციის თემატიკას.</div> <div style="text-align: justify;">მაუწყებელს შეცდომაში შეჰყავს აუდიტორია, როდესაც საუბრობს მაუწყებლის ერთიან სარედაქციო პოლიტიკაზე მაშინ, როდესაც მონიტორინგის პერიოდში ნეგატიური გაშუქების ტონი მხოლოდ ერთი გადაცემის (42 პარალელი) შემთხვევაში გამოვლინდა; ხოლო ერთადერთი გადაცემა, რომელიც სკრიპალების საქმესთან დაკავშირებით კრემლის და საქართველოში კრემლისტური აქტორების გზავნილებთან რედაქციის პოზიციის ღია თანხვედრაზე საუბრობდა, კვლევაში ბექგრაუნდის სახით იყო მოყვანილი.</div> <div style="text-align: justify;">ამდენად, საკითხის ამ სახით წარმოჩინება და შემდეგ საინფორმაციო კამპანიის ამ მანიპულაციაზე აგება, ვფიქრობთ, მიუღებელია<span style="font-family: Calibri, sans-serif; font-size: 11pt;">"</span>, ნათქვამია განცხადებაში.</div> <div style="text-align: justify;"><a href="http://mdfgeorgia.ge/geo/view_statements/524?fbclid=IwAR059G4pml4mzpm31F5xahTQG1j0FekNxXyM4kRNSRfpe2iVhm-m_a9Huhw" target="_blank" style="font-weight: bold;">სრულად...</a></div> <div style="text-align: justify;">წყარო: mdfgeorgia.ge</div> <div><br /> </div>

<div style="text-align: justify;"><span style="font-weight: bold;">საქართველო</span>. 2019 წლის 14-15 მარტს, საქართველოს პარლამენტის ღია მმართველობის მუდმივმოქმედი საბჭოსა და მასთან არსებული საკონსულტაციო ჯგუფის სამდღიანი შეხვედრა გაიმართა.</div> <div style="text-align: justify;">საპარლამენტო კომიტეტების თავმჯდომარეებმა, სამოქალაქო საზოგადოებისა და საერთაშორისო ორგანიზაციების წარმომადგენლებმა ღია პარლამენტის 2018-2019 წლების სამოქმედო გეგმის განხორციელებაზე იმსჯელეს და მდგრადი განვითარების მიზნების საკითხებში საქართველოს პარლამენტის სტრატეგია განიხილეს.</div> <div style="text-align: justify;">სამდღიანი შეხვედრის დასასრულს, 16 მარტს გაიმართა სემინარი ჟურნალისტებისათვის, რომელსაც ბეჭდვითი, სამაუწყებლო და ონლაინ მედია საშუალების 22 წარმომადგენელი დაესწრო. ღია მმართველობის საპარლამენტო საბჭოს წევრებმა ჟურნალისტებს გააცნეს საქართველოს მიღწევები ღია მმართველობის სფეროში და უპასუხეს მათ შეკითხვებს მიღწეული წარმატებებისა და არსებული გამოწვევების შესახებ.</div> <div style="text-align: justify;">ღონისძიება ევროკავშირის (EU), გაეროს განვითარების პროგრამისა (UNDP) და ინფორმაციის თავისუფლების განვითარების ინსტიტუტის (IDFI) ხელშეწყობით შედგა.</div> <div style="text-align: justify;"><a href="http://idfi.ge/ge/parliament_of_georgia_promotes_legislative_openness_and_sustainable_development" target="_blank" style="font-weight: bold;">სრულად </a></div> <div style="text-align: justify;">წყარო: https://idfi.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია „რუსთავი 2-ის" ჟურნალისტს, გიორგი გაბუნიას ქარტიის მერვე პრინციპი (ბავშვის ინტერესი) არ დაურღვევია. „მის წინააღმდეგ ქარტიის საბჭოს განცხადებით მომართა შეიარაღებული ძალების სამოქალაქო კონტროლის ჯგუფმა, რომელიც მიიჩნევდა, რომ ტელეკომპანია „რუსთავი 2-ის" ეთერში, 2019 წლის 17 თებერვალს, გადაცემა „კურიერი P.S. -ში" სექსუალური განათლების შესახებ სიუჟეტის წარდგენა ბავშვის ინტერესს აზიანებდა და არ იყო მითითებული „ასაკობრივი შეზღუდვის ნიშანი +16", ნათქვამია ქარტიის ვებგვერდზე.</div> <div style="text-align: justify;"><a href="http://www.qartia.ge/ka/siakhleebi/article/68007" target="_blank" style="font-weight: bold;">სრულად...</a></div> <div style="text-align: justify;">წყარო: www.qartia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საქართველოს ჟურნალისტური ეთიკის ქარტიის მეცხრე პრინციპის თანახმად, სარედაქციო მასალები მკვეთრად უნდა გაიმიჯნოს მარკეტინგული, სარეკლამო და სპონსორის მიერ დაფინანსებული მასალებისაგან.</div> <div style="text-align: justify;">„ამ პრინციპის მთავარი მიზანია, მედიასაშუალებამ არ შეიყვანოს აუდიტორია შეცდომაში - არ მიაწოდოს ინფორმაცია ისე, თითქოს ის გადამოწმებული და დაზუსტებულია მაშინ, როდესაც გამოქვეყნდა გარკვეული საფასურის სანაცვლოდ. ქარტიის პრაქტიკის თანახმად, მედიასაშუალება პასუხისმგებელია ყველა იმ ინფორმაციაზე, რომელიც მისი რომელიმე პლატფორმით ვრცელდება. შესაბამისად, თუკი სარეკლამო მასალა გამოქვეყნდება შესაბამისი აღნიშვნის გარეშე ისე, როგორც სარედაქციო მასალა, რედაქცია პასუხისმგებელი იქნება მის შინაარსზე", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.qartia.ge/ka/sakhelmdzghvanelo-tsesebi1/article/68002-sareklamo-da-saredaqcio-masalebis-gamijvna" target="_blank" style="font-weight: bold;">სრულად...</a></div> <div style="text-align: justify;">წყარო: www.qartia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საქართველოს ჟურნალისტური ეთიკის ქარტია მედიასაშუალებების მიერ ე.წ. ტროლების ფაბრიკის შესახებ ინფორმაიიც გავრცელებას ეხმიანება.</div> <div style="text-align: justify;">„მედიასაშუალებებმა გამოაქვეყნეს იმ ადამიანთა სია, რომლებიც სავარაუდოდ "ქართული ოცნების” დაკვეთით ცრუ ინფორმაციას ავრცელებდნენ სოციალურ ქსელში. სიაში დასახელებულ სახელებსა და გვარებს არ ახლდა რაიმე მაიდენტიფიცირებელი ნიშანი (პირადი ნომერი, ან რაიმე სხვა დეტალი) შესაბამისად, ეჭვქვეშ დადგა ყველა ის ადამიანი, ვისაც სიაში ჩამოთვლილთა იდენტური სახელი და გვარი აქვს. ეს სია გავრცელდა სოციალურ ქსელშიც, გამოქვეყნდა იმ ადამიანთა ფოტოები, რომელთაც სიაში მოხვედირილი ადამიანების იდენტური სახელისა და გვარი აქვთ ისე, რომ არ გადამოწმებულა მართლაც ისინი არიან თუ არა "ტროლები”, რაც ცხადია ტოვებს შესაძლებლობას, რომ მათ არანაირი კავშირი არ ჰქონდეთ ამ სიასთან. გაჩნდა შეურაცხმყოფელი, მადისკრედიტირებელი კომენტარები მათ მიმართ", - ვკითხულობთ განცხადებაში, - „ქარტიის საბჭო ხედავს საფრთხეს, რომ სხვა მედიასაშუალებებმა გაავრცელონ სია და დამატებითი პრობლემები შეუქმნან ამავე სახელისა და გვარის მქონე პირებს. ამიტომ, ქარტია პრევენციის მიზნით მოუწოდებს ჟურნალისტებს, თავი შეიკავონ გადაუმოწმებლად, დაუდასტურებლად სიაში მოხსენიებული იდენტური სახელისა და გვარის პირების მიმართ ბრალდებების გადაუმოწმებლად და დაუდასტურებლად ტირაჟირებისგან".</div> <div style="text-align: justify;"><a href="http://www.qartia.ge/ka/siakhleebi/article/67909" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> კოალიცია „მედიის ადვოკატირებისათვის" ეხმიანება 2019 წლის 6 მარტს საქართველოს პროკურატურის მიერ გამოქვეყნებული წერილის ერთ ნაწილს, რომელიც ტელევიზიებს ეხება.</div> <div style="text-align: justify;">„კოალიცია „მედიის ადვოკატირებისთვის" წევრი ორგანიზაციები ყურადღებით დავაკვირდებით ტელეკომპანიების - „TV პირველისა" და „არტარეის" ირგვლივ მოვლენების შემდგომ განვითარებას. ამასთან, მოვუწოდებთ საქართველოს პროკურატურას, განსაკუთრებული ყურადღებით გამოიძიოს მედიასაშუალებებზე შესაძლო ზეწოლის ფაქტები და გამოძიება მაქსიმალურად მოკლე ვადებში, ეფექტიანად წარმართოს იმგვარად, რომ საზოგადოებაში არსებულ ყველა კითხვას პასუხი ამომწურავად გაეცეს", - ვკითხულობთ გავრცელებულ განცხადებაში.</div> <div style="text-align: justify;"><a href="http://gyla.ge/ge/post/koaliciis-ganckhadeba-tv-pirvelisa-da-artareis-garshemo-mimdinare-movlenebis-shesakheb#sthash.f3WC5klw.dpbs" target="_blank" style="font-weight: bold;">სრულად </a></div> <div style="text-align: justify;"> <div>წყარო: https://gyla.ge</div><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 11-16 მარტს, მედიის განვითარების ფონდი (MDF) და ილიას სახელმწიფო უნივერსიტეტი მართავენ მედიაწიგნიერების კვირეულს, რომლის მიზანია საქართველოში მედია და ინფორმაციული წიგნიერების ინიციატივების პოპულარიზაცია.</div> <div style="text-align: justify;">კვირეული 11 მარტს ლანჩხუთის ცენტრალურ ბიბლიოთეკაში პედაგოგთა ტრენინგით დაიწყება და 16 მარტამდე გასტანს.</div> <div style="text-align: justify;"><a href="http://millab.ge/ka/article/mediawignierebis-kvireuli/18?fbclid=IwAR3L_9wOxeXTlqUuDobRwtrBb6aiJTL_lAR1iQByykfjoJFeQPe-qoLIgxI" target="_blank" style="font-weight: bold;">სრულად...</a></div> <div style="text-align: justify;">წყარო: millab.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია "რუსთავი 2-ის" საინფორმაციო სამსახურის ხელმძღვანელმა, ნოდარ მელაძემ და ჟურნალისტმა ქეთი ნადიბაიძემ ქარტის პირველი (სიზუსტე) და მესამე (მიჩქმალვა) პრინციპები დაარღვიეს.</div> <div style="text-align: justify;">მათ წინააღმდეგ ქარტიას მიმართა რუსთავის საქალაქო სასამართლოს თავმჯდომარე მამია ფხაკაძემ. ის სადავოდ ხდიდა "შაბათის კურიერში" გასული სიუჟეტის იმ ნაწილს, რომელიც მის საცხოვრებელ სახლებს ეხებოდა. ქარტიის საბჭომაც სიუჟეტის მხოლოდ ამ ნაწილზე იმსჯელა.</div> <div style="text-align: justify;"><a href="http://qartia.ge/ka/siakhleebi/article/67377" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">იმერეთი.</span> ქუთაისის ახალგაზრდული ცენტრის წევრებისთვის ჩატარდა მედია წიგნიერების ტრენინგ-სემინარი. მისი მიზანი იყო ახალგაზრდების ცნობიერების ამაღლება სოციალური მედიის და ყალბი ინფორმაციის გავრცელების თავიდან აცილების საკითხებზე.</div> <div style="text-align: justify;">ტრენინგზე განიხილეს საკითხები: სოციალური მედია და ყალბი ინფორმაციის გავრცელების გამოწვევები; როგორ გადავამოწმოთ ვებ-გვერდები, წყაროები, პიროვნებები, ტროლები; როგორ გადავამოწმოთ ყალბი ფოტოები.</div> <div style="text-align: justify;"><a href="http://www.facebook.com/pg/PITAkutaisi/photos/?tab=album&album_id=1029709630569358" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>საქართველოს ჟურნალისტური ეთიკის ქარტია სმიტების ოჯახის მკვლელობის საქმის გაშუქებაზე განცხადებას ავცელებს.</div> <div style="text-align: justify;">„ქარტია რეკომენდაციით მიმართავს მედიასაშულებებს, პასუხისმგებლობით მოეკიდნენ ამ საქმეს და დაგეგმილ სასამართლო პროცესებს. სენსაციურობის, გადაჭარბებული ყურადღების ნაცვლად უპირატესობა მიანიჭონ ფაქტებზე ორიენტირებულ გაშუქებას. კრიტიკულად შეაფასონ მიღებული ინფორმაცია, რათა არ გახდნენ მანიპულაციის მსხვერპლნი და მხარეთა ინსტრუმენტი სასურველი ინფორმაციის გასავრცელებლად", ნათქვამია ქარტიის განცხადებაში.</div> <div style="text-align: justify;"><a href="http://qartia.ge/ka/siakhleebi/article/66954" target="_blank" style="font-weight: bold;">სრულად...</a></div> <div style="text-align: justify;">წყარო: qartia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> მედიის განვითარების ფონდი აქვეყნებს მონიტორინგის ანგარიშს სოფო გელავას ავტორობით.</div> <div style="text-align: justify;">„წინამდებარე მონიტორინგი "მედიის განვითარების ფონდმა” (MDF) სოციალურ ქსელებში თიბისი ბანკის წინააღმდეგ დაწყებული კამპანიის და ამ კამპანიის წყაროების იდენტიფიცირების მიზნით განახორციელა. თიბისი ბანკის გარშემო მიმდინარე გამოძიების პარალელურად ფეისბუკზე თიბისი ბანკის სამეთვალყურეო საბჭოს თავმჯდომარის მამუკა ხაზარაძის მადისკრედიტირებელი პოსტები გამოჩნდა", ნათქვამია ორგანიზაციის ვებგვერდზე.</div> <div style="text-align: justify;"><a href="http://mdfgeorgia.ge/geo/view-library/103?fbclid=IwAR1iLTiiQLPcb-D1J5b5UvGRW2NyYILrsdDTQ2Ui7Bn6ghIv35p7L2LtCmw" target="_blank" style="font-weight: bold;">სრულად...</a></div> <div style="text-align: justify;">წყარო: mdfgeorgia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საქართველოს ჟურნალისტური ეთიკის ქარტიის საბჭოს გადაწყვეტილებით, ექვსმა მედიასაშუალებამ ქარტიის პირველი (სიზუსტე) და მეხუთე (შესწორება) პრინციპები დაარღვია. მათ წინააღმდეგ ქარტიას საქართველოს უზენაესმა სასამართლომ მიმართა.</div> <div style="text-align: justify;">სადავო სტატიებში, პარლამენტის წევრის, ეკა ბესელიას მიმართ გამოთქმულ ბრალდებებთან ერთად, ნახსენები იყო საქართველოს უზენაესი სასამართლოს თავმჯდომარის მოვალეობის შემსრულებელი, სამოქალაქო საქმეთა პალატის თავმჯდომარე, მზია თოდუა. განმცხადებელი მიიჩნევდა, რომ მზია თოდუას შესახებ გავრცელებული ინფორმაცია იყო დაუზუსტებელი. ამასთან გამოცემებისთვის მიმართვის შემდეგ მასალა სათანადო წესით არ გასწორდა.</div> <div style="text-align: justify;"><a href="http://qartia.ge/ka/siakhleebi/article/66824" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>