<div style="text-align: justify;"><span style="font-weight: bold;">თბილისი. </span>საქართველოს ჟურნალისტური ეთიკის ქარტია სმიტების ოჯახის მკვლელობის საქმის გაშუქებაზე განცხადებას ავცელებს.</div> <div style="text-align: justify;">„ქარტია რეკომენდაციით მიმართავს მედიასაშულებებს, პასუხისმგებლობით მოეკიდნენ ამ საქმეს და დაგეგმილ სასამართლო პროცესებს. სენსაციურობის, გადაჭარბებული ყურადღების ნაცვლად უპირატესობა მიანიჭონ ფაქტებზე ორიენტირებულ გაშუქებას. კრიტიკულად შეაფასონ მიღებული ინფორმაცია, რათა არ გახდნენ მანიპულაციის მსხვერპლნი და მხარეთა ინსტრუმენტი სასურველი ინფორმაციის გასავრცელებლად", ნათქვამია ქარტიის განცხადებაში.</div> <div style="text-align: justify;"><a href="http://qartia.ge/ka/siakhleebi/article/66954" target="_blank" style="font-weight: bold;">სრულად...</a></div> <div style="text-align: justify;">წყარო: qartia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> მედიის განვითარების ფონდი აქვეყნებს მონიტორინგის ანგარიშს სოფო გელავას ავტორობით.</div> <div style="text-align: justify;">„წინამდებარე მონიტორინგი "მედიის განვითარების ფონდმა” (MDF) სოციალურ ქსელებში თიბისი ბანკის წინააღმდეგ დაწყებული კამპანიის და ამ კამპანიის წყაროების იდენტიფიცირების მიზნით განახორციელა. თიბისი ბანკის გარშემო მიმდინარე გამოძიების პარალელურად ფეისბუკზე თიბისი ბანკის სამეთვალყურეო საბჭოს თავმჯდომარის მამუკა ხაზარაძის მადისკრედიტირებელი პოსტები გამოჩნდა", ნათქვამია ორგანიზაციის ვებგვერდზე.</div> <div style="text-align: justify;"><a href="http://mdfgeorgia.ge/geo/view-library/103?fbclid=IwAR1iLTiiQLPcb-D1J5b5UvGRW2NyYILrsdDTQ2Ui7Bn6ghIv35p7L2LtCmw" target="_blank" style="font-weight: bold;">სრულად...</a></div> <div style="text-align: justify;">წყარო: mdfgeorgia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საქართველოს ჟურნალისტური ეთიკის ქარტიის საბჭოს გადაწყვეტილებით, ექვსმა მედიასაშუალებამ ქარტიის პირველი (სიზუსტე) და მეხუთე (შესწორება) პრინციპები დაარღვია. მათ წინააღმდეგ ქარტიას საქართველოს უზენაესმა სასამართლომ მიმართა.</div> <div style="text-align: justify;">სადავო სტატიებში, პარლამენტის წევრის, ეკა ბესელიას მიმართ გამოთქმულ ბრალდებებთან ერთად, ნახსენები იყო საქართველოს უზენაესი სასამართლოს თავმჯდომარის მოვალეობის შემსრულებელი, სამოქალაქო საქმეთა პალატის თავმჯდომარე, მზია თოდუა. განმცხადებელი მიიჩნევდა, რომ მზია თოდუას შესახებ გავრცელებული ინფორმაცია იყო დაუზუსტებელი. ამასთან გამოცემებისთვის მიმართვის შემდეგ მასალა სათანადო წესით არ გასწორდა.</div> <div style="text-align: justify;"><a href="http://qartia.ge/ka/siakhleebi/article/66824" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ორგანიზაცია „პარტნიორობა ადამიანის უფლებებისთვის" (PHR) წარმომადგენლებმა, ჟურნალისტური ეთიკის ქარტიაში, ჟურნალისტებისთვის, კანონთან კონფლიქტში მყოფი ბავშვების საკითხების გაშუქების თაიბაზე, სწავლება გამართეს.</div> <div style="text-align: justify;">PHR-ის იურისტებმა ტრენინგის მონაწილეებს მიაწოდეს ინფორმაცია იმის შესახებ, თუ როგორ უნდა გაშუქდეს დანაშაული, რომელშიც არასრულწლოვანს სდებენ ბრალს; რა შეცდომებს უშვებს მედია ამ თემაზე მუშაობისას; როგორია შესაბამისი კანონმდებლობა საქართველოში; რა პასუხისმგებლობა აქვს ხელისუფლებას; რა შედეგები მოაქვს ამ თემაზე არასწორად მომზადებულ მასალებს და რა ფაქტორებზე უნდა გაამახვილონ ჟურნალისტებმა ყურადღება.</div> <div style="text-align: justify;"><span style="font-weight: bold;"><a href="http://phrgeorgia.wordpress.com/2019/02/25/phr-%e1%83%98%e1%83%a1-%e1%83%ac%e1%83%90%e1%83%a0%e1%83%9b%e1%83%9d%e1%83%9b%e1%83%90%e1%83%93%e1%83%92%e1%83%94%e1%83%9c%e1%83%9a%e1%83%94%e1%83%91%e1%83%9b%e1%83%90-%e1%83%9f%e1%83%a3%e1%83%a0/" target="_blank">სრულად </a></span></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ადამიანის უფლებათა ცენტრის სამართლებრივი დახმარების შედეგად საზოგადოებრივ მაუწყებლიდან გათავისუფლებული ათეულობით თანამშრომლიდან 4 მოსარჩელე, მორიგების გზით, აღდგენილია დაკავებულ თანამდებობაზე, რაზეც მიღებულია სასამართლო განჩინება.</div> <div style="text-align: justify;">„1 მოსარჩელე, მხარესთან მორიგების გზით, დაკმაყოფილდა მის მიერ დასახელებული ფულადი კომპენსაციით. ხოლო 2 საქმეზე მიღებულია სასამართლოს გადაწყვეტილება გათავისუფლების ბრძანების ბათილად ცნობისა და 1 წლის შრომის ანაზღაურების კომპენსაციის სახით დაკისრების თაობაზე", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/notes/%E1%83%90%E1%83%93%E1%83%90%E1%83%9B%E1%83%98%E1%83%90%E1%83%9C%E1%83%98%E1%83%A1-%E1%83%A3%E1%83%A4%E1%83%9A%E1%83%94%E1%83%91%E1%83%90%E1%83%97%E1%83%90-%E1%83%AA%E1%83%94%E1%83%9C%E1%83%A2%E1%83%A0%E1%83%98-human-rights-center/%E1%83%90%E1%83%93%E1%83%90%E1%83%9B%E1%83%98%E1%83%90%E1%83%9C%E1%83%98%E1%83%A1-%E1%83%A3%E1%83%A4%E1%83%9A%E1%83%94%E1%83%91%E1%83%90%E1%83%97%E1%83%90-%E1%83%AA%E1%83%94%E1%83%9C%E1%83%A2%E1%83%A0%E1%83%98%E1%83%A1-%E1%83%93%E1%83%90%E1%83%AE%E1%83%9B%E1%83%90%E1%83%A0%E1%83%94%E1%83%91%E1%83%98%E1%83%97-%E1%83%A1%E1%83%90%E1%83%96%E1%83%9D%E1%83%92%E1%83%90%E1%83%93%E1%83%9D%E1%83%94%E1%83%91%E1%83%A0%E1%83%98%E1%83%95%E1%83%98-%E1%83%9B%E1%83%90%E1%83%A3%E1%83%AC%E1%83%A7%E1%83%94%E1%83%91%E1%83%9A%E1%83%98%E1%83%A1-%E1%83%92%E1%83%90%E1%83%9C%E1%83%97%E1%83%90%E1%83%95%E1%83%98%E1%83%A1%E1%83%A3%E1%83%A4%E1%83%9A%E1%83%94%E1%83%91%E1%83%A3%E1%83%9A%E1%83%98/2505724252771718/?qid=6660814224192795507&mf_story_key=-8229291876447133090&__tn__=HH-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო რუსთავის საქალაქო სასამართლოს თავმჯდომარის, მამია ფხაკაძის განცხადება ტელეკომპანია „რუსთავი 2-ის" ჟურნალისტების, ნოდარ მელაძის და ქეთი ნადიბაიძის წინააღმდეგ.</div> <div style="text-align: justify;">„სადავო სიუჟეტი, რომელიც 16 თებერვალს გავიდა ეთერში და მოსამართლეთა ძვირადღირებულ სახლებს ეხებოდა, მათ შორის ნახსენები იყო მამია ფხაკაძეც და მის საკუთრებაში არსებული სახლი. ის მიიჩნევს, რომ „რუსთავი 2-მა" არაზუსტი ფაქტები გაავრცელა მის შესახებ საუბრისას, რითიც დაირღვა ქარტიის პირველი პრინციპი, რომლის თანახმადაც ჟურნალისტმა პატივი უნდა სცეს საზოგადოების უფლებას, მიიღოს ზუსტი ინფორმაციას. ამასთან, მამია ფხაკაძის განცხადებით, დარღვეულია ქარტიის მესამე პრინციპიც (ფაქტების მიჩქმალვა), ვინაიდან სადავო მასალაში ჟურნალისტებმა აუდიტორიას არ მიაწოდეს სრულყოფილად ინფორმაცია და მიჩქმალეს მნიშვნელოვანი დეტალები", ნათქვამია ორგანიზაციის ვებგვერდი.</div> <div style="text-align: justify;"><a href="http://qartia.ge/ka/siakhleebi/article/66828" target="_blank" style="font-weight: bold;">სრულად...</a></div> <div style="text-align: justify;">წყარო: qartia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> „ჯანმრთელობას გისურვებთ, განსაკუთრებით საქართველოში" - ღია საზოგადოების ფონდების ქსელური პროგრამის მხარდაჭერით მომზადებული დოკუმენტური ფილმია, რომელიც თავისუფლების მონიტორმა და სტუდია „მონიტორმა” ჯანდაცვის თემაზე მოამზადეს.</div> <div style="text-align: justify;">ფილმის მიზანია ჯანდაცვის პოლიტიკაში, დაფინანსებასა და სისტემაში არსებული პრობლემების გააზრება და დისკუსიის დაწყება. „თავისუფლების მონიტორი” საგამოძიებო რეპორტაჟების სერიაა, რომელსაც „რადიო თავისუფლება" სტუდია „მონიტორთან” ერთად ქმნის.</div> <div style="text-align: justify;"><a href="http://osgf.ge/janmrtelobas-gisurvebt-gansakutrebit-saqartveloshi/" target="_blank" style="font-weight: bold;">სრულად </a></div> <div style="text-align: justify;">წყარო: osgf.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>სასტუმრო „რედისონში", ფორუმი - აღმოსავლეთ პარტნიორობისა და ვიშეგრადის ქვეყნები დეზინფორმაციის წინააღმდეგ გაიმართა.</div> <div style="text-align: justify;">„ინფორმაციული ტექნოლოგიების ერაში, დეზინფორმაციასთან ბრძოლასა და თანამედროვე მედია გარემოს გამოწვევებთან გამკლავებაზე სადისკუსიოდ ფორუმზე უცხოელი და ქართველი ექსპერტები შეიკრიბნენ.</div> <div style="text-align: justify;">ფორუმის მუშაობაში ნატოსა და ევროკავშირის შესახებ საინფორმაციო ცენტრის დირექტორი ნინო ბოლქვაძეც ჩაერთო. პანელზე „დეზინფორმაცია, როგორც გლობალური საფრთხე დემოკრატიისთვის?" ნინო ბოლქვაძემ პროპაგანდასთან საბრძოლველად ნატოსა და ევროკავშირის ხედვებსა და სტრატეგიული კომუნიკაციების როლზე ისაუბრა", ნათქვამია ნატოსა და ევროკავშირის შესახებ საინფორმაციო ცენტრის გვერდზე სოციალურ ქსელში.</div> <div style="text-align: justify;"><a href="http://www.facebook.com/EUNATOinfo/photos/a.136829599824003/1132715300235423/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: საინფორმაციო ცენტრის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ილიას უნივერსიტეტის პროფესორის, გიგი თევზაძის განცხადება ტელეკომპანია რუსთავი 2-ის გენერალური დირექტორის და გადაცემა „კვირის აქცენტების" წამყვანის, ნიკა გვარამიას წინააღმდეგ.</div> <div style="text-align: justify;">„გიგი თევზაძე მიიჩნევს, რომ ნიკა გვარამიამ 3 თებერვლის გადაცემაში დაარღვია სიზუსტის პრინციპი, როდესაც განათლების სისტემაზე საუბრისას ახსენა გიგი თევზაძეც. მისი თქმით, კავშირი არ აქვს განათლების სისტემაში მიმდინარე ცვლილებებთან, რაზეც ნიკა გვარამია მიუთითებდა", ნათქვამია ქარტიის ვებგვერდზე.</div> <div style="text-align: justify;"><a href="http://qartia.ge/ka/siakhleebi/article/65949" target="_blank" style="font-weight: bold;">სრულად...</a></div> <div style="text-align: justify;">წყარო: qartia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია „იმედის" ჟურნალისტებმა, ირაკლი ჩიხლაძემ და თამარ გოგესაშვილმა ქარტიის ორი პრინციპი დაარღვია. „პირველი, რომლის თანახმადაც, ჟურნალისტმა პატივი უნდა სცეს ჟურნალისტის უფლებას, მიიღოს ზუსტი ინფორმაცია და მეათე, რომელიც ჟურნალისტს ადამიანის პირადი ცხოვრების ხელშეუხებლობის დაცვას ავალდებულებს.</div> <div style="text-align: justify;">სადავო სიუჟეტი 23 დეკემბერს გავიდა ეთერში და ეხებოდა ხადის ხეობაში აშშ-ს მოქალაქეების მკვლელობას და ამ საქმეზე ბრალდებულს. განმცხადებელი მიიჩნევდა, რომ სადავო მასალაში ბრალდებული წარმოაჩინეს დამნაშავედ მაშინ, როდესაც სასამართლო გადაწყვეტილება ამ საქმეზე ჯერ არ არსებობს", ნათქვამია ქარტიის ვებგვერდზე.</div> <div style="text-align: justify;"><a href="http://qartia.ge/ka/siakhleebi/article/65857" target="_blank" style="font-weight: bold;">სრულად...</a></div> <div style="text-align: justify;">წყარო: qartia.ge</div> <div><br /> </div>

თბილისი. საქართველოში ევროკავშირის წარმომადგენლობამ, ოფიციალურ ცერემონიაზე თბილისში, კონკურსის - „ევროკავშირის პრიზი ჟურნალისტიკაში 2018", გამარჯვებულები დააჯილდოვა. ექვსი საპრიზო კატეგორია მოიცავდა - ბეჭდურ, სამაუწყებლო, ონლაინ და ფოტო ჟურნალისტიკას. ევროკავშირის სადამკვირვებლო მისიამ, ასევე, გასცა სპეციალური პრიზი კონფლიქტების მიმართ სენსიტიურ ჟურნალისტიკაში, რომელიც ნდობის აღდგენასა და მშვიდობის დამკვიდრებას უწყობს ხელს. საკონკურსო განაცხადები უნდა ყოფილიყო გამოქვეყნებული ან გაშუქებული 2017 წლის 2 ნოემბრიდან 2018 წლის 15 ოქტომბრის ჩათვლით ქართულ, ინგლისურ ან რუსულ ენებზე. კონკურსისთვის ევროკავშირის სადამკვირვებლო მისიის პრიზი მშვიდობის ჟურნალისტიკაში, განაცხადები ასევე მიღებულ იქნა აფხაზურ და ოსურ ენებზე.  სრულად წყარო: ორგანიზაციის ვებგვერდი

თბილისი. „ინტერნიუსი - საქართველომ”, ნატოსა და ევროკავშირის შესახებ საინფორმაციო ცენტრთან პარტნიორობით, დაიწყო ახალ პროექტის - „დასავლური ინტეგრაციის შესახებ ინფორმირებულობისა და ჩართულობის გაზრდა საქართველოს რეგიონებში" განხორციელება. „პროექტის ფარგლებში, რომლის მიზანიცაა რეგიონული მედიის მხარდაჭერის გზით, საქართველოს ევროპული და ევროატლანტიკური ინტეგრაციის შესახებ საზოგადოების ინფორმირებულობის გაზრდა, 20 რეგიონული მედიაორგანიზაცია შეირჩევა. კონკურსში გამარჯვებული მედიაპარტნიორები მცირე გრანტებს მიიღებენ და სხვადასხვა ფორმატის ჟურნალისტურ მასალებს მოამზადებენ ევროკავშირის, ნატოს, საქართველოს ევროპული და ევროატლანტიკური ინტეგრაციის თემაზე - ადგილობრივი ინტერესებისა და საკითხების გათვალისწინებით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ჟურნალისტური ეთიკის ქარტიის გადაწყვეტილებით Newpost-ის, News.coa-ს და Alia.ge-ს ჟურნალისტებმა ქარტიის პირველი (ინფორმაციის სიზუსტე) და მეშვიდე (დისკრიმინაცია) პრინციპი დაარღვიეს. „ქარტიას განცხადებით მარიამ ჯიქიამ მომართა. სადავო მასალები ფოკაში მომხდარ შემთხვევას ეხება, სადაც თანასოფლელის სახლი გადაწვეს. განმცხადებელი მიიჩნევდა, რომ მასალების შინაარსი ქსენოფობიური ხასიათისაა, რაც ახალისებდა დისკრიმინაციას. ასევე, გავრცელდა არასწორი ინფორმაცია და არ იყო წარმოჩენილი ყველა მხარის პოზიცია", ნათქვამია ქარტიის ვებგვერდზე. სრულად... წყარო: qartia.ge

თბილისი. ჟურნალისტ დავით ერაძის საქმესთან დაკავშირებით, საქართველოს ჟურნალისტური ეთიკის ქარტია განცხადებას ავრცელებს. „ტელეკომპანია "რუსთავი 2-ის" ცნობით, მისი სპორტული ჟურნალისტის, დავით ერაძის საცხოვრებელ სახლს ესროლეს. გამოძიება სისხლის სამართლის კოდექსის 236-ე მუხლით დაიწყო, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს", - ვკითხულობთ განცხადებაში, - „საქართველოს ჟურნალისტური ეთიკის ქარტია მიმართავს სამართალდამცავ უწყებებს, რათა მყისიერდ გამოიძიონ საქმე და განუმარტონ საზოგადოებას, უკავშირდება თუ არა მომხდარი დავით ერაძის ჟურნალისტურს საქმიანობას".  სრულად წყარო: ორგანიზაციის ვებგვერდი

თბილისი. გავრცელებული ინფორმაციის თანახმად, ტელეკომპანია „რუსთავი 2"-ის ჟურნალისტის - დავით ერაძის საცხოვრებელ სახლს ესროლეს. ტელეკომპანია „რუსთავი 2"-ის ინფორმაციით, დავით ერაძემ მოიპოვა სპორტის სასახლეში მომხდარი ჩხუბის ვიდეომასალა, რომელიც ასახავდა ჭიდაობის ფედერაციის პრეზიდენტის მიერ მოჭიდავე ზურაბ დათუნაშვილისთვის სახეში დარტყმას. კოალიცია „მედიის ადვოკატირებისთვის" მიიჩნევს, რომ აუცილებელია, დადგინდეს, ხომ არ უკავშირდებოდა აღნიშნული ქმედება მის ჟურნალისტურ საქმიანობას და ამ ფაქტის დადასტურების შემთხვევაში, საქმეს მიეცეს შესაბამისი კვალიფიკაცია. კოალიცია, მსგავსი შემთხვევების პრევენციის მიზნით, მოუწოდებს საგამოძიებო ორგანოებს სწრაფად, ჯეროვნად და სრულყოფილად მოხდეს აღნიშნული ფაქტის გამოძიება", ნათქვამია ორგანიზაციის ვებგვერდზე. სრულად... წყარო: idfi.ge

თბილისი. „საერთაშორისო გამჭვირვალობა-საქართველო" მოუწოდებს საზოგადოებრივი მაუწყებლის ხელმძღვანელობას არ გააუარესოს დასაქმებულთა სოციალური თუ შრომითი პირობები. „იმ ფონზე, როდესაც საზოგადოებრივი მაუწყებელი ქვეყანაში ერთ-ერთი ყველაზე მაღალბიუჯეტიანი ტელევიზიაა, რომელიც მიმდინარე წელს გარანტირებულ 58 მილიონზე მეტი ლარით ფინანსდება და დამატებით ტექნიკური გადაიარაღებისათვის 45 მილიონი ლარის ღირებულების სესხს იღებს, დაუშვებელია გააუარესოს თანამშრომელთა სოციალური მდგომარეობა და შეუწყვიტოს სადაზღვევო პაკეტები. მენეჯმენტის განზრახვა, რაც პრაქტიკულად თანამშრომლებს ხელფას შეუმცირებს ან სოციალურ ბენეფიტს გაუუქმებს, არასათანადო პრაქტიკაა და ეწინააღმდეგება ერთი მხრივ, დაგროვებითი საპენსიო რეფორმის არსს და მიზანს და მეორეს მხრივ, აუარესებს მაუწყებლის თანამშრომლების სამუშაო პირობებს", ნათქვამია განცხადებაში. სრულად... წყარო: ორგანიზაციის ვებგვერდი სოციალურ ქსელში

თბილისი. „სამართლიანი არჩევნებისა და დემოკრატიის საერთაშორისო საზოგადოება" აქვეყნებს ორგანიზაციის უმცროსი მკვლევარის შოთა ნარსიას ბლოგპოსტს: ალტერნატიული რეალობის შექმნის მცდელობა საქართველოში: ცრუ მედია გვერდები Facebook-ზე. „პოსტში წარმოდგენილია ცრუ მედია გვერდების მიერ წარმოებული კამპანიების მაგალითები. 22 იანვრის მდგომარეობით, Facebook-ზე ცრუ მედიის 32 გვერდი მოქმედებს. ასეთი გვერდები Facebook-ის მომხმარებლებს უქმნიან შთაბეჭდილებას, რომ თითქოს საინფორმაციო სააგენტოებს წარმოადგენენ, სინამდვილეში კი მათი მიზანი საზოგადოებისთვის ახალი ამბების შერჩევითად, დასპონსორებული პოსტების სახით, პოლიტიკური დღის წესრიგის შესაბამისად მიწოდებაა. ცრუ სააგენტოები ცრუ ინფორმაციის გავრცელებასაც არ ერიდებიან", ნათქვამია ნაშრომში. სრულად... წყარო: isfed.ge

აჭარა. 25 იანვარს, „ტოლერანტთა კლუბის" წევრები და „თავისუფალ ჟურნალისტთა სახლის" მოხალისეები სასწავლო ვიზიტის ფარგლებში შეხვდნენ „საზოგადოებრივი მაუწყებლის აჭარის ტელევიზიისა და რადიოს" გადაცემა ჰეშთეგის ჟურნალისტებს. „შეხვედრის პროცესი მოიცავდა სამუშაო გამოცდილების გაზიარებას. როგორ ხდება სხვადასხვა სიახლის გაშუქება, რატომ არის მნიშვნელოვანი მედიის როლი საზოგადოებაში და რა პრობლემებს აწყდებიან პროფესიულ საქმიანობაში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „ინტერნიუსი -საქართველომ" პროექტის „დამოუკიდებელი მედიის გაძლიერება ევროპასა და ევრაზიაში" 2019 წლის მედია პარტნიორები შეარჩია. ადგილობრივი მედიიდან პროექტის პარტნიორებად საკონკურსო წესით შეირჩა: გურჯაანი TV, მეგა TV, TV დია, გურია TV, TV 25, TV მეცხე არხი, კახეთის ხმა, სპექტრი, სამხრეთის კარიბჭე და ბათუმელები. ცენტრალური მედიასაშუალებებიდან პროექტი ითანამშრომლებს ფორსეტთან, ინდიგოსთან, სტუდია მონიტორთან, ჯემნიუსთან, ლიბერალთან, კლიკმედიასთან და ჟურნალისტთა ჯგუფთან (ნინო აბდალაძე და მარიამ უგრეხელიძე). სრულად... წყარო: www.media.ge

თბილისი. საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ლევან კოჭლამაზაშვილის განცხადება სააგენტო dianews.ge-ს წინააღმდეგ. „სადავო გახდა 16 იანვარს თბილისში, დიდ დიღომში საცხოვრებელი სახლის აფეთქების ამსახველი ფოტოს გამოქვეყნება. მძიმე გამოსახულების შემცველი ფოტო გამოქვეყნდა სათაურით „დღის ფოტო", რაც განმცხადებლის აზრით, შეურაცხმყოფელია, ადამიანის ტრაგედია გამოყენებულია მნახველთა რაოდენობის გასაზრდელად", ნათქვამია ქარტიის ვებგვერდზე. სრულად... წყარო: qartia.ge

თბილისი. „მითების დეტექტორი" აქვეყნებს IV ჯგუფის სტუდენტის მარიამ ავაქოვას მიერ მომზადებულ საკონკურსო მასალას „ტყუილ-მართლის გარჩევის ამბავი". ეს არის ექსპერიმენტი იმის შესახებ, როგორ შეიძლება ვერ გაირჩეს ერთმანეთისაგან ყალბი და რეალური ამბავი და რამდენად მნიშვნელოვანია მედიაწიგნიერება საზოგადოებისათვის. სრულად... წყარო: trueorfake.tilda.ws

თბილისი. „რადიო თავისუფლების" ჩრდილოეთ კავკასიის ბიუროს ჟურნალისტის, ასლანბეკ დადაევისთვის საქართველოში შემოსვლის შეზღუდვის საქმეზე, „ადამიანის უფლებების სწავლებისა და მონიტორინგის ცენტრმა" (EMC) საქართველოს შინაგან საქმეთა სამინისტროს წინააღმდეგ თბილისის საქალაქო სასამართლოში სარჩელი შეიტანა. EMC -ის ინფორმაციით, დადაევი საზღვრის გადმოკვეთას 7 ნოემბერს ცდილობდა, თუმცა, შსს-ს სასაზღვრო პოლიციამ მას უარი უთხრა. EMC- მიიჩნევს, რომ უარი უსაფუძვლო იყო; გარდა ამისა, საქმეში იკვეთება გამოხატვის თავისუფლების, ჟურნალისტური საქმიანობის შეზღუდვისა და დისკრიმინაციის აკრძალვის სტანდარტების სავარაუდო დარღვევის ნიშნები.  სრულად  წყარო: ორგანიზაციის ვებგვერდი