თბილისი. ვებგვერდი media.ge ავრცელებს მედიის განვითარების ფონდის განცხადებას, რომელიც ეხმაურება „გურიის მოამბისთვის" ადგილობრივი ხელისუფლების მხრიდან გაზეთის ორი ოფისისთვის უზუფრუქტის გაუქმებას. „...მოვუწოდებთ ადგილობრივი თვითმმართველობების ხელმძღვანელებს, თავი შეიკავონ ისეთი ქმედებებისგან, რაც ამა თუ იმ ფორმით პრობლემებს შეუქმნის მედიის საქმიანობას და ნეგატიურად აისახება საარჩევნო გარემოზე" ნათქვამია განცხადებაში. სრულად წყარო: media.ge

თბილისი. საქართველოს ჟურნალისტური ეთიკის ქარტია გამოეხმაურა „გურიის მოამბის" განცხადებას. ამის შესახებ ვებგვერდი media.ge წერს. მისი ინფორმაციით, რომელიც „გურიის მოამბის" განცხადებას ეყრდნობა, ოზურგეთის საკრებულოს „გურიის მოამბის" ორ ოფისზე სასყიდლიანი უზრუფრუქტი გააუქმაა. ,,საქართველოს ჟურნალისტური ეთიკის ქარტიისთვის" გაუგებარი და მიუღებელია ოზურგეთის საკრებულოს გადაწყვეტილება, რაც რეალურად აფერხებს ადგილობრივი მედიაოგრანიზაციის ფუნქციონირებას. ოზურგეთის საკრებულოს გადაწყვეტილების საფუძვლად ოზურგეთში სტატისტიკის სამსახურის განთავსების აუცილებლობა სახელდება. მოვუწოდებთ ადგილობრივ მთავრობას ისე მოიძიოს საჭირო ფართი, რომ ხელი არ შეუშალოს ადგილობრივი მედიაორგანიზაციის საქმიანობას", ნათქვამია ვებგვერდზე media.ge. სრულად წყარო: media.ge

თბილისი.თბილისის ადამიანის უფლებათა სახლს საზოგადოებრივმა მაუწყებელმა სოციალური რეკლამის განთავსებაზე უარი უთხრა, ამის შესახებ ინფორმაციას media.ge ავრცელებს. უარის საფუძვლად მაუწყებლის გენერალურ დირექტორს  „მაუწყებლობის შესახებ" საქართველოს კანონის მეორე მუხლი მოჰყავს. ადამიანის უფლებათა სახლის გამგეობის თავმჯდომარე: „ჩვენი ვიდეორგოლი უდავოდ საზოგადოებრივი სიკეთის ხელშეწყობისკენ არის მიმართული, რადგან ვეხმარებით სოციალურად დაუცველ მოქალაქეებს, რომლებსაც იურიდიული დახმარებისთვის არა აქვთ საშუალება კერძო იურიდიულ კომპანიებს მიმართონ, აქედან გამომდინარე,  სოციალური რეკლამა ვერ ჩაითვლება კომერციულ რეკლამად, მითუმეტეს, ჩვენი ორგანიზაცია არის არასამეწარმეო  იურიდიული პირი და კომერციული მიზნები არ გაგვაჩნია", ნათქვამია საიტზე. სრულად წყარო: media.ge

შიდა ქართლი. 6 აგვისტოს არასამთავრობო ორგანიზაცია „სიდამ" რეგიონული პრობლემატიკის მედიაკონკურსის გამარჯვებულები დააჯილდოვა. კონკურსის გამარჯვებულად შემდეგი ჟურნალისტები დასახელდნენ: I ადგილი – ოლიკო ცისკარიშვილი – „ireporter" II ადგილი – სუხლან მესხიძე –„25-ე არხი" III ადგილი- თეა თოფურია - რადიო „თავისუფლება", მანანა ვარდიაშვილი - „ლიბერალი" და თამარ კვინიკაძე - ჟურნალი „გზა". გამარჯვებულებს ფულადი ჯილდო გადაეცათ. წყარო:ორგანიზაციის გვერდი სოციალურ ქსელში

თბილისი. სამოქალაქო განვითარების ინსტიტუტმა განაახლა მედიამონიტორინგი ევროკავშირისა და გაეროს განვითარების პროგრამის მიერ დაფინანსებული პროექტის ფარგლებში. საპრეზიდენტო წინასაარჩევნო მონიტორინგის ფარგლებში ინსტიტუტი აკვირდება 12 ვებგვერდს: netgazeti.ge, droni.ge, politico.ge, liberali.ge, news.ge, presa.ge, civil.ge, tabula.ge, garbonline.tv, for.ge, dfwatch.net, palitratv.ge. აღნიშნული ანგარიში მოიცავს მედიამონიტორინგის შედეგებს 15 ივნისიდან 15 ივლისის ჩათვლით. ონლაინ მედიის წინასაარჩევნო მონიტორინგი– 15 ივნისი–15 ივლისი წყარო: mediamonitor.ge

თბილისი. მედიის განვითარების ფონდმა 1 აგვისტოს ტელეკომპანია „იმედის" საინფორმაციო გამოშვებაში გასული სიუჟეტის შესახებ განცხადება გაავრცელა. „შეშფოთებას გამოთქვამს 1 აგვისტოს ტელეკომპანია „იმედის" 8 საათიან საინფორმაციო გამოშვებაში გასული სიუჟეტის გამო, რომელშიც ბათუმში მომხდარი მარიამ კოჩალიძის მკვლელობის ვერსიად რელიგიური მოტივაციაა შემოთავაზებული. რედაქცია ყოველგვარი გადამოწმების გარეშე ავრცელებს გარდაცვლილის დედის ემოციურ ფონზე გაკეთებულ განცხადებას, თითქოსდა მკვლელმა მარიამის  მსხვერპლშეწირვა მოახდინა. მისასალმებელია, რომ 2 აგვისტოს ტელეკომპანია იმედი გამოეხმაურა „ქართველ მუსლიმთა კავშირის" მიმართვას, რომელიც მედიასაშუალებას მოუწოდებდა, თავი შეეკავებინა გადაუმოწმებელი, ცალმხრივი მასალის გავრცელებისაგან, რომელიც სიძულვილის გაღვივებას და ისლამის მიმართ ნეგატიური სტერეოტიპების დამკვიდრებას უწყობდა ხელს. თუმცა, ჩვენი აზრით, ტელეკომპანიის რეაგირება მომხდართან დაკავშირებით არასაკმარისი იყო", ნათქვამია განცხადებაში. ორგანიზაცია მოუწოდებს მედიას სიფრთხილით მოეკიდნონ მგრძნობიარე თემების გაშუქებას და დაიცვან მუწყებელთა ქცევის კოდექსის ნორმები. სრულად წყარო: media.ge

თბილისი. 2 აგვისტოს, „კოალიცია მედიის ადვოკატირებისთვის" წევრი ორგანიზაციების წარმომადგენლებმა შეხვედრა საქართველოს მთავარ პროკურორ არჩილ კბილაშვილთან გამართეს. „შეხვედრაზე განხილვის ძირითადი თემა იყო ბოლო წლების განმავლობაში მედიის წარმომადგენლების მიმართ გამოვლენილი მნიშვნელოვანი დარღვევების ფაქტებზე დღემდე გამოუძიებელი საქმეებისა და ტელეკომპანია „რუსთავი2"-ის დამფუძნებლების მიერ აღძრული სისხლის სამართლის საქმის გაჭიანურების მიზეზები”, ნათქვამია media.ge-ზე სრულად  წყარო:media.ge

სამცხე–ჯავახეთი. 29-31 ივლისს, დაბა ბაკურიანში, სამოქალაქო განათლებისა და პედაგოგთა გადამზადების პროგრამის ფარგლებში ჩატარდა სოციალური მედიის მეორე დონის ტრენინგ-ბანაკი. 3 დღიანი ტრენინგს, საქართველოს ყველა რეგიონიდან წინასწარი კონკურსის საფუძველზე შერჩეული, 35  სასკოლო სამოქალაქო კლუბის მოსწავლე ესწრებოდა.   ტრენიგის ყველა მონაწილე აქტიური ბლოგერია და გავლილი აქვს  პროგრამის ფარგლებში ჩატარებული სოციალური მედიის პირველი დონის ტრენინგი. ტრენინგის განმავლობაში მოსწავლეებმა შეისწავლეს სოციალური მედიის ინსტრუმენტების (Video Advocacy, Livestreming, Online broadcasting) ეფექტურად გამოყენება სამოქალაქო განათლების პროექტებში მონაწილეობის მიზნით და მოამზადეს ვიდეო პროექტები მათთვის საინტერესო და აქტუალურ თემებზე.  სოციალური მედიის მეორე დონის ტრენინგი ორგანიზებული იყო საქართველოს ბავშვთა ფედერაციის მიერ. წყარო: civics.ge

თბილისი. საერთაშორისო გამჭვირვალობა – საქართველომ – „გამარჯვებული ხალხის ტელევიზია" – „რუსთავი 2–ის ისტორია" გამოაქვეყნა. „უკვე ათ წელიწადზე მეტია, რაც ტელეკომპანია „რუსთავი 2" პოლიტიკური მოვლენების ცენტრშია და საზოგადოებრივი აზრის ფორმირებაში მნიშვნელოვანი წვლილი შეაქვს. „რუსთავი 2"-მა 2012 წელს 30.7 მილიონი ლარის შემოსავლის დეკლარირება მოახდინა. მაყურებლები ტელევიზორთან გატარებული ყოველი 100 წუთიდან 32 წუთს სწორედ ამ ტელეარხს უთმობენ. თუმცა, ქვეყნის უმსხვილესი ტელევიზიის მფლობელობა კვლავ დავის საგანია", ნათქვამია ორგანიზაციის ვებ–გვერდზე. სრულად წყარო: transparency.ge

თბილისი. ჟურნალისტიკაში ევროკავშირის პრიზის ფარგლებში ევროკავშირის სადამკვირვებლო მისიის ხელმძღვანელმა საქართველოში ჯერარდ ფიშერმა და ევროკავშირის წარმომადგენლობის ხელმძღვანელის მოვალეობის შემსრულებელმა ბორის იაროშევიჩმა სპეციალური პრიზი წარადგინეს მშვიდობის ჟურნალისტიკაში. პრიზის მიზანია, აღიაროს და დააჯილდოვოს კონფლიქტის მიმართ სენსიტიური ჟურნალისტური ნამუშევრები და სტიმული მისცეს ჟურნალისტებს,  კონფლიქტური სიტუაციები კონსტრუქციულად გააშუქონ. მშვიდობის ჟურნალისტიკაში ევროკავშირის სადამკვირვებლო მისიის პრიზის მინიჭება მოხდება მხოლოდ ერთის აუკეთესო დაბალანსებული და მიუკერძოებელი სტატიისთვის ბეჭდურ ან ელექტრონულ მედიაში; სატელევიზიოდა/ან რადიო რეპორტაჟისთვის; ვებგვერდზე, ბლოგზე ან სოციალურ მედიაში განთავსებული მასალისთვის; ახალიამბების სააგენტოსთვის, ან ელექტრონული გაზეთისთვის მომზადებული მასალისთვის. ევროკავშირის სადამკვირვებლო მისიის პრიზის მფლობელს გადაეცემა სტიპენდია, რომლის მეშვეობითაც მონაწილეობას მიიღებს პროგრამის "Building Bridges/Building Capacity: Conflict Prevention in the South Caucasus” ფარგლებში გათვალისწინებულ ერთთვიან ტრენინგში.ტრენინგი გაიმართება ლონდონში, ომისა და მშვიდობის გაშუქების ინსტიტუტის (IWPR) სათავო ოფისში. სრულად  წყარო: media.ge

თბილისი. წინასაარჩევნო მედიამონიტორინგის ფარგლებში სატელევიზიო და რადიო არხების მონიტორინგის უახლესი ანგარიშები გამოქვეყნა, რომელიც მოიცავს 15 ივნისიდან 15 ივლისამდე მონაცემებს. სატელევიზიო სივრცის მონიტორინგს კავკასიის კვლევითი რესურსების ცენტრი ახორციელებს, ხოლო რადიო არხების მონიტორინგს ინტერნიუს–საქართველო. მონიტორინგი ევროკავშირისა და გაეროს განვითარების პროგრამის მიერ დაფინანსებული პროექტის – „პროფესიონალური მედია არჩევნებისთვის" – ფარგლებში ხორციელდება. სატელევიზიო არხების წინასააარჩევნო მონიტორინგი – 16 ივნისი–16 ივლისი რადიოების წინასაარჩევნო მონიტორინგი – 15 ივნისი–15 ივლისი წყარო: mediamonitor.ge

სამცხე–ჯავახეთი. 30-31 ივლისს „სიდას" ინიციატივით ახალციხეში ჟურნალისტებისთვის ტრენინგი ჩატარდა. ორდღიანი ტრენინგის მიზანს წარმოადგენდა სამცხე–ჯავახეთის მედიის წარმომადგენელთა ინტერესის გაზრდა და ინფორმირებულობა. კერძოდ ისეთ საკითხებზე, როგორებიცაა: ბავშვის განვითარების თავისებურებები, არასრულწლოვანთა მართლმსაჯულებისა და რეპორტაჟის მომზადების საერთაშორისო სტანდარტები.  ტრენინგი ჩატარდა პროექტის – „არასრულწლოვანთა მართლმსაჯულების რეფორმის მხარდაჭერა ქვემო ქართლისა და სამცხე-ჯავახეთის ეროვნული უმცირესობების თემებში" – ფარგლებში, რომელიც დაფინანსებულია ევროკავშირის მიერ. წყარო:ორგანიზაციის გვერდი სოციალურ ქსელში

9 -11 და 16-18 ივლისის, არასამთავრობო ორგანიზაცია „სიდამ" რეგიონული პრობლემატიკის მედიატური გამართა. მედიატურში მონწილეობა 20–მდე ჟურნალისტმა მიიღო, რომლებმაც აღმოსავლეთ და დასავლეთ საქართველოს რეგიონები მოიარეს. მედიატურის მიზანი იყო, რეგიონებში ჩასვლის შედეგად აღმოჩენილი პრობლემებისა თუ სიახლეების გაშუქება. გამარჯვებული სამი ნამუშევარი ჯილდოსაც მიიღებს: პირველი ადგილი – 800 ლარი, მეორე ადგილი –  500, მესამე კი–  250 ლარი.  მედიატურის დასრულების შემდეგ მონაწილე ჟურნალისტების მიერ მომზადებული ნამუშევრების ნახვა დაინტერესებულ პირებს ქსელის საიტზე შეუძლიათ. მედიატურის შემდეგ მომზადებული ნამუშევრები წყარო: cso.ge

თბილისი.„სამართლიანი არჩევნებისა და დემოკრატიის საერთაშორისო საზოგადოებამ" (ISFED) 2013 წლის საპრეზიდენტო არჩევნების წინა პერიოდში, ქართული გაზეთების მონიტორინგი დაიწყო.  15 ივლისიდან 15 ნოემბრამდე ორგანიზაცია შვიდ ქართულ გამოცემას დააკვირდება. აღნიშნული პერიოდის განმავლობაში.  მონიტორინგი ხორციელდება პროექტის – „პროფესიონალური მედია არჩევნებისთვის" –ფარგლებში, გაეროს განვითარების პროგრამისა და ევროკავშირის მხარდაჭერით. პროექტის მთავარი მიზანია საპარლამენტო და საპრეზიდენტო არჩევნების პერიოდში, პროფესიული, მიუკერძოებელი და დაბალანსებული მედია გაშუქების ხელშეწყობა, მონიტორინგის გზით. წყარო:isfed.ge

თბილისი. ევროკავშირის სადმკვირვებლო მისია 1 აგვისტოს ოფიციალურად წარადგენს სპეციალურ პრიზს მშვიდობის ჟურნალისტიკაში. პრიზის მიზანია, დააჯილდოვოს კონფლიქტის მიმართ სენესიტიური ჟურნალისტური ნამუშევრები და სტიმული მისცეს ჟურნალისტებს, რათა  კონფლიქტურისიტუაციები კონსტრუქციულად გაშუქდეს. 1 აგვისტოს, 18:00 საათზე, კაფე „დისქავერიში" ევროკავშირის სადამკვირვებლო მისიის სპეციალურ პრიზს წარადგენს მისიის ხელმძღვანელი. წყარო: media.ge

გაერო წევრ ქვეყნებს მოუწოდებს დაიცვან 1738-ე რეზოლუცია, რომლის ფარგლებში ქვეყნებს ჟურნალისტთა დაცვა მოეთხოვებათ და უზრუნველყონ  ჟურნალისტთა უსაფრთხოება. გაეროს ამ ნაბიჯს მხარს უჭერს უფლებადამცველი ორგანიზაცია „რეპორტიორები საზღვრებს გარეშე". სრულად წყარო: media.ge

თბილისი. კოალიცია „მედია ადვოკატირებისთვის" წევრი საქართველოს რეგიონულ მაუწყებელთა ასოციაცია (GARB) და „საქართველოს მედია მონიტორინგის ცენტრი" ცენტრალური საარჩევნო კომისიის (ცესკო) იმ დადგენილების გაუქმებას ითხოვენ, რომელიც არჩევნების დღეს ფოტო, ვიდეო გადაღებას ზღუდავს. მოთხოვნის შესახებ ორგანიზაციებმა 17 ივლისს გამართულ პრესკონფერენციაზე ისაუბრეს. სრულად წყარო: media.ge

თბილისი. არასამთავრობო ორგანიზაციები „კლუბი თავისუფალი ზონა" და „საზოგადოებრივი კავშირი დროა" საზოგადოებრივ მაუწყებელს თვითრეგულირების ორგანოში უჩივიან. ორივე მათგანს 24 ივნისს გასულ საინფორმაციო გამოშვება „მოამბის" იმ სიუჟეტის მიმართ აქვთ პრეტენზია, რომელიც არასამთავრობო ორგანიზაციებს ეხებოდა. ორგანიზაციები აცხადებენ, რომ სიუჟეტში „კლუბი თავისუფალი ზონა" და „თავისუფალი კავშირი დროა" ნახსენები იყვნენ, როგორც  „ნაციონალური მოძრაობის" სატელიტი ორგანიზაციები. ორგანიზაციები აცხადებენ, რომ არანაირი კავშირი არ აქვთ პოლიტიკურ პარტიებთან და მიიჩნევენ, რომ ჟურნალისტმა უხეშად დაარღვია ეთიკის კოდექსი, არ გადაამოწმა ინფორმაცია და დამახინჯებულად გადასცა საზოგადოებას. სრულად წყარო: media.ge

თბილისი. 11 ივლისს ინფორმაციის თავისუფლების განვითარების ინსტუტმა და რეგიონული მაუწყებლების ასოციაციამ რეგიონული ტელეარხების ციფრულ მაუწყებლობაზე გადასვლის მოდელი და საკუთარი ხედვები გააცნეს საზოგადოებას. ორგანიზაციებმა წარმოადგინეს რეგიონული საეთერო მიწისზედა მაუწყებლის ციფრულ მაუწყებლობაზე გადასვლასთან დაკავშირებული ხედვა და რეკომენდაციები. ღონისძიებას ესწრებოდნენ რეგიონული მაუწყებლები, პროვაიდერები და დარგის ექსპერტები.

თბილისი. საქართველოს ჟურნალისტური ეთიკის ქარტია გმობს 8 ივლისის პრესკონფერენციაზე მომხდარს და მიიჩნევს, რომ დაუშვებელია ჟურნალისტისთვის პროფესიულ საქმიანობაში ხელის შეშლა. ქარტია მოუწოდებს როგორც საჯარო მოხელეებს, ისე არასამთავრობო ორგანიზაციებსა და კერძო პირებს, თავი შეიკავონ ჟურნალისტების შეურაცხყოფისგან, მაქსიმალურად უზრუნველყონ მედიისთვის მუშაობის კანონიერი უფლება. ამასთან, პრესკონფერენციებისა და შეხვედრების ორგანიზატორებმა მაქსიმალურად უნდა შეუწყონ ხელი ჟურნალისტებს მათი პროფესიული საქმიანობის განხორციელებაში. სრულად წყარო: qartia.org.ge

კახეთი.  9 ივლისს, „სიდას" მიერ ორგანიზებული მედიატურის ფარგლებში ჟურნალისტებმა პირველი დღე კახეთში გაატარეს. მონაწილეებს საშუალება მიეცათ უშუალოდ გაცნობოდნენ რეგიონულ პრობლემატიკას და გამოეკითხათ რესპოდენტები. მედიატური 9–11 და 16–18 ივლისს გაიმართება, ტურის ორგანიზება ხდება „სამოქალაქო საზოგადოების რეგიონული ქსელის" წევრი არასამთავრობო ორგანიზაციების უშუალო მონაწილეობითა და დახმარებით. 20-მდე შერჩეული ჟურნალისტი პირველ კვირას მოინახულებს აღმოსავლეთ საქართველოს რეგიონებს.  წყარო:ორგანიზაციის გვერდი სოციალურ ქსელში

თბილისი. 2013 წლის საპრეზიდენტო არჩევნებისთვის კავკასიის კვლევითი რესურსების ცენტრმა მედია მონიტორინგი განაახლა. პროექტი ხორციელდება ევროკავშირისა და გაეროს განვითარების მიერ დაფინანსებული პროექტის – „პროფესიული მედია არჩევნებისთვის" – ფარგლებში. მონიტორინგი გაგრძელდება 15 ნოემბრამდე და მოიცავს საღამოს მთავარ საინფორმაციო გამოშვებებს საზოგადოებრივ მაუწყებელზე, აჭარის ტელევიზიასა და შემდეგ კერძო არხებზე: რუსთავი 2, იმედი, მაესტრო, კავკასია და მეცხრე არხი. ორგანიზაციამ უკვე გამოაქვეყნა 15 მაისი–15 ივნისის მონიტორინგის შედეგები. მონიტორინგის შუალედური ანგარიში შეგიძლიათ იხილოთ პროექტის ვებ-გვერდზე www.mediamonitor.ge წყარო: media.ge