თბილისი. ინფორმაციის თავისუფლების განვითარების ინსტიტუტმა კვლევა – „საქართველოს ციფრულ მაუწყებლობაზე გადასვლის არსებული გამოწვევები და პრობლემური მიმართულებები" – გამოაქვეყნა. კვლევა წყარო:idfi.ge

თბილისი. საერთაშორისო გამჭვირვალობა – საქართველომ გამოაქვეყნა ნანა საჯაიას ბლოგპოსტი: „მაუწყებელთა დაფინანსების ზოგიერთი წყარო კვლავ უცნობია". ბლოგპოსტში გაანალიზებულია მაუწყელების მიერ კომუნიკაციების ეროვნული კომისიისთვის წარდგენილი ფინანსური ანგარიშები. „მაუწყებლების მიერ კომუნიკაციების ეროვნული კომისიისთვის წარდგენილი ფინანსური ანგარიშები დაფინანსების წყაროების შესახებ არასაკმარის ინფორმაციას შეიცავს", ნათქვამია ბლოგპოსტში. როგორც პუბლიკაციაშია აღნიშნული მარეგულირებლის მიერ გამოქვეყნებული ინფორმაცია 31 მაუწყებლის მიერ წარმოდგენილ ანგარიშებს შეიცავს, მაშინ როცა კომუნიკაციების ეროვნულ კომისიას 99 რადიო და ტელეკომპანია აქვს დარეგისტრირებული, რომლებსაც მაუწყელობის ლიცენზია ან ავტორიზაცია აქვთ და კომისიის ზედამხედველობას ექვემდებარებიან. სრულად წყარო: transparency.ge

თბილისი. 22 ნოემბერს, „ინტერნიუსი საქართველომ" რეგიონული ტელევიზიების მონიტორინგის საბოლოო შედეგები გამოაქვეყნა. მკვლევარები 16 სექტემბრიდან 10 ნოემბრის ჩათვლით 12 რეგიონული მაუწყებლის გამოშვებებსა და ტოქშოუებს აკვირდებოდნენ. „მონიტორინგის შედეგებით, სექტემბერში წინასაარჩევნო კამპანია, თითქმის, არ შუქდებოდა. საპრეზიდენტო კანდიდატებისთვის დათმობილი დრო 1 ოქტომბრიდან გაიზარდა. უშუალოდ არჩევნების დღეს, 27 ოქტომბერს კი ტელეკომპანიათა უმეტესობა საგანგებო რეჟიმში მუშაობდა. არჩევნების შემდეგ გაგრძელდა წინასაარჩევნო პერიოდის დაწყებამდე არსებული ტენდენცია და საინფორმაციო გამოშვებებში ადგილობრივი ხელისუფლებისადმი დათმობილი დრო გაიზარდა. ანგარიშის თანახმად, რეგიონულმა ტელეკომპანიებმა საინფორმაციო გამოშვებებში  მონიტორინგის სუბიექტების მხოლოდ მცირე ნაწილი გააშუქეს", ნათქვამია მონიტორინგის შედეგებში. მონიტორინგის ანგარიშის სრული ვერსია წყარო: media.ge

თბილისი. კოალიციამ „მედიის ადვოკატრებისთვის" განცხადება გამოაქვეყნა. „კოალიცია კომპანია „TV3"-სა და „ენერჯი გრუპს" „მაუწყებლობის შესახებ" საქართველოს კანონის მოთხოვნათა უგულებელყოფასა და დარღვევაში ადანაშაულებს. კოალიციას მიაჩნია, რომ რადგანაც ორივე კომპანიის დირექტორი, კახა ბაინდურაშვილი იკავებს საქართველოს სავაჭრო-სამრეწველო პალატის პრეზიდენტის თანამდებობას, მას არ აქვს უფლება ჰქონდეს მაუწყებლობის ლიცენზია, ან ფლობდეს გარკვეულ წილს", ნათქვამია განცხადებაში. „მედიის ადვოკატირებისთვის" საქართველოს კომუნიკაციების ეროვნულ კომისიას რეაგირებისა და კანონით გათვალისწინებული ზომების მიღებისკენ მოუწოდებს. სრულად წყარო: idfi.ge

თბილისი. 18 ნოემბერს, თბილისის საქალაქო სასამართლოში Media.Ge-ს რედაქტორის, მაია წიკლაურის სარჩელის მოსამზადებელი სხდომა გაიმართა. მაია წიკლაურმა თბილისის საქალაქო სასამართლოს მიმდინარე წლის 11 ივნისს მიმართა. ვებ-გვერდის რედაქტორი სასამართლოს სთხოვდა თბილისის მერიისთვის საჯარო ინფორმაციის გაცემა დაევალდებულებინა და გამოცემის ადმინისტრაციული საჩივარი განეხილა. 18 ნოემბერს, სასამართლომ ქალაქ თბილისის მერიისა და Media.Ge-ს რედაქტორის იურიდიულ წარმომადგენლებს მოუსმინა. წიკლაურის უფლებებს „საქართველოს ახალგაზრდა იურისტთა ასოციაციის" „მედიის სამართლებრივი დაცვის ცენტრის" ხელმძღვანელი, ეკა ციმაკურიძე იცავდა. მომავალი სასამართლო პროცესი მოსამართლემ თბილისის საქალაქო სასამართლოში 9 დეკმებერს ჩანიშნა.  სრულად წყარო: media.ge

აჭარა. არასამთავრობო ორგანიზაცია „მედიაპორტალმა" ბათუმში, გაზეთ „ბათუმელებში"ტრენინგი გამართა, რომელსაც გაზეთის რედაქტორები და ჟურნალისტები დაესწრნენ.  ორგანიზაციის წარმომადგენელი ნათია აბრამია დამსწრეებს ნიუსრუმის მართვის და სოციალური მედიის ეფექტურად გამოყენების შესახებ ესაუბრა, ასევე მისცა კონკრეტული რეკომენდაციები სტაჟირების პროგრამასთან დაკავშირებით. ნათია აბრამიას ტრენინგი გაიმართა „ბათუმელების" მედიასკოლაშიც.  შეხვედრის თემა ახალი ამბების გაშუქება იყო.  პროექტის ფარგლებში, რომელიც ხორციელდება აშშ–ს საელჩოს დაფინანსებით, ტრენინგები უკვე გაიმართა ქუთაისში, გორში, თელავსა და ახალციხეში. წყარო:ორგანიზაციის გვერდი სოციალურ ქსელში

თბილისი. თბილისის მერიის წინააღმდეგ ორგანიზაცია „ინტერნიუს–საქართველოს" ინტერნეტ-პორტალ Media.Ge-ს სარჩელს განიხილავს თბილისის საქალაქო სასამართლო, 18 ნოემმბერს, 11:00 საათზე. Media.Ge თბილისის მერიისგან საჯარო ინფორმაციას ითხოვს, კერძოდ: ინფორმაციას მერიის მიერ ტელევიზიებისთვის სარეკლამო რგოლების განთავსებისა და გადაცემების დაფინანსებისთვის გადახდილი თანხების ოდენობის შესახებ. მერიამ, ადმინისტრაციული საჩივრის წარდგენის მიუხედავად, ეს ინფორმაცია სრულყოფილად არ გასცა. ინტერნეტ-პორტალის ინტერესებს იცავს ახალგაზრდა იურისტთა ასოციაციასთან არსებული მედიის სამართლებრივი დაცვის ცენტრი. წყარო: Media.Ge

თბილისი. 14 ნოემბერს, განათლების მულტიმედია ცენტრში ჟურნალსიტიკაში სოციალური მედიის როლსა და მის პერსპექტივებზე იმსჯელეს. სემინარები 4M რეგიონული ფორუმის ფარგლებში მოეწყო, რომელიც ევროკავშირის დაფინანსებითა Canal France Interational-მა განახორციელა. ფორუმზე დღის განმავლობაში სხვადასხვა ქვეყნისა და ორგანიზაციის წარმომადგენლებმა მოხსენებები წაიკითხეს სამხრეთ კავკასიაში ინტერნეტის წვდომის განვითარებაზე, ახალ ეკონომიკურ მოდელებზე ჟურნალისტიკაში, ფოტოჟურნალისტიკის შესაძლებლობებზე, ინტერნეტ ტელევიზიებზე და ა.შ. 4M ფორუმი, რომელიც სოციალურ მედიასა და ჟურნალისტიკას ეხება, 15 ნოემბერს დასრულდება. წყარო: media.ge

თბილისი. საერთაშორისო გამჭვირვალობა საქართველომ სოციალურ ქსელში განცხადება გაავრცელა. „დღეს საზოგადოებრივი მაუწყებლის სამეურვეო საბჭოს წევრმა ნინო დანელიამ გამოაქვეყნა მაუწყებლის გენერალური დირექტორის მოვალეობის შემსრულებლის, თამაზ ტყემალაძის, წერილი ლანჩხუთის მუნიციპალიტეტის საკრებულოს თავმჯდომარის მისამართით. წერილში ტყემალაძე საკრებულოს თავმჯდომარეს „რაიონის უკეთ წარმოსაჩენად" და „მილიონობით მაყურებლისთვის გასაცნობად" გადაცემისთვის „ლიხს იქით და ლიხს აქეთ" ფინანსურ დახმარებას, კერძოდ კი გადამღები ჯგუფის ტრანსპორტირებისა და დაბინავების ხარჯების გაწევას სთხოვს. გვსურს შევახსენოთ თამაზ ტყემალაძეს და მაუწყებლის მენეჯმენტს, რომ მაუწყებლობის შესახებ კანონის 66-ე მუხლით აკრძალულია ადმინისტრაციული ორგანოს, პოლიტიკური პარტიის, თანამდებობის პირისა და საჯარო მოსამსახურის მიერ მაუწყებლის დაფინანსება, აგრეთვე მისი მომსახურების შესყიდვა და მაუწყებლის პროგრამების მომზადების ან/და ეთერში გადაცემის პირდაპირი ან ირიბი დაფინანსება ან თანადაფინანსება. ტყემალაძემ აღნიშნული წერილით თავის უფლებამოსილებას გადააჭარბა და მუნიციპალიტეტს, ფაქტობრივად, კანონის დარღვევისკენ მოუწოდა. მოვუწოდებთ გენერალური დირექტორის მოვალეობის შემსრულებელს თავი შეიკავოს მსგავსი სახის ქმედებებისგან და საკუთარი ძალისხმევა მაუწყებლის ფინანსური კრიზისიდან გამოსაყვანად კანონიერ ხერხებს მიმართოს", ნათქვამია განცხადებაში. წყარო:ორგანიზაციის გვერდი სოციალურ ქსელში

თბილისი. 14 ნოემბერს ორგანიზაცია „მედიაპორტალმა" წინასაარჩევნო პერიოდში ფარული და პოლიტიკური რეკლამის მონიტორინგის შემაჯამებელი ანგარიში გამოაქვეყნა. ანალიტიკოსები 19–დან 24-სააათამდე მონაკვეთში რეკლამებს საზოგადოებრივი მაუწყებლის, „იმედის," „რუსთავი 2"-ის, „მაესტროსა" და „კავკასიის" ეთერში აკვირდებოდნენ. პრეზენტაციაზე წარმოდგენილი იქნა მონიტორინგის პერიოდში დაფიქსირებული დარღვევების, ტენდენციებისა და განსაკუთრებულად საინტერესო შემთხვევების მოკლე მიმოხილვა, გაიმართა დისკუსიაც. სრულად წყარო: media.ge

თბილისი. 13 ნოემბერს  ჟურნალისტური ეთიკის ქარტიამ და გაეროს ბავშვთა ფონდმა მონიტორინგის შედეგები წარმოადგინეს. მონიტორინგის მიზანი ელექტრონულ და ონლაინ მედიაში, ასევე პრესაში, ბავშვთა საკითხებზე გამოქვეყნებული მასალების შესწავლა, ბავშვთა აღიარებულ უფლებებთან, ეთიკურ ნორმებთან და პროფესიულ სტანდარტებთან შესაბამისობა  და ანალიზი იყო. დარღვევის გამოვლენის შემთხვევაში, ჟურნალისტური ეთიკის ქარტია, რეაგირების თხოვნით, განცხადებით მიმართავდა მედიასაშუალებებს. ანგარიში  წარმოადგენს 2013 წლის 1 ივნისიდან 1 სექტემბრამდე პერიოდში ჩატარებული მონიტორინგის შეჯამებას და მასში შეფასებულია სხვადასხვა ტიპის მედიის თავისებურებები, დეტალური ანალიზი, გამოკვეთილი დარღვევები, რეაგირება და რეკომენდაციები. ანგარიში წყარო: qartia.org.ge

თბილისი. საერთაშორისო გამჭვირვალობა – საქართველომ ბლოგპოსტი – „აჭარის საზოგადოებრივი მაუწყებლის ახალი საბჭო – დაჯაბნა თუ არა ნეპოტიზმმა დამსახურება?" – გამოაქვეყნა. „გასულ კვირას აჭარის უმაღლესმა საბჭომ აჭარის საზოგადოებრივი მაუწყებლის მრჩეველთა საბჭოს წევრთა დანიშვნის წინააღმდეგობებით სავსე პროცესი დაასრულა. ხუთივე წევრი „ქართული ოცნების” ფრაქციათა წარმომადგენლების მიერ იქნა წარდგენილი. ეს ეწინააღმდეგება ივლისში მიღებული საკანონმდებლო ცვლილებების სულისკვეთებას, რომელიც თავისი არსით აჭარის ახლადჩამოყალიბებულ საზოგადოებრივ მაუწყებელში კვოტის დადგენის გზით ოპოზიციასათვის  ორი წევრის  დანიშვნის შესაძლებლობის მიცემას გულისხმობდა", ნათქვამია ბლოგპოსტში. სრულად  წყარო:transparency.ge

თბილისი. სამართლიანი არჩევნებისა და დემოკრატიის საერთაშორისო საზოგადოებამ პრესის წინასაარჩევნო მონიტორინგის მესამე შუალედური ანგარიში გამოაქვეყნა. დოკუმენტი მოიცავს 16 სექტემბერიდან 26 ოქტომბრამდე პერიოდს. მონიტორინგი გაგრძელდება 15 ნოემბრამდე და დროის ამ მონაკვეთში ორგანიზაციის მედია მონიტორები 7 გამოცემას დააკვირდებიან. სრულად წყარო:isfed.ge  

თბილისი. 11–12 ნოემბერს თბილისში გაიმართება ეუთოს მე-10 სამხრეთ კავკასიური მედია კონფერენცია. აზერბაიჯანელი, სომეხი და ქართველი ჟურნალისტები, მედია ექსპერტები და ხელისფლების წარმომადგენლები იმსჯელებენ მედიის კანონმდებლობასა და პრაქტიკაში ბოლო ათი წლის მანძილზე გატარებულ ცვლილებებზე. კონფერენციის მეორე დღე დაეთმობა ორ პარალელურ მასტერ-კლასს თემებზე: „ციფრულ მაუწყებლობაზე გადასვლა" და „ტრადიციული და ინტერნეტ–მედიის თვითრეგულირების საკითხები". კონფერენცია გაიმართება თბილისში სასტუმრო ქორთიარდ მარიოტში, დასაწყისი 10:00 საათი. წყარო: media.ge

აჭარა. 7 ნოემბერს, ბათუმის დემოკრატიული ჩართულობის ცენტრის ორგანიზებით გაიმართა დისკუსია, თემაზე: საზოგადოერივი მაუწყებლის აჭარის ტელევიზიისა და რადიოს მრჩეველთა საბჭოს არჩვენები. შეხვედრას ადგილობრივის საზოგადოებირი ორგანიზაციებისა და მედიის წარმომადგენლები ესწრებოდნენ. მომხსენებლები აჭარის უმაღლესი საბჭოს წევრი აკაკი ძნელაძე და პეტრე ზამბახიძე გახდნენ. საზოგადოერივი მაუწყებლის აჭარის ტელევიზიისა და რადიოს მრჩეველთა საბჭოს ხუთივე წევრის ვინაობა ცნობილია. მაუწყებლის პრიორიტეტებს ერთობლივად ნატა იმედაიშვილი, ზაზა ხალვაში, გიორგი ირემაძე, ვახტანგ ღლონტი და ოლღა ჟღენტი განსაზღვრავენ. დისკუსია შეეხო სწორედ მაუწყელის მრჩეველთა საბჭოს წევრთა არჩევას.

თბილისი. 8 ნოემბერს სატელევიზიო, რადიო, ბეჭდური და ონლაინ მედიის მონიტორინგის მორიგი შუალედური შედეგების პრეზენტაცია გაიმართა. მონიტორინგი „პროფესიონალური მედია არჩევნებისთვის" ევროკავშირისა და გაეროს განვითარების პროგრამის (UNDP) მხარდაჭერით ხორციელდება. პროგრამის მიზანი საპრეზიდენტო არჩევნების პერიოდში პროფესიული, მიუკერძოებელი და დაბალანსებული მედია გაშუქების ხელშეწყობა მონიტორინგის გზით და მედია კანონმდებლობის გაუმჯობესებაა. პროგრამის ფარგლებში, „კავკასიის კვლევითი რესურსების ცენტრმა" (CRRC) სატელევიზიო არხების 16 სექტემბრიდან 26 ოქტომბრამდე მონიტორინგის შედეგები გამოაქვეყნა, „სამართლიანი არჩევენებისა და დემოკრატიის საერთაშორისო საზოგადოებამ" (ISFED) კი ამავე პერიოდის ბეჭდურ მედიის მონიტორინგის შედეგები. 18 სექტემბრიდან 28 ოქტომბრამდე რადიომონიტორინგის შედეგების პრეზენტაცია „ინტერნიუსი-საქართველომ" წარმოადგინა. ამავე პერიოდში „სამოქალაქო განვითარების ინსტიტუტი" (CDI) ონლაინგამოცემებს აკვირდებოდა. სრულად წყარო: media.ge

თბილისი. კოალიცია „მედიის ადვოკატირებისათვის" განცხადებას ავრცელებს აჭარის ტელევიზიისა და რადიოს მრჩეველთა საბჭოს წევრების არჩევასთან დაკავშირებით. კოალიცია „მედიის ადვოკატირებისთვის" „ აპროტესტებს აჭარის უმაღლესი საბჭოს 2013 წლის 5 ნოემბრის გადაწყვეტილებას, რომელმაც სრულიად უგულებელყო „მაუწყებლობის შესახებ" საქართველოს კანონი და დაარღვია საქართველოს საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს წევრების არჩევის ამ კანონით განსაზღვრული კვოტირების სისტემა. აჭარის უმაღლეს საბჭოში კოალიცია „ქართული ოცნების" დეპუტაციამ უმრავლესობის გარეთ დარჩენილ დეპუტატებს არ მისცა საშუალება მრჩეველთა საბჭოს წევრებად აერჩიათ უმცირესობის მიერ წარდგენილი კანდიდატებიც, როგორც ამას „მაუწყებლობის შესახებ" კანონი მოითხოვს. 2013 წლის 5 ნოემბრის გადაწყვეტილებითაჭარის ტელევიზიის მრჩეველთა საბჭო დაკომპლექტდა ერთპარტიული ნიშნით", ნათქვამია განცხადებაში. კოალიცია გამოიყენებს კანონმდებლობით გათვალისწინებულ ყველა სამართლებრივ მექანიზმს აღნიშნული გადაწყვეტილების გასაუქმებლად. სრულად წყარო: idfi.ge

თბილისი. საქართველოს ჟურნალისტური ეთიკის ქარტია ტელეკომპანია „აჭარის" საინფორმაციო სამსახურის უფროსის თანამდებობიდან ირინა ყურუას შესაძლო გათავისუფლების საკითხს გამოეხმაურა და განცხადება გაავრცელა. ქარტიას მიაჩნია, რომ „თუ საინფორმაციო სამსახურის ხელმძღავნელის თანამდებობიდან ირინა ყურუა გათავისუფლდება, ტელეკომპანია „აჭარის" ხელმძღვანელებმა საზოგადოებას უნდა წარუდგინონ გადაწყვეტილების დასაბუთებული არგუმენტები". სრულად წყარო: media.ge

თბილისი. კავკასიის კვლევითი რესურსების ცენტრის პროექტის ფარგლებში სატელევიზიო თოქ–შოუების მონიტორინგის შედეგები გამოქვეყნდა. ანგარიში 16 სექტემბერიდან 19 ოქტომბრამდე პერიოდს მოიცავს. მონიტორინგის ფარგლებში დაკვირვება მოხდა შვიდი არხის საღამოს მთავარ საინფორმაციო გამოშვებებზე, ასევე, პრაიმტაიმის დროს გასულ ყველა თოქ-შოუზე, რომლებიც პოლიტიკურ თემებს მიეძღვნა. თოქ-შოუების წინასაარჩევნო მედია მონიტორინგი 16 სექტემბერი - 19 ოქტომბერი  წყარო: mediamonitor.ge

თბილისი. ადამიანის უფლებათა ცენტრმა ჟურნალისტ გელა მთივლიშვილისათვის ჟურნალისტურ საქმიანობაში ხელის შეშლასთან დაკავშირებით განცხადება გაავრცელა. „ადამიანის უფლებათა ცენტრი შეშფოთებას გამოხატავს ჭიკაანის N14 საარჩევნო უბანზე კახეთის საინფორმაციო ცენტრის რედაქტორ გელა მთივლიშვილისათვის ჟურნალისტური საქმიანობის ხელის შეშლის ფაქტზე, რაც გამოიხატა მისთვის ვიდეო-გადაღების აკრძალვაში, სიტყვიერ შეურაცხყოფასა და უბნიდან გაძევებაში", ნათქვამია ორგანიზაციის გვერდზე. ადამიანის უფლებათა ცენტრი მიმართავს ცესკოს, „ობიექტურად და მიუკერძოებლად შეისწავლოს მომხდარი ინციდენტი და მოახდინოს ადეკვატური რეაგირება საუბნო-საარჩევნო კომისიის თავმჯდომარისა და კომისიის სხვა წევრების კანონსაწინააღმდეგო ქმედებებზე. ამავე დროს, ადამიანის უფლებათა ცენტრი მიმართავს მთავარ პროკურატურას, დაიწყოს გამოძიება ჟურნალისტისათვის პროფესიულ საქმიანობაში უკანონოდ ხელის შეშლის ფაქტზე". სრულად  წყარო: humanrights.ge

თბილისი. ჟურნალისტური ეთიკის ქარტიამ არჩევნების დღეს მედიის მუშაობასთან დაკავშირებით განცხადება გაავრცელა. „მიუხედავად იმისა, რომ გასულ არჩევნებთან შედარებით, 27 ოქტომბრის საპრეზიდენტო არჩევნები გაცილებით მშვიდად წარიმართა, დაფიქსირდა ჟურნალისტებისთვის პროფესიულ საქმიანობაში ხელის შეშლის, ზეწოლისა და შეურაცხყოფის ფაქტები, რაც ქარტიის აზრით შემაშფოთებელია ... ჟურნალისტური ეთიკის ქარტია მიიჩნევს, რომ დაუშვებელია ჟურნალისტისთვის პროფესიული საქმიანობაში ხელის შეშლა, ასევე დაუშვებელია, ცენტრალური საარჩევნო კომისიის შარშან მიღებული დადგენილების არასწორი ინტერპრეტაცია", ნათქვამია ორგანიზაციის ვებ–გვერდზე. სრულად  წყარო: qartia.org.ge

თბილისი. საერთაშორისო გამჭვირვალობა – საქართველომ გამოაქვეყნა ანგარიში: „მედია გარემო 27 ოქტომბრის საპრეზიდენტო არჩევნების წინ". ორგანიზაცია ვებგვერდზე ასევე აქვეყნებს ბლოგპოსტს, სადაც მოცემულია წინასაარჩევნოდ რომელი გადაცემები უფრო პოპულარული და, შესაბამისად, რომელს შეუძლია მეტი გავლენა მოახდინოს საზოგადოებრივ აზრზე. არჩევნებისწინა პერიოდში ტელეკომპანიების რეიტინგები. „მედია გარემო 27 ოქტომბრის საპრეზიდენტო არჩევნების წინ" წყარო: transparency.ge