თბილისი. საქართველოს ახალგაზრდა იურისტთა ასოციაცია (საია) აქტიურადაა ჩართული „ღირსეული შრომის პლატფორმის“ საქმიანობაში, რომელიც აერთიანებს დამოუკიდებელ პროფესიულ კავშირებს, ადამიანის უფლებათა დამცველ ორგანიზაციებსა და აქტივისტებს. ორგანიზაცია გიზიარებთ 2022 წლის კვლევას „მოპარული ხელფასი საქართველოში - შრომითი უფლებების დარღვევის ფინანსური გავლენა მშრომელთა უფლებებზე“.  კვლევა... საია-მ ასევე მოამზადა კვლევა „შრომითი უფლებები საჯარო სამსახურში: სამინისტროები და თვითმმართველი ქალაქები“. დოკუმენტში მოცემულია საჯარო სამსახურში შრომითი უფლებების მომწესრიგებელი სამართლებრივი ნორმების შედარებითი ანალიზი. კვლევა... ორგანიზაციის 2022 წლის საქმიანობის ანგარიში... წყარო: ორგანიზაციის გვერდი სოციალურ ქსელში

თბილისი. ახალგაზრდულ მუშაკთა ასოციაციის ცნობით, უკვე ხელმისაწვდომია სახელმძღვანელო - „ახალგაზრდული საქმიანობის კარგი პრაქტიკის მაგალითების კომპენდიუმი“. კარგი პრაქტიკის მაგალითების გამოყენება სულ უფრო მნიშვნელოვანი ხდება არა მარტო ახალგაზრდულ საქმიანობაში, არამედ ადამიანისა და საზოგადოების განვითარების ნებისმიერ სფეროში. ეს სახელმძღვანელო განსაკუთრებით საინტერესო იქნება მათთვის, ვისაც შეხება აქვს ახალგაზრდულ საქმიანობასთან ან უბრალოდ საინტერესებულია ამ სფეროთი. სახელმძღვანელოს ელ.ვერსია... კამპანია ხორციელდება პროექტის “Skills4Success - უნარები წარმატებისთვის” ფარგლებში. პროექტს ევროკავშირის დაფინანსებით ახორციელებს Save the Children International-ი პარტნიორ ორგანიზაციებთან: საქართველოს ახალგაზრდულ მუშაკთა ასოციაციასთან, ახალგაზრდობის სააგენტოსა და კონრად ადენაუერის ფონდთან ერთად. სრულად... წყარო: ორგანიზაციის გვერდი სოციალურ ქსელში

თბილისი. გაეცანით ინფორმაციის თავისუფლების განვითარების ინსტიტუტის (IDFI) ბლოგპოსტს „ანტიდასავლური პროპაგანდის საბჭოთა საწყისები“. ბლოგპოსტი ეფუძნება IDFI-ისა და საგამოძიებო მედია ლაბის ერთობლივ კვლევას, რომლის ფარგლებშიც გაანალიზდა გაზეთ „კომუნისტის“ ათწლიანი პერიოდი (1970 - 1980). დოკუმენტში მოყვანილია პარალელები საბჭოთა კავშირის პროპაგანდასა და რუსეთის თანამედროვე საინფორმაციო ოპერაციებს შორის, როგორც თემებისა და ნარატივების დონეზე, ისე პროპაგანდის გავრცელების მეთოდების კუთხით. სრულად... წყარო: idfi.ge

გურია. ახალგაზრდა პედაგოგთა კავშირმა პროექტის „უკეთესი მომავლისათვის“ ფარგლებში, რომლის ფინანსური მხარდამჭერია “Brot fu die Welt“, განახორციელა სოციოლოგიური კვლევა “მშობლების შრომითი მიგრაციის ზეგავლენა მათი არასრულწლოვანი შვილების აღზრდისა და განვითარების ფაქტორებზე”. კვლევის მიზანი იყო საზღვარგარეთ დასაქმების მიზნით მყოფი პირების ოჯახების, განსაკუთრებით - მათი არასრულწლოვანი შვილების, გამოწვევებისა და საჭიროებების შესწავლა, ასევე ზემოაღნიშნული საკითხების შესახებ ქვეყნის ფარგლებს გარეთ მყოფი მშობლების ინფორმირებულობისა და მათზე რეაგირების მექანიზმების შეფასება. კვლევის შედეგების გათვალისწინებით, ორგანიზაციამ მოამზადა 12 რეკომენდაცია, რომელიც მიეწოდა სფეროში ჩართულ უწყებებსა და ორგანიზაციებს. ვინაიდან, კვლევაში დასმული პრობლემა კომპლექსურია, ორგანიზაცია გეგმავს ადვოკატირების კამპანიების წარმართვას, ადგილობრივ და ცენტრალურ დონეებზე. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირის მხარდაჭერით, ექპერტიზ ფრანს-ი (Expertise France) და ჩეხეთის განვითარების სააგენტო ახორციელებენ პროექტს „სოციალური დაცვის გაძლიერება საქართველოში“. ამ ინიციატივის ფარგლებში დაიგეგმა და განხორციელდა საქართველოს მოსახლეობის ცოდნის, დამოკიდებულებისა და პრაქტიკის კვლევა (KAP) სოციალური დაცვის პროგრამების შესახებ, რომელიც 2022 წლის თებერვალსა და მარტში ჩატარდა. აღნიშნული პროექტის მთავარი მიზანი სოციალური დაცვის პროგრამებზე საქართველოს მოსახლეობის ცოდნის, დამოკიდებულებისა და პრაქტიკის (KAP) კვლევის განხორციელება იყო.  უფრო კონკრეტულად, კვლევა შემდგომ ასპექტებზე ამახვილებს ყურადღებას: (1) სოციალური დაცვის სხვადასხვა სქემის შესახებ ინფორმირებულობის ზოგადი დონე და შეფასება; (2) ყველაზე ხშირად გამოყენებული და მოსახერხებელი ინფორმაციის წყაროები; (3) ინფორმაციისა და ცოდნის ნაკლებობა; (4) სერვისებსა და ინფორმაციაზე ხელმისაწვდომობა; (5) კონკრეტული მომსახურებების გამოყენება და ბენეფიციარების გამოცდილება; (6) კონკრეტული სოციალური დაცვის მომსახურებების შეფასება; (7) სოციალური დაცვის მომსახურებების მიმართ მოლოდინები; (8) სამიზნე მოსახლეობის სოციო-დემოგრაფიული და ეკონომიკური პროფილი. იხ. კვლევა სრულად... წყარო: expertisefrance.fr

იმერეთი. იმერეთის რეგიონული ჰაბის „ადგილობრივი დემოკრატიის სააგენტო საქართველოს“ (LDA Georgia) და განათლების განვითარების და დასაქმების ცენტრის (EDEC) ორგანიზებით, ბაღდათის მუნიციპალიტეტის ახალგაზრდული საბჭოს წევრებისთვის ტრენინგი გაიმართა. თემა: ახალგაზრდული საჭიროებების იდენტიფიცირების მეთოდოლოგია და მისი განხორციელების ინსტრუმენტები. ტრენინგზე ბაღდათის მუნიციპალიტეტის საბჭოს წევრებს მიეწოდათ ინფორმაცია ახალგაზრდების საჭიროებების იდენტიფიცირების მეთოდების, პროცედურების და მათი თანამონაწილეობის გააქტიურების შესახებ. ტრენინგი გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) საჯარო დაწესებულებებს შეახსენებს მათ ვალდებულებას, ყოველი წლის 10 დეკემბერს საქართველოს პარლამენტს, საქართველოს პრეზიდენტსა და საქართველოს პრემიერ-მინისტრს წარუდგინონ, აგრეთვე საკანონმდებლო მაცნეში გამოაქვეყნონ, საჯარო ინფორმაციის ხელმისაწვდომობასთან დაკავშირებით არსებული მდგომარეობის შესახებ მიმდინარე წლის ანგარიში.  ორგანიზაციის შეფასებით, განვლილი წლების (2021 - 2022) ე.წ 10 დეკემბრის ანგარიშების მონიტორინგმა აჩვენა რომ, ხშირია შემთხვევები, როდესაც საჯარო დაწესებულებები ანგარიშებში ასახავენ კანონმდებლობის მოთხოვნების ან/და რეალობასთან შეუსაბამო მონაცემებს. სრულად... წყარო: ორგანიზაციის გვერდი სოციალურ ქსელში

თბილისი. 1930-იან წლებში და განსაკუთრებით მის მეორე ნახევარში განხორციელებული „დიდი ტერორის” ეპოქა საქართველოს, როგორც სხვა პოსტ-საბჭოთა ქვეყნების ისტორიაში, განსაკუთრებული მნიშვნელობის ტრავმული პერიოდია. შესაბამისად, მნიშვნელოვანია კრიტიკულად გაანალიზდეს ისტორიულ ნარატივში აღნიშნული პერიოდის ინტერპრეტაცია. ინფორმაციის თავისუფლების განვითარების ინსტიტუტის (IDFI) კვლევა მიმოიხილავს 1930-იანი წლების „დიდი ტერორის” შესახებ სწავლების დინამიკას, საქართველოს დამოუკიდებლობის პერიოდიდან გამოცემული და სკოლებისთვის განკუთვნილი სახელმძღვანელოების საშუალებით. სრულად... წყარო: idfi.ge

თბილისი. 28 ნოემბერს ინფორმაციის თავისუფლების განვითარების ინსტიტუტმა (IDFI), ამერიკის შეერთებული შტატების საერთაშორისო განვითარების სააგენტოსა (USAID) და Zinc Network-ის დახმარებით, კვლევის „რუსული კაპიტალი საქართველოში“ პრეზენტაცია გამართა და კვლევის ძირითადი მიგნებები წარადგინა. კვლევის მიზანი იყო რუსეთის მოქალაქეების საკუთრებაში არსებული საქართველოში მოქმედი კომპანიების მუშაობის, რესურსებისა და კავშირების შესწავლა შემდეგ სექტორებში: ელექტროენერგია, ნავთობი და გაზი. სრულად... წყარო: idfi.ge

თბილისი. თანასწორობის კვირეულის ფარგლებში, „კოალიცია თანასწორობისთვის“ წევრი ორგანიზაციების მიერ 18 ნოემბერს პრეზენტაცია გაიმართა. პრეზენტაციაზე განიხილეს ხანდაზმულთა უფლებრივი მდგომარეობა და სოციალური დაცვის სისტემის ძირითადი გამოწვევები სხვადასხვა დაუცველი ჯგუფისათვის საქართველოში, სოციალური დაცვის სისტემის გამოწვევები ბავშვების და შშმ პირებისთვის, სოციალური დაცვის სისტემის გამოწვევები ლგბტქი+ პირებისთვის, სოციალური დაცვის სისტემის გამოწვევები ქალებისათვის, სოციალური დაცვის სისტემის გამოწვევები ექთანი ქალებისთვის. „კოალიცია თანასწორობისთვის“ წევრი ორგანიზაციების მიერ წარდგენილი მოხსენებები იმ კვლევებს ეფუძნება, რომელიც ბოლო წლების მანძილზე ამ საკითხებზე შეიქმნა. სრულად... წყარო: equalitycoalition.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას „მედიის წვდომა საჯარო ინფორმაციაზე: კანონმდებლობა v. რეალობა“. კვლევის ფარგლებში გამოიკვეთა, რომ საჯარო დაწესებულებების მიერ კანონმდებლობის ცხადი მოთხოვნების დარღვევა, ისევე, როგორც გულგრილი დამოკიდებულება საჯარო ინფორმაციის მოთხოვნების მიმართ სახელმწიფოში დაცულ ინფორმაციაზე წვდომის ძირითადი დამაბრკოლებელია. სრულად... წყარო: idfi.ge

თბილისი. „ევროკავშირი არ აპირებს საქართველოსთვის კანდიდატის სტატუსის მინიჭებას, ვიდრე აქ მისთვის სასურველ ხელისუფლებას არ ნახავს”, - ამ სათაურით გაავრცელა „კონსერვატიულმა პორტალმა - საქართველო უპირველეს ყოვლისა“ ერთ-ერთი ქართველი ექსპერტის ფეისბუკ-პოსტი. უფლებების საქართველოს ცნობით, სინამდვილეში: ევროკავშირი საქართველოსთვის კანდიდატის სტატუსის მინიჭების წინაპირობად ხელისუფლების შეცვლას არ აყენებს. ევროკავშირი საქართველოს ხელისუფლებისგან მოითხოვს სახელმწიფო ინსტიტუტების დამოუკიდებლობისა და ანგარიშვალდებულების გაძლიერებას, დეოლიგარქიზაციას, მართლმსაჯულების რეფორმირებას, ასევე პოლიტიკური პოლარიზაციის აღმოფხვრას. მასალა შექმნილია ევროკავშირის მხარდაჭერით. მის შინაარსზე სრულად პასუხისმგებელია „უფლებები საქართველო“ და შესაძლოა, რომ იგი არ გამოხატავდეს ევროკავშირის შეხედულებებს. სრულად... წყარო: rights.ge

თბილისი. ინფორმაციის თავისუფლების განვითარების ინსტიტუტმა (IDFI) საქართველოს კომუნიკაციების ეროვნული კომისიისგან (შემდგომ - „კომუნიკაციების კომისია“, ან „კომისია“) საჯარო ინფორმაციის სახით გამოითხოვა 2017 წლიდან დღემდე ინტერნეტ გვერდების დაბლოკვის მიზნით კომისიის მიერ ინტერნეტ-პროვაიდერებისთვის გაგზავნილი ყველა მოთხოვნა. კვლევა ასახავს 2017 წლიდან 2022 წლის 26 სექტემბრის ჩათვლით პერიოდს. „ამ პერიოდში კომისიამ ვებგვერდების დაბლოკვის შესახებ 65 მიმართვა გაუგზავნა პროვაიდერებს. ჯამში მოთხოვნილ იქნა 480 ინტერნეტ გვერდის დაბლოკვა. მხედველობაში თუ არ მივიღებთ ინტერნეტ გვერდებს, რომელთა გადამოწმებაც ვერ მოხერხდა, კომისიის უფლებამოსილების ფარგლებში ვებგვერდების დაბლოკვის რეალური მაჩვენებელი არის 55%. ასეთმა მაჩვენებელმა და დაბლოკვისთვის თავის არიდების შემთხვევების რაოდენობამ შეიძლება კომისიის მიერ აღნიშნული უფლებამოსილების აღსრულების ეფექტურობა კითხვის ნიშნის ქვეშ დააყენოს. აღსანიშნავია ასევე, რომ კომისია ფაქტობრივად არც ერთ შემთხვევაში არ ყოფილა ვებგვერდების დაბლოკვის თავდაპირველი ინიციატორი. მას გააჩნია მხოლოდ ერთგვარი შუამავლის ფუნქცია მიმმართავ სუბიექტებსა და პროვაიდერებს შორის“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: მუნიციპალიტეტებში დასაქმებულ პირებზე სოციალური დახმარებების გაცემის პრაქტიკა. „კვლევით გამოვლენილი რამდენიმე შემთხვევის ფონზე, ნათელია, რომ საჭიროა აუდიტის სამსახურმა შეისწავლოს მუნიციპალიტეტების პრაქტიკა სოციალური დახმარებების თანამშრომლებზე გაცემის კუთხით და შესაბამისი ფაქტების გამოვლენის შემთხვევაში, მოახდინოს რეაგირება, მომავალში მსგავსი შემთხვევების პრევენციის მიზნით“, ნათქვამია ორგანიზაციის ვებგვერდზე. სრულად... წყარო: idfi.ge

რეგიონები. კავკასიის გარემოსდაცვითი რესურსების ცენტრის (CENN) ინფორმაციით, სამცხე-ჯავახეთსა და ქვემო ქართლში არსებული სოციალური სერვისების საბაზისო კვლევის საჯარო განხილვები ყველა სამიზნე მუნიციპალიტეტში გაიმართება.  განრიგი: 11 ნოემბერი - დმანისი - 12:00 საათი, დმანისის მუნიციპალიტეტის მერია 14 ნოემბერი - ბოლნისი - 12:00 საათი, დმანისის მუნიციპალიტეტის მერია 15 ნოემბერი - მარნეული - 15:00 საათი, მარნეულის მუნიციპალიტეტის მერია 18 ნოემბერი - ახალციხე - 13:00 საათი, ახალციხის მუნიციპალიტეტია მერიის საკონფერენციო დარბაზი (tbc) 21 ნოემბერი - წალკა - 12:00 საათი, წალკის მუნიციპალიტეტის მერია 22 ნოემბერი - გარდაბანი - 15:00 საათი, გაარდაბნის მუნიციპალიტეტის მერია 25 ნოემბერი - ნინოწმინდა - 13:00 საათი, ნინოწმინდის მუნიციპალიტეტის მერია (tbc) 28 ნოემბერი - თეთრიწყარო - 12:00 თეთრრიწყაროს მუნიციპალკიტეტის მერია კვლევაში განხილულია რეგიონებში არსებული მუნიციპალური და სოციალური სერვისები, მათზე ხელმისაწყვდომობა და მოსარგებლეთა კმაყოფილება. კვლევა მიმოიხილავს სამოქალაქო საზოგადოების ადგილობრივ დემოკრატიულ პროცესებში ჩართულობასაც. სრულად... წყარო: ორგანიზაციის გვერდი სოციალურ ქსელში

გურია. 2 ნოემბერს, ახალგაზრდა პედაგოგთა კავშირის ოფისში მოეწყო სოციოლოგიური კვლევის „მშობლების შრომითი მიგრაციის ზეგავლენა მათი არასრულწლოვანი შვილების აღზრდისა და განვითარების ფაქტორებზე“ კვლევის პრეზენტაცია.  პრეზენტაციას ესწრებოდნენ მუნიციპალიტეტის, ბავშვთა კეთილდღეობის სფეროში მოქმედი არასამთავრობო ორგანიზაციების, პარტნიორი სკოლებისა და ბაღების წარმომადგენლები, ასევე, მოზარდები. დამსწრე საზოგადოებას წარედგინა კვლევის შედეგები, კერძოდ, რა ზეგავლენას ახდენს არასრულწლოვნებზე მშობლების შრომითი მიგრაცია. პრეზენტაცია ჩატარდა პროექტის „სამოქალაქო ჩართულობა - უკეთესი მომავლისთვის“ ფარგლებში, გერმანული ფონდის - Brot fu die Welt ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

აჭარა. „საერთაშორისო გამჭვირვალობა - საქართველომ” შეისწავლა აჭარის ავტონომიური რესპუბლიკის უმაღლესი საბჭოს და მთავრობის თანამდებობის პირების მიერ 2021-2022 წლებში შევსებული დეკლარაციები და 39%-ში ხარვეზები გამოავლინა. კვლევის შედეგად დადგინდა რომ: 62 მოქმედი თანამდებობის პირიდან დეკლარაცია ხარვეზებით 24-მა შეავსო. მათგან 12-მა თანამდებობის პირმა დეკლარაციაში არ მიუთითა მისი ან/და მისი ოჯახის წევრის საკუთრებაში არსებული უძრავი ქონება. 12 თანამდებობის პირს არ აქვს დეკლარირებული მისი ან/და მისი ოჯახის წევრის მონაწილეობა სამეწარმეო საქმიანობაში - წილების ფლობა და საწარმოს ხელმძღვანელობა. 11 თანამდებობის პირს არ გადაუცია წილის მართვის უფლება სხვა პირისათვის. 4 თანამდებობის პირს დეკლარაციაში არ მიუთითებია თანამდებობაზე ყოფნის პერიოდში მიღებული შრომის ანაზღაურება. 3-მა პირმა თანამდებობაზე ყოფნისას მიიღო შემოსავლები აკრძალული/ნებადაურთველი საქმიანობიდან. 2-მა თანამდებობის პირმა - უმაღლესი საბჭოს წევრებმა, ილია ვერძაძემ და ფრიდონ ფუტკარაძემ გამოასწორეს ჩვენს 2019 წლის კვლევაში მითითებული ხარვეზები, ხოლო მთავრობის თავმჯდომარემ, თორნიკე რიჟვაძემ არ გაითვალისწინა 2020 წლის კვლევაში ნახსენები ხარვეზი.  ორგანიზაციამ მიმართა საჯარო სამსახურის ბიუროს, წარმოდგენილი ინფორმაციის საფუძველზე, შეისწავლოს კვლევაში აღნიშნული პირების ქონებრივი მდგომარეობის დეკლარაციები სათანადო რეაგირების მიზნით. სრულად... წყარო: transparency.ge

თბილისი. სამი არასამთავრობო ორგანიზაცია - სოციალური სამართლიანობის ცენტრი, საია და მწვანე ალტერნატივა აქვეყნებს შეფასებას, სახელმწიფო კომისიის მიერ ითხვისის შესახებ მომზადებულ დასკვნაზე. როგორც საზოგადოებისთვის ცნობილია, მიმდინარე წლის მარტში ჭიათურის მუნიციპალიტეტის სოფელ ითხვისში, სახლების ჩაქცევის შემდეგ საქართველოს მთავრობის განკარგულების საფუძველზე, შეიქმნა უწყებათაშორისი კომისია, რომელსაც ამ პროცესების გამომწვევი მიზეზების შესწავლა და „სტიქიის“ არეალში მოქცეული მოსახლეობის იდენტიფიცირება დაევალა. კომისიის დასკვნა, რომელიც 10 ოქტომბრითაა დათარიღებული, მოსახლეობის ნაწილისთვის ხელმისაწვდომი ოქტომბრის შუა რიცხვებში გახდა. ორგანიზაციების შეფასებით, დასკვნა ითხვისელების ღირსეული განსახლების გარანტიებს ვერ ქმნის შემდეგი მიზეზების გამო: •    კომისიას არ შეუფასებია, რა ბედი უნდა ეწიოს სოფელს/უბანს - უნდა მოხდეს მთლიანი თემის განსახლება და განხორციელდეს წიაღის მოპოვება, თუ არსებობს მოლოდინი, რომ დანარჩენი მცხოვრებლებისთვის სოფელში დარჩენა უსაფრთხოა; •    ბუნდოვანია რა სტანდარტებით, წესებით და რა ვადებში მოხდება დაზარალებულების განსახლება. ამ ეტაპზე მხოლოდ სახლების საბაზრო ღირებულება ფასდება, რაც, სავარაუდოდ, საკმარისი ვერ იქნება ახალი საცხოვრებელი სახლების ასაგებად; •    დასკვნის მიხედვით, შეისწავლეს მხოლოდ 106 ოჯახის მდგომარეობა, თუმცა კომისია არ მსჯელობს იმაზე, თუ რატომ არ შეფასდა დამატებით ის საცხოვრისებიც, რომლებიც ასევე ექცევა მიწის ჩაქცევის არეალში და სავარაუდოდ, არც ეს სახლებია ბოლომდე უსაფრთხო; •    კომისია გამოყოფს მნიშვნელოვანი და ნაკლები დაზიანების მქონე ნაგებობებს და ამბობს, რომ პირველ რიგში უნდა მოხდეს მნიშვნელოვნად დაზიანებულ სახლში მცხოვრები მოსახლეობის განსახლება. თუმცა გაურკვეველია, კონკრეტულად რა კრიტერიუმებით მიაკუთვნა კომისიამ სახლები ნაკლებად დაზიანებულ, ან მნიშვნელოვნად დაზიანებულ კატეგორიებს. სრულად... წყარო: www.gyla.ge

თბილისი. ინფორმაციის თავისუფლების განვითარების ინსტიტუტის (IDFI) ცნობით, 26 ოქტომბერს გამოქვეყნდა მსოფლიოს სამართლის პროექტის (World Justice Project) კანონის უზენაესობის გლობალური ინდექსი. ის 8 კრიტერიუმს მოიცავს და ყოველწლიურად ქვეყნდება. ამ კრიტერიუმებით კანონის უზენაესობის კუთხით სახელმწიფოების მდგომარეობა ფასდება. აღნიშნულ ანალიზში მიმოხილულია საქართველოს შედეგები კანონის უზენაესობის გლობალურ ინდექსში 2022 წლის მდგომარეობით, შედარებულია ქვეყნის შედეგები წინა წლების მაჩვენებლებთან, და რეგიონის სხვა ქვეყნებთან. წლევანდელი შედეგებით, საქართველოს ქულა შემცირდა - 0.61 ქულიდან 0.60-მდე ჩამოვიდა. მართალია, საქართველო რეგიონულ რეიტინგში, 14 ქვეყანას შორის პირველ პოზიციაზეა, მაგრამ ქვეყნის პროგრესი ბოლო წლებში შეჩერდა. საქართველო იმ ქვეყნებს შორის მოხვდა, რომელთა მაჩვენებლები 2015 წლის შემდეგ შემცირდა. ამის საპირისპიროდ, რეგიონში მოლდოვამ, უკრაინამ, ყაზახეთმა და უზბეკეთმა ბოლო წლებში გაუმჯობესების ტენდენცია აჩვენეს. სრულად... წყარო: idfi.ge

თბილისი. სოციალური სამართლიანობის ცენტრი გთავაზობთ ახალ ანალიტიკურ დოკუმენტს: „რუსეთისგან მომდინარე ჰიბრიდულ ომთან გამკლავების სუსტი და ბუნდოვანი ქართული გამოცდილება“. „დოკუმენტის მიზანია, გამოვიკვლიოთ, რამდენად პრიორიტეტულია ჩვენი ქვეყნის უსაფრთხოების პოლიტიკაში რუსული ნარატივების შეკავება და კონტროლი, პრობლემის სახელდება, აგრესორი ქვეყნის გავლენების გამოვლენა და ანგარიშვალდებულება ქვეყნის მოსახლეობის მიმართ. ამ მიზნით, ჩვენ გავაანალიზეთ სუს-ის უკანასკნელ ექვს წლიურ ანგარიშს (2016-2021). შედარებისთვის, ასევე განვიხილავთ ლატვიაში, ლიეტუვასა და ჩეხეთში უსაფრთხოების სამსახურების მუშაობის პრაქტიკას რუსეთისგან მომდინარე საინფორმაციო საფრთხეებთან გამკლავების მიმართულებით. ამ ქვეყნების პოლიტიკური და უსაფრთხოების კონტექსტიდან გამომდინარე, მათი მუშაობის წესი ჩვენთვის რელევანტური შეიძლება იყოს“, ნათქვამია ორგანიზაციის ვებგვერდზე. სრულად... წყარო: socialjustice.org.ge

თბილისი. გაეცანით პუბლიკაციას „კორპორაციული ანგარიშგებების სისტემა საქართველოში - ევროკავშირთან ასოცირების ხელშეკრულებით აღებული ვალდებულებებისა და საქართველოს კანონმდებლობის აღსრულების შეფასება“. ანგარიში მომზადდა საქართველოს ახალგაზრდა ეკონომისტთა ასოციაციის იმერეთის წარმომადგენლობა. დეტალურად... ანგარიში მომზადდა საქართველოს სტრატეგიული კვლევებისა და განვითარების ცენტრის მხარდაჭერით, ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. წყარო: STAR-ის პროექტის გვერდი სოციალურ ქსელში

თბილისი. 10 ოქტომბერს, ონლაინ პლატფორმა zoom-ის საშუალებით გაიმართა შეხვედრა, რომლის მიზანი იყო სახელმწიფოსა და საზოგადოებრივ ორგანიზაციებს შორის ფულის გათეთრებისა და ტერორიზმის დაფინანსების წინააღმდეგ ბრძოლის მიმართულებით ინფორმაციის გაცვლა. მათ შორის პროცესში სსო-ების მონაწილეობა, მათი ხედვებისა და გამოცდილების გაცნობა-გაზიარება, რათა თავიდან იქნეს აცილებული სექტორზე ამ პროცესის არასასურველი გავლენა. სრულად... წყარო: civilin.org