თბილისი. საბჭოთა წარსული კვლევის ლაბორატორიის გუნდმა საქართველოს უახლესი ისტორიის ამსახველ უნიკალურ ვიდეომასალას მიაკვლია, რომელიც ვიდეოკასეტებზეა ჩაწერილი და საერთო მოცულობა 60 საათს აჭარბებს. „ეს ჩანაწერები უაღრესად ფასეული და მნიშვნელოვანია საქართველოს ყველა მოქალაქისთვის, რადგან ისინი აქამდე არსად გამოქვეყნებულა და უცნობია არათუ ფართო საზოგადოებისთვის, არამედ მკვლევარებისთვისაც. ვიდეოფირზე დაფიქსირებულია 1989-1991 წლებში განვითარებული საკვანძო მოვლენები“. სოვლაბის თქმით, ორგანიზაციას შეზღუდული ფინანსური რესურსების პირობებში, ამ მასალის შეძენის და კვლევის დაწყების შესაძლებლობა არ აქვს. საკვლევი მასალების შესაძენად 25 000 ლარია საჭირო, ორგანიზაცია მოგმართავთ თხოვნით, სურვილის შემთხვევაში, დააფინანსოთ მასალების შეძენა და კვლევა. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველოს“ ორგანიზებით, საქართველოს უნივერსიტეტში გაიმართა ტრენინგი თემაზე „როგორ ვიკვლიოთ კორუფცია?“ შეხვედრა ჩაატარა ორგანიზაციის მთავარმა იურისტმა გიგი ჩიხლაძემ. ტრენინგს ესწრებოდნენ ჟურნალისტები, მკვლევარები და სამოქალაქო აქტივისტები. მონაწილეებმა იმსჯელეს პოლიტიკური კორუფციის ცნებაზე და მის სახეებზე, ღია მონაცემებზე და იმ ინსტრუმენტებზე, რომელებიც ხელს უწყობს კორუფციის გამოვლენას. ტრენინგი აშშ-ის საერთაშორისო განვითარების სააგენტოს (USAID) მხარდაჭერით ჩატარდა. სრულად... წყარო: ორგანიზაციის გვერდო სოციალურ ქსელში

თბილისი. სოციალური სამართლიანობის ცენტრი გთავაზობთ ჩარლზ ტეილორის სტატიის თარგმანს „დემოკრატიის გადაგვარების გზები“. თარგმანი იხ. ბმულზე... წყარო: socialjustice.org.ge

თბილისი. საზოგადოებრივი ორგანიზაციების შეფასებით, მოცემულ პერიოდში, ევროკავშირის კანდიდატის სტატუსის მისანიჭებლად განსაზღვრული 12 პირობიდან სრულად არის შესრულებული ერთი პირობა, მეტწილად შესრულებულია ორი, ნაწილობრივ შესრულებულია ხუთი და შესასრულებელია ოთხი პირობა. „სტატუსმესტრის წინა ანგარიშებმა ცხადყო, რომ სამოქალაქო საზოგადოების შეფასებები დიდწილად თანხვედრაშია ევროკავშირის მიერ 2023 წლის 22 ივნისს წარმოდგენილ შუალედურ შეფასებასთან. პირობების შესრულების კუთხით, 2023 წლის 30 აპრილიდან 15 ივნისის ჩათვლით მცირე, თუმცა არასაკმარისი  პროგრესია. ქვეყნისთვის ევროკავშირის კანდიდატის სტატუსის მისანიჭებლად განსაზღვრული 12 პირობის შესრულების მდგომარეობის უფრო ვრცელი შეფასება იხილეთ რიგით მეოთხე სტატუსმეტრში, რომელიც, „ღია საზოგადოების ფონდის“ ლიდერობით, 8 საზოგადოებრივმა ორგანიზაციამ მოამზადა“. წყარო: osgf.ge

თბილისი. სოციალური სამართლიანობის ცენტრი შეისწავლის გადაადგილების თავისუფლების უფლებრივ, პოლიტიკურ და სოციალურ განზომილებებს განგრძობადი კონფლიქტის კონტექსტში. მოცემულ სტატიაში ორგანიზაცია წარმოგიდგენთ კვლევის ერთ-ერთ ნაწილს, სადაც შესწავლილია გადაადგილებასთან დაკავშირებული გამოცდილება და პრაქტიკები მოლდოვის განგრძობადი კონფლიქტის პირობებში. სრულად... წყარო: socialjustice.org.ge

თბილისი. 25 მაისს, სოციალური სამართლიანობის ცენტრმა გამართა საჯარო დისკუსია თემაზე: „დომინაციის ლოგიკის გაძლიერება პოლიტიკაში და მისი ზიანი ჩვენთვის”. ორგანიზაცია გთავაზობთ ქამრან მამედლის მოხსენებას. სრულად... წყარო: socialjustice.org.ge

თბილისი. 14 ივნისს გაიმართა დისკუსია საერთაშორისო ექსპერტების, სსო–ებისა და ბანკების წარმომადგენლების მონაწილეობით, რომლის მიზანიც იყო სამოქალაქო საზოგადოების ჩართულობის გაზრდა და სამოქალაქო ორგანიზაციების ხედვების კონსოლიდაცია საქართველოში ფულის გათეთრების საწინააღმდეგო ქმედებებისა და ტერორიზმის დაფინანსებასთან ბრძოლის (AML/CFT) პროცესებზე. შეხვედრა გაიმართა სამოქალაქო საზოგადოების ინსტიტუტის (CSI) ორგანიზებით, არასამეწარმეო სამართლის ევროპულ ცენტრის (ECNL) და პარტნიორები-საქართველოსთან (Partners Georgia) თანამშრომლობით. სრულად... წყარო: civilin.org

თბილისი. საქართველოს სტრატეგიის და განვითარების ცენტრის (GCSD) ორგანიზებით, პროექტ SHE’s GREAT!-ის ფარგლებში, ბაქსვუდის სკოლაში სამეცნიერო-ტექნოლოგიური (STEM) ბანაკი გაიმართა. Ბანაკში მონაწილეობდა სამეცნიერო-ტექნოლოგიური სფეროთი დაინტერესებული 50 მონაწილე საჩხერიდან, სენაკიდან, ზუგდიდიდან, ვალედან, ბოლნისიდან, მარნეულიდან, წეროვნიდან და თბილისიდან. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) გიზიარებთ საარქივო დოკუმენტებს, ე.წ. „სტალინურ სიებს“, რომლის საფუძველზეც საქართველოში 3,600-ზე მეტი ადამიანი ემსხვერპლა რეპრესიებს, მათ შორის უმეტესობა გასამართლდა „პირველი კატეგორიით“ და მიესაჯა დახვრეტა და ქონების კონფისკაცია.  სრულად... წყარო: ორგანიზაციის გვერდი სოციალურ ქსელში

თბილისი. საქართველოს დემოკრატიული ინიციატივა (GDI) წარმოგიდგენთ სპეციალურ ანგარიშს: „SLAPP საქმეები საქართველოში, ახალი საფრთხე მედიის თავისუფლებისთვის.“ ანგარიში... „SLAPP-ად განიხილება პოლიტიკური თუ ფინანსური თვალსაზრისით გავლენიანი პირების მიერ აღძრული აშკარად უსაფუძვლო სარჩელები (ცილისწამების შესახებ), რომელთა მიზანიც არის არა პატივის, ღირსების და საქმიანი რეპუტაციის დაცვა, არამედ აქტიური მოქალაქეების გაჩუმება და მათთვის ფინანსური ბარიერების შექმნა. GDI-ს დაკვირვებით, 2021-2023 წლებში საქართველოში დაიწყო და მნიშვნელოვნად გაიზარდა კრიტიკული მედიისა და უფლებადამცველების წინააღმდეგ ასეთი სარჩელების რიცხვი. ანგარიში მომზადებულია საქართველოს დემოკრატიული ინიციატივის (GDI) მიერ, USAID სამართლის უზენაესობის პროგრამის მხარდაჭერით. პროგრამას ახორციელებს აღმოსავლეთ-დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. ანგარიშის შინაარსზე სრულად პასუხისმგებელია GDI და მასში გამოთქმული მოსაზრებები შესაძლოა არ ასახავდეს ზემოთ ნახსენები საერთაშორისო ორგანიზაციების შეხედულებებს“. წყარო: gdi.ge

თბილისი. 6 ივნისს, სოციალური სამართლიანობის ცენტრმა გამართა კვლევების პრეზენტაცია და დისკუსია თემაზე: „ეთნიკური უმცირესობების წარმომადგენლების სოციალური ექსკლუზია“. „სოციალური კვლევისა და ანალიზის ცენტრის (ISSA) კვლევა 2022 წელს ჩატარდა და ის რაოდენობრივი კვლევის მეთოდებით ყოვლისმომცველად იკვლევს ეთნიკური უმცირესობების სოციალური მოწყვლადობისა და გარიყულობის პრაქტიკებს. კვლევა დამოუკიდებელ სოციალურ და ეკონომიკურ მონაცემებს გვაძლევს ეთნიკური უმცირესობებით კომპაქტურად და ტრადიციულად დასახლებული რეგიონების - ჯავახეთის, ქვემო ქართლის, კახეთის აზერბაიჯანელების სოფლების და პანკისის ხეობის მიხედვით. სოციალური სამართლიანობის ცენტრის მიერ მომზადებული დოკუმენტები კი ეთმობა ისეთ საკითხებს, როგორიცაა: 1. ეთნიკური უმცირესობების სოციალური და ეკონომიკური ექსკლუზია საერთო მონაცემების კონტექსტში; 2. არადომინანტური ეთნიკური ჯგუფების ძირითადი გამოწვევები სოფლის მეურნეობის სფეროში და 3. ქვემო ქართლის შშმ პირების წვდომა სოციალური დაცვის ცენტრალურ დონეზე არსებულ მექანიზმებზე“. სრულად... წყარო: socialjustice.org.ge

თბილისი. სოციალური სამართლიანობის ცენტრი გთავაზობთ ახალ კვლევას: „საზოგადოებრივ სამუშაოებზე დასაქმების პროგრამის ანატომია“. კვლევა იხ. ბმულზე... „ნაშრომში ყურადღება ეთმობა იმ ახალი ტიპის სოციალურ დანახარჯს, რომელიც, საზოგადოებრივ სამუშაოებზე დასაქმების პროგრამის სახით, პირველად 2022 წელს დაემატა სახელმწიფო ბიუჯეტის სოციალურ ხარჯებს, 2023 წლიდან კი დამატებით 80 მილიონიან დანახარჯს განიხილავს სოციალურად დაუცველი მოსახლეობის სეგმენტზე. დაკვირვების მთავარი საგანი - საზოგადოებრივი სამუშაოების პროგრამა იმის გამოც გახდა, რომ ის შემოთავაზებულია, როგორც სოციალური პოლიტიკის სრულიად ახალი ინსტრუმენტი, რომელიც ერთდროულად ცდილობს, როგორც სიღარიბის შემსუბუქებას, ისე უმუშევრობისა და დასაქმების პრობლემის აღმოფხვრაზე მუშაობას. მოცემული პროგრამა მხოლოდ ერთი წელია ხორციელდება, თუმცა ის მომდევნო ერთი წლით ისე გახანგრძლივდა, რომ უცნობია, რა შედეგები ჰქონდა ამ პროგრამის აღსრულებას პირველ წელს“, ნათქვამია ნაშრომში. წყარო: socialjustice.org.ge

თბილისი. გარემოს დაცვის დღის წინ, გაეროს განვითარების პროგრამა (UNDP) წარმოგიდგენთ ახალ კვლევას „გარემოსდაცვითი განათლებისა და ცნობიერების დონის შეფასება საქართველოში“,  რომლის მიზანია სამთავრობო და სამოქალაქო სექტორის უზრუნველყოფა სანდო სტატისტიკური და ანალიტიკური მონაცემებით. კვლევის შედეგებით გამოიკვეთა, რომ 10 რესპონდენტიდან 9 გრძნობს კლიმატის ცვლილების უარყოფით შედეგებს. გამოკითხულთა 91% თვლის, რომ წყლის რესურსების დაბინძურება კანონით უნდა ისჯებოდეს. 90% მიიჩნევს, რომ საქართველოში ნარჩენების დახარისხების პრაქტიკა უნდა დაინერგოს. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: საერთო სასამართლოების ძირითადი სტატისტიკური მონაცემების ანალიზი (2010-2022). „საქართველოს უზენაესი სასამართლოდან მიღებული ძირითადი სტატისტიკური მონაცემების ანალიზი აჩვენებს რომ, 2022 წელს წინა წელთან შედარებით სამივე კატეგორიის საქმეებზე სასამართლოზე  მიმართვიანობის რიცხვი გაზრდილია.  2010 წლის შემდეგ, სასამართლოებში შესული სისხლის სამართლის საქმეების 2022 წლის ყველაზე მაღალი მაჩვენებელი, გარკვეულწილად ქვეყანაში კრიმინოგენური მდგომარეობის გაუარესებაზე მიუთითებს.  აღსანიშნავია ის ფაქტი, რომ ბოლო 5 წელში მნიშვნელოვნად არის გაზრდილი სისხლის სამართლის საქმეებზე გამამართლებელი განაჩენების წილი, რაც ერთის მხრივ შესაძლებელია განპირობებული იყოს სასამართლოს მიერ ბრალეულობის დასამტკიცებლად საჭირო მტკიცებულებების სტანდარტის ამაღლებით, ხოლო მეორეს მხრივ საგამოძიებო უწყებების მიერ არაკვალიფიციურად წარმოებული სისხლის სამართლის საქმეების რაოდენობის ზრდით“... სრულად... წყარო: idfi.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის აქვეყნებს კვლევას: მართლმსაჯულების რეფორმების 10 წელი: გამოწვევები და პერსპექტივები. კოალიციის ინფორმაციით, „ბოლო ათწლეულში გატარებული არაერთი რეფორმის მიუხედავად, ქართული სასამართლო კვლავ ფუნდამენტური გამოწვევების წინაშეა და ლეგიტიმაციისა და ნდობის მნიშვნელოვან კრიზისს განიცდის. მიუხედავად იმისა,  რეფორმების საწყისი ეტაპები დადებითად ფასდებოდა, 10 წლის თავზე,  მთლიანობაში, ეს პროცესი შესაძლოა შეფასდეს სასამართლოს ინსტიტუციური მოდერნიზაციის არასრულფასოვან მცდელობად, რომელმაც ვერ შეძლო ქართული კონტექსტისთვის მთავარ გამოწვევასთან – სასამართლო სისტემაში ძალაუფლების კონცენტრაციასა და არაფორმალურ გავლენებთან გამკლავება“. დოკუმენტი ხელმისაწვდომია ბმულზე... წყარო: gyla.ge

მცხეთა-მთიანეთი. ყაზბეგის ადგილობრივი განვითარების ჯგუფი გიზიარებთ კითხვარს, რომელიც რაიონის მოსახლეობის მიერ LAG Kazbegi-ის ცნობადობის დონის განსაზღვრას ეხება. კვლევა ტარდება ადგილობრივი სტუდენტის მიერ საუნივერსიტეტო ნაშრომის ფარგლებში. სრულად... კითხვარი... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველომ, 2023 წლის იანვარ-მარტის პარტიული შემოწირულებები შეისწავლა. ორგანიზაციის ცნობით, ყველა პარტიამ ჯამში 640 569 ლარის შემოწირულება მიიღო, აქედან მმართველ პარტიაზე თითქმის ნახევარი  - 300 000 ლარი  - მოდიოდა. „„ქართული ოცნების“ 8 დონორიდან 6 ბათუმელი ბიზნესმენია, აქედან ერთ-ერთის, ბათუმის საკრებულოს ყოფილი წევრის, ნუკრი დოლიძის კომპანიები რეგულარულად იგებენ მრავალმილიონიან სახელმწიფო ტენდერებს“. სრულად... წყარო: transparency.ge

თბილისი. სოციალური სამართლიანობის ცენტრის გიზიარებთ თარგმანს „მოსაზრებები ნეოლიბერალიზმისა და ფემინიზმის საკამათო ურთიერთმიმართებაზე“. „ჩვენ ვამტკიცებთ, რომ გარდა გავლენისა ეკონომიკასა და პოლიტიკაზე, ნეოლიბერალიზმი სოციალური ღირებულებებისა და კულტურის ჩამოყალიბებაშიც მონაწილეობს. ზემოხსენებული ეკონომიკური და პოლიტიკური პრაქტიკების შემოტანითა და მხარდაჭერით იგი გვევლინება ყოველდღიური ცხოვრების თანმდევი ღირებულებების, პირადი ინტერაქციების, სხვადასხვა სოციალური ჯგუფებისა და მათი ქცევის შესახებ წარმოქმნილი იდეების აღმნიშვნელად. ძლიერი ინდივიდუალიზმის მხარდაჭერით იგი აზვიადებს ინდივიდის ინდივიდუალური პასუხისმგებლობის როლს არსებულ უთანასწორო სოციალურ სტრუქტურაში ისე, რომ კითხვებს არ უსვამს თავად სისტემის შიგნით არსებულ სტრუქტურულ ჩაგვრას. მაგრამ, როგორ შემოდის ამ სურათში ფემინიზმის საკითხი? როგორც უოლბი ამტკიცებს (2011:11), ნეოლიბერალიზმის ინტენსიფიკაცია ფემინიზმს ახალი გამოწვევის წინაშე აყენებს, იმდენად, რამდენადაც მისი ეფექტები (მზარდი სოციალური უთანასწორობა, დემოკრატიული მმართველობის შესუსტება) წინააღმდეგობაშია ფემინიზმის ზოგად მიზნებთან. ქამრების შემოჭერის პოლიტიკათა გენდერიზებული ეფექტების თანმდევი პრობლემები, სიღარიბის ფემინიზაცია, დაბალი შემოსავალი, შეუსაბამო ექსპლუატაციური და მყიფე სამუშაო გარემო, ქალთა შრომის გაორმაგებული ტვირთი, შინამეურნეობების პრობლემები, რომელთაც მარტოხელა ქალები აწყდებიან, ნეოლიბერალიზმის გენდერიზებული ფორმებისა და მათი შესაძლო შედეგების შესახებ გვაფრთხილებენ“. სრული თარგმანი... წყარო: socialjustice.org.ge

თბილისი. საერთაშორისო რესპუბლიკური ინსტიტუტი (IRI) საზოგადოებრივი აზრის კვლევის დოკუმენტს აქვეყნებს. კვლევა ხელმისაწვდომია ბმულზე... ახალი კვლევა (Center for Insights in Survey Research) აჩვენებს, რომ საქართველოს ევროკავშირში გაწევრიანებას მტკიცე მხარდაჭერა აქვს, ასევე გამოკითხულთა უმრავლესობა პოლიტიკური პარტიების მიმართ ნდობის ნაკლებობას გამოხატავს და უკმაყოფილოა ქვეყანაში რუსეთის მოქალაქეების ყოფნის გამო. „საზოგადოებაში არსებული განწყობების გათვალისწინებით, საერთაშორისო რესპუბლიკური ინსტიტუტი (IRI) აგრძელებს მრავალპარტიული დემოკრატიის მხარდაჭერას საქართველოში. IRI მხედველობაში იღებს პოლიტიკური პარტიების მიმართ ნდობის შემცირებას, ასევე საქართველოს მოქალაქეების სურვილს იხილოს მეტი ახალგაზრდა პოლიტიკაში და განაგრძობს მუშაობას როგორც მმართველ, ასევე ოპოზიციურ პოლიტიკურ პარტიებთან და დამწყებ პოლიტიკურ მოძრაობებთან იმის უზრუნველსაყოფად, რომ საქართველოს მოქალაქეებს ჰქონდეთ მრავალფეროვანი პოლიტიკური წარმომადგენლობა და არჩევანი, როგორც არჩევნების დღეს, ასევე მმართველობით დონეზე“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდის მხარდაჭერით, სტატისტიკის ეროვნული სამსახურის მიერ ჩატარებული ბავშვთა კეთილდღეობის კვლევის თანახმად, ბავშვის შემწეობა ეხმარება მოწყვლად ბავშვებს, თუმცა ბავშვების 38 პროცენტი განიცდის მატერიალურ და სოციალურ დანაკლისს. კვლევის მიზანი იყო საქართველოში მაცხოვრებელ ბავშვთა კეთილდღეობის რამდენიმე საკვანძო ასპექტის გაზომვა, მათ შორის: განათლების, ჯანდაცვის სერვისებისა და სოციალური დახმარების ხელმისაწვდომობა, სასკოლო კვება, უსაფრთხოება სახლში, მატერიალური და სოციალური დანაკლისი, ფუნქციური სირთულეები და შეზღუდულ შესაძლებლობასთან ასოცირებული სტიგმა. სრულად... კვლევა სრულად ხელმისაწვდომია ბმულზე... წყარო: www.unicef.org ფოტო: UNICEF

თბილისი. გაეროს ბავშვთა ფონდის ახალი ანგარიშის თანახმად, საქართველოში, ბოსნია-ჰერცეგოვინაში, მონტენეგროში, რუმინეთსა და უკრაინაში ყველაზე მაღალია იმ ბავშვთა წილი, რომლებიც არასრულად არიან აცრილნი. „კორონავირუსის დაწყების შემდეგ, ევროპასა და ცენტრალურ აზიაში დაახლოებით ერთი მილიონი ბავშვი დარჩა ერთი ან რამდენიმე რუტინული ვაქცინის გარეშე“. გაიგეთ მეტი... წყარო: www.unicef.org

თბილისი. სოციალური სამართლიანობის ცენტრი გიზიარებთ ლიკა ჩხეტიანის თარგმანს: პოსტკომუნისტური რეჟიმების ანატომია: კონცეპტუალური ჩარჩო. „ეს თავი შედარებითი პოლიტიკის პერსპექტივიდან მიმოიხილავს საზოგადოების ფენომენს სამი ტიპის იდეალურ-ტიპურ რეჟიმსა (ლიბერალური დემოკრატია, პატრონული ავტოკრატია, კომუნისტური დიქტატურა) და მათ ჰიბრიდულ გამოვლინებებში (პატრონული დემოკრატია, კონსერვატიული ავტოკრატია და ბაზრის ექსპლუატაციის დიქტატურა). დაწვრილებით რეჟიმების კლასიფიკაციის შესახებ იხილეთ აქ... საზოგადოების ფენომენის აღსაწერად გამოყენებული სამი კონცეპტუალური ინსტრუმენტია: საზოგადოებრივი კავშირები, რეჟიმის სტაბილურობა და იდეოლოგია“. სრულად... წყარო: socialjustice.org.ge