თბილისი. ინფორმაციის თავისუფლების განვითარების ინსტიტუტის (IDFI) ბლოგპოსტში გაეცნობით, როგორ იცვლებოდა 9 მაისის მიმართ დამოკიდებულება წლების მანძილზე, რა ფორმებს იძენდა ამ დღისადმი მიძღვნილი მთავარი აღლუმი თანამედროვე რუსეთის ფედერაციაში და რომელი სიმბოლოები თუ ნარატივები დომინირებდა ამ დღესთან მიმართებით. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაცია აქვეყნებს ორგანიზაციის საერთაშორისო სამართალწარმოების გუნდის თანაშემწის, შალვა ქიტესაშვილის ბლოგპოსტს: „რუსეთის ფედერაციის მიერ „სეპარატისტული“ რეჟიმების აღიარების პრაქტიკა და მისი სტატუსი საერთაშორისო სამართალში: უკრაინისა და საქართველოს საქმეების მაგალითზე“. ორგანიზაციის აღნიშვნით, ბლოგპოსტი მიმოიხილავს რუსეთის ფედერაციის მიერ აფხაზეთის, ცხინვალის, ლუგანსკისა და დონეცკის რეგიონების დამოუკიდებელ სახელმწიფოებად აღიარების პრაქტიკას, პრაქტიკის უკან მდგომ პოლიტიკურ ფაქტორებს და აღიარების აქტის თავსებადობას საერთაშორისო სამართალთან. სრულად... წყარო: gyla.ge

თბილისი. 28 აპრილს, საქართველოს სახალხო დამცველისა და გაეროს მოსახლეობის ფონდის (UNFPA) საქართველოს ოფისის თანამშრომლობით, საქართველოში არადომინანტი ეთნიკური ჯგუფის წარმომადგენელი ქალებისა და გოგოების უფლებრივ საკითხებთან დაკავშირებით შეხვედრა გაიმართა, სადაც ორი სპეციალური ანგარიში წარმოადგინეს. „ერთი ანგარიში ეხება ეთნიკური უმცირესობის წარმომადგენელი ქალებისა და გოგოების სექსუალური და რეპროდუქციული ჯანმრთელობის საკითხებსა და უფლებრივ მდგომარეობას; მეორე ანგარიშში კი ქვემო ქართლში ადრეული/ბავშვობის ასაკში ქორწინების საზიანო პრაქტიკისა და არსებული განწყობების შესახებ კვლევის ძირითადი მიგნებებია განხილული. კვლევამ აჩვენა, რომ რიგი სოციალურ-კულტურული ფაქტორები, უპირატესად კი, გენდერული ნორმები და სექსუალობასთან დაკავშირებული სტიგმა, ხშირად იწვევს არადომინანტი ეთნიკური ჯგუფების წარმომადგენელი ქალებისა და გოგოების სექსუალური და რეპროდუქციული ჯანმრთელობის უფლების დარღვევას. ამას ემატება ინფორმაციის ნაკლებობა, რომელსაც კიდევ უფრო ამწვავებს ენობრივი ბარიერი“. სრულად... წყარო: www.ombudsman.ge

თბილისი. 28 აპრილს, ინფორმაციის თავისუფლების განვითარების ინსტიტუტმა (IDFI) საერთაშორისო კონფერენცია „საქართველოს ციფრული ტრანსფორმაცია: წინმსწრები ნაბიჯები ევროინტეგრაციის გზაზე“ გამართა. „კონფერენციისას განიხილეს ახალი ტექნოლოგიების გამოყენებით საჯარო სექტორის მოდერნიზაციისა და ტრანსფორმაციის მიმართულებით კარგი პრაქტიკები, მთავარი ტენდენციები, ასევე, გამოწვევები და შესაძლებლობები საქართველოსთვის“.  სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: უკრაინის, რუსეთის და ბელარუსის მოქალაქეების მიერ საქართველოს საზღვრის კვეთის სტატისტიკა - 2022 მარტი. „2022 წლის მარტში, 2019 წლის მარტთან შედარებით, საქართველოში დარჩენილი რუსეთის მოქალაქეების რიცხვი 559 %-ით (2022 წლის მარტში საქართველოში დარჩა 17,201 პირი) არის გაზრდილი. 2022 წლის მარტში 2019 წლის მარტის თვესთან შედარებით, ბელარუსის მოქალაქეების საქართველოში შემოსვლის მაჩვნებელი 555%-ით გაიზარდა. გაზრდილია რუსეთის და ბელარუსის მოქალაქეების საქართველოში დარჩენის მაჩვენებლები (2022 წლის მარტში საქართველოში ჯამში დარჩა 30 ათასზე მეტი რუსეთის და ბელარუსის მოქალაქე)“, ნათქვამია მასალაში. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 20 აპრილს არასამთავრობო ორგანიზაციის „რუსეთი - შესაძლებლობების ქვეყანა“ - სამეთვალყურეო საბჭოს სხდომაზე, რუსეთის პრეზიდენტმა ვლადიმერ პუტინმა მხარი დაუჭირა სკოლებში ისტორიული განათლების მოდიფიცირებას, უკრაინაში არსებული ვითარების შესახებ „ყალბი ამბების“ წინააღმდეგ საბრძოლველად. „ისტორიის ფალსიფიცირება, ფაქტების დამახინჯება და კონტექსტის გარეშე გამოყენება ერთ-ერთი სტრატეგიაა, რომელსაც თანამედროვე რუსულ ჰიბრიდულ ომში მნიშვნელოვანი ადგილი უჭირავს. ანალიზში მიმოხილული მეთოდებისა და ნარატივების საშუალებით, რუსეთი წლების განმავლობაში ამზადებდა იდეოლოგიურ საფუძველს და შესაბამის ისტორიულ ნარატივს უკრაინაში შეჭრის ლეგიტიმაციისთვის.“ სრულად... წყარო: idfi.ge

თბილისი. 28 აპრილს, 13:00 საათიდან ინფორმაციის თავისუფლების განვითარების ინსტიტუტი (IDFI) გიწვევთ საერთაშორისო კონფერენციაზე: „საქართველოს ციფრული ტრანსფორმაცია: წინმსწრები ნაბიჯები ევროინტეგრაციის გზაზე“. კონფერენციის მიზანია განვიხილოთ ახალი ტექნოლოგიების გამოყენებით საჯარო სექტორის მოდერნიზაციისა და ტრანსფორმაციის მიმართულებით კარგი პრაქტიკები, მთავარი ტენდენციები, ასევე, გამოწვევები და შესაძლებლობები საქართველოსთვის.  კონფერენციაზე ონლაინ დასასწრებად გთხოვთ, დარეგისტრირდეთ... სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს ანალიტიკოს ნინო კაპანაძის ბლოგპოსტს: „სახელმწიფო ქონების უპირობო პრივატიზაცია გრძელდება“. ორგანიზაცია აგრძელებს ეკონომიკის სამინისტროს მიერ 2019 წლის ბოლოს დაწყებული პროექტის „100 საინვესტიციო შეთავაზება ბიზნესს“ შედეგების შესწავლას. „გამოიკვეთა, რომ კვლავ ნაკლებია გაყიდული ობიექტების რაოდენობაში პირობით გამოცხადებული აუქციონების რაოდენობა. ეს მიანიშნებს ტენდენციაზე, რომ სახელმწიფო ქონების პრივატიზების შემდეგ, მცირე დროის განმავლობაშიც კი, ამ ობიექტების გამოყენების ან განვითარების პერსპექტივას სახელმწიფო სრულად ემიჯნება და ეს მთლიანად შემძენის შესაძლებლობებსა თუ სურვილზე ხდება დამოკიდებული“. სრულად... წყარო: gyla.ge

თბილისი. სოციალური სამართლიანობის ცენტრი გთავაზობთ ახალ თარგმანს: ანტილიბერალური ტრანსფორმაციის გენდერირებული სამოქმედო გზები უნგრეთსა და პოლონეთში. „სწრაფად მზარდ ლიტერატურას, რომელიც ევროპის მასშტაბით ლიბერალური დემოკრატიისა და თანაბარი უფლებების იმპლემენტაციის მოწინააღმდეგე აქტორებს შეისწავლის, წინამდებარე სტატია ამდიდრებს უნგრეთსა და პოლონეთში მიმდინარე ანტილიბერალური პოლიტიკური ტრანსფორმაციის სამოქმედო გზების გამოკვლევის მეშვეობით, რომელიც ჩვენი დაკვირვებით გლობალური ნეოლიბერალური სისტემის ჰეგემონიის საპასუხოდ აღმოცენდა. ანტილიბერალური ტრანსფორმაციის პროცესის ეტაპობრივი შესწავლითა და უნგრეთსა და პოლონეთში ანტილიბერალური პარტიების რიტორიკის, პოლიტიკებისა და მექანიზმების შედარებაზე დაყრდნობით, წინამდებარე სტატია ამტკიცებს, რომ რეჟიმის მიმდინარე ცვლილების ლოგიკისა და მექანიზმების გასააზრებლად გენდერულად სენსიტიურ პერსპექტივას გადამწყვეტი მნიშვნელობა აქვს”. სრულად... წყარო: socialjustice.org.ge

თბილისი. საქართველოს სახალხო დამცველმა სპეციალური ანგარიში წარადგინა, სადაც ბავშვთა უფლებებზე კოვიდ 19-ის პანდემიის ზემოქმედება და სახელმწიფოს მიერ მიღებული ზომები არის შეფასებული. კვლევის შედეგების თანახმად, პანდემიის გავრცელების თავიდან არიდების მიზნით, სახელმწიფოს მიერ მიღებულმა ზომებმა დაამძიმა ბავშვთა უფლებრივი მდგომარეობა საქართველოში. კვლევა მომზადდა გაეროს ბავშვთა ფონდის ევროპისა და აზიის რეგიონული ოფისის (UNICEF ECARO), გაეროს ბავშვთა ფონდის საქართველოს წარმომადგენლობის და ევროპის ბავშვთა ომბუდსმენთა ქსელის (ENOC) მხარდაჭერით. სრულად... წყარო: www.ombudsman.ge

თბილისი. ტოლერანტობისა და მრავალფეროვნების ინსტიტუტი (TDI) აქვეყნებს ახალ პუბლიკაციას „რასა, რასიალიზმი და გლობალური მიგრაცია“. პუბლიკაცია... პუბლიკაციის გამოცემა დაფინანსებულია საქართველოში აშშ საელჩოს ალუმნი საგრანტო პროექტის ფარგლებში. წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) 14 აპრილს საქართველოს პარლამენტს წარუდგინა საკანონდებლო წინადადება „ეროვნული საარქივო ფონდისა და ეროვნული არქივის შესახებ“ საქართველოს კანონში ცვლილების და დამატებების შეტანის თაობაზე. „საკანონმდებლო წინადადება ითვალისწინებს, რომ მკვლევრებს მიეცეთ შესაძლებლობა, გაეცნონ და გამოიყენონ პერსონალური მონაცემების შემცველი საარქივო დოკუმენტები სამეცნიერო და კვლევითი მიზნებისთვის, მიუხედავად დროითი პერიოდისა“. სრულად... წყარო: idfi.ge

თბილისი. რონდელის ფონდი აქვეყნებს უფროსი მკვლევრის ვლადიმერ პაპავას პუბლიკაციას: პანდექსიტის (პანდემიიდან გასვლა) ძირითადი ეკონომიკური გამოწვევები. სრულად... წყარო: www.gfsis.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევით დოკუმენტს: საცხოვრებლის მოლოდინში მყოფი დევნილი ოჯახები: 2017-2021 წლების სახელმწიფო პოლიტიკა. ორგანიზაციის ინფორმაციით, დევნილი ოჯახების დაახლოებით 50% (45 903 ოჯახი) კვლავ არ არის უზრუნველყოფილი გრძელვადიანი საცხოვრებელი ფართით. არსებული ტემპის შენარჩუნების პირობებში, სახელმწიფოს მინიმუმ 20 წელი დაჭირდება ყველა დევნილი ოჯახის მუდმივი საცხოვრებლით უზრუნველყოფისათვის. IDFI მიიჩნევს, რომ დევნილი მოსახლეობის საცხოვრებლით უზრუნველყოფის დაჩქარებისთვის აუცილებელია: სახელმწიფო ბიუჯეტის ზრდის პროპორციულად, გაიზარდოს დევნილი ოჯახების განსახლებისთვის არსებული დაფინანსება. გაიზარდოს სახელმწიფო პროგრამების დაგეგმვის და განხორციელების ეფექტიანობა, რაც გამორიცხავს ამ მიზნით გამოყოფილი ფინანსური რესურსების ათვისების პრობლემას. საქართველოს ხელისუფლებამ გააქტიუროს დევნილთა განსახლების დაფინანსებისთვის დონორი ორგანიზაციების მოძიება. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას, რომელშიც ჯანდაცვის სექტორია მიმოხილული. „ბოლო ხუთი წლის განმავლობაში ჯანდაცვის სექტორში ფასები მკვეთრად გაიზარდა. 2016 წელთან შედარებით 2021 წელს, მედიკამენტების ფასები +64%-ით გაიზარდა, ამბულატორიული მომსახურება +35%-ით, ხოლო ჯანმრთელობის დაზღვევა +31%-ით. ამ დროს კი კერძო დაზღვევით მოსახლეობის მხოლოდ 17% სარგებლობს. ბაზარზე კონკურენციის გაზრდისთვის მნიშვნელოვანია, სახელმწიფომ ახალი პრეპარატების რეგისტრაცია გახადოს უფრო მოქნილი და წაახალისოს კერძო დაზღვევა“. სრულად... წყარო: idfi.ge

თბილისი. საქართველოს სტრატეგიისა და განვითარების ცენტრი (GCSD) გიზიარებთ პუბლიკაციას „იკვლიე ნატო“. პუბლიკაცია აერთიანებს ექსპერტთა შეფასებებს ისეთ მნიშვნელოვან თემებზე, როგორიცაა ნატოს როლი საქართველოს თავდაცვისუნარიანობის განმტკიცების პროცესში, ასევე, ნატოს სამომავლო პერსპექტივები და სხვ. პუბლიკაცია მომზადდა პროექტს - „ისაუბრე, იკვლიე და აღმოაჩინე ნატო“ ფარგლებში, რომელსაც GCSD საქართველოში პოლონეთის რესპუბლიკის საელჩოს მხადაჭერით ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის (საია) ინფორმაციით, 2022 წლის მარტის ბოლოს გამოქვეყნდა ევროპარლამენტის საგარეო ურთიერთობების კომიტეტის მოთხოვნით გარე მკვლევარის მიერ მომზადებული ყოველწლიური ანგარიში საქართველოს მიერ ასოცირების ხელშეკრულებით ნაკისრი ვალდებულებების შესრულების პროგრესის შესახებ. ანგარიშის ავტორია სორბონის უნივერსიტეტის ასოცირებული პროფესორი და ევროპის კოლეჯის მოწვეული ლექტორი, ლორა დელკური. ორგანიზაცია აღნიშნავს, რომ დოკუმენტზე მუშაობის პროცესში ავტორმა კონსულტაციები გაიარა საქართველოს ახალგაზრდა იურისტთა ასოციაციასთანაც (საია). შესაბამისად, ანგარიშში არაერთხელ არის მოყვანილი საიას შეფასებები მიმდინარე პოლიტიკურ პროცესებსა და დემოკრატიულ რეფორმებთან დაკავშირებით. „ანგარიშის მიხედვით, 2020 წლის აპრილიდან და, განსაკუთრებით 2021 წლის ივლისიდან მოყოლებული, საქართველოში დემოკრატიული მმართველობის ხარისხი მკვეთრად გაუარესდა“. სრულად... წყარო: gyla.ge

თბილისი. სოციალური სამართლიანობის ცენტრი წარმოგიდგენთ ენ მაკლინტოკის ტექსტს „ოჯახური ქიშპობა: გენდერი, ნაციონალიზმი და ოჯახი“, რომელიც ავტორმა 1993 წელს დაწერა და გენდერისა და ნაციონალიზმის ურთიერთმიმართების შესახებ ერთ-ერთ ყველაზე გავლენიან სტატიას წარმოადგენს. „ავტორი ნაციონალიზმისთვის გენდერული წესრიგისა და ოჯახის მეტაფორის მნიშვნელობაზე, აფრიკანული და აფრიკული ნაციონალიზმების მაგალითებზე მესამე სამყაროს ნაციონალიზმის ჩამოყალიბების დინამიურ პროცესებზე და ამ პროცესებში ქალების როლზე საუბრობს“. წყარო: ორგანიზაციის გვერდი სოციალურ ქსელში

აჭარა. დიდი ტერორის ნეშტების ანთროპოლოგიური კვლევას ვროცლავის სამედიცინო უნივერსიტეტის სპეციალიტები განახორციელებენ. ისინი ინფორმაციის თავისუფლების განვითარების ინსტიტუტის (IDFI) და ბათუმისა და ლაზეთის ეპარქიის მოწვევით იმყოფებიან საქართველოში. ხელვაჩაურში აღმოჩენილი, 1937-1938 წლების დიდი ტერორის მსხვერპლთა მასობრივი სამარხიდან ამოსვენებული ნეშტების საფუძვლიანი, ანთროპოლოგიური შესწავლა დაიწყება. სრულად... წყარო: idfi.ge

თბილისი. საქართველოს პოლიტიკის ინსტიტუტის ორგანიზებით, პარტიული პოლიტიკის სკოლა 2022-ის გაზაფხულის სესია დაიხურა, რომელიც პროექტის „მდგრადი პოლიტიკური კულტურის გაძლიერება ქართულ პოლიტიკურ პარტიებს შორის“ პირველი ეტაპია. პროექტი ხორციელდება საქართველოში შვეიცარიის კონფედერაციის საელჩოს მხარდაჭერით და აერთიანებს როგორც პოლიტიკური პარტიების წევრებს, ისე სამოქალაქო საზოგადოების წარმომადგენლებს. სრულად... წყარო: gip.ge

თბილისი. რასობრივი დისკრიმინაციის აღმოფხვრის საერთაშორისო დღესთან, 21 მარტთან დაკავშირებით, ტოლერანტობისა და მრავალფეროვნების ცენტრი (TDI)  კვლევას აქვეყნებს.  „რასობრივი გამორჩევა საქართველოში - საპოლიციო სისტემაში ეთნიკური უმცირესობებისა და მიგრანტების მიმართ არსებული პოლიტიკა და პრაქტიკა“ - ასე ეწოდება კვლევას. სრულად... „რასობრივი გამორჩევა (racial profiling) გულისხმობს სამართალდამცველების დისკრიმინაციულ და სტერეოტიპულ ქმედებებს, როდესაც პირის მიმართ ეჭვი უჩნდებათ მისი კულტურული, ეთნიკური, ეროვნული, რელიგიური კუთვნილების ან კანის ფერის გამო“. წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) გამოაქვეყნა კვლევა: სამინისტროების 2021 წლის 9 თვის ბიუროკრატიული ხარჯების ანალიზი. „2021 წლის საწყის 9 თვეში სახელმწიფო ბიუჯეტიდან გაწეული ხარჯების ანალიზი აჩვენებს, რომ პანდემიით გამოწვეული კრიზისული მდგომარეობის მიუხედავად, საქართველოს ხელისუფლებამ ვერ უზრუნველყო ბიუროკრატიული ხარჯების ოპტიმიზაცია. IDFI კიდევ ერთხელ მოუწოდებს ხელისუფლებას უზრუნველყოფილ იქნას საბიუჯეტო ხარჯების მაქსიმალური გამჭვირვალობა. კერძოდ, კანონის მოთხოვნების შესაბამისად, უზრუნველყოფილი იყოს საჯარო ინფორმაციის დროული და სრულყოფილი გაცემა, მთავრობის დადგენილების შესაბამისად ინფორმაციის პროაქტიული გამოქვეყნება, ხოლო შიდა აუდიტორული ანგარიშების საჯაროობის საკითხზე იხელმძღვანელონ სასამართლოს მიერ დადგენილი სტანდარტებით“. სრულად... წყარო: idfi.ge