თბილისი.საზოგადოებრივი ორგანიზაციები ერთობლივ განცხადებას ავრცელებენ – „ხელისუფლება სამოქალაქო საზოგადოების წევრებისა და საერთაშორისო პარტნიორების შევიწროების გზით ეროვნულ ინტერესებს საფრთხეში აგდებს“.  „ორგანიზაცია „კანვასისა“ და „კანვას საქართველოს“ მიმართ გაკეთებული ცილისმწამებლური განცხადებებით, ხელისუფლება ცდილობს, შეზღუდოს ადამიანები, რომლებმაც იციან და სხვებსაც ასწავლიან, როგორ დაიცვან საკუთარი ინტერესები, ხმა და უფლებები არაძალადობრივად“, ნათქვამია განცხადებაში.  სრულად...  წყარო: ღია საზოგადოების ფონდი

თბილისი. საზოგადოებრივი ორგანიზაციების წარმომადგენლები ევროკომისიის პრეზიდენტს ურსულა ფონ დერ ლეიენს მიმართავენ. მასში ნათქვამია, რომ ევროპას ქართველი ხალხის გულსა და მისწრაფებებში საუკუნეების განმავლობაში განსაკუთრებული ადგილი ეკავა და ის საქართველოს ისტორიულ არჩევანს და საგარეო პოლიტიკის უმთავრეს პრიორიტეტს წარმოადგენს.  „(...) მოცემულ რთულ გეოპოლიტიკურ ვითარებაში საქართველოს წინაშე სერიოზული უსაფრთხოების გამოწვევებია. ამ დროს კანდიდატის სტატუსის მინიჭება საქართველოს უსაფრთხოების განმტკიცებაში მნიშვნელოვანი წვლილი იქნება, რაც საქართველოს მისცემს შესაძლებლობას, მეტი ძალისხმევა გასწიოს დემოკრატიული რეფორმების განსახორციელებლად.  ჩვენ, სამოქალაქო საზოგადოების ორგანიზაციები, ვიმედოვნებთ, რომ ევროპული კომისია საქართველოსთვის ევროკავშირის კანდიდატი ქვეყნის სტატუსის მინიჭების რეკომენდაციას გასცემს. ეს იქნება საქართველოს ისტორიული არჩევანის აღსრულებაში კიდევ ერთი ეტაპი, შეასრულებს კატალიზატორის როლს დემოკრატიული რეფორმების გაგრძელებასა და ინსტიტუტების გაძლიერებაში და განამტკიცებს როგორც საქართველოს, ასევე ევროპის უსაფრთხოებას“. სრულად... წყარო: grass.org

სამეგრელო. სოციალური სამართლიანობის ცენტრმა, მოსახლეობის სახელით, სასამართლოს განცხადებით მიმართა და „დავის განხილვის ვადით, ბალდის კანიონის ტერიტორიაზე კერძო კომპანიის მიერ სამუშაოების შეჩერება მოითხოვა“.  ორგანიზაცია მიიჩნევს „რომ დაცული ტერიტორიების სააგენტოს მიერ ბუნების ძეგლის განკარგვის პროცესი ააშკარავებს იმ სისტემურ და ფუნდამენტურ ჩავარდნებს, რომლებიც გარემოსდაცვით საკითხებზე გადაწყვეტილების მიღების პროცესს ახასიათებს საქართველოში.  ეს ჩავარდნები არ შემოიფარგლება მხოლოდ ერთი სექტორით და თანაბრად პრობლემურია წიაღისეულის მოპოვების, ენერგეტიკული და ინფრასტრუქტურული პროექტების, ურბანული განვითარების და დაცული ტერიტორიების მართვის თაობაზე სხვადასხვა უწყებების მიერ გადაწყვეტილებების მიღებისას, რომლებიც ადგილობრივების უფლებების და ინტერესების სრული უგულებელყოფით წარიმართება.“ სრულად... წყარო: სოციალური სამართლიანობის ცენტრი 

თბილისი. სამოქალაქო პლატფორმა „არა ფობიას!“ ეხმიანება 2023 წლის 21 სექტემბერს საქართველოს პარლამენტის მიერ თავდაცვის კოდექსის და კოდექსთან დაკავშირებული კანონპროექტის მე–3 მოსმენით მიღებას. პლატფორმა მიიჩნევს, რომ „მიღებული ცვლილებები არ შეესაბამება ადამიანის უფლებათა სტანდარტებს“. სრულად...  წყარო: gdi.ge

შიდა ქართლი.გორში მშვიდობის საერთაშორისო დღეს, 21 სექტემბერს, ღონისძიება გაიმართა, რომელსაც რეგიონში მცხოვრები დევნილები, კონფლიქტით დაზარალებული ქალები და ადმინისტრაციულ გამყოფ ხაზთან მდებარე სოფლების მოსახლეობა დაესწრო.  ღონისძიების ორგანიზატორი იყო ადგილობრივ ქალთა ორგანიზაცია “მშვიდობის კვლევის ცენტრი თბილისი”, ხოლო მხარდამჭერები ევროკავშირი (EU) და გაეროს განვითარების პროგრამა (UNDP), EU4Dialogue პროექტის ფარგლებში. სრულად... წყარო: ევროკავშირის წარმომადგენლობა საქართველოში

თბილისი. კონსულტაციისა და ტრენინგის ცენტრი სამოქალაქო საზოგადოების ორგანიზაციებისთვის 3 დღიან სამუშაო შეხვედრას გამართავს.  შეხვედრის თემაა „სოციალური ინოვაციები სამოქალაქო საზოგადოებისთვის.“  სამუშაო შეხვედრის ჩატარების თარიღებია: 1, 2 და 3 ნოემბერი.  შეხვედრა ტარდება პოლონური ორგანიზაცია „Shipyard”-ის წამყვან ექსპერტებთან ერთად, რომლებიც უკვე მრავალი წელი მუშაობენ პოლონეთში სოციალური ინოვაციების ხელშეწყობის მიმართულებით. სრულად... წყარო: სოციალური ინოვაციები 

თბილისი. გამჭვირვალობა საქართველო, სამართლიანი არჩევნები და საია ერთობლივ განცხადებას ავრცელებენ „სამართლებრივი განმარტებები ოთარ ფარცხალაძის მოქალაქეობის საკითხებზე“.  „სებ-ის მხრიდან ბრძანებაში ცვლილების შეტანის დრო და გარემოებები აჩენს დასაბუთებულ საფუძველს, რომ ეს სწორედ ერთი პირის, ოთარ ფარცხალაძის ინტერესებს ემსახურება, რაც მიუღებელი და შეუთავსებელია კონსტიტუციურ წესრიგთან. ნებისმიერ კონტექსტში მის მიმართ საქართველოს მოქალაქისთვის განკუთვნილი იურიდიული გარანტიების კუთხით აპელირება მოკლებულია საფუძველს. ის ფაქტი, რომ ფორმალურად იგი ჯერ კიდევ ფლობს საქართველოს მოქალაქეობას, კანონის დარღვევას წარმოადგენს“., ნათქვამია განცხადებაში. სრულად... წყარო: საერთაშორისო გამჭვირვალობა საქართველო

გურია. პროექტი „სკოლის მოსწავლეებში მოქალაქეობის კომპეტენციის განვითარებისა და ცოდნის პრაქტიკული გამოყენების ხელშეწყობის პროგრამა“ - გრძელდება.  პროექტის ფარგლებში ოზურგეთის N2 საჯარო სკოლაში ჩატარდა სამუშაო შეხვედრა მშვიდობის მშენებლობის შესახებ.  შეხვედრის მიზანია მხარი დაუჭიროს ახალგაზრდებს განივითარონ ცოდნა უნარები და შესაბამისი დამოკიდებულებები კონფლიქტების ანალიზის გაგების, ტრანსფორმაციისა და მშვიდობის მშენებლობის მიმართულებით. სრულად... წყარო: თაობათა დიალოგი

სამეგრელო.საერთაშორისო გამჭირვალობა-საქართველო ევროკავშირის კანდიდატობის სტატუსის შესახებ შეხვედრებს მართავს.  ანაკლიაში ამ საკითხებზე, ადგილობრივ მოსახლეობასთან დისკუსიები გაიმართა.  ასევე შეხვედრაზე განხილული იყო ევროპელი პარტნიორების მოლოდინები და ის ნაბიჯები, რომელიც ქვეყნის სტატუსის მიღების გზაზეა გადასადგმელი. შეხვედრები იმართება USAID-ის სამოქალაქო საზოგადოების ჩართულობის პროგრამის მხარდაჭერით. სრულად... წყარო: საერთაშორისო გამჭვირვალობა-საქართველო

ეკონომიკური პოლიტიკის კვლევის ცენტრი „ლე ფიგაროს“ ჟურნალისტის, იზაბელ ლასერის სტატიას ავრცელებს.  „მოახერხებს თუ არა დასავლეთი ძალთა დღეს არსებული წონასწორობის შესაცვლელად აუცილებელი პოლიტიკური ნების გამოვლენას და შესაბამისი სამხედრო დახმარების გაწევას? გაკეთდა თუ არა საჭირო დასკვნები საქართველოზე 2008 წელს თავდასხმის და ყირიმის 2014 წლის ანექსიის შემდეგ?" სრულად... წყარო: ეკონომიკური პოლიტიკის კვლევის ცენტრი 

თბილისი.ურბანული კვლევების ცენტრი გმირთა მოედნის სიახლოვეს მრავალფუნქციური ცენტრის აშენებას ეხმაურება.  „მიგვაჩნია, რომ დაგეგმილი განაშენიანება ეწინააღმდეგება მდგრადი და მედეგი განვითარების პრინციპებს, საქართველოს კანონს კულტურული მემკვიდრეობის შესახებ, დედაქალაქის მიწათსარგებლობის გენერალური გეგმისა და სატრანსპორტო პოლიტიკის პრინციპებსა და ამოცანებს. დაგეგმილი განაშენიანება არსებითად შეცვლის მთლიანად თბილისის ისტორიული ნაწილის სივრცით-გეგმარებით სტრუქტურას, მოსპობს ვერეს ხეობისა და მტკვრის სანაპიროს ღია და სარეკრეაციო სივრცეების შეკავშირების პოტენციალს და უარყოფით ზეგავლენას იქონიებს სატრანსპორტო მდგომარეობაზე,“  – აღნიშნულია განცხადებაში სრულად... წყარო: ურბანული კვლევების ცენტრი

საქართველოში გამოკითხულ მოქალაქეთა 84% მიიჩნევს, რომ საქართველოს კარგი ურთიერთობა აქვს ევროკავშირთან, რომელიც კვლავაც რჩება ყველაზე სანდო საერთაშორისო ინსტიტუციად (78%). კვლევა აღმოსავლეთ პარტნიორობის პროგრამის ფარგლებში ჩატარდა, რომელიც აღმოსავლეთ პარტნიორობის 6 ქვეყანაში 2016 წლიდან მოყოლებული ყოველწლიურად ტარდება. სრულად... წყარო: ევროკავშირის წარმომადგენლობა საქართველოში

თბილისი.„რა ქვეყანასაც ჩვენ ვაშენებთ, რა ოცნებაც ჰქონდა ილია ჭავჭავაძეს, ეს იყო ევროპული კულტურისა და ევროპული ოჯახის საზოგადოება აგვეშენებინა. ამის მთავარი ფუნდამენტი თანასწორობის პრინციპზე აგებული საზოგადოებაა”, - ამბობს რუსუდან გოცირიძე, საქართველოს ევანგელისტურ-ბაპტისტური ეკლესიის ეპისკოპოსი.  რუსუდან გოცირიძის „საუბრები უფლებებსა და თავისუფლებებზე“ ეძღვნება თანასწორობას, წარმატებული და ღირსეული მომავლის მქონე საზოგადოების უმნიშვნელოვანეს ღირებულებას.  „საუბრები უფლებებსა და თავისუფლებებზე“ სექტემბრის ბოლოს დაბრუნდება. ევროკავშირთან და თბილისის მუზეუმების გაერთიანება - ილია ჭავჭავაძის ლიტერატურულ მუზეუმთან ერთად, ახალ თემებს, ახალ ხედვებს და არაჩვეულებრივ გამომსვლელებს შემოგთავაზებთ.  სრულად...   წყარო: გაეროს განვითარების პროგრამა

თბილისი. მორიგი გადაცემა ციკლიდან „დილის საუბრები დემოკრატიაზე“ - რადიო თავისუფლებისა და ეკონომიკური პოლიტიკის კვლევის ცენტრის (EPRC) ერთობლივი პროექტი. ეთერში: ნინო გელაშვილი, რადიო თავისუფლების ჟურნალისტი და ზაზა შენგელია, ეკონომიკური პოლიტიკის კვლევის ცენტრის (EPRC) უფროსი მკვლევარი. თემა: ევროკავშირისკენ გზა ერთიანობაზე გადის - როგორ შეიძლება მისი მიღწევა? ევროკავშირის უმაღლესი წარმომადგენლის საქართველოში ვიზიტის შედეგები.  ვიდეო წყარო: ეკონომიკური პოლიტიკის კვლევის ცენტრი

თბილისში უკრაინული სახლი გაიხსნა, როგორც ერთობის, თანადგომისა და თანამშრომლობის სიმბოლო.  უკრაინული სახლის ორგანიზატორია სათემო ორგანიზაცია „ქართულ-უკრაინული პლატფორმა“, რომელსაც მხარს უჭერს გერმანიის მთავრობა გაეროს განვითარების პროგრამის მეშვეობით.  რა არის უკრაინული სახლი?  1.25,000 უკრაინელის ხელშეწყობა, რომელთაც ომის დროს საქართველოს შეაფარეს თავი.  2.მრავალფუნქციური საოფისე და სათემო სივრცე, რომელიც ხელმისაწვდომი იქნება ყველა ორგანიზაციისა და მოხალისეობრივი ჯგუფისთვის, რომელიც საქართველოში მცხოვრებ უკრაინელებს ემსახურება.  3.ინფორმაციის ჰაბი უკრაინელებისთვის განკუთვნილი სოციალურ-ეკონომიკური სერვისების შესახებ.  4.შეხვედრებისა და ღონისძიებების ადგილი, რომელიც ხელს შეუწყობს ქართულ-უკრაინული კავშირების გაღრმავებას.  სრულად...  ქართულ–უკრაინული პლატფორმა წყარო: გაეროს განვითარების პროგრამა

თბილისი. არასამთავრობო ორგანიზაციები ტელეკომპანია „პირველის“ ეთერში გასულ სიუჟეტს ეხმაურებიან და ერთობლივ განცხადებას ავრცელებენ – „პრემიერ–მინისტრის მიერ პირადი მიზნებისთვის სახელმწიფო რესურსების შესაძლო გამოყენების ფაქტზე გამოძიება უნდა დაიწყოს“. „მოვუწოდებთ საქართველოს გენერალურ პროკურატურას ტელეკომპანია პირველის გადაცემა - “ნოდარ მელაძის შაბათში” 2023 წლის 9 სექტემბერს გასულ სიუჟეტში გადმოცემული შესაძლო დანაშაულის ნიშნების შემცველი ინფორმაციის საფუძველზე დაუყოვნებლივ დაიწყოს გამოძიება. ამის პარალელურად, არსებითია შემთხვევაზე მაღალი საზოგადოებრივი ინტერესის დაკმაყოფილების მიზნით, სახელმწიფო დაცვის სპეციალური სამსახურის საჯარო სამართლის იურიდიულმა პირმა,სახელმწიფო უზრუნველყოფის სააგენტომ, გაასაჯაროოს რეისთან დაკავშირებული ინფორმაცია, მათ შორის, ხელშეკრულება მხარეების მითითებით, ასევე, ხარჯთაღრიცხვასა და ანგარიშსწორებასთან დაკავშირებული დოკუმენტები“.  სრულად...  წყარო: საქართველოს ახალგაზრდა იურისტთა ასოციაცია

იმერეთი.ორგანიზაცია „თაობათა დიალოგი“ ონლაინ გამოკითხვას ატარებს, რათა საზოგადოების მოსაზრება გაიგოს თუ ვინ არის აქტიური მოქალაქე.  1.ის, ვინც გეგმავს სამოქალაქო ღონისძიებებს?  2.ის, ვინც ერთვება ახალგაზრდულ აქტივობებში?  3.ის, ვინც ახორციელებს პოლიტიკურ საქმიანობას? მიიღე მონაწილეობა ონლაინ გამოკითხვაში.  სრულად...  წყარო: თაობათა დიალოგი

თბილისი.ეროვნული არქივის კინოსაცავში გაჩენილ ხანძარს გამოეხმაურა ორგანიზაცია „საბჭოთა წარსულის კვლევის ლაბორატორია“.  "მიუხედავად იმისა, რომ ჯერ დაზუსტებით არაა დადგენილი რა პერიოდის და რა მოცულობის მასალა დაიღუპა აუნაზღაურებლად, მომხდარი ტრაგედია კიდევ ერთხელ წარმოაჩენს მეხსიერებისადმი სახელმწიფოს ზერელე, ხშირად კი დესტრუქციულ მიდგომას, რომელიც მაქსიმალურად ზღუდავს არქივებზე წვდომას. წლების განმავლობაში, არქივებზე წვდომის ხელოვნური შეზღუდვების ზრდისა და მკვლევართათვის სისტემატიური ხელის შეშლის ფონზე, ძნელია ნდობით მოვეკიდოთ მტკიცებას იმის შესახებ, რომ ყველა განადგურებული ფირი გაციფრულებულია. სწორედ ამიტომ, მოვითხოვთ: კატასტროფის შედეგების შემსწავლელი ღია ფორმატის კომისიის შექმნას, რაც უზრუნველყოფს საზოგადოების მაქსიმალურ კონტროლს, გამჭვირვალეობას და მოქალაქეთა ინფორმირებულობას;   კატასტროფაზე როგორც ინდივიდუალური, ასევე სისტემური პასუხისმგებლობის დაკისრებას“.  სრულად...  წყარო:საბჭოთა წარსულის კვლევის ლაბორატორია

კახეთი. რა ხდება რეგიონებში? სოციალური სამართლიანობის ცენტრი რეგიონებიდან ვიდეოებს აქვეყნებს.  რუბრიკა „სათქმელი“ ამჯერად პანკისის ხეობაში არსებულ მდგომარეობაზე გვიამბობს.  ლუიზა მუოთშვილი: "ძალიან მაღალია მიგრაცია ხეობაში. ფაქტობრივად, დაიცალა აქაურობა ახალგაზრდა, ინტელექტუალური თაობისგან... და აქ ძალიან მნიშვნელოვანია, რა აიძულებთ ახალგაზრდებს დატოვონ ხეობა".  სრულად...  წყარო: სოციალური სამართლიანობის ცენტრი

თბილისი. ევროკავშირის გადაწყვეტილებამდე საქართველოსთვის კანდიდატის ქვეყნის სტატუსის მინიჭების საკითხზე რამდენიმე თვეა დარჩენილი.  ახალი საზოგადოებრივი პლატფორმა „საქართველოს ევროპული ორბიტა“ აწყობს საჯარო ღონისძიებას: „ვიმოქმედოთ ევროკავშირის სტატუსისთვის!“.  შეხვედრა გაიმართება: 7 სექტემბერს, 19:00-21:00 საათზე, სასტუმრო “სტამბას” ამფითეატრში (მერაბ კოსტავას 14).  „საქართველოს ევროპული ორბიტა” ახალი საზოგადოებრივი პლატფორმაა, რომელიც ქმნის სივრცეს მათთვის, ვისაც სწამს საქართველოს ევროპული მომავლის და მზად არის არსებული გამოწვევები ქვეყნის განვითარების შესაძლებლობად აქციოს. სრულად...  წყარო: საქართველოს ევროპული ორბიტა

თბილისი. 9 ოქტომბერს, გაეროს გლობალური შეთანხმებისა და საქართველოს ქსელის ორგანიზებით, ევროპის სხვა ადგილობრივ ქსელებთან პარტნიორობით, საქართველოში პირველად, საერთაშორისო კონფერენცია Uniting Business Europe გაიმართება. მდგრადი განვითარების მიზნების უფრო ეფექტიანად მიღწევისთვის კონფერენცია გააერთიანებს ადგილობრივ და საერთაშორისო ბიზნეს ლიდერებს 30-ზე მეტი ქვეყნიდან, ხელისუფლების მაღალი რანგის წარმომადგენლებს, სამოქალაქო საზოგადოებას.  სრულად... წყარო: გაეროს გლობალური შეთანხმების ეროვნული ქსელი

თბილისი. ბიოლის ფონდი აქვეყნებს ანანო ცინცაბაძის სტატიას „გვაქვს უფლება ქალაქზე?“ სტატიაში ავტორი, თბილისის მაგალითზე დაყრდნობით, აანალიზებს ურბანული პოლიტიკის ძირითად გამოწვევებს და ამ გამოწვევების საპასუხოდ, ურბანული მოძრაობების მონაწილეთა, იდეების, პროტესტის ფორმების ცვლილებებს. სტატიაში ასევე მიმოხილულია სხვადასხვა დროს განვითარებული ურბანული პროტესტების შინაარსი და მათ ცვლილებათა მთავარი ტენდენციები და გამოწვევები, ქვეყნის დემოკრატიის მდგომარეობასთან კავშირში.  სტატია...  წყარო: ბიოლის ფონდი